Toro-hevitra hiarovana ny fihavanana sy fifankatiavana tsy ho rava. Ho an'ny mpivady sy ny ankohonana ary ny mpinamana

1. Toro-hevitra 5 hihazonana ny
fifankatiavana tsy ho rava
Mihavana amin’ny olona rehetra

2. Mahafinaritra ery rehefa mahazo
namana vaovao, na rehefa
mifandray tsara amin’ny olona,
na havana izany, na namana, na
ny vinanto sy ny rafozana, na ny
mpianakavin’ny finoana, na
olom-pantatra eo amin’ny
fiaraha-monina; ary amin’izany
dia tokony hiezaka hitandro ny
fihavanana mba ho tsara hatrany
hatrany.
Fampidirana

3. Ny olana nefa dia, tsy mora
foana akory ny mitandro
fifankatiavana amin’ny olona
tiana sy ny manodidina toy
izany. Mety ho maro no
antony mahasarotra izany,
toy ny tsy fitovian’ny zavatra
tiana atao, na ny tsy
fitovian’ny fomba fanao, ny
fomba fijery, ny fisainana ary
ny fihevitra.

4. Izany fahasamihafana rehetra izany
matetika dia mitarika adiady madinika,
izay mety mihafara amin’ny fifamaliana
sy korontana, na dia amin’ireo
mpiraitampo sy mpivady efa niray
trano nandritry ny taona maro aza.
Ary amin’izany, raha be loatra ny
ambom-pon’ny tsirairay, sady tsy
mahay mifandefitra no tsy maharitra
amin’ny fibanjinana ny tanjona
iombonana, dia ho rava tanteraka ny
fihavanana.

5. Efa fantatra mazava tsara anefa
fa ny tanjon’ny devoly dia ny
hanakorontana tokantrano sy
ny handrava ny fihavanana eo
amin’ny mpianakavin’ny
finoana.
Nefa, raha manana fandeferana sady
mifanaja ny tsirairay avy, dia ho
voaaro amin’ny fifandirana isika ary ho
voatandro ny fihavanana. Inona àry no
tokony hatao mba hitandrovana ny
fihavanana?

6. Mba hanjakan’ny fifankatiavana, ny zavatra
tokony hatao voalohany dia mila manana
fitoniana tanteraka ny tsirairay avy. Na
inona na inona zavatra mitranga, dia tokony
hanana fitonian-tsaina sy tsy hisendaotra,
ary tokony ho tony mandrakariva ny fo sy
ny saina.
Mety misy fomba maro azo atao
hitandrovana ny fihavanana sy
hampirindrana ny fiaraha-monina; nefa, ny 5
amin’ireny no ho dinihintsika:
Ny tokony hatao mba
hampirindra ny fihavanana

7. • Tokony ho tony
mandrakariva
• Miresaha amin’
Andriamanitra
• Fadio ny teny tsy
voahevitra
• Raha toa ka feno
loatra ny fo dia
mialà kely
• Fiombonana
matetika

8. Fanirian’ny olona rehetra ny hanana fifandraisana
mahafinaritra amin’ny manodidina azy. Ny olana
anefa dia matetika isika no mihevitra fa ireny
namantsika ireny dia Olona Tanteraka ka tsy
manana fahalemena.
Noho izany, raha vao mahafantatra ny fahalemeny
isika, dia tsy haintsika ny miatrika ny fifandirana
aterak’izany. Izany tsy fahazakana ny fahalemen’ny
namana izany no mahatonga fifamaliana sy ady,
ary mety hahatonga fisarahana mihitsy aza aty
aoriana.
Tokony ho tony mandrakariva

9. • Mba hitandrovana ny
fihavanana, ny tokony
hatao voalohany dia
manàna fitoniana.
• Tokony hiezaka isika mba
tsy hifanditra ary tsy
mifamaly mihitsy.
• Tadidio tsara fa tsy misy
olona tanteraka amin’ny
fahatsarana na dia iray aza.
• Manàna fitoniana ary fadio
ny mihevitra fisarahana

10. Ankoatr’izany, amin’ny mahaolona mitafy
nofo antsika dia mety hanao fihetsika tsy
voahevitra indraindray, ka mahatonga ny
fitondrantena ho tsy araky ny tokony ho
izy. Noho izany, tadidio fa tsy misy
tanteraka akory ary anisan’izany io
namantsika io.
Fanampin’izany, ny faneriteren’ny zavatra
atrehina andavanandro, miampy ny
fanorisorenana avy amin’ny fiaraha-monina
dia mety misy fiantraikany amin’ny fomba
fisainana sy fihetsika atao.

