1. 1
TATA IBADAH
KEBAKTIAN PASKAH
PARDINGATAN PARPUHO NI TUHAN JESUS
GKPS DISTRIK VII TAHUN 2020
Ambilan: Mateus 28 : 1 - 10
Sibasaon: Johannes 11 : 25 - 27
Topik Mingguan :
Kuasa Ni parpuhoon Ni Jesus
Parambilan:
Pdt. Martin Rumanja Purba, MSi, (Ephorus GKPS)
Liturgis:
Pdt. John Christian Saragih
Pemimpin Pujian:
Pdt. Gressindo Raja Sinaga
Tonggo Pangapition:
Pdt. Lop Depijon Purba
Minggu , 12 April 2020
2. 2
I. PRAELUDIUM
a. Persiapan Petugas Ibadah
b. Pengantar Ibadah
c. Prosesi Petugas Ibadah (Jongjong Kuria irik Mandodingkon Haleluya No. 68
:1-2)
1. Hatuahon do, hamegahon do parpuhoni Tuhanta in.
Roh Sipagoluh bani pardosa, megah-megah ma uhurta in
Roh Sipagoluh bani pardousa, megah-megah ma uhurta in.
2. Hatuahon do, hamegahon do parpuhoni Tuhanta in.
Monang do Jesus, talu sibolis, megah-megah ma uhurta in
Monang do Jesus, talu sibolis, megah-megah ma uhurta in.
IBADAH
1. Votum-Introitus-Tonggo
P Ibagas Goran ni Naibata Bapa pakon Anak-Ni Tuhan Jesus
Kristus ampa Tonduy Napansing, Sitompa langit pakon tanoh
on
P+J Amen
P Tapi domma puho Kristus humbani na matei, Ia do parlobei ni
sagala na dob modom in. Ai songon marhitei sada jolma roh
hamateian,
J Sonai do marhitei sada jolma adong parpuhoon humbani na
matei
3. 3
P Ai songon ibagas si Adam haganup matei, sonai do ibagas
Kristus haganup ipagoluh
J Tapi ganup ma mangihutkon parjojorni, parlobei Kristus, dob ai
na bani Kristus bani parrohNi ai.
P+J (mandodingkon) Reff . Hal no 73 G=do
Haleluya, Haleluya, domma puho Jesus in,
Haleluya, Haleluya, domma puho Jesus in.
P Martonggo ma hita.
Ipuji janah ipasangap hanami do Ham Tuhan, halani domma
italuhon Ham sibolis, dousa pakon hamateian marhitei
parpuhoonMu humbani na matei. Seng be mabiar hanami bani
goluh on halani munsuh sibanggalan domma italuhon Ham,
aima hamateian in. Domma ipadarat Ham hanami humbani
hagolapan anjaha masuk ma hanami bani haliharon, humbani
hamateian hubani hagoluhan. Hagoluhan na sadokah ni
dokahni domma sirsir ibahen Ham marhitei parpuhoon ni
Tuhan Jesus anjaha ibahen Ham do hanami gabe panean bani
hagouhan na manongtong in. Ai pe roh ma Ham hu tongah-
tongahnami bani pesta Paskah on, sai pargogohi Ham ma
hanami marhitei TonduyMu ase ibagas haporsayaon na
manggoluh ampa pambalosion na sintong hanami mamuji
ampa pasangapkon Ham, Amen.
2. Doding Haleluya No. 73: 1 - 2
1. Domma talu hamateian ibaen Tuhan Jesus in
Ai manggoluh use Tuhan songon hinatahon Nin
Haleluya, Haleluya domma puho Jesus in
Haleluya, Haleluya domma puho Jesus in .
