2. O corpo humano
• O corpo humano divídese externamente en
tres partes:
– Cabeza.
– Tronco: formado polo tórax (peito) e o abdome
(barriga).
– Extremidades: divídese en dúas partes:
• Extremidades superiores: brazo, antebrazo e man.
• Extremidades inferiores: coxa, perna e pé.
3. O corpo humano
• Internamente, o corpo humano está formado por
diferentes órganos que colaboran entre si para que
este funcione de forma correcta:
– Os ósos, os músculos, as articulacións e os tendóns
sérvennos para sosternos e realizar tódolos movementos.
– O cerebro dirixe o funcionamento de tódolos demais
órganos do corpo.
– A maioría dos órganos internos forman parte dos
diferentes aparellos que funcionan dentro do noso corpo:
aparello dixestivo, aparello respiratorio, aparello excretor,
aparello circulatorio, aparello locomotor, aparello
reproductor.
4. As funcións vitais
• As persoas realizamos tres funcións vitais:
– Función de nutrición: consiste en tomar alimentos e obter deles a enerxía e os
materiais que necesitamos. Nela interveñen:
• O aparello dixestivo: obtén as substancias necesarias que conteñen os alimentos.
• O aparello respiratorio: introduce osíxeno do aire no corpo para extraer a enerxía
dos alimentos.
• O aparello excretor: expulsa as substancias de refugo que se producen dentro do
corpo durante a nutrición.
• O aparello circulatorio: reparte o osíxeno e as substancias útiles dos alimentos a
todo o corpo e retira as substancias de refugo.
– Función de relación: consiste en captar información do exterior do corpo e
responder a ela. Nesta función interveñen:
• Os órganos dos sentidos: captan a información do exterior (oído, vista, gusto,
olfacto e tacto).
• O sistema nervioso: interpreta a información dada polos sentidos (cerebro e
nervios).
• O aparello locomotor: realiza a resposta á información recibida (ósos, músculos,
articulacións e tendóns).
– Función de reprodución: consiste en que dúas persoas de diferente sexo
teñan fillos. Nela interveñen:
• O aparello reprodutor feminino (muller).
• O aparello reprodutor masculino (home).
5. Etapas da vida
As persoas pasamos ao longo da nosa vida por diferentes etapas nas que
medramos e cambiamos. Estas son:
A infancia: dura dende que nacemos ata os 12 anos. É a etapa na que máis
medramos e cambiamos. Saen os dentes pouco a pouco. Aprendemos moitas
cousas. Empezamos a ter amigos. Somos dependentes.
A adolescencia: dura dende os 12 aos 16 anos. O corpo e a mente
transfórmanse e xurden as diferencias entre homes e mulleres (pubertade).
Empezamos a ser máis independientes e a desenvolver os nosos gustos
persoais.
A idade adulta. Deixamos de medrar e cambiamos lentamente. Xa temos o
corpo totalmente desenvolto e preparado para ter fillos. Somos responsables
e independientes.
A ancianidade. Perdemos axilidade, forza e resistencia. O pelo vólvese branco
e a pel engúrrasenos. Somos moi sabios.
6. En que se diferencian as persoas?
As persoas diferenciámonos en:
- O sexo: os homes e as mulleres temos aparatos
reprodutores diferentes.
- A constitución: as persoas podemos ser gordas ou
delgadas, anchas ou estreitas.
- A altura: as persoas podemos ser altas ou baixas.
- Os trazos persoais: a cor dos ollos, a cor do pelo, a
forma do nariz, a forma da boca, a voz, a cor da
pel...
7. En que se diferencian as persoas?
A pel
A pel cobre o noso corpo e protéxeo do exterior. É
o órgano do sentido do tacto, por a pel
sentimos se fai frío ou calor, a dor…
A pel da cabeza está cuberta por abundante pelo,
pero no resto do corpo temos uns peliños máis
curtos e finos chamados peluxe.
A pel contén unha substancia chamada melanina
que nos protexe do sol. Esta fai que a pel se
escureza cando tomámolo sol.
8. En que se diferencian as persoas?
Aparellos reprodutores
Os homes e as mulleres temos diferentes aparellos
reprodutores, aparello reprodutor masculino e
aparello reprodutor feminino, que alcanzan a súa
madurez na adolescencia. Para ter fillos estes dous
aparellos teñen que entrar en contacto e dar lugar
á reprodución sexual. Tamén se di que somos
vivíparos, pois nacemos vivos do interior do corpo
das nosas nais. Ademais de sermos moi parecidos
aos nosos pais porque herdamos as súas
características.