Informacion sobre milladoiros

1. CEIP DE CERVO……………………………….……………………………………………………………………………………………… OUTUBRO 2014
UN MES DE MEDO EN BIBLIOCERVO
OS AMILLADOIROS
LENDA E TRADICIÓN
“Milladoiro da Cruz do Ferro”

2. CEIP DE CERVO……………………………….……………………………………………………………………………………………… OUTUBRO 2014
QUE SON OS AMILLADOIROS OU MILLADOIROS?
QUE LENDAS CIRCULAN AO SEU REDOR?
As pedras ocupan un lugar moi importante na mitoloxía e na cultura Galega de todos os tempos. Podemos atopar mostras desto, por exemplo, nas antiquísimas fontes de pedra esparcidas por toda Galicia.
Tamén se pode observar, a abundante colección de pedras e rochas da era megalítica ao longo de toda a antiga Gallaecia. Nos castros, menhires, dólmenes… Moitos deles venerados dende tempos remotos e algúns deles con tradicións aínda vivas a día de hoxe, como algunhas das que imos explicar.
Na Cultura Galaica existen, nas encrucilladas, amontoamentos de pedras, que reciben o nome de MILLADOIROS.
Unha das lendas explica a costume de depositar unha pedra neles e pedir un desexo. O feito de depositar unha pedra nun MILLADOIRO é signo de que non terás mala fortuna.
Existe un MILLADOIRO moi importante no Camiño de Santiago, preto da cidade, e que ten ao lado unha gran cruz de ferro, no Monte de San Marcos. É típico que os peregríns cando chegan a el, depositen alí unha pedra, pois iso lles asegura que rematarán o camiño sin problemas. Esa pedra tráena dende a súa orixe e outras veces cóllena antes de chegar ao MILLADOIRO.

3. CEIP DE CERVO……………………………….……………………………………………………………………………………………… OUTUBRO 2014
Estes MILLADOIROS, tamén chamados AMILLADOIROS, tradicionalmente, eran pedras funerarias. Suponse que cada pedra é unha alma redimida que non puido cumprir con algunha promesa que tiña feita. É por iso que, por exemplo, en Asturias, ninguén se atreve a darlles unha patada, ou en Guitiriz (Lugo) a tradición dicía que si se removían as pedras o Día de Difuntos ocorrían graves desgrazas na vila, polo cal ese día non se traballaba a terra.
Din algunhas lendas que se situaban nas encrucilladas porque crían que os “pactos co diaño” se levaban a cabo nestes lugares.
Podemos atopar MILLADOIROS en San Andrés de Teixido, no Monte de San Marcos, en Ames, en León, no Padornelo, en Zamora etc.
Outros estudos afirman que os MILLADOIROS se formaban nas encrucilladas posto que era costume que os camiñantes depositaran pedras xunto aos cruceiros que sinalaban mortes súpetas, crimes, desgrazas, etc.
Isto pretendía acougala alma do morto e que descansara en paz.
Milladoiro de San Andrés de Teixido

4. CEIP DE CERVO……………………………….……………………………………………………………………………………………… OUTUBRO 2014
“Indo para San Andrés seica me veu un agoiro, non puiden levar a pedra ao primeiro amilladoiro”
No caso dos AMILLADOIROS de San Andrés de Teixido, din as antigas tradicións, que no día do xuízo final as pedras serían testemuñas de quen cumplira co seu deber e promesa de visitar o santuario.
Cruceiro en Muxía
Amilladoiro en Cedeira (Alto da Capelada)