1. NORMAS DA BIBLIOTECA
• A Biblioteca é para ler e consultar libros, e
non para xogar nin para “merendar”.
• Só poderás levar un libro prestado de cada
vez. Antes de coller outro, debes devolver
o libro prestado ao mestre ou mestra que
estea no ordenador.
• Se rompes un libro ou o perdes, deberás
repoñelo.
• O libro serache prestado por unha
semana, e transcorrida esta, deberás
devolvelo. Se non o acabaches de ler,
poderás renovar o préstamo por outra
semana.
• Se queres levar un libro prestado e chove
durante o recreo, primeiro ven á Biblioteca
e logo volve a túa aula.
• Cando busques un libro, deixa os que
están nas estanterías ben ordenados.
• Os ordenadores son para facer traballos de
clase, e para consultar ou buscar
información, non para xogar nin para
acceder a redes sociais.
• Na Biblioteca tes que estar en silencio.
E lembra que...
Ler fainos mellores persoas, máis tolerantes,
aumenta a nosa creatividade e acércanos a
mundos que, tal vez, nunca veremos cos
nosos ollos, pero si coa nosa imaxinación.
ANÍMATE E NON DEIXES DE ACUDIR A
NOSA BIBLIOTECA!!!
ESPERÁMOSTE!!!
NOVAS
- Horario de préstamos: todos os
recreos de 11:30 a 12 horas, e cada
clase na súa hora de biblioteca
asignada.
-
- Seguimos co noso blogue para que
esteades ao día das últimas novas e
deixedes os vosos comentarios e
suxestións. Visítanos en:
oblogdedonte.blogspot.com.es
-
- O noso centro realizará este curso
un PDI (Proxecto Documental
Integrado) que leva por título “O
deporte no Grove”, para coñecer
que deportes se practican na nosa
localidade e que deportistas
destacan na súa práctica.
-
- Todas as tardes, de 16 a 18 horas,
a Biblioteca estará aberta para toda
a comunidade educativa (nenos,
nenas, antigos alumnos, pais e
nais). Os pais e nais poderán
solicitar o carné de Biblioteca para
levar libros prestados para casa.
Temos unha ampla sección para
adultos.
-
- As familias poden doar libros,
películas, e outros materiais á
Biblioteca, sempre e cando estean
en bo estado de uso e
conservación.
CELEBRACIÓNS
Durante todo o mes de outubro
celebramos o “Mes da Biblioteca”.
Ademais, o vindeiro 23 de dito mes
conmemoraremos o “Día da
Biblioteca”, e para celebralo como
se merece, teremos connosco ao
escritor e contacontos Anxo Moure,
que nos deleitará con varias sesións de
animación á lectura.
