1. 2012eko URRIAREN 21eko OOGa
Obaban, 2012ako urriak 21.
Herriko Joanes Etxeberri BHI ikastetxean eta aipaturiko eguneko 17:05ak izanik,
Ordezkaritza Organo Gorenaren ohiko bilerari hasera ematen zaio, zuzendariak
zuzenduta.
Eguneko gai zerrendaren puntuak aztertu aurretik, Zuzendariak OOGko kide berriak
aurkezten ditu, Olatz Maguregi, Guraso Elkartearen ordezkaria, Eztizen ArroItajauregi,
ikasleen ordezkaria, eta Jone Perez, udaleko ordezkaria, azken hau etorri ez delarik..
Ondoren, bilerari hasiera ematen zaio ondoko gai zerrendarekin.
Gai zerrenda:
1. Aurreko aktaren irakurketa.
2. 2011/12 ikasturteko Memoria eta 2012/13 ikastrurteko Urteko Planaren
aurkezpena eta onarpena.
3. OOGan bete gabe utzitako gurasoen kideen ordezkapena.
4. Beste batzuk.
1. Aurreko aktaren irakurketa.
Ohikoa den bezala, azken OOGtik gaur egunera burututako Bileren Aktak bidali
dira, kideek irakurketa era lasaiagoan egitea erraztuz. Idazkariak aurrekontuen
laburpena egin du eta galdera edo azalpenen bat dagoen galdetu du eta ez du inork ezer
esan. Beraz, Akten onarpena aho batez egiten da.
2. 2011/12 ikasturteko Memoria eta 2012/13 ikastrurteko Urteko Planaren
aurkezpena eta onarpena.
Zuzendariak aipaturiko dokumentuen puntu nagusiak aztertzen ditu:
a) Memoria
Eskola Emaitzak. Aurreko urtekoak baino hobeak dira, 3 ikaslek soilik
errepikatu dutelarik eta beste 2 ikaslek DBH titulurik gabe bukatu. dute.
Garatzen ditugun proiektu guztiek Guraso batzuk gai eta talde batzuek aurkezten
duten gaindituen portzentaje baxuari buruz galdetzen dute. Zuzendaritza
azalpenak ematen saiatzen da eta eztabaida txiki bat sortzen da Matematika
gaiari buruz. Mintegikide batek bileretan lorturiko konklusioak eman ditu.
Departamentu Didaktikoak. Helburuen lorpena eta abar zehazten dira.
Proiektuak. Zuzendariak Ikastetxearentzat duten garrantzia azpimarratzen du eta
duten balorazio positiboa: HNP, Agenda 21, Osasun Proiektua, IKT Ikastetxe
Eredua… Aniztasunaren trataerarekin loturiko proiektuei dagokienez, gurea
proiektu globala dela aipatzen du eta proiektu desberdinen bidez lorturiko
errekurtsoak ikasleria osoaren artean banatzen dira, laguntza gelara eramanez,
proiektuetan parte hartzen duten ikasleak eta gainontzekoak ere ez dutelarik
aintzat hartzen beraien egoera.
2. Memoria aho batez onartzen da.
b) Urteko Plana
Talde bat gutxiago (9), baina ikasle gehiago (186) eta irakasle gehiago (30)
izango ditugu aurreko ikasturtean baino.
Irakasleek familien harrerarako duten ordutegia aurkezten da, aldez aurretik
hitzordua eskatu behar dela azalduz, itxaroten egon beharra edo beste arazoren
bat ekiditeko.
Ebaluazio datak. Bigarren aurre-ebaluazioa ez dela presentziala izango azaltzen
da, txostenen bidez burutuko delarik.
Departamentu desberdinak aipatzen dira.
Aukerakoak. Aniztasunaren tratamendurako tresnak dira.
Proiektuak. Iaz izandako guztiak mantentzen dira eta DC zabaldu egiten da, 3.
mailan beste talde bat izango dugularik. Ikasturte honetan landuko ditugun
proiektuak aztertzen ditu:
- PREE. 1. eta 2. mailarako indartzeak.
- DC. 3. mailarako indartzeak.
- PROA. Laguntza eta indartze neurriak guztientzat.
Ordu kreditoak nola erabiliko ditugun azaltzen da, beti ere era inklusiboan.
Burutuko diren ekintzak talde elkar-eragileak eta bi irakasle gelan. Solasaldi
Literarioei bultzada ematea da asmoa. Gainera, ordutegi lektiboetatik kanpo eta
monitoreen laguntzaz, 8-12 ikasleko 5 talde biltzen da astean 4 orduz etxerako
lanak egin, zalantzak argitu, liburuak irakurri,… Ikasturte honetan monitoreez
gain, irakasle bat ere geldituko da saio horietan.
Diagnostiko Ebaluazioa. Aurreko ikasturtean buruturiko frogaren emaitzak
heltzear daudela eta, ohikoa den bezala, familiei hauen berri emango diegula
adierazi da. Ikasturte honetan ez dela froga burutuko esan da ere.
