Ibrahimi a.s Babai i Profetëve dhe shembull i shkëlqyer

1. Të jemi pasardhës të denjë të Ibrahimit a.s
Islami është rruga e të gjithë profetëve të Allahut. Ne besojmë në të gjithë profetët, i
respektojmë, i nderojmë, i duam dhe përpiqemi të ndjekim shembujt e tyre siç na është sqaruar
në mënyrën më autentike nga Pejgamberi i fundit Muhamed a.s. Ndërmjet profetëve, Ibrahimi
a.s ka një vend shumë të rëndësishëm në historinë e njerëzimit. Tre bashkësitë e mëdha fetare,
hebrejtë, të krishterët dhe myslimanët, e quajnë veten " pasardhësit (fëmijët) e Ibrahimit". Por
çfarë do të thotë që muslimanët të jenë "pasardhës të Ibrahimit a.s".?
Sipas Islamit, pasardhësit e profetit Ibrahim a.s nuk janë vetëm pasardhësit e tij biologjikë, por të
gjithë ata që e ndjekin rrugën e tij janë pasardhësit e tij. Allahu iu është drejtuar të gjithë
muslimanëve duke iu thënë se Islami ishte feja e Ibrahimit "babait" tuaj.. ..Ai ju ka zgjedhur dhe
nuk ju ka vënë asnjë barrë në fenë tuaj, fenë e babait tuaj, Ibrahimit. Ai ju ka quajtur juve
myslimanë qysh më parë (në Shkrimet e Shenjta) dhe në këtë (Kuran), me qëllim që i Dërguari
të jetë dëshmitar mbi ju dhe që ju të jeni dëshmitarë mbi njerëzit e tjerë.... (Haxh 22: 78).
Njerëzit që janë më të afërt me Profetin Ibrahim, sipas Kur'anit, nuk janë ata që pohojnë se ai
ishte babai i tyre, por ata që e ndjekin atë në besim. Allahu xh sh thotë: Pa dyshim, njerëzit më
të afërt me Ibrahiminjanëata qëe pasuanatë dheky Profet mebesimtarët (e tij). Allahu është
mbrojtës i besimtarëve. (Ali Imran: 68)
Kurani fletgjërësishtpër Profetin Ibrahim a.s.Janë dhënë shumë emra dhe tituj të bukur. Ai quhet
prijës (imam), Bekare: 142), mik i Allahut (khalilullah), Nisa: 125), i sinqertë (siddik,
Mermjem:41), Profet, dhe i Dërguar (resul dhe nebij Merjem:41; Hadid:26), ai që iu dorëzua
Allahut (musliman, Bekare: 131), Gjithashtu në Kur'an thuhat: Vërtet, Ibrahimi ishte i butë, i
dhembshur e vazhdimisht i kthyer (tek Allahu). (halim, auah, munib, (Hud: 74-75). Ai shpesh
quhet hanif ( i pastër). Kjo do të thotë jo vetëm një monoteist, por një monoteist i drejtë jo-
devijant. Sa herë që titulli hanif është thënë në Kuran për Ibrahimin a.s, ai është i shoqëruar me
deklaratën se (ai nuk ishte nga idhujtarët). (Bekare: 135 / Ali imran:67 / Ali imran:95 / En'am: 161
/ Nahl :120- 123. Profeti Ibrahim a.s është quajtur gjithashtu ummet (një komunitet në vetvete,
Nahl: 120). Ai u zgjodh nga Allahu (Ali imran:33), dhe ishte një shembull i shkëlqyer (usuetun
hasene, (Mumtehine: 4). Profeti Muhamed a.s dhe pasuesit e tij janë të urdhëruar në Kur'an të
ndjekin rrugën e Profetit Ibrahimit. (Ali imran:95 / Nisa: 125 / En'am:161) dhe ka thënë se vetëm
një i humbur do të largohet nga rruga e Profetit Ibrahim a.s, Fesë së Ibrahimit i shmanget vetëm
ai që e nënçmon vetveten. Ne e zgjodhëm atë në këtë botë, kurse në botën tjetër ai do të jetë
ndër të mirët. (Bekare: 130).
