Downloaded 11 times
More Related Content
Similar to Kontemporaryong_Programang_Pantelebisyon.pptx
Kontemporaryong_Programang_Pantelebisyon.pptx
- 1.
- 2. Sa pagtatapos ngaralin, ikaw ay inaasahang: Natutukoy ang mga tamang salita sa pagbuo ng isang puzzle na may kaugnayan sa paksa (F8PT-IIIe-f-31). Nailalahad sa sariling pamamaraan ang mga napakinggang pahayag o mensahe (F8PN-IIIe-f-30) Nahihinuha ang paksa, layon at tono ng akdang nabasa (F8PB-IIIe-f-31). Nasusuri ang isang programang napanood sa telebisyon ayon sa itinakdang mga pamantayan (F8PD-IIIe-f-31). Nagagamit sa pagsulat ng isang dokumentaryong pantelebisyon ang mga ekspresyong nagpapakita ng kaugnayang lohikal (F8PU-IIIe-f-32). Nagagamit nang wasto ang mga ekspresyong hudyat ng kaugnayang lohikal (dahilan-bunga, paraan-resulat) (F8WG-IIIe-f-32).
- 3. Paunang Pagtataya! Panuto: Suriinang sumusunod na palabas sa telebisyon. Isulat ang DP kung ito ay dokumentaryo, MS kung ito naman ay morning show, NP kung ang uri ng palabas ay news program, at VS kung ito ay variety show. _____ 1. 24 Oras _____ 6. The Voice Kid _____ 2. Eat Bulaga _____ 7. TV Patrol _____ 3. Investigative Documentaries _____ 8. Umagang Kayganda _____ 4. Reel Time _____ 9. I-Witness _____ 5. Sunday Pinasaya _____ 10. Unang Hirit
- 4. 1953 naitayo sabansa ang kauna- unahang estasyon ng telebisyon. James Lidenberg – Ama ng Telebisyon sa Pilipinas Siya ang may-ari ng Bolinao Electronics Corporation na tinawag na Alto Broadcasting System o ABS. Naipakilala ang telebisyon sa bansa noong 1953 nang ipalabas ng ABS sa Maynila ang DZAQ-TV.
- 5. Pagkalipas ng ilangtaon, nabili ng Chronicle Broadcasting Network (CBN) na pag-aari nina Eugenio at Fernando Lopez ang ABS kung kaya naitatag ang ABS-CBN Network. Ang ABS-CBN ang pinakamatanda at nangungunang TV Network sa bansa na may slogang “In the service of the Filipino.”
- 6. Bukod sa ABS-CBN,nabuo rin ang DZBB TV Channel 7 na mas kilala ngayon bilang GMA Network na itinayo ni Bob Stewart noong 1960. May slogan itong “Kapuso, anumang kulay ng buhay.” Noong 1960 rin nabuo ang isa pang estasyon, ang TV5 na dating kilala sa pangalang ABC 5 na pag-aari ng MediaQuest Holdings, Inc. Ito ay may slogang “Para sa Iyo, Kapatid!”
- 7. Binago ng telebisyonang paraan ng pagpapahayag natin sa mga kuwento o aral ng buhay. Dati, sinusubaybayan o inaabangan natin ang mga kuwento ng buhay na umaantig sa ating puso gamit ang mga imprenta o babasahin o kaya ay sa aktuwal na mga tanghalan. Dulot na rin ng pagsulong ng modernisasyon at teknolohiya ay nabuo ang telebisyon na higit na nagbigay-kulay at larawan sa mga pangyayari sa ating paligid gamit ang mga ilaw at kamera.
- 8. Mga Kontemporaryong Programa satelebisyon Children Show Educational Program Magazine Show Morning Show News Program Public Service Program Travel Show VarietyShow Youth-Oriented Program Drama Series
- 9. Children Show –mga programa o palabas sa telebisyon na ang pangunahing mithiin ay makuha ang atensyon ng mga bata sa paraang sila ay masisiyahan at mabibigyan ng impormasyon. Ang Art Angel, Batibot at Tropang Potchi ang ilan sa halimbawa ng palabas na ito.
