5. FOLLAS
Persistentes, simples, alternas, de cor verde escura, de forma
oval-apuntada, de 5-15 cm de longo por 2-7 cm de ancho, con
peciolos de 1 cm.
6. FLORES
É unha especie dioica. As flores teñen forma de campá, son
carnosas e de cor amarela crara.
7. FROITOS
Drupas ovoides de cor amarela de
6-9 cm de lonxitude e un diámetro
de 3,5 a 5 cm. No interior hai unha
semente de cor púrpura-castaña
cuberta por un arilo ou codia
carnosa, de cor vermella.
8. CICLO E CULTIVO
A árbore ten unha velocidade de desenvolvemento media. Dende
a súa plantación poden pasar 8 anos de media ata que comece a
dar froitos. A árbore é lonxeva, podendo dar froitos, pasados os
40 anos, aínda que a produción diminúe notablemente. En plena
produción pode dar ata 2.000 froitos por árbore.
9. PRODUCIÓN
A produción mundial de noz moscada é dunhas 12.000 toneladas
ao ano e a de macís arredor de 2.000. Os principais produtores
son Indonesia e Granada seguidos da India, Singapur, as Antillas,
Papúa-Nova Guinea, algunhas illas caribeñas, Colombia, Brasil...
10. USOS
Semente (noz moscada): utilizada como especia en moitas das
culturas occidentais e orientais. É ingrediente indispensable na
fabricación de salchichas alemanas. Tamén ten usos farmacéuticos e
mediciñais, así como na industria do perfume.
A cuberta da semente (macis) tamén se emprega como especia.
Da árbore obtéñense aceites e manteigas.
macis
11. CURIOSIDADES
En doses moi altas a noz moscada pode resultar tóxica.
Funciona como un alucinóxeno e pode provocar danos
hepáticos, deshidratación e convulsións. Noutros tempos foi
empregada como abortivo.
12. ORIXE E HISTORIA
É orixinaria das islas Molucas, Indonesia.
Foi una especia moi valorada na Idade Media e o comercio
estaba dominado polos árabes. Incluso era empregada para
previr a peste.
A partir de finais do século XV o comercio foi controlado por
Portugal e a partir do XVII polos holandeses.
