1. SEMANA BLANCA EN ANDORRA
CPI “Virxe da Cela”
Crónica de Antonio González López
Ao igual que hai dous anos, o Departamento de Educación Física organizou a
Semana Branca de deporte na neve, en concreto, fomos esquiar. O sábado, 14 de
xaneiro de 2012, dezaoito alumnos e alumnas de toda a ESO do CPI “Virxe da Cela”
marchamos nun autobús, con ganas de ver mundo, cara ó Principado de Andorra.
Saímos do Xestal (do lado do polideportivo), ás nove da noite, cara a Ferrol, a recoller
ós do CIFP “Rodolfo Ucha Piñeiro”, que tamén ían esquiar. A viaxe, aínda que algo
pesada, foi moi amena, pois houbo música e contos “a todo gas”. Pasamos por Valcarce,
por unha estación de servizo da provincia de Burgos, etc. Pola mañá cedo chegamos a
Aragón, á provincia de Zaragoza, onde almorzamos. Logo disto, proseguimos a nosa
viaxe por Lleida, por unha estrada na que cada vez subíamos máis, ata chegar a
Andorra, nos Pirineos.
Así que chegamos a Andorra, fomos ata El Tarter, onde estaba a parte baixa da
estación de esquí Soldeu – El Tarter, de Grandvalira. Alí alugámolo material de esquí
(botas, esquís e bastóns). Había pouca neve, a maior parte era artificial, producida por
uns grandes canóns, pero foi suficiente para disfrutar dunha semana excepcional.
Despois de alugar o material, fomos ó Hotel Siracusa, onde nos hospedamos, e fomos
xantar e coñecer a cidade de Andorra la Vella. Os que imos por segunda vez, pois hai
dous anos tamén fomos, coincidimos en que este ano disfrutamos moito máis, pois estar
unha tempada fóra da casa sempre vén ben, á parte, con coñecementos previos de esquí,
aínda que fosen poucos, disfrutamos máis que da primeira vez (e debemos caer algo
menos).

2. As monitoras de esquí eran moi agradables e correxíannos os erros que
cometiamos. A estación de esquí tamén estaba moi ben. Madrugabamos, pero faciámolo
de boa gana (había ansia). Ás oito da mañá estábamos almorzando, e a redor das nove e
media – dez menos cuarto da mañá xa estábamos esquiando. Aínda que houbo algún
accidentado e algunhas indisposicións, en xeral pasámolo tod@s moi ben. Alí facíase
noite moi cedo, polo que ás cinco da tarde marchabamos da estación, pero no hotel
había festa, feira e todo o que se poida imaxinar, en definitiva, unha viaxe inesquecible.
Espero, persoalmente, que aqueles que foron a Andorra, de 1.º e 2.º da ESO, e os
próximos que virán, volvan a unha viaxe tan fantástica como foi esta, pois se volvemos
os que estamos en 3.º, non será moi bo sinal… Excepcional, inesquecible… Non se
poden definir as experiencias que alí tivemos, o ben que o pasamos nas pistas, no hotel,
no balneario, no bus, o moito que nos rimos e o que aprendimos… Penso que xamais
nos esqueceremos da Semana Branca do 2012, do 14 ó 21 de xaneiro de 2012.
As anécdotas son moitas, e lembrarémolas cos vídeos e as fotos. A espectacular
caída de Adrián Allegue e Cintia, o fallo de tracción da Kawasaki (algo que só
entendemos os que fomos), o ataque de bólas de neve ós profesores, as gargalladas no
comedor do hotel e no corredor, o balneario, o que nos rimos cos reloxos, o que nos
rimos do sono dos demais no autobús (na viaxe de ida, os que nos rimos
maioritariamente fomos Adrián Carballeira, Óscar Vidal e mais Antón, porque non
durmimos) pois algún tiña o sono moi profundo.
Seguramente, os do hotel quedaron descansados de nós, que aínda que non
teñamos reputación de caladiños e formais, o caso é pasalo ben. O aragonés da tenda de
recordos e o dependente do supermercado debéronnos botar de menos. De boa gana
quedaríamos outra semana aló, pero voltar á rutina foi a nosa única posibilidade.
O que faciamos tódolos días en Andorra, era o seguinte:
• 7:00 – 7:30 Erguiámonos e poñíamo-lo traxe de esquí.
• 8:00 Almorzo.
• 8:30 Iamos cos de Ferrol á estación.
• Poñíamo-las botas, colliamos o telecabina (a partir do terceiro día iamos en
telesillas) e comezábamos a esquiar libremente.
• Ás 12:00 comezaban as leccións de esquí alpino coas monitoras da “Escola de
esqui i snowboard de Grandvalira”.
• 14:15 Xantar na estación.
• 15:00-16:30 Esqui libre.

3. FOMOS A ESQUIAR A ANDORRA EN XANEIRO DO 2012
Alumnas e alumnos de 1.º da ESO:
• Cintia Grueiro Buján.
• Sofía Pena Freire.
• Iván Miño.
• Adrián Filgueiras.
• Manuel Santamariña Ruiz de León.
• Álex
• Pablo
Alumnos de 2.º da ESO:
• Adrián Allegue García.
• Adrián Carballeira Maroño.
• Iago Vázquez Cagiao.
• Miguel García Martín.
Alumna e alumnos de 3.º da ESO:
• Elisa Fernández Martínez.
• Óscar Vidal Couceiro.
• Antonio González López.
Alumno e alumnas de 4.º da ESO:
• Iván Torrado Morado.
• Alba Gómez Seijo.
• María Santamariña Ruiz de León.
• Marta Vidal Martínez.
Profesores e acompañantes:
• Pilar Castro Arias, profesora de E.F.
• Manuel Antonio Sánchez García, profesor de TEC.
Estes todos fomos esquiar a Andorra, e tamén nos lembramos de Manolo, de Jesús e
de Jose. Cativ@s do Xestal que fostes a Andorra, non vos esquezades das que foron as
cancións da viaxe por excelencia, que foron as de “Eu como un bisté” e a de “Ai s’eu lle
tenso”. Temos que preparar un videoclip con Xesteira Films!!!!!
Monfero, a 4 de febreiro de 2012.