- 10. Educational Program – tumatalakaysa mga bagay na noong una ay pinag- aaralan lamang sa pamamagitan ng mga nakalimbag na impormasyon. Ang ilan sa halimbawa nito ay Matanglawin, I Believe at Born to be Wild.
- 11. Magazine Show –isang programang pantelebisyon na nagpapalabas ng iba’t ibang napapanahong isyu, ito ay may kaunting panayam at komentaryo. Ang palabas na Rated K at Kapuso Mo, Jessica Soho! ay mga sikat na programang kabilang dito.
- 12. Morning Show –tinatawag din na breakfast television kung saan nag-uulat ang programa nang live tuwing umaga, ang mga mamamahayag ay may layuning makapaghatid ng mga napapanahong impormasyon sa manonood. Ang Umagang kay Ganda at Unang Hirit ay ilan lamang sa kilalang programa.
- 13. News Program – naghahatidng napapanahong kaganapan o pangyayari sa loob at labas ng bansa, ito’y kinapalolooban din ng ilang panayam at komentaryo. Kabilang ang TV Patrol at 24 Oras sa halimbawa nito.
- 14. Public Service Program –naghahatid ng tulong sa mamamayan o programang nagiging daan sa paghahatid ng tulong. Ang halimbawa ng programa ay ang Imbestigador, SOCO at Bitag.
- 15. Travel Show – naglalahadng paglalakbay sa iba’t ibang bayan o bansa at nagpapakilala sa mga produkto na matatagpuan dito. Ang palabas na halimbawa nito ay Biyahe ni Drew at Lakbai.
- 16. Variety Show – nagbibigayng tuon sa patimpalak sa pag-arte, pag-awit, pagsayaw at pagpapalabas ng isang comedy skit. Ang ilan sa halimbawa ay ang sikat na palabas na It’s Showtime at Eat Bulaga.
- 17. Youth-Oriented Program – nakatuonsa pagtalakay sa isyu ng kabataan. Karaniwang tema nito ay ang kanilang buhay pag- ibig. Ngunit hindi nawawala ang pagbibigay o paglalaan ng eksena sa pagpapahalagang pangkatuhan o moral values. Ang Growing Up, Luv U at Teen Gen ay napabibilang dito.
- 18. Drama Series –ito ay palabas na kinagigiliwan ng lahat, ito ay binubuo ng iba’t ibang tauhan na nagsasadula sa isang kuwento.
- 19. Saglit mangnatigil ang pamamayagpag ng telebisyon noong panahon ng paghahari ng Batas Militar ay sinasabing nang matapos ang yugto ng diktaturyal sa ating bansa ay sumilang ang isang uri ng pamamahayag o pagbabalita na maituturing na higit na liberal at mapusok ang anyo sapagkat ito ay tumatalakay sa mga napapanahong isyu sa kasalukuyan na tinatawag na dokumentaryong pantelebisyon. Dokumentaryong Pantelebisyon
- 20. Dokumentaryong Pantelebisyon Ito ayisang programa o palabas na naglalayong maghatid ng komprehensibo, mapanuri at masusing pinag-aralang proyekto o palabas na sumasalamin sa katotohanan ng buhay na kalimitang tumatalakay sa isyu, problema, kontrobersiyal na balita, at maging ng mga paksang may kinalaman sa kultura at pamumuhay sa ating lipunan. Ang dokumentaryong pantelebisyon ay maituturing na isang uri ng sining na ang pangunahing layunin ay magbigay ng mga tiyak at totoong impormasyong gigising sa isip at damdamin ng isang tao patungkol sa isang isyu.
