2. 2Körten, 2Langen wordt gevormd door Eltje Doddema, Harm Tabak en Bart & Evert Kruizinga
(zangduo K2 – twije).
De vier mannen troffen elkaar tijdens de opname van ‘Stel Die Veur’ van het Collectief Grunnegers
Veur Vrede. Op 26 februari 2016 traden ze gezamenlijk op tijdens een Benefietconcert in Oudeschans
voor stichting K6 tegen kanker. Door de reacties van het publiek besloten ze om het project ‘Mörgen
Weer Op,’ dat zowel de titelsong is van deze CD als ook van een serie optredens, samen te gaan
doen.
Laidjes op dizze Spaigelploat:
1 Mien Dag
2 Kin Dat
3 Mörgen Weer Op
4 Zo As n Vogel
5 Allerleste Dans
6 Kaans is Klaain
7 Jason
3. 1 Mien Dag
Door: 2Körten, 2Langen
Tekst: Harm Tabak
Compositie: Harm Tabak / Eltje Doddema
Thema
Ik maak me nergens druk om vandaag….
Wij maken ons nergens druk om vandaag….
TEKST
k Wuir vanmörgen wakker, mit n glimlach op mien snoet
t Regende haard, t was berekold, mor dat muik mie niks oet
Want ik lach, t is mien dag
In keuken is t n zootje, van d'òfgelopen nacht
En boas belde mie net, dat e al uren op mie wacht
Joa ik lach, t is mien dag
Wie floiten d'haile dag mor deur, ons humeur is opperbest
t Kin vandoag nait stuk
t Moakt nait uut wast tegen ons zegst, oeh wie laggen van puur geluk
De regen kin mie niks doun vandoag, al stört t van de doaken
Ik zoep mie rusteg wat ien kroag, ze kinnen mie toch niks moaken
Want ik lach, t is mien dag.
En as ik stroekel over woorden, dij k aans nait uutspreken kin
Din lach k doar om, wat moakt t uut wat n aander doarvan vindt
Dus ik lach, t is mien dag
Wie doun n dansje in de regen, gainaine holdt ons tegen
Din worden wie mor nat
En poedie huft vandoag nait koken, wie binnen al wies mit n bord patat
Dus mìnsen dou mor wat ie willen, t kin ons nait zoveul schelen
Blief zitten, geniet van ons lewaai of kinnen ie dat nait velen
Mor wie laggen, t is ons dag
Joa, wie laggen, t is ons dag
Joa, wie laggen, want t is joen dag
4. 2 Kin Dat
Door: 2Körten, 2Langen
Tekst: Evert Kruizinga
Compositie: Evert Kruizinga / Eltje Doddema
Thema
Krimp in Groningen. Jongeren trekken weg. Ze willen wel blijven
maar is er voldoende toekomst?
TEKST
Mörgenzun schient zien eerste prille stroalen
Traain komt laangs en roast op weg noar Stad
d’Ogen stoaren woazeg in t twijduustern
Toukomst nog n onbeschreven blad
d’Ain dij dreumt van riekdom en gelok
n Aander joa, dij prakkezaaiert zuch stief
d’Ain wil geern n schiere dokter worden
En n aander boas van n groot bedrief
Oh, kin dat dammeet nog in Grunnen
Oh, kin dat dammeet nog in Grunnen,
Ze binnen wel hail wat maans, mor kriegen ze hier de kaans
Oh, kin t din nog wel in Grunnen
Dag vervoagt en zun gaait langzoam onder
Donkern jagt de zenen weer in t lief
Meschain is dat n hail sinister taiken
Van n toukomst zunder perspektief
Kinder zuiken heur haail in aandre streken
Doar baauwen ze din aan n aigen nij bestoan
In t dörp blieven ìnkeld oldjes over
Zo zal t ook de kommende tied wel goan
Refrein 2x
Oh, kin dat dammeet nog in Grunnen
Oh, kin dat dammeet nog in Grunnen,
Ze binnen wel hail wat maans, mor kriegen ze hier de kaans
Oh, kin t din nog wel in Grunnen
Oh, kin t din nog wel in Grunnen
Oh, kin t din nog wel in Grunnen
5. 3 Mörgen Weer Op
Door: 2Körten, 2Langen
Tekst: Eltje Doddema
Compositie: Eltje Doddema
Thema
Je maakt veel mee in je leven. Maar wat er ook gebeurt, je zult
verder moeten. Morgen dus gewoon weer opstaan en verder…..
