Qhia kev ntseeg rooj xib hwb zos Vib Nais

Kev Ntseeg Ntuj
1
-Tswv Ntuj Tsim Peb Los Ua Dab Tsi ?-
Peb xav tias : peb yug los nyob ntiaj teb no mas yuav xav nrhiav txoj kev noj
qab nyob zoo. Peb kawm ntawv kom tau ib txoj hauj lwm zoo. Peb siv zog
khwv nrhiav nyiaj kom tau yuav tas ib puas tsav yam. Peb ntshaw tej yam
zoo, peb muab siab rau maim xwm txheej vim peb nrhiav txoj kev kaj lug
rau peb cov nqaij daim tawv.
Tab sis qhov tseeb, mas Tswv Ntuj tsim peb los tu lub ntiaj teb kom raws
txoj kev ncaj, kev thaj yeeb, kev kaj.
Yeej vim Tswv Ntuj tau tsim lub Ntuj lub Teb, tas txhia yam puav leej muaj
txawm huv tib si lawm. Tswv Ntuj pom tias tas txhia yam mas puav leej yog
qhov zoo. Tshuav ib yam uas yuav los saib los tu txhia yam nyob ntiaj teb
no. yog li Tswv Ntuj thiaj li tau tsim neeg kom zoo li Tswv Ntuj tus duab.
Nws tau muab av coj los puab ua leej tib neeg.

Kev Ntseeg Ntuj
2
Tshuab pa nqa txoj sia tuaj rau hauv neeg, neeg thiaj li ua tsheej ua leej tib
neeg nyob. Raws li sau cia hauv phau ntawv Hauv Paus, zaj ib qib 26 txog
qib 29, ntxiv zaj 2 qib 7 tias “Peb yuav ua tib neeg raws li peb tus duab, kom
zoo li peb me ntsis. Kom lawv ua tswv kav cov ntses nyob hauv hiav txwv,
cov noog ya saum ntuj, cov tsiaj nyeg, tas txhua yam tsiaj qus thiab txhua
yam kab ntsaum nkag hauv av.’ Ces Tswv Ntuj tsim tib neeg raws li nws tus
duab. Yog raws li Tswv Ntuj tus duab, mas nws thiaj tau tsim tib neeg. Nws
tsim nkawd ua txiv neej thiab ua poj niam. Tswv Ntuj foom lus zoo rau
nkawd thiab hais rau nkawd tias : Neb yeej meem tsim noob, yeej meem
huam vam mus puv ntiaj teb thiab tswj ntiaj teb. Neb kav cov ntses nyob
hauv hiav txwv, cov noog ya saum ntuj thiab tas puas tsav yam tsiaj uas
nkag hauv av.
Tswv Ntuj hais tias : Kuv muab tas puas tsav yam nroj tsuag muaj noob uas
tuaj nyob saum npoo av, kuv muab tas puas tsav yam ntoo txi txiv thiab
muaj noob rau neb : tej ntawd yuav yog neb tej txhiam laj txhiam xws.”
HUAB TAIS Tswv Ntuj muab ib thooj av nplaum los puab ua tib neeg.
HUAB TAIS Tswv Ntuj tshuab pa rau hauv tib neeg qhov ntswg, ces tib neeg
ciaj ua ib tug muaj sia.
Thaum Tswv Ntuj tsim tau neeg lawm. Nws tau tso tas txhia yam rau neeg
ua tus tswv saib thiab tu lub ntiaj teb. Tswv Ntuj xav kom peb txawj ua tswv

Kev Ntseeg Ntuj
3
saib tas txhia yam, txawj los tu lub ntiaj teb kom vam meej, xav kom peb ua
Tswv Ntuj lub chaw nyob.
Thaum peb tau txais Tswv Ntuj txoj hauj lwm uas Tswv Ntuj tau muab rau
peb. Peb yuav ceev faj tas txhia yam. Tsis txhob mloog cov neeg tuaj ua kom
peb muaj lus sib cav sib ceg, thiab nrog lawv ua txhaum. Vim luag tsis paub
tias nej tab tom ua dab tsi. Cov neeg txhaum lawv xav txog lawv lub plab
xwb. Tej lo lus qab zib yuav ntxias nej kom mus zwm rau kev phem. Tus
Hauv Paus Xa Lus Paj Lug qhia rau peb tias “Nej yuav ua neeg ntse nyob
hauv txoj kev zoo, thiab ua neeg siab dawb, tsis mus taug txoj kev ua phem.
Vim tus Tswv Ntuj pub kev thaj yeeb nws yuav tsuj nthi Xas Tas nyob hauv
nws qab xib taws sai.” (LM 16, 19-20)
Mas peb yuav xyaum taug txoj kev ncaj mus li. Zoo li tus Hauv Paus Xa Lus
Paj Lug tau qhia rau peb.

Kev Ntseeg Ntuj
5
Tswv Ntuj yog tus tsim txhua yam, nws thiaj yog tus
tshua yam tus tswv.
-Tswv Ntuj Yog Leej Twg ?-
Peb xav tias lub ntuj yog thawj tug dab loj tswj tas txhia tus dab yau nyob
ntiaj teb, thiab nyob saum ntuj. Qhov tseeb, Tswv Ntuj yog tus tsim peb,
tsim tas puas tsav yam, tus pub txoj sia rau peb yog peb sawv daws txiv.
Peb cov kwv tij hmoob yeej paub Ntuj, tiam sis peb Hmoob tsis paub teev
Ntuj. Peb Hmoob to taub tias : Tswv Ntuj yog ib tug dab muaj hwj chim loj
kavcovdabnyobsaumNtujthiabnyobntiajtebno, pebyuavtsumtxhobhla
tej yam Ntuj tsis nyiam, xws li lam haus kua mis tsam Ntuj tua.

Kev Ntseeg Ntuj
6
Tswv Ntuj tsim cov Tshiab (Dab Ntuj)
Tswv Ntuj yog tus tsim tas puas tsav puas yam pub rau peb ua peb tug,
thiab tsim peb los kav lub ntiaj teb, pub txoj sia rau peb txhua tus tib neeg
tus phem tus zoo, tus hlob tus yau, txhua yam tsiaj txhu yam nroj tsuag
xyoob ntoo.
Nyem no peb sawv daws yog Ntuj me nyuam lawm. Peb tsis ntshai Tswv
Ntuj tsam Ntuj tua peb niaj hnub, peb pom tas ib puas tsav yam nyob saum
ntuj thiab nyob ntiaj teb no. mas peb yuav nco txog tus tswv kav tas ib puas
tsav yam ntawd.
Mas tus Hauv Paus Xa Lus Paj Lug qhia tias “Tswv Ntuj yog paj tshab muaj
nqes tas nrho ! Tswv Ntuj lub tswv yim thoob tsib kawg, Tswv Ntuj cov txuj
siab kawg, neeg tsom tsis tau Tswv Ntuj cov lus qhia. Neeg tsis to taub Tswv
Ntuj tej kev.” (LM 11 : 33)

Kev Ntseeg Ntuj
7
-Vim Li Cas Peb Tsis Pom Tswv Ntuj ?
Tswv Ntuj Nyob Qhov Twg ?-
Tos peb tsis pom Huab Tais Ntuj yog vim nws tsis muaj lub cev lub ntsej
muag, nws yog tseem tswv yim. Huab Tais Ntuj nyob tas qhov txhia chaw,
hauv peb txhua leej txhua tus.
Neeg yeej pom tsis tau Tswv Ntuj, vim nws tsis zwm ua ib lub cev nqaij zoo li
neeg, tab sis peb hais tias Tswv Ntuj tuaj nyob hauv neeg mus li. Vim nws
yog ib leej tswv yim thiab ib lub siab, vim neeg lub tswv yim kuj yog ntuj lub
tswv yim. Kom nco txog hauv ntawv Faj Lem. Tswv Ntuj hais tias “Peb yuav
tsim neeg kom xws li peb me ntsis.” (HP 1 : 26, 2,7) Vim li ntawd peb thiaj
hais tias : Yog koj ua zoo xav mas koj yuav pom tau Huab Tais Ntuj nyob
hauv koj, yog koj tsis nco txog dab tsi nyob hauv koj mas koj kuj tsis pom

Kev Ntseeg Ntuj
8
Huab Tais Ntuj tiag. Thiab koj kuj tsis paub tias Huab Tais Ntuj nyob qhov
twg.
Ib txwm Huab Tais Ntuj nyob mus li mus txog ib txhiab ib txhis. Nws nyob
qhov twg kuj tau huv tib si. Peb tus tib neeg txoj sia yog Ntuj pub rau peb,
Ntuj yuav tsis thau rov ib zaug, nruab hnub hmo ntuj, Huab Tais Ntuj zov
koj nraim, nyob hauv koj, nyob hauv peb txhua tus. Yog koj paub Huab Tais
Ntuj mas nws pab koj. Koj yuav txais txoj hmoov zoo mus li.
Tas peb sim neej yuav nco ntsoov hais tias : Huab Tais Ntuj yeej ib txwm
nyob, nws nrog peb nyob nraim, nws yog tus Huab Tais txawj ntuas neeg,
txawj zam rau neeg, txawj hlub neeg, yog tus tseem Huab Tais tiag. Peb lub
neej peb yuav muab cob rau Huab Tais Ntuj ib leeg xwb. Peb paub tias peb
lub cev yog Huab Tais Ntuj lub, lub tswv yim kuj yog Ntuj tswv yim. Niaj
hnub Huab Tais Ntuj xav kom peb ua zoo mus li.
“Nej nrhiav Huab Tai smog ! Nyem no yog lub caij zoo ntsib lawm. Nws
nyob ze lawm, nej hu txog nws mog ! Tus siab phem, nws yuav tso nws txoj
kev phem tseg. Tus siab nkhaus tso nws lub tswv yim lim hiam tseg. Nws
yuav tig los cuag Huab Tais. Huab Tais yuav khuv leej nws. Nws cia li los
cuag Tswv Ntuj, vim Tswv Ntuj lub siab zam dav.’”(HX 55 : 6-7)

Kev Ntseeg Ntuj
9
-Vim Li Cas Ntiaj Teb Neeg Thiaj Li Ua Txhaum ?-
Peb hmoob yav thaud muaj zaj dab
neeg hais tias : Thaum ub neeg tsis
tau muaj txhaum, neeg tuag los neeg
txawj rov. Txij li Nkauj Iab thiab
Nraug Oo nkawd ob tug tub tau
muab qav kaws tua tuag, ces qav
kaws thiaj li foom rau ntiaj teb neeg
kom tuag mus tsis txawj rov.
Peb Hmoob zaj dab neeg no xws li zaj
dab neeg chiv keeb tib neeg hauv Ntawv Ntshiab tias : Neeg lub keeb
txhaum yog As Das thiab Es Vas nkawd mloog tus Dab ntxias. Ces nkawd
thiaj ua txhaum. (HP 3 : 1-7) Los txog rau Kas Es thiab As Npes nkawd thiaj
txawj sib ntaus sib tua. Nkawd thiaj tau ua txhaum thiab. (HP 4 : 7-12)
Raws li Hmoob kwv huam mas hais tias thaum neeg tuag mus puv ib tsug
13 hnub mas yog neeg mus plhis tawv xwb. Neeg tseem yuav rov los. Tiam
sis txij thaum Nkauj Iab thaib Nraug Oo nkawd ob tug tub tau muab qav
kaws tua, mas qav kaws tau foom rau ntiaj teb neeg tias : Thaum kuv kav
lub ntiaj teb mas nqaij yog nqaij hlau, txha yog txha tooj, neeg tuag los neeg

Kev Ntseeg Ntuj
10
txawj rov. Txij no lawm tod nqaij yuav yog nqaij ciab zib, txha yog txha
plhaub mag, neeg tuag tsis rov los.
Nyob hauv peb cov ntseeg Ntuj, muaj chiv keeb neeg ua txhaum ob zaug.
Zaum ib, yog As Das thiab Es Vas nkawd tau mloog tus nab ntxias nkawd.
Nkawd thiaj tau coj ntiaj teb neeg mus zwm rau kev txhaum. Mas Tswv Ntuj
thiaj tau ntiab nkawd tawm thiab foom lus phem rau nkawd.
“Tus nab yog tus ntse tshaj tas txhua hom tsiaj HUAB TAIS Tswv Ntuj tau
tsim los nyob nruab nrag. Nab hais rau tus poj niam tias : Li ntawd, Tswv
Ntuj hais tias : Neb yuav tsis txhob noj txhua yam txiv ntoo hauv lub vaj no
puas yog ?
Tus poj niam teb rau tus nab tias : Wb noj tau cov txiv txi saum cov ntoo
hauv lub vaj no tib si. Tsuas tshwj cov txiv txi saum tsob ntoo nyob hauv
nruab nrab lub vaj, mas Tswv Ntuj hais tias neb tsis txhob noj, tsis txhob
kov, yog neb noj neb kov, mas neb yuav tuag.
Tus nab teb ntua tus poj niam tias : Tsis muaj li ntawd ib zaug ! Neb yuav
tsis tuag. Vim Tswv Ntuj paub tias, hnub twg neb noj ces neb qhov muag
yuav qhib, neb yuav zoo li tej tus tswv ntuj uas paub qhov zoo thiab qhov
phem.
Tus poj niam pom hais tias tus ntoo ntawd yeej zoo noj thiab zoo saib kawg,
thiab yog tus ntoo uas yus ntshaw noj kom yus paub qhov zoo thiab qhov

Kev Ntseeg Ntuj
11
phem. Nws de zoj lub txiv ntawm tus ntoo los noj. Nws kuj cev rau nws tus
txiv uas nrog nws nyob, ces tus txiv kuj noj thiab. Ces nkawd ob leeg qhov
muag qhib plho, nkawd paub hais tias nkawd liab qab. Nkawd thiaj muab
nplooj ncuav pias los ua tiab npua.
Tswv Ntuj hais rau tus poj niam hais tias : Kuv yuav ua kom koj muaj mob
ntau thaum koj xeeb tub xeeb ki. Koj yuav tau mob tau ntsaj, koj thiaj yug
tau me tub me nyuam. Tsis kav, koj tseem yuav ntshaw koj tus txiv, tiam sis
nws yuav tswj koj.
Tswv Ntuj hais rau tus txiv neej hais tias : Vim koj tau mloog koj tus poj
niam lus, koj thiaj noj lub txiv kuv txwv tsis kheev noj, av thiaj raug foom
phem vim koj ! Koj yuav siv zog khwv tas koj lub neej koj thiaj tau noj. Av
yuav tuaj pos tuaj nrhab rau koj, thiab koj yuav noj tej nroj tsuag uas tuaj
hauv nruab teb. Koj ntsej muag yuav tawm hws lug koj thiaj tau noj, mus
txog hnub koj rov mus ua av, vim koj yog av puab. Koj yog av luaj ces koj
yuav rov mus ua av luaj.” (HP 3 : 1-7, 16-19)
Zaum ob, los txog rau Kas Es thiab As Npes nkawd lub neej. Mas Kas Es tau
ua txhaum ib zaug ntxiv. Mas Tswv Ntuj thiaj tau foom ib lo lus phem rau
Kas Es thiab.

