More Related Content
More from akax001 akax001
More from akax001 akax001 (19)
Qeshqer tarixidiki fewral-weqesi
- 1. http://www.orkhun.com ﺋﻮﺭﺧﯘﻥ ﺋﯘﻳﻐﯘﺭ ﺗﺎﺭﯨﺨﻰ ﺗﻮﺭ ﺑﯧﺘﻰ
ﻗﻪﺷﻘﻪﺭ ﺗﺎﺭﯨﺨﯩﺪﯨﻜﻰ " ﻓﯧﯟﺭﺍﻝ ﭘﺎﺟﯩﺌﻪﺳﻰ "
ﻣﯘھﻪﻣﻤﻪﺕ ﺋﯩﻤﯩﻦ ﻗﯘﺭﺑﺎﻧﻰ
ﺗﻮﺭﻏﺎ ﻳﻮﻟﻠﯩﻐﯘﭼﻰ : ﺋﻮﺭﺧﯘﻥ ﺋﯘﻳﻐﯘﺭ ﺗﺎﺭﯨﺨﻰ ﺗﻮﺭﺑﯧﺘﯩﺪﻯ niyazdixanﺋﻪﭘﻪﻧﺪﻯ
ﺟﻪﻧﯘﺑﯩﻲ ﺷﯩﻨﺠﺎڭ ﻣﯘھﺎﭘﯩﺰەﺕ ﺑﺎﺵ ﻗﻮﻣﺎﻧﺪﺍﻧﻰ ) ﺑﺎۋۋﯦﻲ ﺯﻭﯕﺴﯩﻠﯩﯔ ( ﺧﻮﺟﯩﻨﯩﻴﺎﺯ ھﺎﺟﻰ 4391 - ﻳﯩﻠﻰ 1
- ﺋﺎﻳﻨﯩﯔ 21 - ﻛﯜﻧﻰ ﻗﻪﺷﻘﻪﺭﮔﻪ ﻳﯧﺘﯩﭗ ﻛﻪﻟﮕﻪﻥ ﺋﯩﺪﻯ .
ﺷﯘ ﻛﯜﻧﻠﻪﺭﺩە ﻗﻪﺷﻘﻪﺭ ﻳﯧﯖﻰ ﺷﻪھﻪﺭﺩﯨﻜﻰ ﻣﺎﺟﻪﻧﺴﺎڭ ) ﭼﻮﻻﻕ ﺯﯨﺨﯘﻱ ( ﻏﺎ ﻗﺎﺭﺷﻰ " ﻳﯧﯖﻰ ﺷﻪھﻪﺭ "
ﺳﻮﻗﯘﺷﻰ ﺑﻮﻟﯘۋﺍﺗﺎﺗﺘﻰ . ﺑﯘ ﺋﯘﺭﯗﺵ ﺑﺎﺷﺒﺎﺷﺘﺎﻗﻠﯩﻖ ، ﺋﯩﺘﺘﯩﭙﺎﻗﺴﯩﺰﻟﯩﻖ ۋە ﺋﯩﭽﻜﻰ - ﺗﺎﺷﻘﻰ ﺩﯛﺷﻤﻪﻧﻠﻪﺭﻧﯩﯔ
ﺑﯘﺯﻏﯘﻧﭽﯩﻠﯩﻖ ﺳﯧﻠﯩﺸﻰ ﺗﯜﭘﻪﻳﻠﯩﺪﯨﻦ ﺑﯩﺮ ﺗﻪﺭەپ ﺑﻮﻟﻤﯩﻐﺎﻥ ﺋﯩﺪﻯ . ﮔﻪﺭﭼﻪ ﺑﯘ ﺋﯘﺭﯗﺵ ﺑﺎﺷﻼﻧﻐﯩﻠﻰ 06
ﻧﻪﭼﭽﻪ ﻛﯜﻥ ﺑﻮﻟﻐﺎﻥ ، " ﻳﯧﯖﻰ ھﯚﻛﯜﻣﻪﺕ " ) ﺷﻪﺭﻗﻰ ﺗﯜﺭﻛﯩﺴﺘﺎﻥ ﺟﯘﻣﻬﯘﺭﯨﻴﯩﺘﻰ ( ﻧﯩﯔ ﺟﯩﺪﺩﻯ ﺳﻪﭘﻪﺭۋەﺭ
ﻗﯩﻠﯩﺸﻰ ﺑﯩﻠﻪﻥ ﻛﯜﭼﻪﻳﺘﯩﻠﮕﻪﻥ ﺑﻮﻟﺴﯩﻤﯘ ، ﻳﯧﯖﻰ ﺷﻪھﻪﺭﺩﯨﻜﯩﻠﻪﺭ ﺗﯧﺨﻰ ﺗﻪﻥ ﺑﻪﺭﻣﻪﻳﯟﺍﺗﺎﺗﺘﻰ . ﺧﻮﺟﯩﻨﯩﻴﺎﺯ
ھﺎﺟﯩﻨﯩﯔ ﻗﻮﺷﯘﻧﻠﯩﺮﻯ ﻗﻪﺷﻘﻪﺭﮔﻪ ﻛﯧﻠﯩﭙﻼ ﻳﯧﯖﻰ ﺷﻪھﻪﺭ ﻣﻪﺳﯩﻠﯩﺴﯩﻨﻰ ﺑﯩﺮ ﺗﻪﺭەپ ﻗﯩﻠﯩﺸﻘﺎ ﺟﯩﺪﺩﻯ ﺗﯘﺗﯘﺵ
ﻗﯩﻠﺪﻯ-ﺩە ، ﺑﯩﺮ ﺑﻪﭼﭽﻪ ﻛﯜﻥ ﺋﯚﺗﻤﻪﻳﻼ ﺋﯜﻧﯜﻡ ﻛﯚﺭﯛﺷﻜﻪ ﺑﺎﺷﻠﯩﺪﻯ . ﻣﺎﺟﻪﻧﺴﺎڭ ﭼﯧﻜﯩﻨﯩﭗ ﺳﯧﭙﯩﻞ ﺋﯩﭽﯩﮕﻪ
ﻣﯚﻛﯜﻧﯜﺷﻜﻪ ﻣﻪﺟﺒﯘﺭ ﺑﻮﻟﺪﻯ . ﺩەﻝ ﺷﯘ ﻛﯜﻧﻠﻪﺭﺩە ﻣﺎﻓﯘﻳﯜەﻥ ﺑﺎﺷﭽﯩﻠﯩﻘﯩﺪﯨﻜﻰ 3 ﭘﻮﻟﻚ ﺋﻪﺳﻜﻪﺭ ﺋﺎﻗﺴﯘﺩﯨﻦ
ﻗﻪﺷﻘﻪﺭﮔﻪ ﻛﯧﻠﯩﯟﺍﺗﺎﺗﺘﻰ . ﺧﻮﺟﯩﻨﯩﻴﺎﺯ ھﺎﺟﻰ ﺋﯘﻻﺭﻧﯩﯔ ﺋﺎﻟﺪﯨﻨﻰ ﺗﻮﺳﯘﺵ ﺋﯜﭼﯜﻥ ﻣﺎﺭﺍﻟﺒﯧﺸﻰ ، ﭘﻪﻳﺰﯨﯟﺍﺗﻼﺭﺩﺍ
ﻛﯜﭼﻠﯜﻙ ﻗﺎﺭﺷﯩﻠﯩﻖ ﻗﯩﻠﻐﺎﻥ ﺑﻮﻟﺴﯩﻤﯘ ﻣﯘۋەﭘﭙﻪﻗﯩﻴﻪﺗﺴﯩﺰﻟﯩﻜﻜﻪ ﺋﯘﭼﺮﺍپ ﺑﯩﺮ ﻛﯧﭽﯩﺪﯨﻼ ﻗﻪﺷﻘﻪﺭﺩﯨﻦ ﻛﯧﺘﯩﭗ
ﻗﺎﻟﺪﻯ .
ﺧﻮﺟﯩﻨﯩﻴﺎﺯ ھﺎﺟﻰ 82 - ﻳﺎﻧﯟﺍﺭ ﻛﯜﻧﻰ ﻛﯧﭽﯩﺴﻰ ﺑﯩﺮ ﺑﯚﻟﯜﻙ ﻛﯜﭼﯩﻨﻰ ﺋﯧﻠﯩﭗ ﻳﻪﻛﻪﻧﮕﻪ ﻛﻪﺗﺘﻰ . ﻣﻪھﻤﯘﺕ
ﻣﯘھﯩﺘﻰ ﺋﺎﺳﺎﺳﻰ ﻛﯜﭼﻰ ﺑﯩﻠﻪﻥ ﻳﯧﯖﯩﺴﺎﺭﺩﯨﻜﻰ ﺧﻮﺗﻪﻧﻠﯩﻚ ﺋﻪﻣﯩﺮﻟﻪﺭ ﺑﯩﻠﻪﻥ ھﻪﻣﻜﺎﺭﻟﯩﺸﯩﺸﻘﺎ ﻗﺎﻟﺪﻯ . "
ﻳﯧﯖﻰ ھﯚﻛﯜﻣﻪﺗﻨﯩﯔ " ﺑﺎﺵ ۋەﻛﯩﻠﻰ ﺳﺎۋﯗﺕ ﺩﺍﻣﻮﻟﻼ ﺋﺎﺳﺎﺳﯩﻲ ﻛﯜﭼﯩﺪﯨﻦ ﺋﺎﻳﺮﯨﻠﻐﺎﻥ ھﺎﻟﺪﺍ ﻳﯧﯖﯩﺴﺎﺭﺩﺍ ﺑﯩﺮ
ﻣﻪﺯﮔﯩﻞ ﺗﯘﺭﻏﺎﻧﺪﯨﻦ ﻛﯧﻴﯩﻦ ﻳﻪﻛﻪﻧﮕﻪ ﻛﻪﺗﻜﻪﻥ ﺋﯩﺪﻯ . " ﻳﯧﯖﻰ ھﯚﻛﯜﻣﻪﺕ " ﻗﺎﺭﻣﯩﻘﯩﺪﯨﻜﻰ ﻗﻮﺷﯘﻧﻼﺭﺩﯨﻦ
ﻗﻪﺷﻘﻪﺭ ﺷﻪھﻪﺭ ﻣﯘھﺎﭘﯩﺰەﺕ ﻗﻮﻣﺎﻧﺪﺍﻧﻰ ) ﭼﯩﯖﭙﺎڭ ﺳﯩﻠﯩﯔ ( ﻛﯩﭽﯩﻚ ﺋﺎﺧﯘﻥ ﺋﻪﺳﻜﻪﺭﻟﯩﺮﯨﻨﻰ ﺋﯧﻠﯩﭗ ﺋﺎﺳﺘﯩﻦ
ﺋﺎﺗﯘﺷﻘﺎ ، " ﺯﯨﺮﺍﺋﻪﺕ ﻧﺎﺯﯨﺮﻯ ﺋﻮﺑﯘﻝ ھﻪﺳﻪﻥ ھﺎﺟﻰ ) ﻣﯘﺳﺎﺑﺎﻳﻮپ ( ﺯەﻳﺪﯨﻦ ﻛﺎﺭۋﺍﻥ ﺑﺎﺷﭽﯩﻠﯩﻘﯩﺪﯨﻜﻰ
ﻗﻮﺷﯘﻧﻠﯩﺮﯨﻨﻰ ﺋﯧﻠﯩﭗ ﺋﯜﺳﺘﯜﻥ ﺋﺎﺗﯘﺷﻘﺎ ، " ﺩﯙﻟﻪﺕ ﻣﯘﺩﺍﭘﯩﺌﻪ ﻧﺎﺯﯨﺮﻯ " ﻗﯩﺮﻏﯩﺰ ﺋﻮﺭﺍﺯﺑﻪﻙ ﻗﯩﺮﻏﯩﺰ
ﺋﻪﺳﻜﻪﺭﻟﯩﺮﯨﻨﻰ ﺋﯧﻠﯩﭗ ﺋﯘﻟﯘﻏﭽﺎﺕ ﺗﻪﺭەﭘﻜﻪ ، " ﻗﻪﺷﻘﻪﺭ ﮔﺎﺭﻧﯩﺰﻭﻥ ﻗﻮﻣﺎﻧﺪﺍﻧﻰ "ﺋﯚﺯﺑﯧﻚ ﻳﯜﺳﯜﭘﺠﺎﻥ ﻗﯘﺭ
ﺑﯧﺸﻰ ﺋﻪﺳﻜﻪﺭﻟﯩﺮﯨﻨﻰ ﺋﯧﻠﯩﭗ ﻳﯧﯖﯩﺴﺎﺭ ﺗﻪﺭەﭘﻜﻪ ﻛﻪﺗﺘﯩﺪە ، ﻗﻪﺷﻘﻪﺭ ﺷﻪھﯩﺮﻯ ﻣﺎﻓﯘﻳﯜەﻥ ﻗﯩﺴﯩﻤﻠﯩﺮﯨﻐﺎ ﺋﻮﯕﭽﻪ
ﻗﺎﻟﻐﺎﻥ ﺋﯩﺪﻯ . ﺑﯘ ﭼﺎﻏﺪﺍ ﺷﻪھﻪﺭﺩﯨﻜﻰ ﺑﺎﻳﻼﺭ ﻗﻮﻟﯩﻐﺎ ﭼﯩﻘﻘﺎﻧﻨﻰ ﺋﯧﻠﯩﭗ ﭼﻪﺗﻜﻪ ﻗﺎﭼﺘﻰ . ﺋﯩﻤﻜﺎﻧﯩﻴﯩﺘﻰ ﺑﺎﺭﻻﺭ
ﺷﻪھﻪﺭﻧﻰ ﺗﺎﺷﻼپ ﻳﯧﺰﯨﻐﺎ ﭼﯩﻘﯩﭗ ﻛﯧﺘﯩﺸﺘﻰ . ﺋﯩﻤﻜﺎﻧﯩﻴﯩﺘﻰ ﻳﻮﻕ ﻛﺎﺳﯩﭙﻼﺭ ، ﻛﻪﻣﺒﻪﻏﻪﻟﻠﻪﺭ ..... ﺷﻪھﻪﺭ
—————————————————————————————————————————————————
1
ﺋﯧﻠﻜﯩﺘﺎپ ﻗﯩﻠﯩﭗ ﺗﯜﺯﮔﯜﭼﻰ : ﺋﯘﻳﻐﯘﺭ ﺋﻮﻏﻠﻰ -----ھﻪۋەﺳﻜﺎﺭ
032552294:QQ Email:uyxman@126.com
- 2. http://www.orkhun.com ﺋﻮﺭﺧﯘﻥ ﺋﯘﻳﻐﯘﺭ ﺗﺎﺭﯨﺨﻰ ﺗﻮﺭ ﺑﯧﺘﻰ
ﺋﯩﭽﯩﺪە ﻗﺎﻟﻐﺎﻥ ﺋﯩﺪﻯ . ﺋﯚﺯﺑﯧﻚ ﻳﯜﺳﯜﭘﺠﺎﻥ ﻗﯘﺭ ﺑﯧﺸﻰ ﺑﺎﺷﺒﺎﺷﺘﺎﻗﻠﯩﻖ ﻗﯩﻠﯩﭗ ، ھﯧﭽﻜﯩﻤﮕﻪ ﻳﯚﻟﻪﻧﻤﯩﮕﻪﻥ
ھﺎﻟﺪﺍ ﺗﯘﯕﮕﺎﻧﻼﺭ ﺑﯩﻠﻪﻥ ﻳﻪﻧﻪ ﺑﯩﺮ ﻗﯧﺘﯩﻢ ﺋﯧﻠﯩﺸﻤﺎﻗﭽﻰ ﺑﻮﻟﺪﻯ . ﺧﻮﺟﯩﻨﯩﻴﺎﺯ ھﺎﺟﻰ ﻗﻪﺷﻘﻪﺭﮔﻪ ﻛﻪﻟﮕﻪﻧﺪە
ھﺎﺟﻰ ﺋﺎﻛﺎ ﺩەپ ﻳﯜﺭﯛپ ﻧﯘﺭﻏﯘﻥ ﻣﯩﻠﺘﯩﻖ ، ﺋﻮﻕ ﺩﻭﺭﯨﻼﺭﻏﺎ ﺋﯩﮕﻪ ﺑﻮﻟﻐﺎﻥ ﻳﯜﺳﯜﭘﺠﺎﻥ ﺧﻮﺟﯩﻨﯩﻴﺎﺯ ھﺎﺟﯩﻨﯩﯔ
ﺑﯘﻳﺮﯗﻗﯩﻐﺎ ﺧﯩﻼﭘﻠﯩﻖ ﻗﯩﻠﯩﭗ ﻳﯧﺮﯨﻢ ﻳﻮﻟﺪﯨﻦ ﻗﺎﻳﺘﯩﭗ ﻛﯧﻠﯩﭗ ﻳﻮﻟﻨﻰ ﺗﺎﺷﻤﯩﻠﯩﻖ ﺗﻪﺭەﭘﻜﻪ ﺳﺎﻟﺪﻯ-ﺩە
ﺑﻮﺭﺍﺧﯩﺘﺎﻱ ) ﺑﯘﻻﻗﺴﯘ ( ﺋﻪﺗﺮﺍﭘﯩﻐﺎ ﺋﻮﺭﯗﻧﻼﺷﺘﻰ ۋە ﺑﯩﺮ ﻗﯩﺴﻤﻰ ﺷﻪھﻪﺭ ﺋﻪﺗﺮﺍﭘﻠﯩﺮﯨﻐﺎ ﺳﯘﻗﯘﻧﯘپ ، ﻳﻪﺭﻟﯩﻚ
ﺩﯨﻬﻘﺎﻧﻼﺭﭼﻪ ﻛﯩﻴﯩﻨﯩﭗ ﺧﻪﻟﻘﻘﻪ ﺋﺎﺭﯨﻠﯩﺸﯩﭗ ﻳﯜﺭﯛۋەﺭﺩﻯ .
