Zone kurun1. c
ފުވައްމުލަކު އަތޮޅު ކައުންސިލްގެ އިދާރާ
ފުވައްމުލައް
ދިވެހިރާއްޖެ
ތަޢާރަފް
މިކަރުދާހަކީ ފުވައްމުލަކުގެ ވަށައިގެން ހަދަން ފެށިފައިވާ ރިންގ ރޯޑްގެ ބޭރުގައިވާ ހިކިފަސް ބިމާއި
ގޮނޑުދޮށާއި، ފަރާއި ފަޅު އަދި ރަށުގެ / އަތޮޅުގެ އެންމެހައި ރައްޔިތުންނަށް ޚިދުމަތް ދިނުމަށް
ޤާއިމްކުރެވިފައިވާ ތަންތަންހުރި ބިން " އެކްސްކުލޫސިވް ޒޯން " އެއްގެ ގޮތުގައި ހަމަޖައްސައި
އެތަންތަނުގައި ކަނޑައެޅޭ ވަކި އުޞޫލެއްގެ ދަށުން އިޤްތިޞާދީ ނަފާ ލިބޭ ހަރަކާތްތައް ހިންގުމަށާއި
އެސަރަޙައްދުގެ ތިމާވެށި ހިމާޔަތް ކުރުމުގެ އެންމެހައި ކަންތައްތައް ކަނޑައެޅޭ ވަކި
އެންވަޔަރަންމަންޓަލް މެނޭޖްމަންޓް ޕްލޭނެއްގެ ދަށުން ހިންގުމުގެ ޚިޔާލު ފުވައްމުލަކު އަތޮޅު
ކައުންސިލަށް ހުށަހެޅުމަށްޓަކައި ތައްޔާރުކުރެވިފައިވާ ކަރުދާހެކެވެ.
ސަބަބު
ފުވައްމުލަކަކީ އިދާރީ ގޮތުން ވަކި އަތޮޅެއްގެ ގޮތުގައި ކަނޑައެޅިފައި އޮތް ނަމަވެސް ޤުދުރަތީ ގޮތުން
އެއްކޮށް އުފެދިފައިވާ ރަށެކެވެ. ރަށުގައި މީހުން ވަޒަންވެރިވެ ދިރިއުޅުން ކުރިއަރައި އާބާދީ އިތުރުވުމުގެ
8 ބަޔަށް ސަބަބުން 8 އަވަށެއްގެ ގޮތުގައި ބެލުނު ނަމަވެސް ރަށަށް ލިބިފައިވާ ބައެއް ވަސީލަތްތަކަކީ
ބައިކުރެވޭނެ ވަސީލަތްތަކެއް ނޫނެވެ. އަދި ވަކިވަކި ރަށްތަކެއްގެ ގޮތުގައި އިދާރީ ގޮތުން ހިންގަން ޚިޔާލު
ކުރެވުނު ނަމަވެސް ބައެއް ވަސީލަތްތަކުގެ ބެލެނިވެރިކަން ދޭދޭ ކައުންސިލްތަކަށް ލިބުމަކީ ކުރު އަދި
ދިގުރާސްތާ ގައި އެވަސީލަތްތަކުގެ ބޭނުން އަތޮޅުގެ އެންމެހައި ރައްޔިތުންނަށް ހަމަހަމަ އުޞޫލަކުން ހިފުމުގެ
ފުރުޞަތު ހަނިވެގެން ނުވަތަ މިފަދަ ވަސީލަތްތަކުގެ ފައިދާ އެންމެހައި ރައްޔިތުންގެ މެދުގައި ހަމަހަމަ
އުޞޫލަކުން ބެހިގެން ދިއުމަށް ހުރަސްއަޅާފާނޭ ކަމެކެވެ. މިގޮތުން ބަލާއިރު ތިރީގައި މިވާ ނުކުތާތަކަކީ
މިކަރުދާހުގައި ހުށަހަޅާ ވިސްނުމަށް ބާރުދޭ ނުކުތާތަކެވެ.