Kev Ntseeg Ntuj
12
Kas Es muab As Npestua.
“Tab sis muaj ib zaug, Kas Ees hais rau nws tus kwv As Npes tias : Wb mus
yos.
Thaum nkawd mus nrug deb ntawm zos lawm, Kas Ees txawm dhia rhees
mos ntiag nws tus kwv, muab tus kwv tua. HUAB TAIS nug Kas Ees hais
tias : Koj tus kwv As Npes nyob qhov twg ?
Kas Ees teb tias : Kuv tsis paub. Kuv puas yog tus zov rawv kuv tus kwv ?
HUAB TAIS rov hais tias : Koj tau ua dab tsi ? Koj sim mloog saib, koj tus
kwv cov ntshav quaj qw hauv av tuaj rau kuv ! Zaum no koj yuav tau
hmoov phem thiab koj yuav raug ntiab tawm hauv thaj av zoo uas tau rua

Kev Ntseeg Ntuj
13
ncauj cug koj tus kwv cov ntshav. Yog koj ua teb, av yuav tsis txi qoob rau
koj lawm. Koj yuav ua neeg loj leeb ncig ntiaj teb.
Kas Ees hais rau HUAB TAIS tias : Kuv lub txim hnyav dhau, kuv ris tsis
taus. Ntsia saib, hnub no koj muab kuv ntiab tawm hauv thaj av zoo no
mus, kuv yuav tsum mus tsiv nraim deb ntawm koj lub ntsej muag, thiab
kuv yuav ua neeg loj leeb ncig ntiaj teb. Ntshai thawj tus neeg tuaj ntsib kuv
yuav muab kuv tua xwb !” (HP 4 : 8-14)
Li ntawd, neeg thiaj tau mus zwm rau kev txhaum thiab kev phem, kev tuag
kev txhawj xeeb tas txhia yam. Yam li Tswv Ntuj tau tso neeg pov tseg, los
ntiab neeg. Tiam sis tsis yog Tswv Ntuj ntiab neeg, yog neeg tsis txais Tswv
Ntuj, neeg thiaj ntiab Tswv Ntuj lawm.
Kwv tij, nyem no peb los ua neeg teev Tswv Ntuj lawm. Kuj yog zoo li peb rov
los cuag Huab Tais Ntuj lawm tiag. Tiam sis peb yog neeg ntiaj teb, peb tau
ris lub keeb txhaum lawm, tab peb yog ib co neeg ntseeg lawm los peb kuj
muaj txhaum huv tib sis, tsis hais cov uas tseem coj dab los cov ntseeg sawv
daws, puav leej muaj txhaum txhua tus. Mas peb yuav nco peb qhov
txhaum uas peb tau ua peb muab cev rau Huab Tais Tswv Ntuj kom nws
zam rau peb. Zoo li tus tub ploj rov los. Vim nws tau ua txhaum nws rov
qab los nco nws qhov txhaum nws tau ua, nws rov los kom tau lees txhaum

Kev Ntseeg Ntuj
14
thiab thov txhaum, nws hais tias “Txiv ! kuv tau ua txhaum rau Ntuj thiab
rau koj, kuv tsis tsim nyom koj yuav hu kuv ua koj tus tub lawm. (LK 15 : 21)
Yog zoo li ntawd mas peb paub tias peb yog neeg txhaum, peb yuav lees
txhaum kom peb tsim nyog ua Ntuj cov me nyuam.

Kev Ntseeg Ntuj
15
-Tswv Ntuj Puas Tso Neeg Pov Tseg ?-
Yog neeg hwm Ntuj zoo thiab ua ncaj rau Ntuj mas Ntuj kuj saib yus zoo
tsis tso yus pov tseg. Tswv Ntuj tsis tso neeg pov tseg ib zaug li, nws yeej npo
neeg mus li. Vim nws yog tus tau tsim neeg los, nws khuv xim. Neeg txoj sia
yog Tswv Ntuj txoj sia.
Raws li kwv huam Hmoob hais
mas : Tswv Ntuj tau tso neeg los
nyob rau ntiaj teb kom tau ua
tas txhia yam, tab sis neeg los
nyob ntiaj teb tsis tau ua raws li
Tswv Ntuj tau hais. Neeg mus
ua tej yam tsis raws txoj kev
ncaj kev ncees, neeg tsis nco
txog Ntuj lawm, yog li no Ntuj
tau tsiv siab thiab npau taws
heev, nws yuav rhuav tas ntiaj teb tiam sis nws khuv xim neeg thiab. Nws
xav npo ib tug neeg kom tau yeej noob. Nws tau saib tas tsoom neeg nyob
ntiaj teb tsuas pom 4 tug nus muag thiaj li ua neej raws kev ncaj thiab nco
txog Ntuj xwb, 4 nus muag ntawd yog ib co neeg ua liaj xwb, lawv niaj hnub
mus ua liaj, ua ib hnub tas mus tsev, tag kis rov qab tuaj, nws kuj rov ntxees

Kev Ntseeg Ntuj
16
muaj nroj li qub; pheej ua li ntawd, ces lawv thiaj zov ntes. Muaj ob tug hais
tias : Yog ntes tau mas nug saib yog vim li cas ? Thaum lawv ntes tau lawm.
Lawv thiaj nug. Yog li Poj Dab qhia tias txhia yam uas dej yuav nyab ntiaj
teb rau lawv tas. Ces lawv paub meej lawm. Poj Dab thiaj qhia kom lawv
txua ob lub nruas loj loj. Muaj ob tug siab tsis ncaj heev, Poj Dab txawm
qhia txua nruas hlau. Hos ob tug ua ncaj, Poj Dab qhia txua nruas ntoo. Poj
Dab qhia kom lawv npaj mov kom txaus noj thiab npaj ib nkawm qaib cia
qua kom paub nruab hnub hmo ntuj. Yog li lawv thiaj los npaj raws li hais
tas ntawd. Thaum npaj tau tas lawm, lawv thiaj li mus nyob hauvlub nruas
raws li hais, lawv thiaj mus hauv lub nruas tas, ces Ntuj thiaj tso dej nyab
ntiaj teb.
Raws li zaj kwv huam hauv Ntawv Ntshiab hais mas : Txij li neeg ua txhaum
zoo li As Das thiab Es Vas nkawd los rau Kas Es mus rau cov xeeb ntxwv
mas neeg ua txhaum lawm ntau, lawv tsis nco txog Ntuj, lawv ua tej yam
lim hiam, tsis zoo, ua dog ua dig, tas tsoom neeg thiab tej tsiaj txhu kuj zoo
li ua txhaum tas huv si. Tswv Ntuj npau taws nws xav rhuav lub ntiaj teb
neeg tiam sis nws kuj khuv xim thiab hlub neeg kawg, Tswv Ntuj saib tas
lub sim ceeb puav leej ua txhaum huv si. Tswv Ntuj tsom pom ib tug neeg
thiaj li tseem nco hwm Tswv Ntuj thiab ua neeg ncaj mus li, tus neeg ntawd
hu ua Nos Hes. Tswv Ntuj thiaj qhia nws thiab npo nws kom seem ua noob

Kev Ntseeg Ntuj
17
tseg. Tswv Ntuj thiaj qhia kom Nos Hes txua ib lub nkoj kom loj los rau tas
puas tsav yam. Nos Hes txua tau lub nkoj lawm Tswv Ntuj hais kom Nos
Hes xaiv cov tsiaj zoo ib hom 7 nkawm, cov phem ib hom 1 nkawm kom tau
yeej noob. Nos Hes mloog Tswv Ntuj lus nws ua tas txhia yam raws li Tswv
Ntuj hais. Ces lawv nkag mus hauv nkoj tas raws li Tswv Ntuj tau hais lawm.
Nos Hes lawv nkag tas lawm Tswv Ntuj thiaj tso nag ywg lub ntiaj teb tso dej
phwj nyab lub ntiaj teb ces neeg tuag tas tsuas tshuav Nos Hes lawv xwb.
(HP 6 :7-13, 7 :2-5)
Kwv tij sawv daws, tas peb sim neej peb yuav ua li cas thiaj phim ua Ntuj cov
me nyuam ? Peb puav yuav ua li txheej neeg thaud, peb yog ib co neeg zwm
rau kev txhaum kawg, tias sis kom peb nco ntsoov tias peb yog cov ntseeg
Ntuj ua Ntuj me nyuam lawm, tas peb sim neej kom peb nco ntsoov ua neeg
mcaj coj lub siab hwm Ntuj mus li, peb txhob ywj peb lub cev coj peb. Peb
yuav yoog coj lub neej mus taug txoj kev hwm Tswv Ntuj thiab ua neeg
mloog Ntuj lus coj peb lub neej txhob yoog raws ntiaj teb kev ntxias. Zoo li
tus Hauv Paus Xa Lus Zam hais tias : “Tus coj Tswv Ntuj cov lus qhia nws
nyob hauv Tswv Ntuj thiab Tswv Ntuj nyob hauv nws. Peb paub tias Tswv
Ntuj nyob hauv peb, vim muaj Leej Ntuj Plig uas Tswv Ntuj pub rau peb.”
(1 Z 3 : 24)

Kev Ntseeg Ntuj
19
-Tswv Ntuj Cog Lus Li Cas Rau Neeg ?-
Tswv Ntuj muab tus zaj sawv haus dej ua lub cim cog lus nrog Nos Hes.
Txij dej nyab ntiaj teb zaum ntawd los, neeg tau tuag ploj mus tas tsuas
tshuav Nos Hes tus Tswv Ntuj tau npo xwb. Thaum dej qhuav tas lawm Nos
Hes thiaj li tau tawm hauv lub nkoj los thiab tas txhia yam tsiaj uas Tswv
Ntuj tau qee tseg kuj tau nrog Nos Hes tawm los thiab. Ces Nos Hes thiaj li
tsa ib lub thaj txi ntuj. Nws muab cov tsiaj huv thiab cov noog huv coj los
tua txi Tswv Ntuj. Tswv Ntuj thiaj hais tias “Kuv yuav tsis tsawm ntiaj teb
neeg ib zaug ntxiv, vim tias neeg lub siab yeej phem thaum yau los. Kuv tsis
rhuav tas txhia yam muaj txoj sia uas kuv nyuam qhuav ua los. Ntiaj teb
nyob txog thaum twg mas yuav muaj caij tseb muaj caij sau qoob loo. Yuav

Kev Ntseeg Ntuj
20
muaj kub muaj txias, yuav muaj caij no caij sov muaj hnub muaj hmo mus
li. (HP 8 : 20-22)
Thaum Tswv Ntuj hais li ntawd tas nws thiaj tau cog lus tias “Nej huam vam
mus tas lub ntiaj teb tas txhia yam cov tsiaj muaj txoj sia yuav ntshai nej,
lawv yuav yog nej tug. Nej noj tau tas txhia yam txawj mus kev thiab muaj
txoj sia. Kuv muab tej ntawd tib si los ua txhiam xws rau nej noj ib yam li
kuv muab tej nroj tsuag rau nej huv si thiab. Tab sis nej tsis txhob noj nqaij
ntxuag ntshav, vim ntshav yog nqaij tus plig, leej twg tua neeg mas nws
yuav raug neeg tua nws, vim neeg yog Tswv Ntuj tus duab.”
Tswv Ntuj nrog txhia yam muaj txoj sia cog lus zoo li no, Tswv Ntuj thiaj tsa
ib lub cim nrog ntiaj teb cog lus tias “Yuav tsis tso dej nyab ntiaj teb ntxiv.”
Tswv Ntuj thiaj tsa tus zaj sawv saum cov huab. Yog lub cim tias nws nrog
ntiaj teb cog lus.
Kwv tij sawv daws, thaum peb tau kawm hais txog Tswv Ntuj nrog neeg cog
lus mas yog ib zag qhia rau peb tias Tswv Ntuj yog tus siab zoo thiab siab
ncaj, nws txawj zam rau neeg, tsis hais leej twg. Thiab Tswv Ntuj tau cog lus
tas txhia yam tias nws yuav tsis rhuav ntiaj teb, nws tsis tso dej nyab lawm.
Nws tau pub tas txhia yam ua txhiam xws rau peb noj lawm. Mas peb zoo
siab noj tas txhia yam uas Ntuj tau pub noj mas peb zoo siab noj. Cov lus
nyob hauv ntawv hauj lwm hais tias : Thaum Pob Zeb tshaib plab xav noj

Kev Ntseeg Ntuj
21
mov, nws yees pom lub ntuj qhip thiab pom ib yam zoo li ib daig ntaub pua
rooj dav dav nqes los rau ntiaj teb.
Daim ntaub ntawd plaub ceg kaum khi ua pob, nyob hauv daim ntaub
ntawd muaj tas puas tsav yam tsiaj uas muaj plaub txhais tes taw, muaj tas
puas tsav yam tsiaj nkag hauv av, thiab tas puas tsav yam noog ya saum
ntuj.
Ces muaj ib lub suab hais rau Pob Zeb tias “Koj muab los tua noj mas !”
Tab sis Pob Zeb teb tias “Huab Tais, kuv tsis noj, los txog tav no kuv tseem
tsis tau noj dua ib yam tsis huv los caiv.”
Lub suab ntawd rov qab hais ntxiv tias “Tej yam Tswv Ntuj ua kom huv tuaj
koj tsis txhob hais tsis huv.” (HL 10 : 11-15)
Cov kwv tij sawv daws, peb txhob ua xyem xyas li tus Hauv Paus Xa Lus Pob
Zeb uas Tswv Ntuj qhia nws noj, tab sis nws kuj ua xyem xyas thiab.

Kev Ntseeg Ntuj
23
-Vim Li Cas Neeg Hais Ntau Xeem Lus-
Peb Hmoob zaj kwv huam hais tias neeg muaj ntau xeem lus yog tawm
ntawm lub taub los, hos hauv kev ntseeg mas vim yog tus pej thuam Npas
Npes thiaj ua kom neeg hais ntau xeem lus.
Tsoom neeg txhim tsa tus pej thuam Npas Npes kom mus cuag Tswv Ntuj.
Hmoob zaj kwv huam mas hais tias : Thaum ub uas dej nyab ntiaj teb
nqhuab lawm, tsuas tshuav ob tug nus muag xwb, thaum nkawd los sib sau
ua neej. Tau ntev los tom qab no, nkawd thiaj muaj me nyuam, thaum tus
poj niam daws cev los, ua cas yug tau ib lub taub xwb. Nkawd tsis pom qab
ua li cas, nkawd thioaj muab lub taub ntawd coj los tu saib thaum kawg
yuav zoo li cas ? ntev mus lub taub txawj loj zuj zus tuaj. Nyob nyob ua cas
hnov hais hais lus hauv lub taub tuaj, nkawd thiaj hais tias “Yav ! cas hais
hais lus hauv lub taub tuaj ?”

