Ang pabula na isinulat ni Roldan Villena ay tungkol sa isang kabayo at kalabaw na naglalakbay na magkasama. Nakakaranas ng hirap ang kalabaw sa bigat ng kanyang dala at humihingi ng tulong sa kabayo, ngunit hindi siya tinutulungan nito at sa huli ay namatay ang kalabaw. Ang pabula ay nagbibigay ng mga aral tungkol sa pagiging makasarili at ang kahalagahan ng pagtutulungan sa buhay.

1. Pabula
Roldan Villena

2. Ano ba ang pabula
Ang pabula ay isang uri ng panitikang pasalaysay na may
layuning magbigay ng aral o moral sa pamamagitan ng
mga tauhang hayop bilang mga karakter. Ito ay isang
tradisyonal na anyo ng panitikan na kadalasang
ginagamit sa mga kuwentong pambata.

3. ANG KABAYO AT NG KALABAW
Isang magsasaka ang nais manirahan sa ibang bayan kaya
isang araw ay inipon niya ang kanyang mga gamit at
inilulan sa kanyang alagang kabayo at kalabaw. Maaga pa
ay sinimulan na nila ang mahabang paglalakbay.
Makaraan ang ilang oras ay nakaramdam ng matinding
pagod at panghihina ang kalabaw dahil sa bigat ng
kanyang pasang gamit.
“Kaibigang kabayo, di hamak na mas mabigat ang pasan
kong gamit kaysa sa iyo. Maaari bang tulungan mo ako at
pasanin mo yung iba?” pakiusap ng kalabaw. “Aba, yan
ang ipinataw sa iyong balikat ng ating amo kaya pagtiisan
mo,” anang kabayo na lalo pang binilisan ang paglalakad.

4. “Parang awa mo na tulungan mo ako. Di ko na kakayanin ang bigat ng
kong magpalamig dala ko. Nanghihina ako. Alam mo namang
kailangan sa ilog kapag ganito katindi ang init ng araw dahil madaling
mag-init ang katawan ko,” pakiusap pa rin ng kalabaw.
“Bahala ka sa buhay mo,” naiinis na sagot ng kabayo.
Makaraan pa ang isang oras at lalung tumindi ang init ng araw. Hindi
nagtagal at ang kalabaw ay iginupo ng bigat ng kanyang dala at siya ay
pumanaw.
Nang makita ng magsasaka ang nagyari ay kinuha niya ang lahat ng
gamit na pasan ng kalabaw at inilipat sa kabayo na bahagya namang
makalakad dahil sa naging napakabigat ng kanyang mga dalahin.
“Kung tinulungan ko sana si kasamang kalabaw ay hindi naging ganun
kabigat ang pasan ko ngayon,” may pagsisising bulong ng kabayo
kanyang sarili.

5. Mga Aral:
• Ang pagiging makasarili ay
hindi magdudulot sa’yo ng
mabuti sa hinaharap.
• Ang suliranin ng iyong kasama
ay magiging problema mo din
kung hindi mo siya tutulungan
• Ang makasariling pag-uugali
ay may katapat na
kaparusahan
• Ang mga pasanin natin sa
buhay ay gagaan kung tayo
ay magtutulungan