ފުވައްމުލަކުގައި ހެދިފައިވާ ބަނދަރަކީ ރަށުގެ ނުވަތަ އަތޮޅުގެ އެންމެންނަށްޓަކައި ތައްޔާރުކުރެވިފައިވާ
އަދި އިތުރު އެހެން ބަނދަރެއް ނުވަތަ ބަނދަރުތަކެއް އެފެންވަރުގައި ތަރައްޤީ ކުރުމުގެ ޤާބިލްކަން
މިރަށުގެ ރަށްވެހިންނަށް ލިބިފައިނުވާ މުހިއްމު ވަޞީލަތެކެވެ. ބަނދަރުގެ ބޭނުން އެންމެހައި
ރައްޔިތުންނަށް އެއްހަމަޔަކުން އެއް އުޞޫލަކުން މަސްލަޙަތު ފުށުއެރުމެއް ނެތި ކުރެވޭނީ ވަކި ވަކި
ފެކްސް: 8590686 އީމެއިލް: admin@gnatolloffice.gov.mv ފޯން: 4000686،0302686،1005686
2. އަވަށްތަކުގެ ކައުންސިލްތަކުގެ އިޙްތިސާސުން ނެއްޓި މުޅި އަތޮޅުގެ ރައްޔިތުންގެ މިލްކެއްކަމަށް
އެންމެހައި ސިޔާސީ ފަރާތްތަކަށާއި ޖަމާޢަތަށް ޤަބޫލުކުރެވިގެންނެވެ.
ފުވައްމުލަކުގައި ތަރައްޤީ ކުރެވެމުންދާ ވައިގެ ބަނދަރަކީ ވެސް އިސްވެ ދެންނެވުނު ފަދައިން މުޅި
ރަށުގެ އެންމެހައި ރައްޔިތުންގެ ލާބައާއި މަންފާއަށްޓަކައި ތަރައްޤީ ކުރެވޭ އަދި އެތަނުގެ ބޭނުން
ހަމަހަމަ އުޞޫލަކުން މުޅި އަތޮޅުގެ އެންމެހައި ރައްޔިތުންނަށް ދުރު މުސްތަޤްބަލުގައި ވެސް ކުރެވޭނެ
ތަނެއްކަން ކަށަވަރު ކުރުމަށްޓަކައި މިތަންވެސް އެކްސްކުލޫސިވް ޒޯންގައި ހިމެނިގެން ދިއުމަކީ
ކޮންމެހެން ކުރަންޖެހޭ ކަމެކެވެ.
ފުވައްމުލަކުގެ އަތޮޅު ހޮސްޕިޓަލާއި ސްޓޭޑިއަމާއި ކުރީގެ ބޯޅަ ދަނޑު ފަދަ ތަންތަނަކީ މުޅި އަތޮޅުގެ
އެންމެންނަށް ނިސްބަތްވާ އެންމެހައި ރައްޔިތުންގެ ހައްޤުތައް އެތަންތަނުން ލިބިދެވޭ ޚިދުމަތްތަކާއި
ގުޅިފައިވާ ތަންތަންކަމަށް ވުމުން، މިތަންތަނަކީ ވަކި ޚާއްޞަ ޒޯންތަކެއްކަމުގައި ކަނޑައަޅައި
މިތަންތަނަކީ ވަކިވަކި އަވަށްތަކަށް ނިސްބަތްވީކަމުގައި ވިޔަސް އަތޮޅު ކައުންސިލްގެ އިޙްތިސާސްގެ
ދަށުގައިވާ އެކައުންސިލްގެ ބެލެނިވެރިކަމުގެ ދަށުން އެންމެންނަށް ހަމަހަމަކަމާއި އެކު ޚިދުމަތް ލިބި
ބޭނުންތަކެއް ފުއްދޭނެ ތަންތަން ކަން ޔަގީންކޮށްދޭން ޖެހެއެވެ.
ފުވައްމުލަކުގެ ތޫނޑަކީ ދިވެހިރާއްޖެއަށް މަޝްހޫރު މުޅި ފުވައްމުލަކުގެ އެންމެހައި ރައްޔިތުންގެ
ފަޚްރެކެވެ. އެހެންކަމުން އެކަން އެގޮތަށް ދަމަހައްޓައި، ތޫނޑަކީ އަތޮޅުގެ އެންމެން އެއްވަރަކަސް
ހިއްސާވާ ތަނެއްގެ ގޮތުގައި ދެމިއޮންނާނޭކަން ޔަގީންކޮށް ދިނުމަކީ މިރަށުގެ މުސްތަޤްބަލުގެ
ޖީލުތަކަށްޓަކައި ވެސް ކޮންމެހެން ކުރަންޖެހޭ ކަމެކެވެ.