ﻣﺎﻓﯘﻳﯜەﻥ ﺋﯚﺯ ﻗﻮﺷﯘﻧﻠﯩﺮﯨﻨﻰ ﺑﺎﺷﻼپ ، ﻗﻪﺷﻘﻪﺭﮔﻪ ﻳﯧﺘﯩﭗ ﻛﯧﻠﯩﭙﻼ ﻛﻮﻧﺎ ﺷﻪھﻪﺭﻧﻰ ﺋﯩﺸﻐﺎﻝ ﻗﯩﻠﺪﻯ . ﺋﯘﻧﻰ
ﻗﻪﺷﻘﻪﺭﻧﯩﯔ ھﺎﻛﯩﻤﻰ ) ﺷﻪﻧﺠﺎڭ ( ﻳﺎﻗﯘپ ﺑﻪگ ﻻۋﺳﻰ ، ﺋﯩﺒﺮﺍھﯩﻢ ﻟﻮﺯﯗڭ ﺑﺎﺷﭽﯩﻠﯩﻘﯩﺪﯨﻜﻰ ﺑﯩﺮ ﺗﯜﺭﻛﯜﻡ ﺑﺎﻳﻼﺭ
ﺷﻪھﻪﺭ ﺳﯩﺮﺗﯩﻐﺎ ﭼﯩﻘﯩﭗ ﻗﺎﺭﺷﻰ ﺋﯧﻠﯩﭗ ﺷﻪھﻪﺭﮔﻪ ﺑﺎﺷﻼپ ﻛﯩﺮﺩﻯ . ﻣﺎﻓﯘﻳﯜەﻧﻨﯩﯔ ﺋﻪﺳﻜﻪﺭﻟﯩﺮﻯ ، ﺷﻪﺗﻪﻱ
ﻳﺎﻣﯘﻟﻰ ﺑﯩﻠﻪﻥ ﺩﺍۋﺗﻪﻱ ﻳﺎﻣﯘﻟﯩﻐﺎ ﺋﻮﺭﯗﻧﻼﺷﻘﺎﻥ ﺑﻮﻟﺴﯩﻤﯘ ﺑﯩﺮ ﻗﯩﺴﻤﻰ ﺷﻪھﻪﺭ ﺋﯩﭽﯩﺪﯨﻜﻰ ﺗﯩﺠﺎﺭەﺗﭽﯩﻠﻪﺭﻧﯩﯔ
ﺳﻮﺩﺍ ﺳﺎﺭﺍﻳﻠﯩﺮﯨﻐﺎ ﺋﻮﻣﯘﻣﻪﻥ ھﯧﻴﺘﮕﺎھ ﻣﻪﻳﺪﺍﻧﻰ ﺋﻪﺗﺮﺍﭘﯩﻐﺎ ﺋﻮﺭﯗﻧﻼﺷﺘﻰ . ﻣﺎﻓﯘﻳﯜەﻥ ﮔﻪﺭﭼﻪ ﻗﻪﺷﻘﻪﺭ
ﺷﻪھﯩﺮﯨﻨﻰ ﺋﯩﮕﯩﻠﯩﮕﻪﻥ ﺑﻮﻟﺴﯩﻤﯘ ﺳﯧﭙﯩﻞ ﺋﯩﭽﯩﮕﯩﻼ ھﯚﻛﯜﻣﺮﺍﻥ ﺋﯩﺪﻯ . ﺩەﺭۋﺍﺯﺍ ﺗﯧﺸﯩﻐﺎ ھﯚﻛﻤﻰ ﺋﯚﺗﻤﻪﻳﺘﺘﻰ .
ﺋﻪﺳﻜﻪﺭﻟﯩﺮﯨﻨﻰ ﻗﯩﺸﻠﯩﻖ ﻛﯩﻴﯩﻨﺪﯛﺭﯛﺵ ﺋﯩﺸﻰ ﻣﯘھﯩﻢ ﺑﻮﻟﻐﺎﭼﻘﺎ ﺷﻪھﻪﺭﺩﯨﻜﻰ ﺑﺎﺭﻟﯩﻖ ﻛﺎﺳﯩﭙﻼﺭﻧﻰ ﻳﯩﻐﯩﯟﺍﻟﺪﻯ .
ﻛﯩﻴﯩﻢ ﺗﯩﻜﻜﯜﭼﻰ ، ﻣﻮﺯﺩﯗﺯ ، ﺑﻮﻳﺎﻗﭽﻰ ،ﺋﯩﮕﻪﺭﭼﻰ ، ﺗﺎﺳﻤﯩﭽﻰ ، ﻳﺎﻏﺎﭼﭽﻰ ھﻪﺗﺘﺎ ﺗﯜﮔﻤﻪ ﻳﺎﺳﺎﻳﺪﯨﻐﺎﻥ
ﺋﯘﺳﺘﯩﻼﺭﻏﯩﭽﻪ ھﻪﻳﺪەپ ﻛﯧﻠﯩﭗ ﺳﺎﺭﺍﻳﻼﺭﺩﺍ ﺑﯧﺴﯩﯟﺍﻟﻐﺎﻥ ﭼﻪﻛﻤﻪﻥ ، ﻣﺎﺗﺎﻻﺭﺩﯨﻦ ﻛﯩﻴﯩﻢ ﺗﯩﻜﺘﯜﺭﺩﻯ . ﻣﯩﻠﺘﯩﻘﻘﺎ
ﺗﺎﺳﻤﺎ ، ﺋﺎﺗﻼﺭﻏﺎ ﺋﯧﻴﯩﻞ ﻳﺎﺳﺎﺗﻘﯘﺯﺩﻯ . ﻛﺎﺳﯩﭙﻼﺭﻧﻰ ﻗﯘﺭﯗﻕ ﺟﯩﯖﻤﻮﻣﺎ ﺑﯩﻠﻪﻥ ﺋﺎچ - ﺗﻮﻕ ﺋﯩﺸﻘﺎ ﺳﺎﻟﺪﻯ .
ﻳﺎﺧﺸﻰ ﺋﯩﺸﻠﯩﻤﯩﺴﻪ ﻣﯩﻠﺘﯩﻘﻨﯩﯔ ﭘﺎﻳﻨﯩﻜﻰ ﺑﯩﻠﻪﻥ ﺋﯘﺭﺩﻯ . ﺑﺎﻻ - ﭼﺎﻗﯩﻠﯩﺮﻯ ﺑﯩﻠﻪﻥ ﻛﯚﺭﯛﺷﺘﯜﺭﻣﯩﺪﻯ . ھﻪﺗﺘﺎ
ﺋﯚﻳﺪﯨﻦ ﻛﻪﻟﮕﻪﻥ ﺗﺎﻣﺎﻗﻨﻰ ﺋﺎﻟﺪﯗﺭﻣﺎﻱ ﻗﺎﺗﺘﯩﻖ ﺋﺎﺯﺍﺏ ﺳﺎﻟﻐﺎﻥ ﺋﯩﺪﻯ . ﻣﺎﻓﯘﻳﯜەﻥ ﻗﻮﺷﯘﻧﻠﯩﺮﯨﻐﺎ ﺋﻮﺯﯗﻗﻠﯘﻗﻨﻰ
ﻳﯧﺰﯨﻼﺭﺩﯨﻦ ﺋﺎﻻﺗﺘﻰ . ﻳﯧﺰﯨﻼﺭﻏﺎ ﻗﻮﺭﺍﻟﻠﯩﻖ ﺋﻪﺳﻜﻪﺭﻟﻪﺭﻧﻰ ﭼﯩﻘﯩﺮﯨﭗ ﺋﻮﺗﯘﻥ ، ﺳﺎﻣﺎﻥ ﻳﯧﻐﺪﯗﺭﺍﺗﺘﻰ . ﺑﻪﺯﯨﺪە
ﺋﯘﻧﯩﯔ ﻗﻮﺭﺍﻟﻠﯩﻘﻠﯩﺮﻯ ﻳﯧﺰﯨﻼﺭﺩﺍ ﺋﯘﺷﺘﯘﻣﺘﯘﺕ ھﯘﺟﯘﻣﻐﺎ ﺋﯘﭼﺮﺍپ ﻗﯧﭽﯩﭗ ﻛﯧﻠﻪﺗﺘﻰ . ﻳﯧﺰﯨﻼﺭﺩﯨﻦ ﺑﻮﻟﯘۋﺍﺗﻘﺎﻥ
ﺋﯘﺷﺘﯘﻣﺘﯘﺕ ھﯘﺟﯘﻡ ﺑﺎﺭﻏﯧﻨﺴﯧﺮﻯ ﺷﻪھﻪﺭ ﺑﯧﻘﯩﻨﯩﻐﺎ ﻳﯧﺘﯩﭗ ﻛﻪﻟﺪﻯ-ﺩە ، ﺗﯘﻣﻪﻥ ﺩەﺭﻳﺎﺳﯩﻐﺎ ﺋﯧﻠﯩﭗ ﭼﯩﻘﻘﺎﻥ
ﺋﺎﺗﻠﯩﺮﯨﻨﻰ ھﯘﺟﯘﻣﭽﯩﻼﺭ ﺗﺎﺭﺗﯩﭗ ﺋﯧﻠﯩﭗ ﻛﯧﺘﻪﺗﺘﻰ . ﻣﺎﻓﯘﻳﯜەﻥ ﺑﯘ ﺋﻪھﯟﺍﻟﻼﺭﻧﻰ ﺋﻮﯕﺸﺎﺵ ۋە ﺷﻪھﻪﺭ ﺧﻪﻟﻘﯩﻨﻰ
ﺑﺎﺳﺘﯘﺭﯗﺵ ﺋﯜﭼﯜﻥ ﺑﻪگ ، ﭘﺎﺷﺸﺎپ ، ﻣﯩﺮﺷﺎﭘﻼﺭﺩﯨﻦ ﻛﻪڭ ﭘﺎﻳﺪﯨﻼﻧﺪﻯ . ﻗﻪﺷﻘﻪﺭﻧﯩﯔ ﺑﯘﺭﯗﻧﻘﻰ ﺋﺎﺗﺎﻗﻠﯩﻖ
ﺑﺎﺟﮕﯩﺮﻯ ﺋﯩﺒﺮﺍھﯩﻢ ﻟﻮﺯﯗﯕﻨﻰ ﺷﻪھﻪﺭ ﻣﯘھﺎﭘﯩﺰەﺗﭽﻰ ﻗﻮﻣﺎﻧﺪﺍﻧﻰ ﻗﯩﻠﯩﭗ ﺗﻪﻳﯩﻨﻠﯩﺪﻯ . ﺋﯩﻨﻘﯩﻼﺑﭽﯩﻼﺭ ﺳﯧﭙﯩﺪﯨﻦ
ﻗﯧﭽﯩﭗ ﻛﻪﻟﮕﻪﻥ ﺭﯨﺸﺘﻪﻣﻰ ﭘﺎﺭﺗﯩﺰﺍﻧﻼﺭ ﺋﻪﺗﺮﯨﺘﯩﻨﯩﯔ ﻗﻮﻣﺎﻧﺪﺍﻧﻰ ) ﻳﯘﻳﺠﻰ ﺳﯩﻠﯩﯔ ( ﻗﯩﻠﺪﻯ . ﺭﯨﺸﺘﻪﻡ
ﺋﺎﺳﺘﯩﻦ ﺋﺎﺗﯘﺵ ﺗﯩﺠﻪﻧﻠﯩﻚ ﺑﻮﻟﯘپ ﺑﯘﺭﯗﻥ ﺩﯗﻣﺒﯩﻼﻗﭽﻰ ) ﺋﯧﺸﻪﻛﭽﻰ ﻛﯩﺮﺍﻛﻪﺵ ( ﺑﻮﻟﯘپ ، ﻗﻮﺭﻏﺎﻧﻐﺎ ﭼﯩﻘﯩﭗ
ﻗﯩﺮﻏﯩﺰﯨﺴﺘﺎﻧﺪﯨﻦ ﭼﯩﻘﻘﺎﻥ ﺟﺎﻧﯩﺒﻪﻙ ﻗﺎﺯﯨﻨﯩﯔ ﺋﯩﺴﻴﺎﻧﭽﯩﻠﯩﺮﯨﻐﺎ ﻗﺎﺗﻨﺎﺷﻘﺎﻥ ، ﻛﯧﻴﯩﻦ ﻗﯧﭽﯩﭗ ﻛﯧﻠﯩﭗ
ﻗﯩﻤﺎﺭۋﺍﺯﻟﯩﻖ ﻗﯩﻠﻐﺎﻥ ، ﺷﯘ ﻳﯩﻠﻼﺭﺩﺍ ﻛﯩﭽﯩﻚ ﺋﺎﺧﯘﻥ ﺑﯩﺮﯨﮕﺎﺩﯨﺴﯩﺪﺍ ﻟﻴﻪﻥ ﺩەﺭﯨﺠﯩﻠﯩﻚ ﺋﻪﻣﻪﻝ ﺗﯘﺗﻘﺎﻥ ،
—————————————————————————————————————————————————
2
ﺋﯧﻠﻜﯩﺘﺎپ ﻗﯩﻠﯩﭗ ﺗﯜﺯﮔﯜﭼﻰ : ﺋﯘﻳﻐﯘﺭ ﺋﻮﻏﻠﻰ -----ھﻪۋەﺳﻜﺎﺭ
032552294:QQ Email:uyxman@126.com
- 3. http://www.orkhun.com ﺋﻮﺭﺧﯘﻥ ﺋﯘﻳﻐﯘﺭ ﺗﺎﺭﯨﺨﻰ ﺗﻮﺭ ﺑﯧﺘﻰ
ﻛﯩﭽﯩﻚ ﺋﺎﺧﯘﻥ ﺷﻪھﻪﺭﺩﯨﻦ ﭼﯧﻜﯩﻨﮕﻪﻧﺪە 03 ﺩەﻙ ﻗﻮﺭﺍﻟﻠﯩﻖ ﺋﺎﺩﯨﻤﯩﻨﻰ ﺋﻪﮔﻪﺷﺘﯜﺭﯛپ ﺷﻪھﻪﺭﮔﻪ ﻗﯧﭽﯩﭗ
ﻛﯩﺮﯨﭗ ﺗﯘﯕﮕﺎﻧﻼﺭﻏﺎ ﺗﻪﺳﻠﯩﻢ ﺑﻮﻟﻐﺎﻥ ﺋﯩﺪﻯ . ﻣﺎﻓﯘﻳﯜەﻥ ﺷﻪھﻪﺭ ﺋﻪﺗﺮﺍﭘﯩﺪﯨﻜﻰ ھﯘﺟﯘﻣﻼﺭﻏﺎ ﺗﺎﻗﺎﺑﯩﻞ ﺗﯘﺭﯗﺵ
ﺋﯜﭼﯜﻥ ﻧﻪﻳﺮەڭ ﺋﯩﺸﻠﯩﺘﯩﭗ ﺋﺎﺗﯘﺷﺘﯩﻜﻰ ﻛﯩﭽﯩﻚ ﺋﺎﺧﯘﻥ ﺗﯜەﻧﺠﺎﯕﻨﻰ ﻳﻮﻗﯩﺘﯩﺶ ﺋﯜﭼﯜﻥ 6 - ﻓﯧﯟﺭﺍﻝ ﺷﻪﻧﺒﻪ
ﻛﯜﻧﻰ ﺗﺎڭ ﺳﻪھﻪﺭﺩە ﺋﺎﺗﯘﺵ ﺗﻪﺭەﭘﻜﻪ ﺋﻪﺳﻜﻪﺭ ﻣﺎﯕﺪﯗﺭﺩﻯ . ﺷﯘ ﻛﯜﻧﻰ ﻗﺎﺭ ﻳﯧﻐﯩﯟﺍﺗﺎﺗﺘﻰ . ﺑﯘﻻﺭﻧﯩﯔ
ﻛﻪﻳﻨﯩﺪﯨﻦ ﻳﯧﯖﻰ ﺷﻪھﻪﺭﺩﯨﻜﻰ ﻣﺎﺟﻪﻧﺴﺎﯕﻨﯩﯔ ﺋﺎﻻ ﻳﺎﻣﺎﻕ ﭼﺎﭘﺎﻥ ﻛﯩﻴﮕﻪﻥ ﺋﻪﺳﻜﻪﺭﻟﯩﺮﻯ ﻛﯧﻠﯩﭗ
ھﯧﻴﺘﮕﺎھﺘﯩﻦ ﺋﯚﺗﯜپ ﺷﻪﺭﻕ ﺗﻪﺭەﭘﻜﻪ ﻣﯧﯖﯩﭗ ﻛﻪﺗﺘﻰ . ﺑﯘ ﺋﯩﻜﻜﻰ ﻗﻮﺷﯘﻥ ﺋﻪﻣﻪﻟﯩﻴﻪﺗﺘﻪ ﺋﺎﺗﯘﺷﻘﺎ ﺑﺎﺭﻣﯩﻐﺎﻥ
ﺋﯩﺪﻯ . ﻣﺎﻓﯘﻳﯜەﻥ ﺋﺎﭘﭙﺎﻕ ﺧﻮﺟﺎﻣﻨﯩﯔ ﺋﺎﺭﻗﯩﺴﯩﺪﯨﻜﻰ ﭼﻮڭ ﻳﻮﻝ ﺑﯩﻠﻪﻥ ﺑﯘﭼﺎ ﺗﻪﺭەﭘﻜﻪ ﻛﻪﺗﻜﻪﻥ ﺑﻮﻟﺴﺎ ،
ﻣﺎﺟﻪﻧﺴﺎڭ ﺋﯚﺯ ﻗﻮﺷﯘﻧﯩﻨﻰ ﺋﯧﻠﯩﭗ ﺩﯙﻟﻪﺕ ﺑﺎﻍ ﺭﺍﻳﻮﻧﻰ ﺋﺎﺭﻗﯩﻠﯩﻖ ﻳﯧﯖﻰ ﺷﻪھﻪﺭﮔﻪ ﻛﻪﺗﻜﻪﻥ ﺋﯩﺪﻯ .
