3. ACARA PERAYAAN NATAL
Thema : Pasupasu Ni Debata Suksuk Tu Na Marhahamaranggi
Sub Thema : Marhite Natal Dohot Temu Kangen On, Naeng Ma Lam
Matoras Di Haporseaon Jala Marparbuehon Hasadon Dohot
Gok Haholongon.
I. PEMBUKAAN :
*** Hata Patujolo Sian Protokol
II. KATA SAMBUTAN
*** Sian Ketua Panitia
III. PANGGILAN BERIBADAH ( U = Uluan, R = Ruas ) ( Responsoria )
U : Hamu nahinaholongan dibagasan goar ni Tuhanta Jesus Kristus!
Ditingki on marpungu do hita di inganan on manghalashon Pesta Natal,
parningotan di hatutubu ni Tuhanta Jesus Kristus.
Natal ima wujud solidaritas ni Debata dompak jolma na dibagasan
pardangolan, hasusaan, parsahiton dohot hapogoson ala ni dosa dohot
hajahatonta. Gabe ro Ibana tu portibion laho paluahon jolma i sian
pardangolan dohot hamagoanna.
Alani i, taparade ma hadirionta baen inganan ni Tuhanta Jesus Sipalua i, na
ro maboan dame, padamehon hita dohot Debata Amanta i, patupahon
hasesaan no dosa di hita pardosa on, jala mamboan hangoluan na saleleng ni
lelengna di hita.
Selamat Hari Natal ma dihita saluhutna !
R : Selamat Hari Natal ma tutu.
U : Hamuna nahinaholongan dibagasan goar ni Tuhanta Jesus Kristus !
Dibagasan unduk dohot serep ni rohanta, ro ma hita tu adopan ni Tuhanta,
mamestahon “Pesta Natal” – Hatutubu ni Tuhanta Jesus Kristus.
Antong taparade ma rohanta, tapungka ma Pesta Natalta, martangiang ma
hita dibagasan rohanta be. ( Saat Teduh Diiringi Musik…….)
4. IV. KEBAKTIAN
01. Marende No. 57, 1 + 3
◊ Nunga jumpang muse ari pesta i, hatutubu ni Tuhanta Jesus i.
Tuat do ibana sian surgo i, mebat tu hita on.
Hasangapon di Debata, dame, dame ma di jolma.
Las ni roha ni Debata hajolmaon muse.
◊ Sombanami ma di ho, na tubu on, Ho siboan dame tu portibi on.
Sai pasaorhon ma tu rohanami on, dameMi o Jesus.
Hasangapon di Debata, dame, dame ma di jolma.
Las ni roha ni Debata hajolmaon muse.
02. Votum, Introitus, Tangiang ( U = Uluan, R = Ruas ) ( Responsoria )
U: Tapungka ma Ibadah pesta Natal parningotan di hatutubu ni Tuhanta
Jesus Kristus di Punguan ni Alumni SMP Negeri Palipi - Mogang
Tamatan tahun 1987 on, Marhitehite goar ni Debata Ama.
R: Ibana do jumadihon langit, tano dohot nasa isina. Ibana do na
jumadihon daging dohot tondinta. Ibana do silehon tua dohot
pasupasu di hita saluhutna.
U: Dohot goar ni Tuhanta Jesus Kristus.
R: Ibana do Debata na tuat sian banua ginjang, na mardaging jolma
gabe Sipalua jala Sitobus hita. Parningotan di hatutubu-Na do na
hita halashon di tingki on. Tasomba ma Ibana Rajanta.
U: Dohot parsaoran di bagasan goar ni Tondi Porbadia.
R: Ibana do namanjou hita tu bagasan parsaoran ni angka na porsea di
Tuhanta Jesus Kristus. Tasomba ma Ibana Rajanta.
U: Martangiang ma hita !
5. Ale Debata, Amanami na di banua ginjang, pujipujian dohot hasangapon
dohot hamauliateon husombahon hami tu Ho, marningot
silehonlehonMu na balga i tu hami jolma na di pardangolan on, ima
Anak-Mu Jesus Kristus na sinuru-Mi sian banua ginjang ala ni hami.
Gabe na dangol do Ibana jala na pogos, pola tubu Ibana di bara ni
pinahan di Betlehem, asa mamora hami. Sai rajai jala togutogu ma hami
marhitehite tondiM asa lam huida hami godang ni holong ni rohaM
pinapatarMi di bagasan AnakMu Jesus Kristus Tuhannami. Amen.
