1. Сэдэв : Хүүхдийн хүмүүжилд эцэг эхийн оролцоо

2. Зорилго Сурагчдыг хөгжүүлэх, төлөвшүүлэхэд багш, эцэг эхчүүдийн хамтын ажиллагааг сайжруулах, тулгамдсан асуудлыг шийдвэрлэхэд оршино

3. Философийн шинжлэх ухаанд аливаа юмс үзэгдэлд явагдаж байгаа бүх төрлийн өөрчлөлтийг хөгжил гэж тодорхойлдог. Өөрчлөгдөн хувьсаж буй үйл явц нь хөгжил юм.Гэхдээ энэ нь зүгээр л нэг өөрчлөх үйл явц биш ,өмнөх үеэсээ илүү сайн сайхан байдлыг бий болгохын төлөө хийх эерэг өөрчлөлт билээ.

4. Хүүхдийн хөгжил: гэдэг нь бие , оюун ухаан ,сэтгэц ,мэдлэг ,чадвар дадал болон биеэ авч явах байдал ,аливаа юмс үзэгдэлд хандах харьцаа хандлага нэг түвшнээс дадлагын дээд шат руу шилжих хөдөлгөөн ,чанарын өөрчлөлт гарах үйл явц .

5. Хүүхдийн төлөвшил : гэдэг нь дээрх хөгжлийн үр дүнд амьдралын бүхий л үйл ажиллагаагаар олж авсан мэдлэг ,чадвар ,дадал , амьдралын туршлага ,бие хүний хөгжлийн цар хүрээ ,түвшин ерөнхий соёлын бүрэлдэхүүн .

6. Хүнийг хүмүүжүүлж төлөвшүүлнэ гэдэг нь нэг талаас үзвэл хүний дутагдалд зөв хандах явдал юм. Ер нь хүний дутагдлыг хэлэх ойлгуулах түүнийг дахин давтуулахгүйгээр засаж, залруулдаг хэвшилтэй болгох нь асар их ухаалаг, үйлийн үр дүн мөн. Хэрвээ хүүхэд : -Дэмжиж туслуулж өссөн бол өөртөө итгэж сурна -Магтуулж өссөн бол сайшааж сурна . -Өөрийгөө хүндлүүлж өссөн бол эрх тэгш байж сурна . -Найрсаг нөхөрсөг орчинд өссөн бол жаргалтай байж сурна гэж Буддын гүн ухаанд сургасан байдаг.

7. Гурвалсан дотно харилцаа нь сурагчийн сурах , хүмүүжих төлөвших үйлд чухал үүрэгтэй. багш сурагч эцэг эх

8. Боловсролын тулгын 3 чулууг хүүхэд, эцэг эх, багш буюу сургууль гэж үздэг. Гэтэл Монголын хувьд эцэг эх гэсэн тулгын нэг чулуу нь бараг үгүй болжээ. Энэ нь бидний өмнөх нийгмийн тогтолцоотой холбоотой бөгөөд "Хүүхдийг тань улс өсгөж, хүмүүжүүлнэ. Та ажлаа л сайн хий" гэсэн социалист хандлага биднийг ийм байдалд хүргэсэн байж болох юм.

9. Хүүхдээ зөв хүмүүжүүлэх, нас, бие, сэтгэхүйн онцлогт нийцүүлэн хөгжүүлэх нь эцэг эхчүүдийн төдийгүй Монгол төрийн гол бодлого байх учиртай. Эцэг, эх үр хүүхдээ эрүүл саруул өсгөн бойжуулж, боловсрол хүмүүжлийн зөв төлөвшилттэй болгон хөгжүүлэхэд чиглэсэн гэр бүлийн таатай орчныг бүрдүүлэхийг дэмжих явдал аливаа түвшний шийдвэр гаргагчдаасаа эхлэн байгууллага, хамт олон, эцэг эх, хүүхдийн төлөө үйл ажиллагаа явуулдаг төрийн болон төрийн бус байгууллага, ажилтнуудын үндсэн үүрэг байх ёстой.

10. Орчин цагийн монгол эцэг эх хүүхдээ сурган хүмүүжүүлэх үйлээс их л хөндий хол, бүхнийг сургууль, багш нарт нь даатгаж явдаг болжээ. Гэтэл хүүхдийн хөгжилд эцэг эх бидний оролцоо гойд чухал бөгөөд хүүхдээ бага наснаас нь хөгжүүлж, өсөлт хөгжилд нь анхаарах нь эцэг эхийн хүлээх ёстой эрхэм үүрэг билээ.

11. Өнөөдөр мэргэжлийн байгууллагын судалгаагаар сургуулийн 1000 хүүхэд тутмын нэг нь гудамжинд амьдарч, 750 хүүхэд тутмын нэг нь гэмт хэрэгт холбогдож, 500 хүүхэд тутмын нэг нь халамжийн төвд амьдарч, 26 хүүхэд тутмын нэг нь хөдөлмөр эрхэлж, хоёр хүүхэд тутмын нэг нь сургууль гэр бүлийн орчинд зодуулж, дарамтанд орж байна. Өнгөрсөн онд дээрмийн гэмт хэрэгт 14-18 насны 89 хүүхэд хамрагдсан байна.

12. Статистикийн мэдээгээр өнөөдөр 0-18 насны хүүхэдтэй 523 мянган гэр бүлд 961 мянган хүүхэд амьдарч байна. Нийт гурваас дээш хүүхэдтэй 104 мянган гэр бүлд 369 мянган хүүхэд, дөрвөөс дээш хүүхэдтэй 32 мянган гэр бүлд 159 мянган хүүхэд амьдарч байна. Улсын хэмжээгээр өнчин хүүхдийн тоо 2009 онд 46 мянгад хүрсний 4683 нь бүтэн өнчин хүүхэд байна. Өрх толгойлсон ээж 82 мянга болж өмнөх оноос 5.8 хувиар өссөн байна.

