3. PHIAJ NRHIAV ZAJ
COV ZAJ PHAB
Nthuav Zaj Nyeem Hnub Chiv
Txhob ua xyem xyav txog Yes Xus 1
Tus Zoo Tswv Zov Yaj 3
Txuas nrog Yes Xus 5
Kom nej sis nyiam sis hlub 7
Vaj Qhia Lus Ntuas
Kev nyob ntsiag to yogi b txoj hau kev tim ntsej tim muag nrog Yes Xus 9
Kev nyiam yog kev tsob hwb, tsis yog kev tswj lwm tus 11
Lim lub tswv yim thaum thov Ntuj, yog qhia taug raws kev nyiam txoj kev 12
Xov Xwm
Cov Kav Tos Liv loj hlob zuj zus nyob thoob ntiaj teb 14
Hais txoj saw Mab Liab thov kom Covid-19 txhob sib kis 15
Kev Ntseeg Kav Tos Liv
Qhia txog Tswv Ntuj qhov tseeb 16
Yes Xus tus Huab Tais cawm neeg, kuv yog neeg txhaum thov koj hlub 17
Ntxiv Txoj Kev Ntseeg
Niam Mab Liab tshwm nyob Fas Tis Mas 19
Thov Ntuj thaum sawv ntxov 22
Tham Txog Hmoob
Kev ntseeg Ntuj thiab dab qhuas 23
Kab ke ntiab dab 25
4. LIAJ LUV TSEB NPLEJ (16.04.2021-15.05.2021) | 1
Thaum Yes Xus cov Thwj Tim tseem sib tham
txog tej xwm uas Yes Xus ua rau ob tug thwj
tim hauv Es mas Ws ntawd Yes Xus sawv
ntsug hauv nruab nrab lawv, nws hais rau
lawv tias “Nej nyob kaj lug.”
Cov thwj tim ceeb nkaus lawv ntshai kawg,
lawv xav tias lawv pom ib tug dab. Ces Yes
Xus hais rau lawv tias “Vim li cas nej poob
siab? Vim li cas tej zaj ua xyem xyav li ntawd
sawv los nyob hauv nej lub siab? Nej ntsia
kuv ob txhais tes thiab ob txhais taw, yog kuv
tiag! Nej xuas kuv saib! Nej ntsia mas. Dab
tsis muaj nqaij tsis muaj pob txha xws li nej
pom kuv muaj.”
Yes Xus hais li ntawd tas, nws muab nws ob
txhais tes ob txhais taw rau lawv saib. Lawv
zoo siab dhau, lawv tseem tsis tau xav ntseeg.
Lawv yoob tas. Yes Xus hais rau lawv tias
“Nyob ntawm no, nej muaj dab tsi noj?”
Lawv muab ib ya ntses txhiab rau Yes Xus.
Yes Xus tuav, nws noj yav ntses ntawd nyob
ntawm lawv xub ntiag.
Yes Xus hais rau lawv tias “Thaum kuv tseem
nrog nej nyob kuv hais cov lus no rau nej: Tas
ib puas tsav yam uas Mais Xes Txoj Cai, cov
Yaj Saub, thiab cov Nkauj Paj Nruag sau txog
kuv yuav tsum tshwm sim koj tiav.”
Ces Yes Xus qhib lawv lub tswv yim kom lawv
to taub Ntawv Ntshiab. Nws hais rau lawv
tias “Ntawv sau hais tias Leej Pleev yuav raug
luag tsim txom, hnub peb nws yuav sawv
hauv cov tuag rov los. Thiab Ntawv tseem
hais tias yuav tsum tshaj txoj kev tig los hloov
siab, ntxub kev txhaum. Kom Ntuj zam
txhaum rau ib tsoom haiv neeg nyob hauv
Leej Pleev lub npe. Yuav xub tshaj nyob Yes
Lus Xas Les. Nej yuav ua tim khawv txog tej
ntawd. Kuv yuav xa qhov uas kuv Txiv cog
lus tuaj rau nej. Ua li mas nej nyob hauv lub
nroog no mus txog hnub nej tau txais lub zog
nqes saum txheej siab los hnav tso.”
(LK24:36-48)
Muaj ntau zaus uas peb ua xyem xyav txog
Yes Xus tib yam li cov thwj tim. Tab sis hnub
no Ntawv Ntshiab qhia peb tias Huab Tais
Yes Xus yog Tswv Ntuj Leej Tub tiag, nws
sawv rov los lawm, Yes Xus mus pem Ntuj
lawm, tab sis nws kuj niaj hnub nrog peb
nyob nraim. Li ntawd, peb tsis ua xyem xyav
ntxiv.
Yeej muaj ntau zaus uas tib neeg lub siab ua
xyem xyav txog kev ntseeg, yeej muaj ntau
yam uas tib neeg tsis txawj piav kom meej
pem, vim tej yam ntawd tob dhau neeg lub
tswv yim yuav ntsuas tau, thiab tob dhaum
qhov uas tib neeg yuav paub tas. Tseem
muaj ntau yam nyob hauv peb txoj kev
ntseeg uas piav li cas los tib neeg nkag siab
TXHOB UA XYEM XYAV TXOG YES XUS
LIS PIAM 3 CHIV HLA Tus sau: XH. Yaj Nom Thoob (2009)
5. 2 | (LIAJ LUV TSEB NPLEJ (16.04.2021-15.05.2021)
tsis tas, yuav tsum vam txog Leej Ntuj Plig
Ntshiab pab xwb ces neeg thiaj li yuav
ntseeg thiab tso siab tau.
Huab Tais Yes Xus nyiam thiab hlub nws cov
thwj tim tas siab, Yes Xus tsis tso cov thwj
tim pov tseg, nws tawm tuaj xyuas lawv. Yes
Xus kuj hlub peb kawg, tab sis ntau zaus peb
zeem tsis tau Yes Xus txoj kev hlub, peb ua
xyem xyav rau Yes Xus. Peb thov Huab Tais
Yes Xus pab peb txawj tso siab rau nws tiag,
peb nco ntsoov tias peb muaj Huab Tais Yes
Xus nrog peb nyob, nws yog tus Huab Tais
pab peb tas mus li.
Kwv tij, yog peb vam txog Huab Tais Yes Xus
pab peb, mas Yes Xus yuav pub zog rau peb,
kom peb txawj ua neej zoo, peb yuav tsis
poob hauv txoj kev ua phem ua txhaum, ces
hnub peb hla lub ntiaj teb no mus lawm mas
peb yuav tau pom Huab Tais Yes Xus tim
ntsej tim muag, peb yuav txais kev zoo siab
nyob ntawm Tswv Ntuj xub ntiag, mus li ib
txhiab ib txhis.
Yog peb txawj ntsia Yes Xus lub neej mas
peb twb paub tias nws yeej kev txhaum
thiab yeej kev tuag lawm, vim tas nws sid
Yes Xus tsis tau mloog kev txhaum ib zaug li.
Huab Tais Yes Xus sawv rov los lawm nws
yog peb tus Huab Tais ciaj nyob mus li, nws
txhob txwm tawm tuaj rau cov thwj tim pom
kom tau pab lawv ntseeg tias nws nrog lawv
nyob tsis tseg. Huab Tais Yes Xus kuj nrog
peb nyob tsis tseg thiab.
+++++++++++++++++++++
6. (LIAJ LUV TSEB NPLEJ (16.04.2021-15.05.2021) | 3
Yes Xus hais rau lawv tias ”Kuv yog tus tswv
zov yaj, yog tus zoo tswv. Tus zoo tswv zov
yaj siv nws txoj sia los pab nws cov yaj. Tus
ntiav zov, nws tsis yog tswv, cov yaj tsis yog
nws li, thaum nws pom hma tuaj, nws tso cov
yaj pov tseg, nws khiav lawm. Hma muab cov
yaj kwv mus, ua pab yaj tawg tas. Vim nws
tsuas yog tus ntiav zov xwb, nws tsis txhawj
dab tsi txog cov yaj.
Kuv yog tus zoo tswv zov yaj, kuv paub kuv
cov yaj, kuv cov yaj paub kuv. Ib yam nkaus li
Leej Txiv paub kuv thiab kuv paub Leej Txiv.
Kuv siv kuv txoj sia rau kuv cov yaj. Kuv
tseem muaj ib co yaj uas tsis nyob hauv lub
nkuaj no, kuv yuav tsum coj cov ntawd mus
thiab. Lawv yuav mloog kuv lub suab, ces
yuav muaj ib pab yaj, thiab ib tug tswv zov
xwb.
Tos Leej Txiv nyiam kuv yog vim kuv siv kuv
txoj sia, thiab kuv muab txoj sia rov los rau
kuv. Tsis muaj leej twg txo kuv txoj sia, yog
kuv muab pub. Kuv muaj hwj huam siv tau
kuv txoj sia, thiab muaj hwj huam muab tau
kuv txoj sia rov los. Qhov no yog lo lus qhia
kuv txais ntawm kuv Txiv los.” (Z10:11-18)
Kwv tij Hmoob, txij hnub nej txais Cim
Ntxuav ces nej twb yog Tswv Ntuj cov me
nyuam, yog Huab Tais Yes Xus ib tug kwv
lawm. Li ntawd, nej thiaj muaj ib feem yog
tus yaj, nej kuj muaj ib feem yog tus tswv
zov nej cov yaj thiab. Nej cov yaj yog nej cov
kwv tij, cov nkauj muam, yog nej cov txheeb
ze.
Nej yuav ua li cas los zov nej cov yaj? Nej
yuav pab nej cov yaj los nej yuav tso tes
khiav thaum hma tuaj? Nej yuav ua li cas nej
thiaj yog ib tug zoo tswv zov yaj?
Tus Hauv Paus Xa Lus Zam sau zaj no, mas
nws xav qhia tias peb yuav ua tus zoo tswv
zov yaj tau li cas? Yog kom peb kawm
ntawm Huab Tais Yes Xus.
Huab Tais Yes Xus qhia tias “Kuv yog tus
Zoo Tswv Zov Yaj. Tus Zoo Tswv Zov Yaj
muab nws txoj sia los cawm nws cov yaj.”
Yog vim Huab Tais Yes Xus nyiam peb thiab
hlub peb mas nws yeem tuag kom tau cawm
peb, nws muab nws txoj sia los ua nqe txhiv
peb. Li ntawd, Huab Tais Yes Xus thiaj yog
tus Zoo Tswv Zov Yaj tiag, peb yog Yes Xus
pab yaj.
Ib txwm cov Yaj Saub muab cov neeg coj noj
coj ua hauv cov Yus Das piv rau tus tswv zov
yaj. Yes Xus hais tias cov nom tswv yog cov
neeg ntiav zov yaj xwb, lawv tsis yog tus zoo
tswv zov yaj, lawv tsis txuag lawv pab yaj,
lawv ua kom pab yaj tawg tas.
Huab Tais Yes Xus pom cov nom tswv tsis
txawj hlub lawv tsoom pej xeem, cov nom
tswv nrhiav noj ntawm tsoom pej xeem, cov
nom tswv ua li ntawd mas lawv tsis yog ib co
tseem tswv, lawv tsis xyiv fab zov lawv pab
yaj, lawv ua kom pab yaj tawg tas.
TUS ZOO TSWV ZOV YAJ
LIS PIAM 4 CAIJ HLA Tus sau: XH. Yaj Nom Thoob (2009)
Thoob
7. 4| LIAJ LUV TSEB NPLEJ (16.04.2021-15.05.2021)
Tab sis Huab Tais Yes Xus yog tus Zoo Tswv
Zov Yaj, nws muab nws txoj sia los cawm
nws cov yaj.
Huab Tais Yes Xus hais lo lus qhia tim 2 tias
“Tus neeg ntiav zov yaj, tsis yog tus tswv.
Thaum nws pom hma tuaj, nws tso tes
khiav. Cia hma muab cov yaj tom, thiab
ua pab yaj tawg tas. Tus tub zog tsis xyiv
fab saib pab yaj vim nws tsis yog tus
tseem tswv.”
Nyob hauv Yes Xus lub Koom Txoos mas Yes
Xus txib coob leej nrog Yes Xus saib nws pab
yaj, cov neeg ntawd muaj leej puav coj tus
yam ntxwv tsis tsim nyog ua tus zoo tswv
zov yaj, vim lawv nrhiav hwj chim thiab
nrhiav koob meej nyob hauv txoj hauj lwm
saib Yes Xus pab yaj. Lawv yog cov neeg
ntiav zov yaj xwb.
Nyob hauv peb cov ntseeg, mas peb yeej
pom muaj li ntawd tiag, peb pom tias pawg
ntseeg twg yog muaj ib tus coj tsis kub siab
saib xyuas tsoom ntseeg, tsis mob siab rau
cov ntseeg mas pawg ntseeg ntawd yuav
tawg ua ntau pab ntau pawg thiab yuav maj
mam tuag mus.
Hnub no peb twb yog ib tug yaj thiab twb
yog ib tug tswv zov peb cov yaj lawm, peb
txhob ua xws li peb yog tus tub zog zov
mog!
