2. Panuto: Basahin ang tula sa ibaba at pagnilayan
ang kahalagahan ng pagsunod sa batas.
Kalikasan Ating Pananagutan
Ni: Jose T. Linsao, Jr.
Tayo ay sagana sa likas na yaman,
Dito ay marami tayong pakinabang,
Mga likas na yaman tugon sa pangangailangan,
Tayo ring mga tao ang may pananagutan.
3. Mga hayop sa paligid tirahan ay sinupin,
Mga puno at halaman dapat na mahalin,
Sapagkat kung ang mga ito ay uubusin,
Tayong tao ang walang kakainin.
4. Sa pagsunod sa batas ng ating kalikasan,
Ang pagmamalasakit at pagmamahalan
Wala ng iba pa ang may karapatan,
Kung hindi tayong tao para sa kinabukasan.
5. Mga Tanong:
1. Saan patungkol ang tula?
2. Sino ang tinutukoy sa tula na may
pananagutan sa kalikasan?
3. Bakit dapat sinupin at mahalin ang mga
hayop, puno at halaman?
4. Bakit dapat sumunod sa batas ng kalikasan?
5. Ibigay ang maikling aral sa tula.
6. Pagiging Matapat sa Pagsunod sa
Batas
Ang kalikasan ay biyaya sa atin ng Diyos. Ito’y
nilikha para sa ating kapakinabangan. Dapat lamang
na pangalagaan natin ito. Pasalamatan natin ang
Diyos at huwag abusuhin ang mga kaloob niya.
Ito ay maisasakatuparan sa pagsunod natin sa
mga batas tungkol sa pangangalaga sa ating
kalikasan.
7. Mga Batas Pambansa at Pandaigdig
tungkol sa Kalikasan
1. Batas Pambansa 7638 ( Department of Energy
Act of 1992 )
Ito ay ang pagtatatag ng Department of Energy
(DOE ). Layunin nitong isaayos,subaybayan at
isakatuparan ang mga plano at programa ng
pamahalaan sa eksplorasyon, pagpapaunlad at
konserbasyon ng enerhiya.
8. 2. RA 8749 o “ Philippine Clean Air Act “
Ang Philippine Clean Air Act ay naglalayong
panatilihing malinis at ligtas ang hanging
nilalanghap ng mga mamamayan.
Layon din nito na ipagbawal ng mga gawaing
nagpapadumi sa hangin.
Ayon sa batas na ito, mas kailangang bigyang-
pansin ang paghinto ng mga gawain na
nagpapadumi ng hangin.
9. Ang batas na ito ay nagsasaad din na hindi lamang
ang pamahalaan ang may katungkulan na
panatilihin ang linis ng hangin, kundi pati ang mga
pribadong mamamayan at mga pang-komersyal na
industriya ng bansa. Kasama sa batas na ito ang
pagpaplano ng mga pangmatagalang pamamaraan
upang epektibong mawaksi ang mga sanhi ng
maduming hangin at maghanap ng mga paraan
upang mabawasan ang polusyon sa hangin.
10. 3. RA 9275 o “ Philippine Clean Water Act “
Ang batas na ito ay bilang pagkilala sa kalinisan
ng tubig para sa mga mamamayan.
Layunin ng batas na ito na mapanatiling malinis
at ligtas ang tubig na ating ginagamit, pati na rin
ang mga katubigan. Nakasaad din dito na
kailangang pangalagaan ng mga mamamayan
ang ating katubigan.
Iwasang magtapon ng mga bagay na magiging
dahilan ng pagdumi ng tubig o polusyon sa tubig.
11. 4. RA 7586 (National Integrated Protected
Areas System Act of 1992 )
Ang batas na ito ay naglalayong protektahan
ang mga lugar na kinikilalang luklukan ng mga
hayop at halaman na may kaunting bilang na
lamang at nanganganib na mapuksa.
Ang batas na ito ay isinakatuparan bilang
pagkilala sa pangangailangang mapanatili ang
balanse ng ekolohiya at kalikasan.
12. Ito rin ay bilang paniniguro na matatamasa
pa ng susunod na henerasyon ang
kagandahan ng kapaligiran, sa harap ng
napakabilis na pagsulong ng modernisasyon
at teknolohiya.
13. 5. RA 9147 Wildlife Resources Conservation
and Protection Act
Konserbasyon at pagbibigay proteksyon sa
mga maiilap na hayop at ang kanilang habitat
upang mapanatili ang ecological diversity.
Pagkakaroon ng regulasyon sa pangongolekta
at pangangalakal ng mailap na hayop at
paglalaan ng pondo sa pananaliksik upang
mapanatili ang biological diversity ng bansa.
14. 6. RA 9003 ( Ecological Solid Waste
Management Act of 2000 )
Tamang paraan ng pangongolekta at
pagbubukod-bukod ng mga solid waste sa
mga barangay.
15. PANUTO : Iguhit sa patlang ang kung ang
pangungusap ay nagsasaad ng pangangalaga sa
kalikasan at kung hindi.
_________ 1. Patuloy na magtanim ng mga halaman
at punongkahoy lalo na sa tuwing magpuputol ng
punongkahoy, upang mapalitan ito ng bago.
_________ 2. Gumamit ng lambat na may malalaking
butas sa pangingisda upang maiwasang malambat
ang mga malilit na isda.
16. ____ 3. Pangalagaan ang anyong-tubig sa paligid
upang manatiling ligtas sa polusyon ang ating mga
katubigan.
____ 4. Makilahok sa mga taong nagkakaingin sa
kagubatan para lalo pang dumami ang mga puno sa
kagubatan.
____ 5. Pagpapahalaga at pagiging mapanagutan
sa likas-yaman ang dapat isaisip upang masilayan
pa ng susunod na henerasyon ang ating Inang
Kalikasan
17. Gawaing Bahay: Gumupit ng limang (5)
larawan na nagpapakita ng pagiging
mapagmahal sa kalikasan. Idikit ito sa
inyong kuwaderno.