17. ANALIZAR E COMPARAR DÚAS CANTIGAS
SEDIAME EU NA ERMIDA DE SAN SIMON
(Mendiño)
Sediame eu na ermida de San Simon
e cercaronmi as ondas, que grandes son;
¡eu atendendo o meu amigo,
eu atendendo o meu amigo!
Estando na ermida ante o altar,
e cercaronmi as ondas grandes do mar;
¡eu atendendo o meu amigo,
eu atendendo o meu amigo!
E cercaronmi as ondas, que grandes son;
non hei barqueiro nen remador;
¡eu atendendo o meu amigo,
eu atendendo o meu amigo!
E cercaronmi as ondas do alto mar;
non hei barqueiro nen sei remar;
¡eu atendendo o meu amigo,
eu atendendo o meu amigo!
Non hei barqueiro nen remador,
Morrerei fremosa no mar major;
¡eu atendendo o meu amigo,
eu atendendo o meu amigo!
Non hei barqueiro nen sei remar;
morrerei fremosa no alto mar;
¡eu atendendo o meu amigo,
eu atendendo o meu amigo!
ONDAS DO MAR DE VIGO
(Martín Códax)
Ondas do mar de Vigo
Ondas do mar de Vigo,
se vistes meu amigo?
E ai Deus!, se verra cedo?
Ondas do mar levado,
se vistes meu amado?
E ai Deus!, se verra cedo?
Se vistes meu amigo,
o por que eu sospiro?
E ai Deus!, se verra cedo?
Se vistes meu amado,
por que ei gran coidado?
E ai Deus!, se verra cedo?
18. Actividades. Páxina 75
1.
- Na cantiga de Mendiño hai un elemento da paisaxe que non é
natural: a ermida.
- Os elementos da paisaxe infúndenlle temor: as ondas son
grandes, o mar está bravo (encrespado) e a moza está
atrapada na illa, sen barco para chegar a terra.
- O mar está nas dúas cantigas picado.
- Na cantiga de Mendiño o mar é unha ameaza e tamén un
reflexo da súa ansiedade, pois espera por alguén que non
acaba de chegar; na cantiga de Martín Codax o mar tamén
simboliza a ansiedade por un amigo do que non ten noticias.
- Na cantiga de Martín Codax as ondas do mar aparecen
personificadas.
19. Actividades. Páxina 75
2.
- O mar aparece como un elemento
personificado e actúa tamén como confidente
da amiga; esta diríxese ás ondas para
interrogalas e expresa a inquietude que lle
produce descoñecer o paradoiro do amigo.
3.
- Estas composicións son mariñas ou
barcarolas, pois están ambientadas nun
espazo marítimo.