Huab Tais Yes Xus qhia ntxiv tias “Kuv yog
tus Zoo Tswv Zov Yaj, kuv paub kuv cov
yaj, thiab kuv cov yaj paub kuv. Cov Yaj
mloog kuv lub suab. Tus Zoo Tswv Zov
Yaj hu nws cov yaj, nws tuav lawv npe,
nws coj lawv mus. Thaum nws tso cov yaj
tawm hauv nkuaj los, nws ua cov yaj ntej,
cov yaj raws tus tswv qab, vim lawv paub
nws lub siab. Cov yaj yuav tsis raws lwm
tus. Lawv haj yam yuav khiav, vim lawv
tsis paub tus ntawd lub suab.”
Kwv tij, cov neeg nyob hauv Yes Xus lub
Koom Txoos mas lawv yog Yes Xus pab yaj,
lawv tsum mloog Yes Xus lub suab. Yes Xus
pab yaj niaj hnub yuav mloog Yes Xus cov
lus, ua raws li Yes Xus qhia kom lawv ua.
Peb paub tias Huab Tais Yes Xus qhia kom
peb nyiam Tswv Ntuj thiab sib nyiam sib
hlub, mas peb niaj hnub yuav taug nraim
txoj kev nyiam Ntuj thiab hlub neeg, peb ua
raws li Yes Xus qhia kom peb ua.
Niaj hnub Huab Tais Yes Xus tuaj tshoj peb
lub siab, nws hu kom peb nyiam thiab hlub
luag tej, Yes Xus hu kom peb ua hauj lwm
pab Yes Xus lub Koom Txoos.
Huab Tais Yes Xus hais lo lus qhia ua tus zoo
tswv zov yaj tim 4, tias “Kuv tseem muaj ib
co yaj uas tsis nyob hauv lub nkuaj no,
kuv yuav tsum coj cov ntawd mus thiab.
Lawv yuav mloog kuv lub suab, ces yuav
muaj ib pab yaj, thiab ib tug tswv zov
xwb.”
Huab Tais Yes Xus paub tias tseem muaj
neeg coob tas nrho tsis tau tig los yuav lub
siab tshiab, lawv tsis tau los nyob hauv Yes
Xus lub Koom Txoos, lawv yog cov yaj tseem
tsis tau txiav siab los ua Yes Xus pab yaj,
Huab Tais Yes Xus tseem niaj hnub tos kom
sawv daws los nyob hauv Yes Xus lub Koom
Txoos, los nyob hauv Yes Xus txoj kev saib
xyuas, thiab los ua Yes Xus pab yaj.
Kwv tij, leej twg yuav mus coj pab yaj ntawd
los nyob hauv Tswv Ntuj lub nkuaj? Kawg
yog cov tswv zov yaj xwb thiaj tawm mus
nrhiav thiab mus coj cov yaj ntawd los. Peb
yog ib tug yaj mas peb yeej paub tias yaj xav
li cas, nyiam li cas thiab coj tus yam ntxwv
zoo li cas? Dhau ntawd, peb kuj yog ib tug
tswv zov yaj thiab, mas peb tsum qhib peb
lub qhov rooj tawm mus coj lawv los nrog
peb nyob ua ke, los ua ib pab yaj.
8. LIAJ LUV TSEB NPLEJ (16.04.2021-15.05.2021) | 5
Yes Xus hais tias “Kuv yog tsob tseem txiv
cawv. Kuv Txiv yog tus tswv teb txiv cawv.
Nyob hauv kuv, txoj hmab twg tsis txi txiv,
kuv Txiv muab txiav pov tseg. Txoj hmab twg
txi txiv, kuv Txiv tav nws ntsis kom txi ncw
dua. Kuv Txiv twb tav nej lub ntsis lawm, vim
lo lus kuv tau hais rau nej.
Nej nyob hauv kuv, ib yam li kuv nyob hauv
nej. Yog nej tsis nyob hauv kuv, mas nej txi
tsis taus txiv, xws li txoj hmab uas tsis txuas
rau tus kav, nws txi tsis taus txiv.
Kuv yog tsob txiv cawv, nej yog cov ceg, tus
uas nyob hauv kuv thiab kuv nyob hauv nws,
mas nws txi txiv ncw.
Yog nej ncaim ntawm kuv, nej ua tsis tau
dab tsi. Yog leej twg tsis nyob hauv kuv, luag
yuav muab nws pov tseg rau sab nraud, xws
li tus ceg khaub, nws yuav qhuav.
Luag yuav sau cov ceg qhuav mus pov rau
hauv hluav taws kom kub hnyiab. Yog nej
nyob ruaj hauv kuv, thiab kuv cov lus nyob
ruaj hauv nej, mas nej thov dab tsi nej yuav
tau raws li nej thov. Qhov ua kom kuv Txiv
muaj koob meej, mas yog nej txi txiv ntau
thiab nej los ua kuv thwj tim.” (Z15:1-8)
Thaum Huab Tais Yes Xus hais nws zaj
txhais txog daim teb txiv cawv, mas Yes Xus
xav qhia tias ov neeg ntseeg txog nws yog
Tswv Ntuj tsob ntoo txiv cawv, tab sis nyob
hauv cov neeg ntseeg kuj muaj tej tus lam
txais lub npe ntseeg xwb, lawv tsis ua raws li
Yes Xus qhia, ces lawv yog tsob txiv cawv
qaub.
Muaj ntau zaug uas peb ncaim ntawm Tswv
Ntuj, peb tsis txuas rau Yes Xus. Tab sis
hnub no Huab Tais Yes Xus hu kom peb los
nyob hauv Yes Xus. Yog peb npuab Yes Xus
thiab mloog Yes Xus, mas nws yuav zam
txhaum rau peb, ces peb yuav txais Yes Xus
txoj sia ua peb tug.
Cov ntseeg Yes Xus yuav tsum nrog Yes Xus
koom ua ib ke tiag, yog tias lawv los ntseeg
Yes Xus tab sis lawv tsis ua raws li Yes Xus
qhia mas lawv lub neej tsis txuas rau Yes
Xus, ces lawv txoj kev ntseeg cawm tsis tau
lawv. Tus neeg ntseeg uas ncaim ntawm Yes
Xus mas nws tus ntsuj plig yuav poob hauv
txoj kev tuag. Tsuas yog tus ua raws li Yes
Xus qhia mas nws thiaj yuav txais Yes Xus
txoj sia ua nws tug. Yog peb txuas rau Yes
Xus mas peb nrog Yes Xus koom nws txoj
sia, ces peb lub neej kuj tawg paj txi txiv
zoo.
Peb yuav txuas rau Yes Xus zoo li cas?
Peb muab peb lub neej lub siab los npuab
Yes Xus, peb ntseeg Yes Xus thiab ua raws li
Yes Xus qhia. Yog peb ua li no mas peb twb
muab peb lub neej txuas rau Yes Xus lawm,
ces peb yuav txais Yes Xus txoj sia ua peb
tug.
Peb yuav txi txiv tau li cas?
Zam hais nyob hauv nws tsab ntawv tias
”Nej yuav ntseeg txog Yes Xus Pleev lub
TXUAS NROG YES XUS
LIS PIAM 5 CAIJ HLA Tus sau: XH. Yaj Nom Thoob (2009)
Thoob
9. 6 | LIAJ LUV TSEB NPLEJ (16.04.2021-15.05.2021)
npe, thiab nej yuav sib nyiam sib hlub
raws li Yes Xus Pleev tau qhia kom nej
ua.”
Yog peb ua zoo li no mas peb yog tus ceg
txuas rau Yes Xus, yog tus ceg txi txiv ntag.
Yog peb tsis mloog thiab tsis kawm cov zaj
hais txog Yes Xus mas peb yuav tsis paub
Yes Xus, ces thaum peb raug kev ceeb laj
mas peb yuav tso Yes Xus pov tseg, ces peb
yuav plam Tswv Ntuj txoj sia, peb yuav plam
Tswv Ntuj lub Ceeb Tsheej.
Peb niaj hnub yuav npuab Huab Tais Yes Xus
tas mus li, peb niaj hnub yuav thov Huab
Tais Yes Xus pab peb tsis tseg, kom xwv peb
thiaj yuav txais Tswv Ntuj txoj sia nyob mus
li ua peb tug.
Tswv Ntuj tsis yuam peb, Tswv Ntuj cia peb
ua lub neej ywj siab, tab sis thaum twg peb
ua tsis zoo mas Tswv Ntuj tav peb ntsis, nws
cia kom peb raug kev ceeb laj, ces peb thiaj
yuav tig los yuav lub siab tshiab. Yog thaum
twg Tswv Ntuj pom peb ua tsis zoo mas nws
txhob txwm tav peb ntsis, nws pub kom peb
raug kev ceeb laj, kom xwv peb thiaj yuav tig
los hloov siab, ces peb lub neej thiaj yuav
tawg paj txi txiv zoo. Tswv Ntuj ua li ntawd
rau ib tug neeg txhaum mas yog Tswv Ntuj
hlub tus ntawd, Tswv Ntuj ua kom nws xav
tswv yim.
Nyob hauv peb lub neej, mas peb yuav txiav
tej yam tsis zoo pov tseg, zaum puav qhov
peb txiav pov tseg ntawd ua kom peb sab
me ntsis, tab sis yeej yog txoj kev pab peb
kom ua neeg zoo tuaj, yeej yog txoj kev pab
kom yus tau txais Tswv Ntuj txoj sia nyob
mus li ua yus tug.
Peb niaj hnub yuav xav tswv yim txog peb
lub neej, peb ntsuas tias peb tau ua yam twg
tsis zoo mas peb tso qhov phem ntawd pov
tseg, peb tig los yuav lub siab tshiab. Peb
muab peb lub neej los khuam rau Yes Xus,
peb cia Yes Xus ua tus coj peb lub neej.
Huab Tais Yes Xus hu kom peb muab peb
lub siab los txuas rau Yes Xus, thiab hu kom
peb ntseeg Yes Xus, mas peb niaj hnub yuav
ua zoo li Yes Xus hu kom peb ua, peb niaj
hnub yuav nyiam Tswv Ntuj tas siab tas
ntsws, tas tswv yim, tas zog, thiab peb niaj
hnub yuav sib nyiam sib hlub mus li. Peb
thov Huab Tais Yes Xus pab peb kom peb ua
tau raws li nws cov lus qhia, kom peb lub
neej tawg paj txi txiv ncw.
+++++++++++++++++
10. LIAJ LUV TSEB NPLEJ (16.03.2021-15.04.2021) | 7
Yes Xus nrog nws cov thwj tim noj pluas mov
kawg, ces Yes Xus hais rau cov thwj tim tias
“Kuv nyiam nej ib yam li Leej Txiv nyiam kuv.
Nej nyob hauv kuv txoj kev nyiam mog. Yog
nej coj kuv cov lus qhia mas nej nyob ruaj
hauv kuv txoj kev nyiam, ib yam li kuv coj
kuv Txiv cov lus qhia thiab kuv nyob ruaj
hauv nws txoj kev nyiam.
Kuv hais tej no rau nej kom kuv txoj kev kaj
siab nyob hauv nej, nej thiaj txais kev kaj siab
puv nej. Kuv lo lus qhia yog lo lus no: Nej sis
nyiam sis hlub zoo li kuv tau nyiam tau hlub
nej. Tsis muaj leej twg muaj txoj kev nyiam loj
dua tus uas siv nws txoj sia rau nws cov phooj
ywg.
Yog nej ua qhov kuv qhia nej, mas nej yog
kuv cov phooj ywg. Kuv tsis hu nej ua kuv cov
tub txib, vim tus tub txib tsis paub qhov uas
tus tswv ua. Tab sis kuv hu nej ua phooj ywg,
vim tas ib puas tsav yam kuv hnov ntawm
kuv Txiv mas kuv qhia nej paub tas huv si.
Tsis yog nej xaiv kuv, yog kuv xaiv nej, thiab
yog kuv xa nej mus kom nej txi txiv, kom nej
cov txiv nyob ruaj, kom xwv nej tuav txog kuv
lub npe thov yam twg ntawm Leej Txiv, mas
nws muab rau nej. Lo lus qhia uas kuv muab
rau nej yog kom nej sis nyiam sis hlub.”
(Z15:9-17)
Kwv tij Hmoob, Huab Tais Leej Txiv nyiam
nws Leej Tub tiag, thiab Huab Tais Yes Xus
kuj nyiam peb tiag, ces Yes Xus yeem tuag
kom tau cawm peb. Tsis muaj ib txog kev
nyiam twg uas loj dua tus yeem muab nws
txoj sia los cawm peb.
Kwv tij, tsis tas peb yuav tuag kom tau cawm
lwm tus, tab sis peb yuav tsum nyiam thiab
hlub luag tej tiag, peb niaj hnub yuav nqes
tes ua cov hauj lwm pab luag tej. Yog thaum
peb ua cov hauj lwm pab luag tej, mas peb
tej hauj lwm ntawd zeem tseeb tias peb
nyiam lawv thiab nyiam Tswv Ntuj. Thaum
muaj neeg thov peb pab mas peb mloog
nws cov lus, peb pab nws thiab nplij nws lub
siab kom zoo.
Peb xav kom luag tej nyiam thiab hlub peb
zoo li cas, mas peb kuj yuav hlub luag zoo li
ntawd.