03. Marende Suplemen No. 48, 1 + 3
◊ Ria ma hita sasude mamuji Debata,
Girgir ma parendenta be, ai ido na tama, ai ido natama.
◊ Ampuan ni Amana do tinadingkonnNai,
Tu hasiangan on do ro, tu pardangolan i, tu pardangona i.
04. Liturgi Umum ( U = Uluan, R = Ruas )
U: Hehe ma ho ! Marsinondang ma ho ! Ai na ro ma panondangmu, jala
hamuliaon ni Jahowa binsar di atasmu.
R: Ale Tuhan, sai pargogoi ma hami, asa hehe jala marsinondang hami
di portibi on, tarlumobi ma di hami sama hami, patandahon naung
di sondangi Ho hami.
U: Ai ida ma, haholomon do manghungkupi tano on, jala hagolapon angka
bangso.
R: Huparhatutu hami, haholomon manghungkupi hami, jala
hagolapon ni portibi on mangalinggomi rohanami, sipata ndang
huingot hami holong-Mi.
U: Alai na binsar ne ma Jahowa di atasmu, jala marsinondang hamuliaon
di atasmu.
R: Binsar ma Ho ale Jahowa di rohanami jala sondangi ma ma
rohanami sude napungu on.
6. U: Ida ma, na ro do angka ari sogot, ninna Jahowa. Patindangonku ma di si
Daud sada tumbur na tigor, na bangkit raja jala na pistar, jala
hajongjongkononna ma uhum dohot hatigoran di tano i.
R: Sai Ho ma ale Jahowa gabe raja di hami, jala pajongjong ma
hatigoran-Mi di hami sasude.
U: Di angka arina dapotan tua ma Juda, jala Israel marsonang-sonang di
ingananna ; jala on do goarna dohonon ni halak : Jahowa parpintoranta.
R: Sai dapotan tua ma nang hami di ngolu nami on, jala Ho ma ale
Jahowa gabe parpintorannami maradophon huaso ni portibi on.
U: Haholongon salelenglelengna hubahen mangkaholongi ho, dibahen i
hutogutogu ho marhitehite asi ni roha.
R: Ale Tuhan, sai ajari ma hami, asa masihaholongan hami laho
pasadahon dohot padengganhon punguan nami on, asa gabe
punguan hataridaan ni holong-Mu.
U: Marhaposan tu Jahowa ma ho sian nasa roham, jala unang
marpangunsandean ho tu pingkiranmu sandiri. Sai Ibana ma tanda di
nasa dalanmu, asa Ibana patigor angka dalanmu.
U+R : Ale Jahowa, hupasahat hami ma tu Ho pardalan ni ngolu nami. Sai
ajari ma hami jala togu-togu di dalan hatigoran-Mi. Amen.
05. Marende No. 62, 1
◊ Halalas ni roha godang, nahubaritahon on,
Nunga tubu Sipalua di hita jolma on.
Hasangapon di Debata, laos dame, dame, dame ma di jolma
Lomo ni roha ni Debata do hita jolma on.
7. 06. Renungan Situasional ( U = Uluan, R = Ruas )
U: Hamu angka nahinaholongan dibagasan Tuhanta Jesus… Ida ma
tuhambirang dohot tu siamunmu, patar do sude nasa na tinompa ni
Debata. Ndang hajojoran hita, jala ndang tuk pingkiranta mangantusi
pambahenan ni Tuhan i. Uli jala tung denggan do nasa na tinompa i. Alai
sega do hinauli na tinompa ni Debata ala ni dosa dohot hajahatonta.
R: Ale Debata, marpamuati ma rohaM mida hami pardosa on, asi ma
roham di hami, ajari ma hami mananda dohot tumundalhon
dosanami. Ambati pingkiran nami na so ture jala pauba rohanami
tumadingkon hajahaton nami.
U: Hamu angka dongan na hinaholongan… Ndang dipasombu Debata
hajolmaon i disegai dosa, dihaholongi do hita natinompaNa. Disuru
Debata do AnakNa na sasadai paluahon hita sian dosa dohot hamatean.
R: Dirumari do diriNa, disolukhon rupa hatoban, asa mangolu hita jala
manean hangoluan sogot. Mauliate ma rohanami di asi ni roha ni
Debata, hatutubuni Tuhanta do dalan hangoluanta. Rap ma hita
manomunomu dohot manjangkon Jesus Silapalua i.
U: Basa do Debata mida hita natinopaNa, nunga tarida asi ni rohaNa
dibagasan Kristus Jesus. Di inganan haleaon do Tuhanta i sorang, tubu di
bara ni pinahan di Betlehem. Alai haleaonnai do gabe hasangaponta,
hapogosonnai do gabe hamoraonta. Jangkon jala hangoluhon ma Ibana.