11. Noho izany, manàna fitoniana
ary tandremo ny lela mba tsy
hiteny na inona na inona
mandritra ny fotoana
mahasosotra, fa vao mainka
haharatsy ny toe-draharaha
izany fihetsika izany.
Ny tokony hatao dia mitony
ary miezaka mahalala ny
anton-javatra rehetra ao
anatin’ny filaminana tanteraka.

12. Ezaho koa ny mihevitra am-
pilaminana ny ho voka-
dratsin’ny korontana ao
aoriana kely ao.
Tandrovy ny fihavanana tsy
ho rava ary banjino ny
tanjona iraisana ka ifantohy
ny hihazonana ny fihavanana
sy filaminana mba
hahatratrarana ny tanjona.

13. Nefa, mety ho sarotra amintsika ny ho tony
mandrakariva amin’ny maha olombelona antsika.
Mila mangataka amin’ Andriamanitra mandritry ny
fotoana isian’ny fifandirana mba ho tony sy hisian’ny
filaminana eo anivon’ny ankohonana.
Tsy ho haintsika mihitsy ny hanova antsika ho tony
raha tsy eo ny Fanahin’Andriamanitra izay manampy
antsika hahatanteraka izany. Mila madio am-po
mandrakariva ary mifamela heloka isika amin’izany.
Miresaha amin’Andriamanitra

14. Fanampin’izany, dia mila mahay manadino ny toe-
javatra lasa taloha koa, ary tsy tokony hitana am-po
ny zavatra lasa sy ny adiady lasa tany aloha tany; fa
tokony hangataka amin’ Andriamanitra amin’ny
anaran’i Jesosy mba hanadio ny fontsika sy
hahaizantsika hamela heloka.
Raha tojo olana sy korontana koa dia matetika isika
no mandeha mitantara ny zavamisy amin’ny namana
na ny havana akaiky. Marina fa manome torohevitra
antsika izy ireny ary miezaka manome vahaolana.
Mety mahomby ilay torohevitra; nefa mety tsy
mahomby koa indraindray.

15. Nefa, raha tojo olana isika, dia
Andriamanitra irery ihany no
afaka manome vahaolana
tena mahomby ho antsika;
noho izany, Izy no tokony
hilazantsika voalohany ny
zava-misy. Ahoana no
hahatanteraka izany?
• Mandritra ilay
ady sy
fifandirana dia
mivavaha avy
hatrany.

16. • Antsoy Andriamanitra Ray hanatrika ny fotoana
rehetra ary Izy no hanampy antsika hanana
fitoniana sy hitandro ny teny aloaky ny vavantsika
mba tsy haharava ny fihavanana ary tsy handratra
ny hafa izany.
• Miresaha moramora amin’ Andriamanitra, kanefa
tsy atao ren’ny olona ny feo sady tsy asehoseho
koa izany fivavahana moramora izany. Tsy mila
miala ilay toerana akory mandritra io fotoana io, fa
mihaino tsara izay lazain’ilay namana na havana
mifanditra amintsika koa.

17. • Jehovah Andriamanitra irery ihany, Izay miady ho
antsika ,no hahaizantsika mitandro ny fihavanana
amin’ny manodidina antsika tsy ho rava mandritry ny
fotoan-tsarotra toy izany.
• Mila mivavaka isanandro isika mba hialana amin’ny
toetra mahanofo, ary mba ho tonga olom-baovao
manana fahatanterahana ara-panahy araka ny endrik’
Andriamanitra.