Nyob hauv lub caij sawv daws ntsib kev
txom nyem li no, yog lub caij Tswv Ntuj pub
rau peb kom peb tau ua cov hauj lwm nyiam
lwm tus, ua cov hauj lwm zeem tseeb tias
peb nyob hauv Huab Tais Yes Xus cov lus
qhia. Li ntawd, nej sawv daws yuav muab lub
sij hawm no los tsim txoj kev nyiam lwm tus,
kom Huab Tais Yes Xus txoj kev kaj siab
nyob hauv lawv thiab nyob hauv nej.
Kwv tij, cov neeg ntseeg Ntuj yog Yes Xus
thwj tim, hnub lawv txais lub Cim Ntxuav
mas lwv txais txoj hauj lwm tshaj Yes Xus lub
Moo Zoo, lawv txais txoj kev ntshaj Ntuj Lus.
Txoj kev tshaj Ntuj lus zoo tshaj plaws mas
yog qhov peb nyiam thiab hlub luag tej, yog
qhov peb pab lawv.
Thaum luag pom cov neeg ntseeg hlub luag
tej, mas lawv kuj pom Yes Xus txoj kev hlub
nyob hauv cov neeg ntseeg ntawd, ces
tsoom sid thiaj yuav cav lus zoo txog Tswv
Ntuj.
Huab Tais Yes Xus hais tias “Nej nyob hauv
kuv txoj kev nyiam mog.” Li ntawd, peb
yuav muab siab rau nyiam Yes Xus, peb
txhob ncaim ntawm nws.
Huab Tais Yes Xus hu peb los nyob hauv nws
txoj kev nyiam, mas Yes Xus xav kom peb
tso txoj kev ua phem ua txhaum pov tseg,
kom peb tig los sib nyiam sib hlub thiab tig los
ntseeg txog Yes Xus.
Huab Taus Yes Xus kuj hais tias ”Yog nej
coj kuv cov lus qhia, mas nej yuav nyob
KOM NEJ SIS NYIAM SIS HLUB
LIS PIAM 5 CAIJ HLA Tus sau: XH. Yaj Nom Thoob (2009)
Thoob
11. 8 | LIAJ LUV TSEB NPLEJ (16.04.2021-15.05.2021)
hauv kuv txoj kev nyiam.”
Kwv tij, vim Huab Tais Yes Xus nyiam peb
tshaj plaws, nws yeem tuag kom tau cawm
peb dim. Huab Tais Yes Xus ua ib tug qauv
zoo rau peb taug, Huab Tais Yes Xus xav
kom nws cov thwj tim sib nyiam sib hlub
thiab ua txoj hauj lwm hlub luag lwm tus.
Kwv tij Hmoob, Huab Tais Yes Xus hais tias
“Yog nej coj kuv cov lus qhia mas nej
nyob ruaj hauv kuv txoj kev nyiam, kuv
txoj kev kaj siab nyob hauv nej.”
Yog peb coj nraim Yes Xus cov lus qhia mas
peb tau lub siab kaj. Peb yog Yes Xus cov
phooj ywg, peb yuav sib hlub xws li ib co
kwv tij.
Huab Tais Yes Xus yog txoj kev nyiam tuaj
ntawm Leej Txiv Tswv Ntuj tuaj. Leej Txiv cev
txoj kev nyiam tuaj txog Yes Xus thiab yuav
mus txog cov thwj tim uas yog peb sawv
daws, ces peb yuav faib txoj kev nyiam
ntawd rau lwm leej lwm tus.
Yog peb sib nyiam ntev li cas mas peb lub
siab kuj yuav kaj ntev li ntawd. Yog peb
txawj nyiam luag tej mas peb lub siab yuav
kaj, peb yuav yog Yes Xus cov phooj ywg.
Yog peb nyob nraim hauv Tswv Ntuj txoj kev
nyiam kev hlub, mas peb lub neej yuav tawg
paj txi txiv zoo. Tab sis hnub twg peb ncaim
ntawm Tswv Ntuj mas peb ua tsis tau dab
tsi. Tswv Ntuj yog tseem txoj kev nyiam kev
hlub, nws hlub peb txhua leej txhua tus, li
ntawd peb kuj yuav sib nyiam sib hlub thiab.
Kwv tij, peb yog neeg txhaum tab sis Huab
Tais Yes Xus muab nws txoj kev hlub los
cawm peb, Yes Xus pub kom peb txais kev
zoo siab nyob ntiaj teb no. Thiab lwm tiam
peb haj yam yuav txais kev zoo siab loj nyob
ntawm Tswv Ntuj xub ntiag. Yes Xus hu peb
los nyob hauv nws lub Koom Txoos mas Yes
Xus hu kom peb sib nyiam sib hlub. Peb
yuav nyiam luag tej ib yam li peb nyiam peb.
Peb tsis xaiv tias tus ntawd yog neeg zoo li
cas. Peb paub tias Tswv Ntuj xav kom peb
nyiam sawv daws huv tib si, tsis tseg ib tug li.
Yog vim Yes Xus xav kom peb sib nyiam sib
hlub mas nws hais tias “Nej sawv daws
yuav sib nyiam sib hlub, ib yam li kuv
nyiam thiab hlub nej.”
++++++++++++++
12. LIAJ LUV TSEB NPLEJ (16.04.2021-15.05.2021) | 9
Tim 28 lub 4 hlis 2021, Vaj Qhia Fas
Ntshis Kus hais txog txiaj ntsim hauv kev
nyob ntsiag to tias yog kev thov Ntuj pab
kom tau tim ntsej tim muag nrog Huab
Tais Yes Xus thiab rov ntsib peb tus kheej.
Hnub Plaub hauv Lis Piam 4 Caij Hla, Vaj
Qhia Fas Ntshis Kus rov tawm los ntuas
tsoom ntseeg dua, Vaj Qhia hais tias kev
nyob ntsiag to yog nrhiav lub ntsiab nyob
hauv phau ntawv Qhib Yav Tom Ntej. Li
ntawd, thaum cov ntseeg txais Tswv Ntuj Lo
Lus, lawv thiaj tsis kaw cov lus ntawd cia vim
Lo Lus tsum dhos nrog lwm phau ntawv, uas
yog ‘phau ntawv hauv txoj sia’.
Vaj Qhia hais tias “Tej no yog yam peb ua
txhua zaus thaum peb coj Tswv Ntuj Lo Lus
los lim los xav.”
Cov lus hauv hnub no mas Vaj Qhia thiaj xav
hais txog kev nyob ntsiag to.
Vaj Qhia hais tias nyob hauv ob peb xyoos
dhau los no, txhua txoj kev teev hawm ras
txog kev nyob ntsiag to. Hauv cov ntseeg
txog Yes Xus los kuj ib yam nkaus.
Sawv daws muab kev ntsiag to los ua lub sij
hawm lim lawv lub tswv yim thiab rov nrhiav
kom ntsib tus kheej. Tshwj xeeb tshaj mas
yog cov neeg nyob sab hnub poob, lawv
nrhiav kev nyob ntsiag to, vim yam no pab
lawv tawm hauv kev ntxhov siab thiab ntxiv
lawv tej caij nyoog kom puv tuaj.
Cov xwm no yog ib yam txaus zoo siab, vim
peb tswj tau peb txoj sia nyob hauv peb.
Muaj ib zaug, Lo Lus yog yam cov ntseeg
tsum txaus siab txais, yuav muab lwv pov
tseg tsis tau. Nyob ntawm no, Huab Tais Yes
Xus yog lub qhov rooj rau cov ntseeg li lus
thov chaws mus, thiab kev xyaum nyob
ntsiag to kuj raws mus thiab.
Thaum cov ntseeg thov Ntuj, lawv tsis vam
kom lawv kaj tuaj los yog nrhiav qhov tob
tshaj nyob hauv lawv tus kheej. Cov ntseeg
kev thov Ntuj yog lawv tim ntsej tim muag
nrog lwm tus. Yog tias, kev thov Ntuj ua kom
peb ntsib kev thaj yeeb nyob hauv peb, los
yog kom peb rov paub peb, los yog kom
peb pom txoj kev peb taug mus no tseeb
tuaj, mas hais tau tias muaj feem los ntawm
cov ntseeg li lus thov Ntuj uas yog lawv tim
ntsej tim muag nrog Huab Tais Yes Xus.
Hais txog lo lus txhais lo tias ‘kev nyob
ntsiag to’, mas Vaj Qhia hais tias nyob hauv
txoj kev ntseeg mas yog hais txog tej yam
sib txawv uas tus plig tau pom, tau ntsib dua
los lawm. Li cas los xij, Koom Txoos txoj Kev
Ntseeg pab kom peb paub tias muaj ntau
txoj hau kev nyob ntsiag to, tiam sis tej
ntawd tsuas yog txoj lwg xwb, qhov tseem
ceeb mas yog koom nrog Leej Ntuj Plig
Ntshiab rhais ruam mus tom ntej nyob hauv
tib txoj kev thov Ntuj: yog Yes Xus Pleev.
Vaj Qhia piav ntxiv tias muaj qee tus feeb
meej ces nws hais lus tau meej; muaj tej tus
lawv xam txog yam tob hauv lub tswv yim ua
ntej yam tob hauv lawv lub siab. Txawm li
ntawd los, yeej tsim nyom rau sawv daws
xyaum raws vim tej ntawd pab kom txoj kev
ntseeg hloov ua kev nqes tes ua.
Vaj Qhia hais ntxiv tias cov neeg txheej
thaud hais tias neeg lub siab lub plawv yog
yam tseem ceeb hauv neeg kev thov Ntuj.
Lawv hais li ntawd kom paub tias txhua yam
tsum pib hauv lawv qhov nruab nrab los.
Txawm li cas los xij, peb tsum cim xeeb tias
txheej txheem nyob ntsiag to yog txoj kev
xwb, tsis yog lub hom phiaj.
KEV NYOB NTSIAG TO YOG IB TXOJ HAU KEV
TIM NTSEJ TIM MUAG NROG YES XUS
Tus txhais: Txawj Tsav Meej Mom Lauj
13. 10 | LIAJ LUV TSEB NPLEJ (16.04.2021-15.05.2021)
"Kev thov Ntuj yog ib feem hauv kev
raws Yes Xus qab xwb. Kev raws Yes Xus
qab thiaj yog qhov tseeb hauv txoj kev
ntseeg."
Vaj Qhia vam txog cov lus qhia hauv lub
Koom Txoos tias ‘Kev nyob ntsiag to sib
qhaib nrog neeg txoj kev xav, kev npau suav,
qhov tob hauv neeg lub siab, thiab neeg kev
ntshaw. Tej no yog yam muaj qab hau pab
kom neeg kev tso siab tob tuaj ces neeg
yuav hloov siab los muaj kev ntseeg, txhawb
neeg lub siab kom kub siab raws Huab Tais
Yes Xus qab. Li ntawd, cov neeg ntseeg thov
Ntuj thiaj yog kom lawv rov tau xav txog tej
yam tob tob ntsuas tsis tau hauv Leej Pleev.’
“Lub txiaj ntsim hauv kev thov Ntuj yog Leej
Pleev nyob tsis deb peb, Leej Pleev nyob ib
ncig peb tas mus li.” Vaj Qhia zeem tseeb
rau sawv daws, “Vim tsis muaj tus tib neeg
twg yuav yog tus cawm peb thiab muab kev
xyiv fab rau peb tau. Li ntawd, lub txiaj ntsim
hauv kev thov Ntuj thiaj pub kom peb tau
koom nyob hauv txhua lub caij thaum Huab
Tais Yes Xus ua neej nyob ntiaj teb no, thiab
tsis muaj ib daim nplooj ntawv hauv Ntawv
Moo Zoo uas yuav tsis tshuav chaw rau
peb.”
Li ntawd, thaum Huab Tais Yes Xus txais kab
ke ntxuav nyob hauv tus dej Yos Las Das
mas peb thiaj koom nrog Yes Xus nyob
ntawd, thaum Yes Xus ua hwj huam hauv
rooj tshoob nyob hauv Kas Nas Has mas peb
kuj tau ua tim khawv zeem tseeb txog tej
ntawd, thaum Yes Xus kho cov neeg mob
ntau txhiab leej mas peb kuj tau nrog lawv
nyob ua ke ntawd, thaum Yes Xus kho tus
neeg mob ruas, kho tus dig muag, thiab tsa
Las Ntxas Los sawv hauv kev tuag mas kuj
yog Yes Xus tau ua li ntawd rau peb thiab.
“Cov me nyuad! Thaum nej nyob ntsiag to
mas yog nej tab tom tim ntsej tim muag
nrog Huab Tais Yes Xus. Thaum nej nyob
ntsiag to mas nej yuav rov nrhiav tau nej.”
Vaj Qhia muab lus rau sawv daws.
+++++++++++++++++++
14. LIAJ LUV TSEB NPLEJ (16.04.2021-15.05.2021) | 11
Nyob hauv Vaj Qhia kab ke thov Ntuj cav
txog Poj Huab Tais hauv Hnub Chiv tim 9
lub 5 hlis 2021 no, Vaj Qhia ras txog kev
nyiam lwm tus raws li Huab Tais Yes Xus
qhia tias yog ua cov hauj lwm tsob hwb
luag.
Zam Ntawv Moo Zoo (Z 15:9-17) yog piav
txog Huab Tais Yes Xus qhia kom cov thwj
tim sis nyiam sis hlub, thiab lub txiv tawg
hauv txoj kev nyiam. Vaj Qhia hais tias Huab
Tais Yes Xus caw peb los nyob hauv nws txoj
kev nyiam, kom xwv nws txoj kev kaj siab
nyob hauv peb thiab peb thiaj tau txais kev
kaj siab nyob puv hauv peb.