ﺑﯘﻧﯩﯖﺪﯨﻦ ﺧﻪۋەﺭ ﺗﺎﭘﻘﺎﻥ ﺋﯚﺯﺑﯧﻚ ﻗﻮﺷﯘﻧﻠﯩﺮﻯ ﺑﺎﺷﻠﯩﻘﻠﯩﺮﯨﺪﯨﻦ ﻗﻮﭼﻘﺎﺭ ﺑﺎﻱ ، ﺋﯘﻳﻐﯘﺭ ، ﺋﯚﺯﺑﻪﻛﻠﻪﺭﺩﯨﻦ
ﺗﻪﺭﻛﯩﭗ ﺗﺎﭘﻘﺎﻥ ﻳﯜﺯ ﻧﻪﭘﻪﺭ ﭘﯩﺪﺍﺋﯩﻴﻼﺭﻧﻰ ﺑﺎﺷﻼپ ﺷﻪھﻪﺭﮔﻪ ﺑﺎﺳﺘﯘﺭﯗپ ﻛﯩﺮﺩﻯ . ﺋﯘﻻﺭ ﺋﯩﻜﻜﻰ ﻳﻮﻟﻐﺎ
ﺑﯚﻟﯜﻧﯜپ ﺭەﺳﺘﯩﺪﯨﻜﻰ ﻣﯘﺳﺎﺑﺎﻳﻮﭘﻼﺭﻧﯩﯔ ﺳﻮﺩﺍ ﺳﺎﺭﯨﻴﯩﻐﺎ ﺋﻮﺭﯗﻧﻼﺷﻘﺎﻥ ﺗﯘﯕﮕﺎﻥ ﺑﯩﺮﯨﮕﺎﺩﺍ ﺷﯩﺘﺎﺑﯩﻨﻰ ﻗﻮﻟﻐﺎ
ﭼﯜﺷﯜﺭﺩﻯ . ﻳﻪﻧﻪ ﺑﯩﺮ ﺑﯚﻟﯩﮕﻰ ﺗﻮﻗﻘﯘﺯﺍﻕ ﺩەﺭۋﺍﺯﺍ ﮔﯜﺯﯨﺮﯨﺪﯨﻜﻰ ﻣﻮﻟﻼﺧﯘﻥ ھﺎﺟﻰ ﺳﺎﺭﯨﻴﯩﻐﺎ ﺋﻮﺭﯗﻧﻼﺷﻘﺎﻥ
ﺗﯘﯕﮕﺎﻥ ﭘﻮﻟﻚ ﺷﯩﺘﺎﺑﯩﻨﻰ ﺋﯩﺸﻐﺎﻝ ﻗﯩﻠﺪﻯ . ﺑﯘ ﺋﯩﻜﻜﻰ ﺷﯩﺘﺎﺑﯩﺪﺍ ﺑﯩﺮ ﻧﻪﭼﭽﻪ ﻧﻪﭘﻪﺭﻻ ﺋﺎﺩەﻡ ﻗﺎﻟﻐﺎﻥ ﺑﻮﻟﻐﺎﭼﻘﺎ
ﺋﯚﺯﺑﯧﻚ ﭘﯩﺪﺍﺋﯩﻴﻠﯩﺮﻯ ﺋﺎﺳﺎﻧﻼ ﻗﻮﻟﻐﺎ ﭼﯜﺷﯜﺭﯛۋﺍﻟﺪﻯ . ﭘﯩﺪﺍﺋﯩﻴﻼﺭ ﻳﻪﻧﻪ ﺋﯩﻜﻜﯩﮕﻪ ﺑﯚﻟﯜﻧﯜپ ﺷﻪﺗﻪﻱ ﻳﺎﻣﯘﻟﻰ
ﺑﯩﻠﻪﻥ ﺩﺍۋﺗﻪﻱ ﻳﺎﻣﯘﻟﯩﻐﺎ ھﯘﺟﯘﻡ ﻗﯩﻠﺪﻯ . ﺩﺍۋﺗﻪﻱ ﻳﺎﻣﯘﻟﯩﺪﯨﻜﻰ ﺯﯨﺨﯘﻳﭽﯩﻼﺭ ) ﺗﯘﻧﮕﺎﻧﻼﺭ ( ﻳﺎﻣﯘﻟﻨﯩﯔ
ﺗﺎﺷﻘﯩﺮﯨﻘﻰ ھﻮﻳﻠﯩﺴﯩﻐﺎ ﭼﺎﻗﻠﯩﻖ ﭘﯩﻠﯩﻤﻮﺕ ﻗﯘﺭﯗپ ﺋﺎﺕ ﺳﯧﻠﯩﭗ ﻛﻪﻟﮕﻪﻥ ﭘﯩﺪﺍﺋﯩﻴﻼﺭﻧﻰ ﺋﻮﻗﻘﺎ ﺗﯘﺗﺘﻰ ،
ﺑﯩﺮﻗﺎﻧﭽﯩﺴﯩﻨﻰ ﺋﯜژﻣﯩﺪەﻙ ﺗﯚﻛﯜۋەﺗﺘﻰ . ﻗﺎﻟﻐﺎﻥ ﭘﯩﺪﺍﺋﯩﻴﻼﺭ ﺗﯚﺕ ﺗﻪﺭەﭘﺘﯩﻦ ﺋﻮﺭﺍپ ھﯘﺟﯘﻡ ﻗﯩﻠﺪﻯ .
ﺯﯨﺨﯘﻳﭽﯩﻼﺭ ھﻪﻡ ﺋﯘﻻﺭﻏﺎ ﻗﺎﺭﺷﻰ ﻣﯘﺩﺍﭘﯩﺌﯩﻠﻪﻧﺪﻯ . ھﻪﺭ ﺋﯩﻜﻜﻰ ﺗﻪﺭەپ ﺋﯘﺭﯗﺵ ﻗﯩﻠﯩﺸﻘﺎ ﺑﺎﺷﻠﯩﺪﻯ .
ﭘﯩﺪﺍﺋﯩﻴﻼﺭﻧﯩﯔ ﺷﻪھﻪﺭﮔﻪ ﻛﯩﺮﯨﺸﻰ ﺑﯩﻠﻪﻥ ﻧﯘﺭﻏﯘﻧﻠﯩﻐﺎﻥ " ﺋﺎﻣﯩﻦ " ﭼﯩﻼﺭ ﮔﯘﺭﯗھﻰ ﭘﻪﻳﺪﺍ ﺑﻮﻟﺪﻯ . ﻗﻮﻟﻠﯩﺮﯨﻐﺎ
ﻛﺎﻟﺘﻪﻙ ، ﭘﺎﻟﺘﺎ ، ﻛﻪﺗﻤﻪﻥ ﺋﯧﻠﯩﺸﯩﭗ ﭘﯩﺪﺍﺋﯩﻴﻼﺭﻏﺎ ﻗﻮﺷﯘﻟﺪﻯ . ﺑﯘ ﮔﯘﺭﯗھ ﺑﺎﺭﻏﺎﻧﺴﯧﺮﻯ ﻛﯚﭘﻪﻳﺪﻯ . ﺋﻪﺗﺮﺍپ
ﻳﯧﺰﯨﻼﺭﺩﯨﻦ ﻛﯩﺮﯨﺸﻜﻪ ﺑﺎﺷﻠﯩﺪﻯ . ﺑﯘ ﺋﺎﻣﯩﻨﭽﯩﻼﺭ ﺩﺍۋﺗﻪﻱ ﻳﺎﻣﯘﻟﯩﻨﯩﯔ ﺋﻪﺗﺮﺍﭘﯩﺪﯨﻦ ؛ﻳﺎﻣﻐﯘﺭﺩەﻙ ﺋﻮﻕ ﻳﯧﻐﯩﭗ
ﺗﯘﺭﯗﺷﯩﻐﺎ ﻗﺎﺭﯨﻤﺎﻱ ﺋﺎﻣﯩﻦ ﺗﻮۋﻻپ ﺩﯛﺷﻤﻪﻧﻠﻪﺭﻧﻰ ﻗﯩﺴﺘﺎپ ﺑﺎﺭﻣﺎﻗﺘﺎ ﺋﯩﺪﻯ . ﺋﯘﺭﯗﺵ ﺷﯘ ﺧﯩﻞ ﺗﯩﺮﻛﯩﺸﯩﺶ
ﺑﯩﻠﻪﻥ ﺑﯩﺮﻧﻪﭼﭽﻪ ﺳﺎﺋﻪﺕ ﺩﺍۋﺍﻡ ﻗﯩﻠﺪﻯ . ﻟﯧﻜﯩﻦ ﭘﯩﺪﺍﺋﯩﻴﻼﺭ ﺷﻪھﻪﺭ ﺩەﺭۋﺍﺯﯨﻠﯩﺮﯨﻐﺎ ﺳﻪﻝ ﻗﺎﺭﺍپ ﺋﯩﭽﯩﺪﯨﻦ
ﺯەﻧﺠﯩﺮﻟﻪپ ﻗﻮﻳﯘﺵ ﺑﯩﻠﻪﻧﻼ ﻗﺎﻧﺎﺋﻪﺗﻠﻪﻧﮕﻪﻥ ﺋﯩﺪﻯ . ﺋﺎﺗﯘﺷﻘﺎ ﺑﯧﺮﯨﺶ ﺩﺍﻏﺪﯗﻏﯩﺴﻰ ﺑﯩﻠﻪﻥ ﺷﻪھﻪﺭﺩﯨﻦ
ﭼﯩﻘﻘﺎﻥ ﻣﺎﻓﯘﻳﯜەﻥ ﺑﻪﺷﻜﯧﺮەﻡ ﺋﺎﻏﺰﯨﻐﺎ ﺟﺎﻳﻼﺷﻘﺎﻥ ﺋﯘﺯﯗﻥ ﺳﺎﻳﻐﺎ ﻳﯧﺘﯩﭗ ﻛﻪﻟﺪﻯ . " ﺷﺎﻡ ﭘﺎﺩﯨﺸﺎ " ﺩﯦﮕﻪﻥ
ﻣﺎﺯﺍﺭﻧﯩﯔ ﺋﺎﻟﺪﯨﻐﺎ ﻛﯧﻠﯩﭗ ﺗﻮﺧﺘﺎپ ﺑﯩﺮ ﻧﯧﻤﻪ ﻛﯜﺗﻜﻪﻧﺪەﻙ ﺷﻪھﻪﺭ ﺋﯩﭽﯩﮕﻪ ﻗﺎﺭﺍپ ﺗﯘﺭﺩﻯ ﺩەﻝ ﺷﯘ ۋﺍﻗﯩﺘﺘﺎ
ﭼﺎﭘﺎﺭﻣﯩﻨﻰ ﻳﯧﺘﯩﭗ ﻛﯧﻠﯩﭗ ﺷﻪھﻪﺭ ﺋﻪھﯟﺍﻟﯩﺪﯨﻦ ﺧﻪۋەﺭ ﻳﻪﺗﻜﯜﺯﺩﻯ . ﺷﯘﻧﯩﯔ ﺑﯩﻠﻪﻥ ﻣﺎﻓﯘﻳﯜەﻥ ﺷﻪھﻪﺭﮔﻪ
ﻗﺎﺭﺍپ ﺋﺎﺕ ﺳﺎﻟﺪﻯ ، ﺋﯘﻻﺭ ﺷﻪھﻪﺭﮔﻪ ﻳﯧﺘﯩﭗ ﻛﻪﻟﮕﻪﻧﺪە ﺩﺍۋﺗﻪﻱ ﻳﺎﻣﯘﻟﯩﺪﺍ ﺋﯘﺭﯗﺵ ﺩﺍۋﺍﻡ ﻗﯩﻠﯩﯟﺍﺗﺎﺗﺘﻰ .
