1. Bupati Karawang Nyerenkeun
Bantuan Honor ka Guru Ngaji
Bupati Karawang,H Ade Swara sacara simbolis nyerenkeun honor ka 10.000 guru ngaji, TPA,
MI, MDA, jeung MTs sa Karawang dina pelaksanaan apel pagi PNS di Plaza Pemda Karawang.
(Poto : ZAS)
SALAH sahiji bentuk kanyaah ka para guru ngaji, TPA,MI, MDA, jeung MTs, Pemkab
Karawang nyerenkeun bantuan keuangan mangrupa honor ka 10.000 guru ngaji, TPA,MI, MDA,
jeung MTs sa Karawang. Eta bantuan diserenkeun sacara simbolis ku Bupati Karawang,H Ade
Swara dina pelaksanaan apel pagi PNS di Plaza Pemda Karawang,sawatara waktu katukang.
Dina biantarana Ade Swara nembrakkeun, bantuan nu diserenkeun tangtuna tacan saluyu
mun seug dibandingkeun jeung pangabdian tur pengorbanan para guru ngaji dina upaya
ningkatkeun kualitas kaimanan jeung kataqwaan para generasipenerus bangsa di Kabupaten
Karawang. Samalah diantarana aya nu tetep ngajar najan teu meunang imbalan naon-naon.
“Najan kitu, mun seug didadasaran ku niat ibadah, tangtuna Allah SWT bakal mere pahala nu
gede turta ngalir terus tug nepika ahir hayat,” pokna.
Inyana ngajentrekeun, nyerenkeun bantuan keuangan honor pikeun para guru TPA,MI,
MDA, MTS, jeung guru ngaji ngarupakeun bagian integral tina pangwangunan pendidikan di Kab
Karawang,utamana dina upaya ngawujudkeun masarakat Karawang nu cerdas,berbudi pekerti
luhur, beriman tur bertaq’wa ka Allah SWT sakumaha kaunggel dina rencana strategis
pangwangunan Kabupaten Karawang nu diprioritaskeun kana opat bidang pangwangunan, nyaeta
pendidikan, kasehatan,ekonomi karakyatan jeung infrastruktur.
2. Jeroning kitu, Kepala Bagian Kesra Setda Kab Karawang,Akhmad Hidayat
nembrakkeun yen ieu bantuan ngarupakeun kanyaah pamarentah daerah ka masarakat nu geus
berjasa dina pangwangunan bidang kaagamaan. “Bantuan keuangan ieu dibikeun tujuanna pikeun
ningkatkeun karaharjaan para guru ngaji di Kabupaten Karawang nu geus berjasa dina bidang
kaagaaman,” pokna.
Inyana ngajentrekeun, bantuan nu totalna ngahontal Rp 8 miliar dibikeun ka 10.000 jiwa
ngawengku guru ngaji 5.500 jiwa, guru MDA 1.500 jiwa, guru MI 750 jiwa, guru MTs 500 jiwa,
jeung guru TPA 1.750 jiwa. “Kukituna sewang-sewang meunang Rp. 800.000 per jiwa,” pokna.
(ZAS)
Asal : Media Giwangkara Online
