These are some tips to pass the exams that you need to take like the Licensure Examination for Teachers or LET (Now BLEPT).

1. 15 Ways to Pass the LET (Licensure Examination for Teachers) or BLEPT (Board Licensure Examination for Professional
Teachers)
By Glenn Rivera – Lecturer at the Maglente Review and Training Center (Mobile #: 09173229356)
Pahinumdom: Ini po tabi na mga “tips” hali sa manlain lain na mga tawo na nakilala ko na naghatag man sa akon san
ideya kon pan o magpasar sa usad na eksam. An iba guindagdag ko na lang kag orihinal ko na ideya. Kon sa pangita nyo
dili ako an una na nagsabi san kon hain man didi sani na mga “tips”, pasensya na po. Pero dili ko sasabihon na guinkopya
ko la ina, guin-plagiarize o guin-angkon. Ini na mga “tips” dili makokonsiderar na ginatag-iyahan san usad lang na tawo.
Kay bisan sin o na maayo mag-isip, makaisip sani. Wara san masasabi na “original” na naghimo o nagsabi sani na mga
“tips” kag iiyahon nya ini tanan o bisan usad man sani. Salamat.
1. PRC or Prepare, Review, Create. It’s definitely not the PRC that you’ve been thinking of which means Pila, Rugda, Collect. (Peace!)
PREPARE. As the saying goes, “If you fail to prepare, prepare to fail” (Search who said it because he might appear in the exam). Preparar
gayod. Papan-o? Madali sabihon pero malisod pasurunudon. Una, tandaan an nakasurat sa Program of the Board Licensure Examination
for Professional Teachers (BLEPT). Nakasurat didi an Duration o oras san kada parte san eksam kag kon pira ka porsiyento an kabug-at.
Halos pirme, 6:30 AM an tuna san paghatag san General Instructions o Filling up of Forms. 8:00 AM – 10:00 AM an oras para sa General
Education kag 11:00 AM – 2:00 PM para sa Professional Education (pareho na mga oras para sa BEED kag BSED examinees). Kon
mapapansin nyo, may bakante kamo na usad ka oras tuna 10:00 AM hasta 11:00 AM. Depende sa iyo kon makaon na kamo san pang-
alas-dose sina na kaorason. Pero pwede man kamo magkaon sa mismo oras na alas-dose kon magtugot an examiner/proctor. An 11:00
AM – 2:00 PM may bes dili nasusunod kay sa matuod lang, duwa ka oras lang gayod an ginahatag kada parte san eksam (amo man an
iba na oras lalo na pag dili istrikto an nagabantay – Kon ako sa iyo, amiguhon nyo an proctor kay may iba sa inda, lalo na idton mga
mabuot, nagahatag pa answer. Oooops. Sekreto la ini.hehe. May iba na ginapalampas na la an naga-kuropyahan kag nagahatag time
extension). Kaupod man dapat sa preparasyon nyo an pagkita sa LET System or Coverage. Kitaon kon hain dida an may pinakadako na
porsyento kag amo an iyo pokusan o adalan sin maayo. Sa mga dili maayo an memorya, lalo na gayod sa mga nagkakaedad na, maganda
man na magtomar san memory enhancers pareho san guinapatalastas sa TV. Dili ko la sabihon na Glutaphos ina o Memory Plus Gold kay
wara man ako komisyon. :-D (Toinks!) Adi pa, mga usad ka semana bag-o an eksam, magpraktis na pagmata sin atab pareho san 4:00
AM o mas maaga pa para sa mga harayo pa an guinaulian. Pero kadamuan man sa halapit la sa testing center nagaturog bag-o an eksam
kaya ayos na an 5:00 AM na wake-up time. Magkaon gayod bag-o an eksam. Depende sa iyo kon an paborito niyo na pagkaon an kaunon
nyo sa agahan o darhon na balon o inan pinakamanamit na sura na dili nyo pa natilawan an kaunon nyo, basta ma-satisfy la kamo o
mabusog. An sabi ni Sir Sanny S. Maglente, mas maayo na an nakasanayan nyo na pagkaon an kaunon nyo para baton gayod san sistema
nyo kag dili kamo sakitan tiyan o kon nano pa man. Basta abot la kita sa sakit san tiyan. :-D Pero an tama la dapat na pagkaon kay daka
magsuruka ka sa sulod san exam room, maatian pa an imo test booklet kag answer sheet. Basta dapat 6:00 AM adto na kamo sa testing
center, lalo na sidton mga mahanap pa la san inda room assignment. Pag ada na kamo sa exam venue, makiistorya sa mga kapwa
examinees kay basi may mga masabi pa sinda na tips sa iyo o kaya mga posible ihunga kag isabat sa eksam. Pero tandaan, DILI