ފުވައްމުލަކުގެ ދެ ކިޅިއާއި ދެކިޅި ވަށައިގެންވާ ޗަސްބިމަކީ މުޅި ރަށުގެ ތިމާވެއްޓާއި ގުޅިފައިވާ
މުހިއްމު، އަގޮބޮޑު އަދި ނާޒުކް ތަންތަނެވެ. މިތަންތަނަކީ އެންމެން ތަންތަންކަމަށްވާއިރު މިފަދަ
ތަނެއްގައި ކުރެވޭ އިޤްތިޞާދީ މަސައްކަތެއްގެ ނަފާވެސް މުޅި އަތޮޅުގެ އެންމެހައި ރައްޔިތުންގެ
މެދުގައި ހަމަހަމަ އުޞޫލަކުން ބެހިގެންދާން ޖެހޭނެއެވެ. އަދި ހަމަ އެހެންމެ، މިތަންތަނުގެ ޤުދުރަތީ
ވެށި ހިމާޔަތް ކުރުމުގައި ވެސް އެންމެންގެ ހިއްސާ އެއްވަރަކަށް އޮވެގެން މެނުވީ ނަތީޖާ ނެރެވޭ
މަސައްކަތެއް މިރޮގުގައި ކުރެވުން ދުރުވާނެއެވެ.
ފުވައްމުލަކުގައި ހުރި އަސާސީ ތަރިކަތައް ކަމުގައިވާ ހަވިއްތަ، ވަށޮވެއު، ގެއްމިސްކިތް އަދި ކެޑޭރެ
މިސްކިތް ފަދަ ތަންތަނަކީވެސް އެތަންތަނަށްޓަކައި މުޅި ފުވައްމުލަކުގެ އެންމެހައި ތައްޔިތުން
ފަޚްރުވެރިވާ، އެމީހުން ތަރިކައެއްކަމުގައި ޤަބޫލްކުރާ ތަންތަނެވެ. އަދި އެއްވެސް ބާވަތެއްގެ
ފަތުރުވެރިކަމުގެ ތެރެއިން މިތަންތަނުގެ ބޭނުންކޮށްގެން އިޤްތިޞާދީ ނަފާ ހޯދޭނަމަ، އެނަފާ ބެހިގެން
ދާންޖެހޭނީ މުޅި އަތޮޅުގެ އެންމެހައި ރައްޔިތުންގެ މެދުގައި ހަމަހަމަކަމާއެކުގައެވެ.
ރަށްގިރުމަކީ ފުވައްމުލަކަށް ދިމާވެފައިވާ ތިމާވެށީގެ އެންމެ ބޮޑު އެއްމައްސަލަކަމަށް ވެފައި،
ރަށްގިރުމުގެ ބިރުވެރިކަން ދިމާވެފައިވަނީ ރަށުގެ ބައެއް ހިސާބުތަކަށް ކަމުގައި ވުމުން، ވަކިވަކި
ކައުންސިލްތަކުން މިކަމާއި ގުޅިގެން ކުރެވޭނެ ކަންތައްވެސް ހުންނާނީ ވަރަށް ބޮޑަށް ލިމިޓްވެފައެވެ.
އަދި ހަމަ އެހެންމެ، ބައެއް ހިސާބުތަކުގައި ރީތި ވެލިގަޑާއި ގޮނޑުދޮށްތައް ހުރުމުން އެތަންތަނުން
ފެކްސް: 8590686 އީމެއިލް: admin@gnatolloffice.gov.mv ފޯން: 4000686،0302686،1005686
3. ލިބޭ ނުވަތަ ލިބިދާނެ އިޤްތިޞާދީ މަންފާ ހަމައެކަނި ވަކި ކައުންސިލްތަކަށް ލިބޭގޮތަށް އޮތުމަކީ އޭގެ
ސަބަބުން އިޖްތިމާޢީ އަދާލަތުގެ މީޒާން ހަމައިން ނެއްޓި، ދެބަސްވުމާއި، ނަފްރަތާއި، ރުޅިވެރިކަމަށް
މަގުފަހިވެދާނެ ކަމެކެވެ. އެހެންކަމުން އަތިރި މައްޗަކީ، ކޮންމެ ދިމާލަކުންވީ ނަމަވެސް އެންމެންގެ
ހައްޤެކެވެ. އެންމެންގެ މިލްކެކެވެ. މިކަން މިގޮތުގައި އޮންނާނެކަން ނުވަތަ ބޭއްވޭނެކަން ގައިމުވާނީ
މިތަންތަނަކީ އެކްސްކުލޫސިވް ޒޯންތަކެއްގެ ގޮތުގައި ހަމަޖެހިގެންނެވެ.