Kështu që, pyetja është se çfarë do të thotë të jesh pasardhës i Ibrahimit. Çfarë duhet të bëjnë
ata që pretendojnë të jenë pasardhësit e Ibrahimit a.s për t'u bërë pasardhësit e tij të vërtetë?
Nëse vërejmë në Kur'anin fisnik, gjejmë përgjigjet e mëposhtme:

2. 1. Zemër e pastër dhe e sinqertë. Allahu përmend në Kur'an se Profeti Ibrahim ishte një njeri me
zemrër të pastër dhe të sinqertë. Allahu i xh.sh thotë, Ai i erdhi Zotit të vet me zemër të
pastër,.(Saffat: 84)
Allahu e emërtoi zemrën e tij "kalbun selim". një zemër e pastër, e kulluar, e pandashme, e
pashkatërruar dhe e shëndetshme. Është një zemër që idrejtohet tërësisht Allahut dhe nuk mban
asnjë zilie, asnjë urrejtje dhe asnjë të keqe kundër askujt. Zemra e Profetit Ibrahim a.s ishte
sinqerisht e përkushtuar ndaj Allahut dhe i donte të mirën për të gjithë njerëzimin.
Të jesh pasardhës i Ibrahimit a.s është të kesh një zemër të mirë dhe të kulluar.
2. T'i dorëzohesh Allahut. Profeti Ibrahim iu dorëzua plotësisht Allahut dhe iu nënshtrua atij.
Allahu xh.sh thotë: Kur Zoti i tij i tha: “dorëzohu” - ai u përgjigj: “Iu dorëzova (përula) Zotit të
gjithësisë!” (Bekare :131)
Dorëzimi i Profetit Ibrahim ishte kaq i përsosur saqë sa herë që lutemi ose bëjmë kurban, duhet
të kemi parasysh lutjen e tij që thuhet në Kur'an: Unë e kthej fytyrën time nga Ai që i ka krijuar
qiejt dhe Tokën, duke qenë besimtar i vërtetë, dhe nuk jam nga idhujtarët”! (En'am :79)
Të jesh pasardhës i Ibrahimit a.s është t'i dorëzohesh Allahut xh.sh, t'a pranosh Atë si Zot të
vetëm të vërtetë.
3. Përmbush urdhrat e Allahut. Profeti Ibrahim a.s jetonte sipas urdhrave të Allahut. Çfarëdo që
e urdhëronte Zoti i tij, ai e kryente atë. Ai kaloi shumë sprova dhe vështirësi, por ai nuk hoqi dorë
nga përkushtimi ndaj Zotit të tij. Allahu xh.sh thotë: Kur Allahu e sprovoi Ibrahimin me disa
urdhëresa, të cilat ai i plotësoi, Allahu i tha: “Unë do të të bëj ty imam (prijës) të njerëzve!” - “Po
pasardhësit e mi?” - pyeti ai. Allahu tha: “Premtimi Im nuk i përfshin të padrejtët.” (Bekare :124)
Të jesh nga pasardhësit e Ibrahimit a.s duhet të jetosh sipas urdhërave të Allahut.
4. Të jetë mikpritës, i sjellshëmdhe i dhembshur. Profeti Ibrahim ishte mikpritës i madh. Ai ishte
një person shumë dashamirës dhe i sjellshëm. Kur'ani përmend historinë e mysafirëve të Profetit
Ibrahim. të panjohur erdhën në shtëpinë e tij, aidoli për t'imirëpritur ata dhe i rrespektoi shumë.