Kev Ntseeg Ntuj
24
Thaum nkawd paub tias muaj neeg nyob hauv lub taub, nkawd thiaj hlawv
hlau los laum lub taub, ua cas muaj neeg tawm los tiag. Thaum kawg
nkawd thiaj muab lub taub phua, mas thiaj muaj neeg coob coob nyob
hauv, thaum muaj neeg coob ua zej ua zos nyob coob, tab sis tsis muaj tus
yuav hais, nkawd thiaj mus nug saub. Saub thiaj qhia lus rau nkawd coj los
qhia rau txhua txhua haiv neeg kom nyias hais nyias xeem lus.
Tus pej thuam Npas Npes qhov chaw ua rau neeg muaj ntau xeem lus.
Nyob hauv Ntawv Ntshiab hais tias : Txij li dej tau nyab ntiaj teb neeg tuag
tas lawm, tshuav Nos Hes lawv cov txiv tub xwb, thaum tas Nos Hes lub zim
txwv lawm. Mas cov xeeb ntxwv lawv huam vam coob tuaj, thaum ntawd tas
sawv daws hais ib xeem lus, cov neeg mus los nyob Toob Fab lawv tau ntsib
ib lub tiaj nyob lub teb chaws Xis Nes As, ces lawv ua tsev nyob ntawd. Lawv
txawm sib txhob tias : Peb puab ib co av, peb muab ci hauv hluav taw ! ces

Kev Ntseeg Ntuj
25
lawv siv cov av ntawd xws li siv pob zeb, thiab lawv siv roj a dub los leem.
Lawv hais tias “Peb kav tsij ua ib lub nroog rau peb nyob. Peb txhim ib tug
pej thuam siab siab kom nws lub ncov chob lub ntuj. Peb thiaj yuav muaj ib
lub npe nto moo, peb tsis txhob sib ncaim mus tas ntiaj teb.”
Thaum Tswv Ntuj pom tias lawv ua zoo li ntawd nws npau taws, nws thiaj
ua kom lawv sib ncaim hais lus tsis sib haum, ib tug hais kom lwm tus tsis
paub. Txij li ntawd los, lawv thiaj sib tawg ncaim mus puv ntiaj teb, thiab
hais ntau xeem lus. (HP 11 : 1-9)
Li ntawd, peb yog ib co ntseeg lawm. Thaum peb paub tias tas txhia haiv
neeg puav leej tawm ntawm ib qho los xwb. Tab sis yog vim peb lub siab lub
cev thiaj ua rau peb tawg ua ntau haiv ntau xeem tsis sib haum tsis sib
hwm. Thaum peb paub li no lawm, peb yog cov ntseeg peb yuav ua ib tug
piv txwv rau tas txhia haiv neeg kom rov los nyuab ua ib ke, peb yuav ua
neeg xyaum mus raws txoj kev sib nyiam sib hlub uas Tswv Ntuj pub rau
peb, kom peb txawj tov sib haum xeeb nyob hauv Tswv Ntuj xub ntiag.
Raws li tus Hauv Paus Xa Lus Paj Lug nws qhia rau cov ntseeg nyob Es Fes
Xos tias : Nej yuav saib nej yog ib co neeg me, nej yuav sib nyiam sib hlub
yuav ua siab ntev. Rov sib zam. Zoo li ib co neeg sib nyiam, nej yuav muaj ib
lub tswv yim zoo li ib co neeg sib haum xeeb. (EFX 4 :2-3)

Kev Ntseeg Ntuj
26
Vim li ntawd, thiaj hais tias peb yuav txhob saib peb thiaj yog neeg xwb. Tas
txhia haiv neeg kuj yog neeg zoo li peb, mas peb sim neej peb nyiam tas
txhua tus tsis hais haiv twg xeem twg. Peb xav xwb peb twb tu siab dhau
heev lawm. Peb cov ntseeg peb yuav ua ib tug tim nkawv nyob hauv txoj kev
nyiam neeg mus li.

Kev Ntseeg Ntuj
27
-Huab Tais Ntuj
Puas Xav Kom Peb Nyob Kaj Siab Lug Xws Li Nws ?-
Has Nplas tus Tswv Ntuj xaiv ua nws haiv neeg txiv.
Peb Hmoob paub tias peb raug txom nyem nyob ntiaj teb no, peb xav kom
dim ntawm txoj kev txom nyem ntawd, xav kom muaj ib yam pab tau peb
lub cev nqaij kom tau txais kev noj qab nyob zoo.
Raws li kev ntseeg Ntuj mas Tswv Ntuj xav rov qab tsa nws lub ceeb tsheej
thiab cawm neeg txhua txhua tus kom dim ntawm txoj kev txom nyem.
Tswv Ntuj xub xub npaj ib haiv neeg tso, lub keeb yog Has Nplas.
Peb Hmoob niaj hnub hais tias : Neeg los nyob ntiaj teb no, txhua leej txhua
tus nyias yeej tiam tau nyias daim tawv los ua neej nyob ntiaj teb no zoo li
tej tus neeg nws tiam tau nws daim tawv muaj ces nws los ua neej thiaj li

Kev Ntseeg Ntuj
28
muaj, hos tej tus nws yeej tiam nws daim ntawv los tsis zoo ces nws los ua
neej thiaj tsis zoo, mas Hmoob thiaj hais tias nyias muaj nyias txoj Hmoo.
Tab sis raws li ntawv Ntshiab tau hais tseg, txij li lub hauv paus los mus rau
hnub dej nyab ntiaj teb mus rau tus pej thuam Npas Npes, mas neeg ua
ntau pab ntau pawg puv lub ntiaj teb. Neeg tsis coj Tswv Ntuj lo lus, lawv
mus teev tej tus dab los ua tus pov hwm lawv. Thaum Tswv Ntuj pom tias
neeg yuav muaj kev txom nyem, nws xav rov tsa nws lub ceeb tsheej, nws
thiaj tau hu ib tug neeg los ua thawj tus neeg coj Tswv Ntuj lo lus raws li
ntawv Cog Lus Qub hais. Tswv Ntuj hais rau Has Nplas tias “Koj tso koj lub
teb chaws no tseg, tso koj cov kwv tij neej tsa, tso koj niam koj txiv tsev neeg
tseg, koj mus rau lub teb chaws uas kuv yuav qhia rau koj. Kuv yuav koj los
sau ib haiv neeg loj, kuv pub ib txog hmoov zoo rau koj, kuv yuav ua kom
koj lub npe nto moo loj.” (HP 12 : 1-3)
Peb cov kwv tij Hmoob, peb nyob rau ntiaj teb no peb yeej xav kom tau txoj
kev noj qab nyob zoo xwb, tsis xav kom tau lub neej txom nyem, zoo li tej
laus piv txoj lus tias : Ua neeg nyob xav muaj xwb tsis xav pluag, xav ciaj
xwb tsis xav tuag. Mas peb txhua leej txhua tus xav txog ib lub neej tom
ntej kom tau nyob kaj siab lig. Tsis muaj txoj kev txhawj xeeb li. Mas Huab
Tais Yes Xus tau qhia peb hais txog cov muaj txoj hmoov zoo. Yam li cov
muaj txoj hmoov zoo yog cov pluag hauv nruab siab vim ntuj lub ceeb tsheej

Kev Ntseeg Ntuj
29
yog lawv li. Cov tau txoj hmoov zoo, yog cov siab zoo, vim lawv yuav txais
lub ntiaj teb los ua lawv tug. Cov tau txoj hmoov zoo, yog cov quaj ntsuag,
vim Ntuj yuav nplij lawv. Cov tau txoj hmoov zoo, yog cov tshaib thiab nqhis
txoj kev ncaj, vim Ntuj yuav daws lawv qhov nqhis. Cov tau txoj hmoov zoo,
yog cov hlub luag tej, vim Ntuj yuav hlub lawv. Cov tau txoj hmoov zoo, yog
cov siab huv, vim lawv yuav pom Tswv Ntuj. Cov tau txoj hmoov zoo, yog cov
tsim kev thaj yeeb, vim Ntuj yuav hu lawv ua Tswv Ntuj cov me nyuam. Cov
tau txoj hmoov zoo, yog cov raug luag hiam vim txoj kev ncaj, Ntuj lub Ceeb
Tsheej yog lawv tug. (MT 5 : 3-10)
Thaum peb tau hnov Huab Tais Yes Xus hais cov no rau peb lawm, peb yuav
xyaum coj lub neej mus raws li cov lus Huab Tais Yes Xus hais.
Yog li, peb sawv daws yuav ua Tswv Ntuj tsaug qhov nws siab zoo, nws xav
kom peb tau nyob kaj siab lug nws thiaj tso Leej Tub tuaj coj peb kev mus
rau qhov kaj siab lug. Ua Tswv Ntuj tsaug.

Kev Ntseeg Ntuj
31
-Yus Ntseeg Ntuj Puas Txaus ?-
Peb Hmoob lub neej ib txwm peb ua los, peb Hmoob ntseeg tas txhia yam,
tsis paub tias qhov twg yog qhov muaj zog dua thiab yuav pab tau peb, vim
li ntawd peb Hmoob thiaj vam txog ib co dab. Peb Hmoob ntseeg cov dab
ntawd zoo dua, yam li dab niam dab txiv, dab neeb dab xwm kab, dab vaj
dab tsev.
Peb ntseeg cov dab nyeg, peb saib cov dab ntawd muaj hwj huam dua neeg
thiab tej dej tshuaj huv tib si, vim peb Hmoob xav tias cov dab ntawd yuav
pab tau peb, ces peb thiaj li hwm thiab tso siab rau. Vim lawv yeej nyob ze
Hmoob, Hmoob thiaj ntseeg thiab hwm zoo tshaj. Vim peb Hmoob ntshai
tsam dab ua phem rau peb.
Txoj kev ntseeg qhia peb tias : Nyob tas lub qab ntuj khwb no, tus muaj zog
tshaj ces kawg yog Ntuj xwb. Tas txhia yam yuav pub kom neeg muaj txoj
sia txoj pa kawg yog Ntuj tib leeg. Thaum ib tug neeg uas muaj txoj kev
ntseeg nyob puv nws lawm, nws yeej ua tau tas txhia yam raws li Tswv Ntuj
pom zoo. Vim nws txoj kev ntseeg thiab tso siab rau Ntuj yeej nyob puv nws
tej siab tej ntsws lawm. Yam li Tswv Ntuj xav sim Has Nplas siab, saib Has
Nplas txoj kev ntseeg muaj npaum li cas. Tswv Ntuj thiaj kom Has Nplas
muab nws tus tub His Xas Has txi rau Ntuj. Has Nplas zoo siab ua raws li

Kev Ntseeg Ntuj
32
Txoj kev ntseeg qhia peb tias tsuas muaj Tswv Ntuj tib leeg thiaj loj dhua txhua yam.
Tswv Ntuj pom zoo kom ua, vim nws muaj txoj kev ntseeg kev tso siab rau
Ntuj puv nws lub siab lawm. (HP 22 : 1-9)
Cov kwv tij sawv daws, peb txoj kev ntseeg yeej yog ib yam nyuaj tas zog vim
peb tsis paub tias peb zoo li cas. Peb txoj kev ntseeg uas peb muaj nyob
hauv peb lub neej kuj ua ib qhov uas tsis muaj zog. Vim peb tsis pom ib
qhov uas yog qhov tseeb. Tiam sis , zoo li nej uas yog ib co neeg uas los txais
txoj kev ntseeg tshiab. Nej yuav tau kub siab ntseeg thiab xyaum raws li Has
Nplas nws txoj kev tso siab rau Ntuj thiab nws ntseeg, vim Has Nplas yog ib
tug piv txwv zoo rau peb coj.

Kev Ntseeg Ntuj
33
Mas tus Hauv Paus Xa Lus Paj Lug qhia peb tias : Nej yuav coj ib lub neej
kom tsim nyog Leej Pleev lub Moo Zoo, txawm tias kuv tuaj txog hauv nej,
los kuv tseem nyob deb nej kuj xij, kuv yuav pom thiab yuav hnov tias nej
koom ib lub tswv yim, koom siab koom ntsws tawm tsam pab txoj kev
ntseeg txog lub Moo Zoo. Nej tsis ntshai cov neeg sawv tiv nej. Nej yuav
paub tias, cov neeg ntawd yeej yuav ploj, hos nej yuav txais kev cawm. Tej
ntawd tuaj ntawm Tswv Ntuj tuaj. Vim Ntuj tau pub lub txiaj ntsim rau nej
kom nej ntseeg txog Leej Pleev, thiab kom nej raug txom nyem rau nws. Vim
nej ua li ntawd, mas nej tau tawm tsam ntaus ib ntsug rog, ib yam li nej tau
pom kuv ua los txog tav no, thiab nej paub tias, nyem no, kuv tseem tawm
tsam tiv ntsug rog ntawd. (FLP 1 : 27-30)
Peb lub neej lub siab, peb kawg ntseeg thiab tso siab rau Tswv Ntuj xwb.
Yog li peb yuav ua neej nyob ruaj nreb hauv txoj kev ntseeg.

Kev Ntseeg Ntuj
35
Zam Ntxuav Plig
-Tswv Ntuj Xav Kom Peb Tig Los Nyiam Tswv Ntuj-
Tswv Ntuj yeej nyiam neeg mus li, tiam sis neeg tig nruab qaum rau Tswv
Ntuj, neeg tsis nco txog Tswv Ntuj, neeg tsis nco txog Tswv Ntuj txoj kev
hlub neeg li.
Tswv Ntuj xav kom neeg paub txog kev nyiam Tswv Ntuj, thiaj xa tej tus Yaj
Saub tuaj qhia Tswv Ntuj txoj kev nyiam rau neeg.
Neeg yeej xav ntsoov txog ib tug yuav
tuaj pab neeg dim ntawm txoj kev txom
nyem, neeg tos ntsoov vam ntsoov txog
txoj kev nyiam txoj kev kaj siab lug, zoo
li tus Yaj Saub Zam ntxuav plig thaum
nws tuaj, nws tau tshaj Tswv Ntuj txoj
kev nyiam rau neeg, mas muaj coob leej
uas lawv tos ntsoov tus yuav daws tas
txhia yam, lawv kuj tau tig los yuav lub
siab tshiab. Kuj tseem muaj tej tus tuaj
nug tias Zam yog leej twg. Vim lawv xav paub txog tej xwm ntawd, tiam sis
Zam teb rau lawv tias : ‘Kuv tsuas yog ib lub suab qw nyob hauv teb chaws
suab puam tias nej kho Huab Tais txoj kev kom ncaj tuaj.’ (Z 1 : 23)

Kev Ntseeg Ntuj
36
Niaj hnub no neeg lub siab no xav kom tau nyob zoo mus li, tiam sis neeg
yeej tsis xav yuav txoj kev nyiam, kom mus raws li Tswv Ntuj txoj kev nyiam,
neeg txoj kev nyiam yog mus raws li neeg txoj kev nplua nuj nyob ntiaj teb
no, neeg txoj kev nyiam nyob nrog neeg niaj hnub no. Yog nyiaj txiag ua
neeg txoj kev nyiam tus tswv.
Cov kwv tij phooj ywg ntseeg sawv daws, peb yuav ua li cas peb thiaj yuav coj
tau ib lub neej mus raws txoj kev nyiam tau ! Peb yuav ua zoo li no “Peb
yuavkubsiabthovNtujpabpeb,pebyuavuaneegnquagmusmloogNtujLo
Lus,pebyuavmajmamxyaumcojpeblubneejmusrawskevnyiam”, peb coj
lub neej kom mus raws li Huab Tais Yes Xus qhia, txhob coj lub neej raws
ntiaj teb kev nyiam. Mas peb yuav ua raws li tus Hauv Paus Xa Lus Zam
qhia tias “Cov zoo nyiam, nej txhob tso siab rau tas txhia zaj tswv yim. Nej
yuav sim coj zaj tswv yim saib lawv puas tuaj ntawm Tswv Ntuj tuaj.” (1 Z 4
: 1)
Thaum peb ua ib tug neeg zoo thiab coj Ntuj Lo Lus peb kawg yuav coj lub
neejmusrawskevncaj xwb, peb yog ib co ntseeg peb yuav ua neeg muaj txoj
kev nyiam mus li.
Huab Tai Yes Xus, koj yeej nyiam neeg tiag, koj thiaj tuaj yeem tuag ua tus
coj neeg mus txog txoj sia nyob mus li. Kuv ua koj tsaug.

