1. IKUSMEN URRITASUNA
Ikusmen murrizte nabarmenak honako ondorioak ditu ikusmen urrikoengan:
batetik, informaziora iristea galarazten die (eragozten die hein handi batean /
handiro); bestetik, garapen pertsonal eta sozialerako ezinbestekoak diren
hainbat trebetasunen garatze urria eragiten die.
Pertsona bat ikusmen urrikotzat hartzen da bi parametro hauek kontuan
hartuta: ikusmen-zolitasuna eta ikuseremua.
* Ikusmen-zolitasuna, argiztapen egokiarekin, objetuen formak eta
xehetasunak bereizteko dugun gaitasuna da.
* Ikuseremua zuzen begiratzerakoan begiak mugitu gabe ikus
dezakegun zonaldea edo eremua da.
Osasun Mundu Erakundearen (OME) arabera, begi bietako ikusmen
zolitasuna, ‘zuzenketa’ optiko hoberenarekin, 0,05 eta 0,3 bitartekoa denean,
ikusmen urritasuna dagoela baieztatzen da (du).
Itsutasuna, aldiz, horrela definitzen du:
Ikusmen zolitasuna 0 (argirik batere ez hautematea) eta 0,05 bitartekoa
denean, edo ikuseremua finkatze puntutik 0º-tik 10º-ra artekoa denean.
