1. Á ALCALDIA DE FERROL
JAVIER GALÁN PÉREZ, voceiro do grupo municipal de ESQUERDA
UNIDA , de confomidade co disposto no artigo 104 do Regulamento Orgánico
do Concello de Ferrol presenta a seguinte Moción ao obxecto de ser incluida na
orde do día do pleno ordinario e debatida no mesmo dacordo coa seguinte
EXPOSICIÓN DE MOTIVOS
No pleno muncipal do pasado mes, o Concello de Ferrol adheriuse ao
Convenio asinado polos ministerios de Economía e Competitividade, Sanidade
e Servizos Sociais, Fomento, Bancode España, a Federación Española de
Municipios e Provincias (FEMP), a Plataforma do Terceiro Sector (unha
entidade que agrupa ás ONGs institucionalizadas que viven fundamentalmente
dos Orzamentos Xerais do Estado e do das comunidades autónomas), as
patronais bancarias e 33 entidades de crédito, para o acceso a un parque de
vivendas desafiuzadas en alugueiro (Convenio para a constitución do Fondo
Social de Vivendas (FSV) destinadas ao aluguer).
Esta maniobra de propaganda política, un lavado de cara mediático e
insuficiente, representa dar máis alimento ás entidades finaceiras que xa foron
rescatadas polos cidadáns.
O grupo municipal de Esquerda Unida Ferrol votou en contra desa adhesión
con contundencia e coherencia, toda vez que non estamos dispostos a sufragar
de novo as débedas dos bancos e caixas, principais responsables xunto co
1

2. bipartidismo da crise sistémica que estamos a vivir. O rescate bancario foi o
golpe máis duro ao estado de benestar, supuxo aumento de impostos, recortes
sociais e un retroceso democrático de máis de trinta anos na nosa sociedade, e
este convenio non fai máis que afondar nun rescate infame. En Esquerda
Unida Ferrol non toleraremos máis rescates bancarios, e apostamos polo
rescate do cidadán, castigado con impostos, desemprego, desafiuzamentos e
supresión de servizos sociais asistenciais.
Polo exposto ,
Sometemos ao consideración do PLENO DO CONCELLO DE FERROL
A ADOPCIÓN DOS SEGUINTES ACORDOS
I.- Que as vivendas embargadas polas entidades financieras aos
cidadáns que as rescataron, sexan postas a disposición das Administracións
Locais.
II.- Que as Administracións Locais destinen esas vivendas a aliviar a
situación persoal de centos de familias que viven en situación de emerxencia
social, derivada da perda de empregos provocada pola crise do sistema
capitalista, responsabilidade das crueis e nefastas inversións bancarias no
ladrillo e dos partidos políticos que as consentiron.
III.- Que se recoñeca que son as entidades financeiras as que executan
desafiuzamentos, néganse ás dacións en pago e ao cambio dunha lexislación
inxusta e, agora, hipócritamente, preséntanse como adalides do cidadán cun
convenio que non é máis que un segundo rescate disfrazado de utilidade
social.
Ferrol, 22 de marzo de 2013
2

3. Voceiro municipal de Esquerda Unida
3