—————————————————————————————————————————————————
3
ﺋﯧﻠﻜﯩﺘﺎپ ﻗﯩﻠﯩﭗ ﺗﯜﺯﮔﯜﭼﻰ : ﺋﯘﻳﻐﯘﺭ ﺋﻮﻏﻠﻰ -----ھﻪۋەﺳﻜﺎﺭ
032552294:QQ Email:uyxman@126.com
- 4. http://www.orkhun.com ﺋﻮﺭﺧﯘﻥ ﺋﯘﻳﻐﯘﺭ ﺗﺎﺭﯨﺨﻰ ﺗﻮﺭ ﺑﯧﺘﻰ
ﺑﯘﻻﺭ ﺳﯧﭙﯩﻞ ﺋﯜﺳﺘﯩﺪە ﻗﺎﺭﺍۋﯗﻟﻨﯩﯔ ﻳﻮﻗﻠﯩﻘﯩﻨﻰ ﻛﯚﺭﯛپ " ﺗﯚﺷﯜﻙ ﺩەﺭۋﺍﺯﺍ " ﺳﯩﺪﯨﻦ ﺷﻪھﻪﺭﮔﻪ ﺑﺎﺳﺘﯘﺭﯗپ
ﻛﯩﺮﺩﻯ . ﺑﯘﻻﺭﺩﯨﻦ ﺑﯩﺮﻗﯩﺴﻤﻰ ھﯧﻴﺘﮕﺎھﻨﯩﯔ ﺷﻪﺭﻗﯩﺪﯨﻜﻰ ﻗﺎﺭﺍﯕﻐﯘ ﺭەﺳﺘﯩﻨﯩﯔ ﺩﻭﻗﻤﯘﺷﯩﻐﺎ ﭘﯩﻠﯩﻤﻮﺕ ﻗﯘﺭﯗپ
ﺋﯧﺘﯩﺸﻘﺎ ﺑﺎﺷﻠﯩﺪﻯ . ﺋﯘﺷﺘﯘﻣﺘﯘﺕ ﺑﻮﻟﻐﺎﻥ ھﯘﺟﯘﻣﺪﯨﻦ ھﺎڭ - ﺗﺎڭ ﻗﺎﻟﻐﺎﻥ ﭘﯩﺪﺍﺋﯩﻴﻼﺭ ﺑﯩﻠﻪﻥ " ﺋﺎﻣﯩﻦ " ﭼﯩﻼﺭ
ﺧﺎﻡ ﺑﺎﺯﯨﺮﻯ ﺳﻮﻻﻗﻤﯩﺴﯩﻐﺎ ﺳﯜﺭﯛﻟﺪﻯ . ﺋﻪﻣﻤﺎ ھﻪﻣﻤﻪ ﺗﻪﺭەﭘﻨﻰ ﺗﯘﯕﮕﺎﻥ ﺋﻪﺳﻜﻪﺭﻟﯩﺮﻯ ﺗﻮﺳﺎپ ﺋﺎﻟﻐﺎﻥ
ﺋﯩﺪﻯ .
ﺋﯘﻳﻘﯘﺳﻰ ﺋﯧﭽﯩﻠﯩﭗ ﺩﺍﻟﺪﯨﻼﺭﺩﯨﻦ ﭘﺎﻳﺪﯨﻠﯩﻨﯩﭗ ﻣﯘﺩﺍﭘﯩﺌﻪ ﻛﯚﺭﮔﻪﻥ ﭘﯩﺪﺍﺋﯩﻴﻼﺭ ﻗﻪﻳﺴﻪﺭﻟﯩﻚ ﺑﯩﻠﻪﻥ ﻗﺎﻳﺘﯘﺭﻣﺎ
ﺯەﺭﺑﻪ ﺑﯧﺮﯨﭗ ﺑﯧﺴﯩﭗ ﻛﯧﻠﯩﯟﺍﺗﻘﺎﻥ ﺯﯨﺨﯘﻳﭽﯩﻼﺭﻧﻰ ﺗﻮﺧﺘﺎﺷﻘﺎ ﻣﻪﺟﺒﯘﺭ ﻗﯩﻠﺪﻯ . ﺋﯘﺭﯗﺵ ﺳﺎﺋﻪﺗﻠﻪپ ﺩﺍۋﺍﻡ
ﻗﯩﻠﯩﭗ ھﻪﺭ ﺋﯩﻜﻜﻰ ﺗﻪﺭەپ ﭼﯩﻘﯩﻤﺪﺍﺭ ﺑﻮﻟﺪﻯ . ﭘﯩﺪﺍﺋﯩﻴﻼﺭ ﺳﺎﻥ ﺟﻪھﻪﺗﺘﯩﻦ ﺋﺎﺯﻟﯩﻖ ﻗﯩﻼﺗﺘﻰ . ﭘﯩﺪﺍﺋﯩﻴﻼﺭﻧﯩﯔ
ﺑﯩﺮ ﻗﯩﺴﻤﻰ ﺋﺎﺭﻗﺎ ﺋﻪﻧﺠﺎﻥ ﻛﻮﭼﯩﺴﯩﺪﯨﻜﻰ " ﻟﻰ ﺟﯩﯔ " ﻳﺎﻣﯘﻟﯩﻐﺎ ﭼﯧﻜﯩﻨﯩﺸﺘﻰ . ﻳﻪﻧﻪ ﺑﯩﺮ ﻗﯩﺴﻤﻰ ﺟﺎﻧﻨﻰ
ﺋﺎﻟﻘﺎﻧﻐﺎ ﺋﺎﻟﺪﻯ-ﺩە ﻳﺎ ﺋﯚﻟﯜﻡ ، ﻳﺎ ﻛﯚﺭﯛﻡ ﺩەپ ﺋﻪﻧﺠﺎﻥ ﺭەﺳﺘﯩﺴﯩﮕﻪ ﻗﺎﺭﺍپ ﺋﺎﺕ ﺳﺎﻟﺪﻯ ﺯﯨﺨﯘﻳﭽﯩﻼﺭ
ﺑﯘﻻﺭﻧﯩﯔ ﻗﻪھﺮﯨﻤﺎﻧﻠﯩﻘﯩﻐﺎ ھﻪﻳﺮﺍﻥ ﺑﻮﻟﯘپ ﺋﯚﺯﻟﯩﺮﯨﻨﻰ ﺋﻮﯕﺸﺎپ ﺑﻮﻟﻐﯩﭽﻪ ﺑﯩﺮ ﻗﺎﻧﭽﯩﺴﻰ ﻳﺎﺭ ﺑﺎﻍ ﺩەﺭۋﺍﺯﯨﺪﯨﻦ
ﭼﯩﻘﯩﭗ ﻛﻪﺗﺘﻰ . ﺯﯨﺨﯘﻳﭽﯩﻼﺭ ﺋﯘﻻﺭﻧﯩﯔ ﻳﻮﻟﯩﻨﻰ ﻗﺎﺗﺘﯩﻖ ﺗﻮﺳﯩﻐﺎﻥ ﺑﻮﻟﺴﯩﻤﯘ ﺋﯘﻻﺭ ﺋﺎﺗﻨﯩﯔ ﻗﺎﺭﻧﯩﻐﺎ
ﭼﯜﺷﯜۋﯦﻠﯩﭗ ﺯﯨﺨﯘﻳﭽﯩﻼﺭﺩﯨﻦ ﺑﯩﺮ ﻗﺎﻧﭽﯩﻨﻰ ﺩﯗﻣﯘﻟﯘﺗﯘپ ﺗﺎﺷﻼپ ﻗﯧﭽﯩﭗ ﻛﻪﺗﺘﻰ . ﺑﻪﺯﯨﻠﯩﺮﻯ ﺋﯚﻟﺪﻯ .
ﭼﯩﻘﯩﭗ ﻛﯧﺘﯩﺸﻜﻪ ﺋﺎﻣﺎﻝ ﺗﺎﭘﺎﻟﻤﯩﻐﺎﻥ ﭘﯩﺪﺍﺋﯩﻴﻼﺭ ﺳﯜﺭﯛﻟﯜپ ھﯧﻴﯩﺘﮕﺎھ ﺋﺎﺭﻗﺎ ﺋﻪﻧﺠﺎﻥ ﻛﻮﭼﯩﺴﯩﺪﯨﻜﻰ " ﻟﻰ
ﺟﯩﯔ " ﻳﺎﻣﯘﻟﻰ ﺩەپ ﺋﺎﺗﯩﻠﯩﺪﯨﻐﺎﻥ ﺋﻮﺭﯗﻧﻐﺎ ﺗﻮﭘﻠﯩﻨﯩﭗ ﺋﯧﮕﯩﺰ ﺳﯩﺮەﺝ ﺗﺎﻣﻼﺭﺩﯨﻦ ﭘﺎﻳﺪﯨﻠﯩﻨﯩﭗ ﺋﯚﺯﻟﯩﺮﯨﻨﻰ
ﻗﻮﻏﺪﯨﺪﻯ . ﺯﯨﺨﯘﻳﭽﯩﻼﺭ ﺋﯘﻻﺭﻧﻰ 4 ﺗﻪﺭەﭘﺘﯩﻦ ﺋﻮﺭﺍپ ﻛﯧﻠﯩﭗ ھﯘﺟﯘﻡ ﻗﯩﻠﯩﭗ ﺋﻮﻗﻘﺎ ﺗﯘﺗﺘﻰ . ﺑﻮﻟﯘﭘﻤﯘ ﺳﯧﭙﯩﻞ
ﺗﻪﺭەﭘﺘﯩﻦ ﻗﺎﺗﺘﯩﻖ ھﯘﺟﯘﻡ ﻗﯩﻠﯩﺸﺘﻰ . ﻟﯧﻜﯩﻦ ﺋﯘﻻﺭﻧﯩﯔ ﺋﺎﺗﻘﺎﻥ ﺋﻮﻗﻠﯩﺮﻯ ﻗﯧﻠﯩﻦ ﺗﺎﻣﺪﯨﻦ ﺋﯚﺗﻤﻪﻳﺘﺘﻰ .
ﭘﯩﺪﺍﺋﯩﻴﻼﺭ ﺑﻮﻟﺴﺎ ﻛﯚﺯﮔﻪ ﻛﯚﺭﯛﻧﮕﻪﻥ ﺯﯨﺨﯘﻳﭽﯩﻼﺭﻧﻰ ﺋﯧﺘﯩﭗ ﺩﯗﻣﯩﻠﯩﺘﺎﺗﺘﻰ .
ﺑﯘ ﺋﯘﺭﯗﺵ ﻛﻪچ ﺳﺎﺋﻪﺕ 4 ﻟﻪﺭﮔﯩﭽﻪ ﺩﺍۋﺍﻡ ﻗﯩﻠﺪﻯ . ﺯﯨﺨﯘﻳﭽﯩﻼﺭ ﻛﯚﭘﻠﻪپ ﭼﯩﻘﯩﻢ ﺗﺎﺭﺗﺘﻰ . ﻳﯧﺮﯨﻢ ﻛﯜﻧﻠﯜﻙ
ﺋﯘﺭﯗﺷﺘﺎ ﺷﯘ ﻛﻮﭼﯩﺪﯨﻦ 54 ﭘﯘﻗﺮﺍﻧﻰ ﺋﯧﺘﯩﭗ ﺗﺎﺷﻠﯩﺪﻯ . ھﺎﻳﺎﺕ ﻗﺎﻟﻐﺎﻥ ﻛﯩﺸﯩﻠﻪﺭ ﺋﯚﻳﺪﯨﻦ ﺋﯚﻳﮕﻪ ﺗﯚﺷﯜﻙ
ﺗﯧﺸﯩﭗ ﺋﯚﻱ ﺋﺎﺗﻼپ ﻳﯜﺭﯛپ ﺑﯘ ﺋﻮﺭﯗﻧﺪﯨﻜﻰ ﻛﯩﭽﯩﻚ ﺧﺎﻟﺘﺎ ﻛﻮﭼﯩﺪﺍ ﺋﻮﻟﺘﯘﺭﻗﻼﺷﻘﺎﻥ ﺋﺎﻓﻐﺎﻥ ﭘﯘﻗﺮﺍﺳﯩﻨﯩﯔ
ﺋﯚﻳﯩﮕﻪ ﻛﯩﺮﯨﯟﯦﻠﯩﭗ ﺟﯧﻨﯩﻨﻰ ﺳﺎﻗﻼﺷﺘﻰ . ﺯﯨﺨﯘﻳﭽﯩﻼﺭ ﺋﺎﻓﻐﺎﻥ ﭘﯘﻗﺮﺍﺳﯩﻨﯩﯔ ﺋﯚﻳﯩﮕﻪ ﺋﯧﺴﯩﻠﻐﺎﻥ ﺋﯩﻨﮕﻠﯩﺰ
ﺑﺎﻳﺮﯨﻘﯩﻐﺎ ﻗﺎﺭﺍپ ﺑﯘ ﻛﻮﭼﯩﻐﺎ ﻛﯩﺮﻣﯩﮕﻪﻥ ﺋﯩﺪﻯ .
» ﻟﻰ ﺟﯧﯔ ﺩﯨﻜﻰ ﭘﯩﺪﺍﺋﯩﻴﻼﺭ ﺯﯨﺨﯘﻳﭽﯩﻼﺭ ﺑﯩﻠﻪﻥ ﻛﻪﭼﻜﻪ ﻗﻪﺩەﺭ ﺋﯧﻠﯩﺸﯩﭗ ﻗﺎﺭﺷﻰ ﺗﻪﺭەﭘﻨﻰ ﺋﯧﻐﯩﺮ ﭼﯩﻘﯩﻤﻐﺎ
ﺋﯘﭼﺮﺍﺗﺘﻰ . ﺯﯨﺨﯘﻳﭽﯩﻼﺭ ھﻪﻡ ﺋﯘﻻﺭﻧﻰ ﺑﻮﻳﺴﯘﻧﺪﯗﺭﯗﺷﻘﺎ ھﻪﺭﻗﺎﻧﭽﻪ ﺋﯘﺭﯗﻧﻐﺎﻥ ﺑﻮﻟﺴﯩﻤﯘ ﺋﯜﻧﯜﻡ ﺑﻪﺭﻣﯩﮕﻪﻧﺪﯨﻦ
ﻛﯧﻴﯩﻦ ﺋﯘﺳﯘﻟﻨﻰ ﺋﯚﺯﮔﻪﺭﺗﯩﭗ ﺋﺎﻟﺪﺍﻣﭽﯩﻠﯩﻖ ﻗﯩﻠﯩﺸﻘﺎ ﻛﯩﺮﯨﺸﺘﻰ . ﻣﻪھﻪﻟﻠﯩﺪﯨﻦ ﺗﯘﺗﯩﯟﯦﻠﯩﻨﻐﺎﻥ ﺋﺎﺑﺪﯗﺧﺎﻟﯩﻖ
ﺩﯦﮕﻪﻥ ﺑﯩﻠﻪﻥ ﺯﯗﻧﯘﻥ ﺋﺎﺗﺎ ﺩﯦﮕﻪﻥ ﺋﯘﻳﻐﯘﺭﻧﯩﯔ ﻗﻮﻟﯩﻐﺎ ﺑﯩﺮ ﺩﺍﻧﻪ ﺋﺎﻕ ﺑﺎﻳﺮﺍﻕ ﺑﯩﻠﻪﻥ ﺑﯩﺮ ﭘﺎﺭﭼﻪ ﺧﻪﺕ
ﺗﯘﺗﻘﯘﺯﯗپ ﭘﯩﺪﺍﺋﯩﻴﻼﺭ ﺗﻪﺭەﭘﻜﻪ ﻣﺎﯕﻐﯘﺯﺩﻯ .