18. Raha tojo fifandirana amin’ny namana isika, dia fadio ny
manao teny tsy voahevitra izay mandratra sy mankarary
saina ny hafa.
Tandremo tsara mba ho teny feno
fanajana hatrany no hatao, ary
tandrovy ny fihavanana mba tsy ho
rava na inona na inona mety ho anton’
ny fifandirana.
Fanampin’izany, fadio ny mitsikera na manendrikendrika,
izany hoe ny miteny na mihevitra hoe “Ianao no
nahatonga izao olana izao”.
Fadio ny teny tsy voahevitra

19. Ny teny mandratra na ny fitsikerana izay
atao mandritra ireny ady na fifandirana
ireny dia toy ny sabatra manindrona ny
fon’ izay mihaino antsika.
Ny ratra vokatry ny fifame-
lezana amin’ny ady dia
mamela holatra tsy maty;
ary ny ratram-po vokatry ny teny
mahery sy ny teny tsy voahevitra
mandritry ny fifamaliana dia sarotra
sitranina ary tsaroana matetika.

20. Ny teny lazaintsika dia, na
handratra ny fon’izay mihaino
azy, na hankahery sy hanasitrana
ny fony.
Noho izany, tokony tsy hatao na
oviana na oviana ny manao teny
mandratra, na manompa, na
maneso, na mitsikera na
manendrikendrika mba
hihazonana ny fifankatiavana
sy fihavanana tsy ho rava.

21. Feno loatra ny fo rehefa maro loatra ny teny aloaky ny
vava ary rehefa tsy manana fandeferana isika. Tsy
haintsika intsony ny mitandrina ny fihetseham-po ary
mety hampiasa fihetsika tsy voahevitra koa aza
mandritra io fotoana io.
Feno fahatezerana mirehitra ny fo, ary mifangaro avokoa
ny fankahalana, ny tahotra sy ny tebiteby ary ny
fahadisoam-panantenana.
Raha toa ka feno loatra ny fo
dia mialà kely

22. Vokatr’izany, ilay fihetseham-po
ratsy feno fahatezerana no lasa
mibaiko ny saina, ary tsy te hanohy
ny fifandraisana amin’ilay olona
nandiso fanantenana na nahatonga
ny fanafintohinana intsony isika.
Nefa, mba hahaizantsika mifehy
izany fihetseham-po izany tsy
hibaiko ny saina dia izao no atao:

23. • Mandeha misintaka kely
miala ilay fifandirana aloha,
farafahakeliny
antsasakadiny, raha vao
tapitra ny fifandirana
• Mivavaha amin’I Jehovah
Andriamanitra, ary
mangataha fahazavan-
tsaina hahalalana ny
tokony hatao

24. Rehefa tony tsara dia mifanatona
ary mifonà amin’ny namanao ka
mifampiresaha amim-
pahatoniana indray
Atao mazava tsara fa
“Ny hevitra no ampiadi-
ana, ary ny fihavanana dia
tsy horavaina”
Mifamelà heloka ary manàna
fahavononana hanadino ny lasa
ratsy rehetra
MIFONA AHO

25.  Mba hitandrovana ny fihavanana dia ilaina ny
fiombonana matetika sy fandinihana tsara ny tanjona
iombonana. Tsara raha atao isankerinandro izany
fotoana izany, iarahana mivavaka sy midinidinika eo
anivon’ny ankohonana ka hifampizarana ny olana sy ny
zava-manahirana rehetra.
 Io koa no fotoana handinihana ny làlana tokony hizorana
hahatratrarana ny tanjona iombonana. Raisina an-
tsoratra avokoa ny zavatra resahana rehetra mandritra
ny fivoriana kely isan-kerinandro io, ary atao mazava
tsara mba hovakiana aty aoriana.
Fiombonana matetika

26. • Raha mety dia arahina fiaraha-
misotro ranom-boakazo kely isam-
bolana izany fotoana izany ary
hifampizarana ny manta sy ny
masaka koa. Izany no tokony atao
mba hampirindra ny fiaraha-monina
sy hiarovana ny fifankatiavana eo
amin’ny ankohonana sy ny
manodidina.
• Ary aza adino ny mivavaka
mandrakariva mba ho tonga Olona
araka ny Fanahy Masina. Voninahitra ho an’i Jehovah