1. Kumpuan
9774228424
Ricky Lalzawma 9862159455
P.C. Ramdinzauva 9862658673
B. Lalrinchhana 9862711806
KAN CHANCHIN
@ Pi Lalsangzuali w/o Pu Vanlalliana colney T. Sec chuan ni 21/12/2010 khan min awm lohsan. Ani hi kal thlak a nih
hnuin hun rei tak hrisel lohna avangin damdawia enkawl reng a ni.
@ Pu Ralruna(94) h/o Pi Biaksawii, Teddim Road( Upto Date Tailoring), pawn ni 6/01/11 zing dar 2 vel khan chatuan
ram min lo pansan ta. Ani hi tunhma-a Darlawn hotel siam thin kha a ni, ni 6/01/11 vek hian Lamka thlanmualah Rev J.F.
Lalropuian a vui liam.
@ Pu K. Thansanga (83) Neuva Section pawn Ni 7/01/11( Zirtawp ni) tlai dar 2 vel khan mual min lo liamsan ta. Ani hi
kum 5 chuang mah khum beta na tawh a ni. ( Kan tarlan tak zawng zawngte hi Branch chuan kan tuarpui tak zet zet a ni,
Lusun chhungte Pathinin awm pui theuh rawh se)
@ Lalrinmawii(Naupang) d/o Pu Chawia, Hollywood street, New Bazar chu kumthar nawn ni, 2/01/11 tlai khan Simo-in
a su a, RIMS-ah admit a ni, tunah chuan a tha chho ve zel niin kan hria, dam thuai turin kan duhsak hle.
@ Kan Editor Pu R. Lalhmachhuana chuan Krismas leh kum thar hmanga a lo haw hnuin Jan ni 3, khan Aizawl lamah
min liamsan leh ta.
@ Pu R. Jasonate chhungkua chu ni 6/01/11 khan J.S atangin Hollywood Street-ah an insawn.
@ Pu Hrangthuama, Salem veng chu ni 7/01/11 khan a pum lam fel lohna vangin District Hospitalah Admit a ni. A lo that
chhuah thuai kan duhsak hle.
@ Tv. Terrence Lalthlamuana s/o Pu H. Zoliana, Vengnuam chuan Sielmat Schoolah Teacher hna a hmu thar, kan lawm-
pui hle.
@ MPC Hq Chuan ni 4/01/11 khan Printer thar tha tak an lei.
@ Lalrinawma s/o Pu V.L. Biaka leh Lalhmingchhuangi d/o Pu Dolien, Salem Vengte chu ni 7/01/11 khan Lamka Chhim
Presbyterian Biak inah Kohhran dan Thianghlimin an inkutsuih. Nupa inkawprem tak an nih theih nan duhsakna kan hlan
a ni.
@ Kan News Editor Pu P.C. Ramdinzauva s/o Upa P.C. Vungtea Hmuia veng chu a kawng lam a that mang loh avangin
ni 4/01/11 khan Imphalah inentir turin a kal. A that chhoh zel kan duhsak e
@ Rev C.S. Thanga, Phunchawngi vengte tuichhunchhuah laih pawh zawh fel a ni ta.
@ Pi Ziki w/o Pu S. Thanzama, Salem Veng (Buh her Pu Dawngte-a nu) chu ni 26/12/2010 khan a khel ruh a tihpelh
avangin District Hospitalah admit a ni a, tunah chuan ziaawm lam a pan tawh nia hriat a ni.
@ Pu Lalbiaktluanga leh Pi Lalchawimawiite nupa pawh Aizawl lamah Krismas leh Kum thar chhuan lama an Honey
Moon hmang pawh dam takin an lo thleng leh ta.
@ Tv. Vanlalliana(Vana) , TP Driver chu ni 23/12/11 zan khan Activa-in a su a, hemi zan hian District Hospitalah admit a
ni, tunah chuan a dam tha leh tawh.
@ Tv. Hrangthangluaia s/o Pu Para, Hmuia veng chu Mizoram Synod Book room nghak tura lak thar a ni. Ni 8/01/11
khan aizawl lamah training turina a liam ta, he training hi thla khat vel awh tur nia thu dawn a ni.
@ Tv. Stanley Lalrintluanga @ Tluangtea s/o Pu S.H. Thangroliana, J.S. pawh tunhnai khan Mount Carmel School,
Aizawlah Teacher-cum- Warden hna a hmu thar. Tluangtea hi HEHU atangin M.A (Geog) 1st class –ah a pass a, he hna
a hmuh dawn hian interview hun pelh tawh hnuah a han inlan ve a, Principal chuan a marksheet a lo hmuhin a la ta
nghal mai a ni.
