Exposición de animación á lectura da Biblioteca e o EDLG do CPI As Revoltas.

1. Un libro, unha razón
CPI AS REVOLTAS

2. A forma verbal LEO é
presente con futuro.
Concha Blanco

3. María Canosa
Escritora, enxeñeira de Camiños, Canles e Portos
Bolboretas é para todos,
coma o amor, do que din
que tampouco ten idade.

4. María Canosa
Bolboretas, de Xabier Docampo, ilustrado por Xosé Cobas.
Elixino por moitas razóns. Unha é polo texto en si, unha marabilla, coma todas esas
historias que nos agasalla Xabier Docampo. Sempre semella estármolo escoitándoo, en
lugar de pasar os ollos por letras impresas. Neste caso, o texto é ben especial, pois Bolboretas
pode ser outro nome co que referirse ao Amor, dun xeito sutil e tremendamente elegante.
Por outra banda, as ilustracións. Por moito que as editoras clasifiquen os libros segundo as
idades ás que dirixirse, este non debera levar referencia algunha. Bolboretas é para todos,
coma o amor, do que din que tampouco ten idade. Xosé Cobas crea unhas imaxes tenras
pero afiadas, coma as arestas e as curvas do verdadeiro amor. Tons tenues que convidan á
reflexión.
Hai máis motivos. O traballo en equipo de autor e ilustrador, que crean un corpo común
indivisible, é outro deles. Como tamén o é potenciar un xénero ao que ás veces non se lles
presta a atención merecida: o álbum ilustrado. Poucas liñas condensando universos,
ilustracións indispensables na creación do ambiente.
Por todo isto, lede Bolboretas. E se ao chegar a un punto do relato sentides unha facéndovos
cóxegas no estómago, serei feliz.

5. Lucía Aldao
Escritora
A poesía non morde, máis
ben acariña e seduce…

6. Lucía Aldao
"A poesía non morde, máis ben acariña e seduce,
apréixanos docemente e é quen de atraparnos na
súa gaiola do tamaño do mundo. Xusto o que
debería ser un bo amante ou unha boa amante.
Por iso recomendo este libro de poemas de María
Lado, Amantes, porque nel están todas esas cousas
que se agradecen atopar no corpo alleo (e na
poesía)."

7. Miro Villar
Poeta, narrador, tradutor, profesor e crítico literario
Poucos libros falan así de
ben da relación entre unha
nai e a súa crianza.

8. Miro Villar
Recoméndovos o libro de poesía oso, mamá, si? de María Lado, porque
poucos libros falan así de ben da relación entre unha nai e a súa crianza e por
ter versos fermosos coma estes:
para o oceáno
ti eras
só un neno de fanequeiras
vermellas que a area enterraba,
un brazo fortemente prendido da miña saia morada.
teño medo dos bichos, mami, dos bichilos do mar
e con forza collíaste da tea.

9. Suso Lista Neira
Actor e escritor
Despois de ler este libro
xa non vos aguanteredes sen
volver ler a Cunqueiro.

10. Suso Lista Neira
No universo Literario ó igual que nos outros é raro
atopar tesouros entre tanto como hai escrito, pero
cando isto acontece non hai maior pracer para un
lector. Foi o que me pasou a min con Cunqueiro.
Penso que é un xenio da Literatura mundial.
Recoméndovos Os outros feirantes, un libro de pequenos
relatos onde se retrata o mundo real e imaxinario
desta Galiza nosa. Uns relatos que de seguro vos
gustarán e farán gozar da lectura, algo que non todos
os autores poden ofrecer. Estou seguro que despois de
ler este libro xa non vos aguanteredes sen volver ler a
Cunqueiro.

11. Monti Castiñeiras
Actor
H is t o ri a s m á x i c a s d o
último dragón galego.

12. Monti Castiñeiras
"Unha tetraloxía que che fará vivir historias máxicas
do último dragón galego. Da man dos seus
protagonistas vivirás aventuras fantásticas. Moi
doada de ler e especialmente recomendable para
xente nova."

13. Antonio Reigosa
Escritor
Vivimos nun lugar do mundo
que reborda fantasía.

14. Antonio Reigosa
Escollín este libro por un triple motivo. O primeiro
porque é unha proposta pioneira na literatura galega.
Un segundo porque é un libro que mestura a partes
iguais a literatura de tradición oral (20 lendas), a
literatura, neste caso de creación poética (20 poemas)
e a ilustración (20 imaxes), que é outra maneira de
"escribir" unha historia. E o terceiro dos motivos
porque descubrín, xunto Antonio García Teijeiro e
Xosé Cobas, no proceso de creación e ilustración
deste libro, que vivimos nun lugar do mundo que
reborda fantasía.

15. José Muiños Dominguez
Veterinario e alcalde de Cabana de Bergantiños
E n o c a s i ó n s s e n t i n m e
identificado con Balbino.

16. José Muiños Dominguez
Chámome José Muiño. Son Veterinario de Profesión, e neste
momento fun elixido polos veciños de Cabana de Bergantiños
para exercer de Alcalde. O meu libro preferido, pola súa
importancia na miña infancia, é Memorias dun neno labrego. Eu
fun alumno do Colexio A Salle en Santiago, en réxime de
interno, e eu era un neno dunha aldea moi pequena nunha
cidade moi grande para o que eu coñecía. Por iso, en ocasións
sentinme identificado con Balbino, inda que eu non era pobre,
pero sentíame fóra do meu fogar e tamén "un ninguén".

17. David Cora Abeleiras
Profesor de Bioloxía e Xeoloxía CPI As Revoltas
Reinvindico a novela gráfica
coma un xeito lícito de ler

18. David Cora Abeleiras
Aínda que pode que debera ter elixido un libro de
temática biolóxica, non podo olvidarme da miña
parte friki e reinvindicar a novela gráfica coma un
xeito lícito de ler (para que aquelas persoas que
poñan como excusa a ausencia de debuxos teñan que
olvidala). Neste caso os dous tomos que vos ensino
pertencen a unha das épocas máis brillantes de
Batman, aquela na que Sale e Loeb se encargaron do
guión, debuxo e tintado do heroe de Gotham. Os
seus títulos: O longo Halloween e a súa continuación
Victoria escura, ambos da Editorial ECC, responsable
de DC comics en España.

