2. Ծակ կատուն և իր ծակ տունը
Կար-չկար մի ծակ կատու կար: Էս ծակ կատուն ապրում էր ծակ տանը:
Մի օր այդ ծակ կատուն իր ծակ տնից ուզում է դուրս գալ իր կատու
ընկերների հետ խաղալու։ Եվ նա գլորվելով գալիս է հասնում մի
կատվի մոտ։ Կատուն այդ ծակ կատվին հարցնում է․
– Ինչու՞ ես դու կծած թխվածքաբլիթի նման ։
– Իսկապե՞ս թե ես նման եմ կծած թխվածքաբլիթի։
Ծակ կատուն անմիջապես գլորվելով հասնում է իր ծակ տուն և իրեն նայում
ծակ հայելու մեջ։ Նա տեսնում է, որ այդ կատուն ճիշտ է ասում և
հասկանում է, որ նա իրոք թխվածքաբլիթից է։ Նա տխրում է, որ իրեն կարող
է որևիցե մեկն ուտել։
3. Թավայի հեռախոսը
Գդալը հյուր էր գնացել թավայի տուն: Թավան էլ փնթփնթում էր` իր
հեռախոսն էր կորցրել: Թավան գդալին խնդրեց, որ օգնի իր
հեռախոսը գտնել։ Գդալը երկար փնտրեց սակայն չգտավ և խնդրեց
իր ընկերներին, որ իրենք էլ օգնեն գտնելու թավայի հեռախոսը։
Փնտրում են, փնտրում, սակայն չեն գտնում ոչ մի հեռախոս։ Քիչ հետո
թավան ուրախ բացականչեց․
– Գտա՜, գտա՜իմ հեռախոսը։
Եվ բոլորը վազում են նրա մոտ։ Բոլորը զարմացած էին։ Պարզվում է, որ
այդ հեռախոսը նրա կափարիչն էր։
4. Համակարգիչ թակարդը
Համակարգիչը զանգեց համակարգչին.
–Մկնիկս կորել է, կարող է տեսել ես…
–Ոչ, չեմ տեսել, բայց իմ մկնիկն էլ է կորել։
–Արի զանգենք մեկ ուրիշ համակարգչի և տեսնենք կարող է մեզ
օգնել: –Արի․․․
Եվ զանգում են մեկ այլ համակարգչի։ Համակարգիչն ասում է, որ
այսօր բոլոր մկնիկները հավաքվել են և ժողով են անում, թե ինչպես
պետք է համակարգչից պանիրն անվնաս տանել։ Եվ նրանք
հեշտությամբ համակարգչից պանիրը տարան։ Պարզվեց, որ այդ
համակարգիչը կատվի լարած թակարդն է։
5. Չաչանակ մութը
Մի չաչանակ մութ կար: Այնքան չաչանակեց, որ երկնքից պոկվեց ու ընկավ
պապիս գրպանը: Պապիկս գրպանից փորձեց հանել այդ մութը, բայց երբ
հանեց այն դարձավ լույս։ Լույսն այնքան ուժեղ էր, որ պապիկս չեր
երևում։ Մի քանի րոպե անց լույսն անհետացավ։ Նա ասաց, որ այդ մի
քանի րոպեն ասես ուրիշ մոլորակում լիներ։ Ես հասկացա, որ այդ մութը
պապիկիս երազն էր։