Txoj kev nyiam no tawm ntawm Leej Txiv
Tswv Ntuj tuaj, txoj kev nyiam no ntws xws li
tus dej ntawm Huab Tais Leej Tub tuaj txog
peb sawv daws.
Txoj kev nyiam uas Huab Tais Yes Xus pub
rau peb, zoo puav tam li Leej Txiv nyiam Leej
Tub: yog txoj kev nyiam ntshiab huv, tsis
muaj chaw xyeej, thiab yog txoj kev nyiam
pub dawb.
Yog vim li no Huab Tais Yes Xus thiaj saib
peb yog nws cov phooj ywg, nws ua kom
peb paub Leej Txiv, thiab Huab Tais Yes Xus
raus tes nrog peb nyob hauv txoj hauj lwm
tsim txoj sia rau ntiaj teb.
Peb nyob hauv Huab Tais Yes Xus txoj kev
nyiam, yog peb khaws Huab Tais Yes Xus lo
lus qhia. Yog lo lus hais tias “Nej yuav sis
nyiam sis hlub ib yam li kuv nyiam nej.”
Vaj Qhia hais tias nyiam ib yam Leej Pleev
nyiam txhais tias tawm kom dhau ntawm yus
tus kheej mus txais cov neeg xav tau kev
cawm ntawm yus. Nyiam li Huab Tais Yes
Xus nyiam yog tsob hwb koj cov kwv tij
nkauj muam ib yam li Huab Tais Yes Xus
ntxuav cov thwj tim ko taw. Yog ua kom
peb tus kheej muaj qab hau. Txhais tias ‘kev
nyiam tsis yog lo lus xwb, tiam sis kev
nyiam yog kev nqes tes ua rau luag pom’.
Huab Tais Yes Xus kev nyiam hu kom peb
tso ntiaj teb txoj kev nyiam pov tseg, xws li
kev nyiam nyiaj txiag, suab npe, los yog hwj
chim.
Cov kev haub ntxias no yuav ntxia peb kom
tawm deb hauv Tswv Ntuj txoj kev nyiam
thiab rais peb ua ib tug neeg qhia dub,
nyiam tus kheej thiab muab hlob.
Kev muab hlob ua rau peb txoj kev nyiam
thaub qab, rhuav lwm tus, thiab tsim kev tu
siab rau tus nyiam peb.
Vaj Qhia ras txog cov poj niam uas tab tom
poob hauv kev txom nyem vim kev hlub txia
ua kev kub ntxhov. Kev hlub li ntawd tsis yog
kev nyiam.
Nyiam li Tswv Ntuj nyiam, yog qhuas thiab
hwm tus nyob ib ncig peb raws li lawv tus
yam ntxwv.
Tsis tas li, kev nyiam li Tswv Ntuj nyiam, yog
uv kom dhau yus txoj kev xav tswj luag lwm
tus. Peb kev kaj siab yog Tswv Ntuj nyiam
peb txawm tias peb tau ntxeev siab rau Tswv
Ntuj ntau zaus. Li ntawd, peb thiaj muaj
KEV NYIAM YOG KEV TSOB HWB, TSIS YOG KEV TSWJ LWM TUS
Tus txhais: Txawj Tsav Meej Mom Lauj
15. 12 | LIAJ LUV TSEB NPLEJ (16.04.2021-15.05.2021)
chaw tso siab thaum peb ntsib kev haub
ntxias.
“Cov me nyuad, nej yuav ua neej nyob hauv
kev kaj siab mog!”
Ua ntej yuav xaus cov lus ntuas, Vaj Qhia
kom sawv daws thov poj Huab Tais uas yog
niam Mab Liab tus tau txiaj ntsim puv siab,
kom nws pab peb ua siab ruaj nyob hauv
Huab Tais Yes Xus txoj kev nyiam thiab kom
peb loj hlob nyob hauv txoj kev nyiam, kom
peb sawv daws tau ua tim khawv txog kev
kaj siab nyob hauv kev sawv rov qab los.
++++++++++++++++++
Nyob hauv Hnub Plaub hauv Lis Piam 5
Caij Hla, Vaj Qhia Fas Ntshis Kus qhia
txog kev lim yus lub tswv yim zoo thaum
tab tom thov Ntuj tias yog ib qhov coj
peb raws Huab Tais Yes Xus qab nyob
hauv kev nyiam txoj kev.
Txhua Hnub Plaub hauv lis piam mas Vaj
Qhia tawm rooj tuaj nthuv txoj kab ke thov
Ntuj rau tsoom ntseeg mloog. Nyob hauv
Hnub Plaub tim 5 lub 5 hlis no, Vaj Qhia hais
txog kev lim yus txoj kev xav thaum thov
Ntuj. Vaj Qhia hais tias yam tob tob hauv
kev lim lub tswv yim mas zoo puav tam li
cov ntsev nphoo rau tej zaub mov kom noj
qab nplaig. Kev lim yus txoj kev xav los yog
yus lub tswv yim tsis yog ib yam peb tsum
ua, tiam sis yog yam ib txwm nyob hauv peb
txoj sia.
Vaj Qhia nthuav ntxiv tias kev xav txog txhua
yam ntuj tsim los hauv lub sim ceeb no yuav
coj peb los nyob hauv txoj kev ntseeg thiab
kev nyiam ua ntej txoj kev xav ntawd yuav
txia ua peb lo lus thov Ntuj.
Peb tsis muab qhov muag los lim lub tswv
yim, peb muab peb lub siab coj los lim. Yog
li, kev thov Ntuj nyob hauv txoj kev ntseeg
thiab kev nyiam thiaj nkag los muaj feem
nyob hauv txoj kev lim tswv yim ntawd, vim
kev ntseeg thiab kev nyiam yog txoj pa tuaj
ntawm Tswv Ntuj tuaj uas Tswv Ntuj pub rau
peb.
Kev thov Ntuj ntxuav peb lub siab kom huv
tuaj thiab qhib peb kom pom kaj pom tseeb,
pab kom peb nkag siab txog qhov tiag; xws
li Leej Ntshiab Zam Vias Nes lo lus tias ‘Yog
peb lim peb lub tswv yim mas yog peb saib
txoj kev ntseeg nruj nrees, yog ntsia ntsoov
Huab Tais Yes Xus tsis ntsais muag.’
Vaj Qhia hais tias txhua yam yog muaj los
raws li no: yog los ntawm lub siab uas hnov
txog kev nyiam. Ces qhov tseeb raug lim
nyob hauv lwm txoj kev ntsia pom.
Vaj Qhia rov vam txog Leej Ntshiab Zam
Vias Nes cov lus tias yog peb xav txog Huab
Tais Yes Xus kev nyiam mas peb tsuas siv ob
peb lo lus hais xwb ces yeej paub lawm,
thiab peb yuav hais tau tias ‘Kuv ntsia Huab
LIM LUB TSWV YIM THAUM THOV NTUJ,
YOG QHIA TAUG RAWS KEV NYIAM TXOJ KEV
Tus sau: Txawj Tsav Meej Mom Lauj
16. LIAJ LUV TSEB NPLEJ (16.04.2021-15.05.2021) | 13
Tais Yes Xus thiab Huab Tais Yes Xus kuj
ntsia kuv.’
Vaj Qhia hais tias ntsia ntsoov xwb twb txaus
lawm, twb txaus rau peb tso siab tias muaj
txoj kev nyiam loj tas nrho nyob ib ncig peb.
Huab Tais Yes Xus yog tus ntsia ntsoov peb
nyob hauv txoj kev nyiam, li ntawd, peb
tsum nrhiav ib qhov chaw thiab ib lub sij
hawm zoo los nyiam peb Leej Txiv Tswv
Ntuj.
Dhau ntawm kev nthuav txog kev lim lub
tswv yim thaum thov Ntuj lawm, Vaj Qhia kuj
tau ntuas cov ntseeg sawv daws kom txhob
poob rau hauv yus lub tswv yim kev ntxias
uas yog tav kom peb txhob ua ub ua no.
Qhov tseeb hauv Leej Pleev thiab lub Moo
Zoo mas tsis tau qhia kom muaj kev sib cov
nyom los ntawm txoj kev lim lub tswv yim
thiab kev nqes tes ua. Peb paub tias lub
Moo Zoo hu kom peb tig los raws Huab Tais
Yes Xus qab nyob hauv txoj kev nyiam. Qhov
no yog qhov siab tshaj plaws thiab yog lub
plawv hauv txhua yam. Txoj kab xwm ua zoo
thiab kev lim lub tswv yim yog muaj tib lub
ntsiab; yog hais txog tib yam.
Vaj Qhia xav kom sawv daws to taub mas
thiaj ua piv txwv tias “Kev ua ib yam los
ntawm txoj kev nyiam, txawm tias me me
xwb; los yeej muaj txiaj ntsim rau lub Koom
Txoos ntau dua txhua txoj hauj lwm tsis
muaj qab hau sib sau ua ke. Yam tshwm tuaj
los ntawm kev thov Ntuj tsis yog vim peb
yog tus neeg muaj tsim, tiam sis yog los
ntawm peb kev tsis muab hlob; txawm tias
peb kev nyiam zais ntshis cia, tiam sis lub
hwj huam loj tas nrho. Yam no yog yam cov
ntseeg txog Yes Xus muaj peev xwm ua tau.”
+++++++++++++++++
17. 14 | LIAJ LUV TSEB NPLEJ (16.04.2021-15.05.2021)
Lub qab xyoo 2019, cov neeg ntseeg nyob
thoob ntiaj teb muaj tshaj 1.34 txhiab
plhom leej. Raws kev soj ntsuam Kav Tos
Liv nruab xyoo, mas cov neeg ntseeg vam
meej nyob hauv txhua xeev ntuj, tshwj
zias xeev ntuj Aws Los Pas teb. Cov Txiv
Plig thiab cov Leej Phauj kuj coob tuaj me
ntsis ntxiv. Tab sis feem coob yog nyob
hauv xeev ntuj As Fiv Kas thiab As Xias.
Yog ib zaug uas cov Kav Tos Liv 16 plhom
leej txhab ntxiv li 1.12%, coob dua xyoo
2018. Hos tsoom neeg nyob thoob ntiaj teb
txhab ntxiv li 1.08%.
Raws kev soj ntsuam tus zauv ntawm lub
Koom Txoos nyob thoob ntiaj teb xyoo
2019, mas pom tias cov neeg ntseeg vam
meej thiab loj hlob ntxiv tuaj nyob hauv ntau
xeev ntuj, tsuas yog Aws Los Pas tuam teb
xwb txoj kev ntseeg thiaj tsis loj hlob.
Xyoo 2019, cov neeg ntseeg Kav Tos Liv
48.1% thoob ntiaj teb yog nyob As Mes Lis
Kas thiab Aws Los Pas. As Fiv Kas yog 18.7
feem pua, As Xias yog 11 feem pua thiab Os
Xes As Nias yog 0.8 feem pua.
Hos cov Txiv Plig nyob thoob ntiaj teb tsawg
lawm 5,364 leej, vim tias nyob hauv xyoo
2018 cov Txiv Plig tsawg lawm 13 leeg.
Xyoo 2018, cov Txiv Plig muaj li ntawm
414,065 leej, thiab xyoo 2019 muaj 414,336
leej.
Cov neeg ntseeg thiab cov Txiv Plig muaj
coob tuaj nyob As Fiv Kas teb thiab As Xias
teb. Cov Leej Phauj kuj tsawg lawm 1.8%,
vim tias xyoo 2018 cov Leej Phauj nyob
thoob ntiaj teb muaj 641,661 leej, tab sis
xyoo 2019 muaj 630,099 leeg xwb.
++++++++++++++++++
XOV XWM COV KAV TOS LIV LOJ HLOB ZUJ ZUS NYOB THOOB NTIAJ TEB
Tus txhais: Lis Maib
18. LIAJ LUV TSEB NPLEJ (16.04.2021-15.05.2021) | 15
Vim ua raws li Vaj Qhia Fas Ntshis Kus
txoj kev npaj siab tseg, mas thiaj muab
lub 5 hlis no coj los ua lub hlis thov Ntuj
txhua txhua hnub, yam li hais txoj saw
Mab Liab los thov kom tus kab mob
Covid-19 txhob sib kis ntxiv. Thov Ntuj
rau ib zeej tsoom neeg pib hauj lwm
tshiab thiab lawv tes hauj lwm.
Txoj kev thov Ntuj no hu ua “Kev thov Ntuj
ntawm lub Koom Txoos muaj zog pub rau
Tswv Ntuj”, yog hais txog txhua lub tsev teev
Ntuj nyob thoob ntiaj teb.
Nyob As Xias teb muaj ntau lub tsev teev
Ntuj, xws li lub tuam tsev teev Ntuj nyob Nas
Xas Les, lub tsev teev Ntuj Leej Niam Txoj
Saw Mab Liab nyob Kos Lim Naj, lub tsev
teev Ntuj Niam Mab Liab ntawm kev thaj
yeeb, tsev teev Ntuj txoj kev ncig tsham zoo
nyob Fis Lis Pees thiab tsev teev Ntuj Niam
Mab Liab kev tu lub cev nyob Is Ntias teb,
tsev teev Ntuj Mes Lis Mas Nas nyob Tws Kis
teb, tsev teev Ntuj Leej Niam ntawm Nas
Nkas Xas Kim nyob Zis Pees thiab tsev teev
Ntuj Leej Niam ntawm Lis Npaas.