MAKITSISMISAN. Kaupod pa sa preparasyon an pagdara san mga kailangan na gamit: Envelope (plastic and brown envelope); notice of
admission (importante gayod ini!); mga lapis (duwa o tulo na tinaharan na para di na magsayang oras pagtahar); eraser; sharpener;
protractor; black ballpens (duwa o tulo); allowed/allowable calculator; water (syempre dapat nakasulod sa maayo na butangan kag dili
dapat pag itakin sa answer sheet); snacks; packed meal(s) (bawal an diet sa eksam kaya magkaon gayod); chocolates (to make you
alert); cobra o energy drink? (aw hala pa pero himat la sa kidney failure or stones); medicines – paracetamol (like Biogesic, Neozep),
ibuprofen (like Advil), analgesic/pain-reliever/painkiller (like Mefenamic Acid), anti-histamine (like Benadryl, Citirizine, Iterax, Alerta, Alerin,
Chlorphenamine Maleate), loperamide hydrochloride or anything that relieves stomachache (like Diatabs, Buscopan), antacid (like Kremil-
S), ointment or therapy/healing oils (Vicks, Katinko, Dragon Balm, Pau d’Arco para sa mga madali maglipong an ulo kag mangalay),
sanitizer, bandage, alcohol, betadine (ah sobra na ini, nano maburingkilan kamo???). REVIEW. “The purpose of review is not to feed
your mind with new information but to recall. Anything that does not come with it must be relegated to READING” (Who said it? Search.
With initials BGR. ;-D). Natural sa usad na examinee na mag-review o balik-adal. Anuman na babalikan mo, masasabi mo na aram mo na
dati, basi nalimot ka lang. Kon dili madumduman, pasalamat ka, namati ka kag nagbasa san bag-o na impormasyon. Mas labaw si REVIEW
kan READ kay si REVIEW pareho san pagkaon san paborito mo na pagkaon kag sigurado na mabubusog ka uruotro-otro mo man himuon
kaysa kan READ na nadasmag la sa kaunan derecho kaon san manlain-lain na pagkaon na halos waran kabusugan pero dili mo aram kon
mabubusog ka ba talaga o mahihiluan. Mas maayo magreview kon may kaupod ka. Lalo na kon an kaupod mo an imo GG-OA (Greatest
Gift of All. Paita. Aw siguraduha na review an ginahimo niyo kay daka magrulutaw an utak mo pag mag-eksam ka na tungod sa kon nano
nano na panamit. Aw aram na.) Mag-review sa maayo na review center pareho san MRTC. Kon may access sa internet, mas maganda.
An mga maayo na websites na bisan dili masyado reliable an information na nagaluwas, pero makabulig sa brainstorming an
www.wikipedia.org, www.youtube.com, www.slideshare.com, www.google.com, www.yahoo.com, kag iba pa. O kon may igwa san naka-
install na Encarta Encyclopedia o Encarta for Kids sa computer, laptop o ano pa na gadget, mas maganda para libre na an pag-research.
Sa mga nalilisudan sa Math, praktis la an katapat sina. Halos Grade V, Grade VI kag First Year (Grade VII) Math tanan an nagaluwas sa
LET-Gen. Ed lalo na an percentage, interest, commission, o discount. Kaya aram nyo na an mga libro na dapat nyo basahon. Amo man
sa Social Science, Grade V, Grade VI kag First Year (Grade VII) na mga libro an pwede nyo balikan. Remember: Do not rely on your
reviewers and lecturers alone. Kon may mga kilala ka na igwa sin test papers sa Grade V, Grade VI o Grade VII (lalo na an sa Pretest kag
Achievement Tests), pwede mo man ina adalan. Pero kon may mga libro ka na man lang na kumpleto kada sabdyek (pareho san mga
General Educational Development o GED Modules o textbooks sa college), mas maayo. Sa paga-review tabi, lalo na pag naga-answer ka
san sample test papers, dili pag-anadon an sadiri na guinabilugan an letter sa test paper kay daka amo ina an himuon mo sa LET. Magpa-
photocopy san sample answer sheets san LET kag anadon an sadiri sa pag-shade dida. Uruotrohon pag-answer an test papers hasta ma-
perfect mo na. Keep on reading and practicing some tests especially the ones which will be handed over to you by the review center. It
is effective. In my case, I was able to read the reviewers more or less three times although the prescribed number of times was five.