R: Dison do hami ale Tuhan, nunga uli jala rade roha nami
manjangkon haroroMi, ai Ho do Sipalua dohot hangoluan nami.
U: Tahalashon ma hatutubu ni Tuhantai, ai dijou do hita jumonok tu Ibana,
jala disosoi do hita manuman bohi ni Kristus i.
R: Marhite Natal on, naeng ma lam matoras di haporseaon jala
marparbuehon hasadaon dohot gok haholongon di hami sama hami.
8. U: Ganup na manjangkon Jesus dingoluna, ido na manjangkon dohot na
manghangoluhon hasadaon dohot haholongon. Nunga rade Debata
marholong ni roha tu hita, alani i, naeng ma hita sama hita pe tama
marsada jala masihaholongan.
R: Amen.
07. Marende No. 48, 2 + 6
◊ Diungkap Debatanta i banua ginjang i.
Disuru do AnakNa i, hangoluanta i, hangoluanta i.
◊ Dibahen i las situtu do rohangkon nuaeng.
Hujangkon Jesus i tutu, ai sonang au dibaen, ai sonang au dibaen.
08. Doa Syafaat :
09. Marende No. 605, 1 + 4
◊ Las ma roham Tuhanta ro, gumomgom sasude,
Ungkap roham jangkon rajam, marende ma sude,
Marende ma sude, marende, marende ma sude.
◊ Ibana do rajantai, Parasi roha i,
Na tigor i, na bonar i, parholong roha i
Parholong roha i, parholong, parholong roha i.
10. Pagalak Lilin :
1. Parjamita
2. Ketua Panitia
3. Utusan Anggota Ama
4. Utusan Anggota Ina
5. Utusan Undangan
(Parjolo ma dipagalak lilin na di Altar. Dungi borhat ma angka na
pagalak lilin laho pagalakhon lilin ni angka ruas, jala dung galak sude
lilin ni ruas, mulak ma muse menghadap tu Altar jala jongjong ma Ruas)
9. Marendede No. 54, 1 - 3
◊ Sonang ni borngin na i, uju ro Jesus i.
Sonang modom do halak sude, holan dua na dungo dope,
Mangingani Anakna, Jesus Tuhanta i.
◊ Denggan ni borngin na i, uju ro Jesus i.
Tu parmahan di Betlehem i, dipaboa pardisurgo i,
Nunga ro sipangolu, Jesus Tuhanta i.
◊ Godang ni tua disi, di na ro Jesus i.
Tung malua pardosa muse, sian hamagoanna sude,
Ala ro Sipangolu, Jesus Tuhanta i.
11. Jamita : Pslam 133, 1 – 3
1. Ida ma, denggannai dohot sonangnai molo tung pungu sahundulan angka
na marhahamaranggi.
2. Songon miak na hushus di ulu pola mabaor tu mise, tu mise ni si Aron,
pola mabaor sahat tu rambu ni angka ulosna.
3. Songon nambur ni Hermon, na mabaor tu angka dolok ni Sion, ai disi do
diparbaga Jahowa pasu-pasu hangoluan sahat ro di salelenglelengna.
12. Marende No. 122, 1 – 3
◊ Ida hinadenggan ni angka na saroha i,
Parpambaenan na burju nang hatana pe tutu.
◊ Doshon nambur do tahe nasumorop sasude,
Denggan ni parsaoran ni dongan na saroha i.
◊ Diparbaga Debata tu na marsaroha da,
Pasupasu na godang ima roha nasonang.
13. Tangiang Situasional
U: Ale Tuhan Debata, Amanami marhite Tuhan Jesus Kristus. Ditingki on
marpungu do hami angka na hinokhopmu. Sada do hami dibagasan Ho.
Na marhahamaranggi do hami dijolom. Nunga tung leleng hami angka
namardongan dang pola hea be hami pajumpang.
R: Ditingki on ma Ale Tuhan, boi hami pajumpang hami sama hami,
jala di tingki on ma hami boi pasombu siholnami na sai laon.
10. U: Dung tammat hami sian SMP Negeri Palipi – Mogang Taon 1987,
godang do sian hami mangaranto tu parserakan i. Umbahen ido sahat tu
tingki on ndang be pola hea hami pajumpang.
R: Ala ni i do Tuhan, di ari na denggan on. Marlas ni roha hami ala boi
dope hami pajumpang. Nunga tung masihol situtu rohanami tu
angka dongannami.
