Барилгын Үйл ажиллагааны тусгай зөвшөөрлийн мэдээлэл

1. “МОНГОЛЫН БАРИЛГЫН ҮНДЭСНИЙ АССОЦИАЦИ” ТББ
АЛСЫН ХАРАА:
Гишүүн байгууллагуудынхаа ашиг сонирхлыг хуулийн хүрээнд хамгаалж төлөөлсөн,
үндэсний болон олон улсын хэмжээнд хүлээн зөвшөөрөгдсөн, барилгын салбарт үйл
ажиллагаа явуулж буй ТББ-уудын манлайлагч байгууллага байна.
ЭРХЭМ ЗОРИЛГО:
Барилгын салбарт сайн засаглалыг хөгжүүлэхэд төр-хувийн хэвшлийн хамтын ажиллагаа,
уялдааг сайжруулж, хууль эрх зүйн орчинд шинэчлэл хийхэд нөлөөлж, гишүүдийн чадавхыг
сайжруулж, барилгын зах зээлийн тогтвортой өсөлтийн төлөө чармайн ажиллана.
ҮНЭТ ЗҮЙЛС:
Гишүүдийн эрх ашгийг хамгаална
Гишүүн бүрт хүрч үйлчилнэ
Үйл ажиллагаа хараат бус байна
Төр-хувийн хэвшилтэй үлгэр жишээ түншилнэ.

2. ҮНДСЭН ҮЙЛ АЖИЛЛАГАА:
 Салбарын хууль эрх зүйн орчинд шинэчлэл хийх, барилгын салбарт
сайн засаглалыг бий болгох
 Төр-хувийн хэвшлийн хамтын ажиллагаа, уялдааг сайжруулах,
оролцогч талууд эвлэлдэн нэгдэж хамтран ажиллах нөхцөл
бололцоог бүрдүүлэхийн төлөө ажиллах
 Барилгын компаниудын өрсөлдөх чадварыг сайжруулж,
мэргэжилтний ур чадварыг дээшлүүлэх, шинэ дэвшилтэт технологи,
ноу-хауг нэвтрүүлж, нутагшуулах тогтолцоог бүрдүүлэх замаар
салбарын чадавхыг сайжруулан хөгжүүлж, евро стандартад
шилжихэд түүчээлэн оролцох
 Үл хөдлөх хөрөнгийн зах зээлийг хөгжүүлж улс, орон нутаг, хувийн
хэвшил, гадаад дотоодын хөрөнгө оруулалтыг нэмэгдүүлэх, барилгын
эрэлтийг ихэсгэж, зах зээлийг идэвхжүүлэх ажлыг зохион байгуулах.
“МОНГОЛЫН БАРИЛГЫН ҮНДЭСНИЙ АССОЦИАЦИ” ТББ

3. “МОНГОЛЫН БАРИЛГЫН ҮНДЭСНИЙ АССОЦИАЦИ” ТББ
МБҮА-ИЙН ГИШҮҮНЧЛЭЛИЙН ДАВУУ ТАЛУУД:
САЛБАРЫН МЭДЭЭЛЭЛ АВАХ:
Барилга, барилгын материалын үйлдвэрлэл, техник, технологи, санхүү-эдийн засаг, бараа, бүтээгдэхүүн, үйлчилгээний зах зээл, үнэ,
орон сууцны эрэлт, нийлүүлэлтийн судалгаа, гадаадын бизнес эрхлэгчдийн санал, холбогдох хууль, тогтоомж болон бусад салбарын
мэдээллийг авна.
ТӨР, ЗАСГИЙН БОДЛОГОД САНАЛ ӨГӨХ:
Барилга, хот байгуулалтын үйл ажиллагаатай холбоотой бодлогын баримт бичиг, төсөл, хөтөлбөрийг боловсруулахад санал өгөх,
Ассоциацийн Удирдах зөвлөл, Мэргэжлийн хороодуудад орж бодлого боловсруулах, Үндэсний зөвлөл, Ажлын хэсэгт салбарыг
төлөөлөн оролцох боломжоор хангагдана.
ХУУЛЬ ЭРХ ЗҮЙ, НОРМ НОРМАТИВ, ТЕХНИКИЙН БАРИМТ БИЧГҮҮД:
Хүчин төгөлдөр мөрдөгдөж байгаа салбарын хууль, дүрэм, журам, тогтоол, тушаал, шийдвэр, стандарт, норм ба норматив, акт,
технологийн заавар, гэрээ хэлэлцээрийн жишиг хувилбар, бусад бичиг баримтуудын мэдээлэл, жагсаалт, барилгын салбарын гарын
авлагуудыг авна.
СУРГАЛТ, СЕМИНАР:
Гишүүн байгууллагуудын компанийн засаглалыг сайжруулах сургалтууд, ажилтан, инженерүүдийн чадавхыг сайжруулах сургалтууд,
менежмент, хүний нөөц, манлайллын сургалтууд, хөдөлмөр хамгаалал, аюулгүй байдал, эрүүл ахуйн орчны сургалт, шинэ техник,
технологийн семинар зэрэгт оролцоно.
ГАДААД ХАРИЛЦАА:
ОУ-ын байгууллага, компаниудтай үйлдвэрлэл, худалдаа, үйлчилгээ, шинжлэх ухаан, техникийн хамтын ажиллагааны харилцаа
холбоог тогтооход дэмжлэг авах, Ассоциацийн шугамаар төсөл, хөтөлбөрт хөрөнгө оруулах боломж, бололцооны тухай мэдээ,
мэдээллийг авах, гадны хөрөнгө оруулагчдад өөрийн төслийг танилцуулах, гадаад орнуудад зохион байгуулагдах барилгын
үзэсгэлэн-яармаг, танилцах аялал, техникийн семинарт хамрагдана.
ШАГНАЛ УРАМШУУЛАЛ:
Улс, орон нутгийн эдийн засгийг хөгжүүлэхэд үр бүтээлтэй ажиллаж байгаа компанийн эзэд, ажилчдыг төрийн одон медаль,
салбарын шагналд тодорхойлох
АРГА ХЭМЖЭЭНД ХАМРАГДАХ:
 Уулзалт, хурал, зөвлөгөөн, хэлэлцүүлэг, үзэсгэлэн
 Ассоциацийн чуулган
 Гишүүн компаниудтай танилцах аялал
 Салбарын хүрээнд зохион байгуулагдаж буй бүхий л үйл ажиллагаа болон амралт, чөлөөт цагт зориулсан урлаг, спорт, тусгай
хөтөлбөр зэрэгт хамрагдана