Dapat makabisado nyo kon pan-o maghatag san eksam an taga-PRC. Pero dili gusto sabihon na magparabalik-balik ka pag-take san LET.
Ayaw man. Anadon nyo man dapat an utak nyo na magsabat sa mga hunga san matulin. CREATE. “Nothing will be greatly appreciated
by you other than the works of your own hand.” So if you can take time to produce or construct review materials, own these and
personalize. Most of you are now computer-literate. The best way to simplify everything and make it artistic or creative enough to catch
your attention, or those of your co-reviewees, is to make PowerPoint Presentations, Videos, Audio Recording, Graphics, Collage, Charts,
Scrapbook, Graphs, Mnemonic Devices, Tables, Summaries, among other devices, or visual and memory aids. PowerPoint presentation
na an pinaka-maayo himuon pag-abot sa paghimo san sadiri mo na review materials. Pwede ka magbutang pictures kag short video clips.
Panduwa an audio recording. Pwede mo i-record tanan na guinabasa mo kag pamatian mo ini pag may bakante ka na oras. Maganda ini
sa mga naga-trabaho na. Pantulo na lang an video kay makuti kuti ini himuon. Kon may camera ka, pwede man sa cellphone o tablet,
kuhaan mo na lang picture an mga reviewer o page san libro na dili mo kaya ipa-photocopy. Makatipid ka pa. Kag pwede mo darahon
bisan diin an file. Kon gusto mo naman o anad ka san “back to basics” o PA-NOT-KA-MAN (papel-notebook-kartolina-manila paper)
method, then be it. Waran maraot sina. Kon hain o nano an mas convenient o masayon para sa imo na paagi san paghimo san imo mga
gamit para sa pag-review, didto ka. Para sa mga impormasyon na ginagamitan san enumeration lalo na sa science, social science kag
professional education, magagamit mo gayod an mga acronym pareho san MVEMJSUN (which stands for the 8 planets of our solar system
namely, Mercury, Venus, Earth, Mars, Jupiter, Saturn, Uranus and Neptune). Pwede mo ina matandaan paagi sani na Mnemonics – My
Very Educated Mother Just Served Us Nuts. Adi pa, AIM. Dili Alliance In Motion ha. Pero mas maayo pa daw ina kaysa maging teacher.
Paita. Anhon na lang an sweldo ta. Maayo la gayod kon may mga sideline o raket. An AIM, amo ini – Aeta, Indones, Malay (base sa
pagkasunod-sunod san pag-abot sani na mga grupo sa Pilipinas). Nano pa? KBL – Kada Bika Libog? Aw. Dili man. Basta aram nyo na ina.
Syempre an pinakahalaba. Nagatuna sa “B”! Bo... Hehe. Aw “A” daw gali. Kay di man daw naging presidente si Bo...nifacio ba. Sabi la ina
san iba na maka-Bonifacio na siya an “Unang Pangulo”. Naga-gurugreen laki an utak...Tsk3. Adi ba: AQLORQMGMMAREAA (which stands

2. for the surnames of the fifteen Presidents of the Republic of the Philippines in their proper order as follows, Aguinaldo, Quezon, Laurel,
Osmeña, Roxas, Quirino, Magsaysay, Garcia, Macapagal, Marcos, Aquino (Cory), Ramos, Estrada, Arroyo, and Aquino (Noynoy). Sa Prof.
Ed. adi an classic na halimbawa: SePreCoFo or Sensorimotor, Preoperational, Concrete Operational and Formal Operational Stages of
Cognitive Development according to Jean Piaget. Adi pa: PreCoPo or Pre-conventional, Conventional and Post-Conventional Stages of
Moral Development according to Lawrence Kohlberg. Tandaan, madali lang ini himuon lalo na pag may igwa ka kag matibay ka sa
computer, lalo na sa paghimo san PowerPoint presentation.
2. Laktaw Method. Numero uno mientras naga-eksam na. Laktaw Method. During the examination, answer first the easy questions.
