Malamulo a Chiyankhulo

1. Mitundu ya mayina

2. Dzina lamwinimwini
• Ili ndi dzina lomwe limagwiritsidwa ntchito
potchulira zinthu monga: dziko, mzinda, phiri,
nyanja ndi dzina la munthu. Polemba
mayinawa muziyamba ndi lembo lalikulu.
Zitsanzo
• Maliya, Zomba, Malawi, Mulanje, Shire.

3. Dzina lopanda mwinimwini
• Ili ndi dzina lomwe siliimira chinthu chimodzi
chokha koma chinthu chilichonse.
Zitsanzo
• therere, mtengo, mbalame, mwala, sukulu

4. Dzina la unyinji
• Ili ndi dzina lomwe limaimira gulu la zinthu
kapena anthu.
Zitsanzo
• khamu, khwimbi, phava, mulu, msambi

5. Dzina la chinthu chosakhudzika
• Ili ndi dzina lomwe limaimira chinthu chomwe
sitingathe kuchiona kapena kuchigwira.
Zitsanzo
• chisangalalo, umphawi, ukapolo, ufulu, ulesi,
nzeru

6. Dzina lachinthu chokhudzika
• Ili ndi dzina la chinthu chomwe tingathe
kuchiona kapena kuchigwira.
Zitsanzo
• nyanja, mphaka, kalulu, tanthwe