2. 2
AURKIBIDEA
Sarrera ………………………………………………………………………………………………………………………. 3
Funtzio asistentziala ala hezitzailea …………………………………………………………………………… 4
Inguruan nagusi den kulturaren transmisio hutsa ala gizartea aldatzea …………………….. 4
Ikasten trabak topatzen dituzten ikasleei berebiziko laguntza ematea ala ikasleen
bikaintasuna garatzea ………………………………………………………………………………………………. 5
Bi hezkuntza ikuspegi ezberdin: educare eta educere ………………………………………………… 6
Hezkuntza eremuak (hezkuntza formala, ez-formala eta informala) ………………………….. 6
Umeen heziketaren ardura nagusia estatuarena ala familiena. Bien papera argitu……… 7
Ondorioak: Zuen ustez, zeintzuk dira XXI mendeko eskolaren xedeak?........................ 8
Bibliografia ………………………………………………………………………………………………………………. 10
3. 3
1970.urtetik aurrera hainbat lege ezarri dira, honako hauek dira lege horiek: Ley
General de Educación (1970), Ley Orgánica General del Sistema Educativo (1990),
Euskal Eskola Publikoaren Legea (1993), Ley Orgánica de la Calidad de la Educación
(LOCE, 2002), Ley Orgánica de Educación (LOE, 2006) eta amaitzeko, 2013.urtean
LOMCE ( Ley Orgánica para la Mejora de la Calidad Educativa) legea ezarri zen.
-Ley General de Educación (1970): lege hau Francoren diktadura bitartean onartu zen
baina ez zen ezarri 1980.urtera arte. Jose Luis Villar Palasik bultzatu zuen lege hau eta
hamalau urtera arteko derrigorrezko hezkuntza ezarri zuen. Lege honek Espainiako
heziketaren estamentuak modernizatzea lortu zuen.
- Ley Orgánica General del sistema educativo (LOGE, 1990): Alde batetik, lege honek
1970eko LGE-ren amaiera suposatu zuen eta bestetik, 16 urtera arteko derrigorrezko
hezkuntza ezarri zuen beste neurri batzuekin batera. Gainera, teknologia gehiago
erailtzen duen hezkuntza bat proposatu eta DBH maila sortu zuen lege honen bitartez.
- Ley Orgánica de la Calidad de la Educación (LOCE, 2002): Jose Maria Aznarren
gobernuaren bitartean proposatu zen 2002.urtean. Lege honen helburua Espainiako
hezkuntza eraldatzea eta hobetzea zen gobernuaren arabera baina oso berandu
proposatu zen eta 2004.urtean Zapatero gobernura iristean geldiarazi egin zen.
- Ley Orgánica de Educación (LOE, 2006): Jose Luis Rodríguez Zapateroren gobernuaren
bitartean landu zen eta 2006 urtean argitaratu zen BOEn eta kongresuan onetsi zen
gehiengoaren aldekoarekin. Lege honek hiritartasunarentzako hezkuntza eta giza
eskubideen derrigorrezko eta ebaluagarri diren ikasgaiak barneratu zituen. Gaztelania
eta literatura 25 ordura murriztu ziren.
- LOMCE ( Ley Orgánica para la Mejora de la Calidad Educativa) : LOEk eta LOGSEK
egindako proposamena da, erlijioari garrantzi akademikoa ematen diona berriz ere,
unibertsitateko bekak murrizten dituena, errebalidak berriz martxan jartzen dituena
eta eskoletan sexuen banaketa ezartzen duena. Lege hau oso kritikatua izan da eta
ondorioz hainbat manifestazio eta greba egin dira.
Gure iritziz, azken lege honek (LOMCE-k) gure generazioari kalte egin diezaioke
etorkizun gertu batean, gure hezkuntzan atzerapena suposatzen du eta.
4. 4
. Funtzio asistentziala ala hezitzailea
Alfredo Hoyuelosek dioen bezala funtzioa asistentziala hau da: “Jaio eta
lehenengo urteetan sortzen eta egituratzen dira gizakiaren nortasunaren, adimenaren
eta emozioen oinarriak eta gizarte jarreren oinarriak. Une horretantxe egituratzen dira
garuneko zelula gehienak eta neuronen arteko konexio gehienak. Eta prozesu hori
guztia behar bezala osatzeko ezinbestekoak dira elikadura eta osasun egokiak
edukitzea. Eta horrez gain, berriki egindako hainbat azterlan garrantzitsuren arabera,
jaio eta lehenengo urteetan oso garrantzitsua da haurrek gizartearekiko elkarreragina
edukitzea eta ikaskuntzarako giro egokia eskuratzea, hartara, jaiotzen garenetik berez
ditugun ahalmen izugarriak garatzen laguntzeko.”