- 21. Dokumentaryong Pantelebisyon Kilala salarangan ng dokumentaryong pantelebisyon ang mga batikang mamamahayag na sina Che-Che Lazaro, Jessica Soho, Kara David, Howie Severino, Sandra Aguinaldo, Jay Taruc at iba pa. Ang mga tanyag na dokumentaryong pantelebisyon sa bansa ay ang Reporter’s Notebook, I-Witness, Reel Time, Krusada, Investigative Documentaries, at iba pa.
- 23. Natutukoy ang mgatamang salita sa pagbuo ng isang puzzle na may kaugnayan sa paksa (F8PT-IIIe-f-31). PATAYO: 1 Tinatawag itong breakfast television kung saan nag-uulat ang programa nang live tuwing umaga. 2 Kuwadradong elektronikong kagamitan na nagbigay-kulay at larawan sa mga pangyayari sa ating paligid gamit ang mga ilaw at kamera. 3 Programang naghahatid ng tulong sa mamamayan. 5 Ang pangunahing mithiin ng show na ito ay makuha ang atensyon ng mga bata sa paraang sila ay masisiyahan at mabibigyan ng impormasyon. 8 Programang naghahatid ng napapanahong kaganapan o pangyayari sa loob at labas ng bansa. 9 Ang palabas na halimbawa nito ay Biyahe ni Drew at Lakbai.
- 24. Natutukoy ang mgatamang salita sa pagbuo ng isang puzzle na may kaugnayan sa paksa (F8PT-IIIe-f-31). PAHALANG: 4 Ang halimbawa ng programang ito ay Matanglawin, I Believe at Born to be Wild. 6 Isang programang pantelebisyon na nagpapalabas ng mga napapanahong isyu, ito’y mayroong panayam at komentaryo. 7 Higit na liberal at mapusok ang palabas na ito sapagkat ito ay tumatalakay sa mga napapanahong isyu sa kasalukuyan. 10 Nagbibigay ng tuon ang palabas na ito sa patimpalak sa pag-arte, pagawit, pagsayaw at pagpapalabas ng isang comedy skit.
- 25. Alam mo ba? Angrattan (siyentipikong pangalan: Calameae) na mula sa Arecaceae family ay isang uri ng halaman na kayang tumubo mula 250 hanggang 650 na metro. Ang halamang ito ay makikita sa Africa, India, at Timog-Silangang Asya. Ang ratan ay mayroong tendrils sa dulo ng mga dahon upang makaakyat sa ibang puno. https:// www.google.com/search?q=puno+ng+rattan&tbm =isch&chips=q:puno+ng+rattan,online_chips:plant: mixt8d_sfrk%3D&bih=545&biw=1242&hl=fil&sa=X&ve d=2ahUKEwjZ37jCzur9AhVKAN4KHaoBBzgQ4lYoAHo ECAEQJg#imgrc=uX7s3_FtLJqJVM
- 26.
- 28. Alam mo ba? 9/10na tao sa buong mundo ay hindi naniniwala sa “gender equality” at ang kanilang “bias” ay pabor sa mga lalake (75 bansa na may 80% populasyon sa buong mundo ang katumbas) Binanggit sa index na sumasalamin ang “gender bias” na ito sa lakas paggawa, edukasyon, at mga gawaing bahay. Makikita pa rin ang reyalidad ng misogyny at gender discrimination. Isa sa mga resulta ng pag-aaral, 40% ng mga kalahok ay naniniwalang mas kailangan ng mga lalake ang trabaho. Nangangahulugan ito na ipinagkakait pa rin sa mga kababaihan ang karapatang mamuhay nang malaya at maipakita ang kanilang magagawa. Human Development Reports. (2020). 2020 Gender Social Norms Index (GSNI). Mula sa https ://hdr.undp.org/content/2020-gender-social-norms-index-gsni?fbclid=IwAR1TGW5vj37D1Hi3KZogkqvBfcY-4GF5Rf9kKjyrZyUk7LhRWc1ZyGdw6DE
- 29. Mag-reflect Tayo! Papaano nakatutulong angdokumentaryongprogramang pantelebisyon sa pagtugon sa mga isyung panlipunan?