TEKST
Mmmmmm, mörgen weer op
Mmmmmm, mörgen weer op
Soms hejje van dij doagen dat t wat minder gaait
Dat je zuiken noar n spil woar t leven om draait
Je dolen deur n wereld, vol van gekken en van dwoazen
En je lezen heur noamen op deuren en gloazen
Soms gaait t nait veur de wind ook as de störm roast (mörgen op, mörgen op)
Zwem je in n zee van verdrait dij joe stok verdwoast (mörgen op, mörgen weer op)
Elk dragt n aigen kruus, soms tegen hoge baargen op
Mor ain ding geldt veur elk mörgen gewoon weer op
Mmmmmm, mörgen weer op
Veur d’ain n verlangen, veur d’aander n strop
Mmmmmm, mörgen weer op
En zeker is, veur niks gaait de zunne op
Soms bin je frustreerd as je t analyseren (mörgen op, mörgen op)
Want d’ain tilt t nust en d’aander dragt de veren (mörgen op, mörgen weer op)
Dat verschillen regeren, ligt der doemendik bovenop
Mor ain ding geldt veur elk mörgen gewoon weer op
Mmmmmm, mörgen weer op
Veur d’ain n verlangen, veur d’aander n strop
Mmmmmm, mörgen weer op
En zeker is, veur niks gaait de zunne op
Mmmmmm, mörgen weer op, mörgen weer op
Mmmmmm, mörgen weer op, mörgen weer op
Mmmmmm, mörgen weer op
Veur d’ain n verlangen, veur d’aander n strop
Mmmmmm, mörgen weer op
En zeker is, veur niks gaait de zunne op
Mmmmmm, mörgen weer op
6.
7. Een gedeelte van de revenuen van deze CD gaat naar Stichting K6 tegen kanker,
www.k6tegenkanker.nl
K6 tegen kanker werd in 2014 ‘opgericht’ en is in 2016 een officiële stichting geworden.
Door het overlijden van een dierbare aan de ziekte kanker wilden de kinderen iets terug
doen voor een goed doel. Dat leidde ertoe dat er tot nu twee grote actie ‘seizoenen’
achter de rug zijn.
Één van de acties is steevast een Benefietconcert. Tijdens het Benefietconcert in
Oudeschans traden Eltje Doddema, Harm Tabak en zangduo K2 Bart & Evert Kruizinga
gezamenlijk op. Er was duidelijk een klik en het was de aanzet om verder te gaan.
2014 / 2015 Doelen: UMCG afd Hematologie en het Beatrix Kinderziekenhuis.
Opbrengst € 30.000,00
Afsluitende actie met 40 fietsers op Alpe d’Huez in Frankrijk
2015 / 2016 Doel: Stichting Against Cancer
` Opbrengst € 4100,00
Afsluitende actie fietstocht Rondje Grunnen
2016 / 2018 Het nieuwe doel voor deze periode is afd. Kinderoncologie van het
Nieuwe ziekenhuis te Scheemda
8. 4 Zo As n Vogel
Door: 2Körten, 2Langen
Tekst: Bart Kruizinga
Tekstbewerking: Evert Kruizinga
Origineel: Leonard Cohen, Bird On A Wire
Compositie: Eltje Doddema
Thema
Oude moeder, losbandige zoon. Nooit meer echt met elkaar in contact. En als de dood er is, is het te
laat om bij te praten……
TEKST
Zo as n vogel in de lucht,
In de vrijhaid van zien vlucht,
Haarst doe laif, hest doe leefd, hest doe doan
Mor dij tied is veurbie,
Hou mout t nou zunder die,
k Bin allain, k heb verdrait, doe bist goan
En was ik (was ik, was ik) ooit haard en gemain
Ik hoop doe hest mien mooie kaant ook zain
k Was die traauw (traauw, traauw) tot aan t ìnd van de nacht
Want k huil van die, tot aan d’allerleste dag
k Blief t kind dat van die holdt,
Omdat t leven t nou ainmoal bepoalt,
Bist nait vot, k hol die vast, in mien haart
En ik zweer bie dit laid,
Dat t ooit weer beter gaait,
Komt weer licht, in t duustere swaart
En was ik (was ik, was ik) ooit haard en gemain
Ik hoop doe hest mien mooie kaant ook zain
k Was die traauw (traauw, traauw) tot aan t ìnd van de nacht
Want k huil van die, tot aan d’allerleste dag
En was ik (was ik, was ik) ooit haard en gemain
Ik hoop doe hest mien mooie kaant ook zain
k Was die traauw (traauw, traauw) tot aan t ìnd van de nacht
Want k huil van die, tot aan d’allerleste dag
Zo as n vogel in de lucht (in de lucht),
In de vrijhaid van zien vlucht,
Haarst doe laif, hest doe leefd, bist nou goan
9. 5 Allerleste Dans
Door: 2Körten, 2Langen
Tekst: Eltje Doddema
Compositie: Eltje Doddema
Thema
Je weet nooit in je leven wanneer je afscheid van elkaar moet nemen als
de dood in het spel komt. Dus wanneer komt de laatste dans?
