1. ‫‪http://www.orkhun.com‬‬ ‫ﺋﻮﺭﺧﯘﻥ ﺋﯘﻳﻐﯘﺭ ﺗﺎﺭﯨﺨﻰ ﺗﻮﺭ ﺑﯧﺘﻰ‬
‫" ﺋﺎﻟﺘﺎﻱ ﻧﻪﺷﺮﯨﻴﺎﺗﻰ " ۋە ﺑﺎﺷﻘﺎ ﺋﯩﺸﻼﺭ ﺗﻮﻏﺮﯨﺴﯩﺪﺍ ﺋﻪﺳﻠﯩﻤﻪ‬
‫ﺧﯧﯟﯨﺮ ﺗﯚﻣﯜﺭ‬
‫ﺗﻮﺭﻏﺎ ﻳﻮﻟﻠﯩﻐﯘﭼﻰ : ﺋﻮﺭﺧﯘﻥ ﺋﯘﻳﻐﯘﺭ ﺗﺎﺭﯨﺨﻰ ﺗﻮﺭ ﺑﯧﺘﯩﺪﯨﻦ ‪ niyazdixan‬ﺋﻪﭘﻪﻧﺪﻯ‬
‫5491 - ﻳﯩﻠﯩﻨﯩﯔ ﺋﺎﺧﯩﺮﻟﯩﺮﻯ ﻏﻪﺭﺑﯩﻲ ﺷﯩﻤﺎﻝ ﻣﻪﻣﯘﺭﯨﻲ ﻣﻪھﻜﯩﻤﯩﺴﯩﻨﯩﯔ ﺑﺎﺷﻠﯩﻘﻰ ﺟﺎڭ ﺟﯩﺠﻮڭ‬
‫ﺋﻪﭘﻪﻧﺪﯨﻨﯩﯔ ﺗﻪﻛﻠﯩﭙﻰ ﺑﯩﻠﻪﻥ ﻣﻪﺳﺌﯘﺕ ﺳﻪﺑﺮﻯ ، ﻣﻪﻣﺘﯩﻤﯩﻦ ھﻪﺯﺭەﺕ ، ﺋﻪﻳﺴﺎ ﺑﻪگ ﻗﺎﺗﺎﺭﻟﯩﻖ ﺋﯜچ ﻛﯩﺸﻰ‬
‫ﭼﻮﯕﭽﯩﯖﺪﯨﻦ ﺋﯜﺭﯛﻣﭽﯩﮕﻪ ﻛﻪﻟﺪﻯ ، ﺷﯘ ۋﺍﻗﯩﺘﺘﯩﻜﻰ ﺋﯚﻟﻜﯩﻠﯩﻚ ھﯚﻛﯜﻣﻪﺕ ﺋﯘﻻﺭﻧﻰ ﺷﯩﻤﺎﻟﯩﻲ ﺩەﺭۋﺍﺯﯨﻨﯩﯔ‬
‫ﺳﯩﺮﺗﯩﺪﯨﻜﻰ ھﻪﺭﺑﯩﻲ ﻣﻪﻛﺘﻪپ ﺑﯩﻨﺎﺳﯩﻐﺎ ﺋﻮﺭﯗﻧﻼﺷﺘﯘﺭﯗپ ﻛﯜﺗﯜۋﺍﻟﺪﻯ .‬
‫ﺑﯘ ﺋﯜچ ﺋﻪﭘﻪﻧﺪﯨﻤﻨﯩﯔ ﻗﯩﺴﻘﯩﭽﻪ ﺗﻪﺭﺟﯩﻤﯩﻬﺎﻟﻰ ﺗﯚۋەﻧﺪﯨﻜﯩﭽﻪ :‬
‫ﻣﻪﺳﺌﯘﺕ ﺳﻪﺑﺮﻯ ، ﺷﯩﻨﺠﺎڭ ﻏﯘﻟﺠﯩﻠﯩﻖ ، ﺋﯘﻳﻐﯘﺭ ، ﺗﻪﺧﻤﯩﻨﻪﻥ 3391 - 4391 - ﻳﯩﻠﻠﯩﺮﻯ ﺗﯜﺭﻛﯩﻴﯩﮕﻪ‬
‫ﭼﯩﻘﯩﭗ ﻛﻪﺗﻜﻪﻥ . 7391 - ﻳﯩﻠﻰ ﺗﯜﺭﻛﯩﻴﯩﺪﯨﻦ ﺋﯚﺯ ۋەﺗﯩﻨﯩﮕﻪ ﻗﺎﻳﺘﯩﭗ ﻛﻪﻟﮕﻪﻥ .‬
‫ﻣﻪﻣﺘﯩﻤﯩﻦ ھﻪﺯﺭەﺕ ، ﺷﯩﻨﺠﺎڭ ﺧﻮﺗﻪﻧﻠﯩﻚ ، ﺋﯘﻳﻐﯘﺭ . 3391 - ﻳﯩﻠﻰ ﺋﯩﻨﯩﺴﻰ ﺷﺎﻣﻪﻧﺴﯘﺭ ﺑﯩﻠﻪﻥ ﺑﯩﺮﻟﯩﻜﺘﻪ‬
‫ﺧﻮﺗﻪﻧﺪە ﻏﻪﻟﻴﺎﻥ ﻛﯚﺗﯜﺭﯛپ " ﺧﻮﺗﻪﻥ ھﯚﻛﯜﻣﯩﺘﯩﻨﻰ" ﻗﯘﺭﻏﺎﻥ . 4391 - ﺋﻪﺗﯩﻴﺎﺯﺩﺍ ﻳﯧﯖﯩﺴﺎﺭﺩﯨﻜﻰ ﺋﯘﺭﯗﺷﺘﺎ‬
‫ﺷﺎﻣﻪﻧﺴﯘﺭ ﺋﯚﻟﮕﻪﻥ . ﻣﻪﻣﺘﯩﻤﯩﻦ ھﻪﺯﺭەﺕ ﺋﺎﻓﻐﺎﻧﯩﺴﺘﺎﻧﻐﺎ ﻗﯧﭽﯩﭗ ﻛﻪﺗﻜﻪﻥ .‬
‫ﺋﻪﻳﺴﺎ ﺑﻪگ ، ﻗﻪﺷﻘﻪﺭ ﻳﯧﯖﯩﺴﺎﺭﻟﯩﻖ ، ﺋﯘﻳﻐﯘﺭ . ﺋﯘ ﻛﯩﭽﯩﻜﯩﺪە ﺧﻪﻧﺰﯗﭼﻪ ﺋﻮﻗﯘﻏﺎﻥ . ﻳﯧﯖﯩﺴﺎﺭﻧﯩﯔ ﺋﺎﻣﺒﯩﻠﻰ‬
‫ﭼﯧﻨﺪﯨﻠﻰ ﺟﯘﯕﮕﻮﻧﯩﯔ ﺋﻪﻧﺠﺎﻥ ۋە ﺗﺎﺷﻜﻪﻧﺘﺘﻪ ﺗﯘﺭﯨﺪﯨﻐﺎﻥ ﻛﻮﻧﺴﯘﻟﻰ ﺑﻮﻟﯘپ ﺗﻪﻳﯩﻨﻠﻪﻧﮕﻪﻧﺪە ، ﺋﻪﻳﺴﺎﺑﻪگ‬
‫ﻛﻮﻧﺴﯘﻟﺨﺎﻧﯩﺪﺍ ﺗﻪﺭﺟﯩﻤﺎﻧﻠﯩﻖ ﻗﯩﻠﻐﺎﻥ . 1391 - ﻳﯩﻠﻰ ﭼﯧﻨﺪﯨﻠﻰ ﺷﯩﻨﺠﺎﯕﻐﺎ ﻗﺎﻳﺘﻘﺎﻧﺪﺍ ﺋﻪﻳﺴﺎ ﺑﻪگ‬
‫ﺋﺎﺋﯩﻠﯩﺴﯩﻨﻰ ﺷﯩﻨﺠﺎﯕﻐﺎ ﻗﺎﻳﺘﯘﺭﯗۋﯦﺘﯩﭗ ﺋﯚﺯﻯ ﻧﻪﻧﺠﯩﯖﮕﻪ ﻛﻪﺗﻜﻪﻥ .‬
‫3391 - ﻳﯩﻠﻰ ﺋﻪﻳﺴﺎ ﺑﻪگ ، ﻟﻮۋﯦﻨﮕﻪﻥ ﺑﯩﻠﻪﻥ ﺑﯩﺮﻟﯩﻜﺘﻪ ﺋﯜﺭﯛﻣﭽﯩﮕﻪ ﻛﻪﻟﮕﻪﻥ . ﺷﯧﯖﺸﯩﺴﻪﻱ ﺋﯘﻧﻰ‬
‫ﺷﯩﻨﺠﺎﯕﺪﺍ ﻗﯧﻠﯩﭗ ﺑﯩﺮﻟﯩﻜﺘﻪ ﺋﯩﺸﻠﻪﺷﻜﻪ ﺗﻪﻛﻠﯩﭗ ﻗﯩﻠﻐﺎﻥ ﺋﻪﻣﻤﺎ ﺋﯘ ، ﺋﯘﻧﯩﯖﻐﺎ ﻛﯚﻧﻤﻪﺳﺘﯩﻦ ﻧﻪﻧﺠﯩﯖﮕﻪ‬
‫ﻛﻪﺗﻜﻪﻥ .‬
‫ﻳﺎﭘﻮﻥ ﺑﺎﺳﻘﯘﻧﭽﯩﻠﯩﺮﯨﻐﺎ ﻗﺎﺭﺷﻰ ﺋﯘﺭﯗﺵ ﭘﺎﺭﺗﻠﯩﻐﺎﻧﺪﯨﻦ ﻛﯧﻴﯩﻦ ، 7391 - ﻳﯩﻠﻰ ﮔﻮﻣﯩﻨﺪﺍڭ ھﯚﻛﯜﻣﯩﺘﻰ 91‬
‫ﺋﯩﺴﻼﻡ ﺩﯙﻟﯩﺘﯩﮕﻪ ۋەﻛﯩﻠﻠﻪﺭ ﺋﯚﻣﯩﻜﻰ ﺋﻪۋەﺗﻜﻪﻧﺪە ، ﺋﻪﻳﺴﺎ ﺑﻪگ ﺑﯘ ﺋﯚﻣﻪﻛﻨﯩﯔ ﻣﯘﺋﺎۋﯨﻦ ﺑﺎﺷﻠﯩﻘﻰ ﺑﻮﻟﯘپ‬
‫ﺑﺎﺭﯨﺪﯗ . ﺑﯘ ﺋﯚﻣﻪﻙ ﺗﯜﺭﻛﯩﻴﯩﮕﻪ ﺑﺎﺭﻏﺎﻧﺪﺍ ﻣﻪﺳﺌﯘﺕ ﺋﻪﭘﻪﻧﺪﯨﻨﻰ ، ﺋﺎﻓﻐﺎﻧﯩﺴﺘﺎﻧﻐﺎ ﺑﺎﺭﻏﺎﻧﺪﺍ ﻣﻪﻣﺘﯩﻤﯩﻦ‬
‫ھﻪﺯﺭەﺗﻨﻰ ﺋﯘﭼﺮﺍﺷﺘﯘﺭﯨﺪﯗ ھﻪﻡ ﺋﯘﻻﺭﻧﻰ ۋەﺗﻪﻧﮕﻪ ﻗﺎﻳﺘﯩﺸﻘﺎ ﺗﻪﻛﻠﯩﭗ ﻗﯩﻠﯩﺪﯗ . ﺋﯘ ﺋﯩﻜﻜﯩﺴﯩﻤﯘ ﺑﯘ ﺗﻪﻛﻠﯩﭙﻨﻰ‬
‫ﻣﺎﻗﯘﻝ ﻛﯚﺭﯨﺪﯗ . ﺟﯘﯕﮕﻮ ھﯚﻛﯜﻣﯩﺘﻰ ﺋﯘﻻﺭﻧﻰ ﻧﻪﻧﺠﯩﯖﮕﻪ ﺋﯧﻠﯩﭗ ﻛﯧﻠﯩﭗ ﻣﯘۋﺍﭘﯩﻖ ﺋﻮﺭﯗﻧﻼﺷﺘﯘﺭﯨﺪﯗ . ﻣﻪﺳﺌﯘﺕ‬
‫—————————————————————————————————————————————————‬
‫1‬
‫ﺋﯧﻠﻜﯩﺘﺎپ ﻗﯩﻠﯩﭗ ﺗﯜﺯﮔﯜﭼﻰ : ﺋﯘﻳﻐﯘﺭ ﺋﻮﻏﻠﻰ -----ھﻪۋەﺳﻜﺎﺭ‬