ޒޯން ކުރުމުގެ ފައިދާ
ކުރިންވެސް ދެންނެވުނު ފަދައިން ފުވައްމުލަކުގެ ބިމުގެ ކޮންމެ އަކަ އިންޗަކީ ވެސް އަދި އެބިމަކީ ވެސް
އަދި އެބިމާއި ގުޅިފައިވާ ގޮނޑުދޮށާއި ފާރާއި މޫދަކީ އެތަންތަނުގެ ހައްޤުވެރިންގެ ގޮތުގައި މިއަތޮޅު އެންމެން
ހިމެނޭ ތަންތަނެވެ. ބިމަކީ އެވަސީލަތަކުން އިޤްތިޞާދީ ފައިދާ ނެގިދާނެ ވަސީލަތަކަށް ވާއިރު، ބިމުން ކުރެވޭ
ބޭނުންތަކުން
ލިބޭ ނަފާ ބަހަންޖެހެނީ އެންމެންނަށް ހަމަހަމަ އުޞޫލަކުންނެވެ. މިގޮތުން ޒޯން ކުރުމުން، އެޒޯނެއްގައި
ހިމެނޭ ކޮންމެ ބިމަކުން، އެޒޯނަކަށް ކަނޑައަޅާ ވަކި އުޞޫލްތަކާއި ހަމަތަކާއި އިންތަކާއި ޚިލާފް ނުވާބޭ
ގޮތަށް އިޤްތިޞާދީ ނަފާ ލިބޭ ޙަރަކާތްތަކެއް ހިންގިދާނެއެވެ.
ރަށްވަށައިގެން މިހާރުވެސް އޮރް ރިންގ ރޯޑަކީ އޭގެ ޒާތުގައި "ބަފަރ" އަކަށް ފުދޭ ތަނަކަށްވުމުން، ރަށުގެ
ވަށައިގެން ކަނޑައެޅޭ ޒޯންގެ އިންތައް މީހާރުން މިހާރަށްވެސް ވާނީ ފަސޭހަކަމާއެކު ވަކިކުރެވިފައެވެ.
އެހެންކަމުން ވަކިވަކި ކައުންސިލްތަކުގެ އިޙްތިސާސް ހިނގާ ސަރަޙައްދު އަވަސް މުޞްތަޤްބަލެއްގައި
ފަސޭހަކަމާއެކު ކަނޑަނޭޅުނު ކަމުގައި ވިޔަސް މިޒޯންގެ އިންތަކުގައި ޚިލާފް ނުއުފެދޭނެއެވެ. ރިންގ ރޯޑުގެ
ބޭރުން އޮތް ސަރަޙައްދު އެކްސްކުލޫސިވް ޒޯނަކަށް ވުމުން، މިސަރަޙައްދާއި ދޭތެރޭ އެހެން އަތޮޅުތަކުގައި
ފަޅު ރަށްރަށާއި ދޭތެރޭ ގެންގުޅޭ އުޞޫލު ގެންގުޅެވޭނެއެވެ. އަދި އެގޮތުން އެތަންތަން ބޭނުން ކުރުމުގައި
ދޭދޭ ކައުންސިލްތަކުގެ މަސްލަޙަތު ފުށުއެރުމާއި ޤާނޫނީ މައްސަލަތައް އިން ފުށުއެރުމުގެ މައްސަލަތަކުގެ
ތެރެއިން ނުކުތުން ދުރުވާނެއެވެ.