Irteerak. Helburu pedagogikoa dute eta derrigorrezkoak dira. Ikasleren batek
zailtasun ekonomikoak direla eta irteerari loturiko gastuei aurre egitea ezinezkoa
balu, ikastetxeak diru laguntza emango lieke famili horiei. Urteko Planean
agertzen direnez aparte, 4. mailako ikasleek Euskalduna Jauregira egingo duten
irteera ere onartzea eskatu da. Bertan Internet eta teknologia berriei buruzko 2
orduko hitzaldian hartuko dute parte. Arratsaldean guraso eta irakasleentzat
irekia izango den saio burutuko da.
Jantokia. Jantokiko arduraduna den irakaslea dugu, bertan zaindu behar diren
arauak idazten ari dena. Jantokia ere heziketa eremua dela gogoratzen da eta,
beraz, gainontzeko saioetan izan behar diren portaera arauak gorde behar
direlarik.
Kudeaketa Ekonomikoaren Plana. Idazkariak laburki azaltzen du.
Ikastetxearen Urteko Plana aho batez onartzen da.
3. OOGan bete gabe utzitako gurasoen kideen ordezkapena.
Zuzendariak OOGren estamentu desberdinetan gertatu diren hutsegitean bete behar
direla azaldu du:
- Gurasoak. Aurreko Guraso Elkartearen ordezkaria, Pello Imirizaldu, Olatz
Maguregik ordezkatzen du. Beste bi guraso ere ordezkatu behar dira.
Ordezkaririk ez dagoenez, azken hauteskundeetan zeuden plazak betetzeko beste
guraso soilik aurkeztu zirelako, zuzendaritzak guraso guztien artean deialdia
zabaltzea proposatzen du, bakante horiek betetzeko aukera emanez eta era
3. horretan ordezkapen zerrenda osatuz. OOGak proposamena onartu du eta
hemendik lasterrera abian jarriko dugu prozesua.
- Ikaslegoa. Ordezkari batek egin du huts eta bere plaza Eztizen Arroitajauregik
beteko du.
- Irakaslegoa. Denek jarraitzen dute, ez baita hutsegiterik sortu.
- Ez dozenteak. Errose Gandariasbeitiak jarraitzen du, Txomin Zuberorekin
txandakatuz.
- Udaletxeko ordezkaria. Ordezkari berria Jone Perez izango da.
Ondoren, OOGaren Batzordeak eratzen dira, aldaketak ondokoak izanik:
Elkarbizitza Batzordea. Ane Itzal eta Mª Jose Martinez.
Batzorde Iraunkorra. Ane Itzal.
Autobabesa Batzordea. Maixabel Sarriugarte.
Batzorde Ekonomikoa. Maixabel Sarriugarte eta Edurne Landabaso.
4. Beste batzuk.
• Ikasketa bidaia. Ikasleen ordezkariak irteera horri buruzko informazioa luzatu
dute. Jarritako baldintzak betetzen dituzte. Bidaia ez dago % 100ean zehaztuta,
baina Erroma, Londres edo Bartzelonara izango da Aste Santu aurreko astean.
Gutxi gora beherako aurrekontuak aurkeztu dituzte, bai gastu eta bai sarrerenak.
Behin betiko onarpena Batzorde Iraunkorraren bitartez egingo da.
• Idazkariak mesularitza telefonikoaren zerbitzu berri bat kontratatu dela adierazi
du, bide horretatik irteera eta falten berri hartuko dutelarik gurasoek.
• Abenduan “Km Solidarioak” izeneko proiektuan parte hartuko dugunaren berri
eman da. Save the Children ONGak antolatzen du eta Kongo eta Boli Kostako
umeak laguntzeko da, ikasleek lasterketa bat egingo dute, kilometroko
ordainduko dien diru laguntzaileak bilatu beharko dituztelarik.
• Ama batek beste guraso batzuek ondoko puntuak komentatzeko esan diotela
dio:
• Jantokiko txostena eskatzen dute. Ez dela posible erantzun zaio, alde batetik
zaintzaileek ez dutelako txostena betetzeko denborarik eta bestetik, txosten
horiek Haur Hezkuntzan soilik betetzen dira, Lehen Hezkuntzan ere betetzen ez
direlarik. Janariaren kalitateari buruzko kexak ere badaudela dio. Guk ez dugula
kexa horien berri esaten zaio eta erabiltzen duten bai ikasle eta bai irakasleek
zerbitzuaren kalitatea egokia dela diote, batez ere lehen platerarena, eta saltsa
batekin Egon zela arazoa, baina ordezkatu dutela jadanik.
• Azterketak ematea eskatzen dute, beraiek sinatzeko. Ikaslea ebaluatzeko
erabiltzen diren dokumentu guztiak ikastetxean gorde behar direla adierazten
zaio, eta gurasoren batek ikusteko interesa badu, ikastetxera hurbildu eta eskatu
besterik ez du, kopia bat eraman dezakeelarik.
• Atsedenaldian beti berdinek jokatzen dutela diote, erabilpenerako antolaketa
sortu beharko litzatekeelarik. Gaia lantzen ari garela esaten zaio eta taldeen
ordezkariak bilduko direla gai aztertzeko.
Beste barik, arratsaldeko seieak eta berrogeietan eta zerrendako gai guztiak aztertu
direlakoan, bilera bukatutzat eman du zuzendariak, eta nik, idazkari bezala, guzti hori
egiaztatzen dut.