‫032552294：‪QQ‬‬ ‫‪Email:uyxman@126.com‬‬

2. ‫‪http://www.orkhun.com‬‬ ‫ﺋﻮﺭﺧﯘﻥ ﺋﯘﻳﻐﯘﺭ ﺗﺎﺭﯨﺨﻰ ﺗﻮﺭ ﺑﯧﺘﻰ‬
‫ﺋﻪﭘﻪﻧﺪﯨﻨﻰ ﺗﻪﭘﺘﯩﺶ ﭘﺎﻻﺗﺎﺳﯩﻨﯩﯔ ﺋﻪﺯﺍﺳﻰ ، ﻣﻪﻣﺘﯩﻤﯩﻦ ھﻪﺯﺭەﺕ ﺑﯩﻠﻪﻥ ﺋﻪﻳﺴﺎ ﺑﻪﮔﻨﻰ ﻗﺎﻧﯘﻥ ﺗﯜﺯﯛﺵ‬
‫ﭘﺎﻻﺗﺎﺳﯩﻨﯩﯔ ﺋﻪﺯﺍﺳﻰ ﻗﯩﻠﯩﭗ ﺗﻪﻳﯩﻨﻠﻪﻳﺪﯗ .‬
‫5491 ﻳﯩﻠﯩﻨﯩﯔ ﺑﺎﺷﻠﯩﺮﯨﺪﺍ ﮔﻮﻣﯩﻨﺪﺍڭ ھﯚﻛﯜﻣﯩﺘﯩﻨﯩﯔ ﺭﯗﺧﺴﯩﺘﻰ ،ﺟﺎڭ ﺟﯩﺠﻮڭ ﺋﻪﭘﻪﻧﺪﯨﻨﯩﯔ ﺗﻪﺷﻪﺑﺒﯘﺳﻰ‬
‫ﺑﯩﻠﻪﻥ ﺑﯘ ﺋﯜچ ﺋﻪﭘﻪﻧﺪﻯ ﺋﯜﺭﯛﻣﭽﯩﮕﻪ ﻛﻪﻟﺪﻯ . ﻣﻪﺳﺌﯘﺕ ﺋﻪﭘﻪﻧﺪﻯ ﺷﯩﻨﺠﺎڭ ﺗﻪﭘﺘﯩﺶ ﻣﻪھﻜﯩﻤﯩﺴﯩﻨﯩﯔ‬
‫ﺑﺎﺷﻠﯩﻘﻰ ﺑﻮﻟﺪﻯ . ﻗﺎﻟﻐﺎﻥ ﺋﯩﻜﻜﯩﺴﻰ ﺋﯚﻟﻜﯩﻠﯩﻚ ھﯚﻛﯜﻣﻪﺗﻨﯩﯔ ھﻪﻳﺌﯩﺘﻰ ﺑﻮﻟﯘپ ﺋﻮﺭﯗﻧﻼﺷﺘﻰ .‬
‫ﺋﻪﻳﺴﺎ ﺑﻪگ ﺑﯩﻠﻪﻥ ﺋﯩﻤﯩﻦ ھﻪﺯﺭەﺕ ﺋﯩﻜﻜﯩﺴﻰ ﺋﺎﺋﯩﻠﯩﺴﻰ ﺑﯩﻠﻪﻥ ﻳﺎﯕﺨﺎڭ ﺗﻪﺭەﭘﺘﻪ ﺋﻮﻟﺘﯘﺭﺍﺗﺘﻰ . ﺋﻪﻳﺴﺎ‬
‫ﺑﻪگ ﺑﯩﺮ ﺋﯧﻐﯩﺰ ﻣﯧﻬﻤﺎﻥ ﻛﯜﺗﯜﺵ ﺋﯚﻳﯩﮕﻪ ﺗﯜﺭﻛﯩﻴﯩﺪە ﺑﯧﺴﯩﻠﻐﺎﻥ ﻧﯘﺭﻏﯘﻥ ﻛﯩﺘﺎﺏ - ژﻭﺭﻧﺎﻟﻼﺭﻧﻰ ﺗﯩﺰﻏﺎﻧﺪﻯ .‬
‫ﺋﯩﻤﯩﻦ ھﻪﺯﺭەﺗﻨﯩﯔ ﺋﯚﻳﯩﺪﯨﻤﯘ ﻛﯩﺘﺎﺏ - ژﯗﺭﻧﺎﻟﻼﺭ ﺑﺎﺭ ﺋﯩﺪﻯ. ﺷﯘ ﻳﯩﻠﻼﺭﺩﺍ ﺷﯩﻨﺠﺎﯕﺪﯨﻜﻰ ھﻪﺭ ﻣﯩﻠﻠﻪﺕ ﺯﯨﻴﺎﻟﻰ‬
‫ﻳﺎﺷﻠﯩﺮﯨﻨﯩﯔ ﻛﯚﺭﯨﺪﯨﻐﺎﻥ " ﺷﯩﻨﺠﺎڭ ﮔﯧﺰﯨﺘﻰ " ﺑﯩﻠﻪﻥ " ﺳﻪﻧﻤﯩﻨﺠﯘﻳﻰ " ﻛﯩﺘﺎﺑﯩﺪﯨﻦ ﺑﺎﺷﻘﺎ ھﯧﭽﻘﺎﻧﺪﺍﻕ‬
‫ﻛﯩﺘﺎﺑﻰ ﻳﻮﻕ ﺋﯩﺪﻯ . ﺷﯘﯕﺎ ، ﺯﯨﻴﺎﻟﯩﻴﻼﺭ ، ﺋﯘﻻﺭﻧﯩﯔ ﺋﯚﻳﻠﯩﺮﯨﺪە ﺑﯩﺮﻣﯘﻧﭽﻪ ﻳﯧﯖﻰ ﻛﯩﺘﺎﺑﻼﺭﻧﻰ‬
‫ﻛﯚﺭەﻟﯩﮕﻪﻧﻠﯩﻜﯩﮕﻪ ﺧﯧﻠﻰ ﺭﺍﺯﻯ ﺋﯩﺪﻯ . ﺷﯘ ﺳﻪۋەﭘﺘﯩﻦ ﺑﯩﺮ ﺗﯜﺭﻛﯜﻡ ﺋﺎﺯ ﺳﺎﻧﻠﯩﻖ ﻣﯩﻠﻠﻪﺕ ﺯﯨﻴﺎﻟﯩﻴﻠﯩﺮﻯ ﺋﺎﺳﺎﻧﻼ‬
‫ﺑﯘ ﺋﯜچ ﺋﻪﭘﻪﻧﺪﯨﻨﯩﯔ ﺗﻪﺳﯩﺮﯨﮕﻪ ﺋﯘﭼﺮﯨﻐﺎﻧﯩﺪﻯ .‬
‫5491 - ﻳﯩﻠﯩﻨﯩﯔ ﻳﺎﺯ ﺋﺎﻳﻠﯩﺮﻯ ﺋﯩﻤﯩﻦ ھﻪﺯﺭەﺕ ﺑﯩﻠﻪﻥ ﺋﻪﻳﺴﺎ ﺑﻪگ ﺋﯩﻜﻜﯩﺴﻰ ﺋﺎﻟﺘﺎﻱ ﻧﻪﺷﺮﯨﻴﺎﺕ‬
‫ﺋﯩﺪﺍﺭﯨﺴﻰ ﻗﯘﺭﯗﺷﻨﻰ ﺋﻮﺗﺘﯘﺭﯨﻐﺎ ﻗﻮﻳﻐﺎﻧﺪﺍ ، ﻛﯚﭘﻠﯩﮕﻪﻥ ﺯﯨﻴﺎﻟﯩﻴﻼﺭ ﺑﯘ ﺗﻪﺷﻪﺑﺒﯘﺳﻨﻰ ﻗﻮﻟﻼپ ﻗﯘۋۋەﺗﻠﯩﺪﻯ .‬
‫6491 - ﻳﯩﻠﯩﻨﯩﯔ 5 - ﺋﺎﻳﻠﯩﺮﯨﺪﺍ ﺋﺎﻟﺘﺎﻱ ﻧﻪﺷﺮﯨﻴﺎﺗﻰ ﻗﯘﺭﯗﺷﻘﺎ ﺗﻪﻳﻴﺎﺭﻟﯩﻖ ﻛﯚﺭﯛﺵ ﻛﻮﻣﯧﺘﯩﺘﻰ ﺗﻪﺳﯩﺲ‬
‫ﻗﯩﻠﯩﻨﺪﻯ . ﺋﻪﻳﺴﺎ ﺑﻪگ ﺑﯘ ﻧﻪﺷﺮﯨﻴﺎﺗﻨﯩﯔ ﻣﯘﺩﯨﺮﻯ ﺑﻮﻟﺪﻯ، ﺋﯩﺒﺮﺍھﯩﻢ ﻣﯘﺗﯩﺌﻰ ، ﺳﺎﻟﯩﺲ ﻣﯘﺋﺎۋﯨﻦ ﻣﯘﺩﯨﺮ‬
‫ﺑﻮﻟﺪﻯ . ﺑﺎﺵ ﻣﯘھﻪﺭﺭﯨﺮﻟﯩﻜﻜﻪ ﺋﯩﻤﯩﻦ ھﻪﺯﺭەﺕ ، ﻣﯘﺋﺎۋﯨﻦ ﺑﺎﺵ ﻣﯘھﻪﺭﺭﯨﺮﻟﯩﻜﻜﻪ ﭘﻮﻻﺕ ﻗﺎﺩﯨﺮ ﻗﺎﺗﺎﺭﻟﯩﻘﻼﺭ‬
‫ﺗﻪﻳﯩﻨﻠﻪﻧﺪﻯ . ھﻪﻳﺌﻪﺗﻠﯩﺮﻯ 08 ﺩﯨﻦ ﺋﺎﺭﺗﯘﻕ ﺋﯩﺪﻯ .‬
‫6491 - ﻳﯩﻠﻰ 7 - ﺋﺎﻳﻨﯩﯔ 1 - ﻛﯜﻧﻰ ﮔﻮﻣﯩﻨﺪﺍڭ ھﯚﻛﯜﻣﯩﺘﻰ ۋەﻛﯩﻠﻰ ﺑﯩﻠﻪﻥ ﺋﯜچ ۋﯨﻼﻳﻪﺕ ﺋﯩﻨﻘﯩﻼﺑﻰ‬
‫ۋەﻛﯩﻠﻠﯩﺮﻯ ﺋﻮﺗﺘﯘﺭﯨﺴﯩﺪﺍ 11 ﻣﺎﺩﺩﯨﻠﯩﻖ ﺑﯩﺘﯩﻢ ﺋﯩﻤﺰﺍﻟﯩﻨﯩﭗ ، ﺋﯚﻟﻜﯩﻠﯩﻚ ھﯚﻛﯜﻣﻪﺕ ﺋﯚﺯﮔﻪﺭﺗﯩﻠﯩﭗ ﻗﯘﺭﯗﻟﺪﻯ .‬
‫ﺋﯚﻟﻜﯩﻠﯩﻚ ھﯚﻛﯜﻣﻪﺕ ﺭەﺋﯩﺴﻠﯩﻜﯩﻨﻰ ﺟﺎڭ ﺟﯩﺠﻮڭ ﺋﻪﭘﻪﻧﺪﻯ ﻗﻮﺷﯘﻣﭽﻪ ﺋﯜﺳﺘﯩﮕﻪ ﺋﺎﻟﺪﻯ ، ﻣﯘﺋﺎۋﯨﻦ‬
‫ﺭەﺋﯩﺴﻠﯩﻜﻜﻪ ﺋﻪﺧﻤﻪﺗﺠﺎﻥ ﻗﺎﺳﯩﻤﻰ ۋە ﺑﯘﺭھﺎﻥ ﺋﻪﭘﻪﻧﺪﯨﻠﻪﺭ ﺗﻪﻳﯩﻨﻠﻪﻧﺪﻯ . ﺑﯘ ﭼﺎﻏﺪﺍ ﺋﺎﻟﺘﺎﻱ ﻧﻪﺷﺮﯨﻴﺎﺗﻰ‬
‫ﻳﯩﺘﯩﻢ ھﺎﻟﻪﺗﻜﻪ ﭼﯜﺷﯜپ ﻗﺎﻟﻐﺎﻧﺪﻯ .ﺋﻪﺳﻠﯩﺪە ﻗﻮﻟﻼپ ﻗﯘۋۋەﺗﻠﯩﮕﻪﻥ ۋە ھﯩﻤﺎﻳﻪ ﻗﯩﻠﻐﺎﻥ ﻧﯘﺭﻏﯘﻥ ﺯﯨﻴﺎﻟﯩﻴﻼﺭ‬
‫ﺋﺎﻟﺘﺎﻱ ﻧﻪﺷﺮﯨﻴﺎﺗﯩﺪﯨﻦ ﭼﻪﺗﻨﻪپ ﺋﯜچ ۋﯨﻼﻳﻪﺕ ﺋﯩﻨﻘﯩﻼﺑﻰ ﻳﻮﻟﯩﻨﻰ ﺗﺎﻟﻠﯩﯟﺍﻟﺪﻯ . ﺋﺎﻟﺘﺎﻱ ﻧﻪﺷﺮﯨﻴﺎﺗﻰ ﻗﯘﺭﯗﺷﻘﺎ‬
