1. QUE VEÑA A CHUVIA!
EDUCACIÓN VIAL
ADEUS AO 2017... OLA 2018
OS NOSOS RETOS
COMO NOS GUSTA A PISCINA
“La Voz de la Barcia” é unha publicación trimestral que elaboraremos dentro do programa “Prensa-
Escuela” organizado polo xornal “La Voz de Galicia”. A través del o alumnado do 3º nivel poremos
en práctica as nosas dotes periodísticas e intentaremos contar como foi o noso curso escolar, as
tarefas que realizamos, as noticias do colexio…
Dende a redacción deste xornal esperamos que vos guste e que esteades desexando que chegue
Semana Santa para ver unha nova entrega!
Unha das actividades que realizamos este trimestre foron os
retos entre a aula 3 e 5, como exemplo “QUE É O
VEROÑO?”. E que ben responderon os da aula 3!
“É unha palabra formada por parte dos nomes das estacións do
verán e outono para expresar o tempo no outono no que hai altas
temperaturas”
Aínda que o pasamos xenial en tódalas actividades, sen dúbida é
a piscina a nosa actividade favorita!. Tódolos martes antes e
despois do recreo poñemos o traxe de baño, gorro, chanclas,
toallas e todos e todas para a auga!
Os mércores as aulas 3 e 5 xuntámonos na biblioteca do colexio a traballar
co xornal. Nestas sesións falamos moito da falta de auga, da seca e das súas
consecuencias: embalses case baleiros, restricións de auga, os incendios, a
contaminación... todo isto tamén nos serviu para aprender o ciclo e os
estados da auga.
Moitas noticias que aparecen no xornal permítenos
recordar as principais normas como condutores e/ou
peóns: como cruzar a estrada, por onde debemos
camiñar, os semáforos e sinais de tráfico, nin unha gota
de alcohol se vas a conducir....
O alumnado da aula 3 e 5 queremos desexarvos
un BO NADAL e un próspero ANO NOVO 2018.
Para a volta de vacacións os/as nosos/as
mestres/as teñen en mente moitísimas ideas e
seguro que nos poñen a traballar dende o
primeiro día. Se queredes coñecernos un
pouquiño máis visitade os nosos blogs!
http://ceeabarcia.blogspot.com.es/
http://blogs.prensaescuela.es/ceeabarciaa5/
2. O OUTONO DEPORTE ADAPTADO
UN DÍA NA CORUÑA
O xoves 26 de outubro saímos de Santiago en
autobús ás 10:20 e chegamos A Coruña ás 11:30.
Entramos no acuario Finisterrae e fomos a zona onde
estaba as focas para ver como lles daban de comer.
Despois subimos e vimos a sala Naitilus nas que
había quenllas, raias, douradas, robalizas, morenas…
Nas outras salas vimos polbos, cabaliños de mar…
Ao saír fomos a Torre de Hércules.
Comemos no Parque de Santa Margarita e estivemos xogando mentres esperabamos para entrar na
Casa das Ciencias.
Na Casa das Ciencias vimos o Planetario e unha película titulada “A nena que sabía camiñar ao
revés”. Cando rematou estivemos vendo unha exposición de diferentes aparellos baseados en
teorías científicas moi interesantes.
Despois merendamos e fomos para o autobús. Chegamos a Santiago ás 19:30.
Foi unha excursión moi divertida onde pasámolo xenial!
Varias aulas do cole fomos a unha exhibición de
Baloncesto Paraolímpico. Alí realizamos diversas
actividades: facer un recorrido en cadeira de rodas,
lanzamos unha pelota branca e despois tiñamos que
lanzar o máis preto posible outras dúas pelotas,
xogamos ao baloncesto en cadeira de rodas... pasámolo
moi ben e gustounos moito estas actividades.
E chegan as festas do Outono. A primeira que celebramos foi o Samaín!. Que ben o pasamos,
disfrazámonos, pintamos a cara, fixemos figuras de barro, contamos contos de medo, pintamos
cabazas, fixemos un mural....
E poucos días despois celebramos o Magosto. Que ricas que están as castañas da Barcia!. Fomos
os encargados de preparar as castañas cocidas!.
Toda a Barcia saíu ao patio cuberto onde comemos as castañas e despois xogamos a busca da
castaña, fixemos maracas con castañas e globos e buscamos nas caixas segredas!.
E chegou o outono!. As aulas 3 e 5 fixemos varias actividades
relacionadas con esta estación onde moitas árbores perden as
follas, o tempo vólvese máis frío, os días máis curtos e as noites
máis longas. Unha desas actividades foi esta árbore que está no
corredor, xusto diante da aula 3.