4. БАРИЛГЫН ҮЙЛ АЖИЛЛАГААНЫ ТУСГАЙ
ЗӨВШӨӨРЛИЙН ХЭЛТЭС
Монголын Барилгын Үндэсний Ассоциаци ТББ нь “Барилга
байгууламжийн зураг төсөл боловсруулах, барилгын ажил гүйцэтгэх,
өргөх байгууламж, түүний эд ангийн үйлдвэрлэл, угсралт, засвар
үйлчилгээ эрхлэх хуулийн этгээдэд тусгай зөвшөөрөл олгох” үйл
ажиллагааг Барилга, хот байгуулалтын сайдын 2017 оны 216 дугаар
тушаал, 2019 оны 9 дүгээр тушаал, Барилга, хот байгуулалтын яамтай
байгуулсан гэрээний үндсэн дээр салбарын бусад ТББ-уудын
түншлэлийн хамтаар гүйцэтгэж байна.
Монголын Барилгын Үндэсний Ассоциаци ТББ-ын Ерөнхийлөгчийн
Т-18/02 дугаар тушаалаар МБҮА-ийн Ажлын албаны дэргэд Барилгын
үйл ажиллагааны тусгай зөвшөөрлийн хэлтсийг 2018 оны 02 дугаар
сарын 09-ний өдөр байгуулсан.

5. БАРИЛГЫН ҮЙЛ АЖИЛЛАГААНЫ ТУСГАЙ ЗӨВШӨӨРЛИЙН
ХЭЛТСИЙН ҮЙЛ АЖИЛЛАГААНЫ ҮНДСЭН ЧИГЛЭЛ
 Барилга, байгууламжийн зураг төсөл боловсруулах, барилгын ажил
гүйцэтгэх, өргөх байгууламж, түүний эд ангийн үйлдвэрлэл үйлчилгээ
эрхлэх хуулийн этгээдэд тусгай зөвшөөрөл олгох “Нэг цэгийн
үйлчилгээний төв”-ийг зохион байгуулах.
 БҮАТЗ олгох асуудлаар урьдчилсан дүгнэлт гаргах Ажлын хэсгийн
Хуралд “Барилга, байгууламжийн зураг төсөл боловсруулах, барилгын
ажил гүйцэтгэх, өргөх байгууламж түүний эд ангийн үйлдвэрлэл, угсралт,
засвар үйлчилгээ эрхлэх тусгай зөвшөөрөл хүссэн” материалуудыг
танилцуулж, шийдвэрлүүлэх.
 Барилга, хот байгуулалтын сайдын БҮАТЗ олгосон тушаалын дагуу аж
ахуйн нэгж, байгууллагатай БҮАТЗ эзэмших гэрээг байгуулж, гэрчилгээг
олгох, гэрээний хэрэгжилтэд хяналт тавих.
 Барилгын салбарын мэдээллийн нэгдсэн сангийн БҮАТЗ эзэмшигч аж
ахуйн нэгж, байгууллага, инженер-техникийн ажилтны мэдээллийн санг
тогтмол шинэчлэх.