‫ﺗﻪﻳﻴﺎﺭﻟﯩﻖ ﻛﯚﺭﯛﺵ ھﻪﻳﺌﯩﺘﯩﺪە ﭘﻪﻗﻪﺗﻼ ﺋﯩﺒﺮﺍھﯩﻢ ﻣﯘﺗﯩﺌﻰ ، ﭘﻮﻻﺕ ﻗﺎﺩﯨﺮ ، ﺋﺎﺑﺪﯗﺭﯦﻬﯩﻢ ﺋﯚﺗﻜﯜﺭ ، ﺋﺎﺑﻼ ﻧﺎﻣﺎﻥ‬
‫، ﺧﯧﯟﯨﺮ ﺗﯚﻣﯜﺭ ﻗﺎﺗﺎﺭﻟﯩﻖ ﻛﯩﺸﯩﻠﻪﺭ ۋە ﺑﯩﺮ ﻗﯩﺴﯩﻢ ﻳﺎﺷﻼﺭ ﺑﯩﻠﻪﻥ ﺳﻮﺩﺍ - ﺳﺎﻧﺎﺋﻪﺗﭽﯩﻠﻪﺭﻻ ﻗﺎﻟﺪﻯ . ﻳﯧﯖﻰ‬
‫ﺋﯚﻟﻜﯩﻠﯩﻚ ھﯚﻛﯜﻣﻪﺕ ﻗﯘﺭﯗﻟﻐﺎﻧﺪﯨﻦ ﻛﯧﻴﯩﻦ ، ﺋﯩﻤﯩﻦ ھﻪﺯﺭەﺕ ﺋﯚﻟﻜﯩﻠﯩﻚ ﺗﻪﻣﯩﻨﺎﺕ ﻧﺎﺯﺍﺭﯨﺘﯩﻨﯩﯔ ﻧﺎﺯﯨﺮﻟﯩﻘﯩﻐﺎ‬
‫، ﺋﻪﻳﺴﺎ ﺑﻪگ ﺋﯚﻟﻜﯩﻠﯩﻚ ھﯚﻛﯜﻣﻪﺕ ﺋﻪﺯﺍﻟﯩﻘﯩﻐﺎ ﺗﻪﻳﯩﻨﻠﻪﻧﺪﻯ . ﺷﯘ ﻳﯩﻠﻰ 7 - ﺋﺎﻳﺪﺍ ھﻪﺭ ﺳﺎھﻪﺩﯨﻜﻰ‬
‫—————————————————————————————————————————————————‬
‫2‬
‫ﺋﯧﻠﻜﯩﺘﺎپ ﻗﯩﻠﯩﭗ ﺗﯜﺯﮔﯜﭼﻰ : ﺋﯘﻳﻐﯘﺭ ﺋﻮﻏﻠﻰ -----ھﻪۋەﺳﻜﺎﺭ‬
‫032552294：‪QQ‬‬ ‫‪Email:uyxman@126.com‬‬

3. ‫‪http://www.orkhun.com‬‬ ‫ﺋﻮﺭﺧﯘﻥ ﺋﯘﻳﻐﯘﺭ ﺗﺎﺭﯨﺨﻰ ﺗﻮﺭ ﺑﯧﺘﻰ‬
‫ﺯﺍﺗﻼﺭﺩﯨﻦ 03 ﺩﯨﻦ ﺋﺎﺭﺗﯘﻕ ﻛﯩﺸﯩﻨﯩﯔ ﺋﯩﺸﺘﯩﺮﺍﻛﻰ ﺑﯩﻠﻪﻥ ﺋﺎﻟﺘﺎﻱ ﻧﻪﺷﺮﯨﻴﺎﺗﯩﻨﯩﯔ ﻗﯘﺭﯗﻟﯘﺵ ﻣﯘﺭﺍﺳﯩﻤﻰ‬
‫ﺋﯚﺗﻜﯜﺯﯛﻟﺪﻯ . ﺑﯘ ﻳﯩﻐﯩﻨﺪﺍ 02 ﺩﯨﻦ ﺋﺎﺭﺗﯘﻕ ھﻪﻳﺌﻪﺕ ۋە ﺩﺍﺋﯩﻤﯩﻲ ھﻪﻳﺌﻪﺗﻠﻪﺭ ﺳﺎﻳﻼﻧﺪﻯ . ﻣﻪﺳﺌﯘﺕ ﺳﻪﺑﺮﻯ‬
‫ﺋﺎﻟﺘﺎﻱ ﻧﻪﺷﺮﯨﻴﺎﺗﯩﻨﯩﯔ ﭘﻪﺧﺮﻯ ﺭەﺋﯩﺴﻠﯩﻜﯩﮕﻪ ، ﺋﻪﻳﺴﺎ ﺑﻪگ ﺋﺎﻟﺘﺎﻱ ﻧﻪﺷﺮﯨﻴﺎﺗﯩﻨﯩﯔ ﻣﯘﺩﯨﺮﻟﯩﻘﯩﻐﺎ ، ﻣﯘﺗﯩﺌﻰ‬
‫ﻣﯘﺋﺎۋﯨﻦ ﻣﯘﺩﯨﺮﻟﯩﻘﻘﺎ ، ﺋﯩﻤﯩﻦ ھﻪﺯﺭەﺕ ﺑﺎﺵ ﻣﯘھﻪﺭﺭﯨﺮﻟﯩﻜﻜﻪ ﭘﻮﻻﺕ ﻗﺎﺩﯨﺮ ﺑﯩﻠﻪﻥ ﺋﯚﺗﻜﯜﺭ ﺋﯩﻜﻜﯩﺴﻰ‬
‫ﻣﯘﺋﺎۋﯨﻦ ﻣﯘﺩﯨﺮﻟﯩﻘﻘﺎ ﺳﺎﻳﻼﻧﺪﻯ ھﻪﻣﺪە ﺋﺎﻟﺘﺎﻱ ﻧﻪﺷﺮﯨﻴﺎﺗﯩﻨﯩﯔ ﻧﯩﺰﺍﻣﻨﺎﻣﯩﺴﻰ ﺗﻪﺳﺘﯩﻘﻼﻧﺪﻯ ، ﺑﯘ ﺑﯩﺮ‬
‫ﺋﯩﺠﺘﯩﻤﺎﺋﯩﻲ ﺗﻪﺷﻜﯩﻼﺕ ﺑﻮﻟﯘپ ، ﺋﯚﻟﻜﯩﻠﯩﻚ ھﯚﻛﯜﻣﻪﺕ ﺗﻪﺳﺘﯩﻘﻠﯩﻐﺎﻥ ۋە ﺋﯧﺘﯩﺮﺍپ ﻗﯩﻠﻐﺎﻥ ﻧﻪﺷﺮﯨﻴﺎﺕ ﺋﯩﺪﻯ .‬
‫ﺋﯘﻻﺭ ﺋﯩﺸﻘﺎ ﻛﯩﺮﯨﺸﯩﭗ " ﺋﺎﻟﺘﺎﻱ" ژﻭﺭﻧﯩﻠﯩﻨﯩﯔ ﺑﯩﺮﯨﻨﭽﻰ ﺳﺎﻧﯩﻨﻰ 8 - ﺋﺎﻳﺪﺍ ﺑﯧﺴﯩﭗ ﺗﺎﺭﻗﺎﺗﺘﻰ . ﺑﯘ‬
‫ﻧﻪﺷﺮﯨﻴﺎﺕ ﻳﻪﻧﻪ ﻛﯩﭽﯩﻚ ﺩﯨﻨﯩﻲ ﺑﯩﺮﺍﺷﯘﺭﺍﻻﺭﻧﯩﻤﯘ ﺑﯧﺴﯩﭗ ﺗﺎﺭﻗﺎﺗﻘﺎﻧﯩﺪﻯ .‬
‫6491 - ﻳﯩﻠﯩﻨﯩﯔ 8 - ﺋﺎﻳﻠﯩﺮﯨﺪﺍ ﺋﻪﻳﺴﺎ ﺑﻪگ ﺑﯩﺮ ﺗﯜﺭﻛﯜﻡ ﻛﯩﺸﯩﻠﻪﺭﻧﻰ ﺋﻪﮔﻪﺷﺘﯜﺭﯛپ ﺳﻪﻧﻤﯩﻨﺠﯘﻳﯩﭽﻰ‬
‫ﻳﺎﺷﻼﺭﻧﯩﯔ ﻟﯘﺷﻪﻧﺪە ﺋﯧﭽﯩﻠﻐﺎﻥ ﻣﻪﻣﻠﯩﻜﻪﺗﻠﯩﻚ ﻗﯘﺭﯗﻟﺘﯩﻴﯩﻐﺎ ﻛﻪﺗﺘﻰ . ﺋﺎﻟﺘﺎﻱ ﻧﻪﺷﺮﯨﻴﺎﺗﯩﺪﯨﻜﻰ ﻣﯘﺗﯩﺌﻰ ۋە‬
‫ﭘﻮﻻﺕ ﻗﺎﺩﯨﺮﻻﺭﻣﯘ ﺷﯘ ﻳﯩﻐﯩﻨﻐﺎ ﻛﻪﺗﻜﻪﻧﺪﻯ .‬
‫ﺑﺎﺵ ﻣﯘھﻪﺭﺭﯨﺮ ﺋﯩﻤﯩﻦ ھﻪﺯﺭەﺕ ﺑﯩﻠﻪﻥ ﺋﻪﺧﻤﻪﺗﺠﺎﻥ ﻗﺎﺳﯩﻤﯩﻨﯩﯔ ﻣﯘﻧﺎﺳﯩﯟﯨﺘﻰ ﺑﯩﺮﻗﻪﺩەﺭ ﻳﺎﺧﺸﻰ ﺋﯩﺪﻯ . ﺷﯘ‬
‫ﺳﻪۋەﭘﺘﯩﻦ ﺋﻪﺧﻤﻪﺗﺠﺎﻥ ﻗﺎﺳﯩﻤﻰ ۋە ﺑﺎﺷﻘﺎ ﺭەھﺒﻪﺭﻟﻪﺭ ﺋﺎﻟﺘﺎﻱ ﻧﻪﺷﺮﯨﻴﺎﺗﯩﻐﺎ ﻏﻪﻣﺨﻮﺭﻟﯘﻕ ﻗﯩﻼﺗﺘﻰ .‬
‫ﺷﯘﻧﯩﯖﺪەﻙ ﺑﯩﺰﻧﯩﯔ ﻧﻪﺷﺮﯨﻴﺎﺗﻤﯘ ﺋﻪﺧﻤﻪﺗﺠﺎﻥ ﻗﺎﺳﯩﻤﯩﻨﯩﯔ ﺋﯩﺸﻠﯩﺮﯨﻨﻰ ﻗﯩﻠﯩﭗ ﺗﻪﺷﯟﯨﻘﺎﺕ ﻣﺎﺗﯧﺮﯨﻴﺎﻟﻠﯩﺮﯨﻨﻰ‬
‫ﺑﯧﺴﯩﭗ ﺑﯧﺮەﺗﺘﯘﻕ .‬
‫6491 - ﻳﯩﻠﻰ 11- ﺋﺎﻳﻼﺭﻧﯩﯔ ﺋﺎﺧﯩﺮﻟﯩﺮﯨﺪﺍ ﺷﯩﻨﺠﺎﯕﺪﯨﻦ ﺑﺎﺭﻏﺎﻥ ﻳﺎﺷﻼﺭ ﺋﯚﻣﯩﻜﯩﻨﯩﯔ ﺑﯩﺮ ﻗﯩﺴﯩﻢ ۋەﻛﯩﻠﻠﯩﺮﻯ‬
‫ﺋﯜﺭﯛﻣﭽﯩﮕﻪ ﻗﺎﻳﺘﯩﭗ ﻛﻪﻟﺪﻯ . ﺑﯘ ﭼﺎﻏﺪﺍ ﺋﻪﻳﺴﺎ ﺑﻪگ ﻗﻮﺭﭼﺎﻕ ﮔﻮﻣﯩﻨﺪﺍڭ ھﯚﻛﯜﻣﯩﺘﯩﻨﯩﯔ ۋەﻛﯩﻠﻠﻪﺭ‬
‫ﻗﯘﺭﯗﻟﺘﯩﻴﯩﻐﺎ ﻗﺎﺗﻨﯩﺸﯩﺶ ﺋﯜﭼﯜﻥ ﻧﻪﻧﺠﯩﯖﺪە ﻗﺎﻟﻐﺎﻧﺪﻯ .‬