19. Tito Asorey,
Actor e dramaturgo
Os pasos em volta
Herberto Helder

20. Elena Seijo
Actriz
É importante saber que hai
detrás do muro prohibido.

21. Elena Seijo
Lolo recoméndoo porque é un libro entrañable que
un amigo lle regalou á miña filla cando era
pequecha. Trata dun home aburrido que esquecera
o xeito de se divertir.
As bolboretas douradas recoméndoo porque é
importante saber que hai detrás do muro prohibido.

22. Paco Nogueiras
Músico e actor
Onde se ve reflectido un
ambiente moi propio do noso
país.

23. Paco Nogueiras
A miña recomendación é a reedición feita por Kalandraka Editora do libro de
poemas Cantarolas de Xosé Neira Vilas e Anisia Miranda. A poesía é un xénero
probablemente non moi próximo á xente máis nova, mais neste caso non é así.
Poemas curtos e moi variados onde se ve reflectido un ambiente moi propio do
noso país (a aldea, o campo, os animais, a terra, os nenos ...). Poemas que foron
musicados ao longo dos últimos 25 anos por diferentes artistas como poden ser
A Quenlla, Suso Vaamonde, Na Virada ou eu mesmo. Isto demostra a
musicalidade escondida nas composicións que tanto Anisia como Xosé teñen
integrado neste libro, facendo unha lectura rápida e variada moi aproveitada
para o traballo nas aulas. A presenza de animais e da natureza fai moito máis
agradable a lectura para o rapaz.Todo isto axudado polas marabillosas
ilustracións de Leandro Lamas, que logrou reflectir o espírito das composicións
perfectamente.Tiven a sorte de usar este libro na campaña de animación á
lectura polos centros escolares que fai Kalandraka tódolos anos, e podo dicir
que funciona moi ben entre a xente máis miúda. Recomendado para nen@s de
6-10 anos, mais todos poden gozar deste libro.

24. Lino Braxe
Actor, escritor e director de teatro
Encontrarse con William é
como atopar unha illa do
tesouro da que un nunca
quere marchar.

25. Lino Braxe
O TESOURO DE WILLIAM
Shakespeare sempre está aí. Agardando por nós. Esperando un
pequeno aceno de interese pola nosa parte, para penetrar nas
nosas vidas e non abandonarnos endexamais. O amor, a morte,
a traizón, a calumnia, os celos, a honra, o sexo, a dor, a loita
polo poder, a ambición, o racismo, a fidelidade, a amizade.
Todo está en Shakespeare. E todo dotado dunha acción e
dunha linguaxe únicas. Encontrarse con William é como
atopar unha illa do tesouro da que un nunca quere marchar.

26. Andrea Maceiras
Escritora
É unha obra luminosa, de
cor azul e sabor salgado.

27. Andrea Maceiras
"Escollín Nena e o mar porque é unha obra luminosa,
de cor azul e sabor salgado, que fala de mares
infinitos como a alma dos homes, salvaxes sereas,
unha vila con forma de balea e unha Nena capaz de
sucar as augas máis procelosas"

28. Fran Pérez, Narf
Músico
Unha pequena xoia da
literatura experimental.

29. Fran Pérez, Narf
O libro das pontes invisíbles/ The Book of invisible Bridges Xelís de
Toro é unha pequena xoia da literatura experimental editada
no Reino Unido na que o escritor, performer e activista cultural
Xelís de Toro, convidou a artistas das máis variadas disciplinas
a realizar obras inspiradas nos poemas, textos e contos que
compoñen o libro. Editado en galego e en inglés na edición
orixinal vai acompañado dun dvd que recolle os traballos de
performance, pintura, danza, música, teatro, video arte, etc,
realizadas por un amplo elenco de artistas británicos e galegos
que conforman unha especie de versión audiovisual do propio
libro.

30. Pedro Feijoo
Escritor e músico
Por fin existía un novo xeito
de facer as cousas.

31. Pedro Feijoo
"Se eu tivese que quedar con nada máis un dos libros que lin naquel tempo “de entre
guerras” (xa sabedes, no paso do instituto á facultade), sería este,
A sombra cazadora, de Suso de Toro. E seríao por moitas razóns…
Como xa teño dito en moitas ocasións, un dos grandísimos valores de Suso de Toro
foi o de aprendernos a toda unha xeración de rapazada galega que por fin existía un
novo xeito de facer as cousas. Suso demostrounos que a Literatura galega podía ser
outra historia, outra película. Unha ben máis moderna, por fin afastada do tópico
(do “topicazo”, diría eu...), onde os nenos xa non quedaban en labregos, e os homes
dicían “Corre, hostia, corre!” mentres corrían, hostia, corrían polas rúas da cidade.
Xa algo nos cheiráramos a finais dos 80, logo de ler outras obras súas, como Caixón
desastre, Ambulancia, ou a xenial Polaroid. Pero cando os anos 80 se converteron nos 90,
Suso tamén mudou. Para cando nos quixemos dar conta, el xa se convertera noutra
cousa...

32. Pedro Feijoo
Cando chegou A sombra cazadora, o noso libro, Suso xa se transformara nese
outro personaxe estraño, misterioso, que cada vez máis e máis iamos vendo
na tele ou no xornal: aquel escritor que, amais de dicir cousas tan interesantes
e falar tan clariño, chamándolles ás cousas polo seu nome, xamais tiraba as
gafas de sol. Hostia, neno, un escritor que sae na telegaita con gafas de sol! Pero isto que
é, como se fose unha puta estrela do rock?! Mooolaaa...
Por se isto fose pouco, o libro non quedaba atrás. A historia dos dous irmáns
pelexando contra aquela especie de Gran Hermano que xa todo o controlaba
desde o televisor moito antes de que o coñazo da Mercedes Milá aparecese
dando a tabarra en Tele 5. E outra vez aquelas fodidas gafas de sol... Que
carallo pasaba de repente con tanta gafa de sol?
De propina, resulta que este libro que vos propoño foi o que inaugurou a
colección “Fóra de xogo”, a grande serie que, desde o ano 1994, vén sendo
bandeira e galería da mellor literatura xuvenil en Galiza. Aí é nada... Lume!"

