1. EXCURSIÓN FIN DE CURSO 2014
Esta excursión empezou o día 21 as 9:30 cara Asturias.Tardamos unhas 2
horas e media en chegar á primeira parada, Tapia de Casariego. Alí
estivemos vendo, entre moitas casas (de ricachóns), o precioso mar
Cantábrico. Chegamos a un mirador na costa. O mar estaba algo picado,
e, a pesares da estación na que estamos, as praias seguían a ser
espectacularmente bonitas. Había illotes pequenos nunha zoa que
consistía nunha pequena cala. Ós 20 minutos partimos a cruzar o río Eo
cara Asturias. A felicidade de estar máis preto traduciuse nun berro de
satisfacción por parte de todos (menos os profes)
Unha hora despois, estábamos baixando do autobús en Colunga,
dispostos a camiñar (e comer) entre dinosaurios.Tras a comida, entramos
no museo MUJA.
2. O primeiro que vimos foi unha grande sala cunha representación dun
dinosaurio vexetariano de gran tamaño, o Plateosaurus. Non había só iso,
na sala encontramos fósiles de Lystrosaurus e Alosaurus. Poño fotos só
dos primeiros, dous animais vexetarianos do Triásico superior.
Logo fumos a ver as diferenzas entre crocodrilos e dinosaurios. Pouco
despois subíamos cara unha das mellores salas, onde estaba o gran
Camarasaurus, e nos explicaron a clasificación e os tipos de dinosaurios
(que aburrido!!!…) Xusto detrás, estaban os ovos e pegadas de moitas
clases de dinos. O último que vimos foros os T-rex e os xardíns.
3. Despois fumos a ver a costa dos dinosaurios, onde había pegadas de
máis de un metro de diámetro (de sauropodos) e outras menores (de
carnivoros). Paseino xenial,pero na habitación do hotel, caín rendido.
O segundo día foi o meu favorito. Remamos case cinco horas e
percorremos oito kilómetros polo curso do río Sella. Puidemos ver patos,
aguias, anguías, carpas, cágados, e alevíns. Pero o animal máis simpático,
sen dúbida, foi algún que caeu da canoa…estivemos cansados (eu polo
menos) ata hoxe, domingo.
4. Pola tarde visitamos a cova da fauna glaciar de Avín, da cal non hai
moito que dicir, só que foi xenial e estaba moi ben montado. Vimos tigres,
mamuts, rinocerontes, cervos e cavernícolas. Volvimos chegar máis
cansados e rendidos aínda ca o outro día.
O terceiro e último día fumos ao Santuario de Covadonga e ós Picos de
Europa. Vimos paisaxes espectaculares e neve nos altos picos asturiáns.
FOI UNHA EXCURSIÓN XENIAL!!!!!!!!!!!!!!!
Moitas grazas aos nosos profes por levarnos e aturarnos. Non o
esquecerei en toda a miña vida.
Iván Orois Longarela 6ºA