‫ﻗﻮﺭﭼﺎﻕ ﺧﻪﻟﻖ ﻗﯘﺭﯗﻟﺘﯩﻴﻰ ﺋﺎﺧﯩﺮﻻﺷﻘﺎﻧﺪﯨﻦ ﻛﯧﻴﯩﻦ ﺋﻪﻳﺴﺎ ﺑﻪگ ﺋﯜﺭﯛﻣﭽﯩﮕﻪ ﻗﺎﻳﺘﯩﭗ ﻛﻪﻟﺪﻯ . ﺋﺎﻟﺘﺎﻱ‬
‫ﻧﻪﺷﺮﯨﻴﺎﺗﻰ ﺧﯩﺰﻣﯩﺘﯩﺪە ﺋﯩﻠﮕﯩﺮﯨﻠﻪﺵ ﺑﻮﻟﯘپ ، ﻧﻪﺷﺮﯨﻴﺎﺕ ﻗﺎﺭﯨﻤﯩﻘﯩﺪﺍ " ﺋﻪﺭﻙ " ﮔﯧﺰﯨﺘﻰ ﻧﻪﺷﺮ ﻗﯩﻠﯩﻨﻤﺎﻗﭽﻰ‬
‫ﺑﻮﻟﺪﻯ . 7491 - ﻳﯩﻠﻰ ﻳﺎﺯﺩﺍ " ﺋﻪﺭﻙ " ﮔﯧﺰﯨﺘﻰ ﻧﻪﺷﺮ ﻗﯩﻠﯩﻨﯩﺸﻘﺎ ﺑﺎﺷﻠﯩﺪﻯ .‬
‫7491 - ﻳﯩﻠﻰ ﺋﺎﻟﺘﺎﻱ ﻧﻪﺷﺮﯨﻴﺎﺗﯩﻨﯩﯔ ﺧﯩﺰﻣﯩﺘﻰ ﺋﻪڭ ﺋﺎﻟﺪﯨﺮﺍﺵ ، ﺋﺎﺩﯨﻤﻰ ﺋﻪڭ ﻛﯚپ ﺑﻮﻟﻐﺎﻥ ﻳﯩﻠﻼﺭ‬
‫ﺋﯩﺪﻯ . ﻣﯩﺦ ﻣﻪﺗﺒﻪﺋﻪ ۋە ﺗﺎﺵ ﻣﻪﺗﺒﻪﺋﻪﮔﻪ ﺋﻮﻥ ﻧﻪﭼﭽﻪ ﻧﻪﭘﻪﺭ ﺋﯩﺸﭽﻰ ﻳﺎﻟﻼپ ﺋﯩﺸﻠﯩﺘﯩﻠﺪﻯ ، ﻧﻪﺷﺮﯨﻴﺎﺕ‬
‫ﺗﻪھﺮﯨﺮ ﺑﯚﻟﯜﻣﯩﺪە ﺋﯚﺗﻜﯜﺭ ، ﺳﺎﺗﺘﺎﺭ ﻣﯘﺧﭙﯘﻝ ) ھﺎﺯﯨﺮ ﻏﻪﺭﺑﯩﻲ ﮔﯧﺮﻣﺎﻧﯩﻴﯩﺪە ( ، ﺭەھﻤﯩﺘﯘﻟﻼ ﺟﺎﺭﻯ ) ھﺎﺯﯨﺮ‬
‫ﺷﯩﻨﺠﺎڭ ﺋﻪﺩەﺑﯩﻴﺎﺕ ﺳﻪﻧﺌﻪﺗﭽﯩﻠﻪﺭ ﺑﯩﺮﻟﻪﺷﻤﯩﺴﯩﺪە ( ، ﺭەۋەﻳﺪﯗﻟﻼ ) ھﺎﺯﯨﺮ ﺷﯩﻨﺠﺎڭ ﺋﯘﻧﯩﯟﯦﺮﺳﯩﺘﯧﺘﯩﺪﺍ (‬
‫ﻗﺎﺗﺎﺭﻟﯩﻘﻼﺭ ﺑﺎﺭ ﺋﯩﺪﻯ .‬
‫ﻣﻪﺳﺌﯘﺕ ﺋﯚﻟﻜﻪ ﺭەﺋﯩﺴﻰ ، ﺋﻪﻳﺴﺎ ﺑﻪگ ﺋﯚﻟﻜﯩﻠﯩﻚ ھﯚﻛﯜﻣﻪﺗﻜﻪ ﺑﺎﺵ ﻛﺎﺗﯩﭗ ﺑﻮﻟﻐﺎﻧﺪﺍ ﺑﯘ ﺋﯩﻜﻜﯩﺴﻰ‬
‫ﺋﯩﻜﻜﻰ ﺗﻪﺭەﭘﺘﯩﻦ ﺋﺎﻟﺘﺎﻱ ﻧﻪﺷﺮﯨﻴﺎﺗﯩﻐﺎ ﭘﯘﻝ ۋە ﻣﻪﺑﻠﻪﻍ ﺋﺎﺟﺮﯨﺘﯩﭗ ﻳﺎﺭﺩەﻡ ﺑﯧﺮەﺗﺘﻰ . ﺋﯩﻤﯩﻦ ھﻪﺯﺭەﺕ‬
‫—————————————————————————————————————————————————‬
‫3‬
‫ﺋﯧﻠﻜﯩﺘﺎپ ﻗﯩﻠﯩﭗ ﺗﯜﺯﮔﯜﭼﻰ : ﺋﯘﻳﻐﯘﺭ ﺋﻮﻏﻠﻰ -----ھﻪۋەﺳﻜﺎﺭ‬
‫032552294：‪QQ‬‬ ‫‪Email:uyxman@126.com‬‬

4. ‫‪http://www.orkhun.com‬‬ ‫ﺋﻮﺭﺧﯘﻥ ﺋﯘﻳﻐﯘﺭ ﺗﺎﺭﯨﺨﻰ ﺗﻮﺭ ﺑﯧﺘﻰ‬
‫ﺗﻪﻣﯩﻨﺎﺕ ﻧﺎﺯﺍﺭﯨﺘﻰ ﺗﻪﺭەﭘﺘﯩﻦ ﻳﺎﺭﺩەﻡ ﻗﯩﻼﺗﺘﻰ . ﺑﯘﻧﯩﯖﺪﯨﻦ ﺗﺎﺷﻘﯩﺮﻯ ﺋﺎﻟﺘﺎﻱ ﻧﻪﺷﺮﯨﻴﺎﺗﻰ ﺋﯚﺯ ﺋﺎﻟﺪﯨﻐﺎ ﺑﯩﺮ‬
‫ﺩﯗﻛﺎﻥ ﺋﯧﭽﯩﭗ ﺗﯩﺠﺎﺭەﺕ ﻳﯜﺭﮔﯜﺯﺩﻯ . ﻳﻪﻧﻪ ﻧﻪﺷﺮﯨﻴﺎﺗﻨﯩﯔ ﻛﯩﻨﻮ ﻗﻮﻳﯘﺵ ﺋﻪﺗﺮﯨﺘﻰ ﺑﻮﻟﯘپ ﺋﯜﺭﯛﻣﭽﯩﺪە ﻛﯩﻨﻮ‬
‫ﻗﻮﻳﯘپ ﻛﯩﺮﯨﻢ ﻗﯩﻼﺗﺘﻰ . ﻛﯩﻨﻮ ﻗﻮﻳﯘﺵ ﺋﻪﺗﺮﯨﺘﻰ ﺋﺎﻣﯧﺮﯨﻜﯩﺪﺍ ﺋﯩﺸﻠﻪﻧﮕﻪﻥ ﺑﯩﺮﻗﺎﻧﭽﻪ ﻓﯩﻠﯩﻤﮕﻪ ﺋﯩﮕﻪ‬
‫ﺑﻮﻟﻐﺎﻧﺪﻯ . ﺑﯘ ﻓﯩﻠﯩﻤﻨﻰ ﻗﺎﻳﺴﻰ ﻓﯩﻠﯩﻢ ﺷﯩﺮﻛﯩﺘﻰ ﺑﻪﺭﮔﻪﻧﻠﯩﻜﻰ ﻧﺎﻣﻪﻟﯘﻡ . ﺋﻪﻣﻤﺎ ، ﻧﻪﺷﺮﯨﻴﺎﺕ ھﻪﻕ ﺗﯚﻟﯩﻤﻪﻱ‬
‫ﻛﯩﻨﻮ ﻗﻮﻳﯘپ ﻛﯩﺮﯨﻢ ﻗﯩﻼﺗﺘﻰ . ﺑﯘﻧﯩﯖﺪﯨﻦ ﺗﺎﺷﻘﯩﺮﻯ ﻳﻪﻧﻪ ﺑﺎﺳﻤﺎ ﺯﺍۋﯗﺗﻨﯩﯔ ﻛﯩﺮﯨﻤﻰ ﺑﻮﻻﺗﺘﻰ . ﺑﯘ ﺗﯩﺠﺎﺭەﺗﻠﻪﺭ‬
‫ﺋﺎﺭﻗﯩﻠﯩﻖ ﺋﺎﻟﺘﺎﻱ ﻧﻪﺷﺮﯨﻴﺎﺗﻰ ﺑﺎﺭﻏﺎﻧﺴﯧﺮﻯ ﺑﯧﻴﯩﻐﯩﻠﻰ ﺑﺎﺷﻠﯩﺪﻯ .‬
‫7491 - ﻳﯩﻠﻰ ﺋﺎﻟﺘﺎﻱ ﻧﻪﺷﺮﯨﻴﺎﺗﻰ ﺷﺎﯕﺨﻪﻱ " ﻳﻮﯕﺸﯩﻴﺎڭ ﻛﯩﺘﺎﺏ ﻧﻪﺷﺮﯨﻴﺎﺗﻰ " ﻏﺎ ھﺎۋﺍﻟﻪ ﻗﯩﻠﯩﭗ‬
‫ﻣﺎﻻﻳﺴﯩﻴﺎﺩﯨﻦ ﺑﯩﺮ ﻳﯜﺭﯛﺵ ھﻪﺭپ ﻗﯧﻠﯩﭙﻰ ﺯﺍﻛﺎﺱ ﻗﯩﻠﯩﭗ ﺋﺎﻟﺪﯗﺭﯗپ ، ھﻪﺭپ ﻛﻪﻣﭽﯩﻞ ﺑﻮﻟﯘﺷﺘﻪﻙ‬
‫ﻗﯩﻴﯩﻨﭽﯩﻠﯩﻘﻨﻰ ھﻪﻝ ﻗﯩﻠﺪﻯ .‬
‫ﺋﺎﻟﺘﺎﻱ ﻧﻪﺷﺮﯨﻴﺎﺗﻰ " ﺋﺎﻟﺘﺎﻱ " ﻣﻪﺟﻤﯘﺋﻪﺳﻰ ، " ﺋﻪﺭﻙ " ﮔﯧﺰﯨﺘﻰ ﻗﺎﺗﺎﺭﻟﯩﻘﻼﺭﻧﻰ ﻧﻪﺷﺮ ﻗﯩﻠﻐﺎﻧﺪﯨﻦ ﺗﺎﺷﻘﯩﺮﻯ‬
‫، ﺑﺎﺷﻘﺎ ﺋﻮﺭﯗﻧﻼﺭﻧﯩﯔ ، ﻣﻪﺳﯩﻠﻪﻥ ، ﺟﯘﯕﮕﻮ - ﺳﻮۋﯦﺖ ﺩﻭﺳﺘﻠﯘﻕ ﺟﻪﻣﺌﯩﻴﯩﺘﯩﻨﯩﯔ " ﺋﯚﺭﻧﻪﻙ " ﻗﺎﺗﺎﺭﻟﯩﻖ‬
‫ﻣﺎﺗﯧﺮﯨﻴﺎﻟﻠﯩﺮﯨﻨﻰ ﺑﯧﺴﯩﭗ ﺑﯧﺮەﺗﺘﻰ . " ﺋﺎﻟﺘﺎﻱ ﻣﻪﺟﻤﯘﺋﻪﺳﻰ " ﺑﯩﻠﻪﻥ " ﺋﻪﺭﻙ " ﮔﯧﺰﯨﺘﻰ ﺋﯜﺭﯛﻣﭽﻰ‬
‫ﺷﻪھﯩﺮﯨﺪە ﺗﺎﺭﻗﯩﺘﯩﻠﻐﺎﻧﺪﯨﻦ ﺗﺎﺷﻘﯩﺮﻯ ﺟﻪﻧﯘﺑﯩﻲ ﺷﯩﻨﺠﺎﯕﻨﯩﯔ ھﻪﺭﻗﺎﻳﺴﻰ ۋﯨﻼﻳﻪﺕ ، ﻧﺎھﯩﻴﯩﻠﯩﺮﯨﮕﻪ ، ﻧﻪﻧﺠﯩﯔ‬
