1. 1.- SARRERA
Arabako Mendialdean, hainbat modutan antolatu da eskola sistema gure historian.
Orain dela urte asko, esaterako, herri bakoitzak bere eskola izan zuen. Baina, herrixkek
biztanleak galdu ahala eta biztanleria zahartu ahala, herrietako eskola horiek desagertzen joan
ziren, bata bestearen atzetik, eta Mendialdeko haurrak eta gaztetxoak Kanpezura etortzen hasi
ziren ikasteko. Halaxe sortu zen Yoar izeneko eskola publikoa, 70eko hamarkadaren hasieran.
Hiru hamarkadako ibilaldi luzea egin du.
Gero, errealitate politikoa aldatu izanari esker, aukera egon zen Ikastetxea LH bat zabaltzeko,
eta, 1977an, Mendialdean euskaraz ikasteko zegoen eskaerari erantzuteko asmoz, Ibernalo
Ikastetxea LH sortu zen. Handik 20 bat urtera, berriz, 1997/98 ikasturtean Derrigorrezko
Bigarren Hezkuntza ezarri zenean, Kanpezu institutua sortu zuen Eusko Jaurlaritzako
Hezkuntza Sailak.
Azkenik, 2004an, Yoar eskola eta Ibernalo Ikastetxea LH batu egin ziren, eta horrela iritsi
gara gaur egun arte. Hiru ikasturtez bi zentroen bat-egitea antolatzen ibili eta gero, azkenean,
bat-egite hura guztiz legezkoa bilakatu da 2013/14 ikasturte honetan, MENDIALDEA IPI
izenarekin.
Ikastetxe honek gimnasio bat eta bi eraikuntza ditu. Tamalez, eraikuntzen artean, errepide
bat zeharkaturik, 200 m- ko tartea dago.
DBhko eraikuntza oso egokia da berriz, Haur eta Lehenengo hezkuntzako eraikuntza
zaharkiturik eta gaizki zainduta dago. Ondoan guardia zibileko kuartela dago eta gure
ikasleak patioan beti grabatzen dituzten bi kamera dauzkate. Honez gain, liburutegirik,

2. patio edo eremu estalirik eguraldi txarra eta jangela garaian jolasteko eta erabilera
anitzeko gelarik ez ditu. Honek guztiak ez digu baimentzen planifikatu nahiko genituzkeen
proiektuak bideratzea.
Hezkuntza sailetik baliabideak konpartitzea gomendatu digute baina, horrek ikasle
gazteenak eraikuntza batetik bestera eramatera behartzen gaitu. Honek ekartzen duen
eragozpenekin ( euriarekin bustitzea, arriskua kotxeak daudelako…)
Hemendik gabezi hauek publikoak egin nahi ditugu. Irakasleok eta familiak ezin ditugu
bideratu eta nahiz eta, askotan Hezkuntza Saila eta Udaletxea jakin gainean jarri baitugu,
hauek gutxi egin dute arazoa bideratzeko.
Hala eta guztiz ere irakasleok aurrera jarraitu nahian kontziente gara beste toki guztietan
bezala, Mendialdean ere premia berriak sorrarazi ditu gaur egungo errealitate sozialak
Hezkuntzan. Haiei erantzuteko, hiru alor nagusiri helduko diegu ikasturte honetan
(bakoitzari dagozkion helburuak garatu ditugu beherago):
•
ANIZTASUNAREN TRATAERA: Gure ikasleen jakintza maila gora eraman nahi
dugu, eta bai ikasleen eta haien familien itxaropenak asebete ere, edozein direlarik ere
haien gaitasunak, jatorria, egoera sozioekonomikoa…
Eskualde honetan gure ikasleen artean dagoen aniztasunari erantzuteko, lehenengo eta
bigarren helburuak zehaztu ditugu.
•
HIZKUNTZA GAITASUNA: Gaur egun, mundu globalizatu honetan, hizkuntzak
oinarrizko tresnak bilakatu dira nork bere etorkizuna lantzeko.
Ingelesaren, gaztelaniaren eta batez ere –gure herri hizkuntza izanik– euskararen
erabilera sustatzeko eta indartzeko, hirugarren eta laugarren helburuak finkatu ditugu.
•
BERRIKUNTZA PEDAGOGIKOA: Badira 13 urte XXI. mendean sartu ginela, eta ia
gure ikasle guztiak mende honetan jaioak dira. Beraz, irakasleok erabiltzen dugun
metodologiak gaur egungo premiei egoki erantzutea nahi dugu; hala, gaur-gaurko
baliabide teknologikoak txertatu nahi ditugu gure irakaskuntzan.
Horregatik guztiagatik, berrikuntzari indartsu eta gogoz ekin nahi diogunez, bosgarren eta
seigarren helburuak finkatu ditugu.
Aurreko ikasturtean bezala, saiatu gara IUP laburra, argia, zehatza, irekia eta
ikastetxearen beste planekin (Hobekuntza plana, Hezkuntza proiektua, AJA...) koherentea
egiten.