2. LAN- I
(Nu pakhat leh a fanu hi inah an inzui lût a;
naupang chuan ap uau chungin a nu hnênah kawr
thar lei a ngèn a)
|hamawii :Mawh, â nu, kawr thar min lei ve tawh rawh.
Mawh...maw..â nu....
Hmingthani :E, Mate ! Kan lei ve dáwn reng che alawm. Eng
ang nge i duh le?
|hamawii : Pheikhawk man tõ deuh leh kawr Rs.1500/-
man ka duh.
Hmingthani : E ! Chutiang man zat zat kan lei thei lo vang.
Nangma thuamhnaw tùrin chutiang zat zat kan
sèn chuan i unauten thuamhnaw thar leina tùr an
nei ve nang.
|hamawii : In ti ziah mai (Chair a namthlu a; a ap uau a).
(Chutih mêk lai chuan pa ber : Sangdinga a rawn haw a)
Sangdinga : Kha, ’ngati eu uau nge? I ah leh tâk uau mai?
Hmingthani : Thuamhnaw thar a ngèn lehpek a nih hi!
Pheikhawk man tõ deuh leh Kawr Rs. 1500/-
man zuk han ngèn a ! Zah pawh a zak lo lutuk.
Sangdinga : Lo kal teh Mate..
Hmingthani : Nang lah hi i nem duai reng mai.
Sangdinga : Aw... engnge.... Lo kal rawh Mate, i fel hin
kha. Thu i awih hin kha (|hamawii chu a pa
bulah a kal a) Mahni hma chauh an sial ngai lo
aw. Thuamhnaw thar chu kan la lei êm êm ang
che. Mahse, i nu leh pâten i tána ha tùr chu kan
hria a, nang chauh pawh ni lo, i unau dangte
pawh kan lei a ûl dáwn a, kan leisak ang angah
i lungawi tùr a ni ang.
-2-
3. |hamawii : |ha deuh ka duh ve tho alawm ( A inhnit hlap
hlap a).
(Chutih lai chuan Pi Azawni’n kawngkhar a rawn kik a)
Hmingthani : Lo léng rawh u.....
Azawni : E ! Kha in awm maw. Pu Sangdinga pawh ka
nang fuh hlauh e.
Sangdinga : Engnge ni ta?
Azawni
, : Krismas Thawhlawm ka rawn pe dáwn che a.
Sangdinga : I va’n tiha àwm ve.
(Azawni chuan a pe a)
Sangdinga : Pindan lamah ka va ziak fel lawk ang e aw..
( A kal a)
Azawni : |ha-i chu i va’n lungawi loh hmêl ve a? `Ngati
nge nia?
Hmingthani : Thuamhnaw thar man tõ deuh a ngèn a nih pek
hi.
Azawni : Aw, a ni maw. |ha-i chu i fel tehrêng nèn a.
Naupang fel, Sande Sikul Naupang, Kristian
naupang, Pathian thuawih chu Krismas
thuamhnaw thar nu leh pâten an leisak ang anga
lungawi tùr a ni. Nu leh pâ duh dàn anga awm
loh chu naupang sual awm dàn a nia.
Hmingthani : Chu... Nu Azawni sawi chu i hria maw? naupang
fel chu nu leh pâ thu anga awm tùr a nih chu.
(Puanzar)
-3-
4. LAN- II
(Hmeichhe Naupang pahnih leh Mipa Naupang pakhat an
inkawm a)
Tabithi :Krismas hun chuan engnge ka dawhthlâk leh ang
aw... |ha deuh dawhthlâk ka`n tum teh ang.
Sangtea : Kei pawh, thil ha deuh, man tõ deuh dawhthlâk
ka tum a ni. Changkãng deuh mai Silai emaw
dawhthla ila(h).
|hamawii : Kei chu dawhthlâk hi ka dawh tawh lo mai thei
a ni.
Sangtea : I va’n hing êm êm! Kan dawh ang a, Krismas
Putar-in min lo dahsak mai dáwn alawm. Kei
chu(h).....nuam dáwn lutuk... Ka`n dawhthla
anga(h) I dawhthlâk ve duh loh chuan i ît ngawt
ang.
Tabithi : Ni e, I va’n ã êm êm! Krismas ve man a, kan
dawhthlâk lohten..`Ngati nge ka dawhthla lo mai
thei i tih a?
|hamawii : Hmanni-ah kan Zirtîrtu-in a sawi a : Â nu leh â
pâ tán a buaithlâk ang tih ka hlau.
Sangtea : `Ngati ngawt maw? Krismas Putar-in min pe
mai dáwn alawm.
|hamawii : Ka dawhthla a nih pawhin thil man tõ lo deuh,
ho deuh ka dawhthla ang, Nu leh pâte lo dah
tùr tho tho. Nu leh pâ tán phurrit a ni palh ang
tih ka hlau.
