Araling Panlipunan 6 - 4th Quarter | Topic 5

1. ANG SNAP ELECTION
1986
Araling Panlipunan 6
4th Quarter | Topic 5
Prepared by: Eddie San Z. Peñalosa

2. ANG 1986 SNAP ELECTION
Ang biglang halalan o snap election noong Pebrero 1986
ay nagbigay daan para sa mga taga – oposisyon na tumakbo sa
pagkapangulo. Kabilang dito ang noo’y senador na si Salvador
“Doy” Laurel, anak ng yumaong pangulo noong panahon ng
pananakop ng Hapones na si Jose P. Laurel. Siya ay nominado ng
United Nationalist Democratic Organization (UNIDO) noong
Hunyo 1985.

3. ANG 1986 SNAP ELECTION
Ngunit isinantabi niya ang kaniyang pagtakbo para sa
biyuda ni Benigno Aquino Jr. na si Corazon “Cory” Cojuanco –
Aquino. Karamihan sa mga taga – oposisyon at mga kilusang
laban kay Marcos ay naghikayat sa kaniya na tumakbo laban sa
Pangulo. Mas lalo pang pinatatag ang pagtakbo ni Gng. Aquino
nang magtagumpay sa pagsunod si Joaquin “Chino” Roces sa
kondisyon ni Gng. Aquino na maglikom ng isang milyong lagda
para sa kaniyang pagtakbo.

4. ANG 1986 SNAP ELECTION
Habang binibilang ang mga balota, nagkaroon ng magkaibang
resulta ang bilangan sa pagitan ng Commission on Elections
(COMELEC) at ng National Movement for Free Elections (NAMFREL).
Ang COMELEC na inatasan ng Batasang Pambansa ay nagdeklara ng
pagkapanalo ni Marcos sa pagkapangulo at Arturo Tolentino para sa
pangalawang pangulo, samantalang ang NAMFREL na isang malayang
tagabantay ng boto na gumamit ng agarang bilangan o Quick Count
ay nagsasabing may kalamangan ng 800,000 boto sina Aquino at
Laurel na humantong sa pagkatalo ni Marcos.

5. ANG 1986 SNAP ELECTION
Maraming ulat ng malawakang uri ng pandaraya tulad ng
pagpapalit ng ballot box, pagbili ng boto, at pananakot sa
pagdaos ng halalan. Ang mga naatasang magbilang sa COMELEC
at huminto sa kanilang ginagawa at tuluyang lumabas sa
tanggapan kung saan ginagawa ang pagbibilang ng balota at
bilang pagprotesta sa resulta ng bilangan.

6. ANG 1986 SNAP ELECTION
Dahil sa malawakang pandaraya, nagpalabas ng sulat ang
Catholic Bishops’ Conference of the Philippines (CBCP) na binasa
sa lahat ng parokya na nagsasabing ang pamahalaan ay nawalan
na ng moral na basehan mula sa nalikom na katunayan ng
pandaraya sa halalan.

7. ANG 1986 SNAP ELECTION
Napansin ng media at pamahalaan ng ibang bansa ang
pangyayari sa Pilipinas. Kinondena nila ang resulta ng ginawang
snap election. Nang maipahayag sa Batasang Pambansa na si
Pangulong Marcos at Pangalawang Pangulong Arturo Tolentino
ang nanalo sa halalan, nag-alsa ang mga mamamayan sa
pangunguna ni Cory Aquino at ng kaniyang mga kakampi sa
buong kapuluan ng bansa.

8. SALAMAT SA
PAGSUBAYBAY