6. БАРИЛГЫН ҮЙЛ АЖИЛЛАГААНЫ ТУСГАЙ ЗӨВШӨӨРӨЛ АВАХ ҮЙЛ
ЯВЦЫН ДАРААЛАЛ
 1.www.mnca.mn сайтад нэвтэрч Монголын Барилгын Үндэсний Ассоциаци ТББ
болон БҮАТЗХ-ийн тусгай зөвшөөрөлтэй холбоотой мэдээлэл авах
 2.www.tz.mnca.mn сайтад ААНБ болон ИТА-уудын мэдээллийг бүртгэж, “Нэг
цэгийн үйлчилгээний төв”-д эх хувиар нь бичиг баримтыг хянуулан
баталгаажуулсны дараа хүсэлт илгээх
 3.БҮАТЗ-ийн хүсэлтийг БҮАТЗХ хянаж, танилцуулга бэлтгэн “Барилгын үйл
ажиллагааны тусгай зөвшөөрөл олгох асуудлаар урьдчилсан дүгнэлт гаргах”
Ажлын хэсгийн 7 хоног бүрийн Хурлаар хэлэлцүүлэх
 4.“БҮАТЗ олгох асуудлаар урьдчилсан дүгнэлт гаргах” Ажлын хэсгийн Хурлын
шийдвэрийг www.mnca.mn сайтаар нийтэд ил тодоор мэдээлэх
 5.Ажлын хэсгийн Хурлын шийдвэр, тэмдэглэлийг үндэслэн БХБ-ын Сайдын
“Тусгай зөвшөөрөл сунгах, нэмэлт ажлын төрөл олгох, шинээр олгох тухай”
тушаал гарах
 6.БХБ-ын Сайдын тушаалын дагуу БҮАТЗХ нь БҮАТЗ-ийн гэрчилгээг бичиж,
БХБЯ-аар хянуулан, БХБ-ын Сайдаар баталгаажуулах
 7.ААНБ-ууд Улсын тэмдэгтийн хураамж төлж, БҮАТЗ-ийн гэрээг байгуулах
 8.Ажлын хэсгийн Хурлаар буцаагдсан/хойшлуулагдсан шийдвэр гарч
дэмжигдээгүй ААНБ-уудад Хурлын тэмдэглэлийн дагуу
буцаагдсан/хойшлуулагдсан шалтгаануудыг тайлбарласан албан тоотыг хүргүүлж,
тодруулга, нэмэлт мэдээлэл авснаар Хуралд дахин хэлэлцүүлэх

7. БАРИЛГЫН ҮЙЛ АЖИЛЛАГААНЫ ТУСГАЙ ЗӨВШӨӨРЛИЙН
ХҮСЭЛТИЙГ WWW.TZ.MNCA.MN САЙТААР ЦАХИМААР ИЛГЭЭХ
ДАРААЛАЛ
 БҮАТЗ-ийн сунгалт, нэмэлт ажлын төрөл авах ААНБ-ууд нь 7016 5055, 7018 5055
дугаарын утас руу залгаж www.tz.mnca.mn сайтад нэвтрэх и-мэйл хаяг, нууц үгээ
бүртгүүлнэ.
 Шинээр БҮАТЗ-ийг авах ААНБ-ууд нь www.tz.mnca.mn сайтад ААНБ-ын
мэдээллээ бүртгүүлж, и-мэйл хаяг, нууц үгээ идэвхжүүлнэ.
 ААНБ-ууд нь www.tz.mnca.mn сайтад и-мэйл хаяг, нууц үгээрээ нэвтэрч
удирдлага, ИТА-уудын мэдээлэл болон гүйцэтгэсэн ажлын туршлага оруулна.
Анхааруулга! Мэдээлэлд иргэний үнэмлэх болон цээж зургийг JPG, JPEG
файлаар, мэргэжлийн диплом, мэргэшсэн, зөвлөх зэргийн гэрчилгээг PDF
файлаар бүх хуудаснуудыг бүрэн гүйцэд сканердаж оруулах ба файлуудын
хэмжээ 2MB-аас хэтрэхгүй байна.
 www.tz.mnca.mn сайтад ИТА-уудыг бүртгэсний дараа “Нэг цэгийн үйлчилгээний
төв”-д иргэний үнэмлэх, мэргэжлийн диплом, мэргэшсэн, зөвлөх зэргийн
гэрчилгээг эх хувиар нь авч ирж баталгаажуулна.
 ИТА-уудыг баталгаажуулсны дараа www.tz.mnca.mn сайтаар хүсэлтээ илгээнэ.

