1. APLICACIÓNS DUN BLOGUE EDUCATIVO
Algúns dos usos máis comúns dos blogues educativos son os que seguen a
continuación:
• Ferramenta de soporte para contidos educativos e recursos para
o día a día da clase: Estes blogues son aqueles que se utilizan
para colgar información sobre os contidos curriculares a tratar
durante o curso e recursos para traballar os mesmos. Neste tipo
de blogues poderemos comentar dúbidas, propoñer actividades,
colgar textos, vídeos, diapositivas,...
• Espazo para a participación dos alumnos e alumnas: Estes son
blogues para o alumnado. Nestes espazos os alumnos e alumnas
poderán compartir opinións, ideas, gustos, información sobre as
distintas materias, etc.
• Ferramenta de soporte para a axenda da clase: Neste tipo de
blogues, ademáis de recopilar a información para os alumnos e
alumnas tamén poden servir para informar aos pais e nais sobre
as tarefas que realizan os seus fillos, as tarefas que teñen que
realizar, o calendario de exames, as avaliacións, etc.
• Espazo para recoller e comentar información e noticias do centro:
Son parecidos ás axendas pero proporcionan información de todo
o centro. Neles pódese colgar información sobre a historia do
centro, as actividades organizadas (excursións, visitas,
actividades extraescolares,...), sobre os profesores, a biblioteca,...
• Ferramenta para desenvolver proxectos colaborativos: Este tipo
de blogues serven como soporte, tanto a profesores como
alumnos, para levar a cabo actividades colaborativas. Estes son
de gran utilidade xa que permitirán desenvolver a competencia
dixital ou aumentar a motivación do alumnado.
• Lugar de encontro e reflexión do profesorado (do mesmo centro
ou de outros): Espazos que serven para a formación do
profesorado, intercambio de información especializada, reflexión

2. sobre a práctica docente ou sobre a utilización de diferentes
recursos, como poden ser as TICs.