1. Сурагчдад өгөх зөвлөгөө
Сайн байна уу? Энхрий бяцхан шавь нар минь ээ?
Ээж аавын алдрай үрс минь та бүхэндээ сурлагын өндөр амжилт
хүсье. Одоо та нар сургуулийн сурагч болж амжилттай сайн
суралцан ямар хүн болж төлөвшихөө аав ээждээ харуулах цаг
ирлээ. Юуны өмнө хичээлийн цагийг үр дүнтэй өнгөрөөж
багшийн заасан хичээлийг анхааралтай сонсон улам ихийг
мэдэж авахын тулд шамдан суралцах хэрэгтэй.
Өдөр тутмын гэрийн даалгаварыг амжилттай үр дүнтэй хийх
нь нэн чухал шаардлагатай шүү. Залхуурахгүй цагийг үр дүнтэй
өнгөрөөх нь суралцагч таны эрхэм үүрэг болохыг анхаарах
хэрэгтэй. Өдрийн хичээлээ мартахаасаа өмнө байнга давтаж
анзааралгүй ойлгоогүй зүйлсээ багш болон өөрийн ойр дотны
хүмүүс болох аав ээж ах эгч нараасаа асуух хэрэгтэй.
Өдөр тутмын ажилдаа цагийн хуваарь гарган өдрийн дэглэм
мөрдөж амралт чөлөөт цагаа зөв зохистой зарцуулж сурах нь
чиний гол зүйл юм шүү. 6 настай суралцагч та маш амархан
ядардаг шүү дээ. Иймд өөрийнхөө амрах хичээл хийх тоглох
цагаа зөв хуваарилаарай.
Эрдмийн далайд аялж яваа
Энхрий бяцхан шавь чамдаа
Сурлагын өндөр амжилт хүсье.