Kev Ntseeg Ntuj
37
-Huab Tais Ntuj Tuaj Nrog Peb Nyob-
Huab Tais Ntuj yeej tuaj nrog peb nyob txij thaum lub hauv paus los lawm,
tab sis neeg kuj tsis pom HUab Tais Ntuj xyov yog tus zoo li cas, cov Yaj
Saub, los yog As Das uas Tswv Ntuj tau tsim nws kiag. Zoo li cov Yaj Saub
lawv yog cov Tswv Ntuj tau ua lawv thiab qhia kom ntuas sawv daws mus
taug txoj kev ncaj, cov Yaj Saub hnov Ntuj hais lus rau lawv, nrog lawv
tham, tiam sis lawv kuj tsis pom Tswv Ntuj lub ntsej muag yog zoo li cas ?
Muaj ib ntus uas neeg tau pom Tswv Ntuj zoo tshaj ua kom peb paub meej,
yog Huab Tais Yes Xus nws nqis tuaj nyob rau ntiaj teb, nws yug los ua neeg
zoo li peb coj lub neej zoo li neeg. Nws tsis yug los zoo li neeg muaj, nws yug
los ua neeg pluag. Lub caij Huab Tais Tswv Ntuj yug los nrog neeg nyob.
Yog thaum tus tshiab xa moo rau cov zov yaj tias “Hnub no, nyob hauv Das
Vis lub nroog, tus Cawm nej yug los lawm, nws yog Leej Pleev, thiab yog

Kev Ntseeg Ntuj
38
Huab Tais. Lub cim yuav ua kom nej paub yog lub cim no : nej yuav pom ib
tug me nyuam mos qhwv ntaub pw hauv ib lub dab nyuj.” (LK 2 : 11-12)
Thiaj muaj ntau yam uas txij Huab Tais Yes Xus nws hlob thiab mus tshaj
Ntuj Lus mas thiaj ua kom neeg paub tias Huab Tais Ntuj tuaj nrog neeg
nyob.
Nyem no peb neeg txheej no kuj tsis pom Huab Tais Ntuj, tsis pom Huab
Tais Yes Xus li, kuj tsis hnov hais lus rau peb zoo li txheej thaud lawm, qee
zaus peb tsuas hnov cov Txiv Plig cov Xib Hwb thiab lwm cov hais rau peb
tias Tswv Ntuj tuaj nrog peb nyob xwb, mas peb lub siab kuj tsis muaj zog
li. Niaj hnub peb tsuas pom cov duab uas luag sau xwb los yog lwm yam uas
peb pom los peb paub, peb yuav ua li cas peb thiaj pom thiab paub tias
Huab Tais Yes Xus tseem nrog peb nyob tiag. Mas peb yuav saib cov no,
yam li :
1. Yog lub koom txoos ntxeeg txog Yes Xus zoo li niaj hnub no.
2. Yog txoj sia.
Peb cov ntseeg sawv daws ! tsis hais cov nyuam qhuav ntseeg xwb los cov
twb ntseeg ntev los, peb paub tias Tswv Ntuj yeej nrog peb nyob nraim ua
tus coj peb kev tiag. Peb yuav thov Tswv Ntuj pab peb tas zog kom peb ua
tau ib tug ntseeg nyob ruaj nreb mus li.

Kev Ntseeg Ntuj
39
-Huab Tais Thov Koj Qib Kuv Qhov Muag-
Peb neeg ib txwm nyob huv txoj kev kaj. Tiam sis vim neeg tsis kam mus
hauv txoj kev kaj, ces neeg yeem nrhiav txoj kev tsaus, mus nyob hauv qhov
tsaus ntuj. Yam li, neeg yuav dab phem txoj kev tsaus los coj neeg tiam sis
dab pab tsis tau. Dab tsuas tias vam neeg nrhiav rau dab noj xwb. Ces dab
tau thaiv neeg lub qhov muag kom xwv neeg tsis txhob pom txoj kev kaj
tuaj ntawm Tswv Ntuj tuaj, kom neeg tsuas nyob hauv txoj kev tsaus ntuj
nti xwb, ces neeg tsis paub neeg pheej ua tas zog pub rau dab kom neeg tau
kev tso siab, neeg yeej hwm dab zoo kawg.
Tiam sis Tswv Ntuj tseem hlub neeg, nws xav pab kom neeg dim ntawm txoj
kev tsaus los mus tshwm rau qhov kaj, kom neeg qhov muag qhib, neeg
txawj ua ib tug neeg pom kev tiag. Mas Tswv Ntuj thiaj tso nws Leej Tub tuaj

Kev Ntseeg Ntuj
40
cawm cov neeg dig muag kom lawv rov pom kev tuaj. Kom nws Leej Tub Yes
Xus qhib neeg lub tswv yim lub qhov muag, qhib neeg lub siab, kom txawj
pom kev thiab txais tau Tswv Ntuj txoj kev kaj.
Mas Huab Tais Yes Xus hais tias “Kuv tuaj ua ib txog hauj lwm txiav txim
nyob hauv lub sim ceeb no, kom xwv cov neeg tsis pom kev rov pom kev tuaj
thiab kom xwv cov pom rov dig muag.”
Cov kwv tij sawv daws, Huab Tais Yes Xus qhia tias yog koj lees tias koj dig
muag, mas koj tsis muaj txhaum. Tiam sis yog koj khav tias koj pom kev
lawm, koj cov txhaum nyob li qub. Koj yog ib tug neeg ntseeg Ntuj koj yuav
ua zoo li nram no :
1. Koj ua neeg nquag teev Ntuj zoo, thiab mloog Ntuj Lus.
2. Koj ua raws Tswv Ntuj siab uas nws tau hlub koj.
3. Koj yuav ntseeg txog Tswv Ntuj Leej Tub Yes Xus, kom nws pab koj.
4. Koj ua neeg nco ntsoov lees txhaum ntawm Tswv Ntuj xub ntiag.
5. Tso tas txhia yam phem pov tseg, los mloog HUab Tais Yes Xus cov lus.

Kev Ntseeg Ntuj
41
-Kuv Leg Kuv Txiv Tej Hauj Lwm, Yog Dab Tsi?-
Huab Tais Yes Xus tau coj ib lub neej xws li peb neeg lub, nws zoo siab ua
tas txhia yam zoo li neeg, nws tsis xav ua neeg muab hlob, nws yeem ua ib
tug neeg tsis muaj tsim, nws hle nws lub hwj chim pov tseg. Nyob hauv
Huab Tais Yes Xus lub neej, nws tau coj ib lub neej zoo dua, nws kuj tau ua
raws li peb neeg, zoo siab mloog neeg zaj tswv yim, nws tau ua raws li neeg
zaj ntau, tiam sis yog zaj mus raws kev ncaj xwb. Huab Tais Yes Xus tau
mloog tej laus zaj txuj, nws tau kawm tau ua thiab coj tas txhia yam raws li
cov laus tau ua. Zoo li, thaum Huab Tais Yes Xus nrog nws txiv Yos Xes
thiab niam Mab Liab nkawd nyob. Yos Xes yog ib tug kws ntoo, Huab Tais
Yes Xus tau ua kws ntoo xws li nws txiv thiab.
Kwv tij, peb sawv daws puav leej yog neeg, peb tau coj ib lub neej mus raws li
neeg, niaj hnub peb tau kub siab ua tas txhia yam hauj lwm raws li peb lub

Kev Ntseeg Ntuj
42
neej lawm. Tiam sis muaj ntau yam peb tsis tau kub siab ua, peb yeej mloog
tej laus zaj txuj ci raws li Huab Tais Yes Xus tau mloog, tiam sis peb tsis tau
ua raws li ntawd. Yam li, peb tsis hwm peb lub luag hauj lwm nyob hauv
peb lub neej, peb yuav ua dab tsi, peb coj raws li Huab Tais Yes Xus lub neej,
Huab Tais Yes Xus tau hais rau Yos Xes thiab niam Mab Liab nkawd tias
“Kuv yuav leg kuv txiv tej hauj lwm.” (LK 2 : 49)
Huab Tais Yes Xus kuj hais li ntawd rau peb thiab. Peb yuav leg Tswv Ntuj
txoj hauj lwm, yam li :
1. Saib Huab Tias Yes Xus lub neej uv, ua raws li nws qhia peb.
2. Peb hwm lub luag hauj lwm Tswv Ntuj muab rau peb, yog ib yam
ntshiab, ib yam muaj nqes dua.
3. Nyob hauv peb lub neej ua tas txhia yam hauj lwm yog Huab Tais
Tswv Ntuj pab peb ua, nws pov hwm peb saib xyuas peb.

Kev Ntseeg Ntuj
43
-Tus Xav Nrog Huab Tais Yes Xus, Nws Yuav Ua Dab Tsi?-
Sij hawm 3 xyoos Huab Tais Yes Xus tau
ncig mus kom tau tshaj kev cawm neeg rau
cov neeg muaj kev ntxhov siab mloog. Huab
Tais Yes Xus tau ua tej yam zoo hais txog
Tswv Ntuj kev hlub neeg, txhua txhua hnub
nws tau qhia kev ua neeg kom txhawj sib
nyiam sib hlub nyob hauv Tswv Ntuj txoj
kev nyiam. Huab Tais tau xaiv txhua leej los
ua Ntuj me nyuam, nws tau tshaj lub moo tias TSwv Ntuj nrob peb nyob
nraim, Tswv Ntuj yog peb txiv, peb yog nws cov me nyuam, txhua leej ua
kwv ua tij nyob hauv Leej Txiv. Yam li Huab Tais Yes Xus tau xaiv 12 leeg
thwj tim kom tau ua tim khawv zeem tseeb. Huab Tais Yes Xus mus qhov
twg nws kuj coj cov thwj tim nrog nws mus kom lawv tau kawm thiab ua
hauj lwm pab luag, sau luag lwm tus kom los nyob ua ke haum xeeb.
Huab Tais Yes Xus tau qhia ntau yam, nws tau hais, tau ua, xam tias Leej
Txiv Tswv Ntuj yog peb txiv nyob hauv kev nyiam kev hlub tiag. Huab Tais
Yes Xus tau qhia meej rau peb tias “Nejyuavsibnyiamsibhlubib yamli kuv
nyiam, kuv hlub nej.” (Z 15 : 12)

Kev Ntseeg Ntuj
45
-Huab Tais Yes Xus
Pib Lub Neej Tshiab, Nws Tau Pib Zoo Li Cas?-
Peb tau hnov Huab Tais Yes Xus tau ua hauj lwm yees ntxwv nyob rau lub
teb chaws His Xas Lais muaj ntau zaj, nws tuaj nrog peb nyob, nws tau
hloov tej yam tshiab. Lub neej tsis yog lub qub, yog lub neej tshiab tiag. Yog
kuv txais Huab Tais Yes Xus tuaj nyob hauv kuv lub neej, nws kuj hloov kuv
lub neej ib yam tshiab, yog tiam neeg tshiab yog tiam neeg Tswv Ntuj. Hais
li no kuj yog ib lub txiaj ntsim muaj paus muaj ntsis. Huab Tais Yes Xus tau
ua piv txwv tias : Huab Tais Yes Xus yog txoj kev kaj ntawm peb, yam li,
Huab Tais Yes Xus kho cov neeg dig muag. Huab Tais Yes Xus yog lub zog
ntawm peb, yam li, nws tau kho cov neeg mob zoo. Nws yog lub zog pab peb

Kev Ntseeg Ntuj
46
txhais ruam mus tom ntej, yam li nws tau kho cov neeg tuag ceg rov mus
taus kev. Huab Tais Yes Xus yog tus Ntshiab, nws kho cov neeg mob ruas
zoo. Huab Tais Yes Xus yog cov mov pub txoj sia, vim nws pub mov rau
ntau txhiab leej noj, xam tau tias Tswv Ntuj los txog peb coov ntseeg txhua
txhia qhov.
Peb Hmoob yog ib haiv neeg me me. Tsis muaj lub npe nyob hauv luag tej
teb chaws. Tsis kav peb kuj tau txais tej yam tshiab tuaj ntawm Huab Tais
tuaj. Yam li peb yog tib neeg Ntuj xaiv, tiam neeg txhim Ntuj lub txiaj ntsim
nrog peb nyob pov hwm peb. Vim huab tais Yes Xus nrog peb nyob nraim,
nws tau kho peb cov neeg mob ntau tus kom zoo, tiam sis peb qhov muag
tsis pom peb yuav ua li cas?
Peb mloog raws li Huab Tais Yes Xus cov lus qhia thiab peb coj. Vam txog
Huab Tais Yes Xus pab, thiab nres peb lub neej tas txhia yam.

Kev Ntseeg Ntuj
47
-Huab Tais Yes Xus Hlub Peb Dua, Nws Hlub Peb Li Cas?-
Vim li cas Huab Tais Yes Xus tau tuag. Vim neeg phem ntxub Huab Tais,
tus neeg zoo tsis muaj cai yeej, ib yam li niaj hnub no, sawv daws tsis mloog
tej lus qhuab qhia, tsis hloov siab, lawv xav tias Yes Xus tuaj rhuav lawv txoj
cai, ntshai tsam lub koob meej tau poob. Ua neeg khav nyiam lub koob
meej, nyiam nyiaj txiag. Niaj hnub no kuj tseem zoo li qub, tus neeg phem
tsis zoo siab mloog Huab Tais Yes Xus cov lus qhia thiab ntxub tsoom zoo,
lawv tau kom Huab Tais Yes Xus rau cov nom yam tsis muaj qhov tseeb,
lawv hais tias Huab Tais Yes Xus tuaj tsa rog rau lawv. Huab Tais Yes Xus
raug kev txom nyem nyob hauv neeg txhais tes, tiam sis Huab Tais Yes Xus
nws txoj sia los ua tim khawv hais txog Tswv Ntuj kev nyiam.
Kwv tij peb to taub txog zaj no, peb yuav coj lub neej zoo li cas ?
Peb tau hnov hais txog Huab Tais Yes Xus txoj kev txom nyem, peb puas
tau hlub nws. Peb pog nws hlub peb zoo li cas ? Nws tau hlub peb tshaj, nws
tuaj yeem muab nws txoj sia los ntxiv peb, yam li nws tau tuag nyob saum
ntoo cuam.
Peb yuav txiav siab zoo li cas ?
1. Peb cov neeg yuav tsum txawj pam txoj kev ncaj txhawv, kev hlub
tau txhawv. Vim yug Huab Tais.

Kev Ntseeg Ntuj
48
2. Peb yuav nyob ruaj nreb hauv txoj kev ntseeg kom txog hnub kawg.
Muab Huab Tais los ua tus pab peb lub neej.
3. Vim Huab Tais Yes Xus peb thiaj tau paub Tswv Ntuj yog peb txiv,
peb yog nws cov me nyuam, tab peb nyob hauv kev ntxhov siab tsis kav
Huab Tais kev zoo siab yog peb neeg li.

Kev Ntseeg Ntuj
49
-Kev Ncaj Tau Yeej Lawm, Kev Ncaj Tau Yeej Zoo Li Cas ?-
Kwv tij, hnub chiv yog hnub loj
ntawm peb vim hnub ntawd
Huab Tais Yes Xus tau sawv rov
qab los, nws tau yeej txoj kev tuag,
txoj kev txhaum. Suav txij hnub
Huab Tais tau tuag mus, yog
muaj peb hnub, nws yeej kev tuag,
kev phem, qhov tsaus ntuj. Txoj
kev tsaus ntuj tsis muaj peev xwm
yuav yeej tau Huab Tais, ua rau
dab phem tsis muaj tsim dab tsi. Huab Tais yeej xub qhia hais txog txoj kev
ncaj no tias : Huab Tais yeej thiab sawv rov los, nws tau tsa cov neeg tuag
sawv rov los, nws yeej tas txhia yam kev phem kev qias, yam li : kev txhaum
kuj tuag lawm. huab Tais Yes Xus yog txoj kev mus cuag Leej Txiv Tswv
Ntuj, yog Huab Tais Yes Xus yeej txoj kev tuag, peb yuav to taub thiab cia
siab tias tswv Yes Xus yog tus tseem ceeb tiag, nws txoj kev yog qhov tseeb
tiag, yog txoj kev dim. Peb paub tias Huab Tais Tswv Ntuj pom zoo cia Huab
Tais Yes Xus tuaj qhia peb, Huab Tais Yes Xus txoj kev nyiam yog cia rau

Kev Ntseeg Ntuj
50
Tswv Ntuj thiab neeg. Yeej tuag tsis taus, tus vam txog Tswv Ntuj txoj kev
nyiam nws yuav tsis tuag ib zaug.
Peb yuav txiav siab ua li cas ?
1. Hnub chiv yog tsoom ntseeg hnub, vim Huab Tais Yes Xus tau sawv
rov los hnub ntawd.
2. Hnub chiv phim yuav sib sau cav txog Tswv Ntuj, ua ke koom thaj
txi Ntuj nco txog Huab Tais Yes Xus txoj kev tuag thiab sawv rov los.
3. Lub caij hla yog kev yeej ntawm Huab Tais Yes Xus, peb tso siab rau
ntawv Moo Zoo tias yog txoj kev mus cuag Tswv Ntuj.

