1. Gaur Mariturri ikastetxean sindikatu guztiak elkartu gara ,hemengo elkarteekin bat
egiteko, Zabalgana auzoan dauden hezkuntza-arazo larriei irtenbide duin bat emateko. Oso
leku egoki eta esanguratsuan gaude auzo honetan, eta oro har, hezkuntza-sistema osoan ere
gertatzen ari denaz hitz egiteko.
Eusko Jaurlaritzako Hezkuntza Sailari eskatzen diogu, kasu egiteko Zabalgana auzoak
dituen hezkuntza-beharrei. Eskatzea ere, egoera larri honen aurrean isilik ez jarraitzeko, eta
behingoz eta publikoki adierazteko zein den auzo honetako hezkuntza-plana.
Eskatzen diogu, inolaz ere ez zabaltzeko laugarren lerro bat gaur egunean dauden bi
ikastetxe publikoetan. Laugarren lerro bat zabaltzea, hiru lerrorentzako prestatutako
ikastetxeetan , masifikazioa eta hezkuntza-kalitatezko murrizketa itzela baino, besterik ez du
suposatzen. Ezin da justifikatu, inolaz ere, holako jokaerarik, ez bada errentagarritasun
ekonomikoren ikuspuntutik. Gauza bera gertatzen da geletako ratioen igoerarekin, auzoko bi
ikastetxe publikoetan legez kanpo gertatzen dena jadanik. Izan ere, haur hezkuntzako geletan
ratioen igoerak ez baitu inolako legek baimentzen. Eta honekin arazoei partxe bat jarri besterik
ez da egiten, arazoak konpondu barik utziz. Zoritzarrez ez da ohiz kanpoko neurri bat bezala
ezartzen, urtero egoera berdina errepikatzen delako, ikastetxe askotan bezala, Zabalganan.
Eskatzen dugu, hirugarren ikastetxe publikoa eraikitzeko prozesua azkartzea, auzokide
gazteenak duten bertan ikasteko eskubidea errespetatuz. Ikastetxe berri bat, errespetatzeko
Zabalgana auzoko familia eta lana bateragarri izateko, eta ez behartzeko familia askori berriro
auzotik kanpo joan behar izateko. Ikastetxe berri bat, jaiotza tasa altuena duen auzoan
eskaintza eta eskaria erregulatzeko.
Gogor kritikatzen dugu auzo honetan dagoen hezkuntza-aurreikuspen falta, ze ez dira
gutxiegi bakarrik Haur eta Lehen Hezkuntzako ikastetxeak, baita ere hurrengo ikasturtean
Bigarren Hezkuntzako zentroa erabilgarri egon beharko zuen, tramite administratibo bat baino
besterik ez da, eta Eusko Jaurlaritzaren ezagatik ez doa aurrera. Zentzu honetan, Hezkuntza
Sailari eskatzen diogu, hurrengo ikasturterako administratiboki sortzea, eta martxan ipintzea
eta azkartzea Zabalgana auzoak hainbeste behar duen Bigarren Hezkuntzako zentroa.
Premiatzen dugu, Mariturri ikastetxeko obrak berehala hastea, bertako familiak
barrakoietan 5 urte egonda gero, behingoz betetzea Hezkuntza Sailetik hainbestetan entzun
ditugun promesak.
Argi geratzen da Eusko Jaurlaritzaren aurreikuspen falta eta lehentasunak markatzeko
ardura falta, aldi berean, Hezkuntzan ematen ari diren murrizketak agerian utziz. Ikasleek bere
inguru hurbilean, kasu honetan beraien auzoan, ikasteko eskubide osoa dute eta Eusko
Jaurlaritzak hau bermatu beharko luke.
Hemen elkartutako sindikatu guztiak, argi eta garbi esan nahi diogu Eusko Jaurlaritzari,
ez dela bakarrik LOMCE-a gure hezkuntzan daukagun arazo bakarra. Errespontsabilitatea
exijitzen diogu kalitatezko hezkuntza publikoaren alde. Ez murrizteko gure herriaren
etorkizunean, etorkizun bat hezkuntza onena eta garantía guztiekin behar duguna.
Zabalganako aldarrikapenak,guztientzako kalitatezko euskal eskola publikoaren
aldekoak baino besterik ez dira. Aldarrikapen batzuk errealak eta bidezkoak, gauden guztiok
ezartzen ditugunak eta gureak egiten ditugu , modu bakarra delako Zabalgana auzoan
kalitatezko hezkuntza publikoa bermatzeko.
STEE-EILAS LAB ELA CCOO UGT