33. Concha Blanco
Mestra e escritora
Non deixará impasibles aos
lectores e lectoras.

34. Concha Blanco
Recomendo o título Rubicundo da autora María Canosa
publicado por Edicións Xerais, por ser un libro no que a
historia que nel se conta é moi orixinal, pracenteira e ben
tratada. Non deixará impasibles aos lectores e lectoras.Toda a
obra está envolta nun halo de tenrura emanada polos seus
personaxes e axudado tamén polas logradas ilustracións de
Dani Padrón. A nena Erea cada noite escoitaba o son da
bicicleta do seu veciño, un señor un tanto especial non só coa
vestimenta senón tamén coas actitudes, que a tiñan
desconcertada, ata que decidiu seguilo e así conseguir saber o
que realmente pasaba.

35. Xurxo Mariño
Doutor en Ciencias Biolóxicas, divulgador científico
Unha fiestra marabillosa
para penetrar na mente
sempre inqueda de Lupe.

36. Xurxo Mariño
NOVONEYRA:Ola Heidi. Tes as fazulas moi encarnadas. Estás namorada?
HEIDI:Estou embarazada de catro meses. Teño tantos poemas na barriga! Necesito
outra barriga para poder gardar tanta poesía.
ROSALÍA: Querido Tom Waits. Que fas dentro desta maza? Estás perdido no bosque?
Cantas tan ben como o gume desapaixonado dun coitelo con taquicardias e febre. Eu
estaba paseando tranquilamente polo bosque das palabras e caín dentro desta mazá.
TOM WAITS:Querida Rosalía, deberías dedicarte ao mundo dos programas
radiofónicos. A túa voz soa tan desconsolada, tan aritmética, tan fotográfica.
O de arriba son dous fragmentos dos Diálogos imposíbeis de Lupe Gómez, unha das
miñas poetas galegas favoritas. Lupe é desvergonzada, orixinal, intensa e, por veces,
moi divertida. Este libro, que é unha mestura de poesía e teatro, garda no seu interior
un feixe de diálogos surrealistas entre todo tipo de personaxes; galegos e internacionais,
vivos e mortos, reais e ficticios. Unha fiestra marabillosa para penetrar na mente
sempre inqueda de Lupe.

37. Avelino González
Actor
Inigualable en emoción e
calidade

38. Avelino González
Porca Terra de John Berger na tradución de Xoán
Abeleira editada en Rinoceronte. Un libro
inigualable en emoción e calidade á hora de falar da
xente de aldea, unha tradución marabillosa feita en
galego da montaña de Ourense. Un librazo!

39. Xabier Docampo
Mestre, actor e director de teatro
Obra de brillante beleza,
cheo de humor e de graza e
dunha intelixencia suprema.

40. Xabier Docampo
Leo Merlín e familia de Álvaro Cunqueiro porque é unha obra mestra da nosa literatura. Como
podedes ver pola foto é unha edición antiga, de 1968, que sempre me acompañou (a primeira
era de 1955 e eu era moi pequeno para mercala). É un libro que me gusta moito e que releo de
cando en vez, e sempre me parece novo e sempre me descobre cousas que en lecturas anteriores
se me escaparan. É unha obra de brillante beleza, cheo de humor e de graza e dunha
intelixencia suprema. Certo que é o meu libro favorito do autor, pero podería dicir o mesmo de
calquera outro, tanto dos escritos en galego coma dos feitos en castelán, porque Cunqueiro é un
escritor que todo fixo ben: as novelas, os relatos, a poesía, o teatro, os artigos de prensa…
Recoméndovos moito que leades con frecuencia este autor porque é un gozo que moi poucos
outros vos poderá dar. Lédeo sen medo, porque canto máis o fagades máis vos ha gustar e mellor
o comprenderedes, Ah, e sempre teredes garantido un sorriso de satisfacción durante a lectura,
porque as súas obras son sempre moi divertidas.
Unha cousa máis. Por expreso desexo del, na tumba de Álvaro Cunqueiro lese este epitafio:
«Eiqui xaz alguén, que coa súa obra, fixo que Galicia durase mil primaveras máis».
Apertas e que o voso corazón se vaia enchendo de fermosas historias.

41. David Bruzos
Deputado mas Cortes Xerais, profesor de Física e Química
Unha fantástica creación
literaria feita na nosa
terra.

42. David Bruzos
Gústame recomendar o Made in Galiza de Séchu Sende
tanto pola obra como polo seu autor. Unha fantástica
creación literaria feita na nosa terra, por un autor
comprometido e compañeiro de profesión, pois é profesor
de Lingua e Literatura en secundaria. Unha obra que
amosa a calidade artística que temos no noso país, e que
precisa poñerse en valor se ser recoñecida como tal. E, por
se fose pouco, unha obra coa que desfrutar da lectura con
42 relatos cos que nos sentiremos plenamente
identificadas. Agardo que a desfrutedes tanto coma min.

43. Pilar Neira
Mestra, presidenta Mudegá ex-selecionadora Galega fútbol.
…o soño de deixar soñar ás
nenas, mailos nenos

44. Pilar Neira
Quizais Manuel María, cos Soños na gaiola, acade o
soño de deixar soñar ás nenas, mailos nenos, coa
liberdade precisa, imprescindíbel, para que sexan
capaces de seren eles mesmos, facendo que nós
sexamos con eles, neles, facendo realidade os nosos
soños, ata o agora engaiolados.

45. Caxade
Músico e mestre
Leitura crítica, metafórica
e atual

46. Caxade
O livro escolhido é Sopa Verde. Aínda que a autora, Ângela
Madeira, semelha ter a intençom neste livro infantil defazer-
lhes ver às crianças que devem comer detodo, seja ou nom
um alimento conhecido ou do seu agrando, gosto também
depensar numha leitura crítica, metafórica e atual, que é a
oposta à mais amável que lhe dá inicialmente a autora do
livro, e que vai da mão da poética do meu vídeo "Gente
Pota". Ás vezes pensamos que comemos sopa verde, mas
nom sabemos o que realmente nela nos botarom os que
governan a nossa alimentaçom ou a nossa vida em geral.