Kev Ntseeg Ntuj
51
-Huab Tais Yes Xus Puas Yog Tswv Ntuj-
Tom qab ntawm Yes Xus tau sawv hauv txoj kev tuag rov los, nws tau qhia
cov Thwj Tim kom lawv paub ib yam zoo, kom lawv muaj peev xwm ua tau
lub luag hauj lwm mus lawv yav tom ntej. Nyob hauv 40 hnub, lawv tau
pom Huab Tais Yes Xus pab lawv txoj hauj lwm. Peb paub thiab nkag siab
tias nws yeej muaj txoj sia nyob mus li, tiam sis peb qhov muag tsis pom
xwb, yog peb lub siab muaj kev nyiam lawm peb kuj yuav pom nws txoj kev
ncaj nyob puv hauv peb lub siab, ib yam tseeb tshaj uas peb yuav pom Huab
Tais Yes Xus, yog lub sij hawm peb nyob ruaj chaw lawm, yam li nyob pev

Kev Ntseeg Ntuj
52
ntuj peb yuav pom Huab Tais Yes Xus nyob tiag. Niaj hnub Huab Tais Yes
Xus tsis ua ib tug duab tias nws nyob tiam sis Huab Tais Yes Xus qhia tias
nws nyob hauv txhua txhia leej neeg. Ntsib txhua leej kuj yog ntsib Huab
Tais Yes Xus, nyiam txhua leej kuj yog nyiam Huab Tais Yes Xus. Huab Tais
Yes Xus tau hais tseg tias “Nej tau ua npaum li cas rau cov me tshaj hauv
kuv tsoom kwv, mas nej tau ua rau kuv lawm.” (MT 25 : 40)
Huab Tais Yes Xus tau hais rau nws cov Thwj Tim tias “Nej tau txais npaum
li cas ntawm kuv los, nej kuj yuav xa rau lwm tus paub ib yam li ntawd.”
Kwv tij ntseeg, peb yuav sib pab xa lub Moo Zoo rau lwm tus tias tswv Yes
Xus nrog peb nyob mus txog lub ntiaj teb kawg. Raws li nws tau qhia rau
peb paub, peb tsis ntshai dab phem vim Huab Tais Yes Xus yeej dab phem
lawm, nws tau nce mus cuag Leej Txiv, nws zaug ntawm Leej Txiv sab xis
muaj hwj chim tas nrho. Peb sawv daws zoo siab thiab tso siab.
Yog li peb yuav ua dab tsi nyob hauv peb lub neej ?
1. Peb sib pab ris lub Moo Zoo, xa lub Moo Zoo rau lwm tus kom lawv
tau txais kev cawm lawv txoj sia zaum ob.
2. Coj lwm tus kom nyob hauv Huab Tais Yes Xus txoj kev nyiam
thiab coj lub neej raws li Tswv Ntuj kev qhia ua neeg.

Kev Ntseeg Ntuj
53
-Leej Ntuj Plig Nqes Los -
Huab Tais Yes Xus tau nrog nws cov Thwj Tim nyob ntau xyoo nws paub
tias neeg lub siab sib nyias thiab ntshai, ntau zaus cov Thwj Tim tsis to taub,
tsis tso siab thiab tsis muaj lub siab ntseeg cov lus qhia. Tswv Yes Xus tau
cog lus tias nws yuav xa i blub zog tshiab tuaj, yog nws lub zog los rau nws
cov Thwj Tim, yog lub zog pab txoj kev pab lawv ua siab loj thiab nco tas
txhia yam. Cov lus uas nws tau qhia rau lawv kom lawv coj lub neej muaj
zog. Txij Huab Tais Yes Xus mus saum ntuj lawm, tau 10 hnub tom qab nws
tau xa Leej Ntuj Plig nqes los, yog lub sij hawm cov Thwj Tim tab tom sib
txoos ua ke thov Ntuj pab lawv.
Leej Tswv Yim taiu nqes los xws li ib co nplaim taws cig, nws pab cov Thwj
Tim kom lawv ua tau ib pab nyob hauv kev nyiam, yam li kev sib koom kev
sib nyiam sib hlub. Txij hnub ntawd los Leej Ntuj Plig tau tsa kom muaj lub

Kev Ntseeg Ntuj
54
Koom Txoos ntseeg. Tab txawm muaj ntau xeem lus los, Leej Tswv Yim kuj
ua kom lawv sib cuag tau, vim yog Yes Xus lub npe. Leej Ntuj Plig qhia kev
ua neeg tiav rau peb, Leej Ntuj Plig nws pab peb ua siab loj siab tawv ua
neeg ntshiab tab txawm nyob hauv txoj kev raug txom nyem ntau yam, los
tseem muaj Leej Ntuj Plig nplij peb kom sib koom tau ua ib cuab kwv tij
nyob hauv kev nyiam, Leej Ntuj Plig pab peb ntaus kev phem kom tau tsa
kev haum xeeb, yam li thaum peb ua ntoo cuam lub cim hu txog Leej Txiv
thiab Leej Tub thiab Leej Ntuj Plig lub npe ua li, peb paub tias ua li vim peb
ntseeg tias peb nyob hauv Leej Txiv, Leej Tub, Leej Ntuj Plig kev nyiam nyob
hauv peb lub siab vim peb yog Ntuj me nyuam tiag.
Yog li, peb yuav ua tus sau txhua tus los sib koom nyob hauv kev ua Ntuj
me nyuam thiab txhob ua tus faib kev sib tawg.

Kev Ntseeg Ntuj
55
-Peb Nrog Huab Tais Yes Xus Tshaj Ntuj Lus-
Thaum Huab Tais Yes Xus yuav tso cov Thwm Tim tseg, Huab Tais Yes Xus
tau muab hauj lwm rau nws cov Thwj Tim kom lawv xa lub Moo Zoo mus
rau tas ntiaj teb. Huab Tais Yes Xus txoj kev ncaj yog pub rau tas txhua leej.
Cov Thwj Tim lub hauj lwm kuj yog cia rau tas txhua leej uas xav tau kev
ywj pheej, tsis yog Huab Tais Yes Xus tuaj ua neeg ntxhov siab. Tiam sis xav
kom neeg tau paub kev nyob kaj siab, kev kaj tuaj ntawm kev ncaj uas yog
Huab Tais Yes Xus txoj kev cawm neeg tuaj. Yus yuav tsum tau siv yus txoj
sia pab luag tej. Huab Tais Yes Xus hais tias “Tsis muaj leej twg muaj txoj
kev nyiam loj dua tus uas siv nws txoj sia rau nws cov phooj ywg.” (Z 15 : 13)
Yus yuav tsum hwm lwm tus vim Huab Tais Yes Xus xub hlub yus ua ntej,
yus thiaj ua tau Ntuj cov me nyuam thiab txais tau Huab Tais Ntuj lub hwj

Kev Ntseeg Ntuj
56
chim. Txhua txhia haiv neeg tsis yog haiv twg, xeem lus twg, los yog txhua
yam yuav tsum tau sib koom ua ke nrog Huab Tais Yes Xus kom tau tsim
tsa dua lub neej tshiab. Cov ntseeg yog cov tuaj yeem xa lub Moo Zoo rau
lwm tus, yuav ua rau lwm tus txawj rov hloov nws lub siab lub neej dua qub.
Cov ntseeg yog cov paub Ntuj lub txiaj ntsim ua Ntuj ua thiab ua kom lwm
tus paub qhov Ntuj muab. Cov ntseeg yog cov pab lwm tus kom paub kev
haum pheej thiab muaj kev sib koom ua i blub siab. Cov ntseeg yog cov
koom tes nrog Huab Tais Yes Xus ua lub luag hauj lwm tshaj Ntuj Lus.
Tsoom zoo niaj hnub no, kev tsim kho Huab Tais Yes Xus kuj nrog peb tsim
kho. Lub cim nyob hauv peb tsoom zoo yog kev sib faib, kev sib pab, thiab
koom ib lub siab.
Yog li peb thiaj yuav siv peb lub neej txoj sia pab lwm tus thiab txawj pom
lwm tus nyob hauv txhua yam zoo.

Kev Ntseeg Ntuj
57
-Tsoom Zoo Yog Dab Tsi?-
Yav thaud Tswv Ntuj tau nyob hauv haiv His Xas Lais. Nws ua piv txwv tias
lawv yog Tswv Ntuj haiv neeg. Huab Tais Yes Xus ua tus coj haiv neeg
tshiab, nws yog ib tug muaj tsim yog tus tau yeej txhua leej nyob hauv Tswv
Ntuj xub ntiag. Txhua leej tau txais kev zam ntawm Tswv Ntuj, kuj yog vim
Huab Tais Yes Xus ib leeg, tsis muaj dua lwm tus yuav siab dua los yog tsim
nyog txaus, dua li Huab Tais Yes Xus. Sawv daws neeg tau txais lub txiaj
ntsim ua Ntuj me nyuam vim yog Huab Tais Yes Xus tus tau yeej ntiaj teb
txoj kev txhaum. Huab Tais Yes Xus yog txoj kev, yog txoj sia, yog qhov
tseeb, tus uas ntseeg txog nws tus ntawd kuj tau mus hauv Tswv Ntuj lub
ceeb tsheej. Nyob hauv tsoom zoo, muaj cov kab ke ua piv txwv txog, tab sis

Kev Ntseeg Ntuj
58
qhov yuav tseeb yog txoj kev ntseeg, tus uas txais kev ntseeg kuj yam li txais
Huab Tais Yes Xus txoj kev muaj txoj sia rau tus ntawd, tus uas muaj lub
npe rau hauv phau ntawv ntseeg, tab sis nws tsis coj raws lub Moo Zoo kuj
tsis muaj qab hau rau nws thiab. Tus coj raws Huab Tais Yes Xus lub Moo
Zoo nws yog Huab Tais Yes Xus cov neeg, hauv Tswv Ntuj haiv neeg muaj
qee leej tau txais hauj lwm kom tau pab tsoom neeg, muaj cov Tswv Qhia
yog cov txuas ntawm cov hauv paus xa lus los, yog tus pab kev sib koom
thiab muaj cov Leej Choj ua tus pab ntawm cov neeg, txoj kev ntseeg. Vaj
Qhia yog tus pab cov ntseeg kom koom tau ua i blub siab, muaj ntau yam
uas cov ntseeg yuav pab lub koom txoos tau, qee tus pab kev thov Ntuj, yog
pab lwm yam feem ntau yog pab cov pluag, pab tus tsis paub kev ntseeg,
pab kom muaj kev haum pheej. Txhua leej ua Huab Tais Yes Xus tim khawv,
Leej Ntshiab Paj Lug hais tias : Yog zoo li neeg lub cev muaj ntau haiv, muaj
tes muaj taw, muaj ntau yam sib txuas zus tshem tsis tau ib qho tawm,
tsoom zoo yuav ua ib nyob hauv Leej Pleev.
Yog li peb thiaj yuav pab kev ntseeg rau lwm tus thiab txhob lam xyav lub
luag hauj lwm pab luag tej.

Kev Ntseeg Ntuj
59
-Huab Tais Yes Xus Pab Peb Nyob Qhov Twg?-
Huab Tais Yes Xus lub neej, nws tau ua ntau yam hauj lwm pab neeg. Peb
hais tias hauj lwm yees ntxwv, tiam sis yuav tsum to taub kom zoo tias
Huab Tais Yes Xus tau ua txhua yam no kom muaj txiaj ntsim rau nkag
siab tias :
1. Huab Tais Yes Xus xav pab peb lub siab lub cev kom muaj kev
nyiam kev hlub hauv txhua tus neeg kom ruaj, kom khov.
2. Huab Tais Yes Xus ua tej yam peb ua tsis tau.
3. Tej yam Huab Tais Yes Xus ua sab nraud, kuj zoo li tej yam nws ua
nyob hauv peb, zoo li thaum Huab Tais Yes Xus kho tus dig muag kuj ib
yam li Huab Tais Yes Xus tau kho peb thiab.
4. Tos Huab Tais Yes Xus ua tau txhua yam, kuj vim yog nws muaj
txoj kev ntseeg khov, nws yeej ncaj thiab ntshiab tiag, yog tias ua kuj tsis

Kev Ntseeg Ntuj
60
muaj txiaj ntsim, nyob hauv 7 lub Cim Ntshiab yog tej yam hauj lwm zoo li
no :
- Huab Tais Yes Xus ua kom peb muaj txoj sia tshiab nyob hauv
lub Cim Ntxuav.
- Huab Tais Yes Xus ua kom peb muaj Leej Ntuj Plig lub zog
nyob hauv lub Cim Txhab Zog.
- Huab Tais Yes Xus ua kom peb rov hloov siab tshiab tau, nyob
hauv lub Cim Daws Txhaum.
- Huab Tais Yes Xus ua kom peb nrog nws nyob hauv lub Cim
Yug.
- Huab Tais Yes Xus pab peb dim ntawm kev ntshai, kev mob,
kev ua siab loj nyob hauv lub Cim Pleev.
- Huab Tais Yes Xus pab peb kev sib yuav nyob hauv lub Cim
Cog Lus.
- Huab Tais Yes Xus xaiv ib tug ua tus coj yog nyob hauv lub
Cim Tiag Tes.
Yog li ntawd, peb yuav ntseeg tias cov Cim Ntshiab yog Huab Tais Yes Xus
txoj sia nyob hauv peb ziag no, tseem ceeb tshaj yog peb ntseeg tias Huab
Tais Yes Xus ua tus pab rau peb tau. Yog li no lub koom txoos thiaj ua raws
li Huab Tais Yes Xus tau ua los lawm.

Kev Ntseeg Ntuj
61
-Lub Cim Ntxuav Yog Dab Tsi?-
Peb tau muab dej los ntxuav tej
yam phem kom huv tuaj. Lub sij
hawm thaum peb da dej, zoo li peb
rov ua neeg huv neeg ntshiab, cov
dej uas peb siv ntawd yog kev
nyiam ntawm Tswv Ntuj, uas yog
peb txiv tau hlub peb txij lub hauv
paus los, kev nyiam ntawm Leej Tub
uas nws tau tuag nyob saum ntoo
cuam, kev nyiam ntawm Leej Ntuj
Plig uas nws pab peb kom txawj sib nyiam sib hlub mus lawm yav tom ntej.
Thaum peb txais lub Cim Ntxuav, mas Leej Choj los Xib Hwb hais tias “Hu
txog Leej Txiv thiab Leej Tub thiab Leej Ntuj Plig lub npe kuv ntxuav koj.”
Thaum ub Zam Ntxuav Plig tau ntxuav neeg nyob hauv dej, nyem no peb
tau ua raws li Zam tus piv txwv, tiam sis kuj muaj txiaj ntsim tshiab vim
Huab Tais Yes Xus tau ntxuav peb nyob hauv nws txoj kev tuag thiab sawv
rov los. Tus tau txais lub Cim Ntxuav nws thiaj yuav tsum coj lub neej mus
raws li Huab Tais Yes Xus. Peb lub neej qub yam li tus neeg qub peb twb tau

Kev Ntseeg Ntuj
62
tso tseg thaum peb txais lub Cim Ntxuav lawm. peb twb txais Huab Tais Yes
Xus txoj sia tshiab los nyob hauv peb lawm.
Peb txais lub Cim Ntxuav yog vim peb twb ntseeg txog Tswv Ntuj, uas nws
yog peb txiv. Peb ntseeg Huab Tais Yes Xus tias nws muab nws txoj sia rau
peb kom peb musj txoj sia. Peb ntseeg tias peb muaj txoj sia los ntawm Leej
Ntuj Plig. Thaum peb yuav txais lub Cim Ntxuav, peb xyaum nyob hauv lub
caij kawm kev ntseeg tshiab, kom peb paub kev ntseeg tob thiab muaj kev
cog siab. Lub koom txoos thiaj muaj lub caij kawm ntev hauj sim. Peb ua
neeg ntseeg vim peb twb ntseeg lawm.
Peb txais lub Cim Ntxuav, peb ua Tswv Ntuj haiv neeg yam li peb ua tes ua
taw ntawm Huab Tais Yes Xus. Cov ntseeg ua tim khawv txog lub Moo Zoo,
ua tus pab tas txhua leej neeg zoo li peb yog cov ntsev las lub ntiaj teb, thiab
ua ntiaj teb qhov pom kev rau lwm tus.