ޒޯން ކުރުމުން ތަފާތު އިޤްތިޞާދީ ބޭނުންތަކަށް، މާލީ ނަފާ ލިބެނިވި ގޮތަކަށް ޤުދުރަތީ ވަޞީލްތްތައް
ބޭނުންކުރުމަށް ޤަވާޢިދު ހަދައި އެ ޤަވާޢިދުތައް ތަންފީޒުކުރަން ފަސޭހަވެގެން ދެއެވެ. އަދި މިކަމުގެ ސަބަބުން
ތަނެއްގެ އިޤްތިޞާދު ގެންދަންވީ މިސްރާބު ކަނޑައެޅޭ ވަކި ދިމާއަކަށް، ވަކި ހަރަކާތްތަކަކާއި ދިމާއަސް
އެކަށީގެންވާ ހިފެހެއްޓުންތަކާއި އިންތަކާއި، މިންތަކާއި އެކު ގެންދަން މަގުފަހިވެގެން ދެއެވެ. މީގެ އިތުރުން
ވެސް ޤުދުރަތީ ވެށި ހިމާޔަތް ކުރުމުގައި އެސަރަޙައްދަށް އެކަށީގެންވާ ވަކި ޤަވާޢިދުތަކާއި އިންތަކާއި
މިންތަކެއް ކަނޑައަޅައި، އިންސާނުންގެ ޙަރަކާތްތައް އެވެއްޓެއްގައި ކުރިއަށް ގެންދެވޭނެ ހައްދު ކަނޑައަޅައި
މިމަގުން ކަންތައް ތަންފީޒު ކުރަން ފަސޭހަވެގެން ދެއެވެ.
ޒޯން ކުރުމަކީ ދުނިޔޭގެ ހުރިހާ ޤައުމެއްގައި ވެސް އިޤްތިޞާދު ކުރިއެރުމުގެ މައިގަނޑު އަސާސެއްކަމަށް
ބަލާކަމެކެވެ. އަދި މިކަމުގެ ސަބަބުން ކަނޑައެޅޭ ވަކި ސަރަޙައްދުތަކެއް ވަކި ކަންތައްތަކަކަށް ޚާއްޞަކުރެވި،
އެކަންތައްތަކަކީ އިޤްތިޞާދީ ނަފާ ލިބޭ ކަންތައް ކަމުގައި ވަނީނަމަ އެކަމުން ލިބޭ ނަފާ އެންމެ ބޮޑުވާނެ ގޮތަށް
ފެކްސް: 8590686 އީމެއިލް: admin@gnatolloffice.gov.mv ފޯން: 4000686،0302686،1005686
4. ކަންތައް ބައްޓަން ކުރުމުގެ ފުރުޞަތު ލިބެއެވެ. ކޮންމެ ކަމަކީވެސް އެކަމެއްގައި ފައިދާއާއި ގެއްލުން ހިމެނޭ
ކަންކަމަށްވާއިރު، ޒޯންކޮށް ކޮންޓްރޯލްކުރުމުން އެކަމުން ލިބޭ ގެއްލުން ނުވަތަ އެކަމުގެ ސަބަބުން ކުރާ ނޭދެވޭ
އަސަރު ކުޑަވެގެންދާނެއެވެ.
އިޤްތިޞާދީ ޙަރަކާތްތަކަށް ބިމާއި ޤުދުރަތީ ވަސީލަތްތައް ކޮމޯޑިފައި ( މާލީ ނަފާ ލިބޭ މުދަލަކަށް
ބަދަލު) ކުރުން.
ޤުދުރަތީ ވަޞީލަތްތައް ކޮމޯޑިފައި ކުރުމަކީ ދިވެހިރާއްޖޭގައި ކުރެވެމުން އަންނަތާ ދުވަސްވީ ވިޔަފާރިއެކެވެ. ރާއްޖޭގެ
ޓުއަރިޒަމްގެ އެންމެ ބޮޑު އެސެޓަކީ ނުވަތަ ރައުސުލްމާލަކީ ރާއްޖޭގެ ތިމާވެށީގެ ރިވެތި ކަމެވެ.ފަޅު ރަށްތަކާއި ފަޅުތަކާއި
ގޮނޑު ދޮށްތަކެވެ. ދިވެހިރާއްޖޭގެ ޤުދުރަތީ ވަޞީލަތްތަކުގެ ބޭނުން މާލީ ފައިދާ ލިބޭގޮތަށް ހިފަމުންދާ ދިއުމަކީ އަދި
މިހާތަނައްވެސް ވަކި ކަހަލަ ކޮންޓްރޯލްތަކެއްގެ ތެރެއިން ކުރެވޭ ކަމެކެވެ. ޤުދުރަތީ ވަޞީލަތްތަކަކީ، އަޅުގަނޑުމެންގެ
ބިމާއި، ގޮނޑުދޮށާއި، މޫދާއި ފަރުތަކަކީ ﷲ ދެއްވި ނިޢުމަތްތަކެކެވެ. އެނިޢުމަތް ތަކުގެ ބޭނުން ހިފަންޖެހޭނީ އެކަނލާގެ
ހުއްދަ ކުރެއްވި މަގުތަކުންނެވެ. އިންސާނާގެ ބޭނުންތަކަކީ އެދުންތަކަކީ ނިމުމެއްނުވާ ހައްދެއް ނެތް ކަންތައްތަކެވެ.
