1. gabinete de comunicación Rúa Miguel Ferro Caaveiro n.º 8 (15707, Santiago de Compostela)
sindicato nacional de Tel. 981 551 867 | Fax 981551 801
comisións obreiras de galicia sn@galicia.ccoo.es | http://www.galicia.ccoo.es
VIGO
CC OO denuncia «un novo atentado fascista» contra o
sindicalismo vigués
Esta madrugada foi atacada a vivenda dun dirixente de Comisións, cuarta agresión no que vai de ano
15-06-2010.- Comisións Obreiras denuncia «un novo atentado fascista» contra o sindicalismo vigués. Esta
madrugada foi atacada con dous cócteles molotov a vivenda dun dirixente de CC OO en Vigo e actual
presidente do comité de empresa dos estaleiros Vulcano.
Trátase da cuarta tentativa de agresión contra membros e instalacións do sindicato. A semana pasada foi
sabotada en Baiona unha vivenda veciña da de outro dirixente de CC OO, tamén con dous artefactos
incendiarios. O mesmo modus operandi xa se dera o pasado 10 de marzo contra as sedes de Comisións e de
UGT no Porriño, e a finais de xaneiro contra a sede da Unión Comarcal de Vigo.
Desde a dirección de CC OO remarcan o carácter «fascista» destes ataques porque «unha das
características do fascismo foi sempre o seu carácter antisindical», e insisten en que «os modos fascistas
non nos van arredar das nosas posturas, amplamente respaldadas polas traballadoras e polos
traballadores», xa que «os inimigos da liberdade e do sindicalismo son os inimigos da democracia».
Comisións Obreiras insta a que se esclarezan estes feitos e a pórlles freo de inmediato, «porque están a
adoptar un cariz cada vez máis preocupante». A pesar dos atentados, o sindicato continuará «firme» na
defensa das súas posturas, porque «nada nin ninguén nos vai afastar das nosas responsabilidades»-
+ Para máis información:
– José Cameselle Romero, secretario xeral da Unión Comarcal de CC OO de Vigo: 649 402 370
Santiago de Compostela, 15 de xuño de 2010
GABINETE DE COMUNICACIÓN
Horario de verán: luns a venres, 8-15 horas
686 469 993 / 981 551 867 | xuz@galicia.ccoo.es
Máis información en: http://www.galicia.ccoo.es
Gabinete de Comunicación do S. N. de Comisións Obreiras de Galicia (r/Miguel Ferro Caaveiro n.º 8 - 15707 Santiago de Compostela)
Tel. 981 551 867 | Fax 981551 801 | sn@galicia.ccoo.es | http://www.galicia.ccoo.es