Kev Ntseeg Ntuj
63
-Lub Cim Txhab Zog Yog Dab Tsi?-
Thaum peb txais lub Cim Ntxuav, peb twb ua neeg yug los dua tshiab, peb
twb muaj Tswv Ntuj lub zog lawm. thaum ntawd peb muaj zog tsis txaus
vim ib txhia txais lub Cim Ntxuav thaum tseem yau. Muaj ib txhia txais lub
Cim Ntxuav thaum loj lawm. Tiam sis nws kawm tsis txaus, nws tseem tsis
tau muaj Tswv Ntuj lub zog txaus. Yog li nws thiaj li yuav tsum tau txais lub
Cim Txhab Zog ntxiv. Ib tug neeg ntseeg twb yuav tsum tau txais o blub
cim nws thiaj ua neeg ntseeg tau, vim Leej Ntuj Plig lub zog ua kom neeg
muaj Tswv Ntuj txoj kev zam rau peb cov ua Tswv Ntuj me nyuam. Peb tau
txais Leej Tswv Yim ntawm Huab Tais Yes Xus los, Leej Tswv Yim uas peb
txais los ua rau peb muaj txoj sia, kev nyiam ntawm Huab Tais Yes Xus kom
sawv ntseg hauv peb yam li peb yog Leej Ntuj Plig lub chaw nyob. Leej Ntuj

Kev Ntseeg Ntuj
64
Plig los tsa tsev hauv peb, nws yog txoj kev, yog lub noob nyob hauv peb lub
siab ua kom txawj tawg kaus thiab hlob tuaj. Leej Ntuj Plig pab peb lub siab
kom txawj ntseeg, tso siab muaj kev nyiam, paub kev sib koom tes, ua siab
dav, siab txawj zam. Leej Ntuj Plig ua Tswv Ntuj nyob nraim hauv peb siab,
peb nco ntsoov thov Leej Tswv Yim lub caij peb ntxhov siab, lub caij xaiv tej
yam hauv peb, Leej Tswv Yim yuav pab peb txiav tas txhua yam hauv kev
ntseeg thiab hauv tsoom zoo. Leej Tswv Yim pab peb kom muaj zog, thaum
peb txom nyem lub siab lub cev.
Yog li peb yuav ua dab tsi ? Peb yuav txuag peb lub cev ua Leej Ntuj Plig
qhov chaw nyob, txawj nrhiav tej yam zoo tsis txawj ploj, thiab saib lwm tus
zoo ib yam li yus.

Kev Ntseeg Ntuj
65
-Lub Cim Yug Yog Dab Tsi?-
Ntau zaus, Huab Tais Yes Xus pub mov rau cov tshaib noj, raws li peb hnov
hauv Zam ntawv Moo Zoo uas Huab Tais Yes Xus muab mov rau tsib txhiab
leej noj.
Qhov no thiaj ua rau peb paub tias Huab Tais Yes Xus yog cov mov yug peb
lub siab lub cev tiag. Peb yeej xav tau kev qhuab qhia thiab lub zog ntawm
Huab Tais Yes Xus los ua peb tug. Kev zoo, kev nyiam tseeb yog Huab Tais
Yes Xus, vim peb pom nws tuag nyob saum ntoo cuam, tsis yog vim yog cov
neeg phem ntes nws, vim nws tuaj yeem mus thawj luag kom tau pab peb.
Txoj kev nyiam no, Huab Tais Yes Xus tau pub rau peb yug peb txoj sia
nyob hauv lub Cim Yug.

Kev Ntseeg Ntuj
66
Huab Tais Yes Xus tau muab nws lub cev thiab cov ntshav los cawm peb,
yog ib yam ntshiab tag nrho.
Peb qhov muag pom tsis tau tiam sis peb lub siab txawj pom txawj xav
lawm. Tus tau txais Huab Tais Yes Xus lub cev, yog nws tsis muaj kev ntseeg
nws yog tus thuam Huab Tais Yes Xus ntag. Peb yuav ceev faj lub caij peb
txais lub Cim Yug, kom peb txhob poob hauv txoj kev txhaum. Peb yuav
muab siab rau kom tau npuab Huab Tais Yes Xus yam li nws nyob hauv
peb. Peb txais lub Cim Yug, peb zoo siab ua Huab Tais Yes Xus tim khawv
tshaj lub Moo Zoo rau lwm tus tias Huab Tais Yes Xus tau yeej txoj kev tuag
thiab muaj txoj sia nyob mus li. Peb txais lub Cim Yug, peb zoo siab nrog
nws mus, tso siab rau nws. Tus txais lub Cim Yug, zoo siab npuab lwm tus
tsim kev haum pheej, kev sib pab nyob hauv kev nyiam. Lub Cim Yug yog
Huab Tais Yes Xus cov mov pub txoj sia rau peb, Huab Tais Yes Xus hais
tias “Tus noj kuv lub cev nws yuav tsis tuag, nws yuav muaj txoj sia nyob
mus li, hnub kawg kuv tsa nws sawv rov los.”

Kev Ntseeg Ntuj
67
-Thaj Txi Ntuj Yog Dab Tsi?-
Lub koom txoos thaj txi Ntuj puas zoo li Hmoob thaj txi Ntuj ? sib txawv,
vim tias Hmoob thaj txi Ntuj, Hmoob siv tsiaj siv txhuv xws li cov His Xas
Lais thaum ub. Hos lub koom txoos thaj txi Ntuj, peb muab peb lub siab lub
ntsws los txi. Yam li peb tuaj mloog Tswv Ntuj qhia thiab tuaj ua Ntuj tsaug,
thov Ntuj rau lub ntiaj teb xws li no :
1. Huab Tais Yes Xus txi Ntuj, nws tau txi nws nyob saum ntoo cuam
kom tau pab tau cawm peb.
2. Hauv thaj txi Ntuj, peb thov Ntuj rau tas sawv daws neeg kom paub
txog lub zog thiab lub txiaj ntsim uas Tswv Ntuj tau pub rau peb neeg.

Kev Ntseeg Ntuj
68
3. Hauv thaj txi Ntuj, peb tuaj koom noj ib rooj mov ua ib pab, yam li
pab kwv tij sib nyiam sib hlub. Yog li peb yuav nrauj txoj kev sib tawg sab
nraud sab hauv, peb txais Huab Tais Yes Xus ib leeg. Peb yuav sib nyiam sib
pab txhua yam. Tus noj Huab Tais Yes Xus lub cev nws tsis fav xeeb.
4. Peb ua thaj txi Ntuj rau tas lub ntiaj teb, peb koom ib lub siab nrog
tas txhia leej neeg ntseeg tus tswv cawm peb thiab coj peb kev.
5. Peb txi Ntuj vim peb koom ib lub cev ntawm Huab Tais Yes Xus,
nws yog lub cev peb yog tes yog taw.
Yog li ntawd, hnub chiv yog hnub tuaj sib sau hauv Huab Tais Yes Xus,
tsis tsim nyog peb yuav ncua hnub chiv. Tus txais lub Cim Yug, zoo siab ua
tas txhia yam, muaj txoj kev nyiam, pab tus pluag. Tus muaj Huab Tais Yes
Xus txoj kev nyiam, nws yuav tau siv kom tau pab lwm tus thiaj muaj txiaj
ntsim yam tus dej ntws tsis paub kawg.
Yog li, Hnub Chiv peb yuav tsum tuaj teev Ntuj txhua zaus txhob ncua ib
zaug thiab peb yuav tsim hmoov rau lwm tus.

Kev Ntseeg Ntuj
69
-Lub Cim Pleev Yog Dab Tsi?-
Tas txhia yam thaum Huab Tais Yes Xus nws tau ua nyob hauv peb,
peb paub tias txoj kev cawm tuaj txog peb.
Lub Cim Pleev no thaum Huab Tais Yes Xus tau kho cov neeg mob.
Nyem no, peb vam lub Cim Pleev uas Huab Tais Yes Xus kho cov neeg
mob. Lub Cim Pleev, yog pleev nyob sab nraud kuj tsis pom txawv dab
tsi, tiam sis nyob sab hauv muaj txiaj ntsim ntau kawg. Vim Huab Tais
Yes Xus lub zog tuaj nres peb tus mob. Tuaj tso peb ntawm dab kom
dim thiab daws tas txhia yam tuaj nphav peb pov tseg. Kom peb tau zoo
nyob. Neeg lub txim rov ua rau neeg poob nyob hauv txoj kev tsaus
ntuj, kom neeg npog tej yam muaj nqes pab neeg txoj sia, qhov ntawd
yog dab phem ua rau peb. Yog vim tej yam no, Huab Tais Yes Xus thiaj
tuaj, nws tau ua tas txhia yam raws li neeg tau thov, muaj coob leej vam

Kev Ntseeg Ntuj
70
khom Huab Tais Yes Xus, Huab Tais Yes Xus tau kho nws kiag, nws tsis
tau tso tseg ib zaug. Huab Tais Yes Xus xav pab tus neeg txom nyem
lub siab, lub cev kom dim. Nws tau tos tas txhia yam raws li neeg thov.
Huab Tais Yes Xus xav kom peb to taub txog txoj kev dim tias yuav ua
dab tsi ? Huab Tais Yes Xus tau tso tes rau saum cov neeg muaj mob
kom lawv zoo. Nyem no, peb cov ntseeg kuj muaj cai tsa tes rau saum
cov muaj mob tib yam. Thaum peb muaj mob, peb thov Ntuj pab. Yog
muaj neeg mob hnyav, Txiv Plig nyob ze nws kuj yuav ua lub Cim Pleev
rau, yog cov roj ntshiab uas Txiv Tswv Qhia tau foom hmoov zoo gnub
tsib ntshiab ntawd rau. Peb thov Tswv Ntuj daws txhaum rau nws, pab
thov Tswv Ntuj lub zog rau, thov Ntuj nres nws txoj sia. Peb muaj txiab
muaj nkeeg, peb yuav thov lub koom txoos tuaj thov Tswv Ntuj rau peb
xwb.

Kev Ntseeg Ntuj
71
-Lub Cim Tiag Tes Yog Dab Tsi?-
“Kuv muab koj lo lus pub rau
lawv, lub qab ntuj neeg thiaj li
ntxub lawv, vim lawv tsis yog
qab ntuj neeg tug, ib yam li
kuv tsis yog qab ntuj neeg tug.
Kuv tsis thov kom koj rho lawv
hauv lub qab ntuj neeg mus,
kuv thov kom koj txuag lawv
ntawm tus Phem. Lawv tsis yog lub qab ntuj neeg tug ib yam li kuv tsis yog
lub qab ntuj neeg tug. Thov koj qee lawv mus nyob hauv txoj kev tseeb : Koj
lo lus yog qhov tseeb. Kuv xa lawv mus nyob hauv lub qab ntuj neeg, ib yam
li koj xa kuv los nyob hauv lub qab ntuj neeg. Kuv rov qee kuv, kom lawv
ntshiab tuaj nyob hauv qhov tseeb.” (Z 17 : 14-19)
“Kuv yog tus tswv zov yaj, yog tus zoo tswv. Tus zoo tswv zov yaj siv nws txoj
sia los pab nws cov yaj. Tus ntiav zov, nws tsis yog tswv, cov yaj tsis yog nws
li, thaum nws pom hma tuaj, nws tso cov yaj pov tseg, nws khiav lawm. Hma
muab cov yaj kwv mus, ua pab yaj tawg tas. Vim nws tsuas yog tus ntiav zov
xwb, nws tsis txhawj dab tsi txog cov yaj. Kuv yog tus zoo tswv zov yaj. Kuv
paub kuv cov yaj, kuv cov yaj paub kuv, ib yam li Leej Txiv paub kuv thiab

Kev Ntseeg Ntuj
72
kuv paub Leej Txiv. Kuv siv kuv txoj sia rau kuv cov yaj. Kuv tseem muaj ib
co yaj uas tsis nyob hauv lub nkuaj no. Kuv yuav tsum coj cov ntawd mus
thiab. Lawv yuav mloog kuv lub suab, ces yuav muaj ib pab yaj, thiab ib tug
tswv zov xwb. Tos Leej Txiv nyiam kuv : yog vim kuv siv kuv txoj sia, thiab
kuv muab txoj sia rov los rau kuv. Tsis muaj leej twg txo kuv txoj sia, yog
kuv muab pub. Kuv muaj hwj huam siv tau kuv txoj sia, thiab muaj hwj
huam muab tau kuv txoj sia rov los : Qhov no yog lo lus qhia kuv txais
ntawm kuv Txiv los.” (Z 10 : 11-18)
“Ntuj pub ntau yam txiaj ntsim, tiam sis yog tuaj ntawm Leej Ntuj Plig tib
leeg tuaj xwb. Muaj ntau txoj kab xwm, tab sis yog tuaj ntawm tib tug Huab
Tais tuaj. Muaj ntau txoj hauj lwm, tab sis yog tib tug Tswv Ntuj ua cov hauj
lwm ntawd nyob hauv txhua leej tib neeg. Ntuj pub Leej Ntuj Plig rau peb
kom peb pab tau tsoom sid. Ib txhia, Leej Ntuj Plig pub ib zaj lus thoob tsib
rau lawv. Ib txhia, Leej Ntuj Plig pub ib zag txuj ci rau lawv. Ib txhia, Leej
Ntuj Plig pub kom lawv muaj ib lub siab ntseeg. Ib txhia, Leej Ntuj Plig pub
kom lawv txawj kho mob. Ib txhia, Leej Ntuj Plig pub kom lawv txawj ua hwj
huam yees ntxwv. Ib txhia, Leej Ntuj Plig pub kom lawv txawj ua Yaj Saub.
Ib txhia, Leej Ntuj Plig pub kom lawv txawj pom tias puas yog dab. Ib txhia,
Leej Ntuj Plig pub kom lawv txawj hais ntau xeem lus. Ib txhia, Leej Ntuj
Plig pub kom lawv txawj txhais ntau xeem lus. Tas ib puas tsav yam ntawd,

Kev Ntseeg Ntuj
73
yog Leej Ntuj Plig tib leeg ua, yog Leej Ntuj Plig tib leeg muab faib rau zeej
tsoom sawv daws, raws li nws nyiam.
Ib yam li neeg lub cev : neeg muaj tib lub cev xwb : tab sis muaj tes, muaj
taw, muaj ntau yam : txhua yam yog lub cev, txawm tias muaj ntau ces, los
yeej yog tib lub cev xwb. Nyob hauv Leej Pleev kuj zoo li ntawd. Vim tias peb
sawv daws tau txais lub Cim Ntxuav nyob hauv Leej Ntuj Plig tib leeg, thiab
nyob hauv tib lub cev xwb. … Tswv Ntuj dhos tib neeg lub cev kom peb hwm
tej yam tsis muaj tsim. Li ntawd tsis muaj ib yam uas tsis sib npuab nyob
hauv lub cev. Tas txhua yam sib dhos zoo. … Ntawm nej, mas nej yog Leej
Pleev lub cev, nyias muaj nyias tug nyob hauv Leej Pleev. Nyob hauv lub
Koom Txoos, Tswv Ntuj tsa tej tus ua Hauv Paus Xa Lus, tej tus ua Yaj Saub,
tej tus ua Xib Hwb. Tseem muaj cov ua hwj huam yees ntxwv, cov tau lub
txiaj ntsim kho mob, cov tsob hwb luag, cov tuav kev tswj fwm, thiab cov
paub ntau xeem lus.” (1KLN 12 : 4-28)
Ua ntej Huab Tais Yes Xus tau tsa 12 leeg ua Thwj Tim, tom qab los nws kuj
tau tsa 72 leeg Thwj Tim ntxiv, thiab xa lawv mus tshaj Ntuj Lus, pub hwj
chim rau lawv kom tau kho cov neeg mob thiab ntiab tas txhia yam dab tau.
Thaum Huab Tais Yes Xus yuav tuag, nws tau qhia kom lawv txawj tsim lub
cim yug thiab muab hwj chim rau kom lawv txawj zam neeg cov txhaum
tau nyob hauv Leej Pleev lub npe. Ziag no, nyob hauv lub Koom Txoos ua

Kev Ntseeg Ntuj
74
raws li Huab Tais Yes Xus ua. Lawv tseem tsa qee leej los ua thwj tim tshiab,
kom tau pab HUab Tais mus ntxiv. Coj cov ntseeg kom ua ib pab, qhia lawv
kom paub lub Moo Zoo, kom lawv txawj koom ua ib pab ib pawg nyob hauv
Leej Pleev. Lawv yuav ua ntiaj teb qhov pom kev, thiab coj ntiaj teb neeg
nyob hauv cov Cim Ntshiab, kom tau pab Tswv Ntuj haiv neeg. Lub Cim
Tiag Tes tsa tej tus neg ua Leej Choj kom saib Tswv Ntuj haiv neeg, tus Leej
Choj tsis muaj cai tsa cuab tsa yim, tiam sis nws ua sawv daws kwv tij nyob
hauv lub Koom Txoos, tus tau txais lub hwj chim tswm tsuas yog Txiv Tswv
Qhia xwb, tus pab Leej Choj nyob hauv lub txoos peb pom Leej Choj ua thaj
txi Ntuj, yog tus pab sawv daws, tiam sis nws tsis yog tswv, tsuas yog tus coj
ua xwb, tsis yog tus yuam. Peb tsuas muaj ib tug Xib Hwb xwb, yog Huab
Tais Yes Xus.