Kon kinahanglan nyo maglaktaw kay malisod o halaba an hunga, maglaktaw kamo kag balikan nyo na lang ina na hunga pag tapos na
kamo sa mga madadali na hunga. Pero markahan nyo sa test booklet an iyo ginlaktawan. Maghimat kamo sa paglaktaw kag dapat kon
hain na kamo na numero, amo man an ma-answeran nyo sa answer sheet. Amo ini sya an pinaka-strategy ko sa tanan na tests kag
exams na gntakean ko pareho sn mga periodical tests, entrance exams san high school kag college sa UP kg BU, final exams sa college,
an LET kag an latest sa English Proficiency Test kon hain nag-top ako. Dili man sa paghambog. Sina tanan na tests kag exams pumasa
ako kag hatag-as an ratings ko kaya masasabi ko gayod na epektibo an laktaw method na ginagamit ko. Dili kamo magtuod sa iba na
nagasabi na dapat unahon an mas malisod sa paga-answer san exam kay dili ina matuod. Mauubusan kamo san oras kon magparadugay
kamo sa mga malilisod na question tapos dili pa kamo sigurado san iyo answer, sayang lang. As a matter of fact, based on experience,
we tend to respond easily and immediately to questions or issues that we know or are familiar to us. Usad pa, kon hain kamo na sabdyek
nadadalian o masasabi nyo na “forte” nyo, lalo na sidton mga may major o specialization, amo an unahon niyo lalo na sa General
Education. Bisan dili bahin bahin an pakasurat san mga hunga sa test paper, pasurunod man an mga ini kaya makikita mo kon hain na
parte an English, Math, Science, Filipino, o Social Science. Kon batyag mo na sisiw lang an Soc. Sci lalo na kon Soc. Sci. Major ka, unaha
na an Soc. Sci. na mga hunga sa Gen. Ed. pagsabat. Kon batyag mo na mathinik ka, lalo na kon Math Major ka, unaha dayon an Math.
Kon matibay ka sa English, lalo na kon English Major ka, tiraha dayon an English. Kon sa kita mo kaya kaya mo an science, lalo pa kon
nasa Sciences an Major mo, pasiguruha na an Science. Kon Filipino naman an forte mo kag Filipino Major ka pa, aw nano pa man, dali-
dalia na ina pagsabat. Napansin nyo? Guin-una ko gayod an Soc. Sci. kay Soc. Sci Major ako bisan pa Mathematics, Character Education,
kag HEKASI an guinatukduan ko yana sa elementary. Panduwa an Math kay para sa akon madali la an Math sa Gen. Ed. Seryoso, madali
lang siya lalo na kon interesado ka sa Math sadto pa. Bisan ordinaryo na calculator an gamiton mo, dili an scientific calculator, maka-solve
ka. Pantulo an English kay may mga parte baya ina na mabasa ka san passages o istorya kaya medyo madudugayan ka sina. Kaya medyo
maurhi la siya. Pero kay dili man ako hadlok o nosebleed gayod sa English kaya pantulo ko siya. Kailangan mo lang talaga pasiguruhon
sa English an Grammar (especially subject-verb agreement) and Vocabulary. Kon dili halawhaw o malawak an imo bokabularyo,
diksyunaryo la an katapat sina o thesaurus. Siguraduha la na maaram ka maggamit sina. Kay daka ibutang mo la ina sa idarom san
ulunan, aw remate na. Sabihon ta na makatulo ka lang na letra sa kada adlaw (all words that start in letter A to letter C for day 1, letter
D to letter F for day 2, letter G to letter I for day 3, and so on). Bisan ina lang na duwa, mapapasa mo na an English. Pan-upat an Science
kay para sa akon malisod magsaulo san scientific terms or concepts, laws, theories and personalities. Damo damo baga sinda kag halos
tanan puro foreign o dili Pilipino kaya madalas dili ta gayod aram o matandaan. Tama ako o dili? Malinaw o mabalod? So aram na an last.
Filipino. Kon hain lugod an dapat na aram aram ta kay Pilipino ngani kita, para sa akon amo pa an pinaka-malisod sa LET. Kay may iba
na surmaton na hagdarom kaayo. Tandaan, wara dapat sin pakiaram an proctor kon hain na page na kamo nagabasa kag naga-answer.