—————————————————————————————————————————————————
4
ﺋﯧﻠﻜﯩﺘﺎپ ﻗﯩﻠﯩﭗ ﺗﯜﺯﮔﯜﭼﻰ : ﺋﯘﻳﻐﯘﺭ ﺋﻮﻏﻠﻰ -----ھﻪۋەﺳﻜﺎﺭ
032552294:QQ Email:uyxman@126.com
- 5. http://www.orkhun.com ﺋﻮﺭﺧﯘﻥ ﺋﯘﻳﻐﯘﺭ ﺗﺎﺭﯨﺨﻰ ﺗﻮﺭ ﺑﯧﺘﻰ
ﭘﯩﺪﺍﺋﯩﻴﻼﺭ ﺋﺎﻕ ﺑﺎﻳﺮﺍﻗﻨﻰ ﻛﯚﺭﯛپ ﺋﻪﻟﭽﻰ ﺋﯩﻜﻪﻧﻠﯩﻜﯩﮕﻪ ﻗﺎﺭﺍپ ﺋﻮﻕ ﺋﺎﺗﻤﯩﺪﻯ . ﺋﻪﻟﭽﯩﻠﻪﺭ ﻛﯧﻠﯩﭗ
ﭘﯩﺪﺍﺋﯩﻴﻼﺭﻏﺎ ﺑﯩﺮ ﭘﺎﺭﭼﻪ ﺧﻪﺕ ﺗﺎﭘﺸﯘﺭﺩﻯ . ﺑﯘ ﺧﻪﺕ ﺋﻪھﺮﺍﺭﺧﺎﻥ ﺗﯚﺭەﻡ ، ﻣﯘھﻪﻣﻤﻪﺕ ﺧﺎﻥ ﺋﺎﻗﺴﺎﻗﺎﻝ
ﺑﺎﺷﻠﯩﻖ ﺋﯚﺯﺑﯧﻚ ﻣﯚﺗﯩﯟەﺭﻟﯩﺮﻯ ﻧﺎﻣﯩﺪﯨﻦ ﻳﯧﺰﯨﻠﻐﺎﻥ ﺋﯩﺪﻯ . ﺧﻪﺗﺘﻪ : ﺳﯩﺰﻟﻪﺭﻧﯩﯔ ﺧﻪﺗﻪﺭﻟﯩﻚ ھﺎﻟﻐﺎ ﭼﯜﺷﯜپ
ﻗﺎﻟﻐﺎﻧﻠﯩﻐﯩﯖﯩﺰﺩﯨﻦ ﺧﻪۋەﺭ ﺗﺎﭘﺘﯘﻕ . ﺑﯩﺰ ﺳﯩﻠﻪﺭﻧﻰ ﺑﯘ ﺧﻪﺗﻪﺭﺩﯨﻦ ﻗﯘﺗﻘﯘﺯﯗﺵ ﺋﯜﭼﯜﻥ ﻣﺎﺯﻭڭ ﺯﯨﺨﯘﻱ ﺑﯩﻠﻪﻥ
ﺋﯘﭼﯘﺭﯗﺷﯘپ ﺳﯚھﺒﻪﺗﻠﻪﺷﺘﯘﻕ . ﮔﯘﻧﺎھﻠﯩﺮﯨﯖﯩﺰﺩﯨﻦ ﺋﻪﭘﯘ ﺳﻮﺭﯨﺪﯗﻕ . ﺋﯘ ﻛﯩﺸﻰ ھﻪﻡ ﻗﻮﺑﯘﻝ ﻛﯚﺭﯛپ ﻛﻪﭼﯜﺭﯛﻡ
ﻗﯩﻠﯩﺪﯨﻐﺎﻥ ﺑﻮﻟﺪﻯ . ﺗﻪﺳﻠﯩﻢ ﺑﻮﻟﯘپ ﻗﻮﺭﺍﻝ ﺗﺎﭘﺸﯘﺭﺳﯩﯖﯩﺰﻻﺭ ﻛﻪﯕﭽﯩﻠﯩﻚ ﻗﯩﻠﯩﺪﯨﻐﺎﻧﻐﺎ ۋەﺩە ﺑﻪﺭﺩﻯ .
ﺋﯚﺗﻜﻪﻧﻨﻰ ﺳﯜﺭﯛﺷﺘﻪ ﻗﯩﻠﻤﺎﻳﻤﯩﺰ ، ﺩﯦﺪﻯ . ﺋﻪﮔﻪﺭ ﺋﯚﺯﯨﯖﯩﺰﻟﻪﺭﻧﯩﯔ ھﺎﻳﺎﺗﯩﻨﻰ ﺋﯩﺰﺩﯨﺴﯩﯖﯩﺰﻟﻪﺭ ۋە
ﻗﻪﺷﻘﻪﺭﺩﯨﻜﻰ ﻣﯘﺳﯘﻟﻤﺎﻧﻼﺭﻧﯩﯔ ﺋﺎﻣﺎﻧﻠﯩﻘﯩﻨﻰ ﺧﺎﻟﯩﺴﯩﯖﯩﺰﻻﺭ ﺗﻪﺳﻠﯩﻢ ﺑﻮﻟﻐﺎﻳﺴﯩﺰﻟﻪﺭ . ﻣﺎﺩﺍﺭﯨﻦ ﺟﺎﻧﺎﺑﻠﯩﺮﻯ
ﭼﻮﻗﯘﻡ ﻛﻪﯕﭽﯩﻠﯩﻚ ﻗﯩﻠﯩﻤﻪﻥ ﺩەپ ﻗﯘﺭﺋﺎﻥ ﺗﯘﺗﯘپ ﻗﻪﺳﻪﻡ ﺋﯩﭽﺘﻰ . ﺑﯩﺰ ﺳﯩﺰﻟﻪﺭﮔﻪ ﻛﯧﭙﯩﻞ ﺑﻮﻟﺪﯗﻕ ،
ﺳﯩﺰﻟﻪﺭﻧﯩﯔ ﺗﻪﺳﻠﯩﻢ ﺑﻮﻟﯘﺷﯩﯖﯩﺰﻟﻪﺭﻧﻰ ﺗﻪﻟﻪپ ﻗﯩﻠﯩﻤﯩﺰ ﺩﯨﻴﯩﻠﮕﻪﻥ ﺋﯩﺪﻯ . ﭘﯩﺪﺍﺋﯩﻴﻼﺭ ﺑﯘ ﺗﻪﻛﻠﯩﭙﻨﻰ ﻣﯘﺯﺍﻛﯩﺮە
ﻗﯩﻠﯩﭗ ﺑﯩﺮ ﻗﯩﺴﻤﻰ ﺗﻪﺳﻠﯩﻢ ﺑﻮﻟﯘﺵ ، ﺑﯩﺮ ﻗﯩﺴﻤﻰ ﺗﻪﺳﻠﯩﻢ ﺑﻮﻟﻤﺎﺳﻠﯩﻘﻨﻰ ﺗﻪﺷﻪﺑﺒﯘﺱ ﻗﯩﻠﯩﺪﯨﻐﺎﻥ ﺋﯩﻜﻜﻰ
ﮔﯘﺭﯗھﻘﺎ ﺑﯚﻟﯜﻧﮕﻪﻥ ﺋﯩﺪﻯ . ﻣﯘﺯﺍﻛﯩﺮە ۋە ﻣﯘﻧﺎﺯﯨﺮە ﻗﯩﻠﯩﺸﯩﭗ ﺋﺎﺧﯩﺮ ﺗﻪﺳﻠﯩﻢ ﺑﻮﻟﯘﺷﻘﺎ ﻣﺎﻗﯘﻝ ﺑﻮﻟﯘﺷﺘﻰ .
ﺋﯘﺯﯗﻥ ﻣﯩﻠﺘﯩﻘﻨﻰ ﺗﺎﭘﺸﯘﺭﯨﺪﯗ ، ﺗﺎﭘﺎﻧﭽﺎ ﻗﯩﻠﯩﭽﻼﺭ ﺋﯚﺯ ﻗﻮﻟﯩﺪﺍ ﻗﺎﻟﯩﺪﯗ ﺩەپ ﺗﻮﺧﺘﺎﻡ ﻗﯩﻠﯩﺸﯩﭗ 1 - ﻗﻪﺩەﻣﺪە
ﺋﯘﺯﯗﻥ ﻣﯩﻠﺘﯩﻘﻼﺭﻧﻰ ﺗﺎﭘﺸﯘﺭﯗپ ﺑﻪﺭﺩﻯ . ﺯﯨﺨﯘﻳﭽﯩﻼﺭ ﺋﯘﺯﯗﻥ ﻗﻮﺭﺍﻟﻼﺭﻧﻰ ھﺎﺭۋﯨﻐﺎ ﺑﯧﺴﯩﭗ ﺋﯧﻠﯩﭗ
ﻛﻪﺗﻜﻪﻧﺪﯨﻦ ﻛﯧﻴﯩﻦ ﺗﻪﺳﻠﯩﻤﭽﯩﻠﻪﺭﻧﻰ ﻗﻮﺭﺍ ﺋﺎﻟﺪﯨﺪﯨﻜﻰ ﺳﻪﻳﻨﺎﻏﺎ ﺗﯩﺰﯨﻠﺪﯗﺭﯗپ ، ﻳﺎﻥ ﻗﻮﺭﺍﻝ ﺑﯩﻠﻪﻥ
ﻗﯩﻠﯩﭽﻼﺭﻧﻰ ﻳﯩﻐﯩﯟﺍﻟﺪﻯ . ﻣﯘﻧﺪﯨﻦ ﺑﯩﺮ ﺳﺎﺋﻪﺕ ﺋﯩﻠﮕﯩﺮﻯ ﺋﯚﺯﻟﯩﺮﯨﻨﻰ ﺋﺎﺭﺳﻼﻧﺪەﻙ ھﯧﺲ ﻗﯩﻠﯩﺸﻘﺎﻥ ﭘﯩﺪﺍﺋﯩﻴﻼﺭ
ﺋﻪﻣﺪﻯ ﻗﻮﺭﺍﻟﻠﯩﺮﯨﺪﻥ ﺋﺎﻳﺮﯨﻠﯩﭗ ﺳﯘﻏﺎ ﭼﯜﺷﻜﻪﻥ ﻣﯘﺷﯘﻛﺘﻪﻙ ﺑﯩﭽﺎﺭە ﺑﻮﻟﯘپ ﻗﺎﻟﻐﺎﻧﻠﯩﻘﯩﻨﻰ ﺗﻮﻧﯘپ ھﻪﺳﺮەﺕ
ﭼﯧﻜﯩﺸﺘﻰ . ﺯﯨﺨﯘﻳﭽﯩﻼﺭ ﺋﯘﻻﺭﻧﯩﯔ ﻗﻮﻟﻠﯩﺮﯨﻨﻰ ﺋﺎﺭﻗﯩﺴﯩﻐﺎ ﻗﺎﻳﺮﯨﭗ ﺋﺎﺭﻏﺎﻣﭽﺎ ﺑﯩﻠﻪﻥ ﺑﺎﻏﻼﺷﻘﺎ ﺑﺎﺷﻠﯩﺪﻯ .
ﺑﺎﺷﻠﯩﻖ ﺩەپ ھﯧﺴﺎﺑﻼﻧﻐﺎﻥ 81 ﻧﻪﭘﻪﺭ ﻛﯩﺸﯩﻨﯩﯔ ﭘﯘﺗﯩﻐﺎ ﻛﯩﺸﻪﻥ ، ﻗﻮﻟﯩﻐﺎ ﻛﻮﻳﺰﺍ ﺳﯧﻠﯩﭗ ﻳﯧﯖﻰ ﺷﻪھﻪﺭ
ﺗﻪﺭەﭘﻜﻪ ﺋﯧﻠﯩﭗ ﻣﺎﯕﺪﻯ . ﻗﺎﻟﻐﺎﻥ ﻗﯩﺮﯨﻖ ﺋﺎﺩەﻣﻨﻰ ﺑﺎﻏﻼپ ﺩﺍۋﺗﻪﻱ ﻳﺎﻣﯘﻟﻰ ﺗﻪﺭەﭘﻜﻪ ھﺎﻳﺪﺍپ ﻣﺎﯕﺪﻯ .
ﺑﯘﻻﺭ ھﻪﺭﻗﺎﻧﭽﻪ ﭘﯘﺷﻤﺎﻥ ، ﻧﺎﺩﺍﻣﻪﺕ ﻗﯩﻠﺴﯩﻤﯘ ۋﺍﻗﺘﻰ ﺋﯚﺗﻜﻪﻥ ﺋﯩﺪﻯ .
ﻳﯧﯖﯩﺸﻪھﻪﺭ ﺗﻪﺭەﭘﻜﻪ ھﺎﻳﺪﺍپ ﻛﯧﺘﯩﯟﺍﺗﻘﺎﻥ 81 ﻛﯩﺸﻰ ﻗﯩﺰﯨﻠﻨﯩﯔ ﻛﯚۋﺭﯛﻛﯩﮕﻪ ﻳﯧﺘﯩﭗ ﻛﻪﻟﮕﻪﻧﺪە ﻛﻪچ
ﻗﺎﺭﺍﯕﻐﯘ ﺑﻮﻟﯘپ ﻗﺎﻟﻐﺎﻥ ﺋﯩﺪﻯ . ﺋﺎﺭﯨﺪﯨﻦ ﺋﯩﻜﻜﻰ ﺋﺎﺩەﻡ ﺋﯚﺯﯨﻨﻰ ﺩەﺭﻳﺎﻏﺎ ﺗﺎﺷﻼپ ﻗﺎﭼﺘﻰ . ﻗﺎﺭﺍﯕﻐﯘﺩﺍ
ﺯﯨﺨﯘﻳﭽﯩﻼﺭ ﺑﺎﻳﻘﯩﻤﯩﻐﺎﻥ ﺋﯩﺪﻯ . ﺑﯘ ﺋﯩﻜﻜﻪﻳﻠﻪﻥ ﻗﻮﺭﺍﻟﻠﯩﻘﻼﺭ ﺋﯘﺯﺍپ ﻛﻪﺗﻜﻪﻧﺪﯨﻦ ﻛﯧﻴﯩﻦ ﻛﯚۋﺭﯛﻙ ﺩﺍﻟﺪﯨﺴﯩﺪﺍ
ﺩەﻣﻠﯩﺮﯨﻨﻰ ﺋﯧﻠﯩﯟﯦﻠﯩﭗ ﺗﺎڭ ﺋﺎﺗﻘﯘﭼﻪ ﻗﯧﭽﯩﭗ ﭘﺎﺧﺘﻪﻛﻠﻪ ﻳﯧﺰﯨﺴﯩﻨﯩﯔ ﻧﯧﺮﯨﺴﯩﻐﺎ ﺋﯚﺗﯜپ ﺋﺎﻣﺎﻥ ﺗﺎﭘﺘﻰ .