MIZO TAWNG ZIR ANG AW
Tunah leh chatuanin: Pastor leh Kohhran upa thenkhatin Malsawm tawngtaina hun an hman hian a tawpah ‘ Tunah leh
chatuanin lo awm rawh se’ tiin an chham thin. Hei hi sap twang ‘ Now and Forever’ tih a ngial a ngana lehlin a nih hmel.
A dik lo e chu kan ti chiah lo nanga, Mizo tawng kauchheh tluang pangngaiah chuan “ Tun atanga kumkhuain/chatuanin
lo awm zel rawh se” tih ni awm tak a ni. Mawi pawh a mawi zawk a, hman uar zawkah nei thei se a duhawm hle.
Vawi: ‘Vawi khat, vawi hnih’ tiha vawi hi tunlai hian thluk dik lo kan tam hle mai. “ Awi! Ka hlau lutuk,” tiha awi ri anga
lam tur a ni. “ Hei hi vawng tha rawh,” tiha vawng anga lam rik hi a dik lo va, chin tawh loha tha. Tin, a ri hniam pheia
lam mai chi kan awm bawk. A pangngai ber chu lam kuai tur a ni.
KUMIN KRISMAS LAIA THIL THLENG LO LANGSAR ZUALTE
1) Hamber rally a awm lo
2) I.B. Road-ah insual thawm hriat tur a awm lo ve mial
3) Hornbill Cable-in Joyous Night an hmang lo.
4) Krismas leh kum thar inkarah kan member innei an awm lo.
5) Mizo Meet a awm lo
KUMIN KRISMAS LAIA THIL MAK THLENG
1) Veng inlungrual Phunchawngi veng chuan tum hnih ngawt ropui takin ruai an theh
2) Kan member thenkhatin sipai motor an phar ding a, sipai hoin eng dang sawi lovin an lo chibai.
President : Pu Lalzawmliana (9862741584) V. President : Pu K. Vanlalzawna (9436665611) Secy : Pu J.C. Manglianthanga (9612575936)

2. 3) UPC kohhranin krismas leh kum thar ruai vawi khat ve ve chauh an nawn
4) Lamka Presbyterian kohhranin Kumthar lengkhawm zan khat an nawn
Editorial
Pathian zarah kum thar 2011 chu dam takin kan han chuang kai leh ta a, news letter pawh krismas leh kum thar chawlhte
kan hman zawh hnuin news letter hmel thar kan han tichhuak leh thei hi lawmawm kan ti hle. Kum dang ang bawkin mi tam
tak chuan kum thar thutiam tha tak tak kan nei leh ngeiin a rinawm, a tlangpuiin kan kumthar thutiamte hi hmasawnna lam
hawi, tisa thil taka kan changkan theih zawkna tur lam hi a ni tlangpui thin. Kan thil tha lo tihthinte bansana thil tha zawka
thlak kan tum thin hi Thil tha tak a ni, amaherawhchu YMA member heti zozai zingah hian nikum aia kumina midangte tana
inpek lehzual tum eng zat chiah nge awm ang le? Rawlthar tam tak an rawn nula tlangval thar ang a, eng zat chiah nge
khawtlanga inhman nachang hria ang? Mawhphurhna leh chanvo nei tawh sate pawn eng angin nge nikum aia an chanvote
an ngaihpawimawh theih zawk ang? Hengte hi mimal theuh inenfiahnan hmang thei I la a duhawm hle.
AN TI
@ Mitthi an awm hian mitthi chhungte bungraw senghawitute vek hian dah tha leh thin ila thawhnaw bo a vang saw tang an
ti.
@ Khawhar ina Tlangval ding zak zak thei chin naupang tak an awm lem lo an ti.
@ Ngaihzawng neih leh Pathiannia fawr nachang hre khawpa inti nula tlangval, khawhar ina kal emaw thlan laihna-a kal
tura inti naupang leh viau kan awm nual an ti
@ December a vawh viau hi chuan January a vawt lo tlangpui an ti
@ Pearson pawhna hi kawng pakhat chauh a awm lo an ti
@ Kum 2011 kan chuangkai tawh a, thlanlai “Tawiawm” ching kan la tam hle an ti.
@ Mahni Section aia section danga hnatlan nuam ti zawk an awm an ti.
@ Khawtlang leh kohhran hnatlang vela thahnemngai thei tak mahni inluma thatchhe viau si an awm an ti.