Hau da, funtzio asistentziala izango litzateke haurraren oinarrizko beharrak
asetzea, horien artean: jaten ematea, pardela aldatzea, umearen loaz arduratzea,
haiekin jolas egitea eta abar. Orain dela urte batzuk behar hauek asetzen zituztenak
gehienbat eskolak ziren gurasoek denborarik ez zutelako baina gaur egun hori aldatu
egin da eta familiak inplikazio gehiago dute.
Funtzio hezitzaileaz hitz egiten dugunean, haurra gizarteratzea, bere autonomia
lortzea eta inguruaren bilaketa sustatzea da, pixkanaka ezagutzak barneratzea.
Gure ustez, bi funtzioen arteko oreka bat lortzea da helburua. Alde batetik
haurraren behar fisiologikoak asetzea eta bestetik, umea ongi heztea.
. Inguruan nagusi den kulturaren transmisio hutsa ala gizartea aldatzea
Gure aburuz, herrialde bateko kultura oso garrantzitsua da bertako herritarren
izaeraren zati bat dela eta. Horregatik herri batean integratzeko kultura ezagutu
beharra dago, ezagutza hori gurasoek, irakasleek, lagunek..transmititzen digute gure
egunerokotasunean.
Hezkuntzaren helburua kultura transmititzea da baina gaur egun irakasle
batzuek beren ikusteko moduaren arabera azaltzen dute. Hauen ustez kulturan
hainbat aldaketa eta berrikuntza egin behar dira eta horiek irakasten saiatzen dira.
5. 5
Amaitzeko, pentsatzen dugu egokiena kultura den bezala transmititzea izango
litzatekeela tradizioa ez galtzeko. Horren gain, ikasleek beren ideia pertsonalak izaten
eta sortzen ikasi behar dute, gizartean dauden arazoei beraien kabuz aurre egiteko.
. Ikasten trabak topatzen dituzten ikasleei berebiziko laguntza ematea ala ikasleen
bikaintasuna garatzea.
Gaur egun guztiz ohikoa da edozein eskolatako klaseetan arazoak dituzten
ikasleak aurkitzea, bai atzerritarrak direlako, ezgaitasun fisikoak, arazo mentalak,
dislexia, AFN-H (Deficit de atención),..dutelako.
Ikasle horiek ikasteko oztopoak izan arren, kurtsoa gainditzeko aukera berdina
dute naiz eta horretarako laguntza gehiago izan behar. Arazo hauek dituzten ikasleak
eskoletan edukitzeak alde txarrak eta onak ere baditu. Gauza onen artean atzerriko
pertsona bat edukitzean kultura eta ohitura berriak ezagutzea dakar, errespetua eta
enpatia garatzen dira eta elkarlana sustatzen da. Arazo mentalak dituztenekin, berriz,
behar duten laguntza eskaintzean guk daukaguna baloratzen ikasten dugu. Gauza onak
dauden arren, alde txarrak ere ikusten ditugu: atzerritarrek eta ezgaitasun mentalak
dituztenek klaseko hizkuntza maila eta erritmoa atzeratzen dute, kultur arazoak sor
ditzakete eta oinarrizko gaitasunaren garapena atzeratzen dute.
Gai honekin lotuta, esan beharra dago eskoletan maila ezberdineko ikasleak
daudela: emaitza onak ateratzen dituztenak eta emaitza ez hain onak ateratzen
dituztenak. Egoera honen aurreak irakasleek oreka bat lortzen saiatu behar dira
emaitza ezberdinak dituzten ikasleetan baina egia da askok ez dutela lortzen. Gure
ustez garrantzi gehiago ematen diete bikaintasuna lortzen dutenei eta alde batera
uzten dituzte besteak naiz eta hauek saiakerak egin besteen maila lortu ahal izateko.
Azken finean, eskolaren helburuetako bat haurrak dituzten gaitasunak garatzea
da eta hori ez bada betetzen, haurrak ezingo du bere bizitzan aurrera pauso bat eman.
Horregatik ikasle guztiei berebiziko laguntza eman behar zaiela uste dugu.