ﻗﺎﻟﻐﺎﻧﻠﯩﺮﻯ ﺷﯘ ﻛﯧﭽﯩﺴﻰ ﻳﯧﯖﻰ ﺷﻪھﻪﺭﺩە ﺋﯧﺘﯩﭗ ﺗﺎﺷﻼﻧﺪﻯ . ﺑﯘﻻﺭﻧﯩﯔ ﺋﯩﭽﯩﺪﯨﻦ ﺋﺎﺑﻼ ﻛﻪﺗﻤﻪﻧﻨﯩﯔ ﺋﻮﻏﻠﻰ
ﺋﺎﺑﺪﯗﻛﯧﺮﯨﻢ ﺩﯨﮕﻪﻧﻨﻰ ﻗﻮﺭﺍﻝ - ﻳﺎﺭﺍﻕ ﺋﯘﺳﺘﯩﺴﻰ ھﺎۋﺍﺯ ﭼﻮڭ ﺩﯦﮕﻪﻥ ﻛﯩﺸﻰ ﻣﯧﻨﯩﯔ ﺗﯘﻗﻘﯘﻧﯘﻡ ﺩەپ
ﺋﯚﻟﯜﻣﺪﯨﻦ ﻗﯘﺗﻘﯘﺯﯗپ ﻗﺎﻟﺪﻯ .
—————————————————————————————————————————————————
5
ﺋﯧﻠﻜﯩﺘﺎپ ﻗﯩﻠﯩﭗ ﺗﯜﺯﮔﯜﭼﻰ : ﺋﯘﻳﻐﯘﺭ ﺋﻮﻏﻠﻰ -----ھﻪۋەﺳﻜﺎﺭ
032552294:QQ Email:uyxman@126.com
- 6. http://www.orkhun.com ﺋﻮﺭﺧﯘﻥ ﺋﯘﻳﻐﯘﺭ ﺗﺎﺭﯨﺨﻰ ﺗﻮﺭ ﺑﯧﺘﻰ
ﻣﺎﻓﯘﻳﯜەﻥ ﭘﯩﺪﺍﺋﯩﻴﻼﺭﻧﻰ ﺋﺎﻟﺪﺍپ ﻗﻮﻟﻐﺎ ﭼﯜﺷﯜﺭﮔﻪﻧﺪﯨﻦ ﻛﯧﻴﯩﻦ ﭘﯩﺪﺍﺋﯩﻴﻼﺭﻏﺎ ﻳﺎﺭﺩەﻣﻠﻪﺷﻜﻪﻥ » ﺋﺎﻣﯩﻦ «
ﭼﯩﻼﺭﻧﻰ ﭘﯩﻠﯩﻤﻮﺗﻘﺎ ﺗﯘﺗﯘپ ﺟﺎﺯﺍﻟﯩﺪﻯ ۋە ﺋﯜچ ﻛﯜﻧﻠﯜﻙ ھﻪﺭﺑﯩﻲ ھﺎﻟﻪﺕ ﺋﯧﻼﻥ ﻗﯩﻠﯩﭗ ، ﺑﺎﺭﻟﯩﻖ ﻗﻮﺷﯘﻧﻠﯩﺮﯨﻐﺎ
ﺑﯘﻻڭ - ﺗﺎﻻڭ ﻗﯩﻠﯩﺸﻘﺎ ، ﺋﯘﭼﺮﯨﻐﺎﻧﻨﻰ ﺋﯧﺘﯩﺸﻘﺎ ﺑﯘﻳﺮﯗﻕ ﺑﻪﺭﺩﻯ . ﺷﻪھﻪﺭ ﻛﻮﭼﯩﻠﯩﺮﯨﻐﺎ ﭘﯩﺖ ﺗﺎﺭﯨﻐﺎﻧﺪەﻙ
ﺗﺎﺭﺍپ ﻛﻪﺗﻜﻪﻥ ﺯﯨﺨﯘﻳﭽﯩﻼﺭ ﺑﯩﺮﯨﻨﭽﻰ ﻗﻪﺩەﻣﺪە ﺗﯩﺠﺎﺭەﺗﭽﯩﻠﻪﺭﻧﯩﯔ ﺩﯗﻛﺎﻧﻠﯩﺮﯨﻨﻰ ﺑﯘﻻﺷﺘﻰ ، 2 - ﻗﻪﺩەﻣﺪە
ﺋﯚﻳﻠﻪﺭﮔﻪ ﺑﺎﺳﺘﯘﺭﯗپ ﻛﯩﺮﯨﭗ ﺑﯘﻻﯕﭽﯩﻠﯩﻖ ﻗﯩﻠﺪﻯ . ﺋﯘﭼﺮﯨﻐﺎﻥ ﺋﺎﺩەﻣﻨﻰ ﺋﯧﺘﯩﭗ ﺋﯚﻟﺘﯜﺭﺩﻯ ۋە ﭼﺎﻧﺎپ
ﺗﺎﺷﻠﯩﺪﻯ . ﺋﯚﻳﻠﻪﺭﻧﻰ ﺑﯘﻟﯩﻐﺎﻧﺪﺍ ﺩەﺳﻠﻪپ ﻳﯧﯖﯩﺮﺍﻕ ﺋﯚﻳﻠﻪﺭﺩە ﺑﯘﻻﯕﭽﯩﻠﯩﻖ ﻗﯩﻠﻐﺎﻥ ﺑﻮﻟﺴﺎ ، ﺑﺎﺭﺍ - ﺑﺎﺭﺍ
ﺋﻮﻣﯘﻣﻴﯜﺯﻟﯜﻙ ﺑﯘﻻڭ - ﺗﺎﻻڭ ﻗﯩﻠﺪﻯ . ﺑﯘﻟﯩﻐﺎﻥ ﻣﺎﻟﻠﯩﺮﯨﻨﻰ ﻛﻪﻣﺒﻪﻏﻪﻟﻠﻪﺭﮔﻪ ﻛﯚﺗﻪﺭﮔﯜﺯﯛپ ﺋﯧﻠﯩﭗ ﻛﻪﺗﺘﻰ ،
ﺋﯩﺸﻰ ﺗﯜﮔﯩﮕﻪﻧﺪە ﺋﯘﻻﺭﻧﯩﻤﯘ ﺋﯧﺘﯩﭗ ﺗﺎﺷﻠﯩﺪﻯ ،ﺋﯚﻳﻠﻪﺭﮔﻪ ﺑﺎﺳﺘﯘﺭﯗپ ﻛﯩﺮﮔﻪﻧﺪە ﺋﯚﻱ ﺋﯩﮕﯩﻠﯩﺮﯨﻨﻰ
ﺗﯘﺗﯩﯟﯦﻠﯩﭗ ﺋﺎﻟﺘﯘﻥ - ﻛﯜﻣﯜﺵ ، ﭘﯘﻝ ، ﺳﺎﺋﻪﺕ ﺑﻪﺭ ﺩەپ ﻗﯩﺴﺘﯩﺪﻯ . ﺧﻪﻟﻘﻠﻪﺭ ﺋﯚﺯﯨﺪە ﺑﺎﺭ ﻧﻪﺭﺳﻪ
ﻛﯧﺮەﻛﻠﻪﺭﻧﻰ ﺑﯧﺮﯨﭗ ﺗﯜﮔﯩﮕﻪﻥ ﭼﺎﻏﺪﺍ ﻳﻪﻧﻪ ﻗﺎﻧﺎﺋﻪﺕ ﻗﯩﻠﻤﺎﻱ ، ﺋﯘﻻﺭﻧﯩﯔ ﻗﻮﻟﻠﯩﺮﯨﻨﻰ ﺑﺎﻏﻼپ ﺗﯜۋﺭﯛﻛﻠﻪﺭﮔﻪ
ﺑﯧﺴﯩﭗ ﺋﯘﺭﺩﻯ . ﺗﯚﻣﯜﺭ ﻗﯩﺰﯨﺘﯩﭗ ﻳﺎﻗﺘﻰ . ﭘﯜﺗﯜﻥ ﺷﻪھﻪﺭﻧﻰ ﺩﺍﺕ - ﭘﻪﺭﻳﺎﺩ ﻗﺎﭘﻠﯩﺪﻯ . ﺑﯩﺮﯨﻨﭽﻰ ﻗﯧﺘﯩﻢ
ﻛﯩﺮﮔﻪﻧﻠﻪﺭ ﺑﯘﻻپ - ﺗﺎﻻپ ﭼﯩﻘﯩﭗ ﻛﻪﺗﺴﻪ ، 2 - ﻗﯧﺘﯩﻢ ﻛﯩﺮﮔﻪﻧﻠﻪﺭ ﺋﺎۋﺍﻟﻘﯩﻼﺭﻧﯩﯔ ﻛﯩﺮﮔﻪﻧﻠﯩﻜﯩﻨﻰ ھﯩﺴﺎﭘﻘﺎ
ﺋﺎﻟﻤﺎﻱ ﻳﺎﻧﺎ ﻗﯩﻴﻨﺎﻳﺘﺘﻰ . ﻗﺎﻟﻐﺎﻥ ، ﻗﺎﺗﻘﺎﻧﻼﺭﻧﻰ ﺋﺎﺗﺘﻰ . 3 ، 4 .... ﻗﯧﺘﯩﻢ ﻛﯩﺮﮔﻪﻧﻠﻪﺭﮔﻪ ﺑﻪﺭﮔﯩﺪەﻙ ﻧﻪﺭﺳﻪ
ﻗﺎﻟﻤﯩﻐﺎﻧﺪﺍ ﺋﯘﻻﺭ ﺋﺎﭼﭽﯩﻘﯩﻨﻰ ﺟﺎﺯﺍﻻﺵ ﺑﯩﻠﻪﻥ ﭼﯩﻘﯩﺮﺍﺗﺘﻰ . ﺋﯚﻟﺘﯜﺭﯛپ ﺗﺎﺷﻼﻳﯩﺘﺘﻰ . ﺑﯘ ۋەھﺸﯩﻠﻪﺭ ﺑﯘﻻڭ -
ﺗﺎﻻڭ ﻗﯩﻠﯩﭙﻼ ﻗﺎﻟﻤﺎﺳﺘﯩﻦ ، ﺧﻮﺗﯘﻥ - ﻗﯩﺰﻻﺭﻏﺎ ﺑﺎﺳﻘﯘﻧﭽﯩﻠﯩﻖ ﻗﯩﻠﺪﻯ . ﺧﻮﺗﯘﻥ - ﻗﯩﺰﻻﺭﻧﻰ ﺋﺎﺗﺎ- ﺋﺎﻧﯩﻠﯩﺮﯨﻐﺎ ،
ﺋﻪﺭﻟﯩﺮﯨﮕﻪ ﻛﯚﺭﺳﯜﺗﯜپ ﺗﯘﺭﯗپ ، ﻧﻮﻣﯘﺳﯩﻐﺎ ﺗﻪﮔﺪﻯ . ﺑﯘ ﻗﯩﺮﻏﯩﻨﭽﯩﻠﯩﻘﻘﺎ ﻳﯧﯖﻰ ﺷﻪھﻪﺭﺩﯨﻜﻰ ﻣﺎﺟﻪﻧﺴﺎڭ
ﻗﻮﺷﯘﻧﻠﯩﺮﯨﻤﯘ ﻗﺎﺗﻨﺎﺷﻘﺎﻥ ﺋﯩﺪﻯ ، 6 ﺋﺎﻳﻼپ ﻳﯧﯖﻰ ﺷﻪھﻪﺭ ﻣﯘھﺎﺭﯨﺴﯩﺪە ﻗﺎﻣﯩﻠﯩﭗ ﺋﺎﺯﺍﺏ ﭼﻪﻛﻜﻪﻥ ﺑﯘ
ﺋﻪﺳﻜﻪﺭﻟﻪﺭ ﻗﻮﻟﯩﺪﺍ ﺗﯚﻣﯜﺭﻧﯩﯔ ﺳﯘﻧﯘﻗﻰ ﺑﻮﻟﻤﯩﻐﺎﻥ ﺷﻪھﻪﺭ ﺧﻪﻟﻘﯩﺪﯨﻦ ﺋﯚچ ﺋﯧﻠﯩﭗ ﺩەھﺸﻪﺗﻠﯩﻚ ﻗﯩﺮﻏﯩﻦ
ﻳﯜﺭﮔﯜﺯﺩﻯ .
ﺋﯚﻟﯜﻛﻠﻪﺭﻧﻰ ﺋﯩﺸﯩﻚ ﺋﺎﻟﺪﯨﻐﺎ ﺋﻪﭼﯩﻘﯩﭗ ﻳﺎﺗﻘﯘﺯﯗپ ﺗﺎڭ ﺋﯧﺘﯩﺸﻘﺎ ﻳﯧﻘﯩﻦ ھﻪﺭﻗﺎﻳﺴﻰ ﺋﯚﻳﺪە ﺋﯚﻟﮕﻪﻥ
ﻗﻮﻳﺪﻯ . ﺑﯘ 2 - ﻛﯜﻧﻰ ﻛﯧﻠﯩﺪﯨﻐﺎﻥ ۋەھﺸﯩﻠﻪﺭﻧﯩﯔ ﻳﻮﻟﯩﻨﻰ ﺗﻮﺳﺎﺵ ﺋﯜﭼﯜﻥ ﭼﺎﺭە ﺋﯩﺪﻯ . ﺑﯘ ﭼﺎﺭە ﺭﺍﺳﺘﯩﻨﻼ
ﺋﯜﻧﯜﻣﻠﯜﻙ ﺑﻮﻟﺪﻯ . 2 - ﻛﯜﻧﻰ ﻛﻪﻟﮕﻪﻥ ﺑﯘﻻﯕﭽﯩﻼﺭ ﺋﯚﻟﯜﻙ ﺑﺎﺭ ﺋﯚﻳﮕﻪ ﻛﯩﺮﻣﻪﻱ ﻗﺎﻳﺘﯩﭗ ﻛﯧﺘﯩﺸﺘﻰ .