Vaj Qhia Fas Ntshis Kus qhib kev teev Ntuj
hnub tim 1 lub 5 hlis nyob ntawm Leej Niam
Mab Liab tus cawm seej (Our Lady Of
Perpetual Help) xub ntiag, thiab yuav kaw
kev teev Ntuj nyob hauv hnub tim 31 lub 5
hlis.
Nyob hauv txhua txhua lub hlis yuav muaj
kev muab siab rau thov Ntuj rau txhua txhia
tus neeg uas raug teeb meem los ntawm tus
kab mob Covid-19. Yam li cov neeg mob uas
tsis tuaj yeem hais lus rau cov neeg nws
hlub, cov kws kho mob, cov neeg pluag
txom nyem, cov neeg tsis muaj vaj tse nyob,
cov muaj teeb meem ntawm kev lag luam
thiab cov neeg tuag.
Tas txhua lub tsev teev Ntuj raug caw kom
thov Ntuj raws nyias kev cai thiab nyias
xeem lus, thov kom cov hauj lwm nyob hauv
tej pab neeg coob coob thiab txhua yam
teeb meem uas tib neeg raug los ntawm tus
kab mob, kom txhua yam rov zoo tuaj.
+++++++++++++++++++++++
HAIS TXOJ SAW MAB LIAB THOV KOM COVID-19 TXHOB SIB KIS
Tus txhais: Lis Maib
19. 16 | LIAJ LUV TSEB NPLEJ (16.04.2021-15.05.2021)
Tswv Ntuj puas xav kom txhua tus neeg
nyob ntiaj teb paub Yes Xus txoj kev
tseem ceeb?
Tswv Ntuj xav kom zeej tsoom sawv daws
huv si tau txais kev cawm thiab paub txoj
kev tseem ceeb uas Yes Xus Pleev tshaj.
Huab Tais Yes Xus Pleev puas tau qhia
nws cov Thwj Tim kom lawv tshaj txoj kev
tseem ceeb uas nws nqa tuaj nyob ntiaj
teb no?
Huab Tais Yes Xus Pleev tau qhia nws cov
Thwj Tim kom lawv tshaj txoj kev tseem ceeb
uas nws nqa tuaj nyob ntiaj teb. Cov Thwj
Tim thiaj xuas lawv lub ncauj los qhia Yes
Xus cov lus. Lawv kuj coj tus cwj pwm haum
Yes Xus Lo Lus. Lawv tsa lub Koom Txoos
raws li Leej Ntuj Plig tshoj lawv.
Tej tus Thwj Tim thiab tej tus neeg ntseeg
txheeb ze cov Thwj Tim tau sau ntawv tseg :
lawv mloog Leej Ntuj Plig tshoj lawv kom
lawv khaws tau Yes Xus txoj kev cawm neeg
tseg hauv ntawv.
Thaum cov Hauv Paus Xa Lus yuav tas sim
neej, lawv ua zoo li cas kom Yes Xus lub
Moo Zoo ciaj mus li, tsis tsuag zuj zus?
Thaum cov Hauv Paus Xa Lus tseem tsis tau
tas sim neej lawv tsa cov Tswv Qhia hloov
lawv, kom cov Tswv Qhia muaj peev xwm
cev cov Haus Paus Xa Lus zaj qhia rau zeej
tsoom tiam dhau tiam. Yes Xus lub Moo Zoo
thiaj ciaj muaj sia nyob mus li, nws tsis puas
tsis tsuag zuj zus.
Txoj kev ntseeg uas lub Koom Txoos cev rau
neeg tiam dhau tiam hu ua Koom Txoos
kev lis kev cai.
Lub Koom Txoos kev lis kev cai ntim tas huv
si Tswv Ntuj Lo Lus uas nyob hauv Phau
Ntawv Ntshiab raws li lub Koom Txoos to
taub Tswv Ntuj Lo Lus, vim Leej Ntuj Plig
tshoj lub Koom Txoos kom nws tu kev lis kev
cai xws li Yes Xus nyiam.
Koom Txoos kev lis kev cai nrog Phau
Ntawv Ntshiab sib dhos zoo li cas?
Cov lus nyob hauv Phau Ntawv Ntshiab
thiab lub Koom Txoos kev lis kev cai muaj tib
lub hauv paus : yog Tswv Ntuj Lo Lus uas
cov ntseeg mloog Leej Ntuj Plig khaws tseg.
Cov ntseeg tau sau Tswv Ntuj Lo Lus nyob
hauv ntawv thiab lub Koom Txoos nthuav
raws li Leej Ntuj Plig tshoj kom nthuav.
Piv li thaj txi Ntuj: nyob hauv Phau Ntawv
Ntshiab muaj cov lus Yes Xus tau hais. Thiab
ib txwm ntxov ntxov Leej Ntuj Plig tshoj cov
Hauv Paus Xas Lus kom tu cov kab ke ua thaj
txi Ntuj xws li lub Tuam Koom Txoos uas los
txog tav no.
Nyob hauv lub Koom Txoos puas muaj ob
hom kev lis kev cai?
Nyob hauv lub Koom Txoos muaj ob hom
kev lis kev cai.
Thawj hom yog Tuam Koom Txoos kev lis
kev cai muaj lub npe hu ua cov Hauv Paus
Xa Lus kev lis kev cai. Nws kav tas lub
Koom Txoos nyob tas txhia haiv neeg txog
txhua lub sij hawm. Nws khov kho xws li
Phau Ntawv Ntshiab.
Lwm hom kev lis kev cai yog tej kev lis kev
cai me ua cov ntseeg coj nyob hauv lawv
teb chaws : tej kev lis kev cai me ntawd txawj
hloov thiab txawj ploj ntais los txawj sawv
los tshiab kav ib ntus xwb.
Leej twg muaj lub peev xwm txhais kev
ntseeg?
Yes Xus tau pub kom nws cov Hauv Paus Xa
Lus thiab nws lub Tuam Koom Txoos muaj
lub peev xwm txhais kev ntseeg. Cov lus
nthuav kev ntseeg uas nyob hauv Phau
Ntawv Ntshiab thiab nyob hauv Koom Txoos
QHIA TXOG TSWV NTUJ QHOV TSEEB
Tus sau: TP. Nyiaj Pov (1998)
20. LIAJ LUV TSEB NPLEJ (16.04.2021-15.05.2021) | 17
kev lis kev cai muaj ib lub ntsiab tseem ceeb:
yog tsoom Tswv Qhia ua ib ke thiab lub
Tuam Koom Txoos nrog cov Tswv Qhia ua
ke thiaj muaj peev xwm txhais lub ntsiab
tseem ceeb.
Thaum peb hais tias tsoom Tswv Qhia ua ib
ke mas yog hais txog tas tsoom Tswv Qhia
nrog tus hloov Pob Zeb ua Vaj Qhia.
Nyob hauv kev ntseeg Tswv Ntuj Lo Lus
puas muaj tej yam uas yog kev ntseeg lub
hauv paus hauv ntsis?
Nyob hauv kev ntseeg Tswv Ntuj lo lus muaj
tej yam uas yog kev ntseeg lub hauv paus
hauv ntsis : cov neeg ntseeg yuav tsum
ntseeg tej yam ntawd kom ti txha.
Piv lis peb yuav tsum ntseeg ti txha tias Yes
Xus yog Tswv Ntuj Leej Tub, vim lo lus ntawd
yog ib yam ua kev ntseeg lub hauv paus
hauv ntsis. Tus tsis ntseeg tias Yes Xus yog
Tswv Ntuj Leej Tub nws tsis yog ib tug neeg
nyob hauv Yes Xus lub Koom Txoos.
Tswv Ntuj puas kheev kom tas tsoom
neeg ntseeg koom siab ua ib ke lawv yuav
ncaim ntawm kev ntseeg lub hauv paus
hauv ntsis?
Tswv Ntuj tsis tso tas tsoom neeg ntseeg
koom siab ua ib ke mus ntseeg tej yam
yuam kev, vim Leej Ntuj Plig txhawb txhim
Yes Xus lub Koom Txoos kom txhob yuam
kev. Cov yuam kev yog tej tus los tej pab
txhob txwm ncaim ntawm lub Tuam Koom
Txoos.
Lub Koom Txoos puas to taub kev ntseeg
zoo zuj zus?
Leej Ntuj Plig pab Yes Xus lub Koom Txoos
kom lub Koom Txoos to taub kev ntseeg lub
ntsiab zoo zuj zus.
Leej Ntuj Plig tshoj cov neeg ntseeg nquag
kawm Phau Ntawv Ntshiab. Leej Ntuj Plig
tshoj cov neeg rau siab nuam kev ntseeg.
Leej Ntuj Plig tshoj cov ntseeg Yes Xus kom
lawv txawj mloog Leej Ntuj Plig lub suab
hais lus rau ntiaj teb neeg thiab rau lwm cov
kev teev hawm.
Ces lub Koom Txoos thiaj nthuav tau zoo zuj
zus tias Yes Xus cov lus muaj lub ntsiab zoo
li cas.
++++++++++++++++++++++
Huab Tais Yes Xus lo lus muaj peev xwm
kawg, mas tsim nyog peb yuav khaws
tseg hauv nruab siab. Tsoom sid qhuas tas
nrho txog Yes Xus tej lus qhuab qhia mas
peb yuav zoo siab yoog raws li lawv.
“Huab Tais Tswv Ntuj tib leeg xwb thiaj yog
Tswv Ntuj - Kev nyiam Huab Tais Tswv Ntuj
tas yus lub siab lub ntsws, tas yus lub tswv
yim thiab tas yus lub zog thiab kev nyiam tus
nyob ze yus ib yam li yus nyiam yus, mas
yog zoo tshaj tej tsiaj thiab tej thaj txi Ntuj
huv tib si“ (MK 12:29-33)
“Nej yuav nyiam nej cov yeeb ncuab – Nej
yuav thov Ntuj rau cov tsim txom nej” (MT
5:44)
“Nej yuav ua neeg siab ntshiab, vim nej Txiv
nyob saum ntuj yog tus Huab Tais siab
ntshiab“ (MT 5:48)
“Yog leej twg nyiam kuv, nws yuav coj rawv
kuv lo lus, ces kuv Txiv yuav nyiam nws – kuv
Txiv wb yuav nyiam nws – Wb yuav ua tsev
nyob hauv nws“ (Z 14:23)
Leej Ntshiab Paj Lug kuj sau lo lus no tias
”Tsis yog kuv muaj txoj sia ntxiv lawm – Yog
YES XUS TUS HUAB TAIS CAWM NEEG
KUV YOG NEEG TXHAUM THOV KOJ HLUB
Tus sau: TP. Txhiaj Foom (29.01.2012)
21. 18 | LIAJ LUV TSEB NPLEJ (16.04.2021-15.05.2021)
Huab Tais Yes Xus Pleev txoj sia ciaj nyob
hauv kuv“ (NLT 2:20)
Leej Ntshiab Pob Zeb kuj sau lo lus no tias
”Nej sawv daws yuav zoo siab ua neeg me
nyob hauv Tswv Ntuj txhais tes muaj hwj
huam – Nej tso nej tej kev ntxhov siab huv tib
si rau Tswv Ntuj, vim nws yog tus txuag nej”
(1 PZ 5:6-7)
Thaum yus raug kev ntxhov siab, mas tsim
nyog yuav nco tias Huab Tais Tswv Ntuj yog
peb Txiv khuv leej neeg tas nrho thiab nws
niaj hnub muab nws tej kev hlub, uas muaj
zog tas nrho los txuag peb lub neej, yuav
tsis tu ncua. Nws khuv leej peb zoo cuag li
tsuas muaj ib tug tib neeg nyob hauv ntiaj
teb no xwb.
Thaum muaj plaub ntug nyob hauv yus lub
zos, mas tsim nyog yus yuav nco txog Huab
Tais Yes Xus lo lus tias ”Nej yuav nyiam nej
cov yeeb ncuab – Nej yuav thov Ntuj rau
cov tsim txom nej.“
Yus kawm Ntuj cov lo lus hauv nruab siab
ces fab hauv yus tus ntsuj tus plig, yus thiaj
ua neeg nplua nuj zuj zus. Zaum puav, yus
yuav tau thov Huab Tais Yes Xus zoo li no
tias “Yes Xus, tus Huab Tais cawm neeg –
Kuv yog neeg txhaum, thov koj hlub.”
Yus nyob ntawm Tswv Ntuj tog ces yus
nyob ntawm tog txais kev yeej. Phim yuav
nco txog qib lus hauv Ntawv Moo Zoo tias
“Yes Xus cem tus neeg raug dab tsis huv tias
ua twj ywm! Tawm ntawm tus neeg no mus!
Ces tam sim ntawd tus dab tsis huv muab tus
neeg ntawd diaj heev heev thiab nws qw ib
suab nrov nrov, ces nws txawm tawm mus…
Ib ntsis tsoom sid ntshai, ces lawv thiaj hais
tias tab yog cov dab tsis huv, mas thaum Yes
Xus qhia lawv ces lawv mloog nws lus.”