8. “НЭГ ЦЭГИЙН ҮЙЛЧИЛГЭЭНИЙ ТӨВ”-Д ЦААСААР БҮРДҮҮЛЖ ӨГӨХ
МАТЕРИАЛЫН ЖАГСААЛТ
 1.БҮАТЗ хүссэн Албан тоот
 2.Улсын бүртгэлийн гэрчилгээний хуулбар
 3.Орон нутгийн харъяалалтай ААНБ нь тухайн аймгийн Газрын харилцаа,
барилга, хот байгуулалтын газрын албан тоот
 4.Гадаадын хөрөнгө оруулалттай ААНБ нь Барилгын тухай хуулийн 45
дугаар зүйлийн 45.4-д заасан Зөвшөөрлийн хуулбар
 5.БҮАТЗ-ийн үйлчилгээний хөлс тушаасан баримт
БҮАТЗ СУНГАХ, НЭМЭЛТ АЖЛЫН ТӨРӨЛ АВАХАД НЭМЭЛТЭЭР
ЦААСААР БҮРДҮҮЛЖ ӨГӨХ МАТЕРИАЛЫН ЖАГСААЛТ
 6.БҮАТЗ авснаас хойших хугацаанд гүйцэтгэсэн ажлуудын талаарх мэдээ,
мэдээлэл /Маягт № 2-г бөглөх/, гэрээний дүн буюу төсөвт өртгийг БҮАТЗ-
ийн Гэрчилгээний хуулбар
 7.ААНБ-ын үйл ажиллагааны тайлан мэдээг улирал бүр илгээж, БҮАТЗ-ийн
хавсралтад тэмдэглэл хийлгэсэн байх
 8.БҮАТЗ авснаас хойших хугацаанд гүйцэтгэсэн ажлуудын талаарх мэдээ,
мэдээлэл /Маягт № 2-г бөглөх/, гэрээний дүн буюу төсөвт өртгийг бичих,
ажлын гэрээг хавсаргах
 9.Барилгын норм, норматив боловсруулах санд БҮАТЗ авснаас хойших
хугацаанд төлсөн шимтгэл /төсөвт өртгийн 0.18 хувиар/-ийн баримтуудын
хуулбарыг хавсаргах /Барилга угсралтын болон Өргөх байгууламжийн
БҮАТЗ-тэй ААНБ-уудад хамаарна/

9. ДАНСНЫ МЭДЭЭЛЭЛ
БҮАТЗ-ИЙН ҮЙЛЧИЛГЭЭНИЙ ХӨЛС /195000 ТӨГРӨГ/-ИЙГ
ДАРААХ ДАНСАНД ТУШААНА УУ
 Хүлээн авагч: “Монголын Барилгын Үндэсний
Ассоциаци” ТББ
 Хүлээн авагчийн банк: ХУДАЛДАА ХӨГЖЛИЙН БАНК
 Дансны дугаар: 43 100 60 29
 Гүйлгээний утга: ААНБ-ын нэр, регистрийн дугаар,
БҮАТЗ- ийн үйлчилгээний хөлс
БАРИЛГЫН НОРМ, НОРМАТИВ БОЛОВСРУУЛАХ САНГИЙН
ШИМТГЭЛИЙГ ДАРААХ ДАНСАНД ТУШААНА УУ
 Хүлээн авагч: Барилгын хөгжлийн төв
 Хүлээн авагчийн банк: ЧИНГИС ХААН БАНК
 Дансны дугаар: 32 01 00 00 04
 Гүйлгээний утга: ААНБ-ын нэр, регистрийн дугаар,
Нормчлолын сангийн шимтгэл

10. БҮАТЗ-ИЙН ГЭРЭЭГ БАЙГУУЛАХ, УЛСЫН ТЭМДЭГТИЙН
ХУРААМЖ ТӨЛӨХ ЗААВАР
1. Улсын тэмдэгтийн хураамжийг төлөхдөө Чингэлтэй дүүргийн
Татварын хэлтсийн Нэг цэгийн үйлчилгээнээс /Тэнгис кино театрын
хойд талд “Оrange plaza” төвийн 1-р давхар/ төлбөрийн даалгавар
үүсгүүлж, код авна.
2. Авсан кодоороо Улаанбаатар хотын банкинд Улсын тэмдэгтийн
хураамжийг тушаана.
3. БҮАТЗ-ийн гэрээг байгуулахдаа ААНБ-ын захирал /Итгэмжлэгдсэн
төлөөлөл/ иргэний үнэмлэх, ААНБ-ын тамга, улсын тэмдэгтийн
хураамж төлсөн баримттайгаа ирж, тусгай зөвшөөрөл эзэмших гэрээг
байгуулна.