- 30. Mag-reflect Tayo! Ano angmalaking papel na ginagampanan ng mga dokumentaryong pantelebisyon sa iyong buhay bilang kabataan?
- 31. Dugtungan mo Ako! Mataposkong mapanood ang dokumentaryong I- witness ay natutunan kong. . . _____________________________________________________ _____________________________________________________ _____________________________________________________ ___
- 32. Dugtungan mo Ako! Natuklasanko sa araling ito na ang tungkulin ng dokumentaryong pantelebisyon ay. . . _____________________________________________________ _____________________________________________________ _____________________________________________________
- 33.
- 34. Ang Batang Magtatansoat Batang Magbabayuko Sina Joana Marie, 10 taong gulang at Andrew, 6 na taong gulang ay itinampok sa Reporter’s Notebook na ini-ere noong Marso 2013. Sila ay mga batang sa halip na nag-aaral ay naghahanapbuhay sa pamamagitan ng paghahanap ng piraso ng kable sa basurahan bunga ng kahirapan. Ang mga ito ay kanilang sinusunog upang makuha ang tanso.
- 35. Bagama’t pumutok angkableng kanilang sinunog ay hindi kinakitaan ng takot ang batang si Joana dahil ayon sa kanya ay gagawin niya ang lahat upang maibigay ang pangangailangan ng kanyang inang biyuda. Ang ganitong gawain ay tinatawag na extreme risk o isang uri ng mapanganib na child labor sa buong mundo ayon sa Maplecroft.
- 36. Samantala noong buwanng Agosto ng nasabi ring taon ay isa pang dokumentaryong kahawig ng mga batang magtatanso ang ipinalabas ng Reporter’s Notebook, ito ay ang mga batang magbabayuko. Sila ay mga batang naghahanap ng malalaking susong tinatawag na bayuko sa kabundukan sa halip na nag-aaral o pumapasok sa paaralan.
- 37. Sila ay sinaJohn Paul, Ronald, Gaspar, at Enteng, mga batang taga-Daraitan, Tanay, Rizal. Halos maghapon silang naghahanap ng bayuko sa bundok kaya’t pinagbabaon na sila ng pagkain ng kanilang magulang. Ito ay kanilang ibinebenta ng P3.00 hanggang P5.00 bawat isa kaya kumikita sila ng P30.00 hanggang P100.00 isang araw.
- 38. 1. Ano angnaramdaman mo nang iyong mabasa ang ulat? 2. Ano ang ipinakikita ng nasabing ulat nina Maki Pulido at Jiggy Manicad? 3. Kung ikaw ang nasa kanilang kalagayan, gagawin mo rin ba ang kanilang ginagawa? I-proseso Natin!
- 39. Sa paglalahad aymahalagang maipakita ang wastong pagkakasunod-sunod at ugnayan ng mga pangyayari. Kailangang lohikal na maipakita ang ugnayan upang madaling makuha o maunawaan ang mensaheng nais iparating ng nagsasalita o nagpapahayag. Ang paggamit ng mga pangatnig, pang-abay at iba pang ekspresyon ay makatutulong upang maipakita ang ugnayan ng mga pahayag. Isaisip Natin! Ekspresyong Hudyat ng Kaugnayang Lohikal
- 40. SANHI AT BUNGA Anglohikal na ugnayan ng sanhi at bunga ay dapat na maliwanag na Makita ng mga mambabasa o tagapakinig. Ang mga pangatnig na sapagkat, pagkat, palibhasa, dahil, kasi, kaya at iba ay madalas na ginagamit. Halimbawa: Nagsikap siyang mabuti sa kanyang pag- aaral kaya gumanda ang kanyang buhay. Bunga ng kahirapan ang maaga niyang pag- aasawa.