Yus kuj tsis raug ib tug dab tsis huv, tab sis
yus kuj lees tias ”Ua cas kuv tsis tswj yuam
kuv tej zaj tswv yim phem? Ua cas kuv tseem
xav txog tej yam tsis huv Ii ntawd?“
Thaum ntawd, mas phim yuav nco txog 2-3
yam no:
1. Tswv Ntuj tseem loj tshaj peb lub siab,
nws muaj hwj huam loj dua peb thiab tej
yam yus tsis muaj peev xwm muab tshem
tawm pov tseg, mas Huab Tais kuj muaj
peev xwm tshem qhov ntawd tau.
2. Leej Ntshiab Is Nyas Xyus, uas nyob hauv
nroog As Nthias Kias kuj hais ib lo lus uas
tsim nyog khaws tseg tias Yes Xus yog tus
Tseem Kws Tshuaj fab hauv yus lub cev nqaij
daim tawv thiab fab hauv yus tus ntsuj tus
plig tib si.
3. Thaum yus mus txais lub Cim daws
txhaum – ces yus rov muaj ib lub siab sib sib.
Hnub Chiv, yus mus koom ua Thaj Txi Ntuj
thiab yus mus txais lub Cim Yug, mas tsim
nyog yus nco txog Leej Ntshiab Zam Khis
Xos Tos Mas lo lus tias hauv Thaj Txi Ntuj
mas Huab Tais Yes Xus yaug peb tej siab
ntsws kom rov huv tuaj, Huab Tais kuj zam
peb tej txhaum, thiab Huab Tais pub ib feem
hauv Leej Ntuj Plig Ntshiab tej txiaj ntsim los
ua peb tug.
4. Muaj ntau plhom tus neeg ntseeg hais
kam tias peb tawm rooj mus txog ib qho
chaw ntshiab, uas yuav hu txog Huab Tais
Yes Xus pab....los peb mus hwm niam Mab
Liab – Ua cas nyob ntawm kev los nag hlob,
los los daus npu mas peb nyeem tsis tau ib
tug ntawv li. Tab sis peb nqus pa, peb hais
tias “YES XUS, TUS HUAB TAIS CAWM
NEEG.”
Thaum peb tso pa, peb hais ntxiv tias “KUV
YOG NEEG TXHAUM, THOV KOJ HLUB.”
Yus yim rov hais lo lus no ntau ntau zaus,
ces yim rov nyob ntawm Tswv Ntuj tog thiab
nyob ntawm tog txais kev yeej. Yus tej zaj
tswv yim tsis huv yuav ploj ntais. Yus rov
npuab Tswv Ntuj lub siab dua – yus yuav tau
txais Tswv Ntuj Kev Thaj Yeeb Nyab Xeeb.
++++++++++++++++++++++++
22. LIAJ LUV TSEB NPLEJ (16.04.2021-15.05.2021) | 19
Hnub tim 13 lub 5 hlis xyoo 1917, niam Mab
Liab yees tawm tuaj rau 3 tug me nyuam
yug yaj pom xyeem thawj zaug. Peb tug me
nyuam zov yaj ntawd, yog Lus Xis As, nws
yog ib tug me nyuam ntxhais hnub nyoog
10 xyoo. Ib tug yog Fas Ntshis Kus Mas Tos,
nws yog ib tug me nyuam tub muaj 9 xyoos
thiab ib tug yog tus ntxhais Yas Ntshis Thas
Mas Tos, nws muaj 7 xyoo.
Hnub ntawd, 3 tug me nyuam lawv mus zov
yaj xws li niaj hnub. Thaum tav su lawv yuav
noj mov, lawv hais zaj saw Mab Liab ua ke.
Tom qab noj sus tag, lawv xuas pob zeb
thiab ceg ntoo los ua tej lub me nyuam tsev
ua si. Tam sim ntawd cia li muaj ib co sab ci
ci tawm tuaj, 3 tug me nyuam lawv poob
siab, lawv xav tias yog cua daj cua dub los,
lawv thiaj maj zeeg lawv lawv cov yaj rov
mus tsev. Tab sis cov sab ci ci ntawd rov ci
dua qub, thiab ci rau saum ib tsob txiv ntoo
qhib. Nyob hauv lub yeem ci ci ntawd, cov
me nyuam pom ib tug poj niam zoo nkauj
hnav zam ci laim txias.
3 tug me nyuam poob siab thiab lawv khiav,
ces tus poj niam ntawd luag ntxhi thiab hais
rau lawv tias “Txhob ntshai, kuv tsis ua phem
rau nej”
Lus Xis As nug tias “Koj tuaj qhov twg tuaj?”
Tus poj niam ntawd teb tias “Kuv tuaj saum
ntuj tuaj.”
Lus Xis As nug tias “Koj tuaj ua dab tsi?”
Tus poj niam tsis teb, nws hais rau Lus Xis As
tias “Kuv thov kom koj tuaj ntawm no 6 zaug
sib law. Tsis tas li ntawd, hnub tim 13 txhua
lub hlis thiab txog lub 10 hli ntuj, mas kuv
mam qhia koj tias kuv yog leej twg, thiab
kuv xav tau dab tsi ntawm koj.”
Lus Xis As rov nug tias “Koj tuaj saum ntuj
tuaj, yog li kuv puas yuav tau mus saum
ntuj?”
Tus poj niam teb tias “Tau kawg, koj yuav
tau mus saum ntuj.”
Lus Xis As hais tias “Ua li Yas Ntshis Thas ne,
nws puas tau mus thiab?”
Tus poj niam teb tias “Nws kuj yuav tau mus
thiab.”
Lus Xis As hais tias “Ua li Fas Ntshis Kus ned?
Tus poj niam teb tias “Nws kuj yuav tau mus
saum ntuj thiab, tab sis nws yuav tau hais
txoj saw Mab Liab kom ntau ntau.”
NIAM MAB LIAB TSHWM NYOB FAS TIS MAS
Tus sau: Txawj Tsav Meej Mom Lauj
23. 20 | LIAJ LUV TSEB NPLEJ (16.04.2021-15.05.2021)
Tus poj niam ntawd rov hais tias “Koj puas
txaus siab ua txhua yam thiab tiv kev txom
nyem txhua yam pub rau Tswv Ntuj, kom tau
daws neeg cov txim txhaum?”
Lus Xis As teb tias “Peb 3 leeg txaus siab
txhua yam.”
Tus poj niam hais ntxiv tias “Koj yuav raug
kev txom nyem sai sai no, tab sis Leej Ntuj
Plig Ntshiab yuav cawm koj mus li.”
Hais li ntawd tas, ces tus poj niam ntawd lub
cev maj mam ploj zuj zus mus saum ntuj rau
sab hnub tuaj lawm.
Tim 13 lub 6 hli 1917, niam Mab Liab rov
yees tawm tuaj, niam Mab Liab qhia kom
lawv peb leeg hais saw Mab Liab ntxiv 10 zaj,
yog hais cov lus no ‘Huab Tais Yes Xus, thov
koj zam peb cov txhaum, thov koj pub peb
dim ntawm cov hluav taws kub thiab pab
ntxuav peb tus ntsuj plig, vim peb tus ntsuj
plig raug tso pov tseg.’
Dhau ntawd, niam Mab Liab tau qhia tej yam
zais ntshis rau lawv ib leeg zuj zus, thiab
txwv tsis pub qhia luag tej.
Lus Xis As tau sau txog qee yam zais ntshis
uas niam Mab Liab qhia rau nws li no:
Niam Mab Liab hais rau kuv tias “Kuv yuav
coj Yas Ntshis Thas thiab Fas Ntshis Kus mus
sai sai no ntag. Hos koj, mas koj yuav nyob
ntev. Vim Huab Tais Yes Xus xav kom koj coj
ib zeej tsoom neeg los paub kuv thiab nyiam
kuv. Huab Tais Yes Xus xav kom ntiaj teb
neeg hwm kuv lub siab.”
Kuv nug nws tias “Yog li ntawd, kuv yuav
tsum nyob ib leeg puas yog?”
Niam Mab Liab teb tias “Tsis yog! kuv yuav
tsis tso koj pov tseg. Kuv lub siab yuav nrog
nraim koj thiab ua koj qhov chaw vam khom.
Kuv lub siab yuav yog txoj kev coj koj mus
cuag Tswv Ntuj.”
Ces txawm muaj li ntawd tiag, Fas Ntshis Kus
tuag rau hnub tim 4 lub 4 hlis xyoo 1919,
hos Yas Ntshis Thas tuag hnub tim 20 lub 2
hlis xyoo 1920. Lus Xis As muaj hnub nyoog
nyob ntev txog xyoo 2005, nws mam tuag.
Tim 13 lub 7 hli xyoo 1917, niam Mab Liab
yees tawm tuaj zaum 3, niam Mab Liab rov
thov kom hais txoj saw Mab Liab txhua hnub
thiab thov kom ntsuj rog ntiaj teb zaum 1
tiaj tus.
Duas li, lawv yuav thov Ntuj pab cov neeg
txhaum thiab nquag teev Ntuj tsis tseg. Yuav
thov Ntuj tias “Huab Tais Yes Xus, zaj thov
Ntuj no yog qhia tias nyiam koj thiab thov
Ntuj pab cov neeg txhaum tig los yuav lub
siab tshiab. Yog kev pauj tej yam uas ua tsis
ntxim niam Mab Liab lub siab.”
Tim 19 lub 8 hli xyoo 1917, niam Mab Liab
yees tawm tuaj zaum 4. Niam Mab Liab hais
kom lawv nquag teev Ntuj kom ntau ntau
thiab ua cov hauj lwm them txim txhaum
pab cov neeg txhaum tus ntsuj plig, vim tsis
muaj neeg thov Ntuj thiab ua cov hauj lwm
pab lawv.
Tim 13 lub 9 hlis xyoo 1917, niam Mab Liab
yees tawm tuaj zaum 5. Lus Xis As thov kom
niam Mab Liab pab kho cov neeg muaj mob
muaj nkeeg, vim muaj coob leej tau vam
txog. Niam Mab Liab teb tias “Kuv yuav kho
cov neeg mob kom lawv zoo qee leej xwb,
tsis yog yuav kho kom txhua tus zoo. Yog
kuv ua li ntawd, mas Tswv Ntuj yuav tsis zoo
siab.”
Tim 13 lub 10 hli xyoo 1917, muaj neeg
coob coob paub tej xwm no ces lawv tuaj
koom saib niam Mab Liab yees tawm zaum
24. LIAJ LUV TSEB NPLEJ (16.04.2021-15.05.2021) | 21
kawg no kwv yee tag nrho 70,000 leej. Muaj
xws li cov tub xov xwm, cov tub tshuaj xwm,
cov kws kho mob thiab ib co kws txuj. Hnub
ntawd txawm los ib kob nag.
Niam Mab Liab hais rau lawv 3 leeg tias “Kuv
yog Leej Niam ntawm txoj saw Mab Liab.
Kuv tuaj ceeb toom kom cov neeg ntseeg
hloov lawv lub neej, kom tsis txhob ua tej
yam txhaum ntxiv. Vim tej kev txhaum ntawd
ntau dhau suav tsis txheeb lawm. Nej yuav
hais txoj saw Mab Liab thiab nyias them
nyias cov txim txhaum mog!”
Niam Mab Liab hais ntxiv tias “Kuv xav kom
nej txhim tsa ib lub tsev teev Ntuj rau ntawm
thaj chaw no, kom tau cav txog kuv lub meej
mom. Thiab ntsuj tsov rog ntiaj teb zaum 1
yuav tiaj tus sai sai no. Yog tias ntiaj teb
neeg thim xav thiab nyias kho nyias tus
kheej.”
Hais li ntawd tas, niam Mab Liab thaub qab
zuj zus. Tam sim ntawd, Lus Xis As qw nrov
nrov tias “Saib lub hnub seb!”
Ces nag txawm tu ntuj rov kaj nrig. Tas pab
neeg coob coob pom thiab poob siab. Vim
lawv sawv daws pom lub hnub nyob saum
niam Mab Liab taub hau zoo li ib lub phaj
nyiaj. Tam sim ntawd lub hnub cia li kiv tig
cuag ib lub log hluav taws. Cov sab hnub ci li
nplaim taws puv txhua txhia qhov chaw.
Txhua tsav yam hloov tsos tag, lub ntuj,
xyoob ntoo, av, pob zeb thiab tas pab neeg
coob coob hloov ua tsos ntsuab, tsos daj,
tsos liab, tsos paj yeeb. Ces lub hnub nres
twj ywm ib me ntsis, lub hnub rov kiv tig dua
thiab muaj cov nplaim ci tshaj qhov qub tuaj.
Lub hnub ua li ntawd 3 zaug. Ces pab neeg
coob coob pom lub hnub poob saum ntuj
los nyob ze lawv taub hau, sawv daws ceeb
thiab ntshai qw zom zaws.
Muaj qee leej qw tias “Koj nyob kaj lug Mab
Liab.”
Feem coob thov tias “Tswv Ntuj aw! Thov koj
khuv leej peb os!”
Tas pab neeg coob coob sawv daws txhos
caug thiab lees txhaum. Sawv daws hais zaj
kuv ntseeg nrov ncha ntws.