47. Federico Pérez Rey
Actor
Manancial
Xavier Manteiga
Pa ra m i n s u p u xo u n h a
entrada de aire fresco na
literatura galega.

48. Ramón Vilar Landeira
Escritor e periodista
Laura no deserto
Antón Riveiro Coello
Nalgunhas novelas aprendemos
que a vida hai que loitala e que
a única derrota é que outros a
vivan por ti.

49. Bocixa
Músico
Un clásico, un cómic,un
poemario e un libro-disco.

50. Bocixa
Recomendo catro traballos. Estou rodeado, he,he!:un o
clásico xa Made in Galiza de Séchu Sende, Castelao O Pobre
Tolo, cómic con guión de Inacio Vilariño e Iván Suárez no
debuxo (relata o desterro de Castelao a Badaxoz), Átonos
da carballesa Rosalía Fernández Rial e un recente libro
disco que se presentou en abril en directo en Compostela
nun concerto. Poemas de Manuel María coa Banda Fran Amile a
tribo incomprensíbel no que cantan Paula Romero (A
Gramola Gominola, De Vacas...), Belén Tajes, O Leo, MJ
Perez, Jasper e un tal Bocixa.

51. Evaristo Calvo e Víctor Mosqueira
Actores
Os dous de sempre
Alfonso R. Castelao
Hai libros que unen moito.
Pódense ler entre dous…
De sempre!

52. Quico Cadaval
Actor e director de teatro
O tío Miseria
Enrique Labarta Pose
Cóntase en todas as culturas
do mundo, pero a no sa
versión é a mellor.

53. Diego Ameixeiras
Escritor e guionista
Imposible lela sen un sorriso
na boca.

54. Diego Ameixeiras
Triste, solitario y final, do arxentino Osvaldo Soriano
(1943-1977). Unha das miñas novelas preferidas.
Está chea de humor e melancolía. Imposible lela sen
un sorriso na boca. Imaxinades a Stan Laurel, o
mítico humorista do Gordo e o Fraco, querendo
contratar a un detective como Philip Marlowe? Xa
me contaredes!

55. Mª Carmen Méndez
Mestra infantil CPI As Revoltas
O principiño
Antoine de Saint-Exupéry
P o r q u e n o s r e c o r d a q u e
independentemente da idade que
t e ñ a m o s n u n c a d e b e m o s
esquecernos do neno que un día
fomos.

56. Rocio Alvarellos
Mestra infantil CPI As Revoltas
Ofrece unha forma distinta
de ver e entender a vida.

57. Rocío Alvarellos
El mundo amarillo é o meu libro favorito porque
chegou no momento ídóneo, ofrecéndome unha
forma distinta de ver e entender a vida. Se cres nos
soños eles crearanse, se algo queres hai que loitar por
iso.

58. Chus Couto Cotelo
Mestra primaria CPI As Revoltas
Queixumes dos pinos
Eduardo Pondal
Escollín este libro porque “eu
nacín cabo do pinal espeso”
m o i p r e t o d a p e q u e n a
Ponteceso.

59. Silvana Castro García
Profesora de Lingua e Literatura Galega secundaria CPI As Revoltas
O esencial é invisible
aos ollos.

60. Silvana Castro García
Hai anos, Bárbara, unha querida amiga miña e unha das persoas máis
intelixentes que coñecín, díxome que lía O principiño, de Antoine de Saint-
Exupéry, cando menos unha vez ao ano. Decidida a (re)descubrir aquel
libro que coñecía desde a miña infancia e que mantiña semiesquecido nos
andeis da casa, tornei a lelo e marabilloume a lectura diferente que tirei del.
Desde esa, agora que á miña amiga e a min nos separa un océano de
distancia, O principiño converteuse nun dos meus libros imprescindibles, e
cada vez que o leo (cando menos unha vez ao ano, para non faltar ao ritual)
tiro algo novo del.
Velaí a grandeza desta obra, que baixo a aparencia dun libro infantil é todo
un relato onde narrativa, poesía, ilustracións, crítica e filosofía se mesturan
para nos deixar un baleiro na alma cada vez que temos que separarnos do
pequeno príncipe que non entende o noso mundo e que sente morriña do
seu reino de roseiras, baobabs e tres volcáns.

61. Mónica Parente Morales
Profesora Física e Química CPI As Revoltas
Pe q u e n a s c u ri o s i d a d es
científicas.

62. Mónica Parente Morales
Recomendo este libro xa que se trata dunha obra
con pequenas curiosidades científicas que espertan o
interese dos rapaces e rapazas pola ciencia.

63. Paula Figueira Domínguez
Mestra Educación Física de Primaria CPI As Revoltas
Unha nena espertou un día
e non sabía como se chamada

64. Paula Figueira Domínguez
Este é o meu libro favorito porque é un libro
personalizado que lle fixemos á miña filla, no que
unha nena espertou un día e non sabía como se
chamada. Viviu varias aventuras ata que descubriu
que o seu nome era ICÍA. Léollo á miña filla polas
noites antes de durmir.

65. Xohán Xabier Baldomir Cabanas
Profesor de Lingua e Literatura Galega CPI As Revoltas
Un príncipe que non quere
s e r r e i . . . p o r q u e é
republicano!

66. Xohán Xabier Baldomir Cabanas
As Viaxes do Príncipe Azul, de Darío Xohán Cabana, é
unha divertida historia sobre un príncipe que non
quere ser rei... porque é republicano! Trátase dun libro
interesante que mostra de forma irónica as presións
que, ás veces, os pais e as nais exercen sobre os seus
fillos e fillas para que sigan un camiño que, quizais,
sexa "o mellor", mais non é o que os fai felices. Ao
final, o príncipe Celurio encontrará a súa verdadeira
vocación. Todas e todos nós debemos encontrar a nosa.

67. Mila Diéguez Taboada
Profesora Matemáticas CPI As Revoltas
A literatura é unha ciencia
e as matemáticas tamén son
cultura.