Kev Ntseeg Ntuj
75
-Lub Cim Cog Lus Yog Dab Tsi?-
Tswv Ntuj tsim neeg kom muaj nkawm, txiv neej thiab poj niam yog ib tug,
muaj vaj huam sib luag, thaum nkawd sib qaws ua neej tsis muaj leej twg
yuav tshem tau. Vim tus txiv neej nws ntshaw tus poj niam, tus poj niam
nws ntshaw tus txiv. Nyob hauv neeg yeej zoo li ntawd. Tus txiv tsis loj dua
tus poj niam, tus poj niam tsis loj dua tus txiv, nkawd sib txig ib yam,
nkawd yuav sib nrauj tsis tau. Tus txiv xav yuav niam yau los tsis tau, tab
txawm nyob hauv qee haiv neeg lawv muaj tej txoj cai sib nrauj, los yuav
niam yau. Yam li peb haiv Hmoob yogi b haiv nyiam yuav ntau tus poj
niam, los sib nrauj. Kuj yog vim lawv tsis paub kev nyiam tuaj ntawm Tsvw
Ntuj tuaj. Peb kuj tsis yog ib yam tsiaj uas yuav sib cuag muaj caij muaj
nyoog ua li cas los tau, tiam sis peb yog neeg, thaum peb xav ua yam twg,
los yog tsa cuab tsa yim, peb yuav xav kom tob raws li Tswv Ntuj xav. Peb

Kev Ntseeg Ntuj
76
sim saib seb Tswv Ntuj nyiam peb tas nrho, nws yeem xa nws Leej Tub tuaj
kom tau daws tas txhia yam. Ob tug niam txiv sib yuav, nkawd yuav sib cog
lus zoo. Vim Tswv Ntuj yog tus saib nkawd. Nyob hauv lub Koom Txoos tau
txais txoj kev ua txij ua nkawm zoo li no :
1. Ua ntej sib yuav, yuav xav tswv yim, tsis yuav niam txiv xaiv, yus
yuav xaiv raws li yus nyiam.
2. Thaum yuav sib qaws, yuav tau ncua 3 lub lis piam, qhia Txiv Plig
paub, nws yuav qhia kev ua neej.
3. Sib nrauj tsis tau.
4. Ua lub Cim Cog Lus.
5. Txhob sib yuav thaum yau.
6. Tus tsis ua lub Cim Cog Lus, tsis pub txais lub Cim Yug, phim peb
yuav ua raws txoj cai. Peb yuav ua dab tsi thiaj li yog. Peb yuav txoj cai, ua
raws txoj cai.

Kev Ntseeg Ntuj
77
-Xya Lub Cim Ntshiab Muaj Nqes Npaum Li Cas?-
Xya lub Cim Ntshiab yog nqa Tswv Ntuj lub txiaj ntsim tuaj rau neeg. Tswv
Ntuj tus nyob siab tsis muaj neeg pom, tsis muaj neeg mus txog. Tiam sis
Tswv Ntuj tau nqes los, muaj txoj sia. Tswv Yes Xus yog Tswv Ntuj tus tub
zoo nyiam, nws los ua neeg, los ua Tswv Ntuj nyob nruab nrab hauv peb.
Vim Huab Tais Yes Xus peb thiaj muaj cai ua Huab Tais tsoom tub. Txoj sia
Tswv Ntuj muab uas Huab Tais Yes Xus muaj, Tswv Ntuj muab ua nws
tsoom tub tug, tus ntseeg txog Tswv Ntuj nws muaj txoj sia nyob mus li.
Txoj sia uas ploj lawm nws tsis tau ua ib lub siab nrog Tswv Ntuj.

Kev Ntseeg Ntuj
78
Txoj sia nyob mus li, qhov ntawd yog lub txiaj ntsim peb tau txais ntawm
Tswv Ntuj siab zoo los. Txoj sia nyob mus li yog txoj sia uas tau cog, nws
yuav tawg kaus ciaj tsheej tsob, tawg paj txi txiv. Tswv Ntuj muab ua ntej, ua
ntej thaum koj ua zoo, tsis yog ntiav koj. Tswv Ntuj tau nyiam peb ua ntej,
kev nyiam poob rau hauv peb siab li ntawd, peb kuj yuav tsim kev nyiam
kom nthuav dav mus. Peb tau txais ib lub cuab tam zoo nyob hauv peb lub
neej tam sim no, xws li peb tau paub Huab Tais Yes Xus. Nyob hauv xya lub
Cim Ntshiab yuav pab peb mus txog txoj sia. Yog peb tsis coj tsis kawm kuj
tsis muaj dab tsi. Thaum peb txais lub Cim Ntxuavpeb twb tau yug los dua
tshiab, peb twb yog Tswv Ntuj leej tub lawm, phim peb yuav kub siab dua.
Yog li peb yuav nrhiav yam ntshiab thiab kub siab ntseeg mus li.

Kev Ntseeg Ntuj
79
-Kev Txhaum Ua Kom Peb Tiv Kev Ncaj-
Kwv tij ntuj hlub peb tas zog. Vim peb yog nws me nyuam tiag. Nws tsis tau
cais peb los tso peb tseg. Tiam sis ntau zaus peb neeg tsis xav xws li nws me
nyuam. Peb nrauj Tswv Ntuj, peb xav raw sli peb lub siab nyiam tias yus ib
leeg paub thiab txawj lawm. Tswv Ntuj tau tsim peb ua nws me nyuam, tus
ua txhaum kuj yog nws tsis muaj kev nyiam Tswv Ntuj thiab neeg, nyob
hauv lub ntiaj teb neeg, tsim muaj txoj cai, muaj paus muaj ntsis. Tus neeg
ua raws txoj cai nws tsis ua txhaum, vim li cas ho hais li no. tus coj txoj cai,
yog tus neeg muaj kev nyiam phooj ywg. Tus tsis coj yog tus ntxub phooj
ywg. Huab Tais Yes Xus hais li no “Tsis yog tej yam nkag mus hauv neeg lub
ncauj ua kom neeg tsis huv tuaj. tab sis yog tej yam tawm ntawm neeg lub
ncauj los. Tej ntawd ua kom neeg tsis huv tuaj.” (MT 15 : 11)

Kev Ntseeg Ntuj
80
Kev ua txhaum txhawv hauv peb lub siab tuaj, thiaj ua kom peb tiv kev ncaj.
Peb yuav ua li cas thiaj tsa rog yeej txoj kev ua txhaum. Peb yuav ua tej yam
no : Nco ntsoov lees txhaum nyob hauv Tswv Ntuj, tsis hais lub caij twg;
Yuav Huab Tais Yes Xus rau hauv yus lub siab, kom yus zam tau rau lwm
tus kwv tij; Kev teev ntuj, mloog Ntuj Lus thiab ntseeg ruaj.
Peb yam no yog yam pab tiv kev ua txhaum zoo li yog cov twj pab ntaus kev
phem.

Kev Ntseeg Ntuj
81
-Kev Qhia Tshiab-
Kwv tij, kev qhia tshiab yog dab tsi ? Tej tus yuav xav tias twb muaj Tswv
Ntuj 10 lo lus qhia lawm, tseem tshuav qhov twg thiab. Nyob hauv Tswv Ntuj
10 lo lus qhia muaj lub ntsiab li no : Yuav nyiam Tswv Ntuj kawg siab kawg
ntsws; kawg tswv yim; kawg zog. Thiab nyiam tsoom txheeb ze ib yam li yus
nyiam yus. Nyob hauv ntawv Moo Zoo yus pom tias Huab Tais Yes Xus coj
Tswv Ntuj 10 lo lus qhia tas nrho tsis ncua ib yam li. Pom tias Yes Xus uas
ua Huab Tais tau coj raws li Leej Txiv lub siab thiab neeg lub siab. Huab
Tais tau tshaj lo lus meej pem rau nws cov Thwj Tim, raws li yus pom Huab
Tais tau hlub thiab nyiam yus kawg siab, nws tau siv nws txoj sia kom tau
paub peb. Peb yuav tau hlub lwm tus ib yam li Huab Tais tau qhian kom
peb ua. Tus tsis muaj kev nyiam nws tsis yog neeg ntseeg, txawm yog txais
lub Cim Ntxuav lawm. Peb yuav tau sib nyiam sib hlub raws Huab Tais Yes
Xus qhia. Huab Tais Yes Xus yog txoj kev nyiam tuaj ntawm Leej Txiv Tswv

Kev Ntseeg Ntuj
82
Ntuj tuaj. Peb kuj yuav ua txoj kev nyiam ntawm Huab Tais Yes Xus mus
txog lwm tus ib yam. Txawm tias nyuaj los ntxhov. Muaj Tswv Ntuj, peb tso
siab rau Tswv Ntuj, peb nco ntsoov Huab Tais Yes Xus lo lus qhia peb tias
“Kuv nyiam, kuv hlub nej zoo li cas, mas nej kuj yuav sis nyiam sis hlub zoo
li ntawd.” (Z 13 : 34)
Huab Tais Yes Xus kuj qhia ntxiv tias “Yog nej muaj lub siab sis nyiam sis
hlub, mas sawv daws thiaj yuav zeem tias nej yog kuv cov thwj tim.” (Z 13 :
35)

Kev Ntseeg Ntuj
83
-Kev Sib Cuag Ntawm Tus Zoo (Tus Ntshiab)-
Huab Tais Yes Xus hais tias kuv yog tsob txiv cawv. Kuv txiv yog tus tswv vaj
txiv cawv. Nyob hauv kuv tus ceg twg tsis txi txiv mas kuv txiv yuav muab
txiav pov tseg. Tus ceg twg txi txiv zoo mas kuv txiv yuav nws ntsis kom txi
txiv zoo dua.
Huab Tais Yes Xus xav hais txog peb cov neeg ntseeg txog nws, vim Huab
Tais Yes Xus paub tias neeg lub siab yuav zoo li cas, nws yeej paub tias tus
twg yog tus tsim nyom, ua li tus twg yog tus liam dua. Huab Tais thiaj hais
cov lus no rau peb lub sij hawm nws yuav raug txom nyem, xws li nyob
hauv peb neeg muaj ib txhia nws ua siab ntseeg Yes Xus mus li. Muaj ib
txhia nws lam yuav lub npe ntseeg xwb. Ces nws yuav mus hwm ntau yam
los sib xyaws rau kev ntseeg. Huab Tais Yes Xus thiaj hais lo lus no tias “Tus

Kev Ntseeg Ntuj
84
ceg twg tsis txi txiv mas kuv txiv yuav txiav pov tseg, tus ceg twg txi txiv zoo
mas kuv txiv yuav tav ntsis kom txi ncw dua.” (Z 15 : 2)
Peb txhob poob siab tias tsam Huab Tais Yes Xus tsis pab peb, nws yeej pab
peb tas zog; og peb ntseeg txog nws lawm, xws li peb txuas ntawm Huab
Tais Yes Xus lawm, yog nws lub cev. Yog nws tuag peb kuj tuag, nws ciaj peb
kuj ciaj, nws mus pem ntuj peb kuj mus pem ntuj ib yam. Huab Tais Yes
Xus yeej tas txhia yam peb kuj yeej tas txhia yam lawm thiab. Huab Tais Yes
Xus sau tas txhia haiv neeg los sib koom nws tsis tau nrauj sawv daws. Peb
yoh tus ceg ntawm nws. Peb kuj sau tas txhia haiv txhia xeem los sib koom,
yog peb nrauj ib tug los ib haiv los ib xeem, peb tsis muaj nqis dab tsi. Peb
yuav ua dab tsi thiaj tsim nyog.
Peb yuav tsis txhob xaiv neeg; yuav txhua leej ua kwv tij; sib faib noj sib faib
haus, thov Ntuj pab yus thiab lwm tus.

Kev Ntseeg Ntuj
85
-Peb Yuav Nrog Tswv Ntuj Nyob Mus Li-
Tsoom kwv tij, nyob hauv peb Hmoob lub neej ib txwm los, peb yug tub yug
ki los nrog peb nyob thiaj zoo peb siab. Yog thaum muaj ob tug niam txiv
tsis muaj me nyuam mas nkawd tu siab tas nrho. Lawv xav tias tsis muaj
me nyuam mas thaum laus lawm yuav ua li cas. Neeg nrhiav tej yam kaj
siab tuaj ntawm Tswv Ntuj thiaj sov neeg siab. Ua neej nyob muaj nqee leej
neeg ua tsis raug thiab nrhiav tsis yog. Vim sawv daws puav leej nrhiav kev
zoo siab, yog peb mus raws Tswv Ntuj txoj kev thiab Huab Tais Yes Xus txoj
kev tiag, peb yuav dim, peb yuav nyob ntawm Tswv Ntuj xub ntiag, zaum
nrog nws ua ke. Yam li roj av ze hluav taws. Kev nyiam kev zoo puv peb tej
siab tej ntsws tas, yuav tsis muaj ib yam phem tuaj raug peb. Neeg yeej hais
kam txog Tswv Ntuj lub Ceeb Tsheej. Peb yuav piav tsis tau meej, muaj ib
yam uas peb yuav paub meej tshaj thiab zoo siab tas zog tias “Peb nyob
nrog Tswv Ntuj tus hlub peb, nws yog peb niam peb txiv, tus tsim tas txhua
yam.”