4. 4
2. Roh manorih hu tanoman, parinangon in hujin
Seng ijin be Jesus Tuhan, domma puho in hunjin
Haleluya, Haleluya domma puho Jesus in
Haleluya, Haleluya domma puho Jesus in
3. Barita Pasal parpuhoonni Tuhan Jesus
P : Tangar hita ma barita pasal parpuhoon in, na tarsurat bani Lukas 24
: 1 - 10; na ibasa hita secara responsoria :
P Tapi bani ari parlobei dob Sabat ai, roh ma sidea girah sogod hu
tanoman ai mamboan rium-riuman, na dob pinasirsir ni sidea ai.
J Tapi domma igulingkon batu ai hun tanoman ai jumpah sidea.
P Anjaha dob masuk sidea, seng dong be jumpah sidea bangkei ni Tuhan
Jesus.
J Anjaha sanggah na jut ai uhur ni sidea pasal ai, jadi jongjong ma i
lambung ni sidea dua halak parhiou na marlinang-linang.
P Tapi sanggah tarsonggot ai sidea anjaha unduk mangkawah dompak
tanoh, jadi nini halak ondi ma hubani sidea: Mase ipindahi nasiam na
manggoluh bani ianan ni na matei?
J Seng ijon Ia, domma puho. Ingat nasiam ma na hinatahonni ai bani
nasiam, sanggah i Galilea ope Ia.
P Ai ihatahon do, paboa maningon ondoshonon do Anak ni jolma in
hubagas tangan ni pardousa anjaha parsilangkononkon, tapi mulak
manggoluh do ari patoluhon.
J Jadi idingat sidea ma hatani ondi.
P Mulak ma sidea hun tanoman ai, ibaritahon sidea ma haganupan ai
bani na sapuluh sada ai ampa bani haganup na legan ai.
5. 5
J Si Maria Magdalena ma ai, ambahni ai si Johanna ampa si Maria, inang
ni si Jakobus, ampa na legan ai na rap pakon sidea, ipatugah sidea ma
ai bani apostel ai.
P Martuah do na manangar Hata ni Naibata anjaha na
marimbagashonsi,
P+J: Amen
4. Doding : Haleluya No. 70 : 1 – 2
1. Ale tonduyhu na puho Tuhanmu, domma itaban do nagori toruh.
Megah uhurmu martuah ma ho Rap pakon Jesus manggoluh ma ho,
Rap pakon Jesus manggoluh ma ho
2. Talu sibolis ibahen Tuhanta, ge hamateian, ge dousa ganupan.
Ihamalaskon uhurta ma in. Pagoluhon-Ni do hita ganup,
pagoluhon-Ni do hita ganup.
5. Tonggo Hasasapan ni dousa
P : Martonggo ma hita mansopotkon dousanta hubani Tuhan,
Ham Tuhan Naibata, roh do hanami hu lobeiMu maboan dirinami hu
Bamu. Domma ipaluah Ham hanami humbai gomgoman ni dousa
pakon hamateian marhitei na dob italuhon Tuhan Jesus hamateian in
marhitei parpuhoonNi. Malas do tongon uhurnami bani haluahon in,
anjaha dihut do hanami marolob-olob bani hamonanganMu in. Tapi
bani goluhnami, lang ipataridahkon hanami na dihut do hanami
siparmonang, marhitei na ihorjahon hanami dousa bani goluhnami
on. Tuhan, holong ma Ham, sasap Ham ma dousanami.
6. 6
J : (mandodingkon) Haleluya No. 234 : 1
. Tandai Ham ma au, pareksa Ham pakon uhurhu,
Uji Ham au, papangkei ham pakon dalanku!
Itandai Ham do au on, O Tuhan.
P : Ham Tuhan Naibata, Ipamonang Ham do hanami marhitei Tuhan
Jesus, tapi gati do hanami pataridahkon bani goluhnami, na talu do
hanami bani dunia on, talu bani pengaruh ni halak parjahat, gabe
ihorjahon hanami hajahaton in marhitei na mambahen borit uhur ni
hasoman, ipatoruh hanami halak na legan, ampa na ibahen hanami
ase ulang dos hanami pakon halak na legan in. Tuhan, holong ma Ham,
sasap Ham ma dousanami.