Allahu xh.sh thotë: A e ke dëgjuar historinë e mysafirëve të nderuar të Ibrahimit? Ata hynë tek
ai e i thanë: “Paqe!” - dhe ai u tha: “Paqe, o njerëz të panjohur!”E pa u vënë re, ai shkoi te
njerëzit e shtëpisë dhe solli një viç të majmë.Pastaj ua afroi atyre e u tha: “A nuk po hani?”
(Dharijat 24 /27)

3. Të jesh pasardhës i Ibrahimit a.s është të jesh i mirë edhe me të panjohurit.
5. Të jesh dashamirës, i butë. Profeti Ibrahim madje kujdesej edhe për mëkatarët. Ai iu lut
Allahun për popullin e Sodomës dhe Gomorës. Allahu xh.sh thotë: "Pasi i kaloi frika Ibrahimit
dhei erdhilajmi i gëzuar,ai polemizoime tëdërguarit Tanë(engjëjt)përpopullineLutit.Vërtet,
Ibrahimi ishte i butë, i dhembshur e vazhdimisht i kthyer tek Allahu.( Hud 74 / 75)
Të jesh pasardhës i Ibrahimit a.s do të thotë të kujdesesh dhe shqetësohesh për të gjithë
njerëzit.
6. Të jesh aktiv dhe produktiv në vepra pozitive. Profeti Ibrahim ishte njeri i punës. Ai punoi për
mesazhin e Allahut dhe për misionin e tij vazhdimisht. Ai i pranoi të gjitha vuajtjet për misionin e
tij. Kur babai dhe populli i tij refuzuan të pranonin mesazhin e tij, ai u largua dhe vazhdoi të
udhëtonte nga një vend në tjetrin. Në Kur'an thuhet: "Ai tha:" Unë do të shkoj tek Zoti im, ai me
siguri do të më udhëzojë! "(Saffat 37: 99)
Në moshën e tij të vjetër, ai dhe djali i tij (ismaili a.s) punuan shumë për të ndërtuar një shtëpi
për adhurimin e Allahut. Allahu e deshi atë shtëpi dhe e quajti atë "Bejti" (Shtëpia ime). Ibrahimi
dhe Ismaili a.s i ndërtonin themelet e Qabes duke u lutur:.“O Zoti ynë! Pranoje prej nesh (këtë
vepër)! Me të vërtetë, Ti je Ai që dëgjon dhe di gjithçka! (Bekare 2: 127)
Të jesh pasardhës i Ibrahimit a.s duhet të jesh aktiv në vepra të mira.
7. Të kontribuosh në shoqëri. Profeti Ibrahim a.s ishte aq shumë kontribues në shoqëri saqë
Allahu xh.sh e quajti atë "Ummet", një komunitet në vetvete. Ai ishte një njeri i unitetit që u
përpoq të bashkonte të gjithë njerëzit. Allahu thotë për të: Me të vërtetë, Ibrahimi ka qenë
(ummet) prijës shembullor (me të gjitha virtytet e mira), i përulur para Allahut, me besim
monoteist dhe nuk ka qenë nga idhujtarët, (Nahl; 120
Të jesh pasardhës i Ibrahimit a.s duhet të punosh për unitet dhe bashkim.
8. Të jesh i gatshëm për sakrificë. Profeti Ibrahim a.s ishte i gatshëm të sakrifikonte çdo gjë dhe
gjithçka, madje edhe gjënë më të dashur për të, për hir të Allahut. Sot ne përkujtojmë veprën e
tij më dramatike të sakrificës. Ai ishte i gatshëm të sakrifikonte djalin e tij të vetëm për hir të
Allahut. Allahu e deshi aq shumë këtë vepër të Profetit Ibrahim saqë e bëri njerëzimin të mbante
mend përgjithmonë. Allahu thotë: " Ne e thirrëm:“O Ibrahim,tiepërmbusheëndrrën.”Vërtet,
Ne kështu i shpërblejmë punëmirët! Kjo, me të vërtetë ka qenë një sprovë e qartë!,Dhe Ne e
zëvendësuam atë (Ismailin) me një kurban të madh,dhe i lamë atij (Ibrahimit) kujtim të mirë
në brezat e mëvonshëm.“Paqja qoftë mbi Ibrahimin!”Ja, kështu, Ne i shpërblejmë
punëmirët.Ai ka qenë vërtet një nga robërit Tanë besimtarë.(Safat 104 - 111)

