1. Iza no tsy mahazo monina ao amin'ny
tabernakelin'Andriamanitra?
2. Araka ny Salamo nataon'i Davida, toy
izao no toetry ny olona izay sady tsy
tia an‘Andriamanitra no tsy tia ny
namany. Ireny dia tsy hitoetra ao
amin'ny tabernakely na
tendrombohitrao masin'i Jehovah.
▪ Izay tsy manao izay mahitsy ary
manan-tsiny eo imason‘ny olona sy eo
anatrehan’ Andriamanitra
3. ▪ Izay misaintsaina handainga sy hamitaka ny
namany; izay rehetra tsy mandeha amin'ny
fahamarinana ny fony
▪ Izay manendrikendrika amin'ny lelany, sady
faly ery manisy ratsy ny sakaizany
▪ Izay manome voninahitra sy manaja ny
ratsy fanahy
▪ Izay sahy mivadika amin'ny fianianany ka
mamadika ny fahamarinana , satria
maningotra ny tenany na ny fidiram-bolany
sy ny tombontsoany izany fianianany izany
4. ▪ Izay manandra-tena sy mirehareha ary
mihevitra ny tenany ho ambony noho ny hafa
amin'ny fiteniny sy fihetsiny
▪ Ary tsy mahay manetri-tena fa
manandratan-tena foana ary mihevitra ny
namany ho zava-poana
▪ Izay faly manao izay hahafa-baraka ny
namany sy ireo izay matahotra an'i Jehovah
ka manao tsinontsinona ireo izay maniry
hitandrina ny didy sy lalàn'Andriamanitra
5. • Izay mampahory ireo miharitra noho ny
finoana an'i Jesosy Kristy
▪ Izay faly mampihana ny volany, ary faly
mandray kolikoly hanameloka ny marina.
Izay tsy mitandrina izany dia hangozohozo
mandrakizay ary tsy hahazo hiditra ny
fanjakan' Andriamanitra ary tsy hitoetra
ao amin’ny Tabernakely.
7. Araka ny Salamo nataon'i Davida, toy
izao kosa no hahafantarana ny toetry
ny olona tia an' Andriamanitra sy
mikatsaka ny fanjakan' Andriamanitra.
Izy no mendrika hitoetra ao amin'ny
Tabernakely na ao an-tendrombohitrao
masin'i Jehovah Andriamanitra:
▪ Izay mandeha tsy misy tsiny ary
manao izay mahitsy sy marina
8. ▪ Misaintsaina ny marina ny fony, mitoetra
amin'ny fahamarinana izy
▪ Tsy manendrikendrika amin'ny lelany, sady
tsy manisy ratsy ny sakaizany
▪ Tsy manao izay hahafa-baraka ny namany, fa
mivavaka ho an’ny sakaizany sy manampy azy
▪ Izy tsy manaja ny ratsy fanahy, fa manome
voninahitra ny matahotra an'i Jehovah ka
mitandrina ny lalany sy ny didiny ary
maharitra amin'ny finoana an'i Jesosy Kristy
9. ▪ Izay tsy mivadika amin'ny fianianany
amin'ny fahamarinana, na dia maningotra ny
tenany aza izany
▪ Izay manetri-tena ary mifady ny
fireharehana na amin'ny fihetsika na fiteny,
ka miaritra sy mandefitra na amin'ny tsy
rariny aza
▪ Izay tsy mampihana ny volany, fa miantra ny
ny malahelo ary manao ny rariny
10. ▪ Izay tsy manaiky handray kolikoly
hanameloka ny marina.
Izay mitandrina izany no mendrika handova
ny fanjakan'ny lanitra ary dia tsy mba
hangozohozo mandrakizay. Izy no handova ny
“Fiainana Mandrakizay".
11. FEHINY
Izay olona tsy tia an'Andriamanitra dia tsy
hahazo hitoetra ao amin'ny Tabernakeliny
na ny fanjakany mandrakizay satria tsy
mikatsaka ny fanjakan'ny lanitra izy, fa
mikatsaka ny tombom-barony fotsiny ihany,
sady tsy tia ny namany.
12. Mifanohitra amin'izany kosa, ireo izay
mitoetra amin'ny fitiavana an' Andriamanitra
sy ny namana, dia maniry mafy hitandrina ny
didy sy lalàn' Andriamanitra ho an’izay tia Azy
sady maharitra amin'ny finoana an'i Jesosy
Kristy. Ireo no handova ny fiainana
mandrakizay ary hitoetra ao amin’ny
Tabernakelin’ Andriamanitra.
Ho Azy anie ny voninahitra sy ny fanjakana
mandrakizay. Haleloia! Amena!