68. Mila Diéguez Taboada
Poderiavos recomendar feixes de libros, poderiavos transmitir a miña
fonda admiración por eses xénios que fían palabras para tecer os soños
que confeccionan as historias,historias que saben a mel cando son na nosa
lingua.
Pero decidín que hoxe vos vou presentar un título, A estatística en caricaturas,
que non destaca pola súa prosa,nin tan sequera ten ilustracións
marabillosas, pero evitará que digades ou creades barbaridades tales como:
Pasei duns beneficios dun 30% a un 20%, e dicir disminuiron un 10%
Lede moito,lede sempre,lede de todo,porque a literatura é unha ciencia e
as matemáticas tamén son cultura.

69. ISABEL RISCO
Actriz
A Esmorga
Eduardo Blanco Amor
Con esta obra vivín unha
b o r r a c h e i r a m e n t a l d e
emocións.

70. ISABEL RISCO
Con esta obra vivín unha borracheira mental de
emocións. Para min é única, pasoume algo similar
cando lin tempo despois Trainsppoting, do escritor
escocés Irvine Welsh, e as dúas teñen moi boas
versións cinematográficas, mais mergullarse na
lectura da Esmorga é unha terapia e unha actividade
altamente recomendábel, vivirás experiencias novas
e ficarás bébeda sen ter que recorrer a ningunha
substancia!

71. SILVIA MUÍÑO
Traballadora da administración local e blogueira de moda
Made in Galiza
Sechu Sende
Sempre está de moda.

72. SILVIA MUÍÑO
Made in Galiza sempre está de moda. É un libro con
historias orixinais e únicas que nos transporta ao
mundo das palabras. O humor acompaña a
orixinalidade e a ironía coa que se fala da situación
da lingua galega a través de diferentes relatos.
Recoméndovos esta lectura porque é transformadora
e rebelde e achega unha perspectiva crítica sobre
situacións surrealistas que vivimos decotío moitas
galegas e galegos. Que teñades feliz lectura!

73. MARÍA LADO
Poeta
Aí foi cando decidín que eu
quería ser poeta, pero poeta
así, botando unhas risas.

74. MARÍA LADO
Eu sempre recomendo ler o libro de Ronseltz porque creo que
é unha maneira intelixente e divertida de achegarse á poesía.
Eu lino de adolescente, pouco despois de velos recitar no meu
instituto e encantoume. Recordo que o recital me parecera
unha pasada, con moita retranca e un montón de referencias
literarias e non literarias das que daquela pillei só algunhas. E
creo que me marcou moito. Aí foi cando decidín que eu quería
ser poeta, pero poeta así, botando unhas risas. Ao final
conseguín ser poeta mesturando as risas e os poemas serios.
Pero todo comezou con Ronseltz, por iso o recomendo sempre.

75. LIDIA SENRA
Eurodeputada
Ler ou reler a Manuel
María vai contribuír de
forma moi importante a
ganar a austoestima.

76. LIDIA SENRA
Neste momento, no que a nosa língua, a nosa
cultura, a nosa terra, o noso mar e, mesmo a
profesión labrega non deixan de recibir ataques por
parte dos nosos gobernos, creo que ler ou reler a
Manuel María vai contribuír de forma moi
importante a ganar a austoestima que precisamos
para valorar o que somos e para defendernos como
pobo.

77. INMA LÓPEZ SILVA
Profesora na ESAD, escritora e crítica literaria
A peza é interesante porque
retrata un espazo urbano e
marxinal .

78. INMA LÓPEZ SILVA
Recomendo Limpeza de sangue, de Ruben Ruibal. É un
dos nosos premios nacionais, e a peza é interesante
porque retrata un espazo urbano e marxinal que,
malia existir na Galiza dos últimos trinta anos, poucas
veces aparece tan ben retratado na nosa literatura. A
ese retrato fiel contribúe moito o traballo coa variante
urbana da lingua galega, pero tamén a sensibilidade
coa que se trata os personaxes e mais unha historia
que mantén de principio a fin intriga e sentido critico

79. ROSALÍA FERNÁNDEZ RIAL
Profesora e escritora
Un libro para xente moza e
inconformista.

80. ROSALÍA FERNÁNDEZ RIAL
“Poesía e rebelión!”, así, con exclamación! Berrando,
cuspindo e con espírito irreverente prologan Alonso e
Carlos Negro unha antoloxía de textos subversivos,
atrevidos, rebuldeiros, eróticos, festivos, de denuncia, mal
falados, sorprendentes…. Unhas composicións, que a
pesar de todo, “non morden”, tal e como advirten ambos
autores. Un libro, en definitiva, para xente moza e
inconformista, para recitarlle á orella aos ligues do verán e
soltar versos mentres nos tiramos na bici polas pistas de
Bergantiños e as praias Costa da Morte… Atréveste?

81. SECHU SENDE
Profesor e escritor
É poesia mui potente!

82. SECHU SENDE
Este livro é um dos meus favoritos porque tem umha
propriedade especial: é revolucionário! E está
cheinho de humor, amor, sexo, emoçons fortes e
ideias para mudar o mundo. É poesia mui potente!

83. Jorge Mira
Profesor da USC
O meirande símbolo da
capacidade humana é o
reflexionar sobre a súa
propia existencia

84. Jorge Mira
O meirande símbolo da capacidade humana é o reflexionar
sobre a súa propia existencia: a materia, artellada en forma
de vida, consegue facerse preguntas sobre si mesma.
Esa reflexión inclúe descubrir cal é o tamaño do Universo
no que vivimos ou, o que é o mesmo, saber a que altura
está o ceo. Esa pregunta tardou milenios en poderse
respostar. Só agora, no século XXI, puidemos gozar do
privilexio de darlle resposta definitiva.
Creo que todo o mundo desta época debería coñecer a
resposta a unha pregunta que tardou tanto en resolverse.

85. GORETTI SANMARTÍN
Vicepresidenta da Deputación da Coruña e profesora da UDC
Sempre hai algún momento
especial en que os segredos
non aturan máis e teñen que
se manifestar.

