1. XX DOMINGO DEL TIEMPO ORDINARIO
CONFERENCIA EPISCOPAL ESPAÑOLA
http://www.conferenciaepiscopal.es 1
DOMINGO XX ORDINARIO (B)
PRIMEIRA LECTURA (Prov 9, 1-6)
Lectura do Libro dos Proverbios
A Sabedoría construíu a súa casa, tallou as súas sete columnas; sacrificou as súas
víctimas, mesturou o seu viño e preparou a súa mesa. Despachou as súas criadas a
anuncia-lo convite polos altos da cidade: "Quen sexa inxenuo, que se achegue a min".
E ós faltos de siso díxolles: "Vinde, comede do meu pan e bebede do viño que
mesturei, deixade a vosa inxenuidade e viviredes, camiñade pola vía da intelixencia".
SALMO RESPONSORIAL Sal 33, 2-3. 10-11. 12-13. 14-15
R/. (9a): Probade e vede o bo que é o Señor.
Bendigo o Señor en todo instante,
teño sempre na boca a súa loanza.
Eu gloríome no Señor:
que escoiten os humildes e se alegren.
Temede ó Señor os seus santos,
pois nada lles falta ós que o temen.
Os ricos empobrecen e pasan fame,
pero ós que buscan o Señor ningún ben lles faltará.
Vinde, fillos, escoitade:
ensinaréivo-lo temor do Señor.
¿Quen é o que desexa vivir,
o que arela días de prosperidade?
Garda a túa lingua do mal,
os teus labios de falas enganosas.
Arrédate do mal e fai o ben,
busca a paz, corre tras ela.
2. XX DOMINGO DEL TIEMPO ORDINARIO
CONFERENCIA EPISCOPAL ESPAÑOLA
http://www.conferenciaepiscopal.es 2
SEGUNDA LECTURA (Ef 5, 15-20)
Lectura da Carta do Apóstolo San Paulo ós Efesios
Irmáns: Mirade con tino como camiñades: non coma atolados senón coma sensatos,
aproveitando ben este tempo, que corren días malos. Por iso, non sexades irreflexivos;
ó contrario, tratade de comprender cal é a vontade do Señor. Non vos emborrachedes
con viño, que leva á libertinaxe; en vez diso enchédevos de Espírito, falando entre vós
con salmos, himnos e cánticos espirituais, cantando e salmodiando con toda a alma
para o Señor e dándolle gracias decote a Deus Pai, por todo, no nome do noso Señor
Xesús Cristo.
EVANXEO (Xn 6, 51-58)
Lectura do Santo Evanxeo segundo Xoán
Naquel tempo, díxolle Xesús á xente: - Eu son o pan vivo que baixou do ceo: se alguén
come deste pan, vivirá para sempre; e o pan que eu darei, é a miña carne, para a vida
do mundo. Discutían entón entre eles os xudeus: - ¿Como pode este darnos a come-la
súa carne? Díxolles entón Xesús: - Con toda verdade volo aseguro: se non coméde-la
carne do Fillo do Home e non bebéde-lo seu sangue, non teredes vida en vós. Quen
come a miña carne e bebe o meu sangue, ten vida eterna e eu resucitareino no
derradeiro día. Pois a miña carne é verdadeira comida e o meu sangue é verdadeira
bebida. Quen come a miña carne e bebe o meu sangue, permanece en min e eu nel. Do
mesmo xeito que o Pai que me mandou vive e eu vivo polo Pai, así tamén quen me
coma vivirá por min. Este é o pan que baixou do ceo; non semellante ó que comeron
os pais, que mesmo así morreron: quen come este pan, vivirá para sempre.