ﺩەھﺸﻪﺗﻠﯩﻚ 6 - ﻓﯧﯟﺭﺍﻝ ﻛﯜﻧﻰ ﺋﻪﻧﻪ ﺷﯘﻧﺪﺍﻕ ﺧﻪۋﭘﻠﯩﻚ ﺋﯚﺗﻜﻪﻥ ﺑﻮﻟﺴﯩﻤﯘ ﭘﺎﺟﯩﺌﻪ ﺗﯧﺨﻰ ﺗﯜﮔﯜﻣﯩﮕﻪﻥ
ﺋﯩﺪﻯ . ﺷﯘ ﻛﯧﭽﯩﺴﻰ ﺗﺎڭ ﻳﻮﺭﯗﻏﯩﭽﻪ ھﻪﻣﻤﻪ ﺋﻪﺗﺮﺍﭘﺘﯩﻦ ﻣﯩﻠﺘﯩﻖ ، ﭘﯩﻠﯩﻤﻮﺗﻼﺭ ﺋﯧﺘﯩﻠﯩﭗ ﺗﯘﺭﺩﻯ . 7 - ﻓﯧﯟﺭﺍﻝ
ﻛﯜﻧﻰ ﺑﯘﻻڭ - ﺗﺎﻻڭ ﻳﻪﻧﻪ ﺩﺍۋﺍﻡ ﻗﯩﻠﺪﻯ . ﻟﯧﻜﯩﻦ ﺋﻪھﯟﺍﻝ ﺗﯜﻧﯜﮔﯜﻧﻜﯩﺪەﻙ ﺩەھﺸﻪﺗﻠﯩﻚ ﺑﻮﻟﻤﯩﺪﻯ . ﭼﯜﻧﻜﻰ
ﺑﯘ ﻛﯜﻧﻰ ﻣﺎﺟﻪﻧﺴﺎﯕﻨﯩﯔ ﺋﺎﺩەﻣﻠﯩﺮﻯ ﻳﻮﻕ ﺋﯩﺪﻯ ، ﺋﯘﻧﯩﯔ ﺋﯜﺳﺘﯩﮕﻪ ﺑﯘﻻﻳﺪﯨﻐﺎﻧﻐﺎ ﭘﻪﻗﻪﺕ ﺋﻪﺳﻜﻰ ﻳﻮﺗﻘﺎﻥ
ﻣﺎﺯﻟﯩﺮﻯ ، ﺗﻪﻛﯩﻴﻠﻪﺭﺩﯨﻜﻰ ﺗﻮﺯﻏﺎﻕ ﺳﺎﻣﺎﻧﻼﺭﻻ ﻗﺎﻟﻐﺎﻥ ﺑﻮﻟﻐﺎﭼﻘﺎ ﺋﻪﺳﻜﻪﺭﻟﻪﺭﮔﻪ ﺋﺎﻧﭽﻪ ﺋﻪﭘﻠﯩﺸﯩﭗ
ﺑﻪﺭﻣﯩﺪﻯ . ﺷﯘﻧﺪﺍﻕ ﺑﻮﻟﺴﯩﻤﯘ ﻛﯩﺸﯩﻠﻪﺭﻧﯩﯔ ﻗﻮﻱ ، ﻛﺎﻻ ، ﺋﺎﺗﻠﯩﺮﯨﻨﻰ ﺑﯘﻻڭ - ﺗﺎﻻڭ ﻗﯩﻠﺪﻯ . 7 - ﻓﯧﯟﺭﺍﻝ
—————————————————————————————————————————————————
6
ﺋﯧﻠﻜﯩﺘﺎپ ﻗﯩﻠﯩﭗ ﺗﯜﺯﮔﯜﭼﻰ : ﺋﯘﻳﻐﯘﺭ ﺋﻮﻏﻠﻰ -----ھﻪۋەﺳﻜﺎﺭ
032552294:QQ Email:uyxman@126.com
- 7. http://www.orkhun.com ﺋﻮﺭﺧﯘﻥ ﺋﯘﻳﻐﯘﺭ ﺗﺎﺭﯨﺨﻰ ﺗﻮﺭ ﺑﯧﺘﻰ
ﻛﯜﻧﻰ ﭼﯜﺵ ﺑﻮﻟﻐﺎﻧﺪﺍ ﺗﯜﻧﯜﮔﯜﻥ ﺗﻪﺳﻠﯩﻢ ﺑﻮﻟﻐﺎﻥ ﭘﯩﺪﺍﺋﯩﻴﻼﺭﻧﻰ ﺩﺍۋﺗﻪﻱ ﻳﺎﻣﯘﻟﯩﻨﯩﯔ ﺋﺎﻟﺪﯨﻐﺎ ﺗﯩﺰﯨﭗ
ﻛﻪﻟﺪﻯ . ﺑﯘﻻﺭﻧﻰ ﺋﻮﺭﺍپ ﻣﺎﯕﻐﺎﻥ ﻗﻮﺭﺍﻟﻠﯩﻖ ﻗﻮﻏﺪﯨﻐﯘﭼﯩﻼﺭ ﺳﻪﻳﻨﺎﻧﯩﯔ ھﻪﻣﻤﻪ ﺗﻪﺭﯨﭙﯩﮕﻪ ﻳﯧﻴﯩﻠﺪﻯ .
ﺋﻪﺳﯩﺮﻟﻪﺭﻧﻰ ﺟﺎۋﺑﻰ ﺗﺎﻣﻨﯩﯔ ﺋﺎﻟﺪﯨﻐﺎ ﺋﯩﻜﻜﻰ ﻗﺎﺗﺎﺭ ﻗﯩﻠﯩﭗ ﺗﯩﺰﺩﻯ ، ﺑﯜﮔﯜﻥ ﺑﯘﻻﺭﻏﺎ ﺟﺎﺯﺍ ھﯚﻛﯜﻡ ﺋﯧﻼﻥ
ﻗﯩﻠﻤﺎﻗﭽﻰ ﺑﻮﻟﻐﺎﻥ ﺋﯩﻜﻪﻥ ، ﺋﺎﺯ ﺋﯚﺗﻤﻪﻱ ﺷﻪھﻪﺭ ھﺎﻛﯩﻤﻰ ) ﺷﻪﻧﺠﺎڭ ( ﻳﺎﻗﯘپ ﺑﻪگ ﻻۋﺳﻰ ﺑﯧﺸﯩﺪﺍ ﻗﺎﺭﺍ
ﭘﻮﺳﻤﺎ ، ﺋﯘﭼﯩﺴﯩﺪﺍ ﻗﺎﺭﺍ ﻟﻪﻣﺒﯘﻗﺘﯩﻦ ﺗﯩﻜﯩﻠﮕﻪﻥ ﻻﺗﺎ ﺧﻪﻱ ....... ﻛﯩﻴﯩﻨﮕﻪﻥ ھﺎﻟﺪﺍ ﻏﻪﺭﺑﯩﻲ ﻳﻮﻟﺪﯨﻦ ﻛﯩﺮﯨﭗ
ﻛﻪﻟﺪﻯ ، ﺋﺎﻧﺪﯨﻦ ﻗﻪﺷﻘﻪﺭ ﺷﻪھﯩﺮﯨﻨﯩﯔ ﻗﻮﺭﭼﺎﻕ » ﭼﯩﯖﭙﺎڭ ﺳﯩﻠﯩﯖﻰ « ﺋﯩﺒﺮﺍھﯩﻢ ﻟﻮﺯﯗڭ ﺑﺎﺷﭽﯩﻠﯩﻘﯩﺪﺍ
ﺷﻪھﻪﺭﻧﻰ ﻣﯚﺗﯩﯟەﺭﻟﺮﯨﺪﯨﻦ ﺑﯩﺮ ﺗﯜﺭﻛﯜﻡ ﻛﯩﺸﯩﻠﻪﺭ ﻛﯧﻠﯩﭗ ﺋﯘﻻﺭﻧﯩﯔ ﻳﯧﻨﯩﺪﯨﻦ ﺋﻮﺭﯗﻥ ﺋﯧﻠﯩﺸﺘﻰ . ﺑﯩﺮ ﭼﺎﻏﺪﺍ
ﻳﺎﻣﯘﻝ ﺋﯩﭽﯩﺪﯨﻦ ﻣﺎﻓﯘﻳﯜەﻥ ﭼﯩﻘﯩﭗ ﻛﻪﻟﺪﻯ ، ﻳﯘﺭﺕ ﻛﺎﺗﺘﯩﻠﯩﺮﻯ ﺋﻮﺭﻧﯩﺪﯨﻦ ﺗﯘﺭﯗپ ﺳﺎﻻﻡ ﺑﯧﺮﯨﺶ ﺋﯜﭼﯜﻥ
ﻗﻮﻟﻠﯩﺮﯨﻨﻰ ﻛﯚﻛﺴﯩﮕﻪ ﻗﻮﻳﯘپ ﺗﺎﺯﯨﻢ ﻗﯩﻠﺪﻯ . ﻣﺎﻓﯘﻳﯜەﻥ ﻛﯚﭘﭽﯩﻠﯩﻜﻜﻪ ﺳﯚﺯﻟﻪپ : ﺧﻪﻟﻘﻨﻰ ﺑﯘﻻﻳﺪﯨﻐﺎﻥ ،
ﺟﻪﻣﺌﯩﻴﻪﺗﻨﯩﯔ ﺋﺎﻣﺎﻧﻠﯩﻘﯩﻨﻰ ﺑﯘﺯﯗﺩﯨﻐﺎﻥ ، ﺋﯩﺴﻴﺎﻧﭽﯩﻼﺭﻏﺎ ﻗﺎﺗﺘﯩﻖ ﺟﺎﺯﺍ ﺑﯧﺮﯨﻠﯩﺪﯨﻐﺎﻧﻠﯩﻘﯩﻨﻰ ﺑﯘﻻﺭﻧﻰ ﺗﯩﻠﻪﺷﻨﯩﯔ
ﺋﯚﺯﯨﻤﯘ ﺟﯩﻨﺎﻳﻪﺕ ﺋﯩﻜﻪﻧﻠﯩﻜﯩﻨﻰ ﺋﯘﻗﺘﯘﺭﺩﻯ . ﺋﯚﺯﺑﯧﻜﻠﻪﺭﻧﯩﯔ ﺑﯩﺸﯩﯟﺍﺳﻰ ﺋﻪھﺮﺍﺭﺧﺎﻥ ﺗﯚﺭەﻡ ﺋﻮﺭﻧﯩﺪﯨﻦ
ﺗﯘﺭﯗپ ﻗﺎﻳﺘﺎ ﻣﯘﺭﺍﺟﯩﺌﻪﺕ ﻗﯩﻠﯩﭗ ، ﺑﯘﻻﺭﻧﻰ ﻳﺎﺧﺸﻰ ﺋﺎﺩەﻡ ﻗﯩﻠﯩﺶ ﺋﯜﭼﯜﻥ ﻛﺎﭘﺎﻟﻪﺕ ﺑﯧﺮﯨﻤﻪﻥ ﺩﯨﯟﯨﺪﻯ ،
ﺋﯘﻧﯩﯔ ﺳﯚﺯﯨﻨﻰ ﺭەﺕ ﻗﯩﻠﺪﻯ . ﺋﯘﻧﯩﯔ ﺋﺎﺭﻗﯩﺪﯨﻨﻼ ﺑﯩﺮ ﺑﯘﻳﺮﯗﻕ ﺑﯩﻠﻪﻥ ﭘﯩﺪﺍﺋﯩﻴﻼﺭﻧﻰ ﭘﯩﻠﯩﻤﻮﺗﻘﺎ ﺗﯘﺗﯘپ ﻗﯩﺮﯨﭗ
ﺗﺎﺷﻠﯩﺪﻯ ، ﺑﯘ ﻗﯩﺮﯨﻖ ﻛﯩﺸﯩﺪﯨﻦ ﺋﺎﺑﺪﯗﺭﺍﺧﻤﺎﻥ ﺋﯩﺴﯩﻤﻠﯩﻚ ﺑﯩﺮﺳﻰ ﺋﯚﻟﯜﻛﻠﻪﺭ ﺋﺎﺭﯨﺴﯩﺪﺍ ﻳﯧﺘﯩﯟﯦﻠﯩﭗ ﻛﯩﻴﯩﻦ
ﻗﯧﭽﯩﭗ ﺟﯧﻨﯩﻨﻰ ﻗﯘﺗﯘﻟﺪﯗﺭﯗپ ﻗﺎﻻﻟﯩﺪﻯ ، ﻗﺎﻟﻐﺎﻥ ﻛﯩﺸﯩﻠﻪﺭ ﻗﺎﻧﻐﺎ ﺑﻮﻳﯘﻟﯘپ ﺗﯜﮔﻪﺷﺘﻰ .
ھﻪﺭﺑﯩﻲ ھﺎﻟﻪﺕ ﺑﯘﻳﺮﯗﻗﻰ ﺋﯜچ ﻛﯜﻥ ﺩەپ ﺋﯧﻼﻥ ﻗﯩﻠﯩﻨﻐﺎﻥ ﺑﻮﻟﺴﯩﻤﯘ 2 - ﻛﯜﻧﻰ ) 7 - ﻓﯧﯟﺭﺍﻝ ( ﻗﺎﺭﺍﯕﻐﯘ
ﭼﯜﺷﯜﺷﻜﻪ ﻳﯧﻘﯩﻦ ﺑﯘﻳﺮﯗﻕ ﺋﯧﻠﯩﭗ ﺗﺎﺷﻼﻧﺪﻯ . ﻛﻮﭼﯩﻼﺭﻏﺎ ﺋﺎﺩەﻡ ﭼﯩﻘﯩﺮﯨﭗ ﺋﻪﻝ ﺋﺎﻣﺎﻥ ﺩەپ ﺟﺎﻛﺎ
ﺳﺎﻟﺪﯗﺭﺩﻯ ، ﺋﻪﺳﻜﻰ ﺩﺍﺳﻼﺭﻧﻰ ﺗﺎﻳﺎﻕ ﺑﯩﻠﻪﻥ ﺋﯘﺭﯗپ ، ﺋﺎۋﺍﺯ ﭼﯩﻘﯩﺮﯨﭗ ، ھﻪﺭﺑﯩﻲ ھﺎﻟﻪﺗﻨﯩﯔ
ﺋﺎﻳﺎﻗﻼﺷﻘﺎﻧﻠﯩﻘﯩﻨﻰ ، ﺑﯘﻻڭ - ﺗﺎﻻﯕﻨﯩﯔ ﺋﻪﻣﺪﻯ ﺗﻮﺧﺘﯩﻐﺎﻧﻠﯩﻘﯩﻨﻰ ﺋﯜﻧﻠﯜﻙ ﺋﺎۋﺍﺯﻻﺭ ﺑﯩﻠﻪﻥ ﺟﺎﻛﺎﺭﻟﯩﺪﻯ .
8 - ﻓﯧﯟﺭﺍﻝ ﻛﯜﻧﻰ ﻛﻮﭼﺎ - ﻛﻮﭼﯩﺪﯨﻦ ﺋﯚﻟﮕﻪﻥ ﺋﯚﻟﯜﻛﻠﻪﺭﻧﯩﯔ ﺗﺎۋﯗﺗﻠﯩﺮﻯ ﭼﯩﻘﯩﺸﻘﺎ ﺑﺎﺷﻠﯩﺪﻯ ، ﺑﺎﻣﺪﺍﺕ
ﻧﺎﻣﯩﺰﯨﺪﯨﻦ ﺑﺎﺷﻼﻧﻐﺎﻥ ﺋﯘﺯﯗﺗﯘﺵ ﭼﺎﺷﻜﺎ ۋە ﭘﯩﺸﯩﻨﻐﯩﭽﻪ ﻳﯧﺮﯨﻢ ﻛﯜﻥ ﺩﺍۋﺍﻡ ﻗﯩﻠﺪﻯ . ﺋﯚﻟﮕﻪﻥ ﺋﯚﻟﯜﻛﻠﻪﺭ
ﻛﯚپ ﺑﻮﻟﻐﺎﻧﻠﯩﻘﺘﯩﻦ ﭘﺎﺷﺸﺎﭘﻼﺭ ھﺎﺭۋﯨﻼﺭﻏﺎ ﻗﺎﺗﻼپ ﺑﯧﺴﯩﭗ ﮔﯚﺭﯛﺳﺘﺎﻧﻠﯩﻘﻼﺭﻏﺎ ﺋﺎﭘﯩﺮﯨﭗ ﭼﻮڭ ﺋﻮﺭەﻙ ﻛﻮﻟﯩﺘﯩﭗ
ﺋﯚﻟﯜﻛﻠﻪﺭﻧﻰ ﺋﯜﺳﺘﻰ - ﺋﯜﺳﺘﯩﮕﻪ ﻗﻮﻳﯘپ ﻛﯚﻣﯜپ ﺗﺎﺷﻼﺷﺘﻰ ، ﺷﻪھﻪﺭﺩﯨﻜﻰ ﺋﯚﻟﯜﻛﻠﻪﺭﻧﻰ ﺋﯘﺯﯛﺗﯘﺵ ، ﺗﺎۋﯗﺕ
ﻛﯚﺗﯜﺭﯛﺵ ﺑﺎﻧﯩﺴﻰ ﺑﯩﻠﻪﻥ ﺗﯩﺮﯨﻚ ﻗﺎﻟﻐﺎﻥ ﺋﻪﺭﻛﻪﻛﻠﻪﺭ ﺷﻪھﻪﺭ ﺗﯧﺸﯩﻐﺎ ﭼﯩﻘﯩﭗ ﻛﻪﺗﺘﻰ .