86. GORETTI SANMARTÍN
Cabalos e lobos é unha novela que indaga nas historias familiares, nesas que se
gardan nas gabetas e das que nunca se fala. Ou case nunca. Porque sempre hai
algún momento especial en que os segredos non aturan máis e teñen que se
manifestar, que romper os candeados que os encerran e deixar voar os
sentimentos apreixados. Cabalos e lobos é unha novela sobre a dureza da
verdade. E ese enfrontar a verdade remata por ser a única maneira de achar a
felicidade.
A sabedoría, o camiño e a aprendizaxe únense ás diferenzas xeracionais, ás
diversas maneiras de vivir. O silencio e a represión fronte á naturalidade de
Thomas, o fillo de Paula Beckmann, dos Beckmann da Gran Vía viguesa,
Paula a alemá ou a "nazi", a representante dunha familia acomodada con vidas
cheas de misterio.
A novela, para alén de arrecender a libros, de nos pór diante dos ollos a
importancia da escrita, a forza da palabra, está redactada nun estilo fluído,
posúe un magnífico galego e é obra dun autor que manexa moitos rexistros e
ten o don da comunicación.

87. GORETTI SANMARTÍN
O seu autor, Fran P. Lorenzo, é un xornalista ben coñecido na cidade de
Compostela, unha persoa que leva o oficio de escritor nos ollos, nos
ouvidos e nas mans. Esta é a súa primeira novela publicada, unha obra
que recibiu o Premio Blanco Amor de Novela Longa no ano 2014. Fran
pertence a ese grupo de escritores poderosos, con anos de saber e de
lecturas acumuladas e moitas ganas de achegar o seu relato a ese que,
colectivamente, o pobo galego ten que cantar.
Porque só o diálógo con autoras e autores contemporáneas/ os fan
posible soñarmos cun mundo mellor e porque as lecturas partilladas
crean comunidade, quero parabenizar esta iniciativa e desexar con
intensidade que esta lectura tire por outra, e a outra por máis unha e así
sucesivamente.

88. CÁNDIDO PAZÓ
Actor e dramaturgo
S o n h is t o ri a s p ro p o st a ,
historias fermento, historias
porta, historias semente…

89. CÁNDIDO PAZÓ
Romaría de historias, o último que escribiu Neira Vilas.
A contraportada aínda fala del en presente, pero xa
non puido estar para a súa presentación en público.
Son historias proposta, historias fermento, historias
porta, historias semente… como se Neira nos
convidase a terminarmos un camiño de evocación e
imaxinación que nos quixo deixar en herdanza. Un
libro para ler pasiño a pasiño, como quen vai de
romaría.

90. MANUEL LOURENZO
Actor e dramaturgo
Toda a vangarda teatral
europea está aquí.

91. MANUEL LOURENZO
"Toda a vangarda teatral europea está aquí, nesta
hucha dos tesouros, imprescindíbel para poder
avanzar mesmo sobre o pedroallo".O libro
recomendado é o Teatro de Máscaras de Otero
Pedrayo.

92. XABIER DÍAZ
Músico
Viva a lírica popular e a
lectura.

93. XABIER DÍAZ
Podería valer calquera dos cancioneiros de lírica popular
do país (Dorothe, Casto Sampedro, Cabanillas etc) pero
vai este porque a compilación atinxe ao período da
segunda metade do XIX e tanto o vocabulario coma as
construcións empregadas son especialmente requintadas e
exquisitas dende o meu punto de vista, viva a lírica
popular e a lectura en calquera das súas manifestacións ou
xéneros.
Apertas e alalás!

94. Carlos Callón
Profesor e activista da lingua
Permite coñecermos mellor a
nosa nación

95. Carlos Callón
Custoume moito traballo escoller un libro para
recomendar. Mesmo me custou traballo decidirme
por un en concreto dentro da obra de Miguel-Anxo
Murado, un dos mellores autores actuais. Gusto da
súa obra dramática, da súa narrativa e son
apaixonado polos seus ensaios. Entre eles,
recomendo desta volta Outra idea de Galicia, porque
permite coñecermos mellor a nosa nación, a través
de perspectivas e anécdotas que nos van sorprender.

96. Anxos Sumai
Escritora e documentalista
Son relatos crueis e tenros,
fermosos e tristes así como
somos nós.

97. Anxos Sumai
O primeiro poemario que lin de Olalla Cociña foi Aquí
(intemperies): descubrímonos como dous peixes que se observan
con curiosidade, cada unha no seu acuario. Despois foi o Libro
de Alicia: mirei pola ventá da cociña e vinme a min dentro
porque, alí dentro, tamén estaba o meu mundo, co perfume
vivo das desaparicións, as presenzas e as lembranzas. En
Ningún precipicio a poeta e mais eu atopámonos cara a cara.
Asumín os versos, afectoume a infancia, o amor, os xogos, a
lingua, o desexo. Os poemas por veces son relatos crueis e
tenros, fermosos e tristes así como somos nós: ceo e inferno
abrindo precipicios que superamos celebrando as
contradiccións, a alegría , a casa que habitamos, o medo
infantil que nos fascina, o confort ou o desconcerto do
cotián...

98. Anxos Sumai
Na éxtase da lectura, o libro turra de min e enraízo. Fun cada
verso, sempre alerta porque nunca sabía cando me iluminaría a
luz nin cando me asombraría a sombra.Sempre atenta ás
palabras imprevistas porque “cómo te marean, voces previsoras
están dicindo xa que o mellor que lles pode pasar a ese fato de
palabras globo é que se solte. Perderse”. Olalla Cociña
escribiume unha dedicatoria neste poemario: “... porque nas
flores, para que as nosas escritas nos sigan contendo”. Sobre
ningún precipicio, despois da contención, son as palabras quen
nos converten en paxaros, en papaventos e en globos. E si,
queremos ceibarnos.

99. Manuel Vicente
Doutor en Ciencias Químicas e divulgador científico
Conta as vidas paralelas e
Gauss e Humboldt

100. Manuel Vicente
Son Manuel Vicente do programa de divulgación
científica Efervesciencia que se emite na Radio
Galega. A miña recomendación literaria é o libro "A
medición do mundo" de Daniel Kejlmann. É unha
novela que conta as vidas paralelas e Gauss e
Humboldt. Que por certo este último pasou por
Galicia antes de emprender a súa viaxe de
descubrimentos por América. Agardo que vos guste"

101. Elena Gallego Abad
Escritora e periodista
Sete caveiras
Elena Gallego Abad

102. Xosé Luis Rivas, Mini
Mestre, músico, concelleiro en Boimorto e candidato ao Senado polo BNG.
Tonecho de Rebordechao
Breogán Riveiro

103. Celso Fernández Sanmartín
Filósofo, poeta, labrego e contador de historias
Va l o r i n c a l c u l a b l e d e
resumir a vida completa do
carro.