Bisan pa unahon nyo an last part, OK lang dapat ina. Sawaya an proctor pag sinaway ka man. Even so, you have to follow “written”
instructions. Dili man kamo magtuod sa mga nagasabi na dapat dili maglaktaw kay daka mamali ka sa numbering mo. Oo, posible ina
mangyari na mamali ka sa paglaktaw pero madali man lang ma-master an laktaw method basta magpractice ka la pirme sa pag-answer
kag paggamit sina na method. Kag dapat maaram ka magtanda kon hain ka na na number. Kaipuhan gayod na markahan mo sa test
booklet kon hain ka naglaktaw.
3. Blue’s clues. Read carefully the questions and look for the stems or clues. May bes ada man lang sa hunga an sabat sa hunga o kundi
man may mga surmaton sa hunga na makabulig sa iyo para masabat an hunga. Maghimat kamo sa mga hunga na may NOT o letters N
O T tapos EXCEPT. Para di kamo malito, kuritan nyo ina na NOT kag EXCEPT sa test booklet.
4. Eraserheads. Make sure that you do not have any erasure, or if you have to erase, do it perfectly as if nothing were erased. Use
Staedtler eraser (as also advised by Sir Sanny S. Maglente). San akon pag-exam, nakabulig talaga an staedtler eraser kay malinis linis an
iya agi. Pagkatapos nyo pa gali pag-shade sa entiro na mga aytem, baliktadon an answer sheet kag ikuskos an eraser sa likod lalo na sa
mga nagabukol na parte kon diin kamo nag-shade. Dili ako naga-advertise kay may komisyon ako sa kumpanya san staedtler pero sa
matuod lang, maayo na eraser an staedtler. Mahal la ugaring ini pero sulit man an gamit nyo. Tag 32 pesos yata siya sa MCE dida sa
Rosero Street o basi nagmahal na kay in demand.
5. Relax. Relax yourself before and during the exam. Dili kamo magpara-cramming a day before the exam kay dili na masulod sa utak
nyo an ginaadalan nyo kay nagadali na kamo. Usad pa, basi ma-mental block kamo pag nagreview pa kamo bag-o an exam kay mai-
stress an utak nyo. Kon sa Legazpi City an exam, dapat ma-familiarize anay kamo sa lugar kon diin kamo ma-exam. Magkadto kamo sa
testing center kag kitaon nyo kon nano an itsura san room, kon hain an CR kag kon diin kamo banda ma-ingkod. Dapat makita nyo na an
iyo kamutangan bag-o pa an exam para maging komportable kamo sa pag-exam mismo.
6. Pray a lot, especially the “prayer before examination” which will also be given to you, it is very effective. Kon di man kamo
mahatagan san prayer before examination, mangadyi na lang kamo san sadiri nyo na pangadyi na taus-puso kag sa sadiri nyo na
surmaton. Naka-relax an pagpangadyi sa matuod lang kag makabulig ina sa iyo para makaisip sin maayo.
7. SWAP – Shading With A Protractor kag 4Ps o “Pag Pasmado Paggamit Protractor.” Practice your shading and shade carefully during
the exam. Use a ruler or protractor if you feel that your fingers might destroy your shading. San pagtake ko san LET san September 29,
2013, naggamit gayod ako protractor para dili magtiko tiko an akon pag-shade. Dili man sa ginasabi ko na dahil sadto nakapasar ako,
kundi gusto ko lang sabihon na nakabulig an protractor para maging solid an iyo pag-shade kag dili ralampas. Minsan baga, sa kakapoy
ta kaka-shade, nagakudog na an aton kamot kag nagapuypoy, kaya maayo gayod na may magamit ka para dili magralampas an paga-
shade mo. Ginasabihan ko kamo lalo na idton mga pasmado na maggamit protractor para swabe an shading nyo. Dagdag pa, para sadton
mga nagabasa an kamot sa balhas, magbutang kamo panyo sa kamot kon maga-shade na kamo. Ibutok nyo sa kamot para dili mabasa
an answer sheet. Tandaan, dili pwede na mabasa o maatian an answer sheet.
8. Color it Red. Wear something red during the exam (as advised by Madam Topnotcher Karen Patricia D. Pastor). Ini siya, superstitious
na kay aram ko may iba man na naghimo sani pero wara man kapasar. Sorry to say that. Para sa akon, pwede nyo lang ini himuon para
magkusog an iyo buot kag kursunada sa pagtake san exam. Baga ina an may dara ka na rosaryo, para sa mga Katoliko didi, na kon
magtuod ka sa rosaryo, magakusog man an buot nyo na atubangon an bisan nano man na pangyayari. Usad pa, bisan nano na ginaturing
nyo na lucky charm, darhon nyo basta pwede isulod sa bulsa o isul-ot sa iyo lawas o kamot. Paaram lang, dili lucky charm an kodigo ha.