‫، ﺷﺎﯕﺨﻪﻱ ، ﺗﻴﻪﻧﺠﯩﻦ ، ﻟﻪﻧﺠﯘﻻﺭﺩﯨﻜﻰ ﻳﯘﺭﺗﺪﺍﺷﻼﺭ ﺋﯘﻳﯘﺷﻤﯩﻠﯩﺮﯨﻐﺎ ھﻪﻡ ھﯩﻨﺪﯨﺴﺘﺎﻥ ، ﭘﺎﻛﯩﺴﺘﺎﻥ ،‬
‫ﺗﯜﺭﻛﯩﻴﯩﺪﯨﻜﻰ ﻳﯘﺭﺗﺪﺍﺷﻼﺭﻏﺎ ﺋﻪۋەﺗﯩﻠﻪﺗﺘﻰ .‬
‫ﺩەﺭﻧﻪﻙ‬
‫7491 - ﻳﯩﻠﯩﻨﯩﯔ ﺋﺎﺧﯩﺮﻟﯩﺮﯨﺪﺍ ﺋﺎﻟﺘﺎﻱ ﻧﻪﺷﺮﯨﻴﺎﺗﻰ ﺗﺎﺭﯨﺦ ﺗﻪﺗﻘﯩﻘﺎﺕ ﺋﯩﻠﻤﯩﻲ ﺟﻪﻣﺌﯩﻴﯩﺘﯩﻨﻰ ﺗﻪﺳﯩﺲ ﻗﯩﻠﯩﭗ ،‬
‫ﺋﯘﻧﻰ ﺗﺎﺭﯨﺦ - ﺟﯘﻏﺮﺍﭘﯩﻴﻪ ﺗﻪﺗﻘﯩﻘﺎﺗﻰ ۋە ﺗﯩﻞ ﺋﻪﺩەﺑﯩﻴﺎﺕ ﺗﻪﺗﻘﯩﻘﺎﺗﻰ ﺩەپ ﺋﯩﻜﻜﯩﮕﻪ ﺋﺎﻳﺮﯨﺪﻯ . ﺑﯘ ﺋﯩﻠﻤﯩﻲ‬
‫ﺟﻪﻣﺌﯩﻴﻪﺗﻜﻪ ﻣﻪﺳﺌﯘﺕ ﺳﻪﺑﺮﻯ ، ﺋﯩﻤﯩﻦ ھﻪﺯﺭەﺕ ، ﺋﻪﻳﺴﺎ ﺑﻪگ ﻗﺎﺗﺎﺭﻟﯩﻘﻼﺭ ﺑﺎﺷﻠﯩﻖ ، ﻣﯘﺗﯩﺌﻰ ﺑﯩﻠﻪﻥ‬
‫ﭼﯩﯖﮕﯩﺰﺧﺎﻥ ﺩﺍﻣﻮﻟﻠﯩﻼﺭ ﺑﺎﺷﻠﯩﻖ ﺑﻮﻟﯘپ ﺗﻪﻳﯩﻨﻠﻪﻧﺪﻯ . ھﻪﺭ ﺑﯩﺮ ﮔﯘﺭﯗﭘﭙﺎ 51 ﻛﯩﺸﯩﺪﯨﻦ ﺗﻪﺭﻛﯩﭗ ﺗﺎﭘﺘﻰ . ﺑﯘ‬
‫ﺋﯩﻠﻤﯩﻲ ﺟﻪﻣﺌﯩﻴﻪﺗﻜﻪ ﺋﺎﺑﻠﯩﺰ ﻣﻪﺧﺴﯘﻡ ، ﺋﻪﺳﺌﻪﺩﯗﻟﻼ ﺩﺍﻣﻮﻟﻠﯩﻤﯘ ﻗﺎﺗﻨﺎﺷﻘﺎﻧﯩﺪﻯ .‬
‫ﺑﯘ ﺋﯩﻠﻤﯩﻲ ﺟﻪﻣﺌﯩﻴﻪﺗﻨﯩﯔ ﻳﯧﺘﻪﻛﭽﯩﻠﯩﻜﻰ ﺋﺎﺳﺘﯩﺪﺍ ﺩەﺭﻧﻪﻙ ﻛﻮﻧﻔﯧﺮﯦﻨﺴﯩﻴﯩﺴﻰ ﺑﺎﺭﻟﯩﻘﻘﺎ ﻛﻪﻟﺪﻯ . ﺩەﺭﻧﻪﻙ‬
‫ﺳﯚﺯﻯ ﺳﯚھﺒﻪﺕ ، ﺩﻭﻛﻼﺕ ) ﻛﻮﻧﻔﯧﺮﯦﻨﺴﯩﻴﻪ ( ﻣﻪﻧﯩﺴﯩﺪە ﺑﻮﻟﯘپ ، ﺑﯘ ﺋﯩﺴﯩﻤﻨﻰ ﻣﯘﺗﯩﺌﻰ ﺗﻪﻗﺪﯨﻢ ﻗﯩﻠﻐﺎﻥ .‬
‫ﺋﯘﻧﯩﯔ ﺋﻮﺭﻧﻰ ﺋﯜﺭﯛﻣﭽﻰ ﻣﻪﺭﻛﯩﺰﯨﻲ ﺋﯘﻳﻐﯘﺭ ﻣﻪﺩەﻧﯩﻲ ﺋﺎﻗﺎﺭﺗﯩﺶ ﺋﯘﻳﯘﺷﻤﯩﺴﯩﻨﯩﯔ ﻛﯘﻟﯘﺑﯩﺪﺍ ﺑﻮﻻﺗﺘﻰ . ﺑﻪﺯﯨﺪە‬
‫ﻗﺎﺯﺍﻕ - ﻗﯩﺮﻏﯩﺰ ﻣﻪﺩەﻧﯩﻲ ﺋﺎﻗﺎﺭﺗﯩﺶ ﺋﯘﻳﯘﺷﻤﯩﺴﯩﻨﯩﯔ ﻛﯘﻟﯘﺑﯩﺪﯨﻤﯘ ﺋﯚﺗﻜﯜﺯﯛﻟﻪﺗﺘﻰ . ﺩەﺭﻧﻪﻙ ﺋﻮﻟﺘﯘﺭﯗﺷﻰ ھﻪﺭ‬
‫ھﻪﭘﺘﯩﺪە ﺑﯩﺮ ﻗﯧﺘﯩﻢ ﺋﯚﺗﻜﯜﺯﯛﻟﯜپ ، ﺋﺎﺩﺩﻯ ﺳﻮﻏﺎﻕ ﻳﯧﻤﻪﻛﻠﯩﻜﻠﻪﺭ ﺗﻪﻳﻴﺎﺭﻟﯩﻨﺎﺗﺘﻰ . ھﻪﺭ ﻣﯩﻠﻠﻪﺕ ﺯﯨﻴﺎﻟﯩﻲ‬
‫ﻳﺎﺷﻠﯩﺮﻯ ۋە ﺋﻪﺩەﺑﯩﻲ - ﺳﻪﻧﺌﻪﺗﭽﯩﻠﻪﺭ ﺗﻪﻛﻠﯩﭗ ﻗﯩﻠﯩﻨﺎﺗﺘﻰ . ﺩەﺭﻧﻪﻛﻜﻪ ﻛﯚﭘﯩﻨﭽﻪ ﺋﯘﻳﻐﯘﺭ ، ﺋﯚﺯﺑﯧﻚ ، ﺗﺎﺗﺎﺭ‬
‫ﺯﯨﻴﺎﻟﯩﻴﻠﯩﺮﻯ ﻗﺎﺗﻨﯩﺸﺎﺗﺘﻰ . ھﻪﺭ ﻗﯧﺘﯩﻢ ﺩﻭﻛﻼﺕ ﺑﻪﺭﮔﯜﭼﯩﮕﻪ ﺋﺎﻟﺪﯨﻦ ﺋﯘﻗﺘﯘﺭﯗﺵ ﻗﯩﻠﯩﻨﺎﺗﺘﻰ . ﺩﻭﻛﻼﺕ‬
‫—————————————————————————————————————————————————‬
‫4‬
‫ﺋﯧﻠﻜﯩﺘﺎپ ﻗﯩﻠﯩﭗ ﺗﯜﺯﮔﯜﭼﻰ : ﺋﯘﻳﻐﯘﺭ ﺋﻮﻏﻠﻰ -----ھﻪۋەﺳﻜﺎﺭ‬
‫032552294：‪QQ‬‬ ‫‪Email:uyxman@126.com‬‬

5. ‫‪http://www.orkhun.com‬‬ ‫ﺋﻮﺭﺧﯘﻥ ﺋﯘﻳﻐﯘﺭ ﺗﺎﺭﯨﺨﻰ ﺗﻮﺭ ﺑﯧﺘﻰ‬
‫ﺋﺎﺧﯩﺮﻻﺷﻘﺎﻧﺪﯨﻦ ﻛﯧﻴﯩﻦ ﻧﺎﺧﺸﺎ ﺋﯧﻴﺘﯩﻠﯩﭗ ، ﺋﯘﺳﺴﯘﻝ ﺋﻮﻳﻠﯩﻨﺎﺗﺘﻰ . ﺋﯧﺴﯩﻤﺪە ﻗﯧﻠﯩﺸﯩﭽﻪ ﻣﻪﺳﺌﯘﺕ ﺳﻪﺑﺮﻯ ﺑﯩﺮ‬
‫ﻗﯧﺘﯩﻢ ﺑﻪﺭﮔﻪﻥ ﺩﻭﻛﻼﺗﯩﺪﺍ " ﺋﺎﻟﺘﺎﻱ " ﺳﯚﺯﯨﻨﯩﯔ ﻣﻪﻧﯩﺴﯩﻨﻰ ﻳﯧﺸﯩﭗ ، ﺋﺎﻟﺘﺎﻱ ﺳﯚﺯﻯ " ﺋﺎﻟﺘﻪ ﺋﺎﻱ " ﺋﻪﻣﻪﺱ‬
‫،" ﺋﯘﺯﺍﻕ " ﺩﯦﮕﻪﻥ ﺳﯚﺯ ﺩەپ ﺋﯩﺰﺍھﻠﯩﻐﺎﻧﯩﺪﻯ . ﺋﯩﻤﯩﻦ ھﻪﺯﺭەﺕ ﺑﯩﺮ ﻗﯧﺘﯩﻢ ﺋﺎﺗﻮﻡ ﺑﻮﻣﺒﯩﺴﻰ ۋە ﺋﺎﺗﻮﻡ‬
‫ﺋﯧﻨﯧﺮﮔﯩﻴﯩﺴﻰ ﺗﻮﻏﺮﯨﺴﯩﺪﺍ ، ﺋﯩﺒﺮﺍھﯩﻢ ﻣﯘﺗﯩﺌﻰ ﺋﯘﻟﯘﻍ ﺷﺎﺋﯩﺮ ﻧﺎۋﺍﻳﻰ ۋە ﺋﯘﻧﯩﯔ ﺋﯩﺠﺎﺩﯨﻴﻪﺗﻠﯩﺮﻯ ﺗﻮﻏﺮﯨﺴﯩﺪﺍ ،‬
‫ﺑﯘﺭھﺎﻥ ﺋﻪﭘﻪﻧﺪﻯ ﺳﯩﺒﯩﺮﯨﻴﯩﺪﯨﻜﻰ ﺗﯜﺭﻙ ﻣﯩﻠﻠﻪﺗﻠﯩﺮﻯ ﺗﻮﻏﺮﯨﺴﯩﺪﺍ ﺩﻭﻛﻼﺕ ﺑﻪﺭﮔﻪﻧﻠﯩﻜﻰ ﺋﯧﺴﯩﻤﺪە .‬
‫ﺩەﺭﻧﻪﻛﻨﯩﯔ ﻛﯧﻴﯩﻨﻜﻰ ﺑﺎﺳﻘﯘﭼﻠﯩﺮﯨﺪﺍ ﺷﯧﺌﯩﺮ ﻣﯘﺳﺎﺑﯩﻘﯩﺴﻰ ﺋﯘﻳﯘﺷﺘﯘﺭﯗﻟﯘپ ھﻪﺭ ﻛﯩﻢ ﻳﺎﺯﻏﺎﻥ ﺷﯧﺌﯩﺮﯨﻨﻰ ﺋﯚﺯﻯ‬
‫ﺩﯨﻜﻼﻣﺎﺗﺴﯩﻴﻪ ﻗﯩﻠﯩﭗ ﺋﻮﻗﯘپ ﺑﯧﺮەﺗﺘﻰ . ﺷﯘ ﻣﻪﻳﺪﺍﻧﺪﯨﻼ 1 - ، 2 - ، 3 - ﺩەﺭﯨﺠﯩﻠﯩﻜﻠﻪﺭﻧﻰ ﺑﺎھﺎﻻپ‬