ނަމަވެސް އެބޭނުންތައް ނުވަތަ އެދުންތައް ފުއްދުމަށް ލިބިފައިވާ ވަސީލަތްތަކަކީ ހައްދު ކަނޑައެޅިފައިވާ ވަކި
މިންވަރަކަށް ލެއްވިގެންވާ ތަކެއްޗެވެ.
ފުވައްމުލަކުގެ ރައްޔިތުންވެސް ތަރައްޤީ ބޭނުންވެއެވެ. އަދި އެބައިމީހުންގެ ބޭނުންތަކާއި އެދުންތައް ދުވަހުން ދުވަހަށް
ފުއްދަން ބޭނުންވެއެވެ. މިބޭނުންތައް ފުއްދުމުގައި އެންމެ މުހިއްމު އެއްޗަކަށް މިއަދު ވެފައިވަނީ ފައިސާއެވެ. ތަރައްޤީއަކީ
ގިނަ މީހުން ދެކޭގޮތުގައި މާއްދީ ތަރައްޤީއެވެ. މާއްދީ ތަރައްޤީ ހޯދޭނީވެސް ފައިސާ ލިބިގެންނެވެ. ފައިސާ ލިބޭނީ
މިރަށުގެ ރައްޔިތުންނަށް ލިބިފައިވާ ޤުދުރަތީ ވަޞީލަތްތައް މާލީ ނަފާ ލިބޭ އިޤްތިޞާދީ ޙަރަކާތްތަކުގެ ބޭނުން
ކުރެވިގެންނެވެ.
ޤުދުރަތީ ވަޞީލަތްތައް އިޤްތިޞާދީ ނަފާ ހޯދުމަށް ޤުރުބާން ކުރުމުގައި ވިސްނާލަންޖެހޭ މުހިއްމު ނުކުތާތަކެއް ވެއެވެ.
އެންމެ ފުރަތަމަ ކަމަކަށް ޤުދުރަތީ ވެއްޓަކަށް ބަދަލު ގެނެވޭނަމަ އެބަދަލަކީ އަލުން އަނބުރާ އިޔާދަ ކުރެވޭނެ ބަދަލެއްތޯ
ބަލަންޖެހެއެވެ. އަދި ޤުދުރަތީ ވަޞީލަތެއް އެއިން އެއްވެސް ނަފައެއް ނުލިބޭ ގޮތަށް ބޭއްވުމަކީ އޭގެ ޒާތުގައި އެވެށީގައި
އުޅޭ މީހުންނަށް ކޮން ފައިދާއެއް ހޯދޭނެ ކަމެއްތޯ ވެސް ބަލާލަންޖެހެއެވެ.
ޤުދުރަތީ ވަޞީލަތްތައް ބޭނުންކޮށްގެން ހިންގޭ އިޤްތިޞާދީ ޙަރަކާތްތަކުގެ އެންމެ މުހިއްމު އަސާސެއް ކަމުގައި ވަނީ
އެކަމަކީ ދެމެހެއްޓެނިވި ކަމަކަށް ވާން ޖެހޭކަމެކެވެ. މިގޮތުން، މިފަދަ މާޙައުލުތަކުގައި ހިންގޭ ކޮންމެ އިޤްތިޞާދީ
ޚަރަކާތަކީ، އެ ހަރަކާތެއްގެ ސަބަބުން އެމާޙައުލަށް ލިބޭ ގެއްލުން ނުވަތަ ނޭދެވޭ އަސަރު އެމާޙައުލަށް ތަހައްމަލު
ކުރެވޭނީ ނުވަތަ އުފުލޭނީ ކިހައި މިންވަރަކަށް، ކިހައި ފެންވަރަކަށް، ކިހައި މުއްދަތަކަށްތޯ ދިރާސާކޮށް ބަލަންޖެހެއެވެ.
