Fiderana sy fanafahana Tia mihira ve ianao? Tsara tokoa ny midera an' Andriamanitra, fa sady mampahery no mampiravoravo ny fo sy saina. ANkoatr'izany dia misy tombony lehibe tokoa ho an'izay tia mihira fiderana an'Andriamanitra. Manome fanafahana sy vahaolana lehibe ho an'izay midera Azy ny Tompo Andriamanitra. Andeha hojerentsika ny momba izany.

1. Hery miafin’ny fiderana

2. Nisy mpanompon’ Andriamanitra roalahy, Paoly sy Silasy
no anarany.
 Nankany Makedonia ry zareo hanao asa fanompoana
an’ Andriamanitra, ary nitoetra tao andro vitsivitsy.
 Raha nandeha teny an-dalana ry zareo, dia nisy
ankizivavy iray manana fanahy mahavaly niantsoantso
azy, ka nanao hoe:
« Ireo lehilahy ireo dia manompo an’ Andriamanitra avo
indrindra, ka manoro anareo ny lalam-pamonjena. »
Nahazoan’ny tompony harena be io ankizivavy io noho ny
fanahy mahavaly ao anatiny.
Tantara iray tena marina

3. Isanandro, rehefa mahita an’i Paoly sy Silasy eny an-dalana
io zazavavy io dia miantsoantso toy izany hatrany hatrany,
ka nampahasosotra azy ireo.
 Indray andro, raha handeha hamonjy Sabata any
Makedonia i Paoly sy Silasy, dia niantsoantso azy araka
ny fanaony ihany ilay ankizivavy.
• Tezitra mafy i Paoly sy i Silasy; ary tamin’ny anaran’i
Jesosy, dia nandidy ilay fanahy mahavaly hivoaka hiala
amin’ilay ankizivavy izy.
Nivoaka niala tamin’ilay ankizivavy avy hatrany ilay fanahy.

4. Tezitra mafy ny tompon’ilay ankizivavy, satria very ny
fanantenany hahazoana harena avy taminy.
 Nisambotra an’i Paoly sy Silasy izy, ary nitondra azy
ireo tany amin’ny Governora, ary niampanga azy ho
mampianatra zavatra tsy mety ny vahoaka Romana.
 Nirohotra namely azy ireo ny vahoaka, ary ny
governora nanaisotra ny lambany sy nikapoka azy
mafy dia mafy tokoa.
 Avy eo dia natao tao an-trano-maizina izy roalahy.

5. Nofatorana mafy dia mafy i Poly sy i Silasy mba tsy ho afa-
mandositra.
 Nony mamatonalina, dia nivavaka sy nihira fiderana izy.
 Nihaino azy avokoa ireo mpifatotra hafa tao an-trano-maizina.
 Tampoka teo, dia nisy horohoron-tany mafy.
 Nihozongozona ny fanorenan’ny trano maizina, ary nivoha
niaraka tamin’izay ny varavarana rehetra.
 Nivaha avokoa ny fatoran’izy rehetra tao anaty trano-maizina.

6. Rehefa nahatsiaro ny mpiandry fonja, dia nahita ny varavaran’ny
trano-maizina nivoha.
 Noheveriny fa efa lasa nandositra avokoa ny mpifatotra rehetra
 Nanatsoaka ny sabany saika hamono tena izy.
Rehefa nahita izany i Paoly, dia niantso azy mafy, ary nandrara azy tsy
hamono tena. Nampaka jiro izy ary rehefa nahita an’i Paoly sy i Silasy
dia tora-kovitra, ka niankohoka teo anatrehany.
• Nangataka hovonjena ilay mpiandry fonja, ary rehefa nino an’i
Jesosy izy dia natao Batisa.

7. Fehiny
• Aza manahy na amin’ny inona na
inona.
• Ankino amin’i Jehovah ny fanahiana
ny olana rehetra, fa Izy hanome
vahaolana.
• Mifalia sy miravoravoa mandrakariva
ao amin’ny Tompo.
• Misaora Azy amin’ny zavatra rehetra,
ary Izy handamina ny fiainanao.

8. Fanazavana fanampiny
Mitsahara amin’ny fahatezerana ary halaviro ny fahavinirana, fa tsy
mahasoa izany. Mifalia mandrakariva, mihirà hira fiderana an’
Andriamanitra na dia anaty fahoriana sy alahelo be aza.
Mangataha amin’ Andriamanitra mba hahay hifaly ao aminy
zavatra rehetra. Mahereza ary vakio ny Soratra Masina :
• Salamo 37 sy 33
• Asan’ny Apostoly 16: 6 – 40