More Related Content
Similar to зөвлөгөө 1 (20)
зөвлөгөө 1
- 1. Хүүхдийн хөгжил , хөгжил төлөвшилд анги удирдсан
багшийн үүрэг оролцоог дээшлүүлэх арга зам
Орчин цагийн чанартай боловсролоор дамжуулан хүүхдийг өөртөө болон бусдын өмнө
хариуцлага хүлээж чаддаг, бие даасан бүтээлч соёлжсон иргэд болгон хүмүүжүүлэх
явдал өнөөдөр тулгамдаад байна.
Иймд энэ асуудлыг багш бид өөрсдийн боломжийн хүрээнд, эцэг эх, гэр бүл,
сургуулийн орчинд хэрхэн шийдвэрлэх арга замыг эрэлхийлж “Хүүхдийн хөгжил,
төлөвшилд анги удирдсан багшийн үүрэг, оролцоог дээшлүүлэх арга зам”
сэдвийг сонголоо.
Хүн нартад эхийн хэвлийгээс хүй тасран бодгаль хүн болж нэгэнтээ төрдөг бол
нийгмийн харилцаанд оролцон бие хүн болж хоёр дахь удаагаа “төрдөг” бөгөөд энэ
төрөлтийн эх нь багш юм. Ийм ч учраас багшийн ажлыг “Нартад эгнэшгүй нандин сайхан
алба” гэж Чехийн нэрт сурган хүмүүжүүлэгч Я.А.Коменский тодрхойлсон байдаг.
Багшаар амьдралынхаа анхны аян замын жолоог татуулж, хадуурвал зэмлүүлж,
хааяа бас магтуулж явснаа дурсаж, зохиолч яруу найрагч Ц.Цэдэнжав гуай багшийн
сэтгэлйн өнгийг:
“Боролдой бяцхан гартаа харандааг анх барьж
Булбарай хөөрхөн биеэрээ ширээг түшин суухад
Бодол оюун хоёрыг минь улам ихээр эзэлж
Бодитой сайхан чанар нь миний зүрхэнд шингэсэн” хэмээжээ. Энэ мэтчилэн
монголчууд эрт дээр үеэс эрдэм мэдлэгтэй хүнийг “БАГШ” гэж дээдлэн хүндэлж багшийг
дээдийн гурван эрдэнийн нэгд оруулсан байдаг.
Боловсролын хуулинд тодорхойлсноор “Багш нь төрийн боловсролын үйлчилгээг
олон түмэнд хүргэгч төрийн үйлчилгээний албан хаагч юм.” гэжээ.
Энэ бүгдээс үзэхэд: Өсвөр залуу үеийнхэнд амьдрал ахуйд нь хээгтэй мэдлэг,
арга барил, чадвар, туршлага олж авахад нь туслах, тэднийг иргэн-бие хүн болгон
хөгжин төлөвших, нийгэмших ажлыг шинжлэх ухааны үндэстэй зохион явуулах ур
чадвар бүхий сурган хүмүүжүүлэх мэргэжилтэн нь гарцаагүй багш мөн.