Dimalas ina. Hehe. By the way, nagbutang ako rosaryo sa akon bulsa sadton nag-exam ako. Kag kada hunga na dili ko aram, ginakaptan
ko an crucifix san rosaryo. Dili maraot na magtuod sa tsamba kag faith kay sa matuod lang damo an nagasabi na dako na porsyento san
pagatake san LET an nakabase sa tsamba kag an iba base na sa aton naaraman sa aton pag-eskwela kag pag-review. Kon ano man an
dili nyo masabat sa exam, ipangadyi nyo na tama an magiging answer nyo pag-shade niyo san letter sa answer sheet.
9. An pinakahalaba. Kon wara na gayod kamo san maisip na tama na answer, pilion niyo na an pinakahalaba lalo na kon puro sentences
an nasa choices A, B, C kag D. Ginasabi ko gayod ini na tip lalo na sa lecture sa Philosophy of Man (under the Social Science subject of

3. General Education or Gen. Ed part of the Licensure Exam). Kag kon mapansin niyo baga sa hand-outs, kon guin sabat niyo idto na test
sa Philosophy of Man, kag an mga pinakahalaba na options an guinpili niyo, mas damo kamo san tama na answer kaysa sa mali.
10. Lifeline – 50:50. Eliminate the two most confusing, impossible or unlikely options or answers. Or if you can manage to eliminate all
of the three wrong options, do not hesitate to do it. Halion gayod an mga dili amo na sabat. Halimbawa, sa mga hunga na an sabat usad
na tawo, madalas an pinakasikat an answer dida. Intonces, kon may mga nakita ka na tawo na dili kilala sa papilian, malamang dili ina
an sabat sa hunga kaya ekisan dayon ina sa test booklet. Kon an mga hunga naman mga termino o “word” lalo na inan mga foreign
words, halimbawa Chinese, kon nano an papilian na dili “tunog” Chinese pag binasa mo, malamang dili ina an sabat. Ekisan man dayon
ina. Sa mga hunga naman na pareho sani “What early form of writing was used by pre-colonial Filipinos?” kag an papilian amo ini: A.
Cuneiform; B. Hieroglyphics; C. Papyrus; D. Baybayin, halion na dayon an aram nyo na mali na papilian. Amo ini an paagi – an Cuneiform
ginamit ina san mga sinauna na nag-istar sa Southwest Asia pareho san mga Sumerian. An Hieroglyphics ginamit naman san mga sinauna
na Egyptian. Sa una pa lang na kita aram mo na dapat na dili ina na duwa an sabat kay dili sinda “tunog” Pinoy o katutubo. Amo man an
Papyrus. Dili gayod ini an sabat kay dili siya matatawag na form of writing kundi usad siya na writing implement or material. Usad pa na
halimbawa, sa mga tawo. What if the question in Social Science is like this? “Which American general surrendered the entire USAFFE in
the Philippines to the Japanese forces after the Fall of Bataan on April 9, 1942. (This day is commemorated in the Philippines as Araw ng
Kagitingan "Day of Valor")?” – In Tagalog, sino na ang isinuko ang Bataan? Aw amo ba? Bagan iba man ina. Hehe. Sinong heneral ang
isinuko ang Bataan sa mga Hapon? An papilian: A. General Douglas MacArthur; B. General Emilio Aguinaldo; C. General Jonathan
Wainwright; D. General Edward P. King. Sa una na kita, eliminate o ekis dapat dayon sa test booklet si General Emilio Aguinaldo kay dili
siya American General. Panduwa, ekis man si General Douglas MacArthur kay wara man siya nag-surrender sa mga Hapon. Nag-I shall
return lang siya. Ok? So bilin an duwa na heneral na Amerikano. An C kag D. So, Eeny Meeny Miny Moe ka na la ba? Pwede man. Pero
isipa san maayo kon sin o sa duha an na-assign sa Bataan. Si Wainwright, sa Corregidor ina. So si General Edward P. King an answer.