Kev Ntseeg Ntuj
86
Huab Tais Yes Xus hais tias “Tus Huab Tais yuav sia siv, nws yuav kom kuv
cov tub txib zaum, nws yuav cev rau lawv noj.” (LK 12 : 37)
Thaum zoo li no lawm, yuav tsis muaj kev sib tawg, suab quaj suab nyiav los
poob kua muag lawm, tsis muaj kev ntxhov siab li. Vim muaj Tswv Ntuj lub
hwj chim ci, muaj leej yaj ua lub teeb kaj lawm.
Ntawv Qhib Yav Tom Ntej zaj 21 qib 23 thiab zaj 22 qib 5 hais tias “Tswv Ntuj
yuav ua qhov kaj thiab kev zoo siab rau peb. Leej Txiv muaj txoj sia kuj yog
Leej Tub muaj txoj sia.”
Thaum ntawd peb yuav nyob nrog cov neeg nyiam Tswv Ntuj, nrog tsoom
Leej Ntshiab yuav muaj kev sib raug zoo, sib pauv Leej Tswv Yim yam loj
zem sov siab mus li.
Yog li peb yuav ua dab tsi thiab yuav coj zoo li cas ?
1. Xub nrhiav tej yam no : Ua qhov raug thiab qhov zoo, pib nrhiav
kev nyiam ua ntej.
2. Tso siab rau Leej Txiv Tswv Ntuj siab zoo, kom pab yus coj lub neej
mus raws txoj kev nyiam Ntuj thiab nyiam neeg.

Kev Ntseeg Ntuj
87
-Tsev Neeg Ntseeg-
Muaj ib hnub Huab Tais Yes Xus tau ntiab cov tub luam hauv lub tuam tsev
teev ntuj. vim lawv muab lub tuam tsev teev ntuj los ua kiab ua khw muag
toob xib, tsis phim kev hwm Tswv Ntuj. Xav qhia peb tias peb yuav hwm
thiab hawm tej yam ntshiab uas yog Tswv Ntuj tug. Peb kuj yuav xav kom
deb kom dav.
Txij thaum Huab Tais Yes Xus tuaj nrog peb nyob, tas txhia yam puav leej
zoo; puav leej ntshiab tiag. Peb pom Huab Tais Yes Xus xwb. Peb paub tau
tias neeg yog Tswv Ntuj lub chaw nyob. Vim li cas nws ho txawj npaj kom
peb zoo, tej tus yuav tsis to taub. Qhov nws npaj kuj yog npaj rau Tswv Ntuj.

Kev Ntseeg Ntuj
88
yog li peb kuj yuav paub tias lwm tus neeg kuj yog Tswv Ntuj lub chaw nyob
ib yam. Peb kuj hwm luag thiab. Txawm tus zoo tus phem, tus qias tus me
sawv daws neeg puav leej yog Tswv Ntuj lub chaw nyob ib yam. Txhob saib
thoooj av los lub tsev ntau dua neeg. Neeg yog qhov muaj nqes dua. Xws li
Huab Tais Yes Xus tau muab nws txi rau Ntuj. Nws cov ntshav nqes los
ntxuav tas txhia yam phem. Peb yogi b co ntseeg lawm, peb yuav coj TSwv
Ntuj txoj cai uas peb tau kawm paub Huab Tais Yes Xus cov lus nyob hauv
lub Moo Zoo qhia. Txhob coj raws li cov tseem tsis tau ntseeg. Nyob hauv ib
yim neeg ntseeg yuav ua zoo li cas ? Yuav ua yam hauj lwm twg ?
Yuav nyiam neeg, hais lus muaj tshuaj, muaj ntoo cuam; duab Mab Liab;
phau ntawv nkauj teev ntuj nyob hauv tsev kom tau teev ntuj pab yus thiab
lwm tus, muaj ntawv Ntshiab thiab txhob nrhiav tej yam phem los yog lim
hiam.

Kev Ntseeg Ntuj
89
-Cov Neeg Yuav Ua Dab Tsi?-
Lub caij Huab Tais Yes Xus
raug txom nyem nws kwv ntoo
cuam hnyav. Muaj ib tug pab
Huab Tais kwv tus ntoo cuam
uas hnyav heev.
Huab Tais Yes Xus tau qhia
tias : Peb koom ua ib pa bib
pawg. Ua dab tsi peb yuav sib
pab ua. Cov ntseeg thiab
Huab Tais Yes Xus koom ua ib
yam hauj lwm. Tus tsis koom tsis ua raws nws tsis yog tus nrog Huab Tais.
Peb puav leej muaj peev xwm, yog peb tsis ua tsis muaj leej twg ua, peb yuav
hliv peb txoj kev muaj peev xwm, kom tau ua tas txhia yam muaj nqis nyob
hauv peb lub neej, peb txoj sia raws li Tswv Ntuj tau hlub thiab tsim cia.
Cov ntseeg yog cov paub Tswv Ntuj txoj kev nyiam, peb kuj yuav pab lwm
tus kom paub Tswv Ntuj kev nyiam neeg ib yam li peb paub.
Huab Tais Yes Xus tseem ua rau peb. Kuj ua rau lwm tus neeg ib yam li peb.
cov ntseeg yog cov nthuav txog lub Moo Zoo. Tswv Ntuj lus mus thoob lub
qab ntuj khwb. Ntawm yus yuav tau qhia Huab Tais Yes Xus lus, xa kev

Kev Ntseeg Ntuj
90
nyiam, tsim kev sib koom, kev ncaj ncees; txawm luag tsis ua los yus ua yus
rau.
Tswv Ntuj xub ua tas txhia yam ua ntej lawm. Cov ntseeg yuav tau ua. Vim
peb yog tsoom neeg tij, peb ua tus ntaus thawj ua lub hauv paus. Pab
txhawb nqa tus tsis tau paub, kom paub kev koom raws li Tswv Ntuj tau
qhia rau peb paub. Peb yuav ua kom kev nyiam nthuav mus puv lub ntiaj
teb. Pab Tswv Ntuj tsim lub ntiaj teb.
Peb yuav nrhiav yam twg ua ntej ? Nrhiav yam kom tau txhawb nqa lwm
tus sawv tau yam li : sib pab sib koom, txhob nrhiav lub koob meej thiab
nyiam ua neeg me.

Kev Ntseeg Ntuj
91
-Dab Phem Ntxub Tswv Ntuj Haiv Neeg-
Kwv tij, vim li cas peb hais
tias dab phem ntxub Tswv
Ntuj haiv neeg. Tswv Ntuj
haiv neeg yog leej twg ? Tswv
Ntuj haiv neeg yog peb
txhua leej, tus mloog ntuj lo
lus tsim kev thaj yeeb, tus
tsis xav ua phem rau luag.
Niaj hnub dab phem yogi b
co tswv yim poob hwj chim
ntawm Tswv Ntuj lawm. Vim
yog nws txoj kev ntxias dag tib neeg ntiaj teb kom ua txhaum rau Tswv Ntuj
tus tswv siab zoo, phauv ntawv Qhib Yav Tom Ntej hais tias :
Tswv Ntuj tus tshiab Mis Kas thiab tas tsoom tshiab lawv ntaus tus zaj.
Lawv muab nws ntiab tawm saum ntuj mus. Lawv muab nws nrog rau hauv
ntiaj teb nrog nws cov dab. Vim nws yog tus niag liam rau pab cov kwv tij
nruab hnub hmo ntuj nyob ntawm Tswv Ntuj xub ntiag. Nws twb poob rau
qhov qis lawm. (QYTN 12 : 7-10)

Kev Ntseeg Ntuj
92
Yog li ntawd dab phem thiaj khib rau peb sawv daws neeg. Nws thiaj ntxias
kom peb yuam kev raws nws, ua ntau tsav ntau yam rau neeg. Yog tus tsis
coj Ntuj lo lus thiab tsis muaj kev ntseeg Ntuj ruaj nreb. Ces nws kawg yuam
kev mus raws dab txoj kev xwb. Huab Tais Yes Xus twb yeej dab phem, nws
yeej tas txhia yam. Thaum lub hauv paus neeg swb dab, tiam sis nyem no
Huab Tais Yes Xus yog tus yeej. Peb muaj Huab Tais Yes Xus ua tus pab
peb, peb tsis ntshai tsis swb dab ib zaug. Vim peb muaj Huab Tais lub zog,
lub hwj chim roos peb; nws nrog peb nyob nraim mus li. Peb yog cov ntseeg
peb yuav tsum ceev faj mus li. Yog thaum peb tsis nco ceev faj mas dab yuav
muaj peev xwm ntxias tau peb yuam kev ua txhaum rau Tswv Ntuj.
Kwv tij, yam toob xib twg thiaj pab peb ntaus yeej dab phem txoj kev ntxias
peb. Peb yuav tsum muaj cov no, peb thiaj yeej dab phem :
1. Kev teev ntuj, tso siab ray Tswv Ntuj.
2. Kev mloog los nyeem thiab coj Ntuj Lus nyob hauv ntawv Ntshiab.
3. Txhob teev dab teev qhua thiab txhua yam hais txog dab txhob kov
nws kiag, muaj dab tsi peb vam txog Tswv Ntuj lub hwj chim roos thiab
pab.

Kev Ntseeg Ntuj
93
-Niam Mab Liab Yog Peb Niad.-
Niam Mab Liab yog Huab Tais Yes Xus niam, tau yug Tswv Ntuj Leej
Tub. Huab Tais Yes Xus yog Tswv Ntuj lub hwj chim xeeb, tsis yog tus
txiv neej twg xeeb muaj. Niam Mab Liab tau yug, vim Tswv Ntuj kev
nyiam. Tswv Ntuj nug niam Mab Liab puas zoo siab txais Tswv Ntuj.
Niam Mab Liab tau tos txais zoo, niam Mab Liab tau tu thiab saib
xyuas Huab Tais Yes Xus zoo, tau qhia Huab Tais Yes Xus thaum tseem
yau. Niam Mab Liab yog leej niad siab zoo tiag. Lub caij Huab Tais Yes
Xus loj lawm, niam Mab Liab tseem coj qhia thiab mloog Huab Tais Yes
Xus zoo dua lwm tus. Nws tau tso siab rau Huab Tais.
Thaum Huab Tais Yes Xus yuav tuag, nws tau muab nws niam los ua
tsoom neeg niad, Huab Tais Yes Xus hais tias “Niad ! tus ntawd yog koj
tus tub.”

Kev Ntseeg Ntuj
94
Nws kuj hais rau peb tias tus ntawd yog koj niam. (Z 19 : 26-27)
Txij li ntawd los, niam Mab Liab tau saib tas tsoom neeg yog nws cov
tub cov ntxhais. Zoo siab ua tus coj sawv daws. Nws yog tus pab peb los
ua Huab Tais thwj tim zoo. Niam Mab Liab yog tus neeg ntshiab, tus
tsis lo neeg lub txhaum, nws siab ncaj ncees rau Tswv Ntuj; peb thiaj hu
tias ‘Niam Siab Ntshiab’. Niam Mab Liab yog txoj hauv kev, yog tus
nyob nruab nrab hauv Huab Tais Yes Xus thiab hauv leej neeg sawv
daws. Lub caij thaum peb thov ntuj, peb thiaj vam niam Mab Liab pab
peb. thov Tswv Ntuj thiab Huab Tais Yes Xus lub zog lub txiaj ntsim
rau peb.
Vim li cas peb hais zaj nkauj : koj nyob kaj lug Mab Liab. Tos peb hais
los vim peb hais raws tus tshiab Nkas Nplias tus uas Tswv Ntuj xa tuaj
tshaj lub moo rau niam Mab Liab. Nws hais tias “Koj nyob kaj lug tus
puv txiaj ntxim Huab Tais nrog koj nyob. (LK 1 : 28)
Los yog peb hais raws li tus phauj Es Lis Xas Npes hais tias “Koj nto
koob meej hauv tas tsoom poj niam, lub txiv txi hauv koj xub ntiag, nws
nto koob meej. (LK 1 : 42)
Peb paub tias niam Mab Liab tau txais Tswv Ntuj lub txiaj ntsim ntau
tshaj tsoom neeg tib si, nws yog peb tus niam siab ntshiab tiag. Peb yog

Kev Ntseeg Ntuj
95
cov ntseeg lawm, peb yuav ua li cas peb thiaj yuav tau ntuj lub txiaj
ntsim zoo.
Kwv tij, peb yuav yuav niam Mab Liab los ua peb niam tiag. Yam li :
1. Vam niam Mab Liab pab peb.
2. Coj lub neej mus raws li Tswv Ntuj pom zoo.
3. Nyiam tus me neeg tsis muaj txim thiab peb ua neeg me.

Kev Ntseeg Ntuj
97
-Txog Hnub Kawg Huab Tais Yuav Rov Los-
Huab Tais Yes Xus nws tau piav nws lub hnub nyoog rov qab los, hais
txog lub caij kawg yuav zoo li cas. Huab Tais Yes Xus hais tias lub caij
Huab Tais Yes Xus yuav rov los ntawd mas yuav zoo li Nos Hes lub caij,
dej nyab ntiaj teb, yuav muaj ntau yam tshwm sim tuaj thiab txaus
ntshai, yuav muaj tej lub cim qhia txig Huab Tais. Huab Tais hais tias
“Tus qauv nyob twg cov tshiab kuj nyob twg.” (MT 24 : 28) Nws yog tus
pub tas txhia yam raws li tus neeg tau muaj los lawm. Huab Tais yeej
tau cog lus tias “Nej tau ua npaum li cas rau cov me tshaj hauv kuv
tsoom kwv mas nej tau ua rau kuv lawm. (NT 25 : 40)

Kev Ntseeg Ntuj
98
Huab Tais tsis tau yaum hais tias : Peb ua, nws qhia hais tias zoo li tus
tub txib yuav tau saib tas txhia yam zoo. Thaum tus tswv rov los nws
thiaj pom tias tus tub txib ua zoo thiab saib xyuas zoo. Yuav muaj lub
caij txiav txim raws li nyias txoj hauj lwm uas nyias tau ua lawm.
Txog hnub ntawd tsoom neeg siab ntshiab thiab tsoom neeg tsis muaj
txim yuav tau txais kev zoo siab thiab kev lom zem ntawm Tswv Ntuj
los. Lawv yuav nyob dawb nyob huv nrog Huab Tais nyob ua ke, nws
hais tias “Kuv yuav so tas ib zeej tsoom cov kua muag, txoj kev tuag
yuav tsis muaj ntxiv, kev ntsaj kev quaj, kev tu siab yuav tsis pom ntxiv
lawm. Yog vim lub ntiaj teb qub dua ntais lawm. (QYTN 21 :4)
Huab Tais hais tias “Kuv yog As Fas thiab Os Mes Kas, txhais tias ‘Kuv
yog lub hauv paus thiab lub hauv ntsis, leej twg nqus mas kuv yuav pub
cov dej muaj txoj sia rau nws haus dawb (QYTN 21 : 6)
Hais txog txoj sia zaum ob mas peb yuav tau pib hnub no mus. Yam li
peb txhob ua tej yam phem, txhob ntaus siab me, txhob thim kev
ntseeg, txhob ua neeg lwj, txhob tua neeg, txhob ua yam tsis huv, txhob
ntxias dab, txhob ua neeg nyiam kev dag kev cuav tas txhua yam tsis
zoo huv tib si. Peb thiaj tsis poob hauv lub pas hluav taws leej faj tob,
yog kev tuag zaum ob. (QYTN 21 : 8)

Kev Ntseeg Ntuj
99
Mas peb yuav siv lo lus no tias : Mas Las Nas Thas; txhais tias Yes Xus,
Huab Tais koj los mas.
Peb yuav tsum qhib peb lub siab txais Huab Tais tuaj nyob hauv peb.
Thiab zov hmo tos, npaj siab mus li, tsim koob hmoov tseg rau lwm tus
yam li tsim kev nyiam.

Qhia kev ntseeg rooj xib hwb zos Vib Nais

Recommended

Recommended

More Related Content

What's hot

What's hot (20)

More from muaslauj

More from muaslauj (7)

Qhia kev ntseeg rooj xib hwb zos Vib Nais