‫ﻣﯘﻛﺎﭘﺎﺕ ﺑﯧﺮﯨﻠﻪﺗﺘﻰ . ﺷﯘ ۋﺍﻗﯩﺘﺘﺎ ﺑﯩﺮﻗﺎﻧﭽﻪ ﺷﺎﺋﯩﺮﻻﺭ ﺋﺎﻟﺘﯘﻥ ﻣﯧﺪﺍﻝ ﻣﯘﻛﺎﭘﺎﺗﻰ ﺋﺎﻟﻐﺎﻧﻠﯩﻘﻰ ﺋﯧﺴﯩﻤﺪە .‬
‫ﻣﯘﻛﺎﭘﺎﺕ ﻣﺎﺗﯩﺮﯨﻴﺎﻟﻠﯩﺮﻯ ﺋﯩﭽﯩﺪە ﺷﯩﯟﯨﺘﺴﺎﺭﯨﻴﻪ ﺳﺎﺋﯩﺘﻰ ، ﭘﺎﺭﻛﯧﺮ ﻗﻪﻟﻪﻣﻠﯩﺮﻯ ) ﺋﺎﻣﯧﺮﯨﻜﯩﺪﺍ ﺋﯩﺸﻠﻪﻧﮕﻪﻥ‬
‫ﻗﻪﻟﻪﻡ ( ﺑﺎﺭ ﺋﯩﺪﻯ ، ﺑﯘ ﻣﯘﻛﺎﭘﺎﺕ ﺑﯘﻳﯘﻣﻠﯩﺮﻯ ﺋﻪﺳﻠﯩﺪە ﺳﻪﻧﻤﯩﻨﺠﯘﻳﯩﻠﯩﻖ ﻳﺎﺷﻼﺭ ﺋﯚﻣﯩﻜﯩﺪﯨﻦ ﻗﯧﻠﯩﭗ ﻗﺎﻟﻐﺎﻥ‬
‫ﺑﻮﻟﯘپ ، ﺋﻪﻳﺴﺎ ﺑﻪگ ﺑﯘ ﻧﻪﺭﺳﯩﻠﻪﺭﻧﻰ ﺩەﺭﻧﻪﻙ ﻛﻮﻧﻔﯧﺮﯦﻨﺴﯩﻴﯩﺴﯩﮕﻪ ﺋﯩﺸﻠﻪﺗﻜﻪﻥ . ﺩەﺭﻧﻪﻛﻨﯩﯔ ﺋﻪڭ‬
‫ﮔﯜﻟﻠﻪﻧﮕﻪﻥ ۋﺍﻗﺘﻰ 8491 - ﻳﯩﻠﻰ ﺋﯩﺪﻯ . 9491 - ﻳﯩﻠﻰ ﺋﯚﻟﻜﯩﻠﯩﻚ ھﯚﻛﯜﻣﻪﺗﺘﻪ ﺋﯚﺯﮔﯩﺮﯨﺶ ﺑﻮﻟﻐﺎﻧﺪﯨﻦ‬
‫ﻛﯧﻴﯩﻦ ﺩەﺭﻧﻪﻙ ﻛﻮﻧﻔﯧﺮﯦﻨﺴﯩﻴﯩﺴﻰ ﺋﺎﺧﯩﺮﻟﯩﺸﯩﺸﻘﺎ ﺑﺎﺷﻠﯩﺪﻯ .‬
‫ﺋﺎﻟﺘﺎﻱ ﻧﻪﺷﺮﯨﻴﺎﺗﯩﻨﯩﯔ ﻛﯧﻴﯩﻨﻜﻰ ﻣﻪﺯﮔﯩﻠﻰ‬
‫9491 - ﻳﯩﻠﻰ 9 - ﺋﺎﻳﻨﯩﯔ 9 - ﻛﯜﻧﻰ ) ﺷﯩﻨﺠﺎڭ ﺗﯩﻨﭽﻠﯩﻖ ﺑﯩﻠﻪﻥ ﺋﺎﺯﺍﺕ ﺑﻮﻟﯘﺵ ھﺎﺭﭘﯩﺴﯩﺪﺍ ( ﺋﺎﻟﺘﺎﻱ‬
‫ﻧﻪﺷﺮﯨﻴﺎﺗﻰ ﺋﯚﺯ ﻛﻪﺳﭙﯩﻨﻰ ﺗﻮﺧﺘﺎﺗﺘﻰ . ﺋﻪﻳﺴﺎ ﺑﻪگ ۋە ﺋﯩﻤﯩﻦ ھﻪﺯﺭەﺕ ﺑﺎﺷﭽﯩﻠﯩﻘﯩﺪﺍ ﺑﯩﺮ ﺗﯜﺭﻛﯜﻡ ﻛﯩﺸﯩﻠﻪﺭ‬
‫ﭼﻪﺗﻜﻪ ﻗﺎﭼﻤﺎﻗﭽﻰ ﺑﻮﻟﯘپ ﺋﺎﻟﺘﺎﻱ ﻧﻪﺷﺮﯨﻴﺎﺗﻨﯩﯔ ﺑﺎﺭﻟﯩﻖ ﻣﺎﻝ - ﻣﯜﻟﻜﻰ ، ﻣﻪﺗﺒﻪﺋﻪ ﻣﺎﺷﯩﻨﯩﺴﻰ ، ﻗﻮﻏﯘﺷﯘﻥ‬
‫ھﻪﺭپ ، ھﻪﺭپ ﻗﯧﻠﯩﭙﻰ ، ﻗﻪﻏﻪﺯ ﻗﺎﺗﺎﺭﻟﯩﻘﻼﺭﻧﯩﯔ ھﻪﻣﻤﯩﺴﯩﻨﻰ ﺗﻪﻟﺌﻪﺕ ﺑﺎﻳﻐﺎ ، ﻧﻪﺷﺮﯨﻴﺎﺗﻨﯩﯔ ﻗﻮﺭﯗﺳﯩﻨﻰ‬
‫ﺋﯩﺒﺮﺍھﯩﻢ ﻣﯘﺗﯩﺌﯩﻐﺎ ﺳﯧﺘﯩﭗ ﺑﻪﺭﺩﻯ . ﺑﯩﺰ ﭼﻪﺕ ﺋﻪﻟﮕﻪ ﭼﯩﻘﯩﺶ ﺭەﺳﻤﯩﻴﻪﺗﻠﯩﺮﯨﻨﻰ ﺋﯚﺗﯩﮕﻪﻧﺪﯨﻦ ﻛﯧﻴﯩﻦ 9491‬
‫- ﻳﯩﻠﻰ 9 - ﺋﺎﻳﻨﯩﯔ 81 - ﻛﯜﻧﻰ ۋە 12 - ﻛﯜﻧﻠﯩﺮﻯ ﺋﯩﻜﻜﻰ ﺗﯜﺭﻛﯜﻡ ﺑﻮﻟﯘپ ﺟﻪﻧﯘﺑﯩﻲ ﺷﯩﻨﺠﺎڭ ﺋﺎﺭﻗﯩﻠﯩﻖ‬
‫ھﯩﻨﺪﯨﺴﺘﺎﻧﻐﺎ ﻗﺎﺭﺍپ ﻣﺎﯕﺪﯗﻕ . ﺑﯩﺰﺩە ﺑﯩﺮ ﺩﺍﻧﻪ ﻛﯩﭽﯩﻚ ﺟﯩﭗ ، ﺑﯩﺮ ﺩﺍﻧﻪ ﺑﯩﺮ ﻳﯧﺮﯨﻢ ﺗﻮﻧﻨﯩﻠﯩﻖ ﻣﺎﺷﯩﻨﺎ ، ﺑﯩﺮ‬
‫ﺩﺍﻧﻪ ﺩﺍﺩﻭﺟﻰ ﻣﺎﺷﯩﻨﺎ ) ﺩﺍﺩﻭﺟﻰ ﻣﺎﺷﯩﻨﯩﻨﻰ ﻣﺎﭼﯩﯖﺸﻴﺎڭ ﺑﻪﺭﮔﻪﻥ ھﻪﺭﺑﯩﻲ ﻣﺎﺷﯩﻨﺎ ﺋﯩﺪﻯ ( ﺩﯨﻦ ﺋﯩﺒﺎﺭەﺕ‬
‫ﺟﻪﻣﺌﯩﻲ ﺋﯜچ ﺩﺍﻧﻪ ﻣﺎﺷﯩﻨﺎ ﺑﺎﺭ ﺋﯩﺪﻯ . ﺑﯩﺰ ﻗﻪﺷﻘﻪﺭﮔﻪ ﺑﺎﺭﻏﺎﻧﺪﺍ ﺑﯘ ﻣﺎﺷﯩﻨﯩﻼﺭﻧﻰ ﺳﯧﺘﯩﭗ ﭘﯘﻝ ﻗﯩﻠﺪﯗﻕ .‬
‫ﺷﯘ ﻧﯚۋەﺗﺘﻪ ﻣﺎﯕﻐﺎﻧﻼﺭ : ﻣﻪﻣﺘﯩﻤﯩﻦ ھﻪﺯﺭەﺕ ﺋﺎﺋﯩﻠﻪ ﺗﺎۋﺍﺑﯩﺌﺎﺗﻰ ﺑﯩﻠﻪﻥ ﺑﻪﺵ ﺟﺎﻥ ؛ ﺑﯘﻧﯩﯖﺪﯨﻦ ﺑﺎﺷﻘﺎ ﭘﻮﻻﺕ‬
‫ﻗﺎﺩﯨﺮ ، ھﺎﺟﻰ ﻳﺎﻗﯘپ ، ﺋﯚﺗﻜﯜﺭ ، ﺧﯧﯟﯨﺮ ﺗﯚﻣﯜﺭ ، ﻣﯘﺳﺘﺎﭘﺎ ، ﺭﺍﺯﯨﻴﻪ ﻗﺎﺗﺎﺭﻟﯩﻖ 02 ﻧﻪﭼﭽﻪ ﻛﯩﺸﻰ ﺑﺎﺭ . ﻳﻪﻧﻪ‬
‫ﺷﯘ ﻗﺎﺗﺎﺭﺩﺍ ﻣﺎﯕﻐﺎﻧﻼﺭﺩﯨﻦ : ﻗﯘﺭﺑﺎﻥ ﻗﻮﺩﺍﻱ ) ﻳﺎﻟﻘﯘﻥ ﮔﯧﺰﯨﺘﯩﻨﯩﯔ ﻣﯘﺩﯨﺮﻯ ( ﺋﺎﺋﯩﻠﯩﺴﻰ ﺑﯩﻠﻪﻥ ﺗﯚﺕ ﺟﺎﻥ ؛‬
‫ﻧﯩﻴﺎﺯ ﺗﯚﺕ ﺟﺎﻥ ؛ ﺋﺎﺑﺪﯗﺭﯗپ ﺩﻭﺧﺘﯘﺭ ﺗﻮﻗﻘﯘﺯ ﺟﺎﻥ ؛ ﺋﺎﺑﺪﯗﻗﺎﺩﯨﺮ ﺳﺎﻣﺎﻧﻰ ﺑﻪﺵ ﺟﺎﻥ ؛ ﻣﯘﻧﻪۋۋەﺭ ﺧﻮﺟﺎ‬
‫ﻳﻪﺗﺘﻪ ﺟﺎﻥ ؛ ﺗﻮﻏﺮﯗﻝ ﺗﯚﺕ ﺟﺎﻥ ؛ ﺋﻮﺷﯘﺭ ﺷﻪﻧﺠﺎڭ ﺗﯚﺕ ﺟﺎﻥ ) ﺋﯜﺭﯛﻣﭽﻰ ﻧﺎھﯩﻴﯩﺴﯩﻨﯩﯔ ﺷﻪﻧﺠﺎﯕﻰ ( ھﻪﻡ‬
‫—————————————————————————————————————————————————‬
‫5‬
‫ﺋﯧﻠﻜﯩﺘﺎپ ﻗﯩﻠﯩﭗ ﺗﯜﺯﮔﯜﭼﻰ : ﺋﯘﻳﻐﯘﺭ ﺋﻮﻏﻠﻰ -----ھﻪۋەﺳﻜﺎﺭ‬
‫032552294：‪QQ‬‬ ‫‪Email:uyxman@126.com‬‬

6. ‫‪http://www.orkhun.com‬‬ ‫ﺋﻮﺭﺧﯘﻥ ﺋﯘﻳﻐﯘﺭ ﺗﺎﺭﯨﺨﻰ ﺗﻮﺭ ﺑﯧﺘﻰ‬