4. Të jesh pasardhës i Ibrahimit a.s është ta duash Allahun dhe të bëhesh mik i Allahut.
9. Të duash Allahun. Profeti Ibrahim a.s e donte Allahun xh.sh me gjithë zemër, me gjithë qënien
dhe me gjithë shpirtin e tij. Allahu gjithashtu edonte atë dhe e quajti atë mikun eTij. Allahuthotë:
"Kush është besimtar më i mirë se ai që i dorëzohet sinqerisht Allahut, duke qenë bamirës dhe
zbatues i fesë së pastër të Ibrahimit, të cilin Allahu e ka marrë për mik të ngushtë?! (Nisa :125)
Ka shumë që pretendojnë se janë trashëgimtarë të Ibrahimit a.s, por cilët janë pasardhësit e tij
të vërtetë? Njerëzimi ka nevojë për ndjekës të vërtetë të Ibrahimit a.s, jo ata që pretendojnë të
jenë ndjekësit e tij dhe nuk ndjekin rrugën e tij. Pasardhësit e vërtetë të Ibrahimit a.s do të jenë
pasuesit e vërtetë të Profetëve të Allahut: siç janë Musa , Isa dhe Muhammedi (paqja dhe bekimi
qofshin mbi të gjithë ata). Ky është mesazhi i këtij "Bajrami". Ky është mesazhi i Islamit dhe ky
është mesazhi që bota ka nevojë. Umeti ka nevojë për këtë mesazh dhe njerëzimi ka nevojë për
këtë.
Të jemi të sinqertë dhe t'i bindemi Allahut, të jemi dashur dhe përkujdesës, aktiv bëhuni dhe
kontribues në shoqëri, të gatshëm për sakrificë, dhe ta duam Allahun. Kjo është rruga e Profetit
Ibrahim a.s dhe kjo është rruga e Profetit Muhamed a.s.
Allahu e bëftë Bajramin festë në zemrat tona, festë në shtëpitë tona, festë për popullin tonë. I
lutemi Allahut (xh.sh), që viti që do të vijë, të na gjejë më afër me Allahun (xh.sh), më afër me
shpirtin tonë, më afër me njëri – tjetrin, më larg shejtanit të mallkuar, më larg stresit dhe
problemeve. Zoti e bëftë të sotmen tonë më të mirë se të djeshmen dhe të nesërmen më të mirë
se të sotmen. Zoti e bëftë ahiretin tonë më të mirë se dynjanë. Zoti i faltë gabimet tona, të
mëdhatë e të voglat, ato që duken e ato që nuk duken, ato që i kemi bërë dhe ato që mund t`i
bëjmë. Zoti na mundësoftë ta jetojmë jetën si muslimanë, ta japim shpirtin si besimtarë e të na
ringjallë bashkë me profetin (a.s).
I lutemi Allahut që të n'a ndihmojë t'a ndjekim këtë rrugë. Ne kemi shumë sfida dhe bota ka
shumë sfidanë këtë kohë, por me frymën e duhur dhe veprim të drejtë, të gjithaproblemet mund
të zgjidhen, Allahu xh.sh thotë në Kur'anin fisnik: O besimtarë!Bëhunitëdurueshëmdhenxiteni
njëri-tjetrin të jeni të tillë; bëhuni të vendosur dhe vigjilentë (në vepra të mira dhe në ruajtjen
e kufijve) dhe kijeni frikë Allahun, që të shpëtoni! ( Ali imran;200)