J : (mandodingkon) Haleluya No. 234 : 2
. Holong atei-Mu , mangidah ganup parlahouhu,
Ai ma tongon, hotop do sai kahou langkahku.
Sai sasap Ham dousangkin , O Tuhan.
P : Ham Tuhan Naibata, domma puho Kristus humbani na matei tandani
na dob monang do Ia mantaluhon dousa pakon hamateian. Iarapkon
Ham do ase dihut hanami puho, humbani haganup pangabak na
mambahen galek hanami. Tapi gati do hanami tarpodom bani goluh
on. Hurang ringgas do hanami bani horja na madear, hurang sirsir
hanami bani horja i kuriaMu, hurang marpanarian do hanami bani
halak na legan ampa marsibere-bere. Tuhan, holong ma Ham, sasap
Ham ma dousanami.
J : (mandodingkon) Haleluya No. 234 : 3
3. Sai tatap Ham au, ‘se tambah haporsayaonku;
Togu Ham au, hu surga papintor langkahku.
Halani Anak-Mu in, Naibata.
7. 7
P : Tangar anjaha haporsayai hita ma Hata ni Naibata pasal hasasapan ni
dousa na tarsurat bani Rom 8:33-34: Ise ma na mangaduhon na
pinilih ni Naibata? Naibata do na mamintori. Ise ma na mandabuh
uhum? Domma matei Kristus Jesus, lobih ni in ope tene, domma
mulak manggoluh, i siamun ni Naibata di Ia mangapiti hita.
Hasangapon ma bani Naibata i babou!
J : Amen
6. Doding : Haleluya No. 429 : 1 – 2
1. O, hamateian ija do sorodmin, talu do ho ibaen Tuhanku.
Mulak manggoluh do Tuhanku hunjin, mamboban hatuahon bangku.
Ai domma puho hape Tuhan, maluah ganup na tartaban.
Ai seng margogoh be sibolis nuan, sonai ampakon hamateian.
2. Halani ai seng habiaran be in, porini aha pe na masa.
‘Ge hamarsikon hamateian pe in, Tuhanta do tong hasomanta.
Ai ningon puho use hita, manjalo upah hagoluhan.
Asal ma ulang hita engkar ijin, bai haganup Hata ni Tuhan.
7. Hata Haporsayaon
P : Riap ma hita jongjong.
Saksihon hita ma haporsayaonta in, songon na sinaksihon ni haganup
halak na porsaya bani sab tanoh on.
P+J Ahu porsaya bani Naibata Bapa, Pargogoh na so tarimbang, na
manompa langit pakon tanoh on.
Ahu porsaya bani Jesus Kristus, Anak ni Naibata na sasada in, in do
Tuhanta, na tinubuhkon ni si Maria sanggah nape haliaban, marhitei
8. 8
Tonduy Na Pansing. Na manaron na parngit, bani panorang ni si
Pontius Latus, iparsilangkon, matei anjaha itanom, turun hu nagori
toruh. Mulak manggoluh hun bani na matei bani ari patoluhon. Naik
hu surga anjaha hundul i siamun ni Naibata Bapa, Pargogoh na so
tarimbang in. Hunjai ma Ia mulak magira laho manguhumi halak -na
manggoluh pakon na dob matei.
Ahu porsaya bani Tonduy Na Pansing, bani Kuria parsadaan na
mapansing in, parsaoran ni sagala na mapansing in, bani hasasapan
ni dousa, bani parpuhoon ni angkula, pakon bani hagoluhan na
sadokah ni dokahni. Amen.
8. Tonggo Pangapition (Doa Syafaat)
9. Doding : Haleluya No. 430 : 1 – 2
1. Marmalas uhur, na mangirikkon Jesus Tuhanta,
ai puho Jesus, mulak manggoluh humbai na matei,
ai domma mungkab ijin tanoman.
O, hamateian, ija do nuan sorodmu in?
Puho do Jesus, humbai na matei.