Muaj ib tug yawg laus qw tias “Niam Mab
Liab tus ntshiab huv, tus ntshiab huv muaj
hmoo, tus ntshiab huv ntawm txoj Saw Mab
Liab, thov koj pab peb lub teb chaws Pos
Tws Nkas os!”
Xyoo 1919, thiaj tau muaj thawj lub tsev teev
Ntuj me me nyob ntawm qhov chaw uas
niam Mab Liab yees tawm los. Tim 13 lub 9
hlis xyoo 1928, thiaj muaj lub tsev teev Ntuj
loj tshwm sim nyob ntawd.
Xyoo 1931, lub rooj Tswv Qhia nyob Pos Tws
Nkas teb thiaj muab lub teb chaws Pos Tws
Nkas los cev rau niam Mab Liab.
Hnub tim 31 lub 10 hli 1942, thiaj pib tsuj
xeeb nco txog niam Mab Liab yees tawm
tuaj txwm 25 xyoos. Muaj Vaj Qhia Pis Us tim
12 uas tus cev lub ntiaj teb rau Niam Mab
Liab.
++++++++++++++++++
25. 22 | LIAJ LUV TSEB NPLEJ (16.04.2021-15.05.2021)
Thaum sawv los, mas peb yuav xub ua ‘Ntoo
Cuam Lub Cim’, tag ces mam hais cov lus ua
‘Tswv Ntuj tsaug’ li no:
“Kuv tus Huab Tais, kuv tus Tswv Ntuj
muaj hwj huam, kuv ua koj tsaug vim koj
tau tsom kwm thiab pov hwm kuv thiab
kuv tsev neeg, peb sawv daws tau pw
tsaug zog zoo thiab so los siav ib hmos kaj
ntug. Kuv thov ua koj tsaug.”
Thaum hais li ntawd tas, mas hais cov lus
thov Huab Tais Ntuj pov hwm sawv daws
tias:
“Ua li mas lub sij hawm no, kuv yuav sawv
mus ua dej num. kuv thov muab kuv tsev
neeg, 120 leej tus ntsuj plig rov los rau koj
ua tus tsom kwm thiab pov hwm ib hnub
rov txog tsaus ntuj.
Thov koj cev koj txhais tes muaj hwj chim
los rhuav tshem kuv tej kev nyuaj siab
ntxhov plawv, kev iab kev khwv, kev plaub
kev ntug, kev haub kev ntxias, hmab dawm
tes hlua dawm taw, ib puas tsav yam xwv
txheej tsis zoo kom txav mus deb ntawm
peb sawv daws lub neej. Thov koj muab
rhuav tshem kom yaj ntshis thiab ploj ntais
mus kom tas, kom peb txhua leej ntsej tsis
hnov muag tsis pom.
Thov koj txuag peb txhua tus kom tsuas
ntsib kev dawb kev huv, kev noj qab pw
sov mus thawm hnub. Kuv ua koj tsaug.”
Thov Ntuj pov hwm sawv daws tas, mas hais
zaj ‘Peb Txiv’ li no:
“Peb Txiv nyob saum ntuj, koj lub npe
ntshiab nto moo lug. Koj lub ceeb tsheej
los txog, kom muaj raws li koj nyiam nyob
ntiaj teb no li nyob saum ntuj.
Thov koj pub mov txaus peb noj hnub no.
Koj zam rau peb zoo li peb zam rau luag,
Koj txhob tso peb raug kev ntxias, koj npo
peb dim ntawm kev phem. Ua li”
Thiab hais zaj ‘Koj nyob kaj lug Mab Liab’ li
no:
“Koj nyob kaj lug Mab Liab, tus tau txiaj
ntsim puv siab. Huab Tais nrog koj nyob.
Koj tau koob tau hmoov tshaj ib zeej
tsoom poj niam tib si, thiab Yes Xus lub
txiv uas koj lub cev txi tau koob tau
hmoov.
Leej Ntshiab Mab Liab, Tswv Ntuj Leej
Niam, koj thov Ntuj hlub peb cov neeg
txhaum nyem no mus txog thaum peb lub
caij dua. Ua li.”
Hais 2 zaj thov Ntuj no tas ces ua Ntoo
Cuam Lub Cim.
+++++++++++++++
THOV NTUJ THAUM SAWV NTXOV
Tus sau: XH. Ntsuab Pov Yaj (Phau ntawv pab thov Ntuj)
26. LIAJ LUV TSEB NPLEJ (16.04.2021-15.05.2021) | 23
Kwv tij Hmoob, ua ntej peb yuav los saib tias
peb Hmoob cov kab lis kev cai twg thiaj siv
tau rau txoj kev ntseeg Ntuj, mas peb tsum
paub ua ntej tso tias kev ntseeg Ntuj thiab
peb Hmoob txoj kev teev dab qhuas zoo li
cas tso.
‘KEV NTSEEG’ yog kev lees tias yam uas
neeg soj ntsuam tsis tau ntsuas tsis tau thiab
txhawb fawb tsis tau ntawd, yog yam muaj
tseeb tiag.
Raws txoj kev teev hawm Tswv Ntuj mas
Koom Txoos Kav Tos Liv teeb tias ‘kev
ntseeg yog peb muab tas lub tswv yim
thiab tas siab tas ntsws cev rau Tswv Ntuj
thiab yeem ua raws Tswv Ntuj Lo Lus hais
rau peb.’
Li ntawd, kev ntseeg thiaj yog ib qhov kev
paub thiab kev tso siab li no:
1. kev ntseeg yog Tswv Ntuj lub txiaj ntsim
tseeb tiag uas neeg txais tau thaum neeg
muab siab tiag los thov.
2. kev ntseeg yog lub hwj chim loj tas nrho
uas cawm neeg tau.
3. kev ntseeg ua rau neeg lub siab twj lij
thiab thoob tsib.
4. kev ntseeg pab kom neeg tso siab lug rau
lawv txoj sia.
5. kev ntseeg yuav txawm tau nyob hauv kev
sib nyiam sib hlub.
6. kev ntseeg loj hlob taus nyob hauv kev
mloog Tswv Ntuj Lo Lus thiab kev thov Ntuj.
7. kev ntseeg ua kom neeg tau saj Ntuj Ceeb
Tsheej kev xyiv fab nyob hauv ntiaj teb no.
Yog li cov ntseeg Kav Tos Liv ntseeg txog
dab tsi? Nyob hauv zaj lees ntseeg hais tias:
“Kuv ntseeg txog Tswv Ntuj, yog Leej Txiv
muaj hwj huam tas nrho, yog tus tsim ntuj
tsim teb.
Kuv ntseeg txog Yes Xus Pleev, yog Tswv Ntuj
Leej Tub twm zeej, yog peb tus Huab Tais.
Leej Ntuj Plig Ntshiab ua kom nws xeeb los
ua neeg. Nws yug ntawm Nkauj Ntshiab Mab
Liab los.
Lub caij Pis Las Tos ua nom, Yes Xus raug
luag hiam thiab ntsia saum ntoo cuam.
Nws tuag mus zwm av, mus txog ntuj txias
teb tsaus. Hnub peb, Yes Xus sawv hauv cov
tub tuag rov los.
Nws nce mus lawm saum ntuj, zaum ntawm
Leej Txiv phab xis.
Nws yuav rov los txiav txim rau cov neeg ciaj
neeg tuag.
Kuv ntseeg txog Leej Ntuj Plig Ntshiab.
Ntseeg txog lub Koom Txoos Ntshiab cia rau
lub qab ntuj neeg.
Ntseeg txog tsoom Leej Ntshiab sib koom
Ntuj lub Txiaj Ntsim.
Ntseeg txog kev daws txhaum.
Ntseeg txog leej neeg lub cev kev sawv rov
los.
Ntseeg txog muaj Txoj Sia nyob mus li. Ua li.”
Zaj no qhia tias cov Kav Tos Liv ntseeg txog
Leej Txiv Tswv Ntuj, ntseeg txog Leej Tub
Yes Xus, ntseeg txog Leej Ntuj Plig Ntshiab,
ntseeg txog lub Koom Txoos thiab tsoom
Leej Ntshiab, ntseeg txog kev daws txhaum,
ntseeg txog kev tuag sawv rov los, ntseeg
txog kev txiav txim thiab ntseeg txog txoj sia
nyob mus li.
Hais txog Hmoob txoj kev ntseeg muaj feem
los ntawm txoj kev teev hawm, kev ua hwj
huam yeev ntxwv, kev dab kev qhua thiab
Hmoob cov keeb kwm. Hmoob hais tias
ntseeg ‘DAB QHUAS’.
Lo tias ‘DAB’ txhais tias “Qhov muag pom
tsis tau, tab sis lub siab thiab lub tswv
KEV NTSEEG NTUJ THIAB DAB QHUAS
Tus sau: Txawj Tsav Meej Mom Lauj
THAM TXOG
HMOOB
27. 24 | LIAJ LUV TSEB NPLEJ (16.04.2021-15.05.2021)
yim xav tau tias yeej muaj ib yam zoo li
ntawd tiag.” (LTH. Lauj Vam Thaiv) Yog li
Hmoob lo lus ‘DAB’ thiaj yog lo lus hais rau
2 yam: ‘tej ntsuj tej plig’ thiab ‘vij sub vij
sw’.
Hmoob tseem siv lo ‘DAB’ los hais rau tej
txheeb ze los yog tej neeg nruab zej zog uas
tsis paub npe thiab. (XH. Yaj Zoov Ntxheb)
‘QHUAS’ yog los ntawm lo tias ‘QHUA’ uas
muaj 2 lub ntsiab. Lub ntsiab tim ib, yog hais
txog tus uas yus paub txog thiab hu lawv
tuaj. (XH. Yaj Zoov Ntxheb) Lub ntsiab tim
ob, mas lo ‘Qhua’ yog ib lo lus Hmoob siv
los quas Hmoob lub xeem los yog pab
pawg. Xib Hwb Yaj Zoov Ntxheb hais tias lo
lus ‘Qhua’ los ntawm poj niam sab los. (Zoo
Tswv Zov Yaj)
Yog li ‘DAB QHUA’ los ‘DAB QHUAS’ thiaj
yog hais txog pab pawg neeg ntawd cov
neeg txheeb ze lawv paub thiab tsis paub
txog uas tau tso ntiaj teb no tseg lawm, los
yog hais tau tias ‘POJ YAWM TXWV
KOOB’.
Dhau ntawm kev teev poj yawm txwv koob
lawm, Hmoob kuj teev Huab Tais Tswv Ntuj
thiab, tiam sis Hmoob lo lus mas yog hais
tias ‘DAB XEEB TEB XEEB CHAW’, vim
Huab Tais Tswv Ntuj yog tus tsim ntuj tsim
teb, tsim tas ib puas tsav yam hauv lub sim
ceeb. (HP1:1-31)
Thaum Hmoob ntsib xwv txheej ces Hmoob
hu dab niam dab txiv, dab pog dab yawm
los pov hwm. Hmoob fiv ib lub yeem rau
kom zoo ces Hmoob yuav pauj rau. Yog tias
muaj mob muaj nkees mas Hmoob hais tias
dab los looj koov ces thiaj tsum tau teev tau
tiam rau. Ua mus ua lo ces thiaj txia ua
Hmoob txoj kev teev ‘DAB QHUAS’.
Vim kev teev dab qhuas muaj ntau yam kev
ntseeg tsis mus raws txoj kev ntseeg Ntuj
ces thaum ib tug neeg twg txiav siab los
ntseeg Ntuj mas thiaj tsum tau tso txoj kev
teev dab qhuas pov tseg. Tiam sis yam twg
yog haum rau txoj kev ntseeg mas Koom
Txoos Kav Tos Liv thiaj kom txuag cia tab sis
muab hloov kom haum rau txoj kev ntseeg
raws li Huab Tais Yes Xus tau hais tias “Nej
txhob xav tias kuv tuaj rhuav Txoj Cai thiab
cov Yaj Saub. Kuv tsis tuaj rhuav, kuv tuaj
qhia ntxiv kom thoob.” (MT5:17)
++++++++++++++++++
28. LIAJ LUV TSEB NPLEJ (16.04.2021-15.05.2021) | 25
Thaum Hmoob txiav siab tso kev teev dab
pov tseg thiab hloov siab tshiab tig los
ntseeg Tswv Ntuj, mas yuav ua 4 yam no:
1. Hlawv cov twj teev dab
2. Zeem Tswv Ntuj ua peb tus Huab Tais.
3. Foom hmoov zoo rau hauv lub tsev.
4. Ua ke teev Tswv Ntuj thawj zaug nyob
hauv tsev.
Hlawv cov twj teev dab
Tos cov hloov siab los ntseeg Tswv Ntuj ho
muab cov twj hlawv, vim yog tias muab pov
tseg mas tsam muaj neeg los tsiaj mus tsuj
ces tsis zoo saib, mas thiaj yuav tsum muab
hlawv kom ploj mus, kom ntsej tsis hnov
muag tsis pom mas yuav zoo dua.
Kev hlawv cov twj teev dab mas tsis yog tias
cov ntseeg yuav tsis hwm tej poj yawm txwv
koob, tiam sis yog cov neeg ntseeg yuav
hwm poj yawm txwv koob raws li Tswv Ntuj
tau qhia kom ua, tsis yog yuav vam txog tej
dab lawm.
