1. Palabra de Vida Novembro 2008

2. «Se alguén me quere seguir, que renuncie a si mesmo, que cargue coa cruz de cada día, e que me siga» (Lc 9, 23) .

3. Non creas que, porque estás no mundo, podes mergullarte nel como peixe na auga.

4. Non creas que, porque o mundo entre na túa casa a través da radio e a televisión, estás autorizado a escoitar ou a ver calquera programa.

5. Non creas que, porque camiñas polas rúas do mundo, podes mirar impunemente todos os carteis e podes mercar no quiosco ou na libraría calquera publicación sen discriminación algunha.

6. Non creas que, porque estás no mundo, podes asumir calquera modo de vivir do mundo: as experiencias fáciles, a inmoralidade, o aborto, o divorcio, o odio, a violencia, o roubo .

7. Non, non. Ti estás no mundo. Que dúbida cabe? Pero ti non es do mundo . E isto supón unha gran diferencia.

8. Isto clasifícate entre os que non se nutren das cousas que son do mundo, senón daquelas que che expresa a voz de Deus dentro de ti.

9. Esta voz atópase no corazón de cada home e faite entrar -se a escoitas- nun reino que non é deste mundo, onde se vive o amor verdadeiro, a xustiza, a pureza, a mansedume, a pobreza, onde rexe o dominio de si mesmo.

10. Por que se marchan moita mocidade a Oriente, por exemplo á India, para atopar un pouco de silencio e captar o segredo dalgúns grandes mestres espirituais que pola longa mortificación do propio eu inferior, deixan translucir un amor (...) que impresiona a todos os que se lles achegan?

11. É a reacción natural contra o barullo do mundo, contra o ruído que hai fóra e dentro de nós, que non deixa sitio ao silencio para escoitar a Deus. Ai de min! Pero fai falta realmente ir á India, cando desde hai dous mil anos Cristo díxoche: «renuncia a ti mesmo, renuncia a ti mesmo»?

12. O mundo empúxate como un río desbordado e ti tes que nadar contra corrente. A vida cómoda e tranquila non é propia do cristián; e Cristo non pediu e non che pide menos, se o queres seguir .

13. O mundo, para o cristián, é unha selva densa na que hai que ver onde se poñen os pés .

14. E onde hai que polos? Nesas pegadas que Cristo mesmo che marcou ao pasar sobre esta terra: son as súas palabras. Hoxe El vólveche dicir:

15. «Se alguén me quere seguir, que renuncie a si mesmo...». …”.

16. Isto quizais te exporá ao desprezo, á incomprensión, ás burlas, á calumnia; deixarate illado, terás que aceptar perder a túa sona e deixar un cristianismo que está de moda. Pero aínda máis:

17. «Se alguén me quere seguir, que renuncie a si mesmo, que cargue coa cruz de cada día, e que me siga»

18. Quéiralo ou non, a dor amárganos a existencia a todos. Tamén a ti. E todos os días contamos con pequenas ou grandes mágoas. Queres esquivalas? Rebélaste? Véñenche ganas de maldicir? Entón non es cristián.

19. O cristián ama a cruz que chega, ama a dor que chega, aínda no medio das bágoas, porque sabe que teñen valor. Non por nada entre os innumerables medios que Deus tiña á súa disposición para salvar á humanidade, elixiu a dor feito amor, mellor, o amor levado ao extremo.

20. Pero El -recórdao- logo de levar a cruz e ser cravado nela, resucitou.

21. A resurrección é tamén o teu destino, se no canto de desprezar a dor que che procura a túa coherencia cristiá e todo o que a vida che manda, sabes aceptalo con amor, sabes transformalo en amor . Mentres poidas facer algo por superalo, faino. Onde no chegues: acepta, ofrece, ama.

22. E xa non envexarás a ninguén. Entón poderaste chamar seguidor de Cristo: Entón experimentarás que a cruz, expresión máxima do amor e do amor levado ata o extremo, é o camiño, xa desde esta terra, cara a unha alegría endexamais experimentada; a vida da túa alma comezará a crecer: o reino de Deus en ti adquirirá consistencia e fóra o mundo desaparecerá pouco a pouco dos teus ollos e parecerache de cartón.

23. «Se alguén me quere seguir, que renuncie a si mesmo, que cargue coa cruz de cada día, e que me siga»

24. E como Cristo, ao que seguiches, serás luz e amor para as innumerables chagas que desgarran á humanidade de hoxe

25. D a M i s a . . . Á M i s i ó n "TESTIGOS do SEÑOR" Plan Pastoral Diocesano 2008-09 Diocese de Santiago de Compostela