ބައެއް ކަހަލަ ޤުދުރަތީ މުއްސަދިކަމަކީ އޭގެ ޒާތުގައި އާވެ އާލާވާ ކަންކަން ކަމުން މިފަދަ ވަސީލަތުގެ ބޭނުން ހިފާނަމަ،
އެވަސީލަތް އާލާވާނީ ބޭނުން ކުރެވޭ ނިސްބަތާއި އެއްވަރަށް އެއަށްވުރެ ގިނައިންކަން ކަށަވަރުވާ މިންވަރަށް ނޫންގޮތަކަށް
ކުރެވޭ ބޭނުމަކީ ދެމެހެއްޓެނިވި ތަރައްޤީގެ އުޞޫލްތަކާއި ޚިލާފުކަމެކެވެ.
ފެކްސް: 8590686 އީމެއިލް: admin@gnatolloffice.gov.mv ފޯން: 4000686،0302686،1005686
5. ނިންމުން
މަތީގައި ބަޔާން ކުރެވުނު ކަންތަކަށް ރިއާޔަތްކޮށް، ފުވައްމުލަކުގެ ބިން ޒޯންކޮށް، އެއިގެ ތެރެއިން ބައެއް އެއްވެސް
ބަދަލެއް ނުގެންނަ، ( އެތަންތަނުގެ ޤުދުރަތީ / ތަބީއަތަށް) ތަންތަން ކަމުގައި ކަނޑައަޅައި، އެއިގެ ތެރެއިން ބައެއް
ތަންތަން އިޤްތިޞާދީ ނަފާ ލިބޭ ޙަރަކާތްތަކަށް ބޭނުން ކުރުމުގެ ފުރުޞަތު ހުޅުވާލުން މުހިއްމެވެ.
މިގޮތުން، ދެކިޅިން ބަޔަކާއި، ޗަސްބިމުން ބަޔަކާއި ތޫނޑުގެ ވަކި ޞަރަޙައްދެއް ތިމާވެށީގެ ގޮތުން ހިމާޔަތް ކުރެވިފައިވާ
ސަރަހައްދުތައް ކަމުގައި ހަމަޖައްސައި، ބާކީ އޮތް ބަޔާއި، ރިންގ ރޯޑުގެ ބޭރުން ކަނަޑައެޅޭ ވަކި ސަރަޙައްދުތައް ކަމަށް
ހަމަޖައްސައި، ބާކީ އޮތް ބަޔާއި، ރިންގ ރޯޑުގެ ބޭރުން ކަނޑައޅޭ ވަކި ސަރަޙައްދުތަކެއްގައި ރިސޯޓް ހޮޓަލާއި
ދަނޑުވެރިކަމަށް ފުރުޞަތު ހުޅުވާލަން ފެނެއެވެ.
8 އަވަށަށް ކޮންމެ އަވަށަކަށް މިކަންތަކުގެ ތެރެއިން ރަށުގެ ދެ ސަރަޙައްދުގައިވާ ދެ ޗަސްބިން ސަރަޙައްދުން
ހަމަހަމައަށް ވަކި ސަރަޙައްދެއް ކަނޑައަޅައި، ރާއްޖެއާއި ރާއްޖޭން ބޭރަށް ވެސް އެކްސްޕޯޓް ކުރެވޭ ވަރަށް، ކޯޕަރޭޓިވް
ތަކެއްގެ ތެރެއިން އަލަ އޮޅު ހައްދައި އަލައިގެ ތަފާތު ބާވަތްތައް އުފެއްދިދާނެއެވެ.
އަދި ރިސޯޓަކުގެ ގޮތުގައި ތަރައްޤީ ކުރެވޭ ތަންތަނަށް ކުރެވޭ ކޮންޓްރެކްޓް ތަކުގެ ތެރެއިން އެކަމުގެ ސަބަބުން
މުމުޖްތަމަޢަށް ކޮށްފާނެ ދޭނެވޭ އަސަރަކުން ސަލާމަތްވެވިދާނެއެވެ. އަދި މިކަމަށްޓަކައި ކުރަންޖެހޭ ދިރާސާތައް މިހާރުން
މިހާރަށް ކުރަން ފެށުމަކީ ބުއްދިވެރި ކަމެއްކަމުގައި ފެނެއެވެ. އަދި މިކަންތައްތަކަށް މަގުފަހިވާ ގޮތަށް ފުވައްމުލަކު ރަށު
ކައުންސިލްތަކާއި އަތޮޅު ކައުންސިލް ގުޅިގެން ގަރާރެއް ނެރުމަކީ އެންމެ ފުރަތަމަ ފިޔަވަޅެވެ.
ފެކްސް: 8590686 އީމެއިލް: admin@gnatolloffice.gov.mv ފޯން: 4000686،0302686،1005686