‫ﺋﯘﻧﯩﯔ ﺋﯩﻨﯩﺴﻰ ھﯜﺳﻪﻳﯩﻦ ﺋﺎﺧﯘﻥ ۋە ﺑﺎﺷﻘﯩﻼﺭ . ﺑﯘ ﻛﯩﺸﯩﻠﻪﺭ ﺋﺎﻟﺘﺎﻱ ﻧﻪﺷﺮﯨﻴﺎﺗﻰ ﺗﻪۋەﺳﯩﺪە ﺋﻪﻣﻪﺱ ﺋﯩﺪﻯ .‬
‫ﺑﯘﻻﺭ ﻳﻮﻝ ﺧﯩﺮﺍﺟﯩﺘﯩﻨﻰ ﺋﯚﺯﻟﯩﺮﻯ ﭼﯩﻘﯩﻢ ﻗﯩﻼﺗﺘﻰ . ﺑﯩﺰ ھﻪﻣﻤﯩﻤﯩﺰ ﺟﯘﯕﮕﻮ - ھﯩﻨﺪﯨﺴﺘﺎﻥ ﭼﯧﮕﺮﯨﺴﯩﻐﺎ ﺑﺎﺭﻏﺎﻧﺪﺍ‬
‫ﺑﻪﺯەﻧﻠﯩﺮﻯ ﭼﻪﺗﺌﻪﻟﮕﻪ ﭼﯩﻘﯩﭗ ﻛﻪﺗﺘﻰ ، ﺑﻪﺯەﻧﻠﯩﺮﻯ ﻗﺎﻳﺘﯩﭗ ﻛﻪﻟﺪﻯ . ﺑﯩﺰ ﺑﯩﺮ ﺗﯜﺭﻛﯜﻡ ﻳﺎﺷﻼﺭ ۋەﺗﻪﻧﺪﯨﻦ‬
‫ﺋﺎﻳﺮﯨﻠﯩﺸﻘﺎ ﻛﯚﺯﯨﻤﯩﺰ ﻗﯩﻴﻤﺎﻱ ﺋﻪﻳﺴﺎ ، ﺋﯩﻤﯩﻨﻼﺭﺩﯨﻦ ﻣﯘﻧﺎﺳﯩﯟﯨﺘﯩﻤﯩﺰﻧﻰ ﺋﯜﺯﯛپ ، ۋەﺗﻦ ﻗﻮﻳﻨﯩﻐﺎ ﻗﺎﻳﺘﯩﭗ‬
‫ﻛﻪﻟﺪﯗﻕ .‬
‫ﺧﺎﻥ ﺗﻪﯕﺮﻯ ژﯗﺭﻧﯩﻠﻰ‬
‫6491 - ﻳﯩﻠﻰ ﻳﺎﺯ ﺋﺎﻳﻠﯩﺮﯨﺪﺍ ﺋﺎﻟﺘﺎﻱ ﻧﻪﺷﺮﯨﻴﺎﺗﻰ ﻗﯘﺭﯗﻟﻐﺎﻥ ۋﺍﻗﯩﺘﻼﺭﺩﺍ ﺑﯩﺮ ﺗﯜﺭﻛﯜﻡ ﺯﯨﻴﺎﻟﯩﻲ ﻳﺎﺷﻼﺭ‬
‫ﺧﺎﻧﺘﻪﯕﺮﻯ ﻧﻪﺷﺮﯨﻴﺎﺗﯩﻨﻰ ﻗﯘﺭﯗپ ﭼﯩﻘﺘﻰ . ﻣﯘﺩﯨﺮﻟﯩﻘﻘﺎ ﺋﯩﺒﺮﺍھﯩﻢ ﺗﯘﺭﺩﻯ ، ﻣﯘﺋﺎۋﯨﻦ ﻣﯘﺩﯨﺮﻟﯩﻘﻘﺎ ﺳﺎﻟﯩﺲ‬
‫ﺗﻪﻳﯩﻨﻠﻪﻧﺪﻯ . ﺋﻮﺭﻧﻰ ﻧﻪﻧﻠﯩﻴﺎڭ ﺟﯘﯕﮕﻮ - ﺳﻮۋﯦﺖ ﺩﻭﺳﺘﻠﯘﻕ ﺟﻪﻣﺌﯩﻴﯩﺘﯩﻨﯩﯔ ﺋﯘﺩﯗﻟﯩﺪﺍ ﺋﯩﺪﻯ . ﺑﯘ ژﯗﺭﻧﺎﻟﻨﯩﯔ‬
‫ﺗﻪھﺮﯨﺮ ﺑﯚﻟﯜﻣﯩﮕﻪ ﺷﯘ ۋﺍﻗﯩﺘﺘﯩﻜﻰ ﻣﻪﺷﻬﯘﺭ ﺯﯨﻴﺎﻟﯩﻼﺭﺩﯨﻦ ﺋﺎﺑﻠﯩﻤﯩﺖ ﻣﻪﺧﺴﯘﺗﻮﻑ ، ﻧﯘﺭ ﺳﺎﺩﯨﺮﻭﻑ ، ھﯧﻤﯩﺖ‬
‫ﺳﯘﻟﺘﺎﻥ ﻗﺎﺗﺎﺭﻟﯩﻘﻼﺭ ﻗﺎﺗﻨﺎﺷﻘﺎﻧﯩﺪﻯ . ﺷﯘ ﻳﯩﻠﻰ ﺧﺎﻧﺘﻪﯕﺮﻯ ژﯗﺭﻧﯩﻠﯩﻨﯩﯔ ﺑﯩﺮﯨﻨﭽﻰ ﺳﺎﻧﻰ ﻧﻪﺷﯩﺮﺩﯨﻦ ﭼﯩﻘﯩﭗ‬
‫ﭘﯜﺗﯜﻥ ﺋﯚﻟﻜﻪ ﺩﺍﺋﯩﺮﯨﺴﯩﺪە ﺗﺎﺭﻗﯩﺘﯩﻠﺪﻯ ، ﺗﻪﺳﯩﺮﻯ ﻧﺎھﺎﻳﯩﺘﻰ ﻳﺎﺧﺸﻰ ﺑﻮﻟﺪﻯ . ﻛﯧﻴﯩﻦ ﺑﯘ ژﻭﺭﻧﺎﻝ ﻳﻪﻧﻪ ﻗﺎﻧﭽﻪ‬
‫ﺳﺎﻥ ﭼﯩﻘﺘﻰ ، ﺑﯘ ﻣﯧﻨﯩﯔ ﺧﺎﺗﯩﺮەﻣﺪە ﻗﺎﻟﻤﺎﭘﺘﯘ . 7491 - ﻳﯩﻠﻰ 6 - ، 7 - ﺋﺎﻳﻼﺭﺩﺍ 11 ﻣﺎﺩﺩﯨﻠﯩﻖ ﺑﯩﺘﯩﻢ‬
‫ﺑﯘﺯﯗﻟﯘپ ﺋﯜچ ۋﯨﻼﻳﻪﺕ ﺗﻪﺭەﭘﺘﯩﻦ ﻛﻪﻟﮕﻪﻥ ﺧﺎﺩﯨﻤﻼﺭ ﺑﯩﻠﻪﻥ ﻳﺎﺵ ﺯﯨﻴﺎﻟﯩﻴﻼﺭﻧﯩﯔ ھﻪﻣﻤﯩﺴﻰ ﺋﯩﻠﯩﻐﺎ ﻗﺎﻳﺘﯩﭗ‬
‫ﻛﻪﺗﺘﻰ . ﺷﯘ ﻗﺎﺗﺎﺭﺩﺍ ﺧﺎﻥ ﺗﻪﯕﺮﻯ ﻧﻪﺷﺮﯨﻴﺎﺗﯩﺪﯨﻤﯘ ﺋﯩﻠﯩﻐﺎ ﻛﻪﺗﻜﻪﻧﯩﺪﻯ .‬
‫" ﻳﺎﻟﻘﯘﻥ " ﮔﯧﺰﯨﺘﻰ‬
‫8491 - ﻳﯩﻠﻰ ﻗﯘﺭﺑﺎﻥ ﻗﻮﺩﺍﻱ " ﻳﺎﻟﻘﯘﻥ " ﮔﯧﺰﯨﺘﯩﻨﻰ ﻧﻪﺷﺮ ﻗﯩﻠﺪﻯ . ﺋﯚﺯﻯ ﻣﯘھﻪﺭﺭﯨﺮ ﺋﯩﺪﻯ . ﻗﯩﺴﻘﺎ ۋﺍﻗﯩﺖ‬
‫ﺋﯩﭽﯩﺪە ﺑﯩﺮ ﺩﺍﻧﻪ ﺑﺎﺳﻤﺎ ﻣﺎﺷﯩﻨﯩﺴﻰ ﺳﯧﺘﯩﯟﯦﻠﯩﭗ ، ﺑﯩﺮﻗﺎﻧﭽﻪ ﺋﯩﺸﭽﻰ ﻳﺎﻟﻼپ ھﻪﭘﺘﯩﺪە ﺋﯩﻜﻜﻰ ﺳﺎﻥ ﮔﯧﺰﯨﺖ‬
‫ﭼﯩﻘﺎﺭﺩﻯ . ﺋﯘﻧﯩﯔ ﺋﺎﺳﺎﺳﯩﻲ ﻣﺎﻗﺎﻟﯩﻠﯩﺮﻯ ﺳﻮۋﯦﺘﻜﻪ ۋە ﺋﯜچ ۋﯨﻼﻳﻪﺗﻜﻪ ﺋﻮﭼﯘﻗﺘﯩﻦ - ﺋﻮﭼﯘﻕ ﻗﺎﺭﺷﻰ‬
‫ﺗﯘﺭﺍﺗﺘﻰ ﻣﯩﻠﻠﻪﺗﭽﯩﻠﯩﻜﻨﻰ ﺗﻪﺷﯟﯨﻖ ﻗﯩﻼﺗﺘﻰ ، ﺳﯚﺯ ﺟﯜﻣﻠﯩﻠﯩﺮﻯ ﺋﯩﻨﺘﺎﻳﯩﻦ ﻗﻮﭘﺎﻝ ﺋﯩﺪﻯ .‬
‫ﻗﯘﺭﺑﺎﻥ ﻗﻮﺩﺍﻱ ﺧﻮﺗﻪﻥ ﻛﯧﺮﯨﻴﯩﻠﯩﻚ ﺑﻮﻟﯘپ ، ﻛﯩﭽﯩﻚ ۋﺍﻗﺘﯩﺪﯨﻼ ﭼﻪﺗﺌﻪﻟﮕﻪ ﭼﯩﻘﯩﭗ ھﯩﻨﺪﯨﺴﺘﺎﻥ ۋە ﺋﻪﺭەﺏ‬
‫ﺋﻪﻟﻠﯩﺮﯨﺪە ﺳﻪﺭﮔﻪﺭﺩﺍﻥ ﺑﻮﻟﯘپ ﻳﯜﺭﯛپ ﺋﺎﺧﯩﺮﻯ ﺗﯜﺭﻛﯩﻴﯩﮕﻪ ﺑﯧﺮﯨﭗ ﺋﻮﻗﯘﻳﺪﯗ . ﺗﯜﺭﻛﯩﻴﯩﺪە ﻣﻪﻟﯘﻡ‬
‫ﺋﯘﻧﯩﯟﯦﺮﺳﯩﺘﯧﺘﻨﻰ ﺗﯜﮔﯩﺘﯩﭗ 6491 - ﻳﯩﻠﻰ ﻗﺎﻳﺘﯩﭗ ﻛﯧﻠﯩﺪﯗ . ﺋﯘ ، ﺋﻮﺭﺩﺍ ، ﺋﻪﺭەﺏ ﺗﯩﻠﻠﯩﺮﯨﻐﺎ ﭘﯩﺸﺸﯩﻖ ﺋﯩﺪﻯ .‬
‫ﺷﯩﻨﺠﺎﯕﻐﺎ ﻛﻪﻟﮕﻪﻧﺪﯨﻦ ﻛﯧﻴﯩﻦ ﺑﯩﺮ ﻣﻪﺯﮔﯩﻞ ﺋﯚﻟﻜﯩﻠﯩﻚ ھﯚﻛﯜﻣﻪﺗﺘﻪ ﺋﺎﺩەﺗﺘﯩﻜﻰ ﺋﯩﺸﻼﺭﻧﻰ ﺋﯩﺸﻠﻪﻳﺪﯗ . ﻛﯧﻴﯩﻦ‬
‫ﺋﺎﻟﺘﺎﻱ ﻧﻪﺷﺮﯨﻴﺎﺗﯩﻨﯩﯔ ﺗﻪھﺮﯨﺮ ﺑﯚﻟﯜﻣﯩﮕﻪ ﻛﯧﻠﯩﭙﻼ ﺋﯜچ ۋﯨﻼﻳﻪﺕ ﺋﯩﻨﻘﯩﻼﺑﯩﻐﺎ ﺯەﺭﺑﻪ ﺑﯧﺮﯨﺸﻨﻰ ﺗﻪﻛﯩﺘﻠﻪپ‬
‫ﺗﯘﺭﯗۋﺍﻟﺪﻯ . ﺑﯩﺰ ﺋﯘﻧﯩﯔ ﭘﯩﻜﺮﯨﻨﻰ ﻗﻮﺑﯘﻝ ﻗﯩﻠﻤﯩﻐﺎﻧﺪﯨﻦ ﻛﯧﻴﯩﻦ ﺑﯩﺰﺩﯨﻦ ﺋﺎﻳﺮﯨﻠﯩﭗ ﭼﯩﻘﯩﭗ ، ﺋﯚﺯ ﺋﺎﻟﺪﯨﻐﺎ "‬
