1. Pabula 2
"Neigh! Ako'y laging tumutulong. Laging malinis ang aking kapaligiran at lahat ay nakakakain.
Tutal ayaw niyo naman kay baboy at unggoy, ano pa kaya ang mahihita ninyo kay tigre? Lalo na't
siya ay isang babae! Kung gusto ninyo ng maganda at mapayapang gubat, ako ang ihalal ninyo!"
sabi ni kabayo na may mapang-asar na tono. Nakapagtataka man sa karamihan ngunit ang iba
nilang kasamahan ay tuwang-tuwa at sang-ayon kay kabayo lalo na sa kaniyang mga sinabi
tungkol kay tigre. Hindi naman nagdalawang-isip si kuneho na siya'y sagutin at kaniyang sinabi,
"Hindi dahil ikaw ay isang lalaki, mapamumunuan mo ang kagubatan nang walang bahid na dumi
na galing sa iyong mga kamay. Kita namin ang iyong tunay na kulay! Lalo na at minamaliit mo
kaming mga kababaihan. Hindi mo ba alam na babae ang nagpaparami at nagtatrabaho dito!" sigaw
ni kuneho na may galit kay kabayo. Maraming kumampi kay kuneho, dahilan kung bakit si kabayo
ay napalunok na lamang habang iniisip niya na hindi siya apektado at maninindigan siya sa
kaniyang hangarin.
"Rawr! Hindi dahil sa ako ay babae, hindi ko na magagawa ang kayang gawin ng isang lalaki. May
paninindigan ako na gawin ang tama at ituwid ang maling gawain dito sa kagubatan. Hindi lang
ako nagmamasid, ako rin ay tumutulong at gumagawa ng pagbabago para sa ikauunlad ng ating
tirahan. Nasa inyong mga kamay na kung sino ang inyong ihahalal. Hahayaan ko kayong
magdesisyon kung sino ang nais ninyong maging pinuno. Kung hindi man ako ang inyong
mapusuan, hindi pa rin ako hihinto sa pagtulong dito" ani ni tigre.
2. Nag-isip ang mga hayop nang malalim. Napagdesisyunan nila na ihalal si Tigre para mamuno
dahil siya ang karapat-dapat sa posisyon. Dahil dito, isang maganda at punong puno ng pag-asa
ang kinakaharap na buhay ng mga hayop sa kagubatan.