104. Celso Fernández Sanmartín
O libro documental O carro e o home, de Xoaquín
Lorenzo ten para min o valor incalculable de resumir
a vida completa dun apeiro de uso na Galicia rural:
o carro. Sei que para o alumnado lles pode parecer
antigo de máis … pero a estrutura do documental é
o que me interesa, e é aplicable a calquera
ferramenta ou obxecto de uso actual. E tamén
porque etnograficamente é interesante e poético.

105. JAVIER MANJARÍN
Ex-xogador do Deportivo
D o n Q u i j o t e d e l a
Mancha
Miguel de Cervantes Saavedra
Porque cada capítulo era
una aventura.

106. Rosalia Fariña Cotelo
Cociñeira no CPI As Revoltas
Receitas como as que fan as
nosas avoas.

107. Rosalia Fariña Cotelo,
Elixín este libro de cociña e recomendo porque ten
receitas de cociña tradicional galega con receitas
como as que fan as nosas avoas. Álvaro Cunqueiro e
AraceliFilgueira Iglesias.

108. Pilar Orgeira Rey
Cociñeira no CPI As Revoltas
Experiencias persoais dos
nenos na infancia e na
adolescencia

109. Pilar Orgeira Rey
Elixín este libro porque narra as experiencias
persoais dos nenos na infancia e na adolescencia.

110. Ana María Amado Pastoriza
Cociñeira no CPI As Revoltas
Aínda non acabaches de ler
unha páxina cando xa queres
saber o que pasa na seguinte.

111. Ana María Amado Pastoriza
"Este é o meu libro favorito porque ten moita intriga,
aínda non acabaches de ler unha páxina cando xa
queres saber o que pasa na seguinte, tamén me
gustou porque fala de lugares galegos "

112. José María Bregua
Profesor de Educación Plástica e visual do CPI AS Revoltas
Dunha forma novelada e
moi amena, narrando as
vicisitudes de cinco familias
de distintas nacionalidades

113. José María Bregua
O libro La Caída de los Gigantes do escritor Kent Follet é un
dos meus libros favoritos dos últimos anos, xa que con el
iniciou a triloxía The Century, e con ela dunha forma
novelada e moi amena, narrando as vicisitudes de cinco
familias de distintas nacionalidades, das que interveñen
nos conflitos bélicos, fai un repaso sobre a sociedade, os
costumes e os acontecementos ocorridos, neste primeiro
na primeira guerra mundial; no segundo titulado El
Invierno del Mundo na segunda guerra mundial; e no
terceiro titulado El Umbral de la Tierra na guerra fría.

114. Celia Bello Lorenzo
Profesora Tecnoloxía CPI As Revoltas
La ridícula idea
de no volver a verte.
Rosa Montero
"Si uno no hace suficientes
concesiones, lo aplastan; si hace
d e m a s i a d a s, es i n n o b l e y s e
desprecia a sí mismo"

115. Celia Bello Lorenzo
A historia dunha muller fascinante como Marie
Curie mesturada co recordo persoal da autora, que
espertou en min emoción e complicidade...

116. Ana Fuentes García
Directora do CPI As Revoltas, profesora de Francés
Les Profs
Ler é rir, viaxar, pensar,
namorarse, compartir, e sobre
todo vivir.

117. Francisco Luís Abella Cruz
Profesor de Lingua castelá CPI As Revoltas
Non teño un libro preferido,
todos me gustan...

118. Francisco Luís Abella Cruz
Non teño un libro preferido, todos me gustan...
Escollín este porque foi o primeiro libro que merquei
con cartos de meu. É unha edición probiña, e as follas
parece que se queren soltar, pero aínda o conservo.

119. Xoán Gabeiras Vérez
Profesor de Xeografía e Historia CPI As Revoltas
Sempre en Galiza
Alfonso R. Castelao
A Biblia dunha Nación
morta antes de nacer.

120. José Ramón Varela Rey
Profesor Bioloxía CPI As Revoltas
S o ñ o q u e a l g ú n d í a a
lectura esperte a mesma
paixón que o fútbol no noso
país.

121. José Ramón Varela Rey
Recomendo esta novela histórica e social, escrita
polo amigo Pepe Neira Vilas, a tod@s @s alumn@s
do CPI As Revoltas.Todos, nalgún momento da vida,
fomos Balbino.

122. Ana Isabel Martínez
Profesora de Lingua e Literatura Galega CPI As Revoltas
Escribir un best seller
non é incompatíbel con
crear unha obra de grande
calidade literaria.

123. Ana Isabel Martínez
A memoria da choiva é un thriller literario ambientado
en Compostela mergullando na nosa tradición
literaria, coa figura de Rosalía de Castro como pano
de fondo. Demostra que escribir un best seller non é
incompatíbel con crear unha obra de grande
calidade literaria con altas doses de lirismo na súa
prosa e cheo de sentido do humor, que atrae os
lectores desde a primeira liña.

124. Pablo Díaz
Músico
Po d e m o s v e r di f e re n t es
maneiras de interpretar o
m u n d o e d e f a c e r n o s
reflexionar.

125. Pablo Díaz
Usha é un libro que fala da historia dunha nena galega, Uxía, que marcha coa
súa nai a Devastana, situada na India, no estado de Karnataka, para traballar
nunha ONG. Ao marchar para alí, descobre unha vida ata o momento
descoñecida e aprende a sobrevivir doutra forma máis humilde, pero máis
feliz.
Ademais de aprender alí moitas cousas, nunca estivo soa grazas a Lakshmi e
Deepak, os seus mellores amigos que a acompañaron durante todas as súas
aventuras e que sen dúbida nunca olvidará.
Desde unha óptica adolescente, podemos ver diferentes maneiras de
interpretar o mundo e de facernos reflexionar sobre aspectos como o benestar,
o compañeirismo, a lingua ou a cultura, que moitas veces minusvaloramos.