U: Suang songoni do Tuhan, masihol do hami tu angka mantan guru nami
hian. Pasupasu jala ramoti ma nasida molo na adong dope. Alai molo
dung jumolo Tuhan, pasupasu ma angka keluargana. Jala angka na uli na
denggan na dibahen ni angka mantan gurunami tu hami, huingot hami
ma i sahat ro di ujung ni ngolunami
R: Marragam do Tuhan, angka ulaon nami. Di na mangaluli
ngolungolu hami. Nunga pola adong sian hami borhat tu luat nadao
laho mangalului dalan ni ngolu. Ala ni i, hupasahat hami ma
parngoluonnami tu tanganMu, asa manang didia pe hami, sai Ho
ma tongtong mandongani dohot mamasumasu hami.
U: Suang songoni dope Tuhan,di angka rencana dohot program nami tu jolo
on, Ho ma na tongtong na pasadahon roha dohot tahi nami, asa tongtong
marsada hami laho mangulahon i.
R: Sungguli ma tongtong rohanami ganup, asa hulehon hami roha
dohot gogonami laho patulushon sangkap dohot angka rencana
nami.
U: Di nalaho marsirang pe hami sian inganan on, manopot angka
inganannami be, tongtong ma hami ramoti di pardalannami. Suang
songoni di angka dongan nami na tinggal dibona ni pasogit on, tongtong
ma ho na mangaramoti.
U+R : Sahat di Ho ma daging nang tondinami be. Amen.
11. 14. Marende No. 848, 1 + 3 ( Huhut Papungu Pelean )
◊ Dison adong huboan Tuhan, parbue ni ngolungku na so tardok nian.
Sadia ma argana Tuhan, molo sai nirajuman sude denggan basam?
Jalo ma Tuhan, sai las ma rohaM.
◊ Huingot do hataM da Tuhan, Ingkon sarihononhon anggim nametmetan.
Ampehon ma tanganMu sangkan, itak na otik i unang suda nian,
Jalo ma Tuhan, sai las ma rohaM
15. Tangiang Panutup --- Pasu-Pasu --- Amen, Amen, Amen
PANITIA TEMU KANGEN
ALUMNI SMP NEGERI PALIPI - MOGANG
TAMATAN TAHUN 1987
Mengucapkan :
Selamat Hari Natal
25 – 26 Desember 2012
&
Tahun Baru
01 Januari 2013
SUSUNAN PANITIA TEMU KANGEN
13. Disanalah aku Berdiri, Jadi Pandu Ibuku.
Indonesia Kebangsaanku, Bangsa Dan Tanah Airku
Marilah Kita Berseru, Indonesia Bersatu
Hiduplah Tanahku, Hiduplah Neg’riku
Bangsaku, Rakyatku Semuanya.
Bangunlah Jiwanya, Bangunlah Badannya.
Untuk Indonesia Raya
Reff : Indonesia Raya, Merdeka, Merdeka )
Tanahku, Neg’riku, Yang Ku Cinta )
Indonesia raya, Merdeka, Merdeka ) 2x
Hiduplah Indonesia Raya )
HYMNE GURU
PAHLAWAN TANPA TANDA JASA
Terpujilah Wahai Engkau, Ibu Bapak Guru
Namamu Akan Selau Hidup Dalam Sanubariku
Semua Baktimu Akan Ku Ukir Didalam Hatiku
S’bagai Prasasti, T’rimakasihku ‘Ntuk Pengabdianmu
Engkau Bagai Pelita Dalam Kegelapan.
Engkau Laksana Embun Penyejuk Dalam Kehausan
Engkau Patriot Pahlawan Bangsa… Tanpa Tanda Jasa
19. 1. O… Tano Batak, Haholonganku,
Mansai Masihol Do Au Tu Ho,
Dang Olo Modom, Dang Nok Matangku,
Sai Na Malungun Do Au, Sai Naeng Tu Ho.
Reff : O… Tano Batak, Sai Naeng Hutatap,
Dapothonoku Tano Hagodanganki,
O… Tano Batak, Andigan Sahat,
Au On Naeng Mian Di Ho, Sambulonki.
2. Molo Dung Binsar Mataniari,
Lao Panapuhon Haumai,
Denggan Do Ngolu Siganup Ari,
Di Na Maringan Di Ho, Sambulonki.
Reff : O… Tano Batak, Sai Naeng Hutatap,
Dapothonoku Tano Hagodanganki,
O… Tano Batak, Andigan Sahat,
Au On Naeng Mian Di Ho, Sambulonki.
