1. DIDAKTIKA OROKORRA
Zer suposatu zuen LOGSEtik LOErako
aldaketak?
22/02/2013
Abigail Caminos
Janire Cuesta
Lucía Eguileta
Ane Gaztelumendi
2. LOGSE:
(Hezkuntza Sistemaren Antolamendu Orokorraren Lege Organikoa) 1990eko
urriaren 3an onartua. Espainiako hezkuntza lege bat izan zen, sozialistak sortua. Lege
honek aurretik zegoen Hezkuntza Lege Orokorra ordezkatu zuen.
Lege hau ezartzearen arrazoia Espainiako hezkuntzaren atzerapen ikaragarria
izan zen, espainiar estatua Europarekin alderatuz atzerapen handiak baitzituen. Egoera
honetatik ateratzeko helburuarekin LOGSE aurretik Moyanoko legea ezarri zen, hala
ere, nahiz eta aurrerapen sakonak egiten saiatu aurrera egitea zaila izan zen, Primo de
Riveraren diktatura baitzegoen. Francoren diktadura iritsi zenean, hezkuntzan
aldaketak egin behar zirela onartu zen, europarretatik oso urrun baitzegoen Espainian.
Hori izan zen, LGE (Hezkuntzaren lege orokorra) ezartzearen arrazoia.
LGErekin batera zenbait aurrera pausu eman ziren hezkuntza arloan, eta hori
dela eta, lege honek, 6tik 14 urtera arteko derrigorrezko hezkuntza inposatu zuen.
1970 eta 1990 urteen artean lege berri ugari ezarri ziren eta horien artean
garrantzitsuenetako bat LOGSE delakoa, 1990an. Lege berri honek, aldaketa asko
ekarri zituen, izan ere, lehen ez bezala autonomi erkidego bakoitzak beren hirietan
zeuden eskoletako curriculumaren zati bat proposatu zezakeen. Autonomi bakoitzak
beren nondik-norakoak kudeatzea beharrezko ikusten zen momentu hartan eta
azkenean hain bilatua izan zen nahi hori ezen lortu egin zen. Aldaketa honez gain,
hauek izan ziren lege berriak lortu zituen aurrera pausoak:
Eskola kontseiluari garrantzia ematen hasi zitzaion; ordura arte, eskolak ez
zituen bere zuzendariak aukeratzen, LOGSErekin eskola kontseiluak haien
zuzendaria eta karguak hautatzeko aukera izango zuten.
Behar bereziak zituzten ikasleentzat hezkuntza berezia eta helduentzako
hezkuntza erregulatu zuen.
Hezkuntza kalitatea indartu zuen, irakasleen etengabeko prestakuntza ezarriz.
Tutoretza eta orientazioaren funtzioa definitu zen.
Ikasgelako ikasleen ratioa txikitu zen.
Estrukturalki aldaketa handiak eman ziren, aurretik zegoen EGB delakoa
desagertu eta Haur hezkuntza, Lehen Hezkuntza eta Derrigorrezko Bigarren Hezkuntza
ezarri zirelako. Honekin batera, Unibertsitatean sartzeko hautaproba sortu zen,
egun,selektibitate izenarekin ezagunagoa dena.
Aldaketa ekonomiko, sozial eta teknologikoa zirela eta, kritika ugari sortu ziren,
honekin bukatzeko lege berri baten beharra ikusi zen eta horregatik 2002an partidu
popularrak LOCE sortu zen, hala ere, ez zen ezartzera ailegatu.
3. Lege berri honen ezartze nahia oso kritikatua izan zen sozialistengandik, eta
horren aurka 2006ean LOE ezarri zen.
LOE:
2006ko uztailetik aurrera martxan jarri zen LOE legea. Lege hau maiatzaren 3an
onartu zen eta estatuko hezkuntzaren etapak antolatzea zuen helburu. Garai horretan
PSOE partidu politikoa zen gobernuaren buru.
Lege honek aurretik zeuden beste legeak ezabatu zituen, beste batzuk moldatu
eta baita mantendu ere. Hauek lirateke lege honi esker hezkuntzak jasan zituen
aldaketak:
Arloekiko:
-Erlijioa:
Erlijio katolikoak Espainia mailan eragin handia izan du historian zehar eta
horregatik lege hau ezarri arte erlijio katolikoa eskoletan derrigorrezko arlotzat hartu
izan da. Lege honekin, erlijioa hautazkoa izateko aukera eman zen eta baita zein erlijio
mota, bai musulmana, bai judutarra, bai ebanjelikoa eta abar, ikasi nahi zen.
Horrenbestez, 18. artikuluaren arabera lehen hezkuntzako derrigorrezko
ikasgaiak honako hauek lirateke, erlijioa kanpoan utziz:
Natura, gizarte eta kultura ingurunearen ezaguera.
Artearen hezkuntza.
Gorputz heziketa.
Gaztelania eta literatura.
Euskara eta literatura ( hizkuntza koofiziala ematen den lurraldeetan).
Atzerriko hizkuntza.
Matematika.
Hala ere, ikastetxe katolikoetan erlijioa derrigorrezko litzateke.
-Hiritartasuna eta giza eskubideak:
Derrigorrezko hezkuntza osorako eta batxilergorako derrigorrezko arloa
bilakatu zen. Lehen hezkuntzako bi kurtsotan soilik emango da. Hainbat helburu
azpimarratzen dira, denak balio demokratikoetan oinarrituak; norberaren nortasuna,
ezaugarriak eta esperientzia pertsonalak ezagutu eta onartzea; bizikidetza-arauak
proposatzea, ezartzea eta betetzea; gizartearen aniztasuna onartzea eta aniztasun
horrek bizikidetza aberasten duela aitortzea, eta abar.
4. Hala ere, nahiz eta honako arlo honek berdintasunezko helburu demokratiko
batzuk izan gobernuan dagoen alderdi politikoaren arabera interes batzuk edo beste
batzuk daude.
Eskubideekiko:
0-3 urte bitarteko hezkuntza nahiz eta derrigorrezkoa ez izan lege honek
doakoa ez izatea eragin zuen.
Erabilitako Bibliografia:
-Ley 1/1990 de 3 de octubre, Orgánica de Ordenación General del Sistema Educativo.
Ministerio de Educación. 1990.
-Varela Julia (2007). Las reformas educativas a debate (1982-2006). Morata. Madrid.
- Ley Orgánica 2/2006, de 3 de mayo, de Educación (de España). Ministerio de
Educación. 2006.