Thaum ntiab dab, mas yuav ua zoo li no:
1. Tus tswv tsev mus daws daim xwm kab,
daws lub thaj neeb thiab tas puas tsav yam
uas teev dab nyob pem hauv plag.
2. Tus tswv tsev npaj ib lub rooj nyob ntawm
hauv plag. Nyob saum lub rooj ntawd, yuav
muaj ib ntaig dej, ib res nplooj thiab ib
txaum ntsev, vim yuav siv los ua dej foom
hmoov zoo. Tsis tas li ntawd, Xib Hwb los
yog Txiv Plig kuj muab ib daim duab Mab
Liab, ib daim duab Yes Xus thiab ib tug Ntoo
Cuam tso rau saum lub rooj.
3. Tas tsev neeg sawv daws los nyob ze Xib
Hwb thiab Txiv Plig, ces pib ua kab ke ntiab
dab.
4. Xib Hwb, los yog Txiv Plig ntuas sawv
daws zoo li no:
“Thaum ub los txog tav no, mas cov neeg
nyob hauv lub tsev no teev dab. Tab sis
nyem no nej xav los teev Tswv Ntuj lawm,
mas peb yuav thov kom Tswv Ntuj tuaj
pab ntiab dab.
Huab Tais Tswv Ntuj……..….(Hais ib cov lus
thov Ntuj)……..
5. Sawv daws hais zaj “PEB TXIV” thiab
“KOJ NYOB KAJ LUG MAB LIAB.”
6. Xib Hwb hu thawj tus Tshiab Miv Kas tuaj
pab ntiab dab li no:
“Thawj tug Tshiab Miv Kas ntshiab, koj
yog tus vaj muaj koob meej thiab kav tas
ib tsoom Tshiab nyob saum ntuj.
Peb ua rog ntaus cov niag kav ntiaj teb
qhov tsaus ntuj, peb ua rog ntaus cov niag
dab phem muaj hwj huam.
Koj tuaj pab peb cov neeg, koj thov Huab
Tais kom nws muab Ntxwj Nyoog nias
nthi tuaj hauv peb qab xib taws.
Koj thov Huab Tais tuaj pab kom Ntxwj
Nyoog yuam tsis tau cov neeg nyob hauv
lub tsev no.
Koj ntes tus niag zaj uas nws yog tus niag
nab nyob lub caij thaum ub, nws yog tus
niag dab nyob txim, nws yog Ntxwj Nyoog
uas ntxias neeg.
Koj muab nws khi thiab muab nws pov
tseg rau hauv qab tiv txwv dej, kom nws
ntxias tsis tau peb haiv neeg thiab ntxias
tsis tau tsev neeg no ntxiv.”
Zeem Tswv Ntuj ua peb tus Huab Tais
1. Tus ua kab ke muab cov duab Mab Liab,
duab Yes Xus thiab tus Ntoo Cuam tso rau
saum lub rooj. Nws hais zaj “TSA HUAB TAIS
SAWV” li no:
“Huab Tais, koj sawv! Koj ua kom cov
ntxub koj khiav mus deb ntawm koj xub
ntiag.
Koj ua kom cov ntxub koj ploj mus zoo li
pa taws yaj. Koj ua kom cov ntxub koj
tuag nyob ntawm koj xub ntiag.
KAB KE NTIAB DAB
Tus sau: Zoo Tswv Zov Yaj
29. 26 | LIAJ LUV TSEB NPLEJ (16.04.2021-15.05.2021)
Huab Tais, peb tso siab rau koj, vim koj
lub siab hlub peb.
Huab Tais Tswv Ntuj, thov koj tuaj roos
peb sawv daws thiab txhua tus uas nyob
hauv lub tsev no, vim tsev neeg no xav los
ntseeg txog koj lawm.”
2. Xib Hwb los Txiv Plig hais zaj ntiab dab
tias:
“Peb tuaj ntiab Ntxwj Nyoog uas yog tus
thawj dab, kom tawm hauv lub tsev no
mus.
Peb tuaj ntiab cov dab uas ntxias neeg
mus ua tej yam phem thiab mus ua tej
yam tsis zoo
Peb tuaj ntiab cov dab tsis huv, uas tuaj
mooj neeg kom mus raug txim.
Nej cov uas yog dab, nej tsis txhob muaj
plhus tiv Tswv Ntuj thiab tiv Ntuj cov Thwj
Tim hauv lub Koom Txoos.
Nej tsis txhob muaj plhus tiv cov neeg uas
Ntuj xaiv.
Nej tsis txhob muaj plhus muab Ntuj cov
neeg tshau li uas ib cov txhuv.
Nej tsis txhob muaj plhus looj koov tsev
neeg no lawm.
Tus ntiab nej, nws yog tus Huab Tais Tswv
Ntuj uas muaj zog tas nrho.
Tus ntiab nej, yog tus Huab Tais xav
cawm tas ntiaj teb neeg, vim Huab Tais
xav kom tsev neeg no mus taug qhov
tseeb lawm.
Tus ntiab nej, nws yog Huab Tais Leej
Txiv.
Tus ntiab nej, nws yog Huab Tais Leej Tub.
Tus ntiab nej, nws yog Huab Tais Leej
Ntuj Plig Ntshiab.
Tus ntiab nej, yog tus Huab Tais Pleev.
Tus ntiab nej, yog Yes Xus tus Ntoo Cuam.
Tus ntiab nej, nws yog tus Nkauj Tsim
Txiaj Mab Liab, uas twb tau tsuj nej taub
hau los lawm.
Koj khiav mus kom deb, Ntxwj Nyoog!
Koj txhob los nyob hauv lub tsev no lawm,
vim koj yog tus xev txoj kev dag tas tib si,
mas Ntuj tsis pub koj nyob hauv tsev neeg
no ntxiv.
Koj khiav mus kom deb tshaj plaws, vim
koj ntxub txoj kev cawm neeg.
Koj cia li tso qhov chaw no rau Huab Tais
Yes Xus thiab tso tsev neeg no rau lub
Koom Txoos ua tus kav thiab ua tus tsom
kwm, vim Tswv Ntuj yuav los nyob thiab
roos tsev neeg no.
Peb hu txog Huab Tais Yes Xus lawm, mas
koj yuav ntshai, koj yeej meem khiav mus
kom deb.”
3. Xib Hwb los Txiv Plig hais zaj thov Tswv
Ntuj pab kom tau kev dim ntawm dab li no:
“Huab Tais Tswv Ntuj, koj yog tus Huab
Tais kav lub ntuj.
Koj yog tus Huab Tais kav lub ntiaj teb.
Koj yog tus Huab Tais kav tas ib tsoom
Tshiab.
Koj yog tus Huab Tais kav tas ntiaj teb
neeg.
Koj yog tus Huab Tais kav cov Yaj Saub.
Koj yog tus Huab Tais kav cov Hauv Paus
Xa Lus.
Koj yog tus Huab Tais kav cov Leej
Ntshiab.
Koj yog tus Huab Tais kav cov Leej Choj.
Koj yog tus Huab Tais kav cov Leej Phauj.
Koj yog tus Huab Tais pub lub caij so rau
tus ua hauj lwm tas lawm.
Tsis muaj dua lwm tus Huab Tais, tsuas
kawg koj.
Koj yog tus tsim tej yam pom tau.
Koj yog tus tsim tej yam pom tsis tau.
Lub caij nyoog koj kav lub ntuj lub teb,
yuav tsis txawj kawg.
Peb sawv daws thiaj li thov koj tso koj lub
hwj chim tuaj pab pov hwm tsev neeg no.
Thov koj pab tsev neeg no kom dim
ntawm cov dab nyob txim.
30. LIAJ LUV TSEB NPLEJ (16.04.2021-15.05.2021) | 27
Dab kav tsev neeg no los tau ntev niaj
ntau xyoo, lawv ntxias kom sawv daws
yuam kev.
Thov koj txuag peb sawv daws thiab tsev
neeg no kom tsis txhob raug xwv txheej.
Peb vam txog peb tus Huab Tais Yes Xus
Pleev. Ua li.”
Foom hmoov zoo rau saum tsev.
Txiv Plig, los yog Xib Hwb hais tias:
“Peb sawv daws thov Huab Tais. Huab
Tais muaj hwj huam tas nrho.
Thov koj foom hmoov zoo rau saum lub
tsev no.
Thov kom cov neeg nyob hauv lub tsev
no, sawv daws noj qab nyob zoo, txhob
muaj mob, txhob muaj nkeeg.
Thov kom nyob hauv lub tsev no, sawv
daws nyias txawj txuag nyias lub cev kom
zoo thiab kom tsim txiaj.
Thov kom nyob hauv lub tsev no, sawv
daws yeej dab phem.
Thov kom nyob hauv lub tsev no, sawv
daws xyaum ua neeg siab loj siab tawv.
Thov kom nyob hauv lub tsev no, sawv
daws tsis txhob ua neeg muab hlob.
Thov kom nyob hauv lub tsev no, sawv
daws ua zoo rau luag tej.
Thov kom nyob hauv lub tsev no, sawv
daws txawj nco ntsoov txog Ntuj tej txiaj
ntsim.
Thov kom nyob hauv lub tsev no, sawv
daws nyiam kawm Tswv Ntuj lub Moo
Zoo thiab khaws coj los siv nyob hauv lub
neej.
Huab Tais Tswv Ntuj, ua li mas peb thov
kom koj foom hmoov zoo rau lub tsev no
thiab thov Koj foom hmoov zoo rau cov
neeg nyob hauv lub tsev no mus li.
Peb vam txog peb tus Huab Tais Pleev. Ua
li.”
Ua ke teev Tswv Nuj thawj zaug nyob
hauv tsev.
Txiv Plig thiab Xib Hwb xub muab Huab Tais
Yes Xus thiab niam Mab Liab daim duab coj
mus daim hloov daim Xwm Kab, uas nyob
pem hauv plag, ces sawv daws mam los ua
ke teev Huab Tais Tswv Ntuj.
Txiv Plig los yog Xib Hwb yuav hais tias:
“Nyem no mas nej yog ib tsev neeg ntseeg
Ntuj lawm, vim nej yuav Huab Tais Tswv
Ntuj los ua nej Txiv, kav thiab pov hwm
nej tsev neeg.
Li ntawd, mas peb sib koom siab koom
ntsws hais zaj nkauj “PEB TXIV NYOB
SAUM NTUJ” ua ke:
‘Peb Txiv nyob saum ntuj, koj lub npe
ntshiab nto moo lug,
koj lub ceeb tsheej los txog,
kom muaj raws li koj nyiam nyob ntiaj teb
no li nyob saum ntuj.
Thov koj pub mov txaus peb noj hnub no.
Koj zam txhaum rau peb, zoo li peb zam
rau luag.
Koj txhob tso peb rau kev ntxias, koj npo
peb dim ntawm kev phem.
Ua li.’
Kwv tij phooj ywg, thaum peb los ua neeg
ntseeg Tswv Ntuj lawm, mas peb sawv
daws yuav tau coj rawv Huab Tais Yes Xus
cov lus qhia, peb thiaj li txawj ua lub neej
haum ib zeej tsoom thiab haum Tswv
Ntuj siab.
Tsis tas li ntawd, peb kuj vam txog Huab
Tais Yes Xus niam cev peb tej lus thiab tej
kev nyuaj siab rau Tswv Ntuj. Ua li mas
peb sawv daws hais zaj nkauj ‘KOJ NYOB
KAJ LUG MAB LIAB’ ua ke.
‘Koj nyob kaj lug Mab Liab, tus tau txiaj
ntsim puv siab.
Huab Tais nrog koj nyob.
Koj tau koob tau hmoov tshaj ib zeej
tsoom poj niam tib si,
thiab Yes Xus, lub txiv uas koj lub cev txi
tau koob tau hmoov.
31. 28 | LIAJ LUV TSEB NPLEJ (16.04.2021-15.05.2021)
Leej Ntshiab Mab Liab, Tswv Ntuj
leej niam,
koj thov Ntuj hlub peb cov neeg txhaum,
nyiam no mus txog thaum peb lub caij
dua. Ua li.’”
Txiv Plig los yog Xib Hwb xaiv ib zaj lus nyob
hauv Ntawv Ntshiab los nyeem thiab nthuav
rau sawv daws mloog, los yog nyeem thiab
nthuav zaj no, yam li:
Huab Tais Yes Xus tshaj nws lub Moo Zoo
tias “Tswv Ntuj lub Ceeb Tsheej, mas yog
zoo li lub phij xab ntim nyiaj uas lawv
muab faus rau hauv ib daig teb. Muaj ib
tug neeg mus pom lub phiaj xab ntawd,
mas nws rov muab lub phij xab ntawd
zais rau hauv av. Nws zoo siab heev, ces
nws muab nws lub cuab yeej cuab tam
muag tas huv tib si thiab nws mus yuav
daim teb ntawd kom nws tau lub phij xab
nyiaj.”
Txiv Plig los yog Xib Hwb ntuas sawv daws
tas, nws muab saw Mab Liab los faib rau tsev
neeg ntawd ib leeg ib txoj.
Cov kab ke ntiab dab kawg los xaus li no
xwb.
++++++++++++++++++++
32. 28 | LIAJ LUV TSEB NPLEJ (16.04.2021-15.05.2021)