Erdi mailako zikloetan sartzeko betebeharrak (zuzenketa)
Erdi mailako zikloak (zuzenketa)
1. ERDI-MAILAKO HEZIKETA-ZIKLOAK
Aukeratzen duzun lanbidean langile kalifikatu gisa jarduteko prestatzen zaituzte
heziketa-zikloek. Ikasketa hauek amaituta, ‘erdi-mailako teknikari’ titulua lortuko duzu,
lanbidearen ikuspuntutik baliozkoa, zikloen edukia lan-munduaren eskakizunak
kontuan izanda ezartzen baita.
Modulutan (irakasgaitan) banatuta daude. Guztira, 2.000 ordu irauten du ziklo
bakoitzak, eta, Lantokiko Prestakuntza (LP) izan ezik, gainerako modulu guztiak
ikastetxean bertan irakasten dira. LP modulua derrigorrezkoa da ziklo guztietan, eta
enpresa batean egiten da, bigarren kurtsoaren bukaeran.
Erdi-mailako zikloak Derrigorrezko Bigarren Hezkuntzaren Ondoko ikasketatzat hartzen
dira. Beraz, ziklo hauetako bat gaindituz gero, ‘erdi-mailako teknikari’ titulua lortuko
duzu, gorago esan bezala. Tituluak bi aukera eskaintzen dizkizu: lanean hastea eta
batxilergoko edo goi-mailako ikasketak eginez zure prestakuntza hobetzea.
Gure ikastetxean, inguruko enpresek gehien eskatzen dituzten teknikari-ikasketak egin
daitezke. Lanbide-arlo hauetan txertatuta daude gure zikloak:
Administrazioa eta Kudeaketa Elektrizitatea eta Elektronika Fabrikazio Mekanikoa
Goiko erlaitzean, aukeratu ziklo bat informazio gehiago izateko.
Ziklo hauek eskaintzen ditugu gaur egun:
Administrazio-kudeaketa
Instalazio elektriko eta automatikoak
Mantentze-lan elektromekanikoa
Mekanizazioa
Soldadura eta galdaragintza