- 41. PARAAN at RESULTA Nagsasaadkung paano nakuha ang resulta. Ang pang- ugnay na sa ay karaniwang ginagamit sa ganitong pahayag. Halimbawa: Nagbago ang kanyang buhay sa tulong ng kanyang mga kaibigan. Sa sipag niyang mag- aral, nanguna siya sa klase.
- 42. KONDISYON at RESULTA Saugnayang ito, ipinakikitang maaaring maganap o sumalungat ang pangyayari kung isasagawa ang kondisyon. Ang pang-ugnay na kung, kapag, sana, sakali ay maaaring gamitin sa ugnayang ito. Halimbawa: Kung nagsisikap ka sa buhay, hindi ka mananatiling mahirap. Magiging matagumpay ka sa buhay kapag susundin mo ang payo ng iyong mga magulang.
- 43. PARAAN at LAYUNIN Isinasaadng ugnayang ito kung paano makakamit ang layunin gamit ang paraan. Ang mga pang-ugnay na upang, para, nang at iba pa ay ginagamit ditto. Halimbawa: Nagsikap siyang mabuti sa pag-aaral upang mabago ang kanyang buhay. Para makakuha nang mataas na marka, nag- aral siya nang mabuti.
- 44. PAG-AALINLANGAN at PAG-AATUBILI Ito aymagkaugnay sapagkat ang nag-aalinlangan o nagdududa ay nag-aatubili o hindi kaagad isinasakatuparan o pinaniniwalaan ang isang bagay. Gayundin, ang nag-aatubili ay bunga ng nag-aalinlangan. Ang mga salitang hindi sigurado, yata, tila, baka, marahil, at iba pa ay maaaring gamitin sa ganitong pahayag kasama na ang pang-ugnay na kaya, samakatuwid, kung gayon. Halimbawa: Tila mahirap ang sinasabi mo kaya hindi ko magagawa ang bagay na iyan. Marahil nakatulog siya nang maaga kaya hindi siya nakapag-reply sa chat ko.
- 45. PAGTITIYAK at PAGPAPASIDHI Ito ayugnayang nagsasaad ng katiyakan o kasidhian. Ilan sa mga salitang ginagamit dito ay ang siyang tunay, walang duda, sa katotohanan, talaga, tunay, siyempre kasama ang pang-ugnay na na at nang. Halimbawa: Talagang hindi hadlang ang kahirapan sa buhay upang magtagumpay. Nang dahil sa kanyang kasipagan, walang dudang makakpagtapos siya ng pag-aaral.
- 46. Layunin: Nakikilala angugnayang lohikal na taglay ng pangungusap. Panuto: Tukuyin kung anong uri ng ugnayang lohikal ang ginamit sa mga sumusunod na pangungusap. 1. Naabutan mo sana siya kung maaga kang dumating. 2. Napuri si Honesto sa kanyang pagsasabi ng katotohanan. 3. Si Alex ang pinakamahusay na karpintero, dahil dito siya ang naging foreman. 4. Tunay na ang kaginhawaan ay makakamtan sa pagsusumikap. 5. Itinaas niya ang kanyang kamay upang mapansin ng guro. Pagsasanay
- 47. Layunin: Nagagamit nangwasto ang mga ekspresyong hudyat ng kaugnayang lohikal (F8WG-IIIe-f-32). Panuto: Sumulat ng pangungusap ayon sa hinihingi ng bawat bilang gamit ang mga ekspresyong hudyat ng kaugnayang lohikal. 1. Ibigay ang sanhi at bunga ng pagtigil sa pag-aaral ng malaking bahagdan ng mga kabataang mag-aaral sa bansa. 2. Magbigay ng ilang paraan at resulta ng isang proyektong pangkabataan sa inyong lugar. 3. Sabihin ang isang bagay na atubili kang gawin dahil sa iyong pag- aalinlangan. 4. Ipahayag ang isang bagay na natitiyak mong tama at nais mong pasidhiin upang makatulong sa iba. 5. Magbigay ng isang kondisyon at resulta kapag gumawa ng isang hakbang na hindi pinag-iisipan. Pagsasanay