7 - ﻓﯧﯟﺭﺍﻝ ﻛﯜﻧﻰ ﻗﻪﺷﻘﻪﺭ ﻛﻮﻧﯩﺸﻪھﻪﺭﺩە ﻣﺎﺟﻮڭ ﻳﯩﯔ ۋە ﻣﺎﻓﯘﻳﯜەﻥ ﺗﻪﺭﯨﭙﯩﺪﯨﻦ ﻗﯩﻠﯩﻨﻐﺎﻥ ﺑﯘ ﻗﻪﺗﻠﯩﺌﺎﻣﺪﺍ
) ﭼﺎپ - ﭼﺎﭘﺘﺎ ( ﺋﯚﻟﺘﯜﺭﯛﻟﮕﻪﻥ ﺋﺎﺩەﻡ ﺳﺎﻧﻰ ﺯﺍﺩﻯ ﻗﺎﻧﭽﻪ ؟ ﺑﯘ ھﻪﻗﺘﻪ ﺋﯧﻨﯩﻖ ﻣﻪﻟﯘﻣﺎﺕ ﻳﻮﻕ . ﻟﯧﻜﯩﻦ
ﺷﯩﯟﯦﺖ ﻣﯩﺴﯩﺌﻮﻧﯩﺮﻟﯩﺮﻯ ﻛﻮﭼﯩﻼﺭﻏﺎ ﺋﺎﺩەﻡ ﭼﯩﻘﯩﺮﯨﭗ ﺋﯚﻟﯜﻛﻠﻪﺭﻧﻰ ﻛﯚﺯﺩﯨﻦ ﻛﻪﭼﯜﺭﯛپ ﺗﯩﺰﯨﻤﻠﯩﻐﺎﻥ ﺋﯩﺪﻯ .
ﺷﯘﻻﺭﻧﯩﯔ ﺗﯩﺰﯨﻤﻠﯩﻐﺎﻥ ﺳﺎﻧﻰ ھﺎﺯﯨﺮﻏﯩﭽﻪ ﺋﺎﺳﺎﺳﻠﯩﻖ ﺳﺎﻥ ﺑﻮﻟﯘپ ﻛﻪﻟﻤﻪﻛﺘﻪ ، ﺷﯩﯟﯦﺖ ﺋﺎﺩەﻣﻠﯩﺮﻯ ھﯧﻴﺘﮕﺎھ
—————————————————————————————————————————————————
7
ﺋﯧﻠﻜﯩﺘﺎپ ﻗﯩﻠﯩﭗ ﺗﯜﺯﮔﯜﭼﻰ : ﺋﯘﻳﻐﯘﺭ ﺋﻮﻏﻠﻰ -----ھﻪۋەﺳﻜﺎﺭ
032552294:QQ Email:uyxman@126.com
- 8. http://www.orkhun.com ﺋﻮﺭﺧﯘﻥ ﺋﯘﻳﻐﯘﺭ ﺗﺎﺭﯨﺨﻰ ﺗﻮﺭ ﺑﯧﺘﻰ
ﻣﻪﻳﺪﺍﻧﯩﺪﯨﻦ ﺋﯚﺗﯜپ ﺷﻪﺭﻗﯩﻲ ﻳﻮﻟﺪﯨﻜﻰ ﺯەﻳﻜﻪﺵ ﻣﻪھﻪﻟﻠﯩﺴﯩﮕﻪ ﻳﯧﺘﯩﭗ ﻛﻪﻟﮕﯩﭽﻪ ﺗﯩﺰﯨﻤﻼﻧﻐﺎﻥ
ﺋﯚﻟﯜﻛﻠﻪﺭﻧﯩﯔ ﺳﺎﻧﻰ 8054 . ﺑﯘ ﺳﺎﻥ ﺋﯧﻨﯩﻖ ﺳﺎﻥ ھﯧﺴﺎﺑﻠﯩﻨﯩﺪﯗ . 6591 - ﻳﯩﻠﻰ ﻳﺎﺯﺩﺍ ﺟﯘﯕﮕﻮ ﭘﻪﻧﻠﻪﺭ
ﺋﺎﻛﺎﺩﯦﻤﯩﻴﯩﺴﯩﺪﯨﻦ ﻛﻪﻟﮕﻪﻥ ﺋﯘﻳﻐﯘﺭ ﺳﺎﻳﺮﺍﻧﻰ ﺑﺎﺷﭽﯩﻠﯩﻘﯩﺪﯨﻜﻰ ﺋﯚﻣﻪﻛﻠﻪﺭ ﻗﻪﺷﻘﻪﺭ ۋﺍﻟﯩﻲ ﻣﻪھﻜﯩﻤﯩﺴﯩﻨﯩﯔ
ﺯﺍﻟﯩﺪﺍ ﺳﯚھﺒﻪﺕ ﻳﯩﻐﯩﻨﻰ ﺋﺎﭼﻘﺎﻥ ﺋﯩﺪﻯ .ﻳﯩﻐﯩﻨﺪﺍ 7 - ﻓﯧﯟﺭﺍﻝ ﻛﯜﻧﻰ ﻗﻪﺷﻘﻪﺭﺩە ﻣﺎﺟﻮڭ ﻳﯩﯔ ﻗﯩﺴﯩﻤﻠﯩﺮﻯ
ﻳﯜﺭﮔﯜﺯﮔﻪﻥ ﻗﻪﺗﻠﯩﺌﺎﻡ ﺗﻮﻏﺮﯨﺴﯩﺪﺍ ﺳﯚﺯ ﺑﻮﻟﻐﺎﻧﺪﺍ ﻳﯩﻐﯩﻨﻐﺎ ﻗﺎﺗﻨﺎﺷﻘﺎﻥ ﺑﺎﺭﺍﺕ ﺋﺎﺧﯘﻥ ﺧﻪﻟﭙﯩﺘﯩﻢ ) ﺗﻮﻛﯘﺭ (
ﺷﯩﯟﯦﺘﻠﻪﺭ ﺗﯩﺰﯨﻤﻠﯩﻐﺎﻥ 8054 ﺋﺎﺩەﻣﻨﯩﯔ ﺳﺎﻧﯩﻨﻰ ﺋﯚﺯ ﻛﯚﺯﻯ ﺑﯩﻠﻪﻥ ﻛﯚﺭﮔﻪﻧﻠﯩﻜﯩﻨﻰ ﺋﻮﺗﺘﯘﺭﯨﻐﺎ ﻗﻮﻳﺪﻯ ،
ﺑﻪﺯﯨﻠﻪﺭ ﻣﯘﻻھﯩﺰە ﻗﯩﻠﯩﭗ ﺷﯘ ﻗﯧﺘﯩﻤﻘﻰ ﻗﯩﺮﻏﯩﻨﺪﺍ ﺋﯚﻟﮕﻪﻧﻠﻪﺭﻧﯩﯔ ﺳﺎﻧﻰ 6 ﻣﯩﯖﻐﯩﭽﻪ ﺩەپ ﭘﻪﺭەﺯ ﻗﯩﻠﯩﺸﺘﻰ . ھﻪﺭ
ھﺎﻟﺪﺍ ﺷﯩﯟﯦﺖ ﺋﺎﺩەﻣﻠﯩﺮﯨﻨﯩﯔ ﺗﯩﺰﯨﻤﻠﯩﻐﺎﻥ ﺳﺎﻧﻰ ﺑﯩﺮﻗﻪﺩەﺭ ﺋﻪﻣﯩﻠﻰ ﺳﺎﻥ ﺑﻮﻟﯘپ ھﯧﺴﺎﺑﻠﯩﻨﯩﺪﯗ . ﺑﯩﺮ
ﺷﻪھﻪﺭﺩﯨﻦ ﺷﯘﻧﭽﻪ ﻧﯘﺭﻏﯘﻥ ﺋﺎﺩەﻣﻨﯩﯔ ﺋﯚﻟﺘﯜﺭﯛﻟﯩﺸﻰ ھﻪﺭﻗﺎﻧﺪﺍﻕ ﺋﺎﺩەﻣﻨﻰ ﻗﺎﺗﺘﯩﻖ ﺋﯧﭽﯩﻨﺪﯗﺭﯨﺪﯗ .
ﻣﻪﻧﺒﻪ : ﺷﯩﻨﺠﺎڭ ﺗﺎﺭﯨﺦ ﻣﺎﺗﯧﺮﯨﻴﺎﻟﻠﯩﺮﻯ 21 ﺳﺎﻥ ) ﺷﯩﻨﺠﺎڭ ﺧﻪﻟﻖ ﻧﻪﺷﺮﯨﻴﺎﺗﻰ 3891 - ﻳﯩﻞ 1 - ﺋﺎﻱ 1
- ﻧﻪﺷﺮﻯ (
ﺗﯜﮔﯩﺪﻯ
ﺑﺎﻳﺎﻧﺎﺕ : ﺋﯘﻳﻐﯘﺭ ﺋﻮﻏﻠﻰ --- ھﻪۋەﺳﻜﺎﺭ ﺗﯜﺯﮔﻪﻥ ھﻪﺭﻗﺎﻧﺪﺍﻕ ﺋﯧﻠﻜﯩﺘﺎﭘﻨﯩﯔ ﺋﻪﺳﻠﻰ ﻣﺎﺗﯩﺮﯨﻴﺎﻟﯩﻨﯩﯔ
ﺋﺎﭘﺘﯘﺭﻟﯘﻕ ھﯘﻗﯘﻗﻰ ﺗﻮﺭﺩﯨﻜﻰ ﺋﻪﺳﻠﻰ ﺋﺎﭘﺘﯘﺭﻏﺎ ﻣﻪﻧﺴﯘپ ! ﺑﯘ ﺋﯧﻠﻜﯩﺘﺎﭘﻼﺭ ﭘﻪﻗﻪﺕ ﺋﯩﺸﺘﯩﻦ ﺳﯩﺮﺗﻘﻰ
ﻗﯩﺰﯨﻘﻘﯘﭼﯩﻼﺭﻧﯩﯔ ﺋﻮﻗﯘپ ﭘﺎﻳﺪﯨﻠﯩﻨﯩﺸﻰ ، ﺋﯚﺯ-ﺋﺎﺭﺍ ﭘﯩﻜﯩﺮ ﺋﺎﻟﻤﺎﺷﺘﯘﺭﯗﺵ ﺋﯘﭼﯘﻧﻼ ﺋﯩﺸﻠﯩﺘﯩﺸﻜﻪ ﺑﯘﻟﯩﺪﯗ ،
ﺋﯘﻧﯩﯖﺪﯨﻦ ﺳﯩﺮﺕ ﺳﻮﺩﺍ ﺋﯩﺸﻠﯩﺮﻯ ﻳﺎﻛﻰ ﺑﺎﺷﻘﺎ ﺳﺎھﻪﺩە ﺋﯩﺸﻠﯩﺘﯩﺸﻜﻪ ﺑﻮﻟﻤﺎﻳﺪﯗ . ﺋﻪﮔﻪﺭ ﺑﺎﺷﻘﺎ ﺳﺎھﻪﻟﻪﺭﺩە
ﻗﺎﻧﯘﻧﺴﯩﺰ ﺋﯩﺸﻠﯩﺘﯩﭗ ﺑﯩﺮەﺭ ﻣﻪﺳﯩﻠﻪ ﻛﯚﺭﯛﻟﺴﻪ ﺑﺎﺭﻟﯩﻖ ﺋﺎﻗﯩﯟەﺗﻜﻪ ﺋﯩﺸﻠﻪﺗﻜﯜﭼﻰ ﺋﯚﺯﻯ ﻣﻪﺳﺌﻮﻝ !!!
ﺋﯘﻳﻐﯘﺭ ﺋﻮﻏﻠﻰ --- ھﻪۋەﺳﻜﺎﺭ ﺑﯘ ﺟﻪھﻪﺗﺘﻪ ھﯧﭽﻘﺎﻧﺪﺍﻕ ﻣﻪﺳﺌﻮﻟﯩﻴﻪﺗﻨﻰ ﺋﯚﺯ ﺋﯜﺳﺘﯩﮕﻪ ﺋﺎﻟﻤﺎﻳﺪﯗ !!!!
ﺋﻪﮔﻪﺭ ﺋﺎﭘﺘﯘﺭﻟﯘﻕ ھﯘﻗﯘﻗﯘﻣﻐﺎ ﺩەﺧﻠﻰ ﻳﻪﺗﺘﻰ ﺩﯦﮕﯜﭼﯩﻠﻪﺭ ﺑﻮﻟﺴﺎ ﺑﯩﯟﺍﺳﺘﻪ ﺋﯘﻳﻐﯘﺭ ﺋﻮﻏﻠﻰ --- ھﻪۋەﺳﻜﺎﺭ
ﺑﯩﻠﻪﻥ ﺋﺎﻻﻗﯩﻼﺷﺴﺎ ﺑﯘﻟﯩﺪﯗ . ﺋﯧﻠﻜﯩﺘﺎﭘﻼﺭ ﺗﻮﺭﺩﺍ ﺗﻪﻣﯩﻨﻠﻪﺷﺘﯩﻦ ﺗﻮﺧﺘﯩﺘﯩﻠﯩﺪﯗ !!!!!
ﺋﯘﻧﯩﯖﺪﯨﻦ ﺑﺎﺷﻘﺎ ﺋﻪﮔﻪﺭ ﺋﯘﻳﻐﯘﺭ ﺋﻮﻏﻠﻰ --- ھﻪۋەﺳﻜﺎﺭ ﺗﯜﺯﮔﻪﻥ ﺋﯧﻠﯩﻜﯩﺘﺎﭘﻼﺭﻏﺎ ﻧﯩﺴﺒﻪﺗﻪﻥ ھﻪﺭﻗﺎﻧﺪﺍﻕ
ﭘﯩﻜﯩﺮ-ﺗﻪﻛﻠﯩﭙﻠﯩﺮﯨﯖﯩﺰ ﺑﻮﻟﺴﺎ ، ﺋﯘﻳﻐﯘﺭ ﺋﻮﻏﻠﻰ ---- ھﻪۋەﺳﻜﺎﺭ ﺑﯩﻠﻪﻥ ﺑﯩﯟﺍﺳﺘﻪ ﺋﺎﻻﻗﯩﻼﺷﺴﯩﯖﯩﺰ ﺑﯘﻟﯩﺪﯗ .
8002 -ﻳﯩﻠﻰ 2-ﺋﺎﻳﻨﯩﯔ 1-ﻛﯜﻧﻰ
ﺷﻪﻧﺪﯗڭ---ﺟﯩﻨﻪﻥ
—————————————————————————————————————————————————
8
ﺋﯧﻠﻜﯩﺘﺎپ ﻗﯩﻠﯩﭗ ﺗﯜﺯﮔﯜﭼﻰ : ﺋﯘﻳﻐﯘﺭ ﺋﻮﻏﻠﻰ -----ھﻪۋەﺳﻜﺎﺭ
032552294:QQ Email:uyxman@126.com
- 9. http://www.orkhun.com ﺋﻮﺭﺧﯘﻥ ﺋﯘﻳﻐﯘﺭ ﺗﺎﺭﯨﺨﻰ ﺗﻮﺭ ﺑﯧﺘﻰ
—————————————————————————————————————————————————
9
ﺋﯧﻠﻜﯩﺘﺎپ ﻗﯩﻠﯩﭗ ﺗﯜﺯﮔﯜﭼﻰ : ﺋﯘﻳﻐﯘﺭ ﺋﻮﻏﻠﻰ -----ھﻪۋەﺳﻜﺎﺭ
032552294:QQ Email:uyxman@126.com