6. 6
Maila ezberdinak egon arren pentsatzen dugu beste motatako metodologia bat
erabili daitekeela, adibidez ikasle batek gaia ulertzen badu besteei azal diezaieke eta
horrela aldi berean soziologia garatzen egongo ginateke.
. Bi hezkuntza ikuspegi ezberdin: educare eta educere.
Termino hauek bi eredu ezberdinen berri ematen digute: educare hezkuntza
kanpotik garatzen den prozesua dela jakinarazten digu; hau da, ikaslea elikatuko du.
Beste aldetik, educere hezkuntza prozesuaren egile aktiboa bihurtzen du hezigaia.
Educare kanpotik barruranzko prozesua da, hezitzaileak hezigaia edo ikaslea
elikatzen du eta elikagai hori hezitzaileak soilik dauka. Hezkuntza mota hau eskola
tradizionaletan ematen zen.
Educere hezigaia hezkuntza prozesuaren eragile aktibo bihurtzen du, berak
garatuko du bere ikaskuntza prozesua eta hezitzailearen estimulazioa edo gidaritza
jasoko du. Hezkuntza mota hau gaur egungo eskola gehienetan ematen da.
Gure ustez, eskolek educere sistema erabili beharko lukete hainbat egoeratan
gaur egun ikasleei protagonismoa eman behar zaielako eta irakasleak ikasleei lagundu
behar diete oztopoak gainditzen. Baina honetaz gain uste dugu educare sistemaren
ezaugarri batzuk beharrezkoak direla heziketa on bat izateko.
. Hezkuntza eremuak (hezkuntza formala, ez-formala eta informala)
Etengabeko hezkuntza bizitza osoan garatzen den hezkuntza prozesu jarraitu
bezala definitzeak eskola gunea baino haratago eramaten gaitu, beste gune sozial
batzuetan gara daitekeen zentzu formatiboa ere baloratzera eta hiru arlo nagusi
bereiztera eramaten gaitu.
Hezkuntza formala: guztiz instituzionalizatutako kronologikoki mailakatutako
eta hierarkikoki antolatutako hezkuntza sistema da, hau lehen urteetatik
unibertsitateko azken urteetaraino hedatzen den prozesu intentzionala, antolatua eta
sistematizatua da.
7. 7
Hezkuntza ez formala: sistema formalaren testuingurutik kanpo egiten dena da,
haur eta helduei ikasketa mota zehatza eskaintzeko. Prozesu intentzionala da,
antolatua eta sistematizatua, maila baxuagoan.
Hezkuntza informala: bizitzan zehar garatutako prozesuari deritzo. Prozesu
honetan zehar gizakiak eguneroko esperientzian eta ingurunearekin edukitako
erlazioari esker, ezagutza eta trebetasuna lortuko ditu. Gehienbat intentziorik,
antolakuntzarik eta sistematizaziorik gabekoa da.
. Umeen heziketaren ardura nagusia estatuarena ala familiena. Bien papera argitu.
Nork du ardura nagusia umeen heziketan? Gurasoek ala estatuak (gizarteak)?
Galdera honek hainbat eztabaida sortu izan ditu etxean edo eskolan ikastearen aldeko
eta kontrako pentsaera ezberdinak dituzten pertsonen artean.
Homeschooling bezala ezagutzen den hezkuntza mota hau erlijiosoak eta
ideologikoak Estatu Batuetan sortu zuten eta Europarrak hezkuntza honen alde jarri
ziren. Hasiera batean, hezkuntza mota hau dirudun familietan garatzen zen, eskolen
bitartez pixkanaka planteamendu kolektiboa garatu den arte.
Homeschoolinga umea etxean heztean datza eskola alde batera utziz eta ardura
gurasoen gainean jarriz. Espainian oso kasu gutxi daude praktika hau aurrera eramaten
dutenak eta gainera oso kritikatua da, baina beste herrialde batzuetan (Frantzian,
Estatu Batuetan, …) normalizatuago dago.
Gure taldean gai honi buruzko iritzi berdina daukagu, gure ustez ez da metodo
egokiena haurrak hezteko. Eskolak eta irakasleak hezteko prestakuntza bat jaso dute,
etxean irakats dezaketen hainbat gurasok ez dutena. Horrez gain, gurasoak oso
lanpetuta daude eta agian bere seme alabek dituzten beharrak asetzeko ez dira gai.
Gehitzeko, hezkuntza metodo honek hainbat desabantaila dauzka: gelakideekin
egon behar litzatekeen interakzioa falta da, umeek ez dute talde lana egiten ikasten
eta objektibitate gutxi daukate soilik beren gurasoen iritzia dute eta.