TEKST
Wie zain nog lichten in glìnne kleuren
Heuren t klinken van zuvere klanken
Wie roeken d’aroma’s van hail veul geuren
Wie kinnen om laifd’ en verlangens janken
Mor angst veur t donkern, moakt ons onmachteg
Zolaank leste hoop nog gloort
Want elk schoft t laifst tied noar achtern
Veur t ìnd en t allerleste woord
Mor dien zinnen begunnen gestoag te slieten
En ale krachten roaken uut balans
Berustend sloeten wie mekoar in d’aarms
Veur n allerleste dans, veur n allerleste dans
Op de drumpel van t twijduuster
Woar de dood meedogenloos wacht
Vragt op t lest t staarvensproses
Van elk emootsioneel veul kracht
Want de levensdrang van ieder mìns
Moakt de keuzes aibels swoar
t Verlangen noar mörgen is in dij stried
Voak nog levensvatboar
Mor dien zinnen begunnen gestoag te slieten
En ale krachten roaken uut balans
Berustend sloeten wie mekoar in d’aarms
Veur n allerleste dans, veur n allerleste dans
Mor dien zinnen begunnen gestoag te slieten
En ale krachten roaken uut balans
Berustend sloeten wie mekoar in d’aarms
Veur n allerleste dans, veur n allerleste dans
10. 6 Kaans Is Klaain
Door: 2Körten, 2Langen
Tekst: Evert Kruizinga
Compositie: Eltje Doddema
Thema
In de kroeg, versier je nog iemand of loopt het toch weer negatief
af……….
TEKST
k Zit hier aan de bar, noast n aibels nuver wief
De whiskey holdt mie net nog op de bain
Ze glopt mie aalweg aan, mor t het nait veul om t lief
t Zol toch wat wezen, mor de kaans is klaain
Want zai is zo onveurspelboar, z’is net n dobbelstain
Soms vaalt dij op de zezze en soms ook op de ain
De duvel joa dij speult mit mie, zien streken zo filaain
Ik hoop ik hol hom vot bie mie, mor de kaans is klaain, kaans is klaain
In n ainzoam donker hörntje, stoan nog net twij stoulen vrij
Doar vertel ik heur aal wat ze heuren wil
k Wait hou k heur bespeulen mout, dat is veur mie nait nij
Mor mit regelmoat da´k mie doar aan vertil
Want zai is zo onveurspelboar, z’is net n dobbelstain
Soms vaalt dij op de zezze en soms ook op de ain
De duvel joa dij speult mit mie, zien streken zo filaain
Ik hoop ik hol hom vot bie mie, mor de kaans is klaain, kaans is klaain
Ik hol heur vast ik main t, omdat zai dat verdaint
Ik wacht t wel òf, d’haartstocht laaidt de daans (mocht t nog wat worden)
Din griep k de kaans
Want zai is zo onveurspelboar, z’is net n dobbelstain
Soms vaalt dij op de zezze en soms ook op de ain
De duvel joa dij speult mit mie, zien streken zo filaain
Ik hoop ik hol hom vot bie mie, mor de kaans is klaain, kaans is klaain
11. 7 Jason
Door: 2Körten, 2Langen
Tekst: Harm Tabak
Compositie: Harm Tabak / Eltje Doddema
Thema
Als je kleinkind is geboren……….
TEKST
Lutje leven zo teer zo klaain
Hest oogjes dicht kist nog nait zain
Zo rusteg ligst bie moeke nou
Fantasties wonder en zo wìnst
Besefst nait dast de klaainste bist
Sloap en dou dien oogjes tou
Mor as t ain joar bist din kinst al lopen
En runst met bruier al koamer deur
En zelst gezond wezen wil k hopen
Doar zörgen dien pa en moe wel veur
Dien eerste stapkes wil ik bie wezen
En ik zel die vangen as ik mout
k Wil die kinnen en veur die kloarstoan
Zo wordt veur die t leven wel goud
t Zel sums swoar wezen kin k die beloven
Mit valen en opstoan most t leren
Mor lutje vent k hoop dast loater
Weerom kikst noar dij keren
Da’k mit die lopen ging of fietsen
Mit die daansen ging op aarm
Veur die speulde en laidjes veur die zong
Da’k dien jas sikkom nait oetkreeg
En doe haarst t al zo waarm
Dast die herinnerst aal wat k mit die dee....
Lutje leven ik kin dien noam
Ik wait al laank van dien bestoan
k Kin nait wachten dast mie ook kinst
En ik hoop dast din goud ontholdst
Ook al bin ik din al old,
Dastoe veur aaltied mien ventje bist..........Jason.........