@ Mitthi inah hian hun rei tak chhung chu a ngai leh ngai kan inhmu ta fo mai an ti
@ Ek Paha zung lo hi kana wm miah lo an ti.
@ Nikum khan calendar siam kan intihhmuh vaka kumin erawh calendar lei tur a vang pharh an ti.
KHER LO
@ Riang nazawngin ngaihzawng an nei lo kher lo
@ Krismas urlawk nasa nazawngin an hmang nuam kher lo
@ Krismas laia bo tum nazawng an bo kher lo.
@ Tlaivar zana Petrol thun nazawngin Generatorah an thun kher lo.
@ Zanlai dar 1 atanga dar 4 thlenga phone hmang nazawng an lungleng lo kher lo.
@ Imphal kal tlang nazawng hawna a inang kher lo.
@ Sa tha nazawngin pangti lum an nei tha kher lo.
@ Karol hman tangkai tum nazawngin an tangkaipui kher lo.
LAWMTHU
Pu Ralrunan ni 6/01/11-a mual min liamsan chung changah a fate Pi Lalthapari leh Pi Lalhmngaihzuali,
Aizawlten Kan Section tanpui nan Rs 1000/- (Sangkhat) min pe a, an chungah kan lawm hle. Tin, Vanduaithlak
taka Pu K. Thansangan ni 7/01/11 tlaia min awm lohsan thuah kan section indaih lohna hriain Section dang
Tlangval thahnem takin bungrua min rawn thiarpui kha thlamuanthlak kan tiin kan lawm tak meuh meuh a ni.
Sd/- Tv C. Lalzarmawia, Secretary
Eng nge an sawi?
@ Kumin kum thar chu thiannu berin khuh hawnna a nei tawh bawk a, follow up chu a harsa tawh lo ang… - Nl Hrisel
Lalmalsawmi, N. Sec
@ Nia… ‘Bul tan that chu a zatve zawh ang a ni’ an tia lawm... – Nl Hrisel Betty Lalawmpuii. T. Sec
@ Zan thum zet mahni kohhran phatsan meuha Carolna-a han zui ngial pawn kawngro a su hlei thei meuh lo a ni e “Hui
ha!” – Tv Vanlalnghaka, Asst Leader.
@ Tluangte nikum bak kha kan nula rual tawh dawn si lo va… J.S. Lam saw kan awn tawh mai dawn maw ni le. – Ella Zo-
muanpuii.
@ Hollywood lamahte khian ka mit ka len a- Tv Dingluaia, appollo
@ Mizo tawng ka hlamchhiah ta telh telh a, “ Unau Hai” tawng ka belt a telh telh si! – Tv. Jesai Lalduhawma
@ Laisa-a piang ka ni bik ngawt lo… - Tv Zamlalliana
@ Zanin zet( 31st dec) chu ka tithei ta thlawt lo mai kum a thar tawh bok a kan in hri thla tak takte ang,
‘’im in thawh a’’ t tawng kam kha chuan mi dang tawh haulo ang…. –Tv.c.lalzarmawia.N.sec
@ Zanin chu (8th jan) zan chu min dem lul su……… k.lalrinawma@lairaia.
@ Miin tih hmingchhiat tumin I chungchang thu a ni lo zawngin sawi fo mahse I chanvo leh mawhphurhnate tlin taka I hlen
theih chhung chuan hmingchhiatna chuun a pumpelh zel ang che.
@ Thil tul lo tia teihawi mai mai ai chuan thil tangkai tih tum leh hmuhchhuah tumin mi thurawn tale maw lak tum ang che.
NUI I LA
@ Foothpath-ah a kal a,’Stick ni bill’ a lo intar a, kal pahin, “ Ka va’n zu awm tho” a ti bai bai
@ Mi thlan lung(Granite) inziaksa kha a ru chhuak ngawt mai a, hralhna tur a van the a sin
@
ram Zaithiam lar leh thusawi thiam Vanlalsailova chu he hunah hian Speaker a ni dawn bawk. Khawpuibung khaw chhuak
hmun hran hrana awmte chuan he ni lo thleng tur hi an urlawk nasa hle a, Kan Branch vice President Pu Vanlalzawnate
leh mi dang dangte chu nikum atang khan an lo inbuatsaih fe tawh a ni. He Centenary lawman hun inbuatsaihnaah hian Pu
Hrangthuama chu chairman niin zo takin a kaihruai a ni. Bawng pali, vawk 10 vel talh an tum nia hriat a ni.