Naiz eta kritika asko jaso dituen gai honek, badago beste pertsona talde bat
pentsatzen duena metodologia honek alde onak dituela. Horien artean; hezkuntza ume
8. 8
bakar bati zuzenduta dagoela, umeek gehiago ikasiko dutela, ikaslearen erritmoa
errespetatzen da eta ez daude erakunde publikoen menpe. Pertsona hauen iritziz ere,
naiz eta kontrako iritzia dutenek pentsatu etxean ikasten duten haurrek ez dutela
beste haurrekin harremana, umeak beste aktibitate mota batzuen bitartez
erlazionatzen dira ( parkera joaten, partikularretan, kirol ekintzetan, …).
Homeschoolingaren alde daudenak aldarrikatu nahi dute etxean ikasten duten
umeek ez dutela lortzen ikastetxe batean ikasten hari direnen titulazio berdina, naiz
eta maila berdina duten.
Amaitzeko, naiz eta gure ustez eskolak beharrezkoak diren, egia da gurasoek
ematen diguten heziketa oso garrantzitsua dela horrekin batera haiek erakusten
dizkiguten baloreak eta besteekiko errespetua.
- Ondorioak: Zuen ustez, zeintzuk dira XXI mendeko eskolaren xedeak?
Historian zehar, eskolak asko aldatu dira eta ondorioz haren xedeak ere
nabarmen aldatu dira. Orain dela zenbait urte hezkuntza gaur egun baino askoz
zorrotzagoa zen eta metodologia aldatzen ari da (teoria gutxiago eta praktika gehiago
erabiltzen da).
XXI. mendeko eskolen xede nagusia ikasleei materialak irakastea eta hauek
ikastea da. Material hauei esker haurrek hobeki ikasten dute eta errazagoa egiten zaie.
Irakasleen funtzioa ikasleen beharrak asetzea da eta hauei erakustea bizitzan zehar
dauden aurre egiten, naiz eta horretarako lan asko egin behar duten eta hainbat modu
izan behar dituzten gauzak azaltzeko eta ikasleei erraztasuna emateko.
Ikasleen iritziak eta nahiak kontuan hartu behar dira, eta beren adinerako
egokiak diren ariketak eta ekintzak egiten badira asko motibatuko dira eta horrek
emaitza onak lortzera eramango ditu.
Irakasleen funtzioa oso garrantzitsua da, beren jarrera eta emozioek kalte egin
diezaieke ikasleei eta horrez gain, gurasoek ere garrantzi handia dute eta beraz
ikasleek hauekin eduki behar duten jarrera egokia izan behar da, egia da eta batzuetan
gurasoak haurrak baino akzio okerragoak izaten dituztela.
9. 9
Bukatzeko, esan behar da gaur egungo eskolaren xedeak askotarikoak direla.
Lehenengo sozializazioa eskolan ematen dute haurrek, denbora asko pasatzen baitute
bertan. Gainera, eskolan balore asko lantzen dituzte: errespetua, taldean lanak egiten
jakitea, … Ez dugu pentsatu behar eskola teoria ikasteko lekua denik, ezagutzak
jasotzearen bitartez prozesu mentalak heltzeko lekua dela esan genezake.
10. 10
- BIBLIOGRAFIA
Camino, I, eta Murua, H. (20/10/15) Hezkuntzaren teoria eta historia liburua.
Argitaletxea. Delta.
Hezkuntzaren teoria eta historiako “homeschooling”-aren bideoa.
Hoyuelos, A. (2003ko urtarrila). 0-3 zentroak: hezkuntza eskaintzea helburutzat eta ez
laguntza eskaintzea. Honako webgune honetatik berreskuratua:
http://www.hikhasi.eus/artikulua/797
Klaseko ariketa fitxa(aldeko eta kontrako argudioak)
López, A. (09/10/2013). De la LGE a la LOMCE: Así son las siete leyes educativas
españolas de la democracia. Honako webgune honetatik berreskuratua:
http://www.teinteresa.es/educa/siete-leyes-educativas-franco-wert-zapatero-
aznar-ucd-psoe-pp_0_1007900025.html
M.,M.(2010-06-16). Haur Hezkuntza hezitzailea ote?. Honako webgune honetatik
berreskuratua;
http://hegoakastinduzetamunduazabalduz.blogspot.com.es/2010/06/haur-
hezkuntza-hezitzailea-ote.html