Para di kamo malito. Pag Fall of Corregidor – which is a Spanish term that literally means someone who “Corrects”, yan ay si Jonathan
Wainwright. So may makukuha ka na word na “right” or “correct”. So Wainwright, Correct, Corregidor. Paano naman matandaan an
Bataan? Dali lang, King sounds like Bataan in Minasbate. Gets nyo? Aw nano. King – Iting. Bataan baya. Haha. Hooh. Kaya pag nasara
mo na an mga mali na papilian, mabibilin gayod an tama na sabat. Kon wara gayod san mabilin na tama na answer, SHADE letter E.
Nangyayari ini sa Mathematics. Base sa eksperyensya ko, may duha o tulo na aytem sa Math na waran tama na answer bisan nano pa na
compute mo. So dili maglisang kon waran makuha na answer, just shade E.
11. The Power of C. Kon may mga blangko kamo kag dili nyo na mabalikan an mga hunga na di niyo nasabat o naansweran tungod kay
wara na kamo sin oras, i-shade nyo na an mga letter C. Amo ina an ginhimo ko dati sa sunod sunod na items na wara ko naansweran.
Pumasar man gihapon ako. Pero siguraduhon nyo lang na dili nyo gayod aram an sabat sina na hunga o aytem, bisan pa ginamit mo na
an process of elimination o elimination method.
12. All of the Above. Madalas, sa mga hunga na may option na all of the above, an answer all of the above man. Pero i-analyze nyo
gihapon an hunga. Basi an ginahanap an negative answer, mapili gayod kamo san negative answer bisan may all of the above pa. Kag
kon an ginahanap naman positive answer, hanapon nyo man an positive answer bisan ada an all of the above.
13. Watch that Watch. Magdara san relo o wristwatch na magagamit nyo sa exam. Mas maganda kon digital watch. Kinahanglan nyo
an orasan para mamonitor nyo an oras na ginahatag nyo para sa kada item. Tandaan na may igwa lang kamo san 48 seconds per item
kay 150 items an exam na kinahanglan matapos san duwa ka oras (lalo na sa General Education kag may bes sa Professional Education).
Para sa may mga Specialization o Major, guinahatagan man sin lampas sa duwa ka oras an pag-take san eksam. Minsan nagatuna ina
3:00 PM pa 6:30 PM. Pero isipon nyo guihapon na dapat duwa ka oras lang an eksam kay kon sumahon, an mabibilin nyo na oras, dapat
ginagamit na la ina sa pag-review san iyo mga sabat o pagbalik sidton mga numero na wara nyo nasabat o kahon na wara napunuan san
kurit san lapis (shade). An porsyento o percentage weights san kada parte san eksam amo ini: For BEED examinees – Gen. Ed. = 40 %
and Prof. Ed. = 60%; For BSED examinees – Gen. Ed. = 20 %, Prof. Ed. = 40% and Specialization = 40 %.
14. Count your mistakes. Bilangon an mali o mga posible na mali na sabat o an mga item na di niyo sigurado an sabat. Kon i-co-
compute nyo, dapat 75 percent an mga tama niyo na sabat o answer sa kada set san exam. Halimbawa, kon 150 an bilang san mga item
sa usad na set pareho san General Education, may igwa dapat kamo 112.5 o kaya 113 na tama na answer. Intonses o samakatwid, may
igwa la dapat kamo sin 37.5 o kaya 37 na mali na answers. Otrohon ko. Dapat 37 la o mas mababa pa sina an iyo mali o dili sigurado na
answers para masabi nyo na makakuha kamo sin 75 percent o pasado na puntos sa kada set.
15. UM o Upat an Mata. Ini para sa mga aram nyo na. Idton medyo nagkaka-edad na o talagang may natural na diperensya sa mata.
Kon aminado kamo na malabo an iyo mata o panan-aw, maggamit na san reading glass o eyeglass na rekomendado sa iyo san optometrist
o ophthalmologist. Kay nano? Batunon nyo man o dili sa iyo sadiri na malabo na an panan-aw nyo o pagbasa, maaapektaran gayod sina
an iyo pagbasa san mga hunga kag papilian lalo na an pag-shade sa answer sheet. Napansin ko ina sa mga nag-review dati kay madalas
dili solid an inda pag-shade o kaya ralampas. Dili tabi basta basta magbakal o maggamit san mga reading glass na ada sa bangketa kay
daka mas lalo pa masira an iyo mata.
Nano pa? Tama na anay ina. Basi ma-perfect nyo an LET, akusaran pa kita na nagahatag leakage. Take these tips lightly LET-takers.
Hashtag - #MapasarKami
Good luck! Congratulations in Advance! God bless!