1. XUNTA DE GALICIA
CONSELLERIA DE CULTURA,
EDUCACIÓN, FORMACIÓN
PROFESIONAL E
UNIVERSIDADES
IES MONTE DAS MOAS
José María Hernansáez 23. 15009 A Coruña
Teléfono 981284377
ies.monte.moas@edu.xunta.gal
Hora de ler. Posta en práctica en 1º e 2º da ESO
• A hora de ler concíbese como 20 minutos de lectura silenciosa e por pracer ao co-
mezo da clase, unha vez por semana, de acordo ao calendario establecido adxunto.
A actividade comeza o 2 de OUTUBRO e finaliza o 14 de xuño. Hai que explicarllo
antes aos rapaces de 1º e 2º ESO, e avisalos antes, o primeiro día. O calendario
debe estar exposto nas aulas, e podemos recomendar, que anoten os días de lectu-
ra nas súas axendas.
• Qué ler? O alumnado debe traer un libro que lle apeteza ler, sempre axeitado a súa
idade. Pode traer xornais, cómics ou revistas didácticas especializadas. Debemos
animalos sempre a ir buscar algo que lles guste á biblioteca. Pódese aproveitar para
ler os libros de lectura obrigatoria, aínda que non é o máis aconsellable.
• Recoméndase evitar a lectura en dispositivos dixitais.
• Se o alumnado non trae o libro haberá ó seu dispor unha biblioteca de aula con ma-
terial variado no que pode escoller algo. Cando termine debe deixalo no mesmo lu-
gar. Se o quere levar para a casa, debe acudir co libro á bilioteca no recreo para rea-
lizar o seu préstamo no ordenador.
• Ler eses 20 minutos libremente e por pracer é o ideal, mais se a lectura silenciosa
non funciona, pode haber alternativas como:
◦ Que toda a clase lea en alto o mesmo libro, que proporcionará a biblioteca (un
exemplar cada dous ou tres). O/A titor/a e delegado/a de curso poden organiza-
lo coa axuda do equipo de biblioteca.
◦ Que o profesor/a traia unha lectura relacionada coa súa materia para facer e co-
mentar colectivamente na clase.
• En todo caso, o profesorado ten sempre a última palabra en como xestionar eses 20
minutos de lectura. Se hai que poñer unha proba un día de lectura, esta débese re-
cuperar na seguinte clase dispoñible desa materia.