Tabithi : Ni e, a mak ti raw. Krismas Putar hi kan inah a
rawn kal ka hre ngai bawk si lo va. Mahse ka
-4-
5. dawh chuan a lo awm ve zêl bawk si a. Ka nute
hnênah ka duhzáwng ka sawi a, chu chu ka
dawhthla zêl a. Thil man tõ deuh phei chu nu leh
pâ tán a buaithlâk dáwn a nih chu.
|hamawii : Dawhthlâkte chu Krismas Putar dah a ni hlei
nem. Kan nu leh pâte lo dah vek hi alawm. Kan
Zirtîrtu chuan Naupang Fel, Naupang |ha chuan
tih tam loh tùr a tia lawm.
Sangtea : E ! A nih chuan, kei pawh Naupang |ha nih ka
duh si a, dawhthlâk loh ka tum ang a, dawhthlâk
ka siam a nih pawhin thil man tláwm deuh
dawhthlâk tùr a nih chu.
( Puanzar)
LAN- III
{Urlawk Zàn a ni a. Naupang pakhat (Fela) chuan
Silai lem a keng a, Halzit a hãl a, a tlànchhuahpui a, a au vêl
a; a zit zawhah Silai Lem a kap ri hang hang a}
Fela :Ma-si a ni tawh dáwn bawk a, hiante ka’n sáwm
teh ang. ( A chhuak a)
(Tv.Rite-a leh Nl.Mamuani-te an inzui hnalh hnalh a)
Rite-a : Zànin chu urlawk zàn a ni bawk a, ar-te pawh
kan kang ve ang chu maw le.
Mamuani : A châkawm khawp mai. Mahse...
Rite-a : Engnge mah se....
Mamuani : Lengkhâwm a awm kha...
Rite-a : Kan tlanbo anga a ni mai alawm.
-5-
6. Mamuani : Lengkhawm hulh chu ka duh lo. A thuhrimah
Krismas-te chu min Chhandam Tura Lal Isua
he Khawvêla a lo pianni champha a ni a, Kohhran
emaw K|P Programme emaw tlansana Ar lo
kan daihte chu ka duh teuh lo mai.
Rite-a : Mi tih dàn tho alawm.
Mamuani : Mi tih dàn pawh ni se; programme awm loh
laia tih mai tùr alawm. Kan theihtâwpin Nausên
lo piang chu kan thinlung zawng zawngin kan
làwm ang a, Amah kan fak zâwk tùr alawm. A
hlimhlawp záwng leh a interek hrang zawnga
hman chu a nih dàn tùr pawh a ni lo hrim hrim.
Rite-a : Aw... ar ka lo lei ve vek tawh asin.
Mamuani : Naktuk zîngah in hmeh mai dáwn nia.
Rite-a : A chi tawh nang. Chhûngten an hre hlei nem...
A chi loh êm mai.
Mamuani : A chi loh alawm. Keini |halaite kan interek
hrang daihin, a dik nang. Ka duh lo rêng rêng.
Rite-a : E.... min duh tak tak lo a niang.
Mamuani
, : Aw....
(Puanzar)
LAN- IV
(Rohlui leh Zuala chu an inzui a, eng engemaw an sawi a)
-6-
7. Rohlui : Ruai heh hun chu ei leh ngheng mai teh ang.
Zuala: I kua a khawh leh si ang e. I vawih ri leh ul ul ang a, i
e zit leh par par mai tùr asin.
( Youth For Christ Chairman R.M.-a’n a umpha a)
R.M-a : Kha, kha, nangni kha, khawnge in kal dawn? In tei-
raw-lai leh mai mai ang e. Engnge in tih?
Zuala : Kan kal kual mai mai.
R.M-a : Kan kal kual mai mai a. Nangni YFC Member-te in
kal bo daihin a ha nang le. A theih chin chinah K|P
Member-te puih tùr a nih kha. Inpawl khâwm pawh
a hun dáwn tawh hi. Nangni zaithiam rual in tel lohten
a ha nang le.Tei-raw-lai mai mai lovin Kohhran
thiltihna-ah kan theih ang tâwk tâwk tih kan tum dáwn
nia. Zaia inpawl khâwmna-ah ka kal dáwn a; in lo
kal ve ngei dáwn nia.
Rohlui : Ninawm, ve ziah a. ka mut a chhuak tawh. ka haw dáwn.
Zuala : Kan hotute pawhin Krismas hunah chuan YFC Mem-
ber zawng zawngte chu hutthleng put a ngaih leh put
a, inpawl khâwmna-ah a tam thei ang ber tel tùr an
tih kha. Ruai heh hunah pawh ei nghek ringawt lovin,
a theih chin chinah kan chanvo tùra ruat bâkah pawh
K|P puibawm a, hmun phiah te, bungbêl silfaite leh
a ûl ang ang tih tùr an tih kha.
Rohlu-i: Kan la ti ang chu. Zanin chu ka mu dawn hrim hrim.
Zuala : Mu meng kur la a ni mai alawm.
A TAWP TA
-7-