Chichewa Malamulo a chiyankhulo

1. Ntchito za maina

2. Kukhala mchitantchito (mwininkhani)
• Dzina limakhala mchitantchito ngati likugwira
ntchito m’chiganizo.
Zitsanzo
• Madalitso akuyendetsa galimoto.
• Abambo akulima.

3. Kukhala mchitidwantchito
(pamtherankhani)
• Dzina limakhala mchitidwantchito ngati
ntchito yachitikira pa ilo m’chiganizo. Mayina
omwe amakhala mchitidwantchito amagwira
ntchito zitatu zomwe ndi kukhala
mchitidwantchito wa chindunji, wopanda
chindunji ndi wamperekezi.

4. (a) Kukhala mchitidwantchito
wachindunji
• Dzina limakhala mchitidwantchito wachindunji
pamene ntchito ya mneni yachitikira pa ilo
molunjika.
Zitsanzo
• Mphatso akumweta udzu.
• Tikudya bwemba.
• Nasibeko waumba mphika.

5. (b) Kukhala mchitidwantchito
wopanda chindunji
• Dzina limakhala mchitidwantchito wopanda
chindunji pamene ntchito ya mneni
siinachitike pa ilo molunjika koma
langokhudzidwa chabe ndi ntchitoyo.
Zitsanzo
• Maliya walembera agogo kalata.
• Mphatso wagulira Mwayi pensulo.

6. (c) Kukhala mchitidwantchito wa
mperekezi
• Dzina limakhala mchitidwantchito wa
mperekezi pamene lili patsogolo pa mperekezi
m’chiganizo.
Zitsanzo
• Wandicheka ndi mpeni.
• Wapita kwa amalume.

7. Kukhala mtsirizitsi wa tanthauzo la
mneni
• Dzina limakhala mtsirizitsi wa tanthauzo la
mneni pamene likumalizitsa tanthauzo la
mneni kuti limveke bwino m’chiganizo.
Zitsanzo
• Mphunzitsiyo ndi katswiri.
• M’kalasi muli ophunzira ochepa.

8. Kukhala dzina loitanira
• Dzina limakhala loitanira pamene likusonyeza
za yemwe akuitanidwa pa nthawiyo.
Zitsanzo
• Chifundo, bwera kuno.
• Ananu, pitani kunyumba