126. SERGIO ÁLVAREZ
Porteiro do Celta de Vigo
Novela negra que turrará
pola vosa curiosidade páxina
a páxina.

127. SERGIO ÁLVAREZ
Recoméndovos o libro de Rosa Aneiros por ser unha
historia de amor e liberdade nos tempos duros da
ditadura salazarista de Portugal; Os fillos do mar é unha
magnífica novela negra que turrará pola vosa
curiosidade páxina a páxina; e María Reimóndez
ofrécenos unha novela na que reflexiona sobre a
importancia do xornalismo para cuestionar os conflitos
bélicos, como nestes tempos de guerra nos que sufren
moitos pobos. Aproveitade coa lectura destas páxinas.

128. David Casado Bravo
Profesor Bioloxía e Xeoloxía CPI As Revoltas
El arte de la cetrería
Felix Rodrígez de la Fuente
Le, comprende e apaixónate
da natureza.

129. Mercedes Queixas
Escritora e profesora de Lingua e Literatura Galega
Irrenunciábel lección de vida
dun onte e un antonte en que
foi preciso mover os marcos e
tronzar todos os valados.

130. Mercedes Queixas
Gusto de botar a ollada atrás polo retrovisor da familia.
Gusto de confirmar a evolución da mulleres da miña estirpe, sempre inquedas, nunca
estáticas nin indiferentes. Irrenunciábel lección de vida dun onte e un antonte en que foi
preciso mover os marcos e tronzar todos os valados.
Desde o momento en que confirmei a emoción daquela miña primeira gravidez, souben que
eu era unha man e un pé máis no que Ela debía achar o resorte preciso para marcar un novo
chanzo.
Eu, lectora, faláballe a Ela, o soño que estaba por chegar desde o meu ventre cada vez máis
rebuldeiro. Ela, narradora, faláballe a Xoana, a navegar nas augas amnióticas do seu ventre.
Ela falaba da tataravoa Pepa, da bisavoa Rosa, da avoa Carolina, da nai Carme.
Eu contaba o percorrido da evolución dos fotogramas de branco e negro e sepia, despois a
toda cor, que o álbum familiar atesouraba. Relataba os días partillados con elas, coas
mulleres de meu que me construíron, mesmo sen o saber. Eu reconstruía as pezas dun
quebracabezas de superación que comezaba coas bisavoas Daniela, Carmela e Amparo,
continuaba coas avoas Preciosa e Mercedes e chegaba á nai, Carmiña. As nosas mulleres, o
noso presente, o futuro con Ela!

131. Galicia Gutiérrez Gantes
PT CPI As Revoltas
O b r a d e t e a t r o
infantil moi divertida
e un libro cheo de
maxia.

132. Galicia Gutiérrez Gantes
Pingueiras e tarteiras é unha obra de teatro infantil de
Teresa Costa que é moi divertida. Trata dunha raíña
que deixa no castelo para vivir nun circo. Unha das
obras máis divertidas que teño feito.
Si o vello Sinbad volvese as illas é un libro cheo de maxia. É
o libro que máis lembro dos que lin no instituto e moito
me gustou.
Estas son as miñas recomendacións, moitas apertas.

133. Angeles Pita
Profesora Lingua e Literatura Castelá CPI As Revoltas
Siempre hay lugar para la
es p e ra n z a , a u n q u e es t é
“rota”.

134. Angeles Pita
Primavera con una esquina rota, Mario Benedetti.
Una dictadura rompe un país y crea dos modos de
vivir: bajo el autoritarismo o en el exilio. A pesar de
la represión y del dolor las personas siguen luchando
y son ellas las que nos dan a conocer sus miedos, sus
preocupaciones, sus sueños… Siempre hay lugar
para la esperanza, aunque esté “rota”.

135. Ricardo de Barreiro
Actor
Un fiel intelixente e real
r e t r a t o d a s r e l a c i ó n s
humanas.

136. Ricardo de Barreiro
Recomendo A piragua,texto teatral de Cándido
Pazó,pola súa realidade social,e por ser un fiel
intelixente e real retrato das relación humanas.Un
libro para ler e para enmarcar.

137. GUILLERME FERNÁNDEZ
Músico
A u t o r a e a c t i v is t a
i m p res c i n di b l e d a n o s a
literatura actual.

138. GUILLERME FERNÁNDEZ
Circe ou o pracer do azul, de Begoña Caamaño.
Apaixonante relectura do mundo homérico desde
unha perspectiva feminina e feminista, dunha autora
e activista imprescindible da nosa literatura actual.

139. INÉS SALVADO
Música
Coa virtude de ser das boas
novelas, que por ela non
pasan os anos.

140. INÉS SALVADO
O capote/O abrigo unha pequena historia publicada no
1842, coa virtude de ser das boas novelas, que por
ela non pasan os anos. Chea de realismo crítico,
sentido do humor, sátira e un toque de elementos
fantásticos. A narrativa é moi sinxela e dalgunha
maneira máxica, atrapa e seduce. Poucos escritores
conseguen con poucas palabras describir un
personaxe e mergullarnosna súa peculiar visión do
mundo.

141. FAIA DÍAZ
Música
Poetas cercanas coas que
compartir moitas cousas.

142. FAIA DÍAZ
Poetas galegas que escriben sobre o amor... sobre a
vida. Poetas cercanas coas que compartir moitas
cousas.
Ana Romaní, agardo que a disfrutedes!

143. PAULA ROMERO
Música
Como poderiamos facer do
mundo un lugar máis xusto e
máis honrado. Polo menos
hai que intentalo, non?

144. PAULA ROMERO
A miña recomendación é Todos deberíamos ser feministas
de Chimamanda Ngozi Adichie. Este libro fala de
como poderiamos facer do mundo un lugar máis
xusto e máis honrado. Polo menos hai que intentalo,
non?

145. – Equipo da biblioteca do CPI As Revoltas
“Grazas a todos e a todas, coa vosa colaboración
desinteresada axudástesnos a transmitir a paixón pola
lectura ”