13. Нийт 35 мянган хос гэрлэлтээ бүртгүүлж, 2,4 мянган гэр бүл гэрлэлтээ цуцлуулсан байна. Гэрлэлт өмнөх оныхоос 3,3 хувиар, гэр бүл цуцлалт 27 хувиар өссөн байна. Энэ мэт сэтгэл эмзэглүүлсэн олон асуудлаас үзэхэд Монгол улсад хүүхэд хамгааллын тогтолцоо, хүүхдээ хөгжүүлэх стратегийн бодлого, хүүхдийн хүмүүжил төлөвшлийн асуудал ус, агаар мэт хэрэгтэй болоод байна.

14. Монгол улсын боловсролын зорилго нь иргэнийг оюун ухаан, ёс суртахуун бие бялдрын зохих чадавхитай хүмүүнлэг ёсыг дээдлэн сахидаг, бие даан сурах, ажиллах, амьдрах чадвартай болгон төлөвшүүлэхэд оршино” гэсэн Боловсролын тухай хуулийн заалтыг амжилттай хэрэгжүүлэхэд багш, удирдах ажилтан, сургалтын байгууллагын бүхий л үйл ажиллагаа нь чиглэгдэж байдаг.

15. Эцэг эхчүүд хүүхдийнхээ хичээлийн хэрэглэл болон бусад зүйлийг бүрэн бэлтгэж өгснөөр таны хүүхэд хичээл дээрээ багш болон бусад хүүхдүүдтэйгээ хамтарч ажиллах, хүүхэд өөрөө бие даан гүйцэтгэхэд бэрхшээл бага тохиолдох бөгөөд бусад хүүхэдтэй ижил хэмжээнд байгаа гэдгээ мэдэрч, аливаа зүйлийг хийхэд урамтай байж идэвхтэй сурч эхэлнэ. Хэрэв таны хүүхдийн аль нэг зүйл нь дутуу байвал бусад хүүхдүүдээс ичиж, хийх гэж байгаа зүйлээс хоцорч улмаар хичээлдээ дургүй болох үндэс нь болж өгдөг. “Би нэг удаа хийгээгүй юм чинь дараа нь дахиад хийхгүй байж болдог юм байна” гэсэн ойлголтыг хэзээ ч төрүүлж болохгүй.

16. Хүүхдээ төлөвшүүлэх , нас, бие, сэтгэхүйн онцлогт нийцүүлэн хөгжүүлэх нь эцэг эхчүүдийн төдийгүй Монгол төрийн гол бодлого байх учиртай. Иймд төр засаг, шийдвэр гаргагчдаасаа эхлэн байгууллага, хамт олон, эцэг эх, хүүхэд бүр эрүүл аюулгүй орчин, зөв зан үйлийг дээдэлж хэвшил болгох нь чухал юм.

17. Зөв боловсон зан чанарыг төлөвшүүлэх болон бие дааж ажиллах дадал чадварыг эзэмшүүлэх талаар багш сурган хүмүүжүүлэгчид эцэг эхчүүд мэрийдэг. Гэтэл хэвлэл мэдээлэл хөгжсөн одоо үед киноны гол баатрууд, спортын тамирчид, урлагийн одуудаас үлгэр дууриал авч буй зан төлөвшил сурагчдыг нийгмийн эсрэг чиглэсэн үйлдэл гаргах хүч хэрэглэхэд нөлөөлж байдаг. Тэдний бахархдаг баатрууд телевизийн оргил цагаар ч тэр хүчирхийлэлтэй, бүдүүлэг үзэгдэл тоглолтуудыг санаачлаад байхад сурагчид даган дуурайхаас яах вэ.

18. Өсвөр залуу үеийнхнийг хамруулсан судлагаа явуулсанаар өсвөр үеийнхнийг эрүүл бус зан төлөвшлөөс хамгаалахын тулд юу хийж болохыг эрж хайснаар хамгийн тууштай хамгаалах 2 хүчин зүйл нь эцэг эхийн болон багш сурган хүмүүжүүлэгчдийн сурагчидтай тогтоосон дотно нөхөрсөг харилцаа юм гэж дүгнэлт гаргасан. Сурагчид багштайгаа, гэр бүлийхэнтэйгээ ойр дотно байж сургуулийнхаа, гэр бүлийнхээ нэг хэсэг нь гэдгийг мэдэрч байвал сурагчдад эрүүл бус зан төлөвшихөөс зохих хэмжээгээр зайлсхийдэг гэж үзсэн. Сурагчдад бахархан дуурайж хүндлэх харилцаа холбоо сайтай шүтэн бишрэгч хэрэгтэй байдаг бөгөөд тэр нь багш áîëîí ýöýã ýõ÷¿¿ä нь байдаг. Сурагчидтайгаа дотно харилцаа тогтоож тэднийг хөгжүүлж хүмүүжүүлэхийн тулд ямар арга зам байна вэ?.

19. Улс орны маань ирээдүй болсон хүүхэд ,залуучуудаа ухаалаг хүлээцтэй, аливаад хариуцлагатай, бүтээлч, боловсролтой, эх оронч иргэн болгон төлөвшүүлэхээс ихээхэн зүйл шалтгаална. Бидний ажилд туслан үнэтэй санал, зөвлөмжөө гаргана гэдэгт найдаж байна.