Nagori toruh, ija do hamonanganmu in?
Maluah do Jesus, hun bani gari.
2. Marbois gogoh, do sipangagou manangkut Jesus,
hape tongtong do, seng dong kuasani mambahen talu,
ai gogohan do Jesus Tuhanku.
O, hamateian, ija do nuan sorodmu in?
Puho do Jesus, humbai na matei.
Nagori toruh, ija do hamonanganmu in?
Maluah do Jesus, hun bani gari.
9. 9
10. Ambilan
11. Patumpu Galangan
P : Das ma panorang ni hita mangondoskon galangan hubani Tuhan.
Na gabe onjolan banta ibagas na mamboan galangan hubani
Tuhan aima Hatani Tuhan na tarsurat bani Psalmen 116: 12 – 14
: Naha ma pambalasku bani Jahowa, halani haganup
pambahenanni bangku? Panginuman haluahon ma huangkat,
anjaha goran ni Jahowa ma hudilo. Bagah-bagahku bani Jahowa,
hugalar ma, hugalar ilobei ni haganup bangsani.
Sonari ondoskon hita ma galanganta
12. Tonggo galangan – Tonggo Panutup – Pasu-pasu
P : Riap ma hita jongjong.
Martongggo ma hita mangondoskon galanganta hubani Tuhan. Ham
Tuhan Naibata paridop ni uhur hubannami jolma pardousa on.
Tarima kasih ampa puji-pujian ma sombahnami hu Bamu halani idop
ni uhurMu na banggal in na mambere hagoluhan hubannami. Bani
panorang on roh do hanami hu lobeiMu mamboan dirinami pakon
galangannami. Sai jalo Ham ma galangannami on tanda malas ni
uhurnami bani haluahon na dob ibere Ham bennami. Ajari Ham ma
hanami ase totap hanami manggalangkon dirinami bani goluhnami
tandani na dob manggoluh ibagas goluh na baru hanami. Ibagas goran
ni Tuhan Jesus sipaluah in hanami martonggo, Amen.
10. 10
J : (Mandodingkon): Haleluya No. 12: 3
Tonduy daging uhur ampa gogohnin
Ulang bai na sambor sai Bamu ma in
Ningon gok Bamu ma au hinopkopMu
Ase saud martuah au jabolonMu.
P : Domma puho Tuhan Jesus manaluhon dousa ampa hamateian, gabe
manggoluh ma hita bani goluh na baru. Martarima kasih ma hita bani
Naibata na pamonang hita marhitei parpuho ni Tuhanta Jesus Kristus.
Ai pe, nasiam sanina na hinaholongan, totap ma nasiam, ulang
mubah-ubah, anjaha lambin surung ma ibagas horja ni Tuhan in, ai
ibotoh nasiam, sedo na soya halojaon nasiam ibagas Tuhan in.
P : Ham Bapanami na i nagori atas, sai na papansing ma goranMu, sai roh
ma harajaonMu, sai saud ma harosuh ni uhurMu i nagori tongah on
songon na i nagori atas. Bere Ham ma bannami sadari on hagoluhan
ari-ari. Sasap Ham ma dousanami songon panasapnami bani dousa ni
hasoman na mardousa dompak hanami. Ulang hanami bobai Ham hu
parlajouan, tapi paluah Ham ma hanami humbani pangagou.
J : (mandodingkon)
Ai Ham do simada Harajaon,
pakon Hagogohon ampa Hasangapon
sadokah ni dokahni. Amen.
P : Jalo Ham pasu-pasu humbani Tuhan Naibata:
Ipasu-pasu anjaha iparorot Tuhan Naibata ma Ham. Isondangkon
Tuhan Naibata ma bohiNi hubamu anjaha maidop ma uhurNi
mangidah Ham. Idompakhon Tuhan Naibata ma bohiNi hubamu
janah ipasorap ma dameiNi hubani Tonduymu, Amen
J : (mandodingkon) Amen, Amen, Amen.