‫ﻳﺎﻟﻘﯘﻥ " ﮔﯧﺰﯨﺘﯩﻨﻰ ﭼﯩﻘﺎﺭﺩﻯ .‬
‫9491 - ﻳﯩﻠﻰ ﺑﯘﺭھﺎﻥ ﺷﻪھﯩﺪﻯ ﺋﯚﻟﻜﻪ ﺭەﺋﯩﺴﻰ ﺑﻮﻟﻐﺎﻧﺪﯨﻦ ﻛﯧﻴﯩﻦ " ﻳﺎﻟﻘﯘﻥ " ﮔﯧﺰﯨﺘﻰ ﻧﯚۋەﺗﺘﯩﻜﻰ‬
‫—————————————————————————————————————————————————‬
‫6‬
‫ﺋﯧﻠﻜﯩﺘﺎپ ﻗﯩﻠﯩﭗ ﺗﯜﺯﮔﯜﭼﻰ : ﺋﯘﻳﻐﯘﺭ ﺋﻮﻏﻠﻰ -----ھﻪۋەﺳﻜﺎﺭ‬
‫032552294：‪QQ‬‬ ‫‪Email:uyxman@126.com‬‬

7. ‫‪http://www.orkhun.com‬‬ ‫ﺋﻮﺭﺧﯘﻥ ﺋﯘﻳﻐﯘﺭ ﺗﺎﺭﯨﺨﻰ ﺗﻮﺭ ﺑﯧﺘﻰ‬
‫ﺳﯩﻴﺎﺳﻪﺗﻜﻪ ﺋﯘﻳﻐﯘﻥ ﻛﻪﻟﻤﯩﮕﻪﻧﻠﯩﻜﺘﯩﻦ " ﻳﺎﻟﻘﯘﻥ " ﮔﯧﺰﯨﺘﯩﻨﻰ ﻳﺎﭘﺘﯘﺭﯨﯟەﺗﺘﻰ . ﺋﻪﻣﻤﺎ ﻗﯘﺭﺑﺎﻥ ﻗﻮﺩﺍﻱ‬
‫ﺑﯘﻧﯩﯖﻠﯩﻖ ﺑﯩﻠﻪﻥ ﺑﻮﺷﺎپ ﻗﺎﻟﻤﺎﺳﺘﯩﻦ ﺑﯩﺮ ﺋﺎﺯ ۋﺍﻗﯩﺘﻨﻰ ﺋﯚﺗﻜﯜﺯﯛپ " ﺋﯘﭼﻘﯘﻥ " ﻧﺎﻣﻠﯩﻖ ﮔﯧﺰﯨﺖ ﭼﯩﻘﺎﺭﺩﻯ .‬
‫ﺷﯩﻨﺠﺎڭ ﺗﯩﻨﭽﻠﯩﻖ ﺑﯩﻠﻪﻥ ﺋﺎﺯﺍﺩ ﺑﻮﻟﯘﺵ ھﺎﺭﭘﯩﺴﯩﺪﺍ ﻗﯘﺭﺑﺎﻥ ﻗﻮﺩﺍﻱ ﺋﺎﺋﯩﻠﯩﺴﯩﺪﯨﻜﻰ ﺗﯚﺕ ﺟﺎﻧﻨﻰ ﺋﯧﻠﯩﭗ‬
‫ﺋﻪﻳﺴﺎ ، ﺋﯩﻤﯩﻨﻼﺭﻏﺎ ﺋﻪﮔﯩﺸﯩﭗ ﻗﯧﭽﯩﭗ ، ﺟﯘﯕﮕﻮ - ھﯩﻨﺪﯨﺴﺘﺎﻥ ﭼﯧﮕﺮﯨﺴﯩﻐﺎ ﺑﺎﺭﻏﺎﻧﺪﺍ ، ﺋﯘ ﺗﻪﺭەﭘﻜﻪ‬
‫ﻣﺎﯕﻤﺎﺳﺘﯩﻦ ﻗﺎﻳﺘﯩﭗ ﻛﻪﻟﺪﻯ . 1591 - ﻳﯩﻠﻰ ﺋﻪﻛﺴﯩﻠﺌﯩﻨﻘﯩﻼﺑﭽﯩﻼﺭﻧﻰ ﺑﯧﺴﯩﻘﺘﯘﺭﯗﺵ ھﻪﺭﯨﻜﯩﺘﯩﺪە ﻗﻮﻟﻐﺎ‬
‫ﺋﯧﻠﯩﻨﯩﭗ ، ﺗﯜﺭﻣﯩﮕﻪ ﻗﺎﻣﺎﻟﺪﻯ ، ﻛﯧﻴﯩﻦ ﺑﺎﺳﺘﯘﺭﯗﻟﺪﻯ .‬
‫ﻣﻪﻧﺒﻪ : " ﺗﺎﺭﯨﺦ ﺑﯧﺘﯩﻨﻰ ۋﺍﺭﺍﻗﻠﯩﻐﺎﻧﺪﺍ " ﻧﺎﻣﻠﯩﻖ ﻛﯩﺘﺎپ ، ﺷﯩﻨﺠﺎڭ ﺧﻪﻟﻖ ﻧﻪﺷﺮﯨﻴﺎﺗﻰ 1002 - ﻳﯩﻞ 8 -‬
‫ﺋﺎﻱ ، 1 - ﻧﻪﺷﺮﻯ‬
‫ﺗﯜﮔﯩﺪﻯ‬
‫ﺑﺎﻳﺎﻧﺎﺕ : ﺋﯘﻳﻐﯘﺭ ﺋﻮﻏﻠﻰ --- ھﻪۋەﺳﻜﺎﺭ ﺗﯜﺯﮔﻪﻥ ھﻪﺭﻗﺎﻧﺪﺍﻕ ﺋﯧﻠﻜﯩﺘﺎﭘﻨﯩﯔ ﺋﻪﺳﻠﻰ ﻣﺎﺗﯩﺮﯨﻴﺎﻟﯩﻨﯩﯔ‬
‫ﺋﺎﭘﺘﯘﺭﻟﯘﻕ ھﯘﻗﯘﻗﻰ ﺗﻮﺭﺩﯨﻜﻰ ﺋﻪﺳﻠﻰ ﺋﺎﭘﺘﯘﺭﻏﺎ ﻣﻪﻧﺴﯘپ ! ﺑﯘ ﺋﯧﻠﻜﯩﺘﺎﭘﻼﺭ ﭘﻪﻗﻪﺕ ﺋﯩﺸﺘﯩﻦ ﺳﯩﺮﺗﻘﻰ‬
‫ﻗﯩﺰﯨﻘﻘﯘﭼﯩﻼﺭﻧﯩﯔ ﺋﻮﻗﯘپ ﭘﺎﻳﺪﯨﻠﯩﻨﯩﺸﻰ ، ﺋﯚﺯ-ﺋﺎﺭﺍ ﭘﯩﻜﯩﺮ ﺋﺎﻟﻤﺎﺷﺘﯘﺭﯗﺵ ﺋﯘﭼﯘﻧﻼ ﺋﯩﺸﻠﯩﺘﯩﺸﻜﻪ ﺑﯘﻟﯩﺪﯗ ،‬
‫ﺋﯘﻧﯩﯖﺪﯨﻦ ﺳﯩﺮﺕ ﺳﻮﺩﺍ ﺋﯩﺸﻠﯩﺮﻯ ﻳﺎﻛﻰ ﺑﺎﺷﻘﺎ ﺳﺎھﻪﺩە ﺋﯩﺸﻠﯩﺘﯩﺸﻜﻪ ﺑﻮﻟﻤﺎﻳﺪﯗ . ﺋﻪﮔﻪﺭ ﺑﺎﺷﻘﺎ ﺳﺎھﻪﻟﻪﺭﺩە‬
‫ﺋﺎﻗﯩﯟەﺗﻜﻪ ﺋﯩﺸﻠﻪﺗﻜﯜﭼﻰ ﺋﯚﺯﻯ ﻣﻪﺳﺌﻮﻝ !!!‬ ‫ﻗﺎﻧﯘﻧﺴﯩﺰ ﺋﯩﺸﻠﯩﺘﯩﭗ ﺑﯩﺮەﺭ ﻣﻪﺳﯩﻠﻪ ﻛﯚﺭﯛﻟﺴﻪ ﺑﺎﺭﻟﯩﻖ‬
‫ﺋﯘﻳﻐﯘﺭ ﺋﻮﻏﻠﻰ --- ھﻪۋەﺳﻜﺎﺭ ﺑﯘ ﺟﻪھﻪﺗﺘﻪ ھﯧﭽﻘﺎﻧﺪﺍﻕ ﻣﻪﺳﺌﻮﻟﯩﻴﻪﺗﻨﻰ ﺋﯚﺯ ﺋﯜﺳﺘﯩﮕﻪ ﺋﺎﻟﻤﺎﻳﺪﯗ !!!!‬
‫ﺋﻪﮔﻪﺭ ﺋﺎﭘﺘﯘﺭﻟﯘﻕ ھﯘﻗﯘﻗﯘﻣﻐﺎ ﺩەﺧﻠﻰ ﻳﻪﺗﺘﻰ ﺩﯦﮕﯜﭼﯩﻠﻪﺭ ﺑﻮﻟﺴﺎ ﺑﯩﯟﺍﺳﺘﻪ ﺋﯘﻳﻐﯘﺭ ﺋﻮﻏﻠﻰ --- ھﻪۋەﺳﻜﺎﺭ‬
‫ﺑﯩﻠﻪﻥ ﺋﺎﻻﻗﯩﻼﺷﺴﺎ ﺑﯘﻟﯩﺪﯗ . ﺋﯧﻠﻜﯩﺘﺎﭘﻼﺭ ﺗﻮﺭﺩﺍ ﺗﻪﻣﯩﻨﻠﻪﺷﺘﯩﻦ ﺗﻮﺧﺘﯩﺘﯩﻠﯩﺪﯗ !!!!!‬
‫ﺋﯘﻧﯩﯖﺪﯨﻦ ﺑﺎﺷﻘﺎ ﺋﻪﮔﻪﺭ ﺋﯘﻳﻐﯘﺭ ﺋﻮﻏﻠﻰ --- ھﻪۋەﺳﻜﺎﺭ ﺗﯜﺯﮔﻪﻥ ﺋﯧﻠﯩﻜﯩﺘﺎﭘﻼﺭﻏﺎ ﻧﯩﺴﺒﻪﺗﻪﻥ ھﻪﺭﻗﺎﻧﺪﺍﻕ‬
‫ﭘﯩﻜﯩﺮ-ﺗﻪﻛﻠﯩﭙﻠﯩﺮﯨﯖﯩﺰ ﺑﻮﻟﺴﺎ ، ﺋﯘﻳﻐﯘﺭ ﺋﻮﻏﻠﻰ ---- ھﻪۋەﺳﻜﺎﺭ ﺑﯩﻠﻪﻥ ﺑﯩﯟﺍﺳﺘﻪ ﺋﺎﻻﻗﯩﻼﺷﺴﯩﯖﯩﺰ ﺑﯘﻟﯩﺪﯗ .‬
‫8002 -ﻳﯩﻠﻰ 10-ﺋﺎﻳﻨﯩﯔ 82-ﻛﯜﻧﻰ‬
‫ﺷﻪﻧﺪﯗڭ---ﺟﯩﻨﻪﻥ‬
‫—————————————————————————————————————————————————‬
‫7‬
‫ﺋﯧﻠﻜﯩﺘﺎپ ﻗﯩﻠﯩﭗ ﺗﯜﺯﮔﯜﭼﻰ : ﺋﯘﻳﻐﯘﺭ ﺋﻮﻏﻠﻰ -----ھﻪۋەﺳﻜﺎﺭ‬
‫032552294：